{"id":180157,"date":"2023-10-16T14:34:30","date_gmt":"2023-10-16T07:34:30","guid":{"rendered":"https:\/\/opendevelopmentcambodia.net\/?p=180157"},"modified":"2023-10-17T11:33:19","modified_gmt":"2023-10-17T04:33:19","slug":"advancing-internet-governance-in-cambodia-highlights-from-igf-2023","status":"publish","type":"post","link":"https:\/\/opendevelopmentcambodia.net\/km\/advancing-internet-governance-in-cambodia-highlights-from-igf-2023\/","title":{"rendered":"\u1780\u17b6\u179a\u200b\u1787\u17c6\u179a\u17bb\u1789\u200b\u17a2\u1797\u17b7\u1794\u17b6\u179b\u1780\u17b7\u1785\u17d2\u1785\u200b\u17a2\u17ca\u17b8\u1793\u1792\u17ba\u178e\u17b7\u178f\u200b\u1793\u17c5\u200b\u1780\u1798\u17d2\u1796\u17bb\u1787\u17b6\u200b\u17d6\u200b \u1785\u17c6\u178e\u17bb\u1785\u200b\u179f\u17c6\u1781\u17b6\u1793\u17cb\u17d7\u200b\u1796\u17b8\u200b \u179c\u17c1\u1791\u17b7\u1780\u17b6\u200b\u17a2\u1797\u17b7\u1794\u17b6\u179b\u1780\u17b7\u1785\u17d2\u1785\u200b\u17a2\u17ca\u17b8\u1793\u1792\u17ba\u178e\u17b7\u178f\u200b (IGF)\u200b \u17e2\u17e0\u17e2\u17e3"},"content":{"rendered":"\n

ក្រុមការងារអូឌីស៊ីមានសេចក្តីសោមនស្សរីករាយក្នុងការចែករំលែកព័ត៌មានសំខាន់ៗពី វេទិកាអភិបាលកិច្ចអ៊ិនធឺណិត (IGF) ២០២៣ ដែលមានការចូលរួមពីសមាជិកក្រុមការងាររបស់អង្គការទិន្នន័យអំពីការអភិវឌ្ឍ (អូឌីស៊ី) និងសមាជិកគណៈកម្មាធិការប្រឹក្សានៃវេទិកាអភិបាលកិច្ចអ៊ីនធឺណិត យុវជនកម្ពុជាឆ្នាំ២០២៣។ ព្រឹត្តិការណ៍ដ៏សំខាន់នេះ បានធ្វើឡើងនៅមជ្ឈមណ្ឌលសន្និសីទអន្តរជាតិក្យូតូ ក្នុងទីក្រុងក្យូតូ ប្រទេសជប៉ុន ចាប់ពីថ្ងៃទី ៨ ដល់ថ្ងៃទី ១២ ខែតុលា ឆ្នាំ ២០២៣។<\/p>

ប្រធានបទនៅឆ្នាំនេះគឺ “អ៊ិនធឺណិតដែលយើងចង់បាន - ការលើកកម្ពស់ដល់ប្រជាពលរដ្ឋ” ដោយមានអ្នកចូលរួមជាង ៨,០០០ នាក់មកពីជាង ១៧០ប្រទេស បានចូលរួមព្រឹត្តិការណ៍រយៈពេល ៥ ថ្ងៃនេះ។ មូលបទរងសំខាន់ៗរួមមាន និរន្តរភាពនិងបរិស្ថាន បញ្ញាសិប្បនិម្មិត (AI) និងបច្ចេកវិទ្យាថ្មី ការជៀសវាងការបែកខ្ញែកនៃអ៊ីនធឺណិត សន្តិសុខសាយប័រ ឧក្រិដ្ឋកម្មតាមអ៊ីនធឺណិតនិងសុវត្ថិភាពលើប្រព័ន្ធអនទ្បាញ អភិបាលកិច្ចទិន្នន័យនិង ជំនឿទុកចិត្ត ការបែងចែកនិងបរិយាប័ន្ននៃឌីជីថល អភិបាលកិច្ចឌីជីថលសកលនិងកិច្ចសហប្រតិបត្តិការ និងសិទ្ធិមនុស្សនិងសេរីភាព។<\/p>

នាយកប្រតិបត្តិរបស់ អូឌីស៊ី លោក ធី ទ្រី បានចូលរួមយ៉ាងសកម្មក្នុងកិច្ចពិភាក្សាសំខាន់ៗនៅ អភិបាលកិច្ចអ៊ីនធឺណិត ២០២៣ ដោយសហការជាមួយសមាជិកក្រុមប្រឹក្សាភិបាលអូឌីស៊ី ដៃគូ សមាជិកសង្គមស៊ីវិល និងទីភ្នាក់ងារអង្គការសហប្រជាជាតិ ដើម្បីពិភាក្សាលើប្រធានបទសំខាន់ៗផ្សេងៗ។ ការពិភាក្សាទាំងនេះលើកឡើងបញ្ហាសំខាន់ៗ ដូចជា រដ្ឋាភិបាលឌីជីថល អភិបាលកិច្ចអ៊ីនធឺណិត និងទិន្នន័យបើកទូលាយ ដើម្បីកំណត់អនាគតនៃអភិបាលកិច្ចអ៊ីនធឺណិត និងផលប៉ះពាល់របស់វាមកលើប្រទេសកម្ពុជា។<\/p>

$\"\"$ <\/a><\/p>

បន្ទាប់ពីកិច្ចប្រជុំប្រកបដោយប្រសិទ្ធភាពទាំងនេះ ក្រុមការងាររបស់ អូឌីស៊ី មានសេចក្តីសោមនស្ស រីករាយ ក្នុងការចែករំលែកវឌ្ឍនភាពនិងសមិទ្ធផលដែលកើតចេញពីការពិភាក្សាទាំងនេះដោយសង្កត់ធ្ងន់ លើសារៈសំខាន់នៃកិច្ចសហប្រតិបត្តិការ និងភាពជាដៃគូស្របពេលដែលយើងឈានទៅឆ្នាំ២០២៤។ លទ្ធផលសំខាន់ៗនៃកិច្ចពិភាក្សាទាំងនេះ រួមមានផែនការរៀបចំព្រឹត្តិការណ៍សំខាន់ៗ នៅក្នុងប្រទេសកម្ពុជានាឆ្នាំខាងមុខ៖ វេទិកាអភិបាលកិច្ចអ៊ិនធឺណិតសម្រាប់យុវជន (YIGF) ២០២៤ បន្ទាប់ពីភាពជោគជ័យនៃ វេទិកាអភិបាលកិច្ចអ៊ិនធឺណិតសម្រាប់យុវជន ២០២៣ ដែលជាព្រឹត្តិការណ៍មួយបង្កើតឡើងដើម្បីលើកកម្ពស់ និងជំរុញយុវជនអោយចូលរួមក្នុងកិច្ចពិភាក្សាទាក់ទងនឹងអភិបាលកិច្ចអ៊ីនធឺណិត។ លើសពីនេះទៀត អូឌីស៊ីកំពុងដំណើរការផែនការដើម្បីធ្វើជាសហម្ចាស់ផ្ទះ វេទិកាអភិបាលកិច្ចអ៊ីនធឺណិតជាតិនៅឆ្នាំ២០២៤ ដែលជាព្រឹត្តិការណ៍ដ៏សំខាន់មួយ ជំរុញការពិភាក្សាអំពីអភិបាលកិច្ចអ៊ីនធឺណិតថ្នាក់ជាតិ។<\/p>

$\"\"$ <\/a><\/p>

បន្ទាប់ពីកិច្ចពិភាក្សារវាង អូឌីស៊ី ក្រសួងប្រៃសណីយ៍ និងទូរគមនាគមន៍ (MPTC) និង បុគ្គលប្រចាំប្រទេសកម្ពុជារបស់ UNDESA នៅថ្ងៃទី ១០ ខែតុលា មានការឯកភាពគ្នាក្នុងការធ្វើជាម្ចាស់ផ្ទះវេទិកាអភិបាលកិច្ចអ៊ីនធឺណិតជាតិនៅកម្ពុជាមុនខែមិថុនា ឆ្នាំ ២០២៤។ នេះជាជំហានសំខាន់មួយសម្រាប់ការជំរុញអភិបាលកិច្ចអ៊ីនធឺណិតក្នុងតំបន់។<\/p>

បច្ចុប្បន្ន អូឌីស៊ីកំពុងធ្វើការយ៉ាងជិតស្និទ្ធជាមួយ ក្រសួងប្រៃសណីយ៍ និងទូរគមនាគមន៍ និងដៃគូអភិវឌ្ឍន៍ក្នុងស្រុកនៅប្រទេសកម្ពុជា ដើម្បីបញ្ចប់លក្ខខណ្ឌយោង (TOR) សម្រាប់ ក្រុមពហុភាគីដែលធ្វើការលើ វេទិកាអភិបាលកិច្ចអ៊ីនធឺណិតជាតិនៅកម្ពុជា។ បច្ចុប្បន្ន លក្ខខណ្ឌយោង កំពុងស្ថិតក្រោមការត្រួតពិនិត្យពីក្រសួងប្រៃសណីយ៍ និងទូរគមនាគមន៍។ នៅពេលដែលឯកសារណែនាំ នេះសម្រេចរួចរាល់ ក្រុមការងារពហុភាគីសម្រាប់វេទិកាអភិបាលកិច្ចអ៊ីនធឺណិតជាតិនឹងត្រូវបានបង្កើត និងត្រួសត្រាយផ្លូវសម្រាប់វេទិកាដ៏សំខាន់នេះ។<\/p>

$\"\"$ <\/a><\/p>

វេទិកាអភិបាលកិច្ចអ៊ីនធឺណិតជាតិកម្ពុជា ២០២៤ នឹងបង្កើតឡើងលើការពិភាក្សាដែលតំណាង អូឌីស៊ី និង ក្រសួងប្រៃសណីយ៍ និងទូរគមនាគមន៍ បានចាប់ផ្តើមតាំងពី វេទិកាអភិបាលកិច្ចអ៊ីនធឺណិត ២០២២ នៅប្រទេសអេត្យូពី។<\/p>

ក្រុមការងារអូឌីស៊ី មានការសាទរចំពោះវឌ្ឍនភាពដែលសម្រេចបាននៅ វេទិកាអភិបាលកិច្ចអ៊ីនធឺណិត ២០២៣ ហើយរំពឹងយ៉ាងអន្ទះសារនូវគំនិតផ្តួចផ្តើម និងព្រឹត្តិការណ៍នានាដែលគ្រោងសម្រាប់ឆ្នាំ ២០២៤។ កិច្ចខិតខំប្រឹងប្រែងទាំងនេះនឹងរួមចំណែកយ៉ាងសំខាន់ក្នុងការអភិវឌ្ឍអភិបាលកិច្ចអ៊ីនធឺណិត ទិន្នន័យបើកទូលាយ និងរដ្ឋាភិបាលឌីជីថលនៅក្នុងប្រទេសកម្ពុជា និងលើសពីនេះ។<\/p>