សិក្ខាសាលានេះមានគោលបំណង (១) កំណត់ពីឱកាស និងបញ្ហាប្រឈមក្នុងការអនុវត្តការវាយតម្លៃបរិស្ថានជាយុទ្ធសាស្ត្រនៅកម្ពុជា (២) បំផុសគំនិតពាក់ព័ន្ធនឹងការរៀបចំអនុក្រឹត្យស្តីពីការវាយតម្លៃបរិស្ថានជាយុទ្ធសាស្ត្រដែលមានចែងក្នុងក្រមបរិស្ថាន និងធនធានធម្មជាតិឆ្នាំ២០២៣ ដើម្បីគាំទ្រការអនុវត្តការវាយតម្លៃបរិស្ថានជាយុទ្ធសាស្ត្រ និង (៣) ពង្រីកឱកាសកសាងសមត្ថភាពលើការវាយតម្លៃបរិស្ថានជាយុទ្ធសាស្ត្រសម្រាប់មន្ត្រីថ្នាក់ជាតិ និងថ្នាក់ក្រោមជាតិ។<\/p> នៅឆ្នាំ២០២៥ ក្រសួងបរិស្ថាន និងអង្គការមូលនិធិអាស៊ីបានសហការគ្នាដើម្បីបន្តគំនិតផ្តួចផ្តើមការវាយតម្លៃបរិស្ថានជាយុទ្ធសាស្ត្រ ដោយចាប់ផ្តើមពីកិច្ចប្រជុំក្នុងចំណោមថ្នាក់គ្រប់គ្រង ដើម្បីពិភាក្សាអំពីបញ្ហាសំខាន់ៗ និងជំរុញការអនុវត្តការវាយតម្លៃបរិស្ថានជាយុទ្ធសាស្ត្រនៅកម្ពុជាបន្ថែមទៀត។ កិច្ចការដំបូង គឺការបង្កើត និងជំរុញការរួមបញ្ចូលការវាយតម្លៃបរិស្ថានជាយុទ្ធសាស្ត្រទៅក្នុងគោលនយោបាយ ផែនការយុទ្ធសាស្ត្រ និងកម្មវិធីនៅក្នុងសកម្មភាពរបស់វិស័យពាក់ព័ន្ធ។ កិច្ចខិតខំប្រឹងប្រែងនេះមានគោលបំណងចូលរួមចំណែកក្នុងការសម្រេចបាននូវការអភិវឌ្ឍប្រកបដោយចីរភាព និងគាំទ្រដល់ការអនុវត្តយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា។ ការវាយតម្លៃបរិស្ថានជាយុទ្ធសាស្ត្រដើរតួនាទីយ៉ាងសំខាន់ក្នុងការរួមបញ្ចូលបញ្ហាបរិស្ថានទៅក្នុងការរៀបចំគោលនយោបាយ ផែនការយុទ្ធសាស្ត្រ និងកម្មវិធីនៅក្នុងសកម្មភាពរបស់វិស័យសំខាន់ៗដែលមានចែងក្នុងក្រមបរិស្ថាន និងធនធានធម្មជាតិ។<\/p> ឯកឧត្តម ជួប ប៉ារីស៍ រដ្ឋលេខាធិការនៃក្រសួងបរិស្ថាន បានអញ្ជើញជាអធិបតីបើកសិក្ខាសាលា។ ក្នុងឱកាសនោះ ឯកឧត្តមបានមានប្រសាសន៍សង្កត់ធ្ងន់ថា ការអនុវត្តសកម្មភាពសម្រាប់ដំណាក់កាលទី២នេះគឺជាការពង្រឹងកិច្ចសហប្រតិបត្តិការកាន់តែទូលំទូលាយលើការរៀបចំឯកសារសម្រាប់ការវាយតម្លៃបរិស្ថានជាយុទ្ធសាស្ត្រ ដែលគ្របដណ្តប់លើវិស័យអាទិភាពទាំង ៧ ដូចមានកំណត់ក្នុងឯកសារ NDC ៣.០ (Nationally Determined Contributions 3.0) ដើម្បីធានាបាននូវការអភិវឌ្ឍប្រកបដោយចីរភាព ដោយផ្តោតលើសរសរស្តម្ភទាំងបីរួមមាន៖ សេដ្ឋកិច្ច សង្គម និងបរិស្ថាន។ ការរៀបចំការវាយតម្លៃបរិស្ថានជាយុទ្ធសាស្ត្រ គឺពិតជាមានសារៈសំខាន់ណាស់សម្រាប់ក្រសួង និងស្ថាប័នមានសមត្ថកិច្ចពាក់ព័ន្ធ ដើម្បីដាក់ចេញនូវផែនការយុទ្ធសាស្ត្រតាមវិស័យរបស់ខ្លួនក្នុងគោលដៅរួមគ្នាសម្រេចបាននូវការអភិវឌ្ឍប្រកបដោយចីរភាព និងធានាបាននូវបរិស្ថានល្អដែលមានការគិតគូរដល់ភាពស្អាត។ ឯកឧត្តមក៏បានគូសបញ្ជាក់បន្ថែមដោយឱ្យអង្គសិក្ខាសាលាគិតគូរលើការរៀបចំលិខិតបទដ្ឋានគតិយុត្តស្តីពីការវាយតម្លៃបរិស្ថានជាយុទ្ធសាស្ត្រ ដែលមានចែងក្នុងក្រមបរិស្ថាន និងធនធានធម្មជាតិដូចជា អនុក្រឹត្យ ឬគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រតាមវិស័យនីមួយៗ។ គួររំលឹកផងដែរថា កិច្ចសហការសម្រាប់ដំណាក់កាលទី១ បានសម្រេចលទ្ធផលជាវិជ្ជមាន រួមមានការបញ្ចប់ការសិក្សាពីវិសាលភាពនៃការវាយតម្លៃបរិស្ថានជាយុទ្ធសាស្ត្រនៅកម្ពុជា ការកសាងសមត្ថភាពសម្រាប់មន្ត្រីរាជការ និងការបណ្តុះបណ្តាលគ្រូបង្គោលផ្នែកការវាយតម្លៃបរិស្ថានជាយុទ្ធសាស្ត្រ។<\/p> សិក្ខាសាលានេះបានបង្ហាញស្តីពីស្ថានភាពបច្ចុប្បន្ននៃការវាយតម្លៃបរិស្ថានជាយុទ្ធសាស្ត្រនៅកម្ពុជារួមមាន សាវតារនៃការវាយតម្លៃបរិស្ថានជាយុទ្ធសាស្ត្រនៅប្រទេសកម្ពុជា បច្ចុប្បន្នភាព ព្រមទាំងផែនការបន្តសម្រាប់ឆ្នាំ២០២៥-២០២៧។ បច្ចុប្បន្ននេះ ក្រសួងបរិស្ថានកំពុងតែរៀបចំគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រនៅក្នុងប្រទេសកម្ពុជា និងគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រសម្រាប់ការអភិវឌ្ឍធនធានរ៉ែខ្សាច់ទន្លេក្នុងប្រទេសកម្ពុជា។ នៅកំឡុងឆ្នាំ២០២៥-២០២៧ ក្រសួងបរិស្ថាននឹងរៀបចំអនុក្រឹត្យស្តីពីនីតិវិធីនៃការវាយតម្លៃបរិស្ថានជាយុទ្ធសាស្ត្រ ការវិភាគក្របខណ្ឌនៃការវាយតម្លៃបរិស្ថានជាយុទ្ធសាស្ត្រ និងការបណ្តុះបណ្តាលគ្រូបង្គោល។<\/p> លោក ធី ទ្រី នាយកប្រតិបត្តិ និងនិពន្ធនាយក នៃអង្គការទិន្នន័យអំពីការអភិវឌ្ឍ (អូឌីស៊ី) បានធ្វើបទបង្ហាញស្តីពីទិដ្ឋភាពទូទៅនៃការវាយតម្លៃបរិស្ថានជាយុទ្ធសាស្ត្រ ក៏ដូចជារបាយការណ៍ការវាយតម្លៃបរិស្ថានជាយុទ្ធសាស្ត្រដែលធ្លាប់មានកន្លងមក។ ស្របពេលគ្នានេះដែរ លោកក៏បានបង្ហាញពីការងារដែលអូឌីស៊ីធ្លាប់បានធ្វើទាក់ទងនឹងការវាយតម្លៃបរិស្ថានជាយុទ្ធសាស្ត្រនៅប្រទេសកម្ពុជាដូចជា រគ្គបណ្តុះបណ្តាល សិក្ខាសាលា កិច្ចប្រជុំផ្តល់យោបល់ សន្និសីទ និងការផ្តល់ធាតុចូលក្នុងគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រនៅក្នុងប្រទេសកម្ពុជា និងគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រសម្រាប់ការអភិវឌ្ឍធនធានរ៉ែខ្សាច់ទន្លេក្នុងប្រទេសកម្ពុជា។ អូឌីស៊ីបានចាប់ផ្តើមធ្វើការលើការវាយតម្លៃបរិស្ថានជាយុទ្ធសាស្ត្រតាំងពីឆ្នាំ២០២០ រហូតមកទល់បច្ចុប្បន្ននេះ។ នៅអំឡុងឆ្នាំ២០២០ អូឌីស៊ី បានសហការជាមួយក្រសួងបរិស្ថាន និងអង្គការកម្មវិធីផ្លាស់ប្តូរបទពិសោធន៍អនុផលព្រៃឈើ ដែលគាំទ្រដោយគណៈកម្មាធិការហូឡង់សម្រាប់អង្គការសហភាពអន្តរជាតិដើម្បីអភិរក្សធម្មជាតិ រៀបចំវគ្គបណ្តុះបណ្តាល<\/a>ចំនួន ២លើក ដែលមានអ្នកចូលរួមប្រមាណ ៦១នាក់ មកពីមន្ទីរពាក់ព័ន្ធ និងសង្គមស៊ីវិល។ អូឌីស៊ី ក៏បានចូលរួមសន្និសីទចំនួន ២ដងនៅក្រៅប្រទេស និងធ្វើកិច្ចពិភាក្សាទាក់ទងនឹងការវាយតម្លៃបរិស្ថានជាយុទ្ធសាស្ត្រនៅប្រទេសក្នុងតំបន់មេគង្គ<\/a>ផងដែរ។ ដើម្បីលើកកម្ពស់ការយល់ដឹងឱ្យកាន់តែទូលាយ អូឌីស៊ី បានរៀបចំសិក្ខាសាលា<\/a>ចំនួន ៣ដង ដែលមានអ្នកចូលរួមសរុបប្រមាណ ១២០នាក់ ពីតំណាងក្រសួងពាក់ព័ន្ធ សង្គមស៊ីវិល អ្នកការសែត និងសហគមន៍ជនជាតិដើមភាគតិច ដែលគាំទ្រដោយមូលនិធិហេនរេចបូល<\/a> និង FHI360-CSS។ អូឌីស៊ី បានធ្វើការសម្របសម្រួលជាមួយអ្នកជំនាញបរទេសក្នុងការផ្តល់ធាតុចូលដល់ សេចក្តីព្រាងគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រនៅក្នុងប្រទេសកម្ពុជា និងគោលការណ៍ណែនាំស្តីពីការវាយតម្លៃបរិស្ថានជាយុទ្ធសាស្ត្រសម្រាប់ការអភិវឌ្ឍធនធានរ៉ែខ្សាច់ទន្លេក្នុងប្រទេសកម្ពុជាផងដែរ។<\/p>![\"\"](\"https:\/\/opendevelopmentcambodia.net\/wp-content\/uploads\/2025\/06\/508659625_1042478388073646_4305950439734534856_n-1024x682.jpg\")
<\/a><\/p>![\"\"](\"https:\/\/opendevelopmentcambodia.net\/wp-content\/uploads\/2025\/06\/photo_2025-06-20_14-52-56-1024x768.jpg\")
<\/a><\/p>![\"\"](\"https:\/\/opendevelopmentcambodia.net\/wp-content\/uploads\/2025\/06\/photo_2025-06-20_14-53-45-1024x768.jpg\")
<\/a><\/p>
![\"\"](\"https:\/\/opendevelopmentcambodia.net\/wp-content\/uploads\/2025\/06\/photo_2025-06-20_14-53-18-1024x768.jpg\")
<\/a><\/p>