![](\"https:\/\/opendevelopmentcambodia.net\/wp-content\/uploads\/sites\/2\/2017\/07\/11390189_899722106752041_7571331877228484731_n.jpg\")
ក្រុមការងារគម្រោងកិច្ចផ្តួចផ្តើមទិន្នន័យបើកទូលាយអំពីការអភិវឌ្ឍបានចូលរួមមេគង្គអាយស៊ីធីខែម ឆ្នាំ២០១៥។<\/p><\/div>
មេគង្គអាយស៊ីធីខែម គឺជាសិក្ខាសាលាអនុតំបន់ដែលប្រព្រឹត្តឡើងរៀងរាល់២ឆ្នាំម្តង ស្តីពីការច្នៃប្រឌិត ភាពជាពលរដ្ឋ និងបច្ចេកវិទ្យា។ សកម្មភាពបន្តបន្ទាប់គ្នានានានៅក្នុងរយៈពេលមួយសប្តាហ៍នៃការជួបជុំនេះ នឹងនាំភាគីពាក់ព័ន្ធជាច្រើននៅក្នុងតំបន់រៀនសូត្រជាមួយគ្នាពីលទ្ធភាពនៅក្នុងការសម្របខ្លួនទៅនឹងបច្ចេកវិទ្យាផ្សេងៗ ដើម្បីដោះស្រាយបញ្ហាសង្គម និងបរិស្ថាននៅក្នុងសហគមន៍របស់ពួកគេ និងបញ្ហាដែលឆ្លងព្រំដែន។<\/p>
សិក្ខាសាលាចំនួនបួន (នៅឆ្នាំ២០០៨ ២០១០ ២០១៣ និង២០១៥) ត្រូវបានរៀបចំឡើងដោយជោគជ័យ ដែលផ្តោតលើប្រធានបទសំខាន់ៗចំនួនបីគឺ ការអនុវត្តការច្នៃប្រឌិត ការចូលរួមរបស់ពលរដ្ឋនៅក្នុងអភិបាលកិច្ច និងហេដ្ឋារចនាសម្ព័ន្ធបច្ចេកវិទ្យា។ បន្ទាប់ពីទទួលបានភាពជោគជ័យអស់រយៈពេលជាច្រើនឆ្នាំនៅក្នុងប្រទេសថៃ មេគង្គអាយស៊ីធីខែមលើកទី៥ នឹងប្រព្រឹត្តទៅចាប់ពីថ្ងៃទី០៤ ដល់ថ្ងៃទី០៩ ខែកញ្ញា ឆ្នាំ២០១៧ ប្រកបដោយមោទនភាព នៅខេត្តសៀមរាបនៃព្រះរាជាណាចក្រកម្ពុជា។<\/p>
ក្រឡែកទៅមើលមេគង្គអាយស៊ីធីខែមលើកទី៣ នៅឆ្នាំ២០១៣ ក្រុមការងាររបស់អង្គការទិន្នន័យអំពីការអភិវឌ្ឍ (អូឌីស៊ី) ត្រូវបានអញ្ជើញឱ្យចូលរួមធ្វើបទបង្ហាញស្តីពី “ទិន្នន័យបើកទូលាយ ការអភិវឌ្ឍសង្គម និងការអនុវត្តការយល់ដឹង” នៅក្នុងប្រទេសថៃ។ បន្ថែមពីនេះ នៅក្នុងឆ្នាំ២០១៥ ក្រុមការងាររបស់អង្គការទិន្នន័យអំពីការអភិវឌ្ឍ (អូឌីស៊ី)បានចូលរួមសិក្ខាសាលាម្តងទៀតនៅក្នុងប្រទេសថៃ ក្នុងនាមជាអ្នកសម្របសម្រួល និងវាគ្មិននៅក្នុងកម្មវិធី។ ដោយឡែកនៅក្នុងឆ្នាំនេះ អង្គការអូឌីស៊ីមានកិត្តិយសធ្វើជាម្ចាស់ផ្ទះរៀបចំសិក្ខាសាលា ដែលមានតួនាទីជាគណៈកម្មការប្រឹក្សាយោបល់ និងវាគ្មិនក្នុងកម្មវិធី អ្នករៀបចំកម្មវិធីសិក្សា និងអ្នកគាំទ្រការរៀបចំភស្តុភារ។<\/p>
![\"ODC's](\"https:\/\/opendevelopmentcambodia.net\/wp-content\/uploads\/sites\/2\/2013\/05\/ODCs-Project-Manager-Terry-Parnell-at-Mekong-ICT-Camp_Thailand.jpg\")
Terry Parnell ប្រធានគម្រោងកិច្ចផ្តួចផ្តើមទិន្នន័យបើកទូលាយអំពីការអភិវឌ្ឍ ចូលរួមក្នុងមេគង្គអាយស៊ីធីខែម ឆ្នាំ២០១៣ នៅប្រទេសថៃ។<\/p><\/div>
![](\"https:\/\/opendevelopmentcambodia.net\/wp-content\/uploads\/sites\/2\/2017\/07\/11424444_987304227970862_7213685361729512057_n.jpg\")
លោក ធី ទ្រី នាយកប្រតិបត្តិរបស់អង្គការអូឌីស៊ី មានទឹកចិត្តសប្បាយរីករាយក្នុងការចូលរួមកម្មវិធីមេគង្គអាយស៊ីធីឆ្នាំ២០១៥ ជាមួយអ្នកចូលរួមដទៃទៀត។<\/p><\/div>
សិក្ខាសាលានៅឆ្នាំនេះនឹងផ្តោតសំខាន់ទៅលើគម្រោងអភិវឌ្ឍន៍នៅក្នុងបណ្តាប្រទេសទន្លេមេគង្គ ដោយផ្តល់នូវដំណោះស្រាយសម្រាប់បញ្ហាទិន្នន័យ និងបច្ចេកវិទ្យាទាក់ទងនឹងបញ្ហាដូចជា:<\/p>
- ផលប៉ះពាល់បរិស្ថាន និងសង្គមរបស់គម្រោងអភិវឌ្ឍន៍នានាដូចជា ទំនប់ រ៉ែ ប្រេងនិងឧស្ម័ន ការសាងសង់ផ្លូវ ឬសម្បទានដី<\/li>
- ការកាត់បន្ថយហានិភ័យនៃគ្រោះមហន្តរាយ និងការបន្ស៊ាំទៅនឹងការប្រែប្រួលអាកាសធាតុ<\/li>
- សុខភាព ការអប់រំ សិទ្ធិមនុស្ស និងបញ្ហាផ្សេងៗទៀត<\/li><\/ul>
សិក្ខាសាលានេះត្រូវបានបើកសម្រាប់ស្ថាបនិក អ្នកសារព័ត៌មាន បុគ្គលិកផ្នែកអភិវឌ្ឍន៍ និងបុគ្គលិកសង្គមមកពីគ្រប់ប្រទេសក្នុងតំបន់ទន្លេមេគង្គ រួមមាន មីយ៉ាន់ម៉ា កម្ពុជា ឡាវ ថៃ វៀតណាម ខេត្តយូណាននៃប្រទេសចិន និងប្រទេសផ្សេងៗទៀត។ អ្នកចូលរួមប្រហែល ៦០ នាក់ត្រូវបានជ្រើសរើសឱ្យចូលរួមក្នុងកម្មវិធីនេះ។<\/p>
ការបើកទទួលពាក្យសុំចូលរួមសម្រាប់មេគង្គអាយស៊ីធីខែមលើកទី៥ ត្រូវបានចាប់ផ្តើមនៅថ្ងៃទី០៥ ខែមេសា ឆ្នាំ២០១៧ ហើយបានបិទទទួលពាក្យនៅថ្ងៃទី២៥ ខែឧសភា ឆ្នាំ២០១៧។ ទោះបីជាយ៉ាងណាក៏ដោយ មានការបើកទទួលពាក្យសុំចូលរួមជាថ្មីម្តងទៀតសំរាប់ ប្រទេសកម្ពុជា វៀតណាម និងថៃ រហូតដល់ថ្ងៃទី១៥ ខែកក្កដា ឆ្នាំ២០១៧។ ការប្រកាសលទ្ធផលជុំទី១សំរាប់បេក្ខជនដែលត្រូវបានជ្រើសរើស គឺនៅថ្ងៃទី៣០ ខែមិថុនា ខណៈពេលដែលការប្រកាសលទ្ធផលជុំទី២ គឺនៅថ្ងៃទី១៩ ខែកក្កដា។<\/p>
សិក្ខាសាលានេះប្រមូលផ្តុំអ្នកធ្វើការផ្នែកអភិវឌ្ឍន៍ អ្នកសារព័ត៌មាន និងអ្នកដទៃទៀត ដែលកំពុងស្វែងរកដំណោះស្រាយចំពោះបញ្ហាទិន្នន័យរបស់ពួកគេ រាប់ចាប់ពីការប្រមូលទិន្នន័យរហូតដល់ការវិភាគ ឬការធ្វើទិន្នន័យទៅជារូបភាពមើលឃើញ។<\/p>
នៅចុងបញ្ចប់នៃសិក្ខាសាលា អ្នកចូលរួមដែលទទួលបានជោគជ័យនឹងបង្កើតជាក្រុម និងតម្រូវឱ្យបង្កើតគម្រោងសាកល្បង ដើម្បីអនុវត្តជំនាញរបស់ពួកគេដែលទទួលបានពីសិក្ខាសាលា។ អ្នកចូលរួមនឹងបង្ហាញពីបញ្ហារបស់ពួកគេទៅកាន់ស្ថាបនិកកម្មវិធីកុំព្យូទ័រ អ្នកផលិតហាដវែរ (hardware) និងអ្នកជំនាញខាងទិន្នន័យ ដែលនឹងធ្វើការជាមួយដើម្បីស្វែងរកដំណោះស្រាយបច្ចេកវិទ្យាសម្រាប់គម្រោងរបស់ពួកគេ ប្រសិនបើអ្នកជំនាញទាំងនោះមានការចាប់អារម្មណ៍។<\/p>