{"id":183296,"date":"2024-02-27T16:51:08","date_gmt":"2024-02-27T09:51:08","guid":{"rendered":"https:\/\/opendevelopmentcambodia.net\/?p=183296"},"modified":"2024-06-03T14:18:10","modified_gmt":"2024-06-03T07:18:10","slug":"odc-attracted-local-people-in-mondulkiri-to-join-a-training-on-business-and-digital-literacy","status":"publish","type":"post","link":"https:\/\/opendevelopmentcambodia.net\/km\/odc-attracted-local-people-in-mondulkiri-to-join-a-training-on-business-and-digital-literacy\/","title":{"rendered":"\u17a2\u17bc\u200b\u178c\u17b8\u200b\u179f\u17ca\u17b8\u200b \u1791\u1791\u17bd\u179b\u200b\u1794\u17b6\u1793\u1780\u17b6\u179a\u200b\u1785\u17b6\u1794\u17cb\u17a2\u17b6\u179a\u1798\u17d2\u1798\u178e\u17cd\u200b\u1796\u17b8\u200b\u1794\u17d2\u179a\u1787\u17b6\u1787\u1793\u200b\u1793\u17c5\u200b\u1780\u17d2\u1793\u17bb\u1784\u200b\u1781\u17c1\u178f\u17d2\u178a\u1798\u178e\u17d2\u178c\u179b\u1782\u17b7\u179a\u17b8\u200b \u1780\u17d2\u1793\u17bb\u1784\u1780\u17b6\u179a\u1785\u17bc\u179b\u179a\u17bd\u1798\u200b\u179c\u1782\u17d2\u1782\u200b\u1794\u178e\u17d2\u178a\u17bb\u17c7\u1794\u178e\u17d2\u178a\u17b6\u179b\u200b\u1791\u17b6\u1780\u17cb\u1791\u1784\u200b\u1793\u17b9\u1784\u200b\u17a2\u17b6\u1787\u17b8\u179c\u1780\u1798\u17d2\u1798\u200b\u1793\u17b7\u1784\u200b\u17a2\u1780\u17d2\u1781\u179a\u1780\u1798\u17d2\u1798\u200b\u178c\u17b8\u200b\u1787\u17b8\u200b\u1790\u200b\u179b\u200b"},"content":{"rendered":"\n

កាលពីថ្ងៃទី២៥ ខែកុម្ភៈ ឆ្នាំ២០២៤ អង្គការទិន្នន័យអំពីការអភិវឌ្ឍ (អូឌីស៊ី) បានរៀបចំការបណ្ដុះបណ្ដាលដែលជាសកម្មភាពមួយក្នុងគម្រោង “ការពង្រឹងសេដ្ឋកិច្ចក្រៅប្រព័ន្ធ និងសហគ្រាសធុនតូចនិងមធ្យមនៅប្រទេសកម្ពុជា តាមរយៈទិន្នន័យបើកទូលាយ និងអក្ខរកម្មឌីជីថល”<\/a> ដែលទទួលបានជំនួយហិរញ្ញវត្ថុពីមជ្ឈមណ្ឌលសម្រាប់សហគ្រាសឯកជនអន្ដរជាតិ<\/a>។ ការបណ្ដុះបណ្ដាលនេះធ្វើឡើងនៅការិយាល័យរបស់សមាគមមិត្តភាពជនជាតិដើមភាគតិចកម្ពុជា ដែលស្ថិតនៅក្នុងភូមិប៊ូស្រា ឃុំប៊ូស្រា ស្រុកពេជ្រាដា ខេត្ដមណ្ឌលគិរី និងមានអ្នកចូលរួម១៣នាក់ដែលជាជនជាតិដើមភាគតិច ក្នុងនោះស្ត្រី២នាក់ ស្ថិតនៅក្នុងសេដ្ឋកិច្ចក្រៅប្រព័ន្ធផ្ដោតលើវិស័យកសិកម្ម សិល្បៈ និងសហគមន៍ទេសចរណ៍។ គួរកត់សម្គាល់ថា ខេត្ដមណ្ឌលគិរី គឺជាភូមិសាស្ដ្រគោលដៅមួយក្នុងចំណោមគោលដៅទាំង៤ នៃគម្រោងនេះ ហើយការបណ្ដុះបណ្ដាលនេះគឺជាលើកទី២ ដែលប្រព្រឹត្តទៅបន្ទាប់ពីការរៀបចំការបណ្ដុះបណ្ដាលដោយជោគជ័យនៅរាជធានីភ្នំពេញ កាលពីថ្ងៃទី២២ ខែធ្នូ ឆ្នាំ២០២៣ កន្លងទៅ<\/a>។<\/p>

$\"\"$ <\/a>
គម្រោងនេះ មានគោលដៅបង្កើនការយល់ដឹងអំពីវិស័យឯកជន លើកកម្ពស់ស្ដ្រីនិងជនជាតិដើមភាគតិចក្នុងការធ្វើអាជីវកម្ម ផ្សព្វផ្សាយធនធានអប់រំទាក់ទងនឹងអាជីវកម្មនិងច្បាប់គ្របដណ្ដប់វិស័យឯកជន និងពង្រឹងលទ្ធិប្រជាធិបតេយ្យតាមរយៈការរួមបញ្ចូលនៅក្នុងសង្គម ក្នុងន័យបង្កើតបរិយាកាសដល់ពួកគេអាចចូលរួមនិងចែករំលែកចំណាប់អារម្មណ៍និងក្ដីកង្វល់ទាក់ទងនឹងវិស័យឯកជននៅកម្ពុជា។ កម្មវិធីនេះចាប់ផ្ដើមពីសុន្ទរកថាបើកកម្មវិធី ដែលបង្ហាញពីគោលបំណងនៃការបណ្ដុះបណ្ដាល និងការរំពឹងទុកលទ្ធផល ដោយប្រធានគ្រប់គ្រងកម្មវិធីនិងភាពជាដៃគូនៃអូឌីស៊ី។ ការធ្វើបទបង្ហាញអំពីគម្រោងធ្វើឡើងបន្ទាប់ពីនេះ ដោយរៀបរាប់ពីសាវតា គោលបំណង សកម្មភាពរបស់គម្រោង និងឱកាសផ្សេងៗសម្រាប់សហគ្រាសធុនតូចនិងមធ្យម និងសេដ្ឋកិច្ចក្រៅប្រព័ន្ធនៅកម្ពុជា។<\/p>

$\"\"$ <\/a>
ប្រធានបទដែលបានយកមកបណ្ដុះបណ្ដាលមានចំនួន៣។ ប្រធានបទដំបូង “ការគ្រប់គ្រងអាជីវកម្មនិងការទទួលខុសត្រូវសង្គមរបស់សាជីវកម្ម” ធ្វើបទបង្ហាញដោយកញ្ញា ស្រី ណាក់ ដៃគូសហការផ្នែកអភិវឌ្ឍន៍អាជីវកម្ម និងអ្នកជំនាញផ្នែកការទទួលខុសត្រូវសង្គមរបស់សាជីវកម្មនៃក្រុមហ៊ុនមេធាវីសរណ។ ប្រធានបទបន្ទាប់ គឺ “ការបង្កើតមាតិកានៅលើប្រព័ន្ធផ្សព្វផ្សាយសង្គម” ដោយលោក ណៃ ម៉ាណេត ប្រធានផ្នែកទំនាក់ទំនងនៃអូឌីស៊ី និង “គន្លឹះសុវត្ថិភាពឌីជីថល” ដោយលោក សំអាន ម៉ារឌី ប្រធានគ្រប់គ្រងផ្នែកព័ត៌មានវិទ្យានិងគេហទំព័រនៃអូឌីស៊ី។<\/p>

$\"\"$ <\/a>
នៅក្នុងការបណ្ដុះបណ្ដាល អ្នកចូលរួមចាប់អារម្មណ៍ពីគំរូអាជីវកម្ម និងរបៀបនៃការដឹកនាំ។ អ្នកធ្វើបទបង្ហាញបានល្បងសមត្ថភាពអ្នកចូលរួមអំពីធាតុផ្សំដែលត្រូវពិចារណានៅពេលបង្កើតអាជីវកម្ម ហើយអ្នកចូលរួមបានចែករំលែកឧទាហរណ៍អំពីការបង្កើតអាជីវកម្មលាងម៉ូតូនៅក្នុងសហគមន៍។ ជាងនេះទៅទៀត ពួកគេក៏ទទួលបានឱកាសឆ្លុះបញ្ចាំងស្ថានភាពអាជីវកម្មជាក់ស្ដែងនៅក្នុងសហគមន៍ តាមរយៈមេរៀន។ ក្នុងនោះ ពួកគេឆ្លុះបញ្ចាំងអំពីតម្រូវការរបស់មនុស្សនៅក្នុងសង្គម និងតម្រូវការសង្គម ចំណង់ចំណូលចិត្ត ចំណេះដឹង និងភាពប៉ិនប្រសប់របស់បុគ្គល ការទទួលបានប្រាក់ចំណេញមកវិញ និងការពិភាក្សាជាមួយអ្នកជំនាញក្នុងការធ្វើផែនការអាជីវកម្ម។ បន្ថែមពីនេះ ពួកគេរួមបញ្ចូលការប្រើប្រាស់ប្រព័ន្ធផ្សព្វផ្សាយសង្គមទៅក្នុងអាជីវកម្មរបស់ខ្លួន ដែលជាមធ្យោបាយបង្កើនប្រាក់ចំណូលតាមរយៈការផ្សព្វផ្សាយអំពីផលិតផលកសិកម្ម សេវាកម្មអេកូទេសចរណ៍ និងវីដេអូជាភាសាជនជាតិដើមភាគតិច ឱ្យមានវិសាលភាពធំទូលាយ។ ពួកគេក៏ទទួលបានគន្លឹះផ្សេងៗក្នុងការធ្វើទីផ្សារផលិតផលនិងសេវាកម្មតាមរយៈការបង្កើតមាតិកាដ៏ទាក់ទាញ និងការទាញយកឱកាសពីប្រព័ន្ធផ្សព្វផ្សាយសង្គមដ៏មានសក្ដានុពលផ្សេងទៀតដូចជា ទិកតុក។ លើសពីនេះ ពួកគេបង្ហាញការចាប់អារម្មណ៍ចំពោះការពង្រឹងសុវត្ថិភាពនិងឯកជននៅលើអ៊ីនធឺណិតនិងឧបករណ៍ប្រើប្រាស់ផ្ទាល់ខ្លួនផងដែរ។ មុនការបណ្ដុះបណ្ដាលអំពីគន្លឹះសុវត្ថិភាពឌីជីថល អ្នកធ្វើបទបង្ហាញល្បងសមត្ថភាពអ្នកចូលរួមទាក់ទងនឹងការយកចិត្តទុកដាក់ចំពោះឧបករណ៍ផ្ទាល់ និងការបង្ហាញខ្លួននៅលើអ៊ីនធឺណិត។ ហ្គេមនេះល្បងអ្នកចូលរួមពីការប្រើប្រាស់ពាក្យសម្ងាត់ខ្លាំង និងចំណង់ចំណូលចិត្តប្រើប្រាស់ WiFi សាធារណៈ។<\/p>