![\"\"](\"https:\/\/opendevelopmentcambodia.net\/wp-content\/uploads\/sites\/2\/2019\/03\/IMG_2567-min.jpg\")
<\/a>រូបថតក្រុមថ្ងៃទិវាទិន្នន័យបើកទូលាយ ឆ្នាំ២០១៩។<\/p><\/div>
ទិវាទិន្នន័យបើកទូលាយ ត្រូវបានបង្កើតឡើង ក្នុងគោលបំណងលើកកម្ពស់ការយល់ដឹងពីសក្តានុពលនៃការបើកទូលាយទិន្នន័យ និងបច្ចេកវិទ្យាសម្រាប់អភិបាលកិច្ចនៃសារពើពន្ធ ក៏ដូចជាប្រមូលផ្តុំមនុស្សមកពីក្រុមផ្សេងៗជាច្រើន ដើម្បីប្រើប្រាស់បច្ចេកវិទ្យាក្នុងការវិភាគ និងទាញយកប្រយោជន៍របស់ទិន្នន័យបើកទូលាយ និងប្រើប្រាស់ទិន្នន័យបើកទូលាយ ដើម្បីផលិតព័ត៌មានដោយប្រើប្រាស់ទិន្នន័យ សម្រាប់ការស្វែងយល់លំហូរថវិកាសាធារណៈ។<\/p>
ព្រឹត្តិការណ៍នេះបានចាប់ផ្ដើមពីសុន្ទរកថាស្វាគមន៍ដោយ លោក ធី ទ្រី ដែលជានាយកប្រតិបត្តិ នៃអង្គការទិន្នន័យអំពីការអភិវឌ្ឍ ដែលបានស្វាគមន៍អ្នកចូលរួម ហើយបានរៀបរាប់ពីភាពជោគជ័យនៃទិវាទិន្នន័យបើកទូលាយ កាលពីឆ្នាំមុនៗ។ គាត់បានលើកទឹកចិត្តអ្នកចូលរួមទាំងអស់ ឱ្យចូលរួមក្នុងបទបង្ហាញ និងអនុវត្តគំនិតរបស់ពួកគាត់ នៅក្នុងការអនុវត្តការប្រើប្រាស់ទិន្នន័យ។ ជាលទ្ធផលនៃការប្តេជ្ញាចិត្ត និងការសហការគ្នារវាងសហគមន៍ទិន្នន័យបើកទូលាយ និងក្រុមការងារអង្គការទិន្នន័យអំពីការអភិវឌ្ឍ កូនសៀវភៅអំពីទិន្នន័យបើកទូលាយ ត្រូវបានបកប្រែជាខេមរភាសា ដើម្បីលើកកម្ពស់ការយល់ដឹងអំពីទិន្នន័យបើកទូលាយ។ កូនសៀវភៅអំពីទិន្នន័យបើកទូលាយ<\/a>អាចរកបាន នៅលើគេហទំព័ររបស់អូឌីស៊ី។ លោក ទ្រី ក៏បានអំពាវនាវឱ្យមានកិច្ចសហការ និងភាពជាដៃគូបន្ថែមទៀតរវាងសហគមន៍ទិន្នន័យបើកទូលាយ។<\/p> វាគ្មិនសំខាន់សម្រាប់សុន្ទកថាគន្លឹះនោះគឺ លោក John Weeks តំណាងក្រុមប្រឹក្សាភិបាលរបស់ អូឌីស៊ី និងអ្នកចូលចិត្តប្រភពកូដបើកទូលាយ បានណែនាំនូវជម្រើសផ្សេងៗ សម្រាប់បណ្ដាប្រព័ន្ធផ្សព្វផ្សាយសង្គមផ្សេងៗទៀត។ លោកបានពិភាក្សាជាមួយអ្នកចូលរួម អំពីចំណុចអវិជ្ជមាននៃគេហទំព័រដ៏ពេញនិយម ដោយពួកគេមិនគិតកម្រៃពីអ្នកប្រើប្រាស់នោះទេ ព្រោះ “អ្នកទាំងអស់គ្នាប្រៀបដូចជាផលិតផល ពួកគេកំពុងរកលុយចេញពីអ្នកទាំងអស់គ្នា” ដោយទាញយកព័ត៌មានដ៏មានតម្លៃ។ គាត់បានណែនាំអ្នកចូលរួមពី គេហទំព័រ ប្រព័ន្ធផ្សព្វផ្សាយសង្គមបែបប្រភពកូដបើកទូលាយមួយចំនួន ដែលទោះបីជាមនុស្សជាច្រើនមិនសូវស្គាល់ក៏ដោយ ប៉ុន្តែវាផ្តល់ឱ្យនូវមុខងារស្រដៀងគ្នាទៅនឹងអ្វីដែលយើងទាំងអស់គ្នាកំពុងប្រើប្រាស់។<\/p> ដើម្បីជាមូលដ្ឋានគ្រឹះសម្រាប់វគ្គបន្ទាប់ កញ្ញា អ៊ួន វិមល បណ្ណាធិការ និងអ្នកស្រាវជ្រាវ នៅអង្គការអូឌីស៊ី បានផ្ដល់នូវការណែនាំដ៏ល្អមួយ អំពីទិន្នន័យបើកទូលាយ រួមទាំងទស្សនទាន ផលប៉ះពាល់ និងភាពពាក់ព័ន្ធ។ កញ្ញាក៏បានណែនាំពីអង្គការទិន្នន័យអំពីការអភិវឌ្ឍ និងបានពន្យល់ពីរបៀបដែលអង្គការនេះ ធ្វើការជាមួយទិន្នន័យបើកទូលាយជារៀងរាល់ថ្ងៃ។<\/p> កិច្ចពិភាក្សាជាក្រុមបានពិភាក្សាទាក់ទងនឹងតួនាទីរបស់អាយសុីធី ក្នុងតម្លាភាព និងគណនេយ្យភាព នៅក្នុងឧស្សាហកម្មនិស្សារណកម្ម។ វាគ្មិនរួមមាន លោក រ៉ា ច័ន្ទរតន៍ ប្រធានកម្មវិធីសម្រាប់ការអភិវឌ្ឍរ៉ែដោយចីរភាព នៅអង្គការតម្លាភាពកម្ពុជា លោក ចេង គឹមហេង អ្នកសម្របសម្រួលគម្រោងអភិបាលកិច្ចឧស្សាហកម្មនិសារណកម្ម នៃអង្គការ Oxfam និងកញ្ញា ថៅ ច័ន្ទធារីរ័ត្ន បណ្ណាធិការ និងអ្នកស្រាវជ្រាវ នៅអង្គការអូឌីស៊ី។ កិច្ចពិភាក្សានេះត្រូវបានសម្របសម្រួលដោយ លោក ណុប វី នាយកនៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ។ កិច្ចពិភាក្សាបានលើកឡើងពីយុទ្ធសាស្រ្ត ដើម្បីតាមដានប្រាក់ចំណូល និងបានសង្កត់ធ្ងន់ពីសារៈសំខាន់នៃការបោះពុម្ពផ្សាយរបាយការណ៍ ការវាយតម្លៃហេតុប៉ះពាល់បរិស្ថាន នៅលើប្រព័ន្ធអ៊ិនធើណេត។ អ្នកចូលរួមម្នាក់បានសម្តែងពីការព្រួយបារម្ភ ដោយលើកឡើងថា នៅពេលដែលរបាយការណ៍ EIA ទទួលបានពីរាជរដ្ឋាភិបាល យើងគ្រាន់តែលឺផ្នែកមួយនៃរឿងនេះប៉ុណ្ណោះ។ ឆ្លើយតបនឹងបញ្ហានេះ កញ្ញា ថៅ ច័ន្ទធារីរ័ត្ន បានបង្ហាញថា ការបោះពុម្ពផ្សាយរបាយការណ៍ ការវាយតម្លៃហេតុប៉ះពាល់បរិស្ថាន នៅលើប្រព័ន្ធអ៊ិនធើណេត គឺជាការចាប់ផ្ដើមមួយដ៏សំខាន់ ដើម្បីឆ្ពោះទៅរកការបើកទូលាយនូវព័ត៌មានបន្ថែមទៀត។<\/p> វគ្គបន្តបន្ទាប់បានផ្តល់ឱ្យអ្នកចូលរួមនូវឱកាស ដើម្បីចែករំលែកបទពិសោធន៍របស់ពួកគេ និងឆ្លុះបញ្ចាំងអំពីបទបង្ហាញនានា នៅពេលព្រឹក។ អ្នកចូលរួមបានផ្តល់នូវចំណុចសំខាន់ៗមួយចំនួន ហើយបានលើកឡើងនូវសំណួរ និងបញ្ហាប្រឈម ដែលពួកគាត់ជួបប្រទះនៅក្នុងវិស័យរបស់ពួកគាត់។ វគ្គនេះត្រូវបានសម្របសម្រួលដោយលោក ធី ទ្រី ដោយបានបង្ហាញដល់អ្នកចូលរួមអំពី សំណុំទិន្នន័យដែលមាន នៅលើគេហទំព័រអង្គការអូឌីស៊ី និងរបៀបដែលព័ត៌មានទាំងនោះ ជួយបង្កើនតម្លាភាព និងគណនេយ្យភាព។<\/p> លោក គុណ ចិន្តា អ្នកគ្រប់គ្រងផ្នែកអនឡាញ នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ បានរៀបរាប់អំពីជំហាន ក្នុងការសរសេរអត្ថបទល្អ និងពិភាក្សាពីតួនាទីនៃទិន្នន័យបើកទូលាយ នៅក្នុងវិស័យសារព័ត៌មាន។ គាត់បានចែករំលែកពីបទពិសោធន៍ដ៏ច្រើនរបស់គាត់ ក្នុងការសរសេរ និងប្រាប់រឿងរ៉ាវ ក្នុងនាមជាអ្នកសារព័ត៌មានមួយរូប។ លោកក៏បានចែករំលែកនូវដំបូន្មានមួយចំនួន ដល់អ្នកចូលរួមដូចជាការកំណត់ឱ្យច្បាស់អំពីប្រធានបទ និងប្រើប្រាស់ទិន្នន័យដែលគួរឱ្យទុកចិត្ត។ នេះគឺជាបទបង្ហាញដ៏ពិសេសមួយ ជាពិសេសសម្រាប់ការប្រកួតប្រជែង ការអនុវត្តការប្រើប្រាស់ទិន្នន័យ ដែលជាពេលវេលាអ្នកចូលរួមត្រូវវិភាគទិន្នន័យ និងពណ៌នាទិន្នន័យនោះ។<\/p> ករណីសិក្សាមួយ ត្រូវបានលើកមកបង្ហាញដោយអ្នកស្រី ជី បូណ៌មី អ្នកសម្របសម្រួលគម្រោងភាពជាដៃគូ នៃអង្គការអូឌីស៊ី។ អ្នកស្រីបានបង្ហាញពីឧទាហរណ៍នៃការទាញយកទិន្នន័យសម្រាប់សារព័ត៌មាន ពាក់ព័ន្ធនឹងថវិការសាធារណៈ និងបង្ហាញជាគំនិត\/គំរូ សម្រាប់ការប្រកួតប្រជែង ការអនុវត្តការប្រើប្រាស់ទិន្នន័យ។ ឧទាហរណ៍ដែលត្រូវបានចែករំលែក គឺកញ្ចប់ថវិការបស់រាជរដ្ឋាភិបាល សម្រាប់ក្រសួងនីមួយៗ ដោយប្រើប្រាស់រូបភាពដែលមើលឃើញ ដោយផ្អែកលើទិន្នន័យ។<\/p> លោក ព្រំ ពន់វឌ្ឍន៍ អ្នកសម្របសម្រួលផ្នែកស្រាវជ្រាវទិន្នន័យ និង GIS នៃអង្គការអូឌីស៊ីបានផ្ដល់ព័ត៌មានដែលចាំបាច់មួយចំនួន សម្រាប់ការប្រកួតប្រជែង ការអនុវត្តការប្រើប្រាស់ទិន្នន័យ ឱ្យបានជោគជ័យ។ គាត់បានចែករំលែកពីប្រភពទិន្នន័យផ្សេងៗ ដើម្បីរកមើលសំណុំទិន្នន័យ និងឧបករណ៍ផ្សេងៗសម្រាប់បង្កើតទិន្នន័យជាព័ត៌មាន។ ជាពិសេស គាត់បានផ្តោតលើកម្មវិធីInfogram ដែលជាកម្មវិធីលើអ៊ីនធឺណិតមួយ សម្រាប់ពណ៌នាទិន្នន័យ និងចែករំលែកទិន្នន័យ ដែលត្រូវបានប្រើប្រាស់ដោយក្រុម ដើម្បីបង្កើតព័ត៌មាន ដែលទាញយកពីទិន្នន័យ។<\/p> ការអនុវត្តការប្រើប្រាស់ទិន្នន័យ ជាវគ្គមួយ ដែលអ្នកចូលរួមបានអនុវត្តជំនាញ និងចំនេះដឹងរបស់ពួកគាត់ ដែលទទួលបាននៅក្នុងទិវាទិន្នន័យបើកទូលាយនេះ។ ក្រុមសរុបមានចំនួន ៨ ក្រុមបានធ្វើការស្រាវជ្រាវលើប្រធានបទផ្សេងៗ ដែលពួកគេបានជ្រើសរើស រួចធ្វើការវិភាគទិន្នន័យ ហើយបានបង្ហាញលទ្ធផលរបស់ពួកគេ។ បន្ទាប់ពីការខិតខំប្រឹងប្រែង ក្រុមចំនួន ២ បានទទួលរង្វាន់ជ័យលាភី ជាមួយទឹកប្រាក់ចំនួន ៣០០.០០០ រៀល។<\/p> ទិវាទិន្នន័យបើកទូលាយឆ្នាំ២០១៩ មានអ្នកចូលរួមមកពីវិស័យចម្រុះ។ ពួកគាត់មានឱកាសស្តាប់អ្នកជំនាញដែលធ្វើការជាមួយទិន្នន័យបើកទូលាយ នៅក្នុងផ្នែកផ្សេងៗគ្នា លើកសំណួរ និងគំនិត អំឡុងពេលធ្វើបទបង្ហាញ និងអនុវត្តចំណេះដឹងរបស់ពួកគាត់ នៅក្នុងការអនុវត្តការប្រើប្រាស់ទិន្នន័យ។ លើសពីនេះទៀត អ្នកចូលរួមមានឳកាសជួបមនុស្សថ្មីៗ និងពង្រឹងបណ្តាញរបស់ពួកគេ។ ការប្រមូលផ្ដុំនូវអ្នកជំនាញ និងអ្នកដែលមានចំណាប់អារម្មណ៍ ដែលមានប្រវត្តិការងារខុសៗគ្នាជាច្រើន បានរួមចំណែកធ្វើឱ្យមានការពិភាក្សា ដែលបង្ហាញពីរបៀបដែលសហគមន៍នានាប្រើប្រាស់ទិន្នន័យបើកទូលាយ។<\/p><\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\t<\/div><\/div>\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\t\r\n\t\t<\/div>\r\n\t\t\r\n\t\t\t