{"id":182391,"date":"2024-01-12T14:55:54","date_gmt":"2024-01-12T07:55:54","guid":{"rendered":"https:\/\/opendevelopmentcambodia.net\/?p=182391"},"modified":"2024-02-05T12:02:04","modified_gmt":"2024-02-05T05:02:04","slug":"fieldwork-on-mining-operation-activities-in-selected-communities","status":"publish","type":"post","link":"https:\/\/opendevelopmentcambodia.net\/km\/fieldwork-on-mining-operation-activities-in-selected-communities\/","title":{"rendered":"\u200b\u178a\u17c6\u178e\u17be\u179a\u200b\u1791\u179f\u17d2\u179f\u1793\u1780\u17b7\u1785\u17d2\u1785\u200b\u200b\u179f\u17b7\u1780\u17d2\u179f\u17b6\u200b\u1796\u17b8\u200b\u179f\u1780\u1798\u17d2\u1798\u1797\u17b6\u1796\u200b\u1794\u17d2\u179a\u178f\u17b7\u1794\u178f\u17d2\u178f\u17b7\u1780\u17b6\u179a\u200b\u1792\u1793\u1792\u17b6\u1793\u200b\u179a\u17c9\u17c2\u200b\u1793\u17c5\u200b\u1780\u17d2\u1793\u17bb\u1784\u200b\u179f\u17a0\u1782\u1798\u1793\u17cd\u200b"},"content":{"rendered":"\n

ក្រុមការងាររបស់អង្គការទិន្នន័យអំពីការអភិវឌ្ឍ (អូឌីស៊ី) បានធ្វើទស្សនកិច្ចសិក្សារយៈពេលប្រាំពីរថ្ងៃ ចាប់ពីថ្ងៃទី០៦ដល់ថ្ងៃទី១២ ខែធ្នូ ឆ្នាំ២០២៣ ដោយផ្តោតលើសកម្មភាពប្រតិបត្តិការធនធានរ៉ែជុំវិញតំបន់ព្រៃឡង់ក្នុងខេត្តចំនួន ៤ រួមមាន៖ ខេត្តក្រចេះ ខេត្តស្ទឹងត្រែង ខេត្តព្រះវិហារ និងខេត្តកំពង់ធំ។ កំទ្បុងពេលទស្សនកិច្ចសិក្សានេះ ក្រុមការងារអូឌីស៊ី បានជួបពិភាក្សាជាមួយសហគមន៍មូលដ្ឋាន និងអង្គការក្រៅរដ្ឋាភិបាលនានា ដើម្បីស្វែងយល់អំពីបទពិសោធន៍ និងទស្សនៈផ្ទាល់ខ្លួនរបស់សហគមន៍មូលដ្ឋានលើសកម្មភាពប្រតិបត្តិការធនធានរ៉ែនៅក្នុងតំបន់របស់គាត់។ គោលបំណងនៃទស្សនកិច្ចសិក្សានេះគឺដើម្បីវាយតម្លៃកម្រិតនៃទិន្នន័យ និងតម្លាភាពព័ត៌មាននៅក្នុងតំបន់ប្រតិបត្តិការធនធានរ៉ែ។<\/p>

ពីថ្ងៃទី០៧ដល់ថ្ងៃទី១០ ខែធ្នូ ឆ្នាំ២០២៣ ក្រុមការងារអូឌីស៊ី បានចុះសំណេះសំណាលជាមួយប្រជាពលរដ្ឋនៅភូមិកំពង់ក្បឿងនិងភូមិឥន្ធជ័យក្នុងខេត្តក្រចេះ សហគមន៍កាំងចាមក្នុងខេត្តស្ទឹងត្រែង និងភូមិឬស្សីស្រុកក្នុងខេត្តព្រះវិហារ ដើម្បីស្វែងយល់បន្ថែមអំពីជីវភាពរស់នៅ និងព័ត៌មានអំពី ប្រតិបត្តិការធនធានរ៉ែនៅក្នុង ឬជិតសហគមន៍របស់ពួកគេ។ យោងតាមព័ត៌មានពីសហគមន៍មូលដ្ឋាន ការផ្សព្វផ្សាយព័ត៌មានទាក់ទងនឹងប្រតិបត្តិការធនធានរ៉ែហាក់ដូចជាមានកង្វះខាត ដែលអាចធ្វើឲ្យអ្នកស្រុកមានការយល់ច្រលំនៅពេលឃើញប្រតិបត្តិការធនធានរ៉ែនៅក្នុងសហគមន៍របស់គាត់។ សហគមន៍មួយចំនួនបានរាយការណ៍ថា ពួកគាត់បានទទួលសំណងហិរញ្ញវត្ថុពីក្រុមហ៊ុនរ៉ែសម្រាប់ដីរបស់ពួកគាត់ដែលនៅក្នុងតំបន់សម្បទាន។ ទាក់ទងនឹងសំណងនេះ សហគមន៍មូលដ្ឋានបានទទួលប្រាក់សំណងដំបូង ប៉ុន្តែពួកគាត់មិនទាន់បានទទួលសំណងគ្រប់ចំនួនទៅតាមការសន្យានៅទ្បើយទេ។<\/p>

នៅថ្ងៃទី១១ ខែធ្នូ ឆ្នាំ២០២៣ ក្រុមការងារអូឌីស៊ីបានជួបពិភាក្សាជាមួយសហគមន៍ព្រៃឈើក្បាលខ្លា និងសហគមន៍អូរដាស់ស្តរ ក្នុងខេត្តកំពង់ធំ។ ទោះបីជាមិនមានដីសម្បទានរុករករ៉ែនៅក្នុងតំបន់របស់ពួកគាត់ក៏ដោយ ក៏សហគមន៍បានរាយការណ៍ថា ពួកគាត់រងផលប៉ះពាល់ពីការជីកយករ៉ែខុសច្បាប់នៅជុំវិញតំបន់ព្រៃឡង់ ដែលផ្តល់ជាអាហារ និងជាប្រភពចំណូលដ៏សំខាន់របស់ពួកគាត់។ សហគមន៍ទាំងពីរក៏បានលើកឡើងពីកង្វល់របស់ពួកគាត់ទាក់ទងនឹងគុណភាពទឹកនៃស្ទឹងសែន ព្រោះវាជាប្រភពទឹកដ៏សំខាន់របស់ពួកគាត់។<\/p>

$\"\"$ <\/a><\/p>