ក្រុមហ៊ុន (ខេមបូឌា) ហ្វីប៊ឺរ អុបទិក ខមញូនីខេសិន ណេតវើក
ព័ត៌មានក្រុមហ៊ុន ក្រុមហ៊ុន (ខេមបូឌា) ហ្វីប៊ឺរ អុបទិក ខមញូនីខេសិន ណេតវើក មានបុគ្គលិកបម្រការទាំងខ្មែរ និងបរទេសចំនួន ១៨០ នាក់ ដែលបានចុះបញ្ជីនូវក្រសួងការងារ និងបណ្តុះបណ្តាលវិជ្ជាជីវៈ។ មានបទពិសោធន៍ជាង ២០ឆ្នាំ នៃការប្រតិបត្តិការទទួលបានជោជ័យនៅក្នុងទីផ្សារបចេ្ចកវិទ្យាព័ត៌មាន។ ជាក្រុមហ៊ុនវិនិយោគនៅក្នុងគម្រោងសាងសង់បណ្តាញទំនាក់ទំនងខ្សែកាប្លិ៍អុបទិកនៅកម្ពុជា។ រយៈពេលវិនិយោគនៅព្រះរាជាណាចក្រកម្ពុជាមានរយៈពេល ៩៩ឆ្នាំ និងរយៈពេលនៃគុណភាពប្រើប្រាស់ខ្សែកាប្លិ៍អុបទិកមានពី ៣០-៤០ឆ្នាំ។
ដើមទុនចុះបញ្ជីក្រុមហ៊ុន ៣.០០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ថ្ងៃទី៨ ខែធ្នូ ឆ្នាំ២០០៦
លេខកូដចុះបញ្ជីក្រុមហ៊ុន Inv. 1139 E/2006
ឈ្មោះប្រធានក្រុមហ៊ុន លោក Huang XINGLONG
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសសិង្ហបុរី
អាសយដ្ឋានក្រុមហ៊ុន ផ្ទះលេខ២៩ ផ្លូវលេខ៥៩២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមដំបូង
ក្រសួង/ស្ថាប័ន ក្រសួងប្រៃសណីយ៍ និងទូរគមនាគមន៍
ទីតាំង ក្រុមហ៊ុនបណ្តាញទំនាក់ទំនងខ្សែកាប្លិ៍អុបទិករបស់កម្ពុជា Cambodia Fiber Optic Communication Network Co., Ltd ដែលបានឱ្យក្រុមហ៊ុន PPiC Co., Ltd ធ្វើការសិក្សាស្រាជ្រាវមានការសិក្សាទៅលើគោលដៅទីតាំងចំនួន ២ខេត្ត គឺខេត្តពោធិ៍សាត់ និងខេត្តកណ្តាល។
ភូមិ ព័ត៌មានពុំអាចរកបាន
ឃុំ ឃុំព្រែកតាកូវ ​និងឃុំស្វាយស
ស្រុក ស្រុកខ្សាច់កណ្តាល និងស្រុកក្រគរ
ខេត្ត ខេត្តកណ្តាល និងខេត្តពោធិ៍សាត់
រយៈពេលកិច្ចសន្យា ៩៩ឆ្នាំ
ទំហំផ្ទៃដីរបស់គម្រោង ព័ត៌មានពុំអាចរកបាន
វិស័យ ហេដ្ឋារចនាសម្ព័ន្ធ
ក្រុមហ៊ុនសិក្សា EIA ភី ភី អាយ ស៊ី ខូ អិល ធី ឌី
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ៥៦ ផ្លូវ២៤៦ សង្កាត់ចតុមុខ ខណ្ឌដូនពេញ រាជធានីភ្នំពេញ ប្រទេសកម្ពុជា ទូរសព្ទ (៨៥៥) ២៣ ៤២ ៦៦ ៧៨ (៨៥៥) ៨៨ ៣៨ ៧៥ ៨៧៨ និងអ៊ីម៉ែល៖ ppicltd@online.com.kh
ppicltd@ppicltd.com
បទដ្ឋានគតិយុទ្ធពាក់ព័ន្ធ ច្បាប់រដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ១៩៩៣ ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ ឆ្នាំ១៩៩៦ ច្បាប់អស្សាមិករណ៍ ច្បាប់ស្តីពីការគ្រប់គ្រងធនធានទឹក ឆ្នាំ២០០៧ ច្បាប់ជលផល ឆ្នាំ២០០៦ ច្បាប់ព្រៃឈើ ឆ្នាំ២០០២ ច្បាប់ភូមិបាល ឆ្នាំ២០០១ ច្បាប់ស្តីពីការងារ ឆ្នាំ១៩៩៧ និងច្បាប់ស្តីពីការរៀបចំដែនដីនគររូបនីយកម្ម និងសំណង់ ឆ្នាំ១៩៩៤
ចំណូលនិងចំណាយក្រុមហ៊ុន ប្រាក់វិនិយោគសរុបរបស់គម្រោងនេះមានចំនួន ១១០ លានដុល្លារអាមេរិក
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ប្រជាជនសង្ឃឹមថាក្រុមហ៊ុននឹងថែរក្សាសោភ័ណ្ឌភាពបរិស្ថាននៅក្នុងតំបន់គម្រោង និងទទួលបានខ្សែកាប្លិ៍អុបទិក ប្រើប្រាស់ឆាប់រហ័សល្បឿនលឿន និងតម្លៃថោកសមរម្យ ការប្រើប្រាសសម្ភារៈ ឧបករណ៍អេឡិចត្រូនិចទំនើបៗនៅតាមលំនៅដ្ឋាន។
ចំនួនការងារដែលបានបង្កើត ប្រជាពលរដ្ឋមានការរីកចម្រើនខាងចំណេះដឹងទូទៅ និងព័ត៌មានបានយ៉ាងឆាប់រហ័សដោយសារមានសេវាកម្មអេឡិចត្រូនិចប្រើប្រាសគ្រប់គ្រាន់ ជាពិសេសបង្កើតការងារពង្រឹងជំនាញ និងឱកាសពាណិជ្ជកម្ម និងមុខជំនួញក្នុងតំបន់។
ការចូលរួមជាសាធារណៈ លទ្ធផលនៃការប្រឹក្សា និងពិគ្រោះយោបល់ពីសាធារណជន ថ្នាក់ខេត្ត គាំទ្រ ១០០ ភាគរយ​តែត្រូវសាងសង់ឱ្យដល់តំបន់គោលដៅ។ ថ្នាក់ស្រុក និងឃុំគាំទ្រ ១០០ ភាគរយ តែត្រូវមានសំណងជូនដល់ប្រជាជន។ ប្រជាជនគាំទ្រ ១០០ ភាគរយ ព្រោះមានការអភិវឌ្ឍន៍ដូចជា អ៊ីនធើណែត ទូរទស្សន៍ ទូរស័ព្ទ និងកាម៉េរ៉ាសុវត្ថិភាព និងសូមឱ្យមានសំណងដោះស្រាយសមស្រប។
ប្រភពដីបម្លែងពី វិនិយោគសរុបលើផ្ទៃដីប្រវែង ៨,៥១៤ គីឡូម៉ែត្រ ដែលជាប្រភេទដីនៅក្នុងខេត្តតាមក្រុមគោលដៅចំនួន ៥ ដែលមានប្រភេទរុក្ខជាតិក្នុងតំបន់សិក្សាសរុបមាន ៤១ ប្រភេទ និងសត្វសរុប ៦២ ប្រភេទ។
ផែនការគ្រប់គ្រងបរិស្ថាន មានសមាសភាពនៃក្រុមត្រួតពិនិត្យ និងការឃ្លាំមើលវិធានការការពារបរិស្ថាន វិធានការសំខាន់ៗសម្រាប់ការពារបរិស្ថាន កម្មវិធីអង្កេតតាមដានការអនុវត្តន៍វិធានការការពារបរិស្ថាន ការប៉ាន់ស្មានចំណាយសម្រាប់ផែនការគ្រប់គ្រងបរិស្ថាន។
ផែនការអភិវឌ្ឍ ក្រុមហ៊ុន (ខេមបូឌា) ហ្វ៊ីប៊ីរ អុបទិក ខមញូនីខេសិន ណេតវើក បានវិនិយោគនៅក្នុងគម្រោងសាងសង់បណ្តាញទំនាក់ទំនងខ្សែកាប្លិ៍អុបទិកនៅកម្ពុជា។ គម្រោងនេះត្រូវបានចាត់ថ្នាក់ជា ៣ ដំណាក់កាលនៃការអនុវត្តន៍។ ដំណាក់កាលទី១៖ ឆ្នាំ២០០៧-២០១៤ បានសម្រេច ៧.៤២៩ គីឡូម៉ែត្រ ដំណាក់កាលទី២៖ ឆ្នាំ២០១៥ បានគ្រោងនិងស្ថិតក្រោមការសាងសង់ ១.០៨៥ គីឡូម៉ែត្រ ដំណាក់កាលទី៣៖ គម្រោងសាងសង់ក្នុងថ្ងៃអនាគតផ្អែកទៅលើតម្រូវការអភិវឌ្ឍន៍អាជីវកម្ម។
យុទ្ធសាស្ត្រដើម្បីកាត់បន្ថយផលប៉ះពាល់ វិធានការសំខាន់ៗសម្រាប់ការពារបរិស្ថាន និងរៀបចំកម្មវិធីអង្កេតតាមដានការអនុវត្តន៍វិធានការការពារបរិស្ថាន និងកម្មវិធីបណ្តុះបណ្តាល។
មូលនិធិសេដ្ឋកិច្ចនិងសង្គម ព័ត៌មានពុំអាចរកបាន
ឆ្នាំបោះពុម្ភ EIA ២០១៥
បច្ចុប្បន្នភាព កញ្ញា ២០២៤

ឯកសារយោង

[ពង្រាង] របាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង លើគម្រោងកំពុងសាងសង់ខ្សែកាប្លិ៍អុបទិក
របាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង លើគម្រោងកំពុងសាងសង់ខ្សែកាប្លិ៍អុបទិក មានប្រវែង ១,០៨៥ គម ដោយយកសំណាកផ្នែកផ្លូវ៣៨០ ខាងស្តាំមានប្រវែង ២,៦គម នៅឃុំព្រែកតាកូវ ស្រុកខ្សាច់កណ្តាល ខេត្តកណ្តាល និងនៅផ្នែកខាងស្តាំនៃផ្លូវ ៥៥ មានប្រវែង ១៥,៦ គម នៅឃុំស្វាយស ស្រុកក្រគរ ខេត្តពោធិ៍សាត់។