ធី ទ្រី

នាយកប្រតិបត្តិ/និពន្ធនាយក

ធី ទ្រី ជានាយកប្រតិបត្តិ/និពន្ធនាយកនៃអង្គការទិន្នន័យអំពីការអភិវឌ្ឍ (អូឌីស៊ី)។ លោកបានចូលបម្រើការងារជាសមាជិកក្រុមប្រឹក្សាភិបាលតាំងពីឆ្នាំ២០១១ និងបានបន្តក្លាយខ្លួនជាប្រធានក្រុមប្រឹក្សាភិបាលនៃអង្គការទិន្នន័យអំពីការអភិវឌ្ឍ។ ក្នុងនាមជានាយកប្រតិបត្តិ/និពន្ធនាយក លោកដើរតួនាទីយ៉ាងសំខាន់ ក្នុងការបង្កើនភាពដែលអាចទទួលបានព័ត៌មានជាសាធារណៈ ដែលមានលក្ខណៈជាប្រវត្តិសាស្ត្រ និងថ្មីៗ អំពីនិន្នាការអភិវឌ្ឍរបស់ប្រទេសកម្ពុជា នៅក្នុងវេទិកាអនឡាញ ដែលគេហៅថា “ទិន្នន័យបើកទូលាយ” ជាវេទិកាចងក្រងទិន្នន័យដែលមានស្រាប់ និងមិនគិតថ្លៃ ពីប្រភពសាធារណៈ។ មុនពេលចាប់ផ្តើមការងារជាមួយអង្គការអូឌីស៊ី លោកបានធ្វើការឱ្យ បណ្តាញផលប៉ះពាល់សង្គម និងបរិស្ថាន និស្សារណកម្មឧស្សាហកម្ម (EISEI) ក្នុងតួនាទីជាអ្នកសម្របសម្រួល នៅក្នុងអង្គការ ការអភិវឌ្ឍ និងភាពជាដៃគូក្នុងសកម្មភាព (DPA) អស់រយៈពេល៤ឆ្នាំ។ លោក មានបទពិសោធន៏ចំនួន២ឆ្នាំ ក្នុងតួនាទីជាអ្នកអង្កេតសិទ្ធិមនុស្ស ជាមួយអង្គការ អាដហុក និងបទពិសោធន៍ការងារ២ឆ្នាំផ្សេងទៀត ជាមួយនឹងក្រុមហ៊ុន ឥណ្ឌូឆាយណា លីមីតធីត (IRL) ដែលធ្វើលើការស្រាវជ្រាវសង្គម និងពាណិជ្ជកម្ម។ លើសពីនេះទៀត លោក ក៏បានទទួលការអប់រំ និងការបណ្តុះបណ្តាលនានា យ៉ាងច្រើនបន្ថែមទៀតដែរ។

ហេង ហ៊ុយអេង

អ្នកប្រឹក្សាផ្នែក ព័ត៌មានវិទ្យា/គេហទំព័រ

ហ៊ុយអេង បានបញ្ចប់ការសិក្សាថ្នាក់បរិញ្ញាបត្រលើជំនាញ ផ្នែកវិទ្យាសាស្ត្រកុំព្យូទ័រ ពីសាកលវិទ្យាល័យភូមិន្ទភ្នំពេញ (RUPP) និង ផ្នែកសិក្សាអន្តរជាតិ ពីវិទ្យាស្ថានភាសាបរទេស (IFL)។ នាង បានធ្វើការលើគម្រោងរបស់អង្គការទិន្នន័យអំពីការអភិវឌ្ឍ ចាប់តាំងពីគម្រោងនេះត្រូវបានបង្កើតឡើងដំបូងក្នុងឆ្នាំ២០១១។ ជាមួយនឹងបទពិសោធន៍ជាច្រើនឆ្នាំក្នុងការអភិវឌ្ឍបណ្ដាញគហទំព័រ នាងទទួល បន្ទុកដឹកនាំលើការអភិវឌ្ឍធនធានព័ត៌មានលើបណ្តាញ សម្រាប់សហគមន៍ការអភិវឌ្ឍរបស់ប្រទេសកម្ពុជា។ លើសពីនេះទៅទៀត នាងផ្តល់ការណែនាំ ត្រួតពិនិត្យ និងគ្រប់គ្រងរាល់ការងាររបស់ក្រុមព័ត៌មានវិទ្យា ដើម្បីធានាឱ្យបាននូវភាពត្រឹមត្រូវ និងសមត្ថភាពបច្ចេកទេស។ បន្ថែមពីនេះ នាងក៏បានផ្តល់ការណែនាំ និង ការគាំទ្របច្ចេកទេសដល់សមាជិកក្រុមការងារ ដើម្បីដោះស្រាយបញ្ហាបច្ចេកវិទ្យាផ្សេងៗផងដែរ។

សំអាន ម៉ារឌី

ប្រធានគ្រប់គ្រងផ្នែកព័ត៌មានវិទ្យា និងគេហទំព័រ

ទំនួលខុសត្រូវចំបងរបស់ម៉ារឌីគឺ គ្រប់គ្រង និងពិនិត្យជារួមទៅលើគេហទំព័រ និងប្រព័ន្ធបណ្តាញរបស់អូឌីស៊ី។ គាត់ទទួលខុសត្រូវក្នុងការចូលរួម និងការពិនិត្យតាមដានលើការអភិវឌ្ឍ និងតំហែទាំគេហទំព័ររបស់អូឌីស៊ី ដោយមានកិច្ចសហការពីសំណាក់ក្រុមការងារផ្នែកនានារបស់អូឌីស៊ី។ លើសពីនេះ គាត់ក៏មានទំនួលខុសត្រូវក្នុងការផ្តល់នូវការណែនាំ និងជំនួយបច្ចេកទេស ក៏ដូចជាកំណត់ បង្ការ និងកាត់បន្ថយហានិភ័យនៃបញ្ហាបច្ចេកវិទ្យានានានៅលើប្រព័ន្ធបណ្តាញ និងការអនុវត្តគម្រោងរបស់អូឌីស៊ី។

ម៉ារឌី ជានិស្សិតបញ្ចប់ការសិក្សាថ្នាក់បរិញ្ញាបត្រផ្នែកវិទ្យាសាស្ត្រកុំព្យូទ័រពីវិទ្យាស្ថានបច្ចេកវិទ្យាកម្ពុជា និងបរិញ្ញាបត្រអក្សរសាស្ត្រភាសាអង់គ្លេសផ្នែកអប់រំពីវិទ្យាស្ថានភាសាបរទេស ។

ទ្រី ប៊ុនហេង

មន្ត្រីផ្នែកព័ត៌មានវិទ្យា និងអភិវឌ្ឍគេហទំព័រ

ប៊ុនហេង គឺជាមន្ត្រីផ្នែកព័ត៌មានវិទ្យា និងអភិវឌ្ឍគេហទំព័រ នៅអង្គការទិន្នន័យអំពីការអភិវឌ្ឍ (អូឌីស៊ី)។ កាតព្វកិច្ចសំខាន់របស់គាត់គឺការអភិវឌ្ឍវេទិកាឌីជីថលរបស់អូឌីស៊ី ដើម្បីធានាថាវានៅតែមានប្រសិទ្ធភាពល្អ បច្ចុប្បន្នភាពសុវត្ថិភាពខ្ពស់ និងផ្តល់បទពិសោធន៍ល្អទៅអ្នកប្រើប្រាស់។

គាត់ក៏មានតួនាទីត្រួតពិនិត្យព័ត៌មានវិភាគយ៉ាងប្រុងប្រយ័ត្ន និងផ្តោតលើការអភិវឌ្ឍផ្នែកខាងក្រោយ និងផ្នែកខាងមុខរបស់គេហទំព័រជាមួយនឹងការធ្វើឯកសារយ៉ាងលម្អិត ដើម្បីជំរុញប្រតិបត្តិការឌីជីថលឱ្យរលូន។

គួច ឡាយហេង

បណ្ណាធិការ-អ្នកស្រាវជ្រាវជាន់ខ្ពស់/ប្រធានគ្រប់គ្រង

ឡាយហេង គឺជាបណ្ណាធិការ-អ្នកស្រាវជ្រាវជាន់ខ្ពស់/ប្រធានគ្រប់គ្រង នៅអង្គការទិន្នន័យអំពីការអភិវឌ្ឍ (អូឌីស៊ី)។ ការងារចម្បងរបស់គាត់រួមមាន ការស្រាវជ្រាវ និងការអភិវឌ្ឍខ្លឹមសារ ការសម្របសម្រួលកម្មវិធី ការរៀបចំសំណើគម្រោង ព្រមទាំងការកសាងភាពជាដៃគូយុទ្ធសាស្ត្រ និងការតំណាងស្ថាប័ន។ មុនពេលចូលបម្រើការងារនៅអូឌីស៊ី គាត់ក៏មានបទពិសោធន៍ក្នុងការគ្រប់គ្រងគម្រោងជាមួយភាគីពាក់ព័ន្ធទាំងថ្នាក់ជាតិ និងអន្តរជាតិ និងការដឹកនាំគម្រោងស្រាវជ្រាវដោយផ្អែកលើទិន្នន័យ ដើម្បីគាំទ្រដល់ការសម្រេចចិត្ត។

ឡាយហេង បានបញ្ចប់ការសិក្សាថ្នាក់អនុបណ្ឌិត ផ្នែកគោលនយោបាយអភិវឌ្ឍន៍សកល ពី Palacký University Olomouc (ប្រទេសឆែក) University of Clermont Auvergne (ប្រទេសបារាំង) និង University of Pavia (ប្រទេសអ៊ីតាលី)។ គាត់ក៏មានសញ្ញាបត្របរិញ្ញាបត្រចំនួនពីរលើផ្នែកសេដ្ឋកិច្ចអន្តរជាតិ និងផ្នែកអប់រំ ពីសាកលវិទ្យាល័យភូមិន្ទភ្នំពេញ (ប្រទេសកម្ពុជា)។

សុខ សៀកហ្គិច

មន្ត្រីគ្រប់គ្រងធនធានធម្មជាតិ

ហ្គិច គឺជាមន្ត្រីគ្រប់គ្រងធនធានធម្មជាតិ នៅអង្គការទិន្នន័យអំពីការអភិវឌ្ឍ (អូឌីស៊ី)។ ការងារចម្បងរបស់គាត់រួមមាន ការគាំទ្រដល់ការសម្របសម្រួល និងការអនុវត្តគម្រោងគ្រប់គ្រងធនធានធម្មជាតិរបស់អូឌីស៊ី ព្រមទាំងការធ្វើការងារយ៉ាងជិតស្និទ្ធជាមួយដៃគូអនុវត្ត និងភាគីពាក់ព័ន្ធនានា។ តាមរយៈការងាររបស់គាត់ គាត់ចង់លើកកម្ពស់អភិបាលកិច្ចបរិស្ថាន ជំរុញការធ្វើសេចក្តីសម្រេចចិត្តដោយផ្អែកលើភស្តុតាង និងគាំទ្រដល់ការគ្រប់គ្រងធនធានធម្មជាតិប្រកបដោយនិរន្តរភាពនៅក្នុងប្រទេសកម្ពុជា។

ហ្គិច បានបញ្ចប់ការសិក្សាថ្នាក់អនុបណ្ឌិត ផ្នែកការអភិរក្ស និងការគ្រប់គ្រងជីវចម្រុះ ពីសាកលវិទ្យាល័យ Oxford នៅចក្រភពអង់គ្លេស និងបរិញ្ញាបត្រវិទ្យាសាស្ត្រ ផ្នែកជីវវិទ្យាបរិស្ថាន ពី Beloit College នៅសហរដ្ឋអាមេរិក។ មុនចូលបម្រើការងារនៅអូឌីស៊ី គាត់គឺជាអ្នកវិភាគខាងផ្នែកបរិស្ថាន នៅអង្គការយូណេស្កូកម្ពុជា (UNESCO Cambodia)។

អ៊ួន វិមល

ប្រធានគ្រប់គ្រងកម្មវិធី និងភាពជាដៃគូ

វិមល ជាប្រធានគ្រប់គ្រងកម្មវិធី និងភាពជាដៃគូ នៅអង្គការទិន្នន័យអំពីការអភិវឌ្ឍ (អូឌីស៊ី)។ នាងជាអ្នកផ្តល់នូវយុទ្ធសាស្ត្រក្នុងការត្រួតពិនិត្យ និងការគ្រប់គ្រងសម្រាប់គម្រោងការច្នៃប្រឌិតថ្មីសម្រាប់គណនេយ្យភាពសង្គមនៅក្នុងប្រទេសកម្ពុជា (ISAC) និងចូលរួមក្នុងការស្រាវជ្រាវសម្រាប់បង្កើតជាមាតិកានៅលើគេហទំព័រអូឌីស៊ី ព្រមទាំងសម្របសម្រួលលើគ្រប់ផ្នែកនៃគម្រោងការច្នៃប្រឌិតថ្មីសម្រាប់គណនេយ្យភាពសង្គមនៅក្នុងប្រទេសកម្ពុជា (ISAC)។ នាងក៏ទទួលខុសត្រូវផងដែរក្នុងការបង្កើតកម្មវិធីបណ្តុះបណ្តាល និងផ្តល់ការបណ្តុះបណ្តាលក្រុមគោលដៅអំពីរបៀបប្រើប្រាស់គេហទំព័រអូឌីស៊ី។

នាងបញ្ចប់ការសិក្សាជាមួយបរិញ្ញាបត្រពីរ ផ្នែកការអភិវឌ្ឍសេដ្ឋកិច្ច និងភាសាអង់គ្លេសសម្រាប់ការបកប្រែ និងអនុបណ្ឌិត ផ្នែកបរិស្ថាន ការអភិវឌ្ឍ និងនិរន្តរភាព ពីសាកលវិទ្យាល័យជូឡាឡុងកន។ មុនមកបម្រើការងារនៅអូឌីស៊ី នាងគឺជាជំនួយការកម្មវិធីនៅ វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) និងជាជំនួយការនាយកគ្រប់គ្រងក្រុមហ៊ុនឯកជន។

វេនលីង (អេមី) ឡៃ

សហការីកម្មវិធី និងយុទ្ធសាស្ត្រ

អេមី បានចូលរួមជាមួយអូឌីស៊ី ក្នុងខែតុលា ឆ្នាំ២០២៥ ក្នុងនាមជាសហការីកម្មវិធី និងយុទ្ធសាស្ត្រ។ គាត់ផ្តល់ការប្រឹក្សាយោបល់ផ្នែកយុទ្ធសាស្ត្រ និងការអភិវឌ្ឍគម្រោង ព្រមទាំងរួមចំណែកដល់ការសិក្សាស្រាវជ្រាវ និងការរៀបចំសេចក្តីព្រាងសំណើរគម្រោង និងរបាយការណ៍សម្រាប់ម្ចាស់ជំនួយ។ ជាអ្នកស្រាវជ្រាវផ្នែកសិទ្ធិមនុស្ស គាត់ផ្តោតលើគោលនយោបាយសិទ្ធិជ្រកកោនរបស់សហភាពអឺរ៉ុប និងការរំលោភសិទ្ធិមនុស្សនៅអាស៊ីអាគ្នេយ៍ និងបរិបទពិភពលោកផ្សេងទៀត។ គាត់ទទួលបានសញ្ញាបត្រអនុបណ្ឌិតផ្នែកទំនាក់ទំនងអន្តរជាតិពីសាកលវិទ្យាល័យ Jean Moulin (Lyon III) ជាមួយនឹងជំនាញផ្នែកភាសាបារាំង យុទ្ធសាស្ត្រ និងទំនាក់ទំនងអន្តរជាតិ។

វង្ស ព្រហ្មនា

មន្ត្រីគម្រោង

ព្រហ្មនា គឺជាមន្ត្រីកម្មវិធីនៅអង្គការទិន្នន័យអំពីការអភិវឌ្ឍ (អូឌីស៊ី)។ លោកទទួលខុសត្រូវលើការសម្របសម្រួលការអនុវត្តគំនិតផ្ដួចផ្ដើមឌីជីថលមួយចំនួនរបស់អូឌីស៊ី រួមមានការងារលើអំពើហិង្សាទាក់ទងនឹងយេនឌ័រសម្របសម្រួលដោយបច្ចេកវិទ្យា អក្ខរកម្មប្រព័ន្ធផ្សព្វផ្សាយ និងព័ត៌មាន និងសុវត្ថិភាពតាមប្រព័ន្ធអនឡាញសម្រាប់កុមារ ព្រមទាំងសកម្មភាពផ្សេងៗទៀត។ លោកមានចំណាប់អារម្មណ៍ខ្លាំងទៅលើសុវត្ថិភាពតាមប្រព័ន្ធអនឡាញ ឯកជនភាព និងការការពារទិន្នន័យ អភិបាលកិច្ចឌីជីថល និងការពង្រឹងអំណាចយុវជន។

ព្រហ្មនាបានបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិ និងរដ្ឋបាលសាធារណៈ។ ក្នុងរយៈពេលប៉ុន្មានឆ្នាំកន្លងមកនេះ លោកមានបទពិសោធន៍ការងារនៅក្នុងការអនុវត្ត និងការសរសេរគម្រោង ការស្រាវជ្រាវគោលនយោបាយ ការគ្រប់គ្រងការផ្ដល់ជំនួយ ការសម្របសម្រួលសិក្ខាសាលា ការគ្រប់គ្រងជំនួយថវិកា និងការចូលរួមរបស់យុវជន។

ឡុង ម៉ាឡែន

អ្នកប្រតិបត្ដិការបច្ចេកទេសថ្នាក់មូលដ្ឋាន

ម៉ាឡែន គឺជាអ្នកប្រតិបត្ដិការបច្ចេកទេសថ្នាក់មូលដ្ឋាន នៅអង្គការទិន្នន័យអំពីការអភិវឌ្ឍ (អូឌីស៊ី)។ លោកមានតួនាទីចម្បងក្នុងការគ្រប់គ្រងបណ្ដាញផ្ដល់ជំនួយរបស់គម្រោង Digi-Fem ដែលត្រូវបានផ្ដួចផ្ដើមឡើងដើម្បីផ្ដល់ជំនួយបច្ចេកទេសដល់ជនរងគ្រោះនៃអំពើហិង្សាទាក់ទងនឹងយេនឌ័រសម្របសម្រួលដោយបច្ចេកវិទ្យា (TFGBV) នៅប្រទេសកម្ពុជា។ លោកទទួលខុសត្រូវលើការឆ្លើយតបចំពោះសំណើជំនួយបច្ចេកទេស និងកត់ត្រាករណីអំពើហិង្សាទាំងនោះនៅក្នុងមូលដ្ឋានទិន្នន័យ ដោយគោរពតាមវិធីសាស្ដ្រផ្ដោតលើជនរងគ្រោះជាគោល និងគោលការណ៍ពាក់ព័ន្ធមួយចំនួន ដើម្បីធានានូវសុវត្ថិភាពជូនជនរងគ្រោះ។ ក្នុងតួនាទីនេះ លោកក៏តំណាងឱ្យអូឌីស៊ីក្នុងការអនុវត្តសកម្មភាពផ្សព្វផ្សាយអំពីបណ្ដាញផ្ដល់ជំនួយរបស់គម្រោង ដើម្បីឱ្យក្រុមគោលដៅអាចទទួលបានសេវាកម្មនេះកាន់តែទូលំទូលាយ ព្រមទាំងសហការជាមួយក្រុមការងារគម្រោងក្នុងការផលិតរបាយការណ៍ប្រចាំឆ្នាំ និងផ្តល់សិទ្ធិឱ្យដៃគូសហការចូលទៅប្រើប្រាស់មូលដ្ឋានទិន្នន័យ TFGBV។

ក្នុងនាមជាអ្នកប្ដូរយេនឌ័រពីស្ដ្រីមកបុរសនៃសហគមន៍អ្នកស្រឡាញ់ភេទដូចគ្នា ម៉ាឡែនបានបញ្ចប់ការសិក្សាថ្នាក់បរិញ្ញាបត្រផ្នែកច្បាប់នៅសាកលវិទ្យាល័យបញ្ញាសាស្ដ្រកម្ពុជា។ លោកមានបទពិសោធន៍ការងារពីមុនលើការប្រមូលទិន្នន័យ ការសម្របសម្រួលផ្តល់ការគាំទ្រដល់ក្រុមគោលដៅ ការសម្របសម្រួលសហគមន៍ និងការតស៊ូមតិផ្អែកលើសិទ្ធិមនុស្សសម្រាប់ស្ត្រី និងក្រុមងាយរងគ្រោះ។

សួស ធីតា

មន្ដ្រីផ្នែកទំនាក់ទំនង

ធីតា បានចូលបម្រើការងារនៅអង្គការទិន្នន័យអំពីការអភិវឌ្ឍ (អូឌីស៊ី) ជាមន្ត្រីផ្នែកទំនាក់ទំនង ដែលគាំទ្រសកម្មភាពបណ្តុះបណ្តាលលើចំណេះដឹងផ្នែកប្រព័ន្ធផ្សព្វផ្សាយ។ គាត់ក៏ទទួលខុសត្រូវក្នុងការអភិវឌ្ឍ ការបង្កើតខ្លឹមសារ/មាតិកាបណ្ដាញសង្គម និងការផ្សព្វផ្សាយប្រព័ន្ធផ្សព្វផ្សាយ និងចូលរួមចំណែកក្នុងការរចនាសម្ភារៈទំនាក់ទំនងតាមទម្រង់អនឡាញ និងបោះពុម្ពផងដែរ។

ធីតាបានបញ្ចប់ថ្នាក់បរិញ្ញាបត្រផ្នែកគ្រប់គ្រងប្រព័ន្ធផ្សព្វផ្សាយពីដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ និងសេដ្ឋកិច្ចអន្តរជាតិពីវិទ្យាស្ថានសិក្សាអន្តរជាតិ និងគោលនយោបាយសាធារណៈ នៅសាកលវិទ្យាល័យភូមិន្ទភ្នំពេញ។ មុនពេលចូលបម្រើការងារនៅអូឌីស៊ី គាត់ទទួលបានបទពិសោធន៍ការងារជាមន្ត្រីទំនាក់ទំនងជាមួយអង្គការមិនមែនរដ្ឋាភិបាល និងជាអ្នកសារព័ត៌មានឯករាជ្យសម្រាប់ស្ថាប័នសារព័ត៌មានផងដែរ។

ឡុច កល្យាណ

អ្នកស្រាវជ្រាវទិន្នន័យ និងឯកទេសប្រព័ន្ធព័ត៌មានភូមិសាស្ត្រ (GIS)

កល្យាណ គឺជាអ្នកស្រាវជ្រាវទិន្នន័យ និងឯកទេសប្រព័ន្ធព័ត៌មានភូមិសាស្ត្រ (GIS) នៅអង្គការទិន្នន័យអំពីការអភិវឌ្ឍ។ លោកធ្លាប់បានធ្វើការជាមួយគម្រោងអង្គការទិន្នន័យអំពីការអភិវឌ្ឍ ចាប់តាំងពីគម្រោងត្រូវបានបង្កើតឡើងជាលើកដំបូងនៅក្នុងឆ្នាំ ២០១១ រហូតដល់ឆ្នាំ ២០១៥។ ក្រោយមកលោកបានដើរតួជាអ្នកដឹកនាំបច្ចេកទេសក្នុងគម្រោងព័ត៌មានភូមិសាស្ត្រនៃប្រព័ន្ធ GPS Navigation នៅក្នុងវិស័យឯកជន។ លោកបានចូលបម្រើការងារជាថ្មីជាមួយអង្គការទិន្នន័យអំពីការអភិវឌ្ឍនៅក្នុងឆ្នាំ ២០១៩។

លោកទទួលបន្ទុកដឹកនាំក្រុមក្នុងគ្រប់សកម្មភាពស្រាវជ្រាវទាក់ទងទៅនឹងទិន្នន័យដោយផ្តោតលើការ ប្រមូលផ្តុំ រៀបចំ និងបង្ហាញទិន្នន័យអំពីទីតាំងជាក់លាក់មួយនៅក្នុងទម្រង់ជាឌីជីថល។ លោកក៏ប្រើបច្ចេកវិទ្យា ប្រព័ន្ធព័ត៌មានភូមិសាស្ត្រ ដើម្បីចងក្រង រក្សាទុក និងធ្វើបច្ចុប្បន្នភាពព័ត៌មានពីប្រភពផ្សេងៗគ្នាសម្រាប់ការប្រើប្រាស់ជាសាធារណៈ និងធានាថាទិន្នន័យនៅលើគ្រប់ប្រធានបទទាំងអស់មានលក្ខណៈពេញលេញត្រឹមត្រូវ និងមានបច្ចុប្បន្នភាព។ លោកបានបញ្ចប់ថ្នាក់វិទ្យាល័យដោយមានការអនុញ្ញាតក្នុងការបញ្ចប់ការសិក្សាមុនអាយុ និងទទួលបានអាហារូបករណ៍ពីរាជរដ្ឋាភិបាលកម្ពុជាបន្តបរិញ្ញាបត្រជំនាញផ្នែករៀបចំដែនដី និងរដ្ឋបាលដីធ្លី ដោយជោគជ័យក្នុងឆ្នាំ២០១១ និងបានបញ្ចប់ថ្នាក់អនុបណ្ឌិត ជំនាញគ្រប់គ្រងធនធានធម្មជាតិនៃសាកលវិទ្យាល័យភូមិន្ទកសិកម្ម (RUA) ក្នុងឆ្នាំ២០២០។

រ័ត្ន សារ៉ាត់

មន្ត្រីជាន់ខ្ពស់ផ្នែកហិរញ្ញវត្ថុ និង រដ្ឋបាល

តម្លាភាព គណនេយ្យភាព នឹង ភាពស្មោះត្រង់ គឺជាគុណតម្លៃរបស់ សារ៉ាត់។ មានតួនាទីមន្ត្រីជាន់ខ្ពស់ផ្នែកហិរញ្ញវត្ថុ និង រដ្ឋបាលនៅ អូឌីស៊ី សារ៉ាត់ធ្វើការសហការណ៍យ៉ាងជិតស្និតជាមួយក្រុមការងារទាំងអស់ ដើម្បីផលិតអោយបាន នូវសមិទ្ធផលដូចជា៖ ទី១ធានាថារាល់ឯកសារចំណូល ចំណាយទាំងអស់ពិតជាត្រឹមត្រូវតាមច្បាប់គណនេយ្យ និង គោលការណ៍របស់ស្ថាប័ន នឹង ធ្វើការទូទាត់រាល់ការចំណាយទាំងនោះអោយបានទាន់ពេលវេលា។ ទី២ ធ្វើការកត់ត្រារាល់ការចំណាយទាំងអស់ក្នុងប្រព័ន្ធគណនេយ្យអោយត្រឹមតាមខ្ទង់នីមួយៗ នឹងផលិតរបាយការណ័ហិរញ្ញវត្ថុអោយបានត្រឹមត្រូ ទាន់ពេលវេលា។ ធ្វើការសហការណ៍ជាមួយអ្នកពាក់ព័ន្ធផ្សេងៗ ដូចជា មន្ត្រីពន្ធដា, មន្ត្រីរបបសន្ដិសុខសង្គម, មន្ត្រីមន្ទីរការងារ, បុគ្គលិកអង្គការ ក៏ដូចជាក្រុមហ៊ុនឯកជនផ្សេងៗ ដើម្បីអនុវត្តកាតាព្វកិច្ចច្បាប់ពន្ធ និងរក្សាបានអត្ថប្រយោជន៍របស់បុគ្គលិក ស្របតាមច្បាប់ការងាររបស់ព្រះរាជាណាចក្រកម្ពុជា។

សារ៉ាត់បានបញ្ចប់ថ្នាក់អនុបណ្ឌិតផ្នែកហិរញ្ញវត្ថុ ពីសាកលវិទ្យាល័យជាតិគ្រប់គ្រង (NUM) ក្នុងឆ្នាំ២០១៩។ មុនពេលចូលបម្រើការងារនៅអូឌីស៊ី សារ៉ាត់មានបទពិសោធន៍ ១០ ឆ្នាំមកហើយលើការងារផ្នែកហិរញ្ញវត្ថុ និងរដ្ឋបាលជាមួយអង្គការមិនមែនរដ្ឋាភិបាលក្នុងស្រុកនិងអន្តរជាតិ។

សៀង ផល្លា

មន្ត្រីហិរញ្ញវត្ថុ និងរដ្ឋបាល

ផល្លា បានចូលបម្រើការងារនៅអង្គការទិន្នន័យអំពីការអភិវឌ្ឍ (អូឌីស៊ី) ជាមន្ត្រីហិរញ្ញវត្ថុ និងរដ្ឋបាល។ ផល្លា ទទួលបន្ទុកការងារគាំទ្រប្រតិបត្តិការទូទៅក្នុងការិយាល័យ និងធានាថារាល់ការចំណាយទាំងអស់អនុលោមទៅតាមគោលនយោបាយរបស់អង្គការ និងបទប្បញ្ញត្តិរដ្ឋាភិបាល ប្រកបដោយតម្លាភាព និងភាពទទួលខុសត្រូវ។

ផល្លាបានបញ្ចប់ថ្នាក់អនុបណ្ឌិតផ្នែករដ្ឋបាលពាណិជ្ជកម្ម ពីសាកលវិទ្យល័យន័រតុន ហើយមានបទពិសោធន៍ជាច្រើនឆ្នាំផ្នែកហិរញ្ញវត្ថុ និងរដ្ឋបាល នៅអង្គការមិនមែនរដ្ឋាភិបាលក្នុងស្រុក និងអន្តរជាតិ ព្រមទាំងក្រុមហ៊ុនឯកជនផងដែរ។

លៀង គីមហួយ

បុគ្គលិកផ្នែកអនាម័យការិយាល័យ

បងស្រីគីមហួយមានទំនួលខុសត្រូវជាចម្បងក្នុងការថែរក្សាឱ្យបាននូវបរិស្ថានស្អាត អនាម័យ និងមានរបៀបរៀបរយនៅក្នុងការិយាល័យអូឌីស៊ី។ គាត់ក៏ទទួលខុសត្រូវរៀបចំភេសជ្ជៈ និងអាហារសម្រន់សម្រាប់ភ្ញៀវ និងបុគ្គលិកតាមតម្រូវការក្នុងពេលប្រជុំ វគ្គបណ្តុះបណ្តាល និងសិក្ខាសាលា ព្រមទាំងមើលថែទាំរាល់សម្ភារៈផ្ទះបាយ។ មុនចូលបម្រើការងារនៅអូឌីស៊ី បងគីមហួយធ្លាប់បម្រើការជាអ្នករៀបចំអាហារនៅក្រុមហ៊ុនអាកាសចរណ៍បាយ័នអ៊ែរឡាញរយៈពេលប្រាំពីរឆ្នាំ។

<\/p><\/body><\/html>\n","protected":false},"excerpt":{"rendered":"","protected":false},"author":3,"featured_media":0,"parent":55979,"menu_order":0,"comment_status":"open","ping_status":"open","template":"","meta":{"_exactmetrics_skip_tracking":false,"footnotes":""},"class_list":["post-57437","page","type-page","status-publish","hentry","language-english","language-khmer"],"aioseo_notices":[],"aioseo_head":"\n\t\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t

ធី ទ្រី

នាយកប្រតិបត្តិ/និពន្ធនាយក

ហេង ហ៊ុយអេង

​​អ្នក​ប្រឹក្សា​ផ្នែក ព័​ត៌​មាន​វិទ្យា/គេហទំព័រ

សំអាន ម៉ារឌី

ប្រធានគ្រប់គ្រងផ្នែកព័ត៌មានវិទ្យា និងគេហទំព័រ

ទ្រី ប៊ុនហេង

មន្ត្រីផ្នែកព័ត៌មានវិទ្យា និងអភិវឌ្ឍគេហទំព័រ

គួ​ច​ ឡាយ​ហេង​

​​បណ្ណាធិការ-អ្នកស្រាវជ្រាវជាន់ខ្ពស់/ប្រធានគ្រប់គ្រង

សុខ​ សៀ​ក​ហ្គិ​ច​

​មន្ត្រី​គ្រប់គ្រង​ធនធានធម្មជាតិ​

អ៊ួន វិមល

ប្រធាន​គ្រប់គ្រង​កម្មវិធី​ និង​ភាព​ជា​ដៃគូ​

វេនលីង (អេមី) ឡៃ

សហការីកម្មវិធី និងយុទ្ធសាស្ត្រ

វង្ស​ ព្រហ្ម​នា​

​មន្ត្រី​គម្រោង​

ឡុ​ង​ ម៉ា​ឡែ​ន​

​អ្នក​ប្រតិបត្ដិការ​បច្ចេកទេស​ថ្នាក់​មូលដ្ឋាន​

សួ​ស​ ធីតា​

​មន្ដ្រីផ្នែក​ទំនាក់ទំនង​