![\"\"](\"https:\/\/opendevelopmentcambodia.net\/wp-content\/uploads\/2023\/09\/Untitled-design-9.png\")
<\/a><\/p>សម្រាប់អ្នកតែងតែសង្កេតមើល អាចកត់សម្គាល់ថា ខណៈពេលដែលសកម្មភាពនៃគោលដៅអភិវឌ្ឍប្រកបដោយចីរភាព ជាច្រើនកំពុងចែករំលែក មានចំនួន១៧គោលដៅ ចំណែកឯប្រទេសកម្ពុជាមានគោលដៅមួយបន្ថែមទៀតដែលសរុបមានចំនួន១៨គោលដៅ។ ខណៈពេលដែលគោលដៅអភិវឌ្ឍប្រកបដោយចីរភាពស័ក្តិសមជាមួយតម្រូវការសកលលោក ការធ្វើមូលដ្ឋានីយកម្មជាក់លាក់មួយ ជាតម្រូវការចាំបាច់សម្រាប់ប្រទេសកម្ពុជា៖ “បញ្ចប់ផលប៉ះពាល់អវិជ្ជមានដោយសារមីន\/សំណល់ជាតិផ្ទុះពីសង្គ្រាម និងលើកកម្ពស់ជំនួយដល់ជនរងគ្រោះ”។<\/p>
ដោយសារជម្លោះស៊ីវិលពីមុនជាច្រើនឆ្នាំមកហើយ តំបន់មួយចំនួននៅជនបទក្នុងប្រទេសកម្ពុជាប្រឈមនឹងគ្រោះថ្នាក់ដោយសារគ្រាប់មីន និងសំណល់ជាតិផ្ទុះពីសង្គ្រាមផ្សេងទៀត។ នៅឆ្នាំ២០១៥ ការធ្វើមូលដ្ឋានីយកម្មគោលដៅអភិវឌ្ឍប្រកបដោយចីរភាពសម្រាប់គោលដៅដែលអាចអនុវត្តបានជាក់លាក់ រាជរដ្ឋាភិបាលកម្ពុជា បានកត់សម្គាល់ពីបញ្ហាប្រឈមសំខាន់ៗដែលមីន\/សំណល់ជាតិផ្ទុះពីសង្គ្រាម បន្ថែមទៅលើបញ្ហានៃភាពក្រីក្រ សមធម៌ និងការអភិវឌ្ឍ។ ការបន្ថែមគោលដៅទី១៨ ក៏អនុវត្តតាមគំរូពីមុននៃគោលដៅអភិវឌ្ឍសហស្សវត្ស៍របស់កម្ពុជា ដែលមានរួមបញ្ចូលសមាសភាពអំពីមីន\/សំណល់ជាតិផ្ទុះពីសង្គ្រាមផងដែរ។<\/p>
គោលដៅទី១៨ និងសូចនាករ ក្នុងការអនុវត្តឱ្យបានជោគជ័យមានដូចខាងក្រោម៖<\/strong><\/p> គោលដៅទី១៨៖ បញ្ចប់ផលប៉ះពាល់ជាអវិជ្ជមានរបស់មីន\/សំណល់ជាតិផ្ទុះពីសង្គ្រាម និងជំរុញការសង្គ្រោះជនរងគ្រោះ<\/p> ១៨.១: បោសសម្អាតផ្ទៃដីចម្ការមីន និងសំណល់ជាតិផ្ទុះពីសង្គ្រាម ដែលបានដឹងឱ្យអស់ត្រឹមឆ្នាំ២០៣០<\/p> ១៨.១.១: ផ្ទៃដីសរុបដែលបានបោសសំអាតមីន និងសំណល់ជាតិផ្ទុះពីសង្គ្រាមប្រចាំឆ្នាំ<\/p> ១៨.២: កាត់បន្ថយគ្រោះថ្នាក់ដោយសារមីន\/សំណល់ជាតិផ្ទុះពីសង្គ្រាម នៅតិចជាង១០នាក់ក្នុងមួយឆ្នាំត្រឹមឆ្នាំ២០៣០<\/p> ១៨.២.១: ចំនួននៃជនរងគ្រោះថ្នាក់ (ស្លាប់ និងរបួស) ដោយគ្រាប់មីន និងសំណល់ជាតិផ្ទុះពីសង្គ្រាម<\/p> ១៨.២.២: ចំនួនភូមិដែលរងការគម្រាមកំហែង ដោយសារមីន និងសំណល់ជាតិផ្ទុះពីសង្គ្រាមទទួលបានសារអប់រំ គ្រោះ ថ្នាក់ដោយសារមីន និងសំណល់ជាតិផ្ទុះពីសង្គ្រាម<\/p> ១៨.៣: លើកកម្ពស់សិទ្ធិ និងគុណភាពជីវិតរបស់ជនពិការដោយសារមីន\/សំណល់ជាតិផ្ទុះពីសង្គ្រាមឱ្យកាន់តែប្រសើរឡើង<\/p> ១៨.៣.១: ចំនួនជនពិការដោយសារមីន\/សំណល់ជាតិផ្ទុះពីសង្គ្រាម ទទួលបានការលើកកម្ពស់សិទ្ធិ និងគុណភាពជីវិត<\/p> ១៨.៣.២: ចំនួនជនរងគ្រោះ ដោយសារមីន\/សំណល់ជាតិផ្ទុះពីសង្គ្រាមទទួលបានសេវាស្តារលទ្ធភាពពលកម្ម<\/p> ១៨.៣.៣: ចំនួនជនរងគ្រោះដោយសារមីន\/សំណល់ជាតិផ្ទុះពីសង្គ្រាមទទួលបានសេវាឆ្លើយតបបន្ទាន់ និងឆាប់រហ័សពីអាជ្ញាធរមីន<\/p> ការកម្ចាត់មីន\/សំណល់ជាតិផ្ទុះពីសង្គ្រាម នៅតែអនុវត្តបន្តដោយរដ្ឋាភិបាល និងអង្គការមិនស្វែងរកប្រាក់ចំណេញ ប៉ុន្តែនៅតែប្រឈមមុខនឹងបញ្ហាភស្តុភារ និងហិរញ្ញវត្ថុ។ រាជរដ្ឋាភិបាលកម្ពុជាបានស្វែងរកថវិកាបន្ថែមចំនួន ១៣៨ លានដុល្លារអាមេរិកសម្រាប់ឆ្នាំ ២០២៣ ដល់ ២០២៥ ដើម្បីគាំទ្រដល់បុគ្គលិកយោធាដែលមានស្រាប់ចំនួន ២៥០០ នាក់ក្នុងកិច្ចខិតខំប្រឹងប្រែងកម្ចាត់មីន\/សំណល់ជាតិផ្ទុះពីសង្គ្រាម។ ដើម្បីពន្លឿនការងារនេះ ចំនួនយោធាដោះមីនត្រូវបានគេព្យាករថានឹងកើនឡើងដល់ ២០០០នាក់ ក្នុងប៉ុន្មានឆ្នាំខាងមុខនេះ។<\/p> បន្ថែមពីលើការដោះមីន\/សំណល់ជាតិផ្ទុះពីសង្គ្រាម និងការអប់រំអំពីគ្រោះថ្នាក់ ជំនួយដល់ជនរងគ្រោះដោយសារមីនត្រូវបានដោះស្រាយដោយក្រសួងសង្គមកិច្ច អតីតយុទ្ធជន និងយុវនីតិសម្បទានៃរាជរដ្ឋាភិបាលកម្ពុជា ដោយមានជំនួយ និងកិច្ចសហប្រតិបត្តិការពីអង្គការសង្គមស៊ីវិលក្នុងស្រុក និងអន្តរជាតិ។ បន្ទាប់ពីប្រទេសកម្ពុជាត្រូវបានប្រកាសថាគ្មានមីន ការស្តារនីតិសម្បទា និងការគាំទ្រជនរងគ្រោះដោយសារគ្រាប់មីននឹងត្រូវអនុវត្តបន្ត។<\/p> គោលដៅទី១៨ ក៏ជាប់ពាក់ព័ន្ធជាពិសេសចំពោះសហគមន៍ជនបទ និងដាច់ស្រយាលដូចជាភូមិហ្មសែត ដែលជាទីតាំងរៀបចំបណ្ណាល័យអ្នកប្រយុទ្ធ។ ខេត្តព្រះវិហារនៅតែបន្តសកម្មភាពក្នុងការបោសសម្អាតមីនយ៉ាងសកម្ម ហើយគេសង្កេតឃើញប្រជាពលរដ្ឋស្លាប់ដោយសារមីន\/សំណល់ជាតិផ្ទុះពីសង្គ្រាម ដូចកាលពីឆ្នាំកន្លងទៅ<\/a>។ ក្រុមការងារអង្គការទិន្នន័យអំពីការអភិវឌ្ឍមានសេចក្តីសោមនស្សរីករាយក្នុងការផ្តល់នូវសម្ភារៈលើកកម្ពស់ការយល់ដឹង ដើម្បីលើកកម្ពស់ការយល់ដឹង និងការចូលរួមរបស់ប្រជាពលរដ្ឋក្នុងការដោះស្រាយគោលដៅទី១៨ និងគោលដៅអភិវឌ្ឍប្រកបដោយចីរភាពទាំងអស់ ហើយនឹងជួយសម្រួលដល់ការរៀបចំសារអប់រំអំពីហានិភ័យមីនតាមដែលអាចធ្វើទៅបាន។<\/p>