![\"\"](\"https:\/\/opendevelopmentcambodia.net\/wp-content\/uploads\/2022\/10\/photo_2022-07-28_19-02-43.jpg\")
<\/a><\/p>នៅថ្ងៃទី២៨ ខែកក្កដា ឆ្នាំ២០២២<\/a> អង្គការទិន្នន័យអំពីការអភិវឌ្ឍសហការជាមួយអង្គការជនជាតិដើមភាគតិចកម្ពុជា ដោយមានការគាំទ្រពីមូលនិធិហេនរេចបូល បានរៀបចំកិច្ចពិភាក្សាមួយស្តីពី “ការវាយតម្លៃហេតុប៉ះពាល់បរិស្ថាន៖ សារៈសំខាន់ និងឱកាសក្នុងការចូលរួមរបស់សហគមន៍មូលដ្ឋាន” នៅខេត្តរតនគិរី។ ព្រឹត្តិការណ៍នេះមានគោលបំណងលើកកម្ពស់ការយល់ដឹងអំពីសារៈសំខាន់ នៃការបង្ហាញនូវរបាយការណ៍វាយតម្លៃហេតុប៉ះពាល់បរិស្ថាន ដើម្បីពិភាក្សាអំពីឱកាសថ្មីៗក្នុងការចូលរួមក្នុងដំណើរការរៀបចំរបាយការណ៍ និងបង្កើនឱកាសត្រួតពិនិត្យ។ ព្រឹត្តិការណ៍នេះ<\/a>មានអ្នកចូលរួមចំនួន ៤៧នាក់ ក្នុងនោះមានស្ត្រី ១៤នាក់ រួមទាំងអភិបាលរងខេត្តរតនគិរី និងតំណាងនាយកដ្ឋានវាយតម្លៃហេតុប៉ះពាល់បរិស្ថាន នៃក្រសួងបរិស្ថាន នាយកដ្ឋានវាយតម្លៃហេតុប៉ះពាល់បរិស្ថាននៃខេត្តរតនគិរី តំណាងមូលនិធិហេនរេចបូល<\/a> អង្គការអូឌីស៊ី<\/a> អង្គការជនជាតិដើមភាគតិចកម្ពុជា<\/a> អង្គការបណ្តាញការពារទន្លេបី<\/a> អង្គការសមាគមខ្មែរលើរតនគិរី<\/a> អង្គការថែរក្សាភាសាជនជាតិដើមភាគតិច<\/a>។ អ្នកចូលរួមក៏មានមកពីក្រុមប្រព័ន្ធផ្សព្វផ្សាយ យុវជន សមាជិកសហគមន៍មូលដ្ឋាន និងជនជាតិដើមភាគតិចផងដែរ។<\/p> កាលពីដើមឡើយ នាយកដ្ឋានវាយតម្លៃហេតុប៉ះពាល់បរិស្ថាន ស្ថិតនៅក្រោមនាយកដ្ឋានគាំពារបរិស្ថាន ប៉ុន្តែបច្ចុប្បន្នស្ថិតនៅក្រោមរដ្ឋមន្ត្រីក្រសួងបរិស្ថានផ្ទាល់តែម្តង។ ការវាយតម្លៃហេតុប៉ះពាល់បរិសស្ថានគឺជាការសិក្សាឬការវាយតម្លៃដ៏ស្មុគស្មាញនិងវែង ដែលមានការចូលរួមពីអ្នកពាក់ព័ន្ធក្នុងតំបន់ និងថ្នាក់ជាតិ។ សេចក្តីសង្ខេបនៃនីតិវិធីវាយតម្លៃហេតុប៉ះពាល់បរិស្ថាន<\/a>មាននៅក្នុងខិត្តប័ណ្ណ។ គោលការណ៍នៃការវាយតម្លៃហេតុប៉ះពាល់បរិស្ថាន គឺគ្រប់គ្រងព័ត៌មានដែលប្រមូលបានអំពីគម្រោង ទីតាំងនីមួយៗ និងផលប៉ះពាល់បរិស្ថានរបស់គម្រោងនីមួយៗ។ នៅក្នុងដំណើរការនៃការវាយតម្លៃហេតុប៉ះពាល់បរិស្ថាន ព័ត៌មានអំពីផលប៉ះពាល់អវិជ្ជមាននៃគម្រោងនីមួយៗបានប្រមូលផ្តុំដើម្បីកំណត់អត្តសញ្ញាណដំណោះស្រាយ និងជម្រើសសមស្របបំផុតដើម្បីដោះស្រាយផលប៉ះពាល់អវិជ្ជមានណាមួយ។<\/p> ការវាយតម្លៃហេតុប៉ះពាល់បរិស្ថានមានពីរប្រភេទ។ ទីមួយគឺការវាយតម្លៃហេតុប៉ះពាល់បរិស្ថានបឋម ដែលផ្តោតលើការវិភាគទិន្នន័យបន្ទាប់បន្សំ។ ប្រភេទទីពីរគឺការវាយតម្លៃហេតុប៉ះពាល់បរិស្ថានពេញលេញ ដែលធ្វើការសង្កេត និងប្រមូលទិន្នន័យបឋមអំពីការបំពុល រំញ័រ សំលេងរំខាន និងសារពើភ័ណ្ឌព្រៃឈើ និងព័ត៌មានផ្សេងៗទៀត។<\/p> ក្រុមហ៊ុនទីប្រឹក្សាយោបល់ដែលបានចុះបញ្ជីជាមួយរដ្ឋាភិបាល ជាធម្មតាទទួលខុសត្រូវចំពោះរបាយការណ៍វាយតម្លៃហេតុប៉ះពាល់បរិស្ថានរបស់ខ្លួន។ ក្រុមហ៊ុនទីប្រឹក្សាទាំងអស់ត្រូវតែចុះឈ្មោះជាមួយរដ្ឋាភិបាល ដើម្បីធានាគុណភាពនៃការសិក្សា។ ដូច្នេះនឹងមានភ្នាក់ងារមួយដើម្បីទទួលខុសត្រូវប្រសិនបើមានអ្វីខុសនឹងលទ្ធផលរបស់របាយការណ៍វាយតម្លៃហេតុប៉ះពាល់បរិស្ថាន។ ទោះជាយ៉ាងណាក៏ដោយ មានការព្រួយបារម្ភអំពីភាពត្រឹមត្រូវ និងភាពពេញលេញនៃការវាយតម្លៃដោយក្រុមហ៊ុនទីប្រឹក្សាទាំងនេះ ដោយចោទសួរអំពីការកម្រិតនៃការទទួលយកបាននៃរបាយការណ៍របស់ពួកគេ។ ក្រុមហ៊ុនទីប្រឹក្សានឹងប្រឈមមុខនឹងផលវិបាកតាមផ្លូវច្បាប់ ការផាកពិន័យ ហើយសមាជិកមួយចំនួនអាចជាប់ពន្ធនាគារ ប្រសិនបើក្រសួងកំណត់បាននូវអត្តសញ្ញាណនៃការក្លែងបន្លំ។ ទោះជាយ៉ាងនេះក្តី ព័ត៌មានទាក់ទងនឹងរឿងបែបនេះគឺកម្រណាស់នឹងកើតឡើងណាស់។<\/p> ការចូលរួមជាសាធារណៈ<\/a> គឺជាដំណើរការពិគ្រោះយោបល់ជាមួយអ្នកពាក់ព័ន្ធផ្សេងៗអំពីគម្រោងអភិវឌ្ឍន៍។ តួអង្គដែលពាក់ព័ន្ធរួមមានក្រសួង ស្ថាប័ន អង្គការនានា អាជ្ញាធរមូលដ្ឋាន នាយកដ្ឋានពាក់ព័ន្ធ ម្ចាស់គម្រោង ក្រុមហ៊ុនទីប្រឹក្សា ប្រជាពលរដ្ឋដែលរងផលប៉ះពាល់ និងតំណាងអង្គការក្រៅរដ្ឋាភិបាលដែលពាក់ព័ន្ធនឹងគម្រោង និងក្នុងតំបន់។<\/p> ការចូលរួមជាមួយភាគីពាក់ព័ន្ធ គឺជាផ្នែកមួយដ៏សំខាន់នៃដំណើរការវាយតម្លៃហេតុប៉ះពាល់បរិស្ថាន ដើម្បីផ្សព្វផ្សាយព័ត៌មានលម្អិតអំពីគម្រោងអភិវឌ្ឍន៍ និងប្រមូលនូវកង្វល់ សំណូមពរ ការរិះគន់ ការគាំទ្រ មតិយោបល់ និងព័ត៌មានអំពីធនធានបរិស្ថានដែលមានស្រាប់នៅក្នុងតំបន់គម្រោង។ សមាជិកសហគមន៍ដែលរងផលប៉ះពាល់ដោយគម្រោងគួរតែបង្ហាញពីកង្វល់របស់ពួកគេទៅកាន់អ្នកអភិវឌ្ឍន៍គម្រោងក្នុងអំឡុងពេលមានការចូលរួមជាសាធារណៈ។ ម្យ៉ាងទៀត ពួកគេអាចធ្វើដូច្នេះបានតាមរយៈអង្គការក្រៅរដ្ឋាភិបាលដូចជា វេទិកានៃអង្គការមិនមែនរដ្ឋាភិបា ស្តីពីកម្ពុជាជាដើម។ រដ្ឋាភិបាលបានផ្តល់អាសនៈសម្រាប់វេទិកានៃអង្គការមិនមែនរដ្ឋាភិបាលស្តីពីកម្ពុជា<\/a> ដើម្បីលើកឡើងពីកង្វល់ដែលពួកគេបានប្រមូលពីអ្នកចូលរួមទាំងអស់។ ក្រសួងបរិស្ថានកំពុងពិចារណាផ្តល់របាយការណ៍វាយតម្លៃហេតុប៉ះពាល់បរិស្ថានដល់មន្ទីរខេត្ត ដោយសារព័ត៌មានអំពីរបាយការណ៍វាយតម្លៃហេតុប៉ះពាល់បរិស្ថាន នៅក្នុងនាយកដ្ឋានវាយតម្លៃហេតុប៉ះពាល់បរិស្ថាន នៃក្រសួងបរិស្ថាន មានច្រើនក្រៃលែង។<\/p> ការចូលរួមជាសាធារណៈមានបួនដំណាក់កាលរួមមាន៖<\/p><\/a><\/p>ស្ថានភាពបច្ចុប្បន្ននៃការវាយតម្លៃហេតុប៉ះពាល់បរិស្ថាន<\/a><\/h4>
<\/a><\/p>សារៈសំខាន់ និងឱកាសនៃការចូលរួម<\/a><\/h4>