ក្រុមហ៊ុន ក្រុមហ៊ុនប្លែក​ ដាយអឹម៉ិន ស្តូន អេសជេស៊ី
ព័ត៌មានក្រុមហ៊ុន ក្រុមហ៊ុនប្លែក​ ដាយអឹម៉ិន ស្តូន អេសជេស៊ី គឺជាក្រុមហ៊ុនឯកបុគ្គលទទួលខុសត្រូវមានកម្រិត ដែលត្រូវបានចុះឈ្មោះក្នុងបញ្ជីពាណិជ្ជកម្ម តាមលិខិតលេខ ១១៨០ ពណ.ចបព ចុះថ្ងៃទី២៨ ខែកុម្ភៈ ឆ្នាំ២០១៣។ ក្រុមហ៊ុនមានលោក BUI KIM NGUYEN ភេទ ប្រុស សញ្ញាតិ វៀតណាម គឺជាប្រធានក្រុមប្រឹក្សាភិបាលក្រុមហ៊ុន។
ដើមទុនចុះបញ្ជីក្រុមហ៊ុន ១០.០០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ថ្ងៃទី១៨ ខែកុម្ភៈ ឆ្នាំ២០១៣
លេខកូដចុះបញ្ជីក្រុមហ៊ុន ១១៨០
ឈ្មោះប្រធានក្រុមហ៊ុន លោក BUI KIM NGUYEN
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសវៀតណាម
អាសយដ្ឋានក្រុមហ៊ុន ផ្ទះលេខ៥៦ ផ្លូវលេខ២៩៤ សង្កាត់បឹងកេងកង១ ខណ្ឌចំការមន រាជធានីភ្នំពេញ
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថា​ន​ដំបូង
ក្រសួង/ស្ថាប័ន ក្រសួងរ៉ែ និងថាមពល
ទីតាំង ទីតាំងគម្រោងស្ថិតនៅតំបន់វាលល្អៀង
ភូមិ ភូមិថ្នល់
ឃុំ ឃុំស្វាយជ្រះ
ស្រុក ស្រុកស្នួល
ខេត្ត ខេត្តក្រចេះ
រយៈពេលកិច្ចសន្យា ព័ត៌មានពុំអាចរកបាន
ទំហំផ្ទៃដីរបស់គម្រោង ៣០ ហិកតា
វិស័យ ឧស្សាហកម្មនិស្សារណកម្ម
ក្រុមហ៊ុនសិក្សា EIA អេស-ប៊ី-ខេ រីស៊ើច អេន ឌីវេឡុបមេន
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ៤៣ ផ្លូវ៣១៧ កែងផ្លូវ៥៧២ សង្កាត់បឹងកក់២ ខណ្ឌទួលគោក រាជធានីភ្នំពេញ
បទដ្ឋានគតិយុទ្ធពាក់ព័ន្ធ រដ្ឋធម្មនុញ្ញនៃព្រះរាជាណាចក្រកម្ពុជា ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ ច្បាប់ស្តីពីការងារ និងច្បាប់ស្តីពីវិសោធនកម្មមាត្រា ១៣៩ និងមាត្រា ១៤៤នៃច្បាប់ស្តីពីការងារ ច្បាប់ស្តីពីសារពើពន្ធ ច្បាប់ស្តីពីការគ្រប់គ្រង និងការធ្វើអាជីវកម្ម ធនធានរ៉ែ ច្បាប់ភូមិបាល ច្បាប់ស្តីពីរបបសន្តិសុខសង្គមសម្រាប់ជនទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ ច្បាប់ស្តីពីព្រៃឈើ ច្បាប់ស្តីពីវិសោធនកម្មនៃច្បាប់ស្តីពីវិនិយោគនៃព្រះរាជាណាចក្រកម្ពុជា ច្បាប់ស្តីពីជលផល ច្បាប់ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា ច្បាប់ស្តីពីផ្លូវថ្នល់ ច្បាប់ស្តីពីចរាចរណ៍ផ្លូវគោក អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម អនុក្រឹត្យស្ដីពីការត្រួតពិនិត្យការបំពុលទឹក អនុក្រឹត្យស្តីពីការគ្រប់គ្រងសំណល់រឹង អនុក្រឹត្យស្ដីពីការត្រួតពិនិត្យការបំពុលខ្យល់ និងការរំខានដោយសំឡេង អនុក្រឹត្យស្តីពីការគ្រប់គ្រងសំរាម សំណល់រឹងទីប្រជុំជន អនុក្រឹត្យស្តីពីការបង្កើតមូលនិធិបរិស្ថាន និងសង្គម ប្រកាសស្តីពីគោលការណ៍ណែនាំទូទៅក្នុងការធ្វើរបាយការណ៍វាយតម្លៃហេតុប៉ះពាល់បរិស្ថានដំបូង និងពេញលេញ ប្រកាសអន្តរក្រសួងស្តីពីអត្រាសួយសារលើតម្លៃធនធានរ៉ែ និងនីតិវិធីនៃការបង់សួយសារ ប្រកាសអន្តរក្រសួងស្តីពីចំណាត់ថ្នាក់នៃការវាយតម្លៃហេតុប៉ះពាល់បរិស្ថាន និងសង្គមសម្រាប់គម្រោងអាជីវកម្មរ៉ែសំណង់គ្រប់ប្រភេទ ឬរ៉ែផ្សេងទៀតដែលមានលក្ខណៈជាសិប្បកម្ម និងអាជីវកម្មខ្នាតតូច ប្រកាសអន្តរក្រសួងស្តីពីការកំណត់ថ្លៃឈ្នួលដីតំបន់អាជ្ញាបណ្ណធនធានរ៉ែ យុទ្ធសាស្តចតុកោណដំណាក់កាលទី៣ និងផែនការយុទ្ធសាស្ត្រជាតិស្តីពីការអភិវឌ្ឍន៍បៃតង
ចំណូលនិងចំណាយក្រុមហ៊ុន វិភាគចំណូលចំណាយគម្រោង (ការវិភាគសេដ្ឋកិច្ច) ត្រូវបានប៉ាន់ស្មានផ្អែកលើស្ថានភាពទីផ្សារជាក់ស្តែងនាពេលបច្ចុប្បន្ន៖​ ចំណូលចំណាយគម្រោង (លក់ក្នុងស្រុក) ក្នុងរយៈពេល​ ៥ឆ្នាំ ដែលសរុបចំណាយ (ក្នុងឆ្នាំ២០១៧ ពុំអាចរកបាន) ៧.៧០៥.២០០ ដុល្លារអាមេរិក (ក្នុងឆ្នាំ២០១៨) ១០.២៧៣.២០០ ដុល្លារអាមេរិក​(ក្នុងឆ្នាំ២០១៩) ១០.២៧៣.២០០ ដុល្លារអាមេរិក (ក្នុងឆ្នាំ២០២០) ១០.២៧៣.២០០ ដុល្លារអាមេរិក (ក្នុងឆ្នាំ២០២១) និងសរុបចំណេញក្រោយបង់ពន្ធ (ក្នុងឆ្នាំ២០១៧ ពុំអាចរកបាន) ២៧៦.៣៦០ ដុល្លារអាមេរិក (ក្នុងឆ្នាំ២០១៨)​​​ ៣៦៨.៧៦០ ដុល្លារអាមេរិក (ក្នុងឆ្នាំ២០១៩) ៣៦៨.៧៦០ ដុល្លារអាមេរិក (ក្នុងឆ្នាំ២០២០) និង ៣៦៨.៧៦០ ដុល្លារអាមេរិក (ក្នុងឆ្នាំ២០២១)។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម គម្រោងនឹងផ្តល់ប្រយោជន៍ជាច្រើនដល់សង្គមជាតិដូចជា​ ទាញយកថ្មក្រានីតមកកែច្នៃជាថ្មអារសម្រាប់បម្រើឱ្យការងារសំណង់ក្នុងស្រុក និងនាំ ចេញទៅបរទេសដើម្បីរួមចំណែកដល់ការអភិវឌ្ឍន៍ប្រទេស ដោយការទាញយកធនធានរ៉ែដែលមានស្រាប់ មកប្រើប្រាស់ឱ្យចំទិសដៅ និងអស់លទ្ធផលដើម្បីលើកស្ទួយផលិតផលក្នុងស្រុក និងបង្កើតការងារជូនប្រជាពលរដ្ឋកម្ពុជា កាត់ បន្ថយចំណាកស្រុក និងចូលរួមអភិវឌ្ឍសេដ្ឋកិច្ចជាតិតាមរយៈការបង់ពន្ធអាករផ្សេងៗជូនរាជរដ្ឋាភិបាល។
ចំនួនការងារដែលបានបង្កើត ដើម្បីដំណើរការអាជីវកម្មថ្មអារនេះ គឺក្រុមហ៊ុនត្រូវការបុគ្គលិក/កម្មករសរុបចំនួន ៦០ នាក់ (បុគ្គលិកបរទេសចំនួន ៥ នាក់ គឺជនជាតិវៀតណាម) ក្នុងនោះបុគ្គលិក/កម្មករអចិន្ត្រៃយ៍ចំនួន ២៧ នាក់ ប្រចាំការក្នុងការដ្ឋាន និងបុគ្គលិកបណ្ដែតចំនួន ៣៣ នាក់។
ការចូលរួមជាសាធារណៈ ការវាយតម្លៃហេតុប៉ះពាល់បរិស្ថាន និងសង្គមលើគម្រោងនេះត្រូវបានពិភាក្សាជាមួយភាគី មន្ទីរ និងស្ថាប័នពាក់ព័ន្ធរួមមាន សាលាខេត្តក្រចេះ មន្ទីរបរិស្ថាន មន្ទីរសុខាភិបាល មន្ទីរសិប្បកម្ម និងឧស្សាហកម្ម មន្ទីររ៉ែ និងថាមពល មន្ទីរកសិកម្ម រុក្ខាប្រមាញ់ និងនេសាទ (ខណ្ឌរដ្ឋបាលជលផល) មន្ទីរការងារ និងបណ្តុះបណ្តាលវិជ្ជាជីវៈ មន្ទីរទេសចរណ៍ មន្ទីរធនធានទឹក និងឧតុនិយម មន្ទីរផែនការ មន្ទីរសាធារណការ និងដឹកជញ្ជូន មន្ទីរវប្បធម៌ និងវិចិត្រសិល្បៈ មន្ទីរអភិវឌ្ឍជនបទ និងអង្គការមិនមែនរដ្ឋាភិបាល (អង្គការ WWF កម្ពុជា)។
ប្រភពដីបម្លែងពី ព័ត៌មានពុំអាចរកបាន
ផែនការគ្រប់គ្រងបរិស្ថាន ក្រុមហ៊ុនមានផែនការទុកដាក់កាកសំណល់កែប្រែកន្លែងក្រោយធ្វើអាជីវកម្មទៅជាប្រយោជន៍សាធារណៈ ដាក់ស្លាកសញ្ញាណែនាំកន្លែងគ្រោះថ្នាក់ និងធ្វើការដាំកូនឈើឡើងវិញនៅកន្លែងអាជីវកម្ម។
ផែនការអភិវឌ្ឍ ក្នុងផ្ទៃដីអាជីវកម្មទំហំ ៣០ ហិកតា គឺក្រុមហ៊ុនមានផែនការរៀបចំការដ្ឋានជីកយកថ្មទំហំ ២០ ហិកតា និង ១០ ហិកតាប្រើប្រាស់សម្រាប់សាងសង់ហេដ្ឋារចនាសម្ព័ន្ធផ្សេងៗ។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនមានវិធានការកាត់បន្ថយ​ដូចជា លើការប្រែប្រួលសណ្ឋានដី គុណភាពខ្យល់ សំឡេងរំញ័រ គុណភាពទឹកលើដី គុណភាពទឹកក្រោមដី និងគុណភាពដី ការពារព្រៃឈើ និងសត្វព្រៃ មានផែនការបង្ការជំងឺសម្រាប់បុគ្គលិក/កម្មករ និងបញ្ហាទំនាស់ដីធ្លី។
មូលនិធិសេដ្ឋកិច្ចនិងសង្គម ក្រុមហ៊ុនបានត្រៀមថវិកាបម្រុងចំនួន ៥០.០០០ ដុល្លារអាមេរិក សម្រាប់កិច្ចការស្តារបរិស្ថានឡើងវិញ។
ឆ្នាំបោះពុម្ភ EIA ២០១៧
បច្ចុប្បន្នភាព មករា ២០២៥

ឯកសារយោង

[ពង្រាង] របាយការណ៍វាយតម្លៃហេតុប៉ះពាល់បរិស្ថាន និង​សង្គមដំបូង លើគម្រោងអាជីវកម្មថ្មអារ របស់ក្រុមហ៊ុនប្លែក​ ដាយអឹម៉ិន ស្តូន អេសជេស៊ី
គោលបំណងនៃការសិក្សារបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូងនេះ គឺ៖ - ធានាការធ្វើអាជីវកម្មក្នុងរយៈពេលយូរអង្វែងប្រកបដោយនិរន្តរភាព។ - ស្វែងយល់ពីធនធានបរិស្ថានដែលមានស្រាប់នៅក្នុង និងជុំវិញទីតាំងគម្រោង រួមមាន ធនធានរូបសាស្ត្រ ធនធានជីវសាស្ត្រ និងធនធានសេដ្ឋកិច្ច-សង្គម។ - ជំរុញការពិគ្រោះយោបល់សាធារណៈ។ - កំណត់សក្តានុពល និងមូលហេតុនៃការប៉ះពាល់ទៅលើធនធានបរិស្ថានដែលមានស្រាប់នៅក្នុងតំបន់នោះ ដោយសារសកម្មភាពដំណើរការអាជីវកម្មរបស់ក្រុមហ៊ុន។ - កំណត់វិធានការកាត់បន្ថយរាល់ហេតុប៉ះពាល់បរិស្ថានអវិជ្ជមាន ដែលអាចកើតមានឡើង ពីសកម្មភាពគម្រោង ឱ្យដល់កម្រិតអប្បបរមា។ - សម្រង់អនុសាសន៍ល្អៗពីស្ថាប័នពាក់ព័ន្ធ អាជ្ញាធរ និងប្រជាពលរដ្ឋមូលដ្ឋាន លើវិធាន ការការពាររយៈពេលខ្លី-វែង និងលទ្ធផល ឬឥទ្ធិពលវិជ្ជមាន និងអវិជ្ជមានរបស់គម្រោង។ - ចូលរួមចំណែកក្នុងការអភិវឌ្ឍន៍សហគមន៍មូលដ្ឋាន ខេត្ត និងប្រទេសជាតិប្រកបដោយនិរន្តរភាព។