ការរួមបញ្ចូលគ្នានៃគោលនយោបាយសេដ្ឋកិច្ច និងរដ្ឋបាលកំពុងដើរតួនាទីយ៉ាងសំខាន់ក្នុងការកាត់បន្ថយផលប៉ះពាល់អវិជ្ជមាននៃជំងឺកូវីដ-១៩<\/a> ដែលកំពុងគំរាមកំហែងដល់និរន្តភាពសេដ្ឋកិច្ចនៅកម្ពុជា។ រដ្ឋាភិបាលកំពុងអនុវត្តគោលនយោបាយអន្តរាគមន៍នានា ដែលផ្តោតលើទិដ្ឋភាពសំខាន់ៗនៃសេដ្ឋកិច្ច។ ទីមួយ អាជ្ញាធរតាមរយៈការគោលនយោបាយអន្តរាគមន៍សមស្របដាក់ចេញ កំពុងធ្វើការដើម្បីផ្តល់ជំនួយសង្គ្រោះបន្ទាន់ដល់ជនរងគ្រោះដោយសារជំងឺនេះ។ វាជារឿងសំខាន់ណាស់ក្នុងការផ្តល់ជំនួយនេះ អាស្រ័យទៅលើការបាត់បង់ការងារយ៉ាងច្រើន និងការបិទទ្វារនៃអាជីវកម្មដែលបណ្តាលមកពីជំងឺកូវីដ-១៩។12<\/a><\/sup> ទីពីរ បន្ទាប់ពីមើលឃើញថាវិស័យជាច្រើនរងនូវបញ្ហាប្រឈមធ្ងន់ធ្ងរ ព្រមទាំងការធ្លាក់ចុះនៃប្រាក់ចំណូលដោយសារតែការបញ្ឈប់ ឬផ្អាកនូវសកម្មភាពសេដ្ឋកិច្ចមួយចំនួន អាជ្ញាធរបានយកចិត្តទុកដាក់អនុវត្តអន្តរាគមន៍ក្នុងរយៈពេលខ្លីដូចជា ការបញ្ចេញកញ្ចប់ថវិកាដើម្បីទ្រទ្រង់សេដ្ឋកិច្ចជាដើម។ គោលនយោបាយទាំងនេះក៏នឹងជួយលើកកម្ពស់និរន្តរភាពសេដ្ឋកិច្ច តាមរយៈការជំរុញវិស័យម៉ាក្រូសារពើពន្ធ និងភាពធន់របស់សង្គមក្នុងរយៈពេលមធ្យម។<\/p> ការអនុគ្រោះពន្ធក៏ជាគោលនយោបាយសេដ្ឋកិច្ចដ៏សំខាន់មួយ ដែលបានបង្កើតឡើងដោយរដ្ឋាភិបាលដើម្បីជួយកាត់បន្ថយបន្ទុកពន្ធ<\/a>លើប្រជាជន។13<\/a><\/sup> ការរាតត្បាតជំងឺកូវីដ-១៩ និងរួមជាមួយវិធានការណ៍ដែលបានកំណត់ដើម្បីទប់ស្កាត់ការរីករាលដាលរបស់វា បានរារាំងដល់សកម្មភាពសេដ្ឋកិច្ចសំខាន់ៗមួយចំនួនសម្រាប់ប្រទេស។ តួយ៉ាង អាជីវកម្ម និងកម្មករជាច្រើនត្រូវបានបង្ខំកាត់បន្ថយប្រាក់ខែដើម្បីបំពេញការចំណាយផ្សេងទៀត។ ម្យ៉ាងវិញទៀត ប្រភពចំណូលពន្ធរដ្ឋធ្លាក់ចុះសម្រាប់រដ្ឋាភិបាលបាននឹងកំពុងគំរាមកំហែងទៅលើការធ្លាក់ចុះនៃកំណើនសេដ្ឋកិច្ចកម្ពុជាជារួម ខណៈដែលកន្លងមកកំណើនសេដ្ឋកិច្ចស្ថិតនៅលើគន្លងខ្ពស់រហូតលើកលែងតែនៅដើមឆ្នាំ ២០២០ នេះ។<\/p> ជាក់ស្តែង នៅចន្លោះឆ្នាំ ២០១០ និង ២០១៩ ប្រទេសកម្ពុជាបានទទួលនូវកំណើនផលិតផលក្នុងស្រុកសរុបរបស់ខ្លួនដែលមានលក្ខណៈស្ថេរភាពដោយសារតែការរំខានផ្នែកសេដ្ឋកិច្ចមានតិចតួចនៅក្នុងប្រតិបត្តិការសេដ្ឋកិច្ចក្នុងស្រុក និងអន្តរជាតិ។ ទោះជាយ៉ាងណា ការប៉ះពាល់ទៅលើវិស័យទេសចរណ៍ ពាណិជ្ជកម្ម កំលាំងពលកម្ម<\/a> ការប្រើប្រាស់ និងការវិនិយោគដែលបណ្តាលមកពីការផ្ទុះឡើងជំងឺកូវីដ-១៩ បានជះឥទ្ធិពលយ៉ាងខ្លាំងដល់ការប៉ាន់ស្មាននាពេលបច្ចុប្បន្នលើកំណើនសេដ្ឋកិច្ចពិតប្រាកដរបស់ប្រទេសសម្រាប់ឆ្នាំក្រោយ។<\/p> ដើម្បីផ្តល់ភាពកក់ក្តៅដល់ប្រជាពលរដ្ឋរបស់ខ្លួន រដ្ឋាភិបាលបានអនុវត្តការបន្ធូរបន្ថយពន្ធដើម្បីកាត់បន្ថយសម្ពាធហិរញ្ញវត្ថុដល់អ្នកជាប់ពន្ធ។ ជាក់ស្តែង ការថយចុះនៃកំរិតប្រាក់ចំណូលរបស់ពលរដ្ឋបាននាំឲ្យមានផលប៉ះពាល់ដល់ទម្រង់នៃការប្រើប្រាស់ និងបណ្តាលឲ្យតម្រូវការថយចុះទៅលើផលិតផល និងសេវាកម្មផ្សេងៗនៅក្នុងសេដ្ឋកិច្ច។14<\/a><\/sup> ជាលទ្ធផល បញ្ហានេះអាចជះឥទ្ធិពលមិនល្អដល់និរន្តរភាពសេដ្ឋកិច្ចនៅកម្ពុជា ជាពិសេសដោយសារតម្រូវការក្នុងស្រុកធ្លាក់ចុះទាប។ ជាការឆ្លើយតប អាជ្ញាធរបានបន្ធូរបន្ថយពន្ធដើម្បីរក្សាឲ្យបាននូវលទ្ធភាពទិញរបស់ប្រជាជននៅក្នុងសេដ្ឋកិច្ច និងដើម្បីពង្រឹងតម្រូវការក្នុងស្រុក និងផលិតកម្មដើម្បីជំរុញសកម្មភាពសេដ្ឋកិច្ចឡើងវិញ។<\/p> លើសពីនេះ រដ្ឋាភិបាលកម្ពុជាក៏កំពុងផ្តល់ជំនួយជាថវិកាដល់អ្នកធ្វើការលើវិស័យដែលរងគ្រោះខ្លាំងជាងគេ ជាពិសេសកម្មករដែលបាត់បង់ប្រភពនៃចំណូលរបស់ខ្លួន។15<\/a><\/sup> ជាក់ស្តែង រដ្ឋាភិបាលបានផ្តល់អត្ថប្រយោជន៍ដល់អ្នកដែលត្រូវបានផ្អាកបណ្តោះអាសន្នពីការងារចំនួន ៤០ ដុល្លារក្នុងមួយខែ សំដៅទៅដល់កម្មករដែលបាត់បង់ការងារដោយសារជំងឺរាតត្បាត និងអ្នកដែលត្រូវការជាពិសេសផ្សេងទៀតនៅក្នុងអំឡុងពេលរងគ្រោះខ្លាំងនេះ ដូចជាអ្នកធ្វើការលើវិស័យទេសចរណ៍ និងក្រុមហ៊ុនអាកាសចរណ៍។ ជាការពិតណាស់ ក្នុងឆ្នាំ ២០១៨ វិស័យទេសចរណ៍បានចូលរួមចំណែកប្រមាណជា ៣៣ ភាគរយនៃផលិតផលក្នុងស្រុកសរុប (ផសស) របស់កម្ពុជា។16<\/a><\/sup> ទោះយ៉ាងណាក៏ដោយ ចាប់តាំងពីការផ្ទុះនៃជំងឺកូវីដ-១៩ ចំនួនភ្ញៀវទេសចរបានធ្លាក់ចុះ ៨០% ដែលបានធ្វើឲ្យប៉ះពាល់យ៉ាងធ្ងន់ធ្ងរដល់និយោជិក និងក្រុមហ៊ុនក្នុងវិស័យទេសចរណ៍។<\/p> ការបាត់បង់ការងារបានកើតឡើងនៅក្នុងបណ្តាវិស័យជាច្រើនទៀត រួមទាំងវិស័យនាំចេញផងដែរ។ ការកាត់បន្ថយតម្រូវការសម្រាប់ការនាំចេញរបស់កម្ពុជាទៅកាន់ទីផ្សារអន្តរជាតិធំៗ ដូចជាសហគមន៍អ៊ឺរ៉ុប និងសហរដ្ឋអាមេរិកបន្ទាប់ពីការផ្ទុះឡើងនៃជំងឺកូវីដ-១៩ ជាហេតុធ្វើឱ្យមានការបាត់បង់ការងារ។ តួយ៉ាង ការផ្អាកទៅលើផ្នែកខ្លះ និងទាំងស្រុងក្នុងផលិតកម្មបានធ្វើឱ្យបុគ្គលិកប្រមាណជា ១០០,០០០ នាក់នៅក្នុងវិស័យកាត់ដេរសម្លៀកបំពាក់ <\/a>និងស្បែកជើងគ្មានការងារធ្វើ ចាប់តាំងពីពាក់កណ្តាលខែមេសា ឆ្នាំ២០២០ មក។17<\/a><\/sup><\/p> រោងចក្រនៅសង្កាត់ចោមចៅ។ រូបថត<\/a>របស់អង្គការសហប្រជាជាតិសម្រាប់ស្ត្រីនៅកម្ពុជាដែលបានថតនៅថ្ងៃទី ០៦ ខែកញ្ញាឆ្នាំ ២០១៦។ ក្រោមអាជ្ញាប័ណ្ណ CC BY-NC-ND 2.0<\/a> ។<\/p><\/div> យ៉ាងណាម៉ិញ អាជ្ញាធរបានអនុវត្តគោលនយោបាយអន្តរាគមន៍រូបិយវត្ថុដើម្បីគាំទ្រដល់ប្រាក់កម្ចីដែលមានការប្រាក់ទាបសម្រាប់បុគ្គល និងអាជីវកម្មដើម្បីបង្កើតការងារ។ ជាក់ស្តែង រដ្ឋាភិបាលកំពុងសម្របសម្រួលដល់ការដាក់សំណើកម្ចីឥណទានពីសំណាក់អាជីវកម្មដែលត្រូវការបន្ទាន់នូវសាច់ប្រាក់ (សន្ទនីយភាព)។18<\/a><\/sup> ឧទាហរណ៍ជាក់ស្តែង ប្រាក់កម្ចីដែលមានការប្រាក់ទាបត្រូវបានផ្តល់តាមរយៈធនាគារសហគ្រាសខ្នាតតូច និងមធ្យម<\/a> ធនាគារឯកទេស និងធនាគារកសិកម្មជាដើម ដើម្បីទ្រទ្រង់អាជីវកម្មខ្នាតតូច និងអនុញ្ញាត្តឲ្យអាជីវកម្មទាំងនេះបង្កើនឱកាសសម្រាប់ការបណ្តាក់ទុនថ្មីនៅក្នុងសេដ្ឋកិច្ច។ រដ្ឋាភិបាលក៏បានផ្តល់ថវិកាចំនួន ៥០ លានដុល្លារដើម្បីគាំទ្រដល់បណ្តាក្រុមហ៊ុនកសិ-ពាណិជ្ជកម្មដែលកំពុងវត្តមាន និងកំពុងរីកចម្រើនផងដែរ។19<\/a><\/sup> ការធ្វើឱ្យប្រសើរឡើងនូវការទទួលបានប្រាក់កម្ចីដែលមានការប្រាក់ទាបនេះ ធ្វើឡើងក្នុងគោលបំណងលើកកម្ពស់ការវិនិយោគ ធ្វើឱ្យប្រសើរឡើងនូវស្ថានភាពសេដ្ឋកិច្ចរបស់ក្រុមហ៊ុន និងជួយសម្រួលដល់ការស្តារសេដ្ឋកិច្ចឡើងវិញ។<\/p> ក្នុងនោះរដ្ឋាភិបាលបានកាត់បន្ថយការចំណាយចុះបញ្ជីចំនួន ៤០ ភាគរយសម្រាប់អាជីវកម្មចុះបញ្ជី<\/a>តាមអ៊ិនធឹណេតដើម្បីពង្រឹងនិន្នាការកើនឡើងនៅក្នុងពាណិជ្ជកម្មតាមប្រព័ន្ធអេឡិចត្រូនិក ដែលប្រទេសនេះកំពុងជួបប្រទះក្នុងរយៈពេលប៉ុន្មានឆ្នាំចុងក្រោយនេះ។ វាមានសារៈសំខាន់ណាស់ ជាពិសេសនៅក្នុងអំឡុងពេលនេះដើម្បីធានាប្រសិទ្ធភាពនៃវិធានការរក្សាគម្លាតសុវត្ថិភាពសង្គម និងការរឹតត្បិតទៅលើការបម្លាស់ទីមួយចំនួន។ ស្របពេលបណ្តាញអ៊ីនធឺណេតមានភាពប្រសើរឡើងនៅទូទាំងប្រទេស ការទិញទំនិញតាមអនឡាញមានដំណើការឡើង ខណៈអតិថិជនធ្វើការទិញ និងទូទាត់ប្រាក់តាមអនឡាញ ក៏ដូចជាទទួលបានទំនិញរបស់ពួកគេដឹកជញ្ជូនទៅដល់ផ្ទះតែម្តង។<\/p> នៅក្នុងខែមីនា រដ្ឋាភិបាលបានប្រកាសបិទសាលារៀនទូទាំងប្រទេស<\/a>។ បញ្ហានេះបានប៉ះពាល់ដល់សិស្សរាប់លាននាក់នៅក្នុងប្រទេស ដែលភាគច្រើនមានសមត្ថភាពតិចតួចក្នុងការរៀនសូត្រពីផ្ទះដោយសារតែកង្វះខាតនៃការភ្ជាប់អ៊ីនធឺណេត និងឧបករណ៍រួមផ្សំផ្សេងទៀត បូករួមជំនាញការប្រើប្រាស់បច្ចេកវិទ្យានៅមានកំណត់ ក៏ដូចជាការប្រើប្រាស់ឧបករណ៍បច្ចេកវិទ្យាទំនាក់ទំនង (ICT)។ រដ្ឋាភិបាលក្នុងភាពជាដៃគូជាមួយយូណេស្កូ<\/a> (UNESCO) កំពុងធ្វើការពង្រឹងការសិក្សាឌីជីថល និងពីចម្ងាយដើម្បីកាត់បន្ថយផលវិបាកអវិជ្ជមានពីសកម្មភាពអប់រំដែលត្រូវបានផ្អាក។20<\/a><\/sup> ប្រទេសកម្ពុជាកំពុងវិនិយោគទៅលើឧបករណ៍បច្ចេកវិទ្យារៀនពីចម្ងាយ ដើម្បីកាត់បន្ថយផលប៉ះពាល់បណ្តាលមកពីការបិទសាលារៀនបណ្តោះអាសន្ន ព្រមទាំងការបង្កើតប្រព័ន្ធអប់រំល្អប្រសើរ និងច្នៃប្រឌិតថ្មីសម្រាប់ពេលអនាគត។ យ៉ាងណាមិញ នៅខែកញ្ញា ឆ្នាំ២០២០ សាលារៀនត្រូវបានអនុញ្ញាត្តឲ្យបើកដំណើរការ<\/a>ជាថ្មីឡើងវិញ។<\/p> សរុបសេចក្តីមក រដ្ឋាភិបាលកម្ពុជាបាននឹងកំពុងអនុវត្តគោលនយោបាយសេដ្ឋកិច្ច និងវិធានការណ៍រដ្ឋបាលជាច្រើនដើម្បីកាត់បន្ថយផលប៉ះពាល់អវិជ្ជមាននៃជំងឺកូវីដ-១៩ មកលើសេដ្ឋកិច្ចរបស់ខ្លួន។ គោលនយោបាយអន្តរាគមន៍មួយក្នុងចំណោមគោលនយោបាយផ្សេងទៀត គឺការផ្តល់ការបន្ធូរបន្ថយពន្ធដើម្បីសម្រួលដល់បន្ទុកហិរញ្ញវត្ថុ និងរក្សាលទ្ធភាពក្នុងការទិញទំនិញរបស់ប្រជាជន។ រដ្ឋាភិបាលក៏នឹងកំពុងផ្តល់ជំនួយហិរញ្ញវត្ថុដល់កម្មករដែលបានបាត់បង់ប្រភពចំណូលរបស់ពួកគេ ដើម្បីបន្ធូរបន្ថយផលប៉ះពាល់នៃជំងឺកូវីដ-១៩។ ប្រាក់កម្ចីដែលមានការប្រាក់ទាបដែលផ្តល់ដោយរដ្ឋាភិបាល ក៏កំពុងផ្តល់អត្ថប្រយោជន៍ដល់អាជីវកម្មខ្នាតតូច និងមធ្យមជាច្រើនផងដែរ សំដៅដល់ការបង្កើតឱកាសសម្រាប់ការងើបឡើងវិញនៃសេដ្ឋកិច្ច។ ចុងក្រោយគឺការធ្វើឌីជីថលនីយកម្មលើវិស័យពាណិជ្ជកម្ម និងការអប់រំ ក្នុងគោលបំណងកាត់បន្ថយផលប៉ះពាល់អវិជ្ជមានដែលបណ្តាលមកពីវិធានរក្សាគម្លាតសុវត្ថិភាពសង្គម និងវិធានការរឹតត្បិតការធ្វើដំណើរផ្សេងៗ។<\/p> អត្ថបទសរសេរដោយ៖ កញ្ញា អេនចេឡា ម៉ារៀ ម៉ាលូហ្<\/a>វ, អ្នកហាត់ការស្រាវជ្រាវនៅអូឌីស៊ី។ កែសម្រួល និងបកប្រែដោយបណ្ណាធិការ-អ្នកស្រាវជ្រាវ ផ្នែកសេដ្ឋកិច្ចរបស់អូឌីស៊ី។<\/em><\/p><\/body><\/html>\n![\"\"](\"https:\/\/opendevelopmentcambodia.net\/wp-content\/uploads\/sites\/2\/2020\/12\/Cambodia-A-day-in-the-life-of-Chhun-Srey-Sros-a-garment-factory-worker-in-Cambodia.jpg\")
\u17af\u1780\u179f\u17b6\u179a\u1799\u17c4\u1784<\/h4>