ក្រុមហ៊ុន ផាវ័រ អិនជិនញៀរីង ខនសាល់ធីង-ទី១
ព័ត៌មានក្រុមហ៊ុន ផាវ័រ អិនជិនញៀរីង ខនសាល់ធីង-ទី១ ដែលជាក្រុមហ៊ុនប្រទេសវៀតណាម ដែលកំពុងធ្វើការសិក្សាពីសមិទិ្ធលទ្ធភាពទាំងមូលសម្រាប់គម្រោងឱ្យអគ្គិសនីវៀតណាម (បច្ចុប្បន្នឈ្មោះ EVNi) ដែលជាម្ចាស់វិនិយោគទុនលើគម្រោងសេសានក្រោមទី២នេះ។ ការចុះអនុស្សរណៈយោគយល់ MoU រវាង EVN និងក្រសួងឧស្សហកម្មរ៉ែ និងថាមពល (MIME) នៃប្រទេសកម្ពុជា បានចុះហត្ថលេខានៅក្នុងខែមិថុនា ឆ្នាំ២០០៧ អនុញ្ញាតិឱ្យ EVN ដើម្បធ្វើការសិក្សាពីសមិទ្ធិលទ្ធភាព។
ដើមទុនចុះបញ្ជីក្រុមហ៊ុន ៨១៦.០០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ព័ត៌មានពុំអាចរកបាន
លេខកូដចុះបញ្ជីក្រុមហ៊ុន ព័ត៌មានពុំអាចរកបាន
ឈ្មោះប្រធានក្រុមហ៊ុន លោក Lam Du Son
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសវៀតណាម
អាសយដ្ឋានក្រុមហ៊ុន Km9+2000, Nguyen Trai, Thanh Xuan ទីក្រុងហាណូយ ប្រទេសវៀតណាម ទូរស័ព្ទលេខ (+៨៤) ០៤២១៤៨០០៦ ទូរសារ (+៨៤) ០៤៨៥៤១២០៨
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមពេញលេញ
ក្រសួង/ស្ថាប័ន ក្រសួងរ៉ែ និងថាមពល
ទីតាំង ទន្លេសេសានក្រោមទី២ នៅស្រុកសេសាន​ ខេត្តស្ទឹងត្រែង ប្រទេសកម្ពុជា ប្រហែល ២០ គីឡូម៉ែត្រ ផ្នែកខាងកើតទីរួមខេត្តស្ទឹងត្រែង ប្រហែល ៤៥០ គីឡូម៉ែត្រ ភាគឦសាននៃទីក្រុងភ្នំពេញ ប្រហែល ៦០ គីឡូម៉ែត្រ ពីព្រំប្រទល់ប្រទេសឡាវ និងប្រហែល ១៥០ គីឡូម៉ែត្រ ពីព្រំប្រទល់ប្រទេសវៀតណាម។
ភូមិ ព័ត៌មានពុំអាចរកបាន
ឃុំ ឃុំភ្លុក ឃុំស្រែគរ ឃុំតាឡាត់ និងឃុំក្បាលរមាស
ស្រុក ស្រុកសេសាន
ខេត្ត ខេត្តស្ទឹងត្រែង
រយៈពេលកិច្ចសន្យា ៣០ឆ្នាំ
ទំហំផ្ទៃដីរបស់គម្រោង ព័ត៌មានពុំអាចរកបាន
វិស័យ វារីអគ្គិសនី
ក្រុមហ៊ុនសិក្សា EIA ឃី ខនសាល់ធេន (ខេមបូឌា)
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ភ្នំពេញសេនធ័រ អគារ F ជាន់ទី​ ៦ បន្ទប់លេខ ៦៨៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ទំនាក់ទំនងទូរស័ព្ទ+៨៥៥ ២៣ ២២៤ ៣៦២ អ៊ីម៉ែល key_consultants@online.com.kh
បទដ្ឋានគតិយុទ្ធពាក់ព័ន្ធ រដ្ឋធម្មនុញ្ញនៃព្រះរាជាណាចក្រកម្ពុជា​ (១៩៩៣) ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ (១៩៩៦) ព្រះរាជក្រឹត្យស្ដីពីការបង្កើតតំបន់ការពារធម្មជាតិ (១៩៩៣) អនុក្រឹត្យស្តីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម​ (១៩៩៩) អនុក្រឹត្យស្តីពីការត្រួតពិនិត្យការបំពុលទឹក (១៩៩៩) អនុក្រឹត្យស្តីពីការគ្រប់គ្រងសំណល់រឹង (១៩៩៩) ច្បាប់ភូមិបាល (២០០១) ច្បាប់ស្តីពីព្រៃឈើ (២០០២) ច្បាប់ស្តីពីការគ្រប់គ្រងធនធានទឹក (២០០៧)និងគោលនយោបាយជាតិលើវិស័យធនធានទឹក (២០០៤)
ចំណូលនិងចំណាយក្រុមហ៊ុន ព័ត៌មានពុំអាចរកបាន
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ផលប៉ះពាលវិជ្ជមានទៅលើបរិស្ថានមានដូចជា -ថាមពលអគ្គីសនី៖ ទួប៊ីនអគ្គិសនី ៤០០ MW និងសរុបថាមពល ១.៩៥៣,៩ GWh -ហេដ្ឋារចនាសម្ព័ន្ធជនបទ៖ គម្រោងនឹងសាងសង់ផ្លូវថ្នល់ថ្មីទៅកាន់តំបន់គម្រោងផ្លូវវាង និងស្ពាននៅផ្នែកខាងកើតរបស់ទន្លេសេសានដើម្ពីភ្ជាប់តំបន់តាំងទីលំនៅថ្មីរបស់ភូមិស្រែគរ និងភូមិខ្សាច់ថ្មី។ គម្រោងក៏សាងសង់ផងដែរនូវរាល់ទីកន្លែងទាំងអស់របស់សហគមន៍នៅតំបន់តាំងទីលំនៅថ្មីដោយរាប់បញ្ចូលទាំងសាលារៀន​វត្ត ផ្លូវភូមិ អណ្តូវរបស់សហគមន៍ឱ្យមានចំនួន និងបទដ្ឋានសមមូល ឬប្រសើរជាងអ្វីដែលនិងត្រូវបានបំផ្លាញនៅក្នុងភូមិដែលនិងត្រូវជន់លិច។ -ការងារ៖​ ការងារដល់កម្មករ/ប្រជាជនមូលដ្ឋានសហគមន៍ ចាប់ពីឆ្នាំ​២០១០ ដល់ ២០១៤ ដែលមានចំនួនសរុបប្រមាណ ៩.៥០០ នាក់ -ទេសចរណ៍៖ ធនធានធម្មជាតិក្នុងបឹង និងជុំវិញគម្រោង ហេដ្ឋារចនាសម្ព័ន្ធនានា និងទស្សនកិច្ចរោងចក្រវារីអគ្គិសនី នេសាទកំសាន្ត -ចំណូល៖ លក់ផលិតផលនៅមូលដ្ឋាន សកម្មភាពទេសចរណ៍ ម៉ៅការការងារក្នុងដំណាក់កាសាងសង់ -សេដ្ឋកិច្ច៖ អភិវឌ្ឍន៍ហេដ្ឋារចនាសម្ព័ន្ធកម្ពុជា ដោយរាប់បញ្ចូលឧស្សាហកម្ម​/សិប្បកម្ម កសិកម្ម និងទេសចរណ៍នៅក្នុងតំបន់ ការបង់ពន្ធដល់រាជរដ្ឋាភិបាលកម្ពជាតាមរយៈកិច្ចសន្យាច្បាប់វិនិយោគ។
ចំនួនការងារដែលបានបង្កើត គម្រោងនេះនឹងបង្កើតប្រាក់ចំណូលដល់ប្រជាពលរដ្ឋក្នុងមូលដ្ឋាននៅថ្នាក់ខេត្ត និងថ្នាក់ជាតិ ដោយសារចំនួនការងារច្រើនដែលបានផ្តល់ក្នុងដំណាក់កាលសាងសង់ និងអនុវត្ត។​ ការងារដល់កម្មករ/ប្រជាជនមូលដ្ឋានសហគមន៍ ចាប់ពីឆ្នាំ​២០១០ ដល់ឆ្នាំ២០១៤ ដែលមានចំនួនសរុបប្រមាណ ៩.៥០០ នាក់។
ការចូលរួមជាសាធារណៈ ការចូលរួមពិគ្រោះយោបល់សាធារណៈត្រូវបានអនុវត្តតាមការសម្ភាសន៍ និងពិគ្រោះយោបល់ដោយឡែកៗជាមួយនឹងអ្នកពាក់ព័ន្ធសំខាន់ៗ (តាមគ្រួសារ និងតាមស្ថាប័នពាក់ព័ន្ធ) កំឡុងពេលសិក្សាវាយតម្លៃហេតុប៉ះពាល់បរិស្ថានទាំងមូល។ ក្នុងផែ្នកនេះ មនុស្សដែលទទួលផលប៉ះពាល់ដោយផ្ទាល់ និងដោយប្រយោល និងស្ថាប័នដែលទាក់ទងមានឱកាសក្នងការផ្តល់មតិយោបល់កែលំអលើគម្រោង។
ប្រភពដីបម្លែងពី ព័ត៌មានពុំអាចរកបាន
ផែនការគ្រប់គ្រងបរិស្ថាន ផែនការគ្រប់គ្រងបរិស្ថានផ្តល់ជាមគ្គុទេសសម្រាប់ត្រួតពិនិត្យតាមដាន និងមានវិធានការបន្ធូរបន្ថយសម្រាប់ការអនុវត្តន៍មុនពេលសាងសង់ ពេលសាងសង់ និងពេលប្រតិបត្តិការគម្រោង។ ផែនការគ្រប់គ្រងបរិស្ថានរួមមាន ការរៀបចំស្ថាប័ន សង្ខេបវិធានការបន្ធូរបន្ថយ និងកម្មវិធីពិនិត្យតាមដាន។ វិធានការបន្ធូរបន្ថយ និងកម្មវិធីតាមដាន នឹងរាប់បញ្ចូលនូវការវិភាគ ស្ថាប័នទទួលខុសត្រូវ និងថវិកា។
ផែនការអភិវឌ្ឍ គម្រោងនឹងមានការសាងសង់ទំនប់ប្រវែង ៨ គីឡូម៉ែត្រ​ នៅលើទន្លេសេសាន ស្ថិតក្នុងខេត្តស្ទឹងត្រែង ប្រទេសកម្ពុជា ស្ថិតនៅចម្ងាយ ១,៥ គីឡូម៉ែត្រខាងក្រោមនៃចំណុចប្រសព្វទន្លេសេសាន និងទន្លេស្រែពក។ ទឹកក្នុងអាងនឹងប្រើប្រាស់សម្រាប់ទាញទូប៊ីនអគ្គិសនីដែលគេនឹងតម្លើងនៅក្នុងអាគារផលិតថាមពលដែលអាចផលិតអគ្គិសនីបាន ១.៩៥៣,៩ GWh ដែលចាត់ទុកថាគម្រោងរោងចក្រអគ្គិសនីខ្នាតនៅធំមួយនៅកម្ពុជា។
យុទ្ធសាស្ត្រដើម្បីកាត់បន្ថយផលប៉ះពាល់ វិធានការបន្ធូរបន្ថយដែលគួរធ្វើមានដូចជា៖ -កាត់បន្ថយផ្ទៃអាងឱ្យបានច្រើនតាមដែលអាចធ្វើបានតាមរយៈការកាត់បន្ថយកម្ពស់ទំនប់ឱ្យបានច្រើនតាមដែលធ្វើបាន -ផ្តល់ទីតាំងតំបន់តាំងទីលំនៅថ្មីឱ្យបានសមរម្យដែលស្ថិតនៅឆ្ងាយពីតំបន់ទីជំរកសំខាន់ៗ -ផ្ដល់សំណងឱ្យបានគ្រប់គ្រាន់ដល់ប្រជាជននៅតាមដងទន្លេដែលជាពិសេសនឹងទទួលរងការបាត់បង់ដីដែលជាលទ្ធផលរបស់ទំនាបលផ្អែកលើមូលដ្ឋានប្រចាំឆ្នាំ នេះអាចធ្វើឡើងក្នុងន័យនៃការផ្តួចផ្តើមកលំអជីវភាព -ពិនិត្យតាមដានទឹកឱ្យបានម៉ត់ចត់ទាំងបរិមាណ និងគុណភាពពីទំនប់ដើម្បីធានាបាននូវបរិមាណ និងគុណភាពរបស់ទឹកថាគ្រប់គ្រាន់ ដល់សុខភាពអ្នកប្រើប្រាស់ទឹកនៅខាងក្រាមខ្សែទឹកមិនឱ្យមានផលប៉ះពាល់អាក្រក់ និងរក្សាបានអេកូឡូស៊ីរបស់ទន្លេ ហើយផ្ដល់វិធានការសំណងប្រសិនបើទំនប់បណ្តាលឱ្យប៉ះពាល់ដល់សុខភាពអេកូឡូស៊ីដែលជាលទ្ធផលនៃភាពខ្សត់ខ្សោយគុណភាព ឬបរិមាណទឹកចេញពីទំនប់ -ធ្វើឱ្យប្រាកដថាចរាចរណ៍ដែលទាក់ទងទៅនឹងគម្រោងគោរពតាមច្បាប់ផ្លូវថ្នល់ និងភាពខូចខាតចំពោះផ្លូវថ្នល់ត្រូវបានជួសជុលយ៉ាងលឿន -ធ្វើឱ្យប្រាកដថាទំនប់ត្រូវបានសាងសង់ធនទៅនឹងរញ្ជួយដី ដូចនេះវាមិនបាក់ស្រុតនៅក្នុងព្រឹត្តិការដែលមានរញ្ជួយដី -ធានាឱ្យបានថាការងារសាងសង់ត្រូវចាប់ផ្ដើមនៅពេលដោះមីនរួចរាល់សាច់បាច់ -ផ្តល់វិធានការសំណងសម្រាប់ការបាត់បង់ដើមឈើ និងយុទ្ធការផ្លាស់ប្តូរអាកាសធាតុដោយការដាំដើមឈើឡើងវិញឱ្យសមមមូលទៅនឹងប្រភេទ និងចំនួនដែលបាត់បង់ -ធ្វើសហប្រតិបត្តិការជាមួយអ្នកប្រតិបត្តិការទំនប់ផ្សេងទៀតនៅក្នុងតំបន់រងទឹកភ្លៀង ដើម្បីកាត់បន្ថយ និងគ្រប់គ្រងផលប៉ះពាល់រួមរបស់ទំនប់។
មូលនិធិសេដ្ឋកិច្ចនិងសង្គម ព័ត៌មានពុំអាចរកបាន
ឆ្នាំបោះពុម្ភ EIA ២០០៩
បច្ចុប្បន្នភាព តុលា ២០២២

ឯកសារយោង

[​ពង្រាង]​ សេចក្តីចម្លងរបាយការណ៍វាយតម្លៃហេតុប៉ះពាល់បរិស្ថានសម្រាប់គម្រោងវារីអគិ្គសនីសេសានក្រោមទី២ ក្នុងខេត្តស្ទឹងត្រែង ប្រទេសកម្ពុជា
គោលបំណងគន្លឹះរបស់គម្រោងរោងចក្រវារីអគ្គិសនីសេសានក្រោមទី២ គឺដើម្បីបំពេញបង្គ្រប់តម្រូវការថាមពលរយៈពេលមធ្យម និងវែងរបស់ព្រះរាជាណាចក្រកម្ពុជា ក៏ដូចជាការនាំចេញថាមពលមួយចំនួនដែលលើសពីតម្រូវការ។ គម្រោងនេះឆ្លើយតបផងដែរ ទៅនឹងយុទ្ធសាស្រ្តចតុកោណរបស់រដ្ឋាភិបាលអណត្តិទី៣ ដែលទាក់ទងទៅនិងការអភិវឌ្ឍន៍វិស័យថាមពលឱ្យគ្រប់គ្រាន់ទៅតាមតំរូវការសម្រាប់់ថាមពលអគ្គិសនីដែលមានតំលៃទាប។ គោលបំណងសំខាន់ផ្សេងទៀតគឺដើម្បីធានាបានថា ការបង្កើតថាមពលនិងផលប៉ះពាល់ជាវិជ្ជមានរបស់វាដល់ប្រទេសជាតិ គឺត្រូវបានថ្លឹងថ្លែងឡើងយ៉ាងប្រុងប្រយ័ត្នទៅនឹងហេតុប៉ះពាល់អវិជ្ជមានដល់បរិស្ថាននិងសង្គម ដែលវានឹងបង្កឡើង ជាពិសេសនៅលើតំបន់ខ្សែទឹកខាងក្រោម និងខ្សែទឹកខាងលើរបស់តំបន់គម្រោង។