![\"\"](\"https:\/\/opendevelopmentcambodia.net\/wp-content\/uploads\/2026\/08\/IMG_8246-2-scaled.jpg\")
<\/a><\/p>អង្គការទិន្នន័យអំពីការអភិវឌ្ឍ (អូឌីស៊ី) បានរៀបចំ «ជំនួបបច្ចេកទេសស្តីពីការធ្វើផែនទី<\/a>» នៅថ្ងៃទី ២១ ខែសីហា ឆ្នាំ ២០២៦ នៅ Hobby Café and Restaurant ក្នុងរាជធានីភ្នំពេញ។ ជំនួបនេះមានអ្នកចូលរួមចំនួន ១៥ នាក់ (ស្ត្រី ៥ នាក់) រួមមាន អ្នកអនុវត្តការងារផែនទី អ្នកស្រាវជ្រាវ បុគ្គលិកគម្រោង តំណាងសហគមន៍ និងអ្នកចាប់អារម្មណ៍លើបច្ចេកវិទ្យាភូមិសាស្ត្រ ដើម្បីផ្លាស់ប្តូរចំណេះដឹង និងបទពិសោធន៍ជាក់ស្តែងក្នុងការប្រើប្រាស់ផែនទី និងទិន្នន័យភូមិសាស្ត្រ។ ជំនួបបច្ចេកទេសនេះបានផ្តល់ជាវេទិកាទៀងទាត់សម្រាប់អ្នកចូលរួមក្នុងការរៀនសូត្រពីគ្នាទៅវិញទៅមក ស្វែងយល់អំពីឧបករណ៍ផែនទីជាក់ស្តែង និងពង្រឹងបណ្តាញបច្ចេកទេសរវាងស្ថាប័ន និងបុគ្គលដែលធ្វើការពាក់ព័ន្ធនឹងទិន្នន័យភូមិសាស្ត្រ។<\/p> វគ្គបច្ចេកទេសទីមួយត្រូវបានធ្វើបទបង្ហាញដោយលោកស្រី ជា មុនីសុជាតា ដែលជាអ្នកសម្របសម្រួលគម្រោងនៅអង្គការ WWT កម្ពុជា បានធ្វើបទបង្ហាញនៅវគ្គបច្ចេកទេសទីមួយ និងបានចែករំលែកការស្រាវជ្រាវរបស់លោកស្រីក្រោមប្រធានបទ «ការវាយតម្លៃប្រសិទ្ធភាពនៃសកម្មភាពអភិរក្សតំបន់ដីសើម ដោយប្រើទិន្នន័យ Sentinel-1 Synthetic Aperture Radar (SAR)»។ បទបង្ហាញបានណែនាំអំពីសារៈសំខាន់របស់តំបន់ដីសើម និងតួនាទីរបស់វាក្នុងការគាំទ្រជីវចម្រុះ ការគ្រប់គ្រងទឹកជំនន់ ការបន្សុទ្ធទឹក ការគាំទ្រផលិតកម្មស្បៀងអាហារ និងជីវភាពរស់នៅ ព្រមទាំងការឆ្លើយតបទៅនឹងការប្រែប្រួលអាកាសធាតុ។ ការពិភាក្សាបានបង្ហាញថា តំបន់ដីសើមជាច្រើននៅកម្ពុជាផ្តល់អត្ថប្រយោជន៍សំខាន់ៗដល់សហគមន៍មូលដ្ឋាន ខណៈការស្រាវជ្រាវ និងការកត់ត្រាព័ត៌មានអំពីប្រព័ន្ធអេកូឡូស៊ីតំបន់ដីសើមនៅមានកម្រិតនៅឡើយ។<\/p> លោកស្រី មុនីសុជាតា ក៏បានណែនាំអំពី តំបន់ការពារទេសភាពបឹងព្រែកល្ពៅ ដែលជាតំបន់ដីសើមដ៏សំខាន់មួយ ទ្រទ្រង់ប្រភេទសត្វស្លាបជាង ១២០ ប្រភេទ និងត្រីប្រមាណ ១៣០ ប្រភេទ។ តំបន់នេះផ្តល់សេវាកម្មប្រព័ន្ធអេកូឡូស៊ីជាច្រើន ដូចជា ការគ្រប់គ្រងទឹកជំនន់ ជម្រកសត្វព្រៃ ការចម្រោះទឹក កសិកម្ម ជលផល និងការផលិតស្បៀងអាហារ។ បទបង្ហាញបានផ្តោតជាពិសេសលើការស្តារទីជម្រកវាលស្មៅ និងបានបង្ហាញពីវិធីសាស្ត្រស្តារជាច្រើន រួមមាន ការបន្ថយកម្ពស់ដី ការបិទឬបំពេញប្រឡាយបង្ហូរទឹក ការសាងសង់ទំនប់ និងទំនប់តូចៗ ព្រមទាំងការបង្កើតអាងទឹក។<\/p> អ្នកចូលរួមត្រូវបានណែនាំអំពីការប្រើប្រាស់ទិន្នន័យ Sentinel-1 Synthetic Aperture Radar (SAR) រួមជាមួយទិន្នន័យទឹកក្រោមដី ម៉ូដែលកម្ពស់ឌីជីថល (DEM) និងទិន្នន័យទឹកភ្លៀង ដើម្បីគាំទ្រការស្រាវជ្រាវតំបន់ដីសើម និងវាយតម្លៃប្រសិទ្ធភាពនៃសកម្មភាពអភិរក្ស។ លទ្ធផលបានបង្ហាញថា រូបភាព SAR និងទិន្នន័យទឹកក្រោមដីអាចផ្តល់ព័ត៌មានមានប្រយោជន៍សម្រាប់ការតាមដាន និងការស្រាវជ្រាវ ដោយកម្រិតប្រសិទ្ធភាពអាចខុសគ្នាទៅតាមតំបន់សិក្សា។<\/p> វគ្គនេះក៏បានបង្កើតការពិភាក្សាអំពីការគំរាមកំហែងសំខាន់ៗចំពោះតំបន់ដីសើម រួមមាន ការបាត់បង់តំបន់ដីសើម ប្រភេទសត្វនិងរុក្ខជាតិរាតត្បាត ការបំពុល និងផលប៉ះពាល់ពីសកម្មភាពមនុស្ស។ អ្នកចូលរួមបានពិភាក្សាអំពីតម្រូវការក្នុងការផ្តល់អាទិភាពដល់តំបន់ដីសើមដែលមានសារៈសំខាន់សម្រាប់ជម្រកសត្វព្រៃ និងប្រភេទសត្វកម្រនានា ព្រមទាំងពង្រឹងការស្រាវជ្រាវ និងការយល់ដឹងរបស់សាធារណជនអំពីការអភិរក្សតំបន់ដីសើម។<\/p> វគ្គទីពីរត្រូវបានធ្វើបទបង្ហាញដោយលោក សំអាន ម៉ារឌី ប្រធានគ្រប់គ្រងផ្នែកព័ត៌មានវិទ្យា និងគេហទំព័រនៃអង្គការអូឌីស៊ី ដែលបានបង្ហាញអំពីការជូនដំណឹងអំពីការរំខានព្រៃឈើ<\/a> បន្ទាប់ពីទំព័រព័ត៌មានទិន្នន័យនេះត្រូវបានដាក់ឱ្យប្រើប្រាស់<\/a>។ បទបង្ហាញបានណែនាំអ្នកចូលរួមអំពីរបៀបប្រើប្រាស់ទំព័រព័ត៌មានអំពីការរំខានព្រៃឈើ និងការបញ្ជូនការជូនដំណឹងតាមតេឡេក្រាម។ អ្នកប្រើប្រាស់អាចចូលទៅកាន់វេទិកាតាមរយៈគេហទំព័រអូឌីស៊ី ជ្រើសរើសទីតាំង មើលព័ត៌មានតាមកាលបរិច្ឆេទ និងស្វែងរកទីតាំងដែលបានរាយការណ៍អំពីការរំខានព្រៃឈើតាមរយៈផែនទីអន្តរកម្ម។<\/p> បច្ចុប្បន្ន វេទិកានេះគាំទ្របណ្តាញតេឡេក្រាមសហគមន៍ចំនួន ៣១ បណ្តាញ សម្រាប់តំបន់ការពារចំនួន ៧ និងបណ្តាញទូទាំងប្រទេសចំនួន ១។ អ្នកប្រើប្រាស់អាចចូលរួមបណ្តាញដែលពាក់ព័ន្ធ ដើម្បីទទួលបានការជូនដំណឹងអំពីការរំខានព្រៃឈើនៅក្នុងតំបន់ដែលខ្លួនចាប់អារម្មណ៍។ ចំណុចសំខាន់មួយដែលបានពិភាក្សាក្នុងវគ្គនេះ គឺតួនាទីរបស់សហគមន៍ក្នុងការផ្ទៀងផ្ទាត់ទីតាំងដែលបានរាយការណ៍។ អ្នកចូលរួមត្រូវបានរំលឹកថា ការជូនដំណឹងពីប្រព័ន្ធគួរត្រូវបានចាត់ទុកជាព័ត៌មានបឋម ហើយការចុះពិនិត្យជាក់ស្តែង និងការល្បាតនៅទីតាំង គឺនៅតែមានសារៈសំខាន់ មុនពេលធ្វើការសន្និដ្ឋានអំពីការរំខានដែលបានរាយការណ៍។ អ្នកចូលរួមក៏បានពិភាក្សាផងដែរថា តើទំព័រជូនដំណឹងនេះអាចបញ្ជាក់បានដែរឬទេថា មានមនុស្សចុះទៅដល់ទីតាំង និងបានរាយការណ៍ជាក់ស្តែង។ បច្ចុប្បន្ន មុខងារនេះមិនទាន់មាននៅឡើយទេ ហើយអាចជាចំណុចមួយសម្រាប់ពិចារណាក្នុងការអភិវឌ្ឍប្រព័ន្ធនាពេលអនាគត។<\/p> ជំនួបបច្ចេកទេសស្តីពីការធ្វើផែនទី បានរួមបញ្ចូលការបង្ហាញជាក់ស្តែងអំពីទំព័រជូនដំណឹងអំពីការរំខានព្រៃឈើតាមរយៈគេហទំព័រអូឌីស៊ី និងតេឡេក្រាម។ អ្នកចូលរួមបានប្រើប្រាស់ទូរសព្ទដៃរបស់ខ្លួន ដើម្បីស្វែងរកទំព័រព័ត៌មាន និងសាកល្បងមុខងារផ្សេងៗដោយផ្ទាល់។ អ្នកចូលរួមក៏ត្រូវបានណែនាំអំពី Google Maps KML files និង Google Earth ដែលជាឧបករណ៍គាំទ្រសម្រាប់មើល និងចែករំលែកព័ត៌មានភូមិសាស្ត្រ។ ការបង្ហាញក៏បានណែនាំអំពី Global Forest Watch (GFW) និង Global Nature Watch ដើម្បីផ្តល់ឱកាសឱ្យអ្នកចូលរួមស្វែងយល់អំពីឧបករណ៍បន្ថែម និងសួរសំណួរបច្ចេកទេស។<\/p> អ្នកចូលរួមបានលើកឡើងថា ព័ត៌មានអំពីការរំខានព្រៃឈើអាចមានប្រយោជន៍សម្រាប់សហគមន៍ក្នុងការតាមដាន និងការពារព្រៃឈើ។ ទិន្នន័យនេះអាចជួយកំណត់តំបន់ដែលត្រូវការការយកចិត្តទុកដាក់បន្ថែម និងអាចប្រើជាព័ត៌មានគាំទ្រសម្រាប់ការស៊ើបអង្កេត និងការផ្ទៀងផ្ទាត់នៅទីវាល។ ការពិភាក្សាក៏បានសង្កត់ធ្ងន់ថា បច្ចេកវិទ្យា និងការជូនដំណឹងផ្អែកលើទិន្នន័យផ្កាយរណប គួរត្រូវបានប្រើប្រាស់ជាឧបករណ៍បំពេញបន្ថែម មិនមែនជំនួសចំណេះដឹងរបស់សហគមន៍ ការសង្កេតនៅទីវាល និងការផ្ទៀងផ្ទាត់ជាក់ស្តែងនៅទីតាំងនោះទេ។<\/p> នៅក្នុងជំនួបនេះទាំងមូល អ្នកចូលរួមបានចូលរួមយ៉ាងសកម្មក្នុងការសួរសំណួរ និងពិភាក្សាអំពីការអភិរក្សតំបន់ដីសើម រូបភាពផ្កាយរណប ការតាមដានព្រៃឈើ ទិន្នន័យភូមិសាស្ត្រ និងការប្រើប្រាស់ឧបករណ៍ផែនទីជាក់ស្តែង។ នៅចុងបញ្ចប់នៃជំនួប អ្នកចូលរួមបានបំពេញការវាយតម្លៃ និងត្រូវបានអញ្ជើញឱ្យចូលរួមក្នុងក្រុមតេឡេក្រាម ដើម្បីបន្តផ្លាស់ប្តូរព័ត៌មាន ចែករំលែកឱកាស និងរក្សាទំនាក់ទំនងសម្រាប់សកម្មភាពនាពេលអនាគត។<\/p> ក្នុងសុន្ទរកថាបិទកម្មវិធី លោកស្រី អ៊ួន វិមល (ប្រធានគ្រប់គ្រងកម្មវិធី និងភាពជាដៃគូនៃអង្គការអូឌីស៊ី) និងលោក ឡុច កល្យាណ (អ្នកស្រាវជ្រាវទិន្នន័យ និងឯកទេសប្រព័ន្ធព័ត៌មានភូមិសាស្ត្រនៃអង្គការអូឌីស៊ី) បានថ្លែងអំណរគុណដល់អ្នកចូលរួមទាំងអស់ចំពោះការចូលរួមយ៉ាងសកម្ម និងបានលើកទឹកចិត្តដល់អ្នកអនុវត្តការងារផែនទី និងអ្នកដែលចាប់អារម្មណ៍ ឱ្យស្ម័គ្រចិត្តធ្វើជាវាគ្មិនសម្រាប់ជំនួបនេះនាពេលខាងមុខ។<\/p>ស្វែងយល់ពីតួនាទីទិន្នន័យផ្កាយរណបក្នុងការអភិរក្សតំបន់ដីសើម<\/a><\/h5>
<\/a><\/p>បទបង្ហាញអំពីការជូនដំណឹងអំពីការរំខានព្រៃឈើ<\/a><\/h5>
<\/a><\/p>ការបង្ហាញជាក់ស្តែង និងការចូលរួមរបស់អ្នកចូលរួម<\/a><\/h5>
ការកសាងសហគមន៍អ្នកអនុវត្តការងារផែនទីឱ្យកាន់តែរឹងមាំ<\/a><\/h5>
<\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n