ODC English Site

អាជ្ញាធរកម្ពុជាបានរកឃើញយុវតីជនជាតិសិង្ហបុរីវ័យ ២០ ឆ្នាំ ដែលការបាត់ការទាក់ទងរបស់នាងបានបង្កការព្រួយបារម្ភថា អាចជាប់ពាក់ព័ន្ធនឹងការជួញដូរមនុស្ស ឬបណ្ដាញឆបោកតាមអនឡាញ ដោយបញ្ជាក់ថា តាមការសាកសួរបឋម មិនមានភស្តុតាងបង្ហាញថា នាងត្រូវបានចាប់ពង្រត់ ចាប់បង្ខាំង ឬចាប់ជំរិតនោះទេ។ ...

កម្ពុជា និងសហរដ្ឋអាមេរិកកំពុងបន្តពង្រីកកិច្ចសហប្រតិបត្តិការយោធាជាក់ស្តែង ដោយមេបញ្ជាការកងនាវាប៉ាស៊ីហ្វិករបស់សហរដ្ឋអាមេរិក លោកឧត្តមនាវី Steve Koehler បានមកកាន់រាជធានីភ្នំពេញ ដើម្បីពិភាក្សាអំពីការពង្រឹងទំនាក់ទំនងរវាងកងកម្លាំងប្រដាប់អាវុធនៃប្រទេសទាំងពីរ ដែលជាការវិវត្តថ្មីមួយទៀត បន្ទាប់ពីនាវាចម្បាំងអាមេរិកបានចូលចតនៅមូលដ្ឋានសមុទ្ររាម និងមានផែនការស្តារសមយុទ្ធយោធារួម Angkor Sentinel ឡើងវិញ។ ...

យន្តការគណនេយ្យភាពសង្គមនៅកម្ពុជាកំពុងពង្រីកវិសាលភាពពីថ្នាក់ឃុំ-សង្កាត់ទៅដល់ថ្នាក់ក្រុង ស្រុក និងខណ្ឌ ខណៈភាគីពាក់ព័ន្ធជំរុញឱ្យមតិយោបល់ និងអាទិភាពរបស់ប្រជាពលរដ្ឋត្រូវបានបញ្ជ្រាបចូលទៅក្នុងផែនការវិនិយោគ និងថវិកាមូលដ្ឋាន ដើម្បីធានាថា ការចូលរួមរបស់ពលរដ្ឋក្នុងការកែលម្អសេវាសាធារណៈអាចបន្តបាន ទោះបីជាជំនួយផ្ទាល់ពីម្ចាស់ជំនួយត្រូវបញ្ចប់នាពេលអនាគតក៏ដោយ។ ...

ក្រសួងមហាផ្ទៃបានបញ្ជាក់ថា នឹងពិនិត្យស្វែងរកការពិតជាមុនសិន មុននឹងសម្រេចអនុវត្តវិធានការណាមួយ ជុំវិញការចោទប្រកាន់ថា មន្ត្រីនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តស្វាយរៀង បានទទួលប្រាក់ ៩,០០០ ដុល្លារអាមេរិក ជាថ្នូរនឹងការដោះលែងរថយន្តដឹកក្រណាត់ចំនួនពីរគ្រឿង។ ...

រដ្ឋមន្ត្រី​ក្រសួង​អប់រំ យុវជន​ និង​កីឡា ថ្លែង​ថា មក​ទល់​ពេលនេះ មិន​ទាន់​មាន​ក្រុមហ៊ុន​ណា​ប្រកាស​ផ្ដល់​ឡាន​ឲ្យ​បេក្ខជន​ដែល​ប្រឡង​បាក់ឌុប​បាន​ពិន្ទុ​ខ្ពស់​ជាង​គេ​ទេ។ លោក​លើក​ទឹកចិត្ត​ឲ្យ​មាន​ការ​ឧបត្ថម្ភ​លើកទឹកចិត្ត និង​បាន​ណែនាំ​ឲ្យ​សិស្ស​ប្រឹងប្រែង​អភិវឌ្ឍចំណេះដឹង ដោយមិន​ត្រូវ​ពឹងលើ​ការ​ឧបត្ថម្ភ។ ...

បច្ចេកវិទ្យាទំនើប eDNA ដែលអាចប្រាប់ពីប្រភេទសត្វកំពុងរស់នៅក្នុងទឹកតាមរយៈការវិភាគសំណាកទឹក ត្រូវបាននាំយកមកចែករំលែក និងអនុវត្តជាក់ស្តែងនៅកម្ពុជា ដែលនឹងជួយផ្តល់នូវមូលដ្ឋានទិន្នន័យច្បាស់លាស់ និង​លឿនរហ័ស ជាពិសេសនៅក្នុងការការពារពូជត្រីកម្រ និងអភិរក្សសត្វផ្សោតទន្លេមេគង្គ។​​ ...

ក្រសួងបរិស្ថានបានធ្វើការទប់ស្កាត់ទឹកកខ្វក់បានចំនួន ២ ២៧០ ២៨៥ ម៉ែត្រគូបមិនឱ្យហូរចូលទៅក្នុងប្រភពទឹកធម្មជាតិ និងបំពុលបរិស្ថាន ក្នុងខែកក្កដា ឆ្នាំ២០២៦ ដែលស្មើនឹងជាង ៧៥ ០០០ម៉ែត្រគូបក្នុង១ថ្ងៃ។ ...

រដ្ឋមន្ត្រីក្រសួងព័ត៌មានបានលើកឡើងជាថ្មីដែលប្រជាពលរដ្ឋជាង ២០,០០០នាក់នៅតែបន្តជម្លៀសខ្លួនដោយសារជម្លោះព្រំដែនកម្ពុជា-ថៃកាលពីឆ្នាំមុន អាចវិលត្រឡប់ទៅកាន់លំនៅឋានរបស់ពួកគេវិញដោយសុវត្ថិភាព ដោយលើកឡើងពីសេចក្តីថ្លែងការណ៍ថ្មីៗរបស់អ្នករាយការណ៍ពិសេសរបស់អង្គការសហប្រជាជាតិ ស្តីពីស្ថានភាពសិទ្ធិមនុស្សនៅកម្ពុជា និងឯកអគ្គរដ្ឋទូតចិនប្រចាំកម្ពុជា ដើម្បីគាំទ្រជំហរថា ប្រជាពលរដ្ឋដែលត្រូវបង្ខំឱ្យចាកចេញពីផ្ទះសម្បែង មានសិទ្ធិវិលត្រឡប់ទៅកាន់លំនៅឋានរបស់ខ្លួនវិញ ស្របតាមច្បាប់អន្តរជាតិ។ ...

និស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសរុប ២៤ រូប នឹង​ចេញ​ដំណើរ​ទៅ​ប្រទេសជប៉ុន ដើម្បីបន្តការសិក្សាក្រោមកម្មវិធីអាហារូបករណ៍អភិវឌ្ឍន៍ធនធានមនុស្សជប៉ុន ហៅកាត់ថា JDS។ ក្នុងចំណោមនោះ ២២ រូប នឹងសិក្សាថ្នាក់បរិញ្ញាបត្រជាន់ខ្ពស់ និង ២ រូប នឹងសិក្សាថ្នាក់បណ្ឌិត ដោយ​គ្របដណ្តប់លើមុខវិជ្ជាសិក្សាផ្សេងៗគ្នា។ ...

គិត​ត្រឹម​ខែមីនា ឆ្នាំ២០២៦ យោធា​ថៃ​បានឈូស​កម្ទេច​ផ្ទះ​ប្រជាពលរដ្ឋ​ខ្មែរ​ចំនួន ៦២៧ ខ្នង និងហេដ្ឋារចនាសម្ព័ន្ធស៊ីវិលជាច្រើនផ្សេងទៀត នៅ​ភូមិព្រៃចាន់ ជោគជ័យ និង​បឹង​ត្រកួន ក្រោយពេលមានកិច្ចព្រមព្រៀងឈប់បាញ់ កាលពីខែធ្នូ ឆ្នាំ២០២៥។ នេះ​បើ​តាម​ទិន្ន័យ និង​រូបភាព​ពី​ផ្កាយ​រណប​ ដែល​អង្គការ​លីកាដូ ​បាន​ផ្សព្វផ្សាយនៅ​ថ្ងៃនេះ។ ...

លោកឧបនាយក​រដ្ឋមន្រ្តី ស សុខា រដ្ឋមន្រ្តី​ក្រសួង​មហាផ្ទៃ មានការ​ក្រៀម​ក្រំ​ខ្លាំង ជុំវិញករណីបង្ក្រាបមុខសញ្ញាប្រើប្រាស់​គ្រឿងញៀន និងប្រើអំពើហិង្សាក្នុងគ្រួសារមួយ នៅអូសោម ដោយជនសង្ស័យបាន​បោកគ្រាប់បែក​​បណ្តាលឱ្យមន្រ្តីនគរបាល និងប្រជាការពារចំនួន ៥រូប បានពលីជីវិត ជនបង្កម្នាក់ស្លាប់ និងប្រជាការពារម្នាក់ទៀតរងរបួសធ្ងន់។ ...

អភិបាលខេត្តកណ្ដាល លោក គួច ចំរើន បានសម្រេចបញ្ចប់ភារកិច្ចលោក ឈុន ផល្លី ពីតំណែងជាប្រធានមណ្ឌលសុខភាពសិត្បូ និងផ្ទេរឱ្យមកបម្រើការជាមន្ត្រីធម្មតា បន្ទាប់ពីវីដេអូបង្ហាញសកម្មភាពផ្ដល់ការសង្គ្រោះបឋមដល់ក្មេងស្រីអាយុ ១៧ ឆ្នាំម្នាក់ បានរីករាលដាលលើបណ្ដាញសង្គម និងបង្កឱ្យមានការរិះគន់យ៉ាងខ្លាំងពីសាធារណជន។ ...

ក្រសួងព័ត៌មានបានចាត់វិធានការព្រមានជាផ្លូវការចំពោះក្រុមអ្នកផលិតមាតិកាអនឡាញចំនួនពីរក្រុម ក្រោយរកឃើញថា បានផលិត និងផ្សព្វផ្សាយមាតិកាដែលបំពានក្រមសីលធម៌វិជ្ជាជីវៈ សីលធម៌សង្គម និងប៉ះពាល់ដល់សេចក្តីថ្លៃថ្នូររបស់បុគ្គល ជាពិសេសស្ត្រី និងអ្នកជំងឺ ខណៈក្រសួងព័ត៌មាន រួមជាមួយក្រសួងវប្បធម៌ និងវិចិត្រសិល្បៈ និងក្រសួងកិច្ចការនារី បានអំពាវនាវឱ្យអ្នកផលិតមាតិកាឌីជីថលប្រកាន់ខ្ជាប់ក្រមសីលធម៌ និងការទទួលខុសត្រូវក្នុងការប្រើប្រាស់បណ្ដាញសង្គម។ ...

ក្រសួងមហាផ្ទៃនឹងចាប់ផ្តើមរឹតបន្តឹងការអនុវត្តច្បាប់ស្តីពីចរាចរណ៍ផ្លូវគោកឡើងវិញ ចាប់ពីថ្ងៃទី១ ខែកញ្ញា ដោយដំបូងផ្តោតលើរាជធានី-ខេត្តចំនួនប្រាំដែលមានគ្រោះថ្នាក់ចរាចរណ៍កើតឡើងច្រើន បន្ទាប់ពីរាជរដ្ឋាភិបាលបានអនុម័តឱ្យដំណើរការវិធានការនេះឡើងវិញ ដើម្បីឆ្លើយតបទៅនឹងការកើនឡើងនៃគ្រោះថ្នាក់ចរាចរណ៍ និងក្ដីបារម្ភកាន់តែខ្លាំងរបស់សាធារណជនចំពោះករណីគ្រោះថ្នាក់ដ៏សាហាវជាបន្តបន្ទាប់ រួមទាំងករណីបង្កគ្រោះថ្នាក់ហើយបើករត់ជាច្រើនក្នុងរយៈពេលប៉ុន្មានសប្ដាហ៍ចុងក្រោយនេះ។ ...

ទោះបីជា​កិច្ច​ប្រជុំ​កម្រិត​ទ្វេភាគី​ក៏​ដោយ​ ក៏​រដ្ឋមន្ត្រីការបរទេស​កម្ពុជា លោក ប្រាក់​ សុខុន មិន​ភ្លេចលើក​​ឡើង​ពី​បញ្ហា​ព្រំដែន​ជាមួយ​ភាគី​បរទេសនោះ​ទេ​ ដោយ​លោក​​បញ្ជាក់​ថា កម្ពុជា​ប្រកាន់​ជំហរ​ដោះស្រាយ​បញ្ហា​ដោយ​សន្តិវិធី​ផ្អែក​លើ​ច្បាប់។ ...

សកម្មជនបរិស្ថាន លោក ម៉ា ចិត្រា និងសមាជិកបណ្តាញសហគមន៍ព្រៃឡង់ នារសៀលថ្ងៃចន្ទ ទី៣ ខែសីហានេះ បានចូលទៅផ្តល់ព័ត៌មាន និងផ្តល់ភស្តុតាងដល់មេធាវីពីររូបរបស់ក្រសួងបរិស្ថាន ពាក់ព័ន្ធទៅនឹងបទល្មើសព្រៃឈើនៅក្នុងព្រៃឡង់ ស្ថិតក្នុងភូមិភ្ញាក់រលឹក​ ឃុំធ្មា​ ស្រុកជ័យសែន​ ខេត្តព្រះវិហារ​ កាលពីយប់ថ្ងៃទី២៦​ ខែកក្កដាកន្លងមក។ ...

មុនពេលដែលពន្លឺព្រះអាទិត្យចាំងជះលើវាលស្រែនៅក្បែរនោះ រមណីយដ្ឋានតេទឹកពុះមានភាពមមាញឹករួចទៅហើយ ដោយមានមនុស្សម្នាតម្រង់ជួរគ្នារង់ចាំ​ដងយក «ទឹកស័ក្តិសិទ្ធិ» ខណៈអ្នកខ្លះទៀត​កំពុង​ត្រាំទឹក​ទាំង​ព្រឹកព្រលឹម។ ...

ស្ថានទូតព្រះរាជាណាចក្រកម្ពុជាប្រចាំប្រទេសជប៉ុន បានចេញសេចក្តីបំភ្លឺជាសាធារណៈ ដោយបញ្ជាក់ជាថ្មីពីស្ថានភាពផ្លូវការ និងការរៀបចំពិធីបុណ្យកម្ពុជា (Cambodia Festival) ប្រចាំឆ្នាំនៅទីក្រុងតូក្យូ ដើម្បីផ្តល់ព័ត៌មានត្រឹមត្រូវ ក្រោយមានការភាន់ច្រឡំជុំវិញការរៀបចំព្រឹត្តិការណ៍នេះ។ ...

រដ្ឋមន្ត្រីក្រសួងបរិស្ថាន លោក អ៊ាង សុផល្លែត និងលោក Devineni Udaykiran អនុព័ន្ធស្តីទីប្រចាំប្រទេសនៃទីភ្នាក់ងារស៊ើបអង្កេតសន្តិសុខមាតុភូមិសហរដ្ឋអាមេរិក ប្រចាំទីក្រុងហូជីមិញ បានជួបពិភាក្សាការងារ ស្តីពីការពង្រឹងកិច្ចសហប្រតិបត្តិការទ្វេភាគី លើការអនុវត្តច្បាប់បង្រ្កាបបទល្មើស ធនធានធម្មជាតិ តាមរយៈការប្រើប្រាស់ប្រព័ន្ធបច្ចេកវិទ្យាទំនើប ដើម្បីតាមដាន ស្រាវជ្រាវ និងទប់ស្កាត់បទល្មើសព្រៃឈើឱ្យកាន់តែមានភាពសុក្រឹត និងប្រសិទ្ធភាពខ្ពស់។ ...

កម្ពុជាបានការពារការងាររបស់អ្នករាយការណ៍ពិសេសអង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជា លោក ថម អេនឌ្រូ (Tom Andrews) ក្រោយទទួលការរិះគន់ពីប្រទេសថៃ ដោយក្រសួងការបរទេស និងសហប្រតិបត្តិការអន្តរជាតិ (MFAIC) បានឱ្យដឹងថា លោកស្រី អ៊ាត សោភា រដ្ឋលេខាធិការប្រចាំការ បានសម្តែងការកោតសរសើរចំពោះអ្វីដែលលោកស្រីពិពណ៌នាថា ជា «វិធីសាស្ត្រវាយតម្លៃដ៏គ្រប់ជ្រុងជ្រោយ និងប្រកបដោយតុល្យភាព» របស់អ្នករាយការណ៍ពិសេស ក្នុងការវាយតម្លៃស្ថានភាពសិទ្ធិមនុស្សនៅកម្ពុជា។ ...

កម្ពុជា​បាន​នាំ​ចេញ​អង្ករ​បាន​ចំនួន​ ៧០៧.៤៧១​តោន​ ក្នុង​រយៈពេល​៧​ខែ​ដំបូង​នៃ​ឆ្នាំ​២០២៦​ ដែល​រក​ចំណូល​បាន​ប្រមាណ​ ៤១៥​លាន​ដុល្លារ​ នេះ​បើ​យោង​តាម​ទិន្នន័យ​របស់​រដ្ឋាភិបាល​ និង​វិស័យ​ឧស្សាហកម្ម​ដែល​បាន​បង្ហាញ​កាលពី​ថ្ងៃ​អង្គារ​។ ...

កម្ពុជា​បាន​បន្ថែម​រោងចក្រ​ចំនួន​ ៨៤៥​ ក្នុង​រយៈពេល​ប្រាំមួយ​ខែ​ដំបូង​នៃ​ឆ្នាំ​២០២៦​ ដោយ​បង្កើត​ការងារ​ថ្មី​ជាង​ ៩០,០០០​ កន្លែង​ និង​បង្ហាញ​ពី​ភាព​ធន់​របស់​ព្រះរាជាណាចក្រ​ក្នុង​ការ​ទាក់ទាញ​ការ​វិនិយោគ​ ទោះបីជា​មាន​ភាព​មិន​ប្រាកដប្រជា​ខាង​សេដ្ឋកិច្ច​ពិភពលោក​ជាប់លាប់​ក៏​ដោយ​។ ...

លោក​ឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ ​បាន​អះអាង​ថា ការ​​​ផ្អាកការរឹតបន្តឹងអនុវត្តច្បាប់ ស្តីពី​ចរាចរណ៍ផ្លូវគោក ក្នុងឆមាសទី១ ឆ្នាំ២០២៦នេះ បាន​ធ្វើ​​គ្រោះថ្នាក់ចរាចរណ៍ផ្លូវគោកទូទាំងប្រទេស បានកើនឡើងគួរឱ្យកត់សម្គាល់ ហើយ​លោក​បានស្នើ​​ទៅ​លោក​នាយក​រដ្ឋមន្រ្តី ហ៊ុន ម៉ាណែត សុំ​ឱ្យអនុវត្តការរឹតបន្តឹងច្បាប់ចរាចរណ៍ផ្លូវគោកឡើងវិញ ចាប់ពីថ្ងៃទី១ ខែកញ្ញា ឆ្នាំ២០២៦តទៅ។ ...

លោក រ៉េត ភារុណ ចុះល្បាតព្រៃម្តងៗ មានរយៈពេលពី ២០ ទៅ ២៥ ថ្ងៃ ដែលធ្វើឱ្យលោកត្រូវឃ្លាតឆ្ងាយពីភរិយា និងកូនៗជាច្រើនសប្ដាហ៍។ នៅក្នុងព្រៃជ្រៅៗ និងដាច់ស្រយាលប្រកបដោយគ្រោះថ្នាក់ សេវាទូរស័ព្ទមានតិចតួចណាស់ ឬគ្មានតែម្តង។ រាល់ពេលដែលមានសេវាទូរស័ព្ទ លោកតែងតែទូរស័ព្ទទៅផ្ទះ ហើយការបានឮសំឡេងក្រុមគ្រួសារ គឺជាកម្លាំងចិត្តធ្វើឱ្យលោកបន្តការប្តេជ្ញា។ ...