ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥<\/a> ទិន្នន័យបានដើរតួនាទីយ៉ាងសំខាន់កាន់តែខ្លាំងឡើងនៅក្នុងអភិបាលកិច្ចសាធារណៈនៅកម្ពុជា ដោយសារហេតុផលមួយចំនួន។ ការប្តេជ្ញាចិត្តចំពោះកំណែទម្រង់ និងការបន្តកំណើនសេដ្ឋកិច្ច ត្រូវបានគេរំពឹងថានឹងធ្វើឱ្យប្រទេសកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០។<\/p>ដំណើរការនៃការគ្រប់គ្រងរដ្ឋាភិបាលឌីជីថលនេះ ចាប់ផ្តើមជាមួយនឹងការបង្កើត និងការអនុម័តគោលនយោបាយចាំបាច់ និងការធ្វើបច្ចុប្បន្នភាពក្របខណ្ឌច្បាប់ និងបទប្បញ្ញត្តិពាក់ព័ន្ធផ្សេងទៀតដោយរាជរដ្ឋាភិបាលកម្ពុជា។ ដំណើរការនេះបន្តជាមួយនឹងការអភិវឌ្ឍស្តង់ដាររដ្ឋាភិបាលឌីជីថល និងរចនាបទ តាមរយៈគោលការណ៍ បទដ្ឋាន គំរូ ការវិវត្តន៍បច្ចេកវិទ្យា និងការអនុវត្តល្អបំផុតនៅកម្រិតជាតិ និងអន្តរជាតិ។ ទាំងនេះគឺជាមូលដ្ឋានគ្រឹះសម្រាប់ការបង្កើតរដ្ឋាភិបាលឌីជីថល ដែលប្រកបដោយប្រសិទ្ធភាព ប្រសិទ្ធផល និងទ្រទ្រង់ដល់ការកសាង និងការរីកចម្រើននៃសេដ្ឋកិច្ច និងសង្គមឌីជីថលដ៏រឹងមាំ និងថាមវន្ត។<\/p>
គោលនយោបាយទិន្នន័យបើកទូលាយ គឺជាគោលនយោបាយមួយក្នុងចំណោមគោលនយោបាយមួយចំនួនទៀតដែល រាជរដ្ឋាភិបាលកំពុងធ្វើការ និងប្រមូលធាតុចូល។ អនុលោមតាមច្បាប់ និងបទប្បញ្ញត្តិដែលមានស្រាប់ គោលនយោបាយទិន្នន័យបើកទូលាយថ្មីនឹងកំណត់គោលការណ៍ ស្តង់ដារ អាជ្ញាប័ណ្ណ និងនីតិវិធីសម្រាប់ការបើកទូលាយ រក្សាទុក និងចែករំលែកទិន្នន័យរបស់ រដ្ឋាភិបាលជាមួយស្ថាប័នសាធារណៈ វិស័យធុរកិច្ច និងបុគ្គល។ គោលបំណងចំបងបំផុតនៃទិន្នន័យបើកទូលាយ គឺដើម្បីបង្កើន តម្លាភាព យុត្តិធម៌ និងគណនេយ្យភាព ព្រមទាំងគុណភាពនៃសេវា ដែលការណ៍នេះការបង្កើនទំនុកចិត្តរបស់សាធារណៈជនចំពោះ រដ្ឋាភិបាល លើកកម្ពស់ការស្រាវជ្រាវ និងការច្នៃប្រឌិតប្រកបដោយនិរន្តរភាព និងបរិយាបន្ន។
![\"\"](\"https:\/\/opendevelopmentcambodia.net\/wp-content\/uploads\/2024\/03\/New-1024x576.jpg\")
<\/p>