![\"\"](\"https:\/\/opendevelopmentcambodia.net\/wp-content\/uploads\/sites\/2\/2018\/03\/IMG_1259.jpg\")
<\/a>សិក្ខាកាមទាំងអស់កំពុងតម្លើងកម្មវិធី QGIS តាមការបង្ហាញរបស់គ្រូបង្គោល។<\/p><\/div>
ថ្ងៃដំបូងនៃសិក្ខាសាលានេះ បានចាប់ផ្តើមជាមួយនឹងការវាយតម្លៃកម្រិតចំណេះដឹង និងជំនាញរបស់សិក្ខាកាមដែលបានចូលរួមទាំងអស់។ ដើម្បីឱ្យវគ្គបណ្តុះបណ្តាលនេះទទួលបានជោគជ័យ វាមានសារៈសំខាន់ណាស់ ក្នុងការដឹងអំពីជំនាញដែលមានស្រាប់របស់សិក្ខាកាម។ ដូច្នេះហើយ ការបណ្ដុះបណ្ដាលត្រូវបានផ្លាស់ប្ដូរឱ្យសមស្របទៅនឹងចំណេះដឹងរបស់អ្នកចូលរួម។ ការវាយតម្លៃបានបង្ហាញថា សិក្ខាកាមដែលបានចូលរួមចំនួន ២៤ នាក់នេះ មិនមានចំណេះដឹងច្បាស់លាស់អំពីកម្មវិធី QGIS នេះទេ បើទោះបីជា អ្នកខ្លះធ្លាប់មានបទពិសោធខ្លះជាមួយកម្មវិធី GIS មួយផ្សេងទៀតដែលមានឈ្មោះថា ArcGIS ក៏ដោយ។ ដូច្នោះហើយ លោក វ៉ាមឿន និមល ដែលជាគ្រូបង្គោល ក៏ដូចជាអ្នកជំនាញការផ្នែកប្រព័ន្ធព័ត៌មានភូមិសាស្ត្រ ជាមួយនឹងបទពិសោធ GIS អស់រយៈពេលជាង ១០ ឆ្នាំ បានបង្ហាត់បង្រៀនសិក្ខាកាមផ្ដើមចេញពីការដំឡើងកម្មវិធី រហូតដល់ជំហានផ្សេងៗនៃកម្មវិធី។ នៅចុងបញ្ចប់ សិក្ខាកាមទាំងអស់អាចបង្កើតផែនទីសាមញ្ញ ដែលជាសមិទ្ធផលមួយ ដែលផ្តល់ឱ្យពួកគាត់មានចំណេះដឹងគ្រប់គ្រាន់សម្រាប់បន្តទៅថ្ងៃបន្ទាប់។<\/p>
<\/a>សិក្ខាកាមកំពុងស្វែងយល់អំពីផ្ទាំងអន្តរកររបស់ QGIS និងទស្សនីយកម្មទិន្នន័យភូមិសាស្ត្រ។<\/p><\/div>
ទស្សនីយកម្មទិន្នន័យភូមិសាស្ត្រ ក៏ដូចជាការគ្រប់គ្រងទិន្នន័យគឺជាចំណុចផ្តោតសំខាន់នៅក្នុងថ្ងៃទី ២ ដែលរួមបញ្ចូលនូវអន្តរកម្មជាច្រើន ដែលអ្នកចូលរួមអាចយល់ដឹងបន្ថែម អំពីរបៀបប្រើប្រាស់ទិន្នន័យនៅលើកម្មវិធី QGIS។ អ្នកចូលរួមបានសិក្សាពីទម្រង់ខុសគ្នានៃទិន្នន័យ របៀបទាញយកទិន្នន័យពីឯកសារ មូលដ្ឋានទិន្នន័យ និងសេវាកម្មវេប ក៏ដូចជារៀនពីរបៀបរចនាទិន្នន័យទម្រង់វ៉ិចទ័រ និងទិន្នន័យរូបភាពផងដែរ។ បន្ទាប់ពីអាហារថ្ងៃត្រង់បានបញ្ចប់ អង្គសិក្ខាសាលាបានផ្ដោតលើរបៀបគ្រប់គ្រងទិន្នន័យ រួមបញ្ចូលទាំងមេរៀននៅលើកម្មវិធី QGIS ការបង្កើត និងកែសម្រួលទិន្នន័យវ៉ិចទ័រថ្មី និងមូលដ្ឋានទិន្នន័យ។ ថ្ងៃសិក្ខាសាលាទី ២ ត្រូវបានបញ្ចប់ដោយលំហាត់តូចមួយ ដែលតម្រូវឱ្យសិក្ខាកាមទាំងអស់បង្កើតមូលដ្ឋានទិន្នន័យមួយ ដើម្បីរក្សាទុកទិន្ន័យរបស់អង្គការអូឌីស៊ីសម្រាប់បង្កើតផែនទី។<\/p>
ថ្ងៃចុងក្រោយនៃអង្គសិក្ខាសាលាត្រូវបានផ្ដោតសំខាន់លើការកែច្នៃទិន្នន័យ និងការវិភាគទិន្នន័យ រួមទាំងការវាយតម្លៃលើជំនាញរបស់សិក្ខាកាមដែលបានរៀនពីថ្ងៃដំបូង រហូតមកដល់ពេលនេះ។ បន្ទាប់ពីការសិក្សាលើការកែច្នៃទិន្នន័យវ៉ិចទ័រ និងរូបភាព និងកេសផ្ទុកឧបករណ៍កែច្នៃរួចមក អ្នកចូលរួមអាចបង្ហាញពីជំនាញរបស់ពួកគាត់ ដោយការសាកល្បងបង្កើតផែនទីរៀងៗខ្លួន។ សិក្ខាកាមបានជ្រើសរើសប្រធានបទផ្សេងៗដូចជា អចលនទ្រព្យ ធនធានទឹក ព្រៃឈើ និងនេសាទ ដើម្បីយកទៅបង្កើតផែនទីដោយប្រើកម្មវិធី QGIS។ ដោយសារមិនមានពេលវេលាគ្រប់គ្រាន់ ដើម្បីបញ្ចប់ការធ្វើលំហាត់អនុវត្តក្នុងការបង្កើតផែនទី នៅក្នុងសិក្ខាសាលា សិក្ខាកាមត្រូវបានលើកទឹកចិត្តឱ្យផ្ញើផែនទីទាំងនោះទៅគ្រូបង្គោល ដើម្បីផ្តល់ជាមតិយោបល់នៅពេលក្រោយ។ បន្ទាប់ពីសិក្ខាសាលានេះបានបញ្ចប់ទៅ អ្នកចូលរួមក៏អាចនៅបន្តការពិភាក្សារបស់ពួកគាត់តាមរយៈប្រព័ន្ធអ៊ិនធើណែតដែរ។<\/p>
<\/a>អ្នកចូលរួមកំពុងយកចិត្តទុកដាក់ក្នុងការបង្កើតផែនទីមួយរៀងៗខ្លួន។<\/p><\/div>