![\"\"](\"https:\/\/opendevelopmentcambodia.net\/wp-content\/uploads\/2026\/10\/100.jpg\")
<\/a><\/p>កាលពីថ្ងៃទី០១ ខែកញ្ញា ឆ្នាំ២០២៦<\/a> ដោយមានការគាំទ្រពីមជ្ឈមណ្ឌលសហគ្រាសឯកជនអន្តរជាតិ (CIPE) អង្គការទិន្នន័យអំពីការអភិវឌ្ឍ (អូឌីស៊ី) បានរៀបចំសិក្ខាសាលាពិគ្រោះយោបល់មួយនៅសភាពាណិជ្ជកម្មអាមេរិកប្រចាំកម្ពុជា (AmCham) សម្រាប់គម្រោងថ្មីរបស់ខ្លួនស្តីពីទិន្នន័យបើកទូលាយ និងការកែទម្រង់បរិយាកាសវិនិយោគ។ សិក្ខាសាលានេះមានការចូលរួមពីតំណាងចំនួន ១៣ រូប មកពីវិស័យឯកជន អង្គការសង្គមស៊ីវិល និងភាគីពាក់ព័ន្ធសំខាន់ៗដទៃទៀត ដើម្បីផ្តល់ធាតុចូលសម្រាប់ការស្រាវជ្រាវនាពេលខាងមុខរបស់អូឌីស៊ី ដែលផ្តោតលើវិនិយោគិនបរទេស<\/a> និងការបង្កើតទំព័រព័ត៌មានទិន្នន័យស្តីពីការលើកទឹកចិត្តវិនិយោគ។ ដោយសារសិក្ខាសាលានេះត្រូវបានរៀបចំឡើងតាំងពីដំណាក់កាលដំបូងនៃគម្រោង វាបានផ្តល់ឱកាសយ៉ាងសំខាន់ដល់អូឌីស៊ីក្នុងការប្រមូលទស្សនៈពីភាគីពាក់ព័ន្ធ ដើម្បីធានាថាទាំងការស្រាវជ្រាវ និងការបង្កើតទំព័រព័ត៌មានទិន្នន័យនេះ ពិតជាឆ្លើយតបចំគោលដៅ និងតម្រូវការជាក់ស្តែង។<\/p> ផ្នែកដ៏សំខាន់មួយនៃគម្រោងនេះ គឺការស្រាវជ្រាវស៊ីជម្រៅអំពីបទពិសោធន៍របស់វិនិយោគិនបរទេសដែលកំពុងប្រតិបត្តិការក្នុងវិស័យផ្សេងៗនៅកម្ពុជា។ ការស្រាវជ្រាវនេះនឹងពិនិត្យមើលលើទិដ្ឋភាពសំខាន់ៗមួយចំនួន ដូចជាការទទួលបានព័ត៌មានរបស់វិនិយោគិន ការយល់ដឹងអំពីការលើកទឹកចិត្តវិនិយោគ បទពិសោធន៍ក្នុងការអនុវត្តតាមក្របខ័ណ្ឌច្បាប់វិនិយោគ និងបញ្ហាប្រឈមនានាដែលពួកគេអាចនឹងជួបប្រទះនៅពេលចាប់ផ្តើម ឬពង្រីកការវិនិយោគរបស់ខ្លួន។ អូឌីស៊ីនឹងធ្វើបទសម្ភាសន៍ស៊ីជម្រៅជាមួយវិនិយោគិនបរទេស និងភាគីពាក់ព័ន្ធផ្សេងទៀត។ មតិយោបល់ដែលទទួលបានពីការពិគ្រោះយោបល់នេះ នឹងជួយអូឌីស៊ីឱ្យកំណត់បាននូវវិស័យអាទិភាព និងបុគ្គលគោលដៅ ព្រមទាំងជួយសម្រួចសំណួរស្រាវជ្រាវ និងស្វែងរកប្រភពទិន្នន័យដែលពាក់ព័ន្ធបានកាន់តែច្បាស់លាស់។<\/p> សិក្ខាសាលានេះក៏បានផ្តល់ឱកាសដល់អ្នកចូលរួមក្នុងការចែករំលែកទស្សនៈជុំវិញភាពសំបូរបែប និងភាពងាយស្រួលក្នុងការស្វែងរកព័ត៌មានទាក់ទងនឹងការលើកទឹកចិត្តវិនិយោគផងដែរ។ ធាតុចូលទាំងនេះនឹងជួយធានាថា ការស្រាវជ្រាវនេះពិតជាអាចដោះស្រាយបញ្ហាកង្វះខាតព័ត៌មាន និងឆ្លុះបញ្ចាំងយ៉ាងពិតប្រាកដពីបទពិសោធន៍របស់អ្នកដែលកំពុងប្រឡូកក្នុងបរិយាកាសវិនិយោគនៅកម្ពុជា។ វគ្គទីពីរនៃសិក្ខាសាលា គឺបានផ្តោតទៅលើផែនការរបស់អូឌីស៊ីក្នុងការអភិវឌ្ឍទំព័រព័ត៌មានទិន្នន័យស្តីពីការលើកទឹកចិត្តវិនិយោគ។ នៅក្នុងវគ្គនេះ អូឌីស៊ីបានណែនាំអំពីទម្រង់ទូទៅនៃទំព័រព័ត៌មានទិន្នន័យនេះ និងបានអញ្ជើញអ្នកចូលរួមឱ្យពិភាក្សាថាតើព័ត៌មាន ទិន្នន័យ ការវិភាគផ្លូវច្បាប់ និងមុខងារងាយស្រួលប្រើប្រាស់បែបណាខ្លះ ដែលគួរមាន ដើម្បីធ្វើឱ្យទំព័រនេះកាន់តែមានប្រយោជន៍សម្រាប់អ្នកអានគ្រប់មជ្ឈដ្ឋាន។ ទំព័រព័ត៌មានទិន្នន័យដែលគ្រោងនឹងបង្កើតនេះ មានគោលបំណងផ្តល់នូវព័ត៌មានដែលងាយស្រួលយល់សម្រាប់វិនិយោគិន ម្ចាស់អាជីវកម្ម អង្គការសង្គមស៊ីវិល អ្នកស្រាវជ្រាវ អ្នកតាក់តែងគោលនយោបាយ និងសាធារណជនទូទៅ។ អ្នកចូលរួមបានផ្តល់គំនិតល្អៗជាច្រើនអំពីប្រភេទព័ត៌មានដែលគួរតែដាក់បង្ហាញ ព្រមទាំងយន្តការដែលទំព័រព័ត៌មានទិន្នន័យនេះអាចជួយឱ្យព័ត៌មាននៃការលើកទឹកចិត្តវិនិយោគកាន់តែងាយស្រួលយល់ និងងាយស្រួលស្វែងរក។ រាល់មតិយោបល់របស់ពួកគេ រួមទាំងការកំណត់វិសាលភាព ខ្លឹមសារ របៀបនៃការបង្ហាញទិន្នន័យ និងមុខងារអន្តរកម្មនានា នឹងរួមចំណែកយ៉ាងសំខាន់ក្នុងការរចនាទំព័រព័ត៌មានទិន្នន័យនេះឱ្យកាន់តែល្អប្រសើរ។<\/p><\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n <\/div><\/div>\r\n <\/div>\r\n