![\"\"](\"https:\/\/opendevelopmentcambodia.net\/wp-content\/uploads\/sites\/2\/2021\/01\/IMG_8367-scaled.jpg\")
<\/a>រូបថតជុំគ្នានៃក្រុមការងារអូឌីស៊ី រួមជាមួយតំណាងសហគមន៍នេសាទចំនួន ៧ និងតំណាងអង្គការ CWDCC នៅខេត្តកំពត។ រូបថតដោយ អង្គការទិន្នន័យអំពីការអភិវឌ្ឍ (អូឌីស៊ី) ថតថ្ងៃទី ២៩ ខែធ្នូ ឆ្នាំ២០២០។<\/p><\/div>
កិច្ចពិភាក្សានេះមានការចូលរួមពីតំណាង ៧រូបមកពីសហគមន៍នេសាទចំនួន ៤មានដូចជាសហគមន៍កំពង់សាមគ្គី សហគមន៍ត្រពាំងសង្កែ សហគមន៍កែបថ្មី និងសហគមន៍ត្រពាំងរពៅ។ កិច្ចពិភាក្សានេះក៏ជាសញ្ញាណបញ្ជាក់ពីការចាប់ផ្តើមការសហការរបស់អូឌីស៊ី ក្នុងគម្រោងឈ្មោះថា “ធានាសុវត្ថិភាពសិទ្ធិកាន់កាប់ និងគ្រប់គ្រងដីធ្លី និងធនធានធម្មជាតិសម្រាប់សហគមន៍នេសាទ ងាយរងគ្រោះនៅតំបន់ឆ្នេរនៃប្រទេសកម្ពុជា<\/em><\/strong>” ។ មូលនិធិនៃគម្រោងនេះ ត្រូវបានការគាំទ្រពីសហភាពអឺរ៉ុប តាមរយៈ អង្គការអាក់សិនអេតកម្ពុជា<\/a><\/em> មជ្ឈមណ្ឌលសិទ្ធិមនុស្សកម្ពុជា<\/em><\/a> និងមជ្ឈមណ្ឌលអភិវឌ្ឍន៍កុមារ និងស្ត្រីនៅកម្ពុជា។<\/p> លោក ធី ទ្រី នាយកប្រតិបត្តិអូឌីស៊ី កំពុងថ្លែងសុន្ទរកថាស្វាគមន៍ទៅកាន់សហគមន៍នេសាទ។<\/p><\/div> កិច្ចពិភាក្សានេះមានគោលបំណងសំខាន់ៗចំនួន ៣។ ទីមួយគឺដើម្បីណែនាំអំពីទំព័រព័ត៌មានទិន្នន័យ “តំបន់អភិរក្សជលផលក្នុងប្រទេសកម្ពុជា<\/a><\/em>” ដល់ក្រុមសហគមន៍នេសាទ និងអ្នកពាក់ព័ន្ធក្នុងខេត្តគោលដៅ។ ទីពីរគឺដើម្បីប្រមូលធាតុចូលពីអ្នកចូលរួម អំពីទិន្នន័យនិងព័ត៌មានដែលកំពុងមានលើគេហទំព័រអូឌីស៊ីនាពេលបច្ចុប្បន្នទាក់ទងនឹងតំបន់អភិរក្សជលផលនិងសហគមន៍នេសាទនៅតំបន់ឆ្នេរ។ ទីបីគឺដើម្បីបញ្ចូលមតិត្រឡប់ពីកិច្ចប្រជុំក្នុងក្រុមនេះទៅក្នុងផែនការបច្ចុប្បន្នភាពធនធានព័ត៌មាននៅលើទំព័រនិងសំណុំទិន្នន័យអំពី “តំបន់អភិរក្សជលផល និងសហគមន៍នេសាទនៅក្នុងប្រទេសកម្ពុជា<\/a><\/em>” នាពេលខាងមុខ ដើម្បីជាប្រយោជន៍របស់សហគមន៍នេសាទនិងស្ថាប័នពាក់ព័ន្ធ។<\/p> កិច្ចពិភាក្សានេះចាប់ផ្តើមដោយការធ្វើសុន្ទរកថាបើកកម្មវិធីពីលោក ធី ទ្រី<\/em> នាយកប្រតិបត្តិអង្គការអូឌីស៊ី។ លោកបានបកស្រាយពីតួនាទីនិងគោលបំណងរបស់អូឌីស៊ីក្នុងគម្រោងនេះ។ លោកក៏បានបង្ហាញក្តីសោមនស្សរីករាយក្នុងការសហការជាមួយ CWDCC ក៏ដូចជាសហគមន៍នេសាទក្នុងខេត្តកំពតនិងខេត្តកែបផងដែរ។ លោកបាននិយាយថាអូឌីស៊ីនិងជួយផ្តល់នូវរាល់ទិន្នន័យនិងព័ត៌មានដែលចាំបាច់ ដើម្បីការជូនដំណឹងដល់សហគមន៍បានគ្រប់ជ្រុងជ្រោយ និងមានបរិយាប័ន្ន។ អូឌីស៊ីជឿជាក់ថា បេសកម្មរបស់ខ្លួននឹងជំរុញដល់ការចូលរួមជាសាធារណៈ និងការស្វែងយល់អំពីគ្នារវាងរដ្ឋាភិបាល ប្រជាពលរដ្ឋ និងវិស័យឯកជន កាន់តែសកម្មនិងប្រសើរជាងមុន ហើយជាលទ្ធផលវានឹងនាំដល់ការអភិបាលកិច្ចបរិស្ថានកាន់តែមានតម្លាភាពនយោបាយនិងគណនេយ្យភាព។<\/p>![\"\"](\"https:\/\/opendevelopmentcambodia.net\/wp-content\/uploads\/sites\/2\/2021\/01\/IMG_8307-scaled.jpg\")
ផែនទីអន្តរកម្មនៃតំបន់អភិរក្សជលផល សហគមន៍នេសាទ និងរបាយព្រៃកោងកាងនៅក្នុងប្រទេសកម្ពុជា<\/a><\/h4>