![\"\"](\"https:\/\/opendevelopmentcambodia.net\/wp-content\/uploads\/2025\/12\/law2.jpg\")
<\/a>កិច្ចពិភាក្សានៅក្នុង សិក្ខាសាលាពិគ្រោះយោបល់ស្តីពីសេចក្ដីព្រាងច្បាប់ស្តីពីកិច្ចការពារទិន្នន័យបុគ្គល<\/p><\/div>
នៅថ្ងៃទី៧ ខែតុលា ឆ្នាំ២០២៥ អង្គការទិន្នន័យអំពីការអភិវឌ្ឍ (អូឌីស៊ី) មានឱកាសចូលរួម សន្និសីទជាតិលើកដំបូងរបស់កម្ពុជាស្តីពីកិច្ចការពារទិន្នន័យបុគ្គល<\/a> នៅរាជធានីភ្នំពេញ។ សន្និសីទជាតិនេះត្រូវបានរៀបចំឡើងដោយ ក្រសួងប្រៃសណីយ៍និងទូរគមនាគមន៍ (ក.ប.ទ.) ដោយមានការគាំទ្រពីសហភាពអឺរ៉ុប និងអង្គការអភិវឌ្ឍន៍អន្តរជាតិអាល្លឺម៉ង់ប្រចាំប្រទេសកម្ពុជា (អង្គការ GIZ) ហើយបានប្រមូលផ្តុំអ្នកជំនាញ និងគណៈវិជ្ជាជីវៈចូលរួមប្រមាណ ១៥០ នាក់។ ជាពិសេស យើងពិតជារីករាយដែលបានស្តាប់ការថ្លែងសុន្ទរកថាស្វាគមន៍ និងឃើញការគាំទ្រយ៉ាងខ្លាំងរបស់ ឯកអគ្គរដ្ឋទូតអាល្លឺម៉ង់ និងឯកអគ្គរដ្ឋទូតសហភាពអឺរ៉ុប ចំពោះគំនិតផ្តួចផ្តើមនេះ។ អូឌីស៊ី ពិតជាមានអារម្មណ៍ថារំភើបរីករាយ ដែលបានចូលរួមក្នុងដំណាក់កាលដ៏សំខាន់មួយនៃអនាគតឌីជីថលរបស់កម្ពុជា។<\/p> សន្និសីទនេះបានធ្វើឡើងក្នុងពេលវេលាដ៏សមស្របមួយ ព្រោះកម្ពុជាកំពុងរៀបចំ សេចក្ដីព្រាងច្បាប់ស្តីពីកិច្ចការពារទិន្នន័យបុគ្គល ដែលគ្រោងនឹងបញ្ចប់នៅចុងឆ្នាំ២០២៥ ឬដើមឆ្នាំ២០២៦ខាងមុខនេះ។ បរិយាកាសនៅក្នុងសន្និសីទមានលក្ខណៈរស់រវើក ហើយអ្នកចូលរួមបានពិភាក្សាពីឧត្តមានុវត្តន៍អន្តរជាតិមកអនុវត្តឱ្យសមស្របក្នុងបរិបទរបស់កម្ពុជា។<\/p> កិច្ចពិភាក្សានៅក្នុងសន្និសីទនេះ បានកើតចេញពីដំណើរការពិគ្រោះយោបល់នានាដែលកំពុងបន្ត។ កាលពីដើមឆ្នាំនេះ នៅថ្ងៃទី២៣ ខែកក្កដា ឆ្នាំ២០២៥ ក.ប.ទ. បានរៀបចំ «សិក្ខាសាលាពិគ្រោះយោបល់ស្តីពីសេចក្ដីព្រាងច្បាប់ស្តីពីកិច្ចការពារទិន្នន័យបុគ្គល<\/a>» ដោយមានអ្នកចូលរួមប្រមាណ ២០០ នាក់ មកពីស្ថាប័នរាជរដ្ឋាភិបាល វិស័យឯកជន អង្គការសង្គមស៊ីវិល និងស្ថាប័នអប់រំ។ កិច្ចពិភាក្សានោះបានបង្ហាញថា កម្ពុជា រួមជាមួយមីយ៉ាន់ម៉ានិងឡាវ មិនទាន់បានអនុម័ត ច្បាប់ស្តីពីកិច្ចការពារទិន្នន័យបុគ្គល នៅឡើយ ហើយបានបញ្ជាក់ថាសេចក្តីព្រាងច្បាប់នេះគ្រោងនឹងបញ្ចប់នៅចុងឆ្នាំ២០២៥ ឬដើមឆ្នាំ២០២៦ខាងមុខនេះ។ ច្បាប់នេះត្រូវបានតាក់តែងឡើងដោយអនុលោមតាមក្របខណ្ឌច្បាប់អន្តរជាតិ និងបទប្បញ្ញត្តិជាតិ ដើម្បីធានាបាននូវសុខដុមនីយកម្មផ្នែកគតិយុត្ត និងភាពអនុវត្តបានប្រកបដោយប្រសិទ្ធិភាព។ សិក្ខាសាលានេះមានគោលបំណងប្រមូលធាតុចូលពីភាគីពាក់ព័ន្ធ ដើម្បីកំណត់ចន្លោះខ្វះខាត ចំណុចជាន់គ្នា និងផលប៉ះពាល់ដែលអាចកើតមាន ព្រមទាំងលើកកម្ពស់តម្លាភាព ទំនុកចិត្ត និងការចូលរួមប្រកបដោយបរិយាបន្ន។ នៅក្នុងអំឡុងពេលពិភាក្សា លោក ធី ទ្រី នាយកប្រតិបត្តិនៃ អូឌីស៊ី បានផ្តល់ធាតុចូល និងមតិយោបល់ ដើម្បីជួយកែលម្អសេចក្តីព្រាងច្បាប់នេះឱ្យមានភាពល្អប្រសើរជាងមុន។<\/p><\/div><\/div>\r\n <\/div>\r\n <\/div><\/div>\r\n <\/div>\r\n