![\"\"](\"https:\/\/opendevelopmentcambodia.net\/wp-content\/uploads\/sites\/2\/2019\/11\/IMG_9590.jpg\")
<\/a><\/p>សិក្ខាសាលានេះមានការចូលរួមពីមនុស្សចំនួន ២២ នាក់ (ស្រី ៤ នាក់ និង ២ នាក់ទៀតជាជនជាតិភាគតិចព្នង) មកពីខេត្តចំនួន ៨ រួមមានខេត្តមណ្ឌលគិរី ក្រចេះ ស្ទឹងត្រែង ព្រះសីហនុ កោះកុង បាត់ដំបង កំពង់ឆ្នាំង សៀមរាប និងរាជធានីភ្នំពេញ។ អ្នកចូលរួមភាគច្រើនជាអ្នកសម្របសម្រួលកម្មវិធី មន្ត្រីគម្រោង ប្រធានគម្រោង មន្ត្រីផ្នែកGIS អ្នកស្ម័គ្រចិត្ត និងជាអ្នកសម្របសម្រួលសហគមន៍ដែលមកពីអង្គការក្រៅរដ្ឋាភិបាល និងអង្គការសហគមន៍មូលដ្ឋាន ដែលកំពុងធ្វើការយ៉ាងសកម្មក្នុងវិស័យធនធានធម្មជាតិ ជីវភាពរស់នៅរបស់សហគមន៍នៅភាគខាងជើង ទំនាបកណ្តាល និងតំបន់ឆ្នេរសមុទ្រនៃប្រទេសកម្ពុជា។ ក្នុងនោះរួមមានអង្គការភូមិខ្ញុំ<\/a> (MVi), ក្រុមការងារពង្រឹង និងអភិវឌ្ឍន៍សហគមន៍<\/a> (CEDT), អង្គការអភិវឌ្ឍន៍សំលេងសហគមន៍<\/a> (BCV), អង្គការភាពជាដៃគូរសង្គមស៊ីវិលកម្ពុជា(CCSP), អង្គការដើម្បីជីវភាព និងព្រៃឈើ<\/a> (FLO), វិទ្យាស្ថានស្រាវជ្រាវ និងអភិវឌ្ឍន៍ជនបទកម្ពុជា<\/a> (CIRD), អង្គការមរតក<\/a>, អង្គការស្រាវជ្រាវជាតិកម្ពុជា (CNRO), អង្គការបណ្តុះបណ្តាលសហគមន៍ដើម្បីការអភិវឌ្ឍន៍ (CTOD) និងអង្គការព្រហ្មវិហារធម៌ (PVT) ។<\/p> វគ្គដំបូងនៃសិក្ខាសាលាគឺស្តីអំពី “ទិន្នន័យបើកទូលាយ” ។ នៅក្នុងវគ្គនេះ អ្នកពាក់ព័ន្ធនឹងរៀនសូត្រពីទិន្នន័យបើកទូលាយ អាជ្ញាប័ណ្ណច្នៃប្រឌិតរួម អត្ថប្រយោជន៍ និងរបៀបចូលរួមក្នុងចលនាទិន្នន័យបើកទូលាយតាមរយៈការអនុវត្ត។ វគ្គនេះត្រូវបានចាប់ផ្តើមដោយការធ្វើលំហាត់រយៈពេលខ្លីមួយ ដោយស្នើសុំឱ្យអ្នកចូលរួមសរសេរនូវអ្វីដែលអ្នកទាំងអស់គ្នាគិតអំពី “តើអ្វីទៅជាទិន្នន័យបើកទូលាយ?”។ ភាគច្រើននៃអ្នកពាក់ព័ន្ធរបស់យើង ជាទូទៅបានយល់ឃើញថាពាក្យ “ទិន្នន័យបើកទូលាយ” គឺថ្មីណាស់សម្រាប់ពួកគាត់។ យោងតាមចម្លើយដែលបានប្រមូលអ្នកចូលរួមមួយចំនួនបាននិយាយថា “ទិន្នន័យបើកទូលាយ គឺជាទិន្នន័យដែលត្រូវបានផ្តល់ជូនដោយឥតគិតថ្លៃ និងគ្មានលក្ខខណ្ឌ” ឯអ្នកខ្លះទៀតបាននិយាយថា “ទិន្នន័យបើកទូលាយ គឺជាទិន្នន័យដែលអាចទាញយកបានពីស្ថាប័ន ឬគេហទំព័ររដ្ឋាភិបាលសម្រាប់សាធារណៈជនប្រើប្រាស់”។<\/span><\/p> អ្នកស្រី គឹម វណ្ណឌី នាយកប្រតិបត្តិនៃអង្គការដើម្បីជីវភាព និងព្រៃឈើ (FLO) បាននិយាយថា អ្នកស្រីធ្លាប់លឺច្រើនអំពី “ប្រភពបើកទូលាយ – Open Sources” ប៉ុន្តែនេះជាលើកទីមួយហើយដែលអ្នកស្រីបានលឺពាក្យ “ទិន្នន័យបើកទូលាយ-Open Data”។ សំណួរគួរឱ្យចាប់អារម្មណ៍ជាច្រើនត្រូវបានលើកឡើងនៅក្នុងវគ្គនេះ ជាពិសេសអំពីការប្រើប្រាស់សិទ្ធិអ្នកនិពន្ធ និងអាជ្ញាប័ណ្ណច្នៃប្រឌិតរួម។<\/p> វគ្គបន្ទាប់គឺស្តីអំពី “គេហទំព័រអង្គការទិន្នន័យអំពីការអភិវឌ្ឍ និងផែនទីអន្តរកម្ម”។ វគ្គនេះមានគោលបំណងផ្តល់ការណែនាំដល់អ្នកចូលរួមអំពីវិធីដែលពួកគាត់អាចចូលដំណើរការប្រើប្រាស់លើគេហទំព័រទិន្នន័យបើកទូលាយ ដូចជាគេហទំព័ររបស់អូឌីស៊ី ដើម្បីទាញយកទិន្នន័យស្តីពីធនធានធម្មជាតិ ជនជាតិដើមភាគតិច អភិបាលកិច្ច និងកិច្ចការស្រាវជ្រាវដែលពាក់ព័ន្ធ និងឯកសារច្បាប់នានាពីគេហទំព័រដោយសេរី។ មាតិកាជាច្រើនរបស់អូឌីស៊ីត្រូវបានបង្ហាញ រាប់ចាប់ពីទំព័រប្រធានបទ និងមាតិកាដែលទាក់ទង ផែនទីអន្តរកម្មនៅលើបណ្តាញ និងទំព័រទាញយកផែនទី ព័ត៌មានអំពីទិន្នន័យ និងទំព័រច្បាប់។<\/p> លោក អ៊ួង ទិវា នាយកប្រតិបត្តិនៃអង្គការមរតក បានមានប្រសាសន៍ថា “នៅក្នុងសង្គមស៊ីវិល យើងមានជំនាញទៅលើវិស័យផ្សេងៗពីគ្នា ហើយការណ៍ដែលមានអង្គការដែលធ្វើការងារផ្តល់ជាប្រភពទិន្នន័យ និងធនធានព័ត៌មានដូចជាអូឌីស៊ីបែបនេះ គឺពិតជាគួរអោយកោតសរសើរ។ ក្នុងជីវភាពរស់នៅប្រចាំថ្ងៃរបស់យើង មនុស្សម្នាក់ៗសុទ្ធតែត្រូវការការទទួលបានព័ត៌មាន ហើយសម្រាប់អង្គការស៊ីវិលយើងក៏ត្រូវការមជ្ឈមណ្ឌលទិន្នន័យដែលអាចទុកចិត្តបាននិងសំបូរបែបដូចជាគេហទំព័រអូឌីស៊ី ដើម្បីចូលមើលនិងស្វែងយល់អំពីនិន្នាការអភិវឌ្ឍន៍ បច្ចុប្បន្នភាពនៃការបោះពុម្ពផ្សាយការស្រាវជ្រាវ និងឯកសារច្បាប់ ដើម្បីជួយដល់ការងារតស៊ូមតិរបស់យើង។”<\/p> ក្រៅពីការណែនាំអំពីរបៀបដើម្បីទទួលបានទិន្ន័យ និងប្រើប្រាស់ឧបករណ៍ផែនទីស្តីពីធនធានធម្មជាតិនៅក្នុងប្រទេសកម្ពុជាមក ក្រុមការងារអូឌីស៊ីក៏បានផ្តល់ការចែករំលែកចំណេះដឹងបន្ថែមលើការប្រើប្រាស់ “ព័ត៌មានជារូបភាពក្រាហ្វិច ឬ Info-graphic” ឬហេតុអ្វីអង្គការសង្គមស៊ីវិលទាំងអស់គួរតែបញ្ចូលការងារព័ត៌មានក្រាហ្វិចទៅក្នុងការផ្សព្វផ្សាយនិងសំភារៈផ្សព្វផ្សាយរបស់ខ្លួន។ នៅក្នុងវគ្គនេះ លោក ជា សឹង្ហតារាឫទ្ធិ មន្ត្រីស្រាវជ្រាវ និងទំនាក់ទំនងរបស់អូឌីស៊ី បានបង្ហាញជាគំនិត សមាសធាតុ និងលក្ខខណ្ឌតម្រូវនានាដែលត្រូវតែមានដើម្បីបង្កើតជាព័ត៌មានក្រាហ្វិចដែលគួរឱ្យទាក់ទាញ ផ្តល់ជាព័ត៌មាន និងមានប្រសិទ្ធភាពសម្រាប់សកម្មភាពផ្សព្វផ្សាយគម្រោង ឬសម្រាប់បង្កើនឥទ្ធិពលនៃគម្រោងទៅដល់ក្រុមគោលដៅ។<\/p> ឧបករណ៍ថ្មីមួយទៀតដែលអូឌីស៊ីបានណែនាំផងដែរនោះគឺ “ឧបករណ៍ប្រមូលទិន្នន័យ – Kobo Toolbox”។ Kobo Toolbox គឺជាឧបករណ៍ប្រភពបើកទូលាយ និងឥតគិតថ្លៃ ដែលសមស្របបំផុតសម្រាប់ការប្រមូលទិន្នន័យនៅតាមទីវាលដែលមានការប្រឈមពីលក្ខខណ្ឌបរិស្ថាន។ អ្នកចូលរួមទាំងអស់យល់ឃើញថា ឧបករណ៍មួយនេះគឺ ពិតជាគួរឱ្យចាប់អារម្មណ៍ខ្លាំង ហើយពួកគាត់ចង់ដឹងបន្ថែមទៀតអំពីការប្រើប្រាស់ឧបករណ៍នេះ។ អ្នកចូលរួមរបស់យើងក៏បានឱ្យដឹងដែរថា នៅក្នុងការងារប្រចាំថ្ងៃរបស់ពួកគាត់ ការប្រមូលទិន្នន័យឬការស្ទង់មតិតាមមូលដ្ឋានជាមួយសហគមន៍ ភាគច្រើនគឺធ្វើឡើងដោយប្រើក្រដាស ឬសំនួរដែលបានបោះពុម្ព។<\/p><\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n