វីអូអេ
លោកសម រង្ស៉ីសរសើរស.រ.អា.និងសហភាពអឺរ៉ុបដែលមិនគាំទ្ររដ្ឋាភិបាលថ្មីនៅកម្ពុជា
រដ្ឋ VIRGINIA — មេដឹកនាំគណបក្សជំទាស់គឺលោកសម រង្ស៉ីកោតសរសើរជំហរស.រ.អា.និងសហភាពអឺរ៉ុបដែលមិនគាំទ្រ រដ្ឋាភិបាលថ្មីនៅកម្ពុជា។ លោកថ្លែងថា ជំហរនេះជាការ លើកទឹកចិត្តខ្លាំងសម្រាប់អ្នកតស៊ូដើម្បីលទ្ធិប្រជាធិបតេយ្យក្នុង ប្រទេសកម្ពុជា។ ថ្លែងទៅកាន់ក្រុមពលរដ្ឋខ្មែរអាមេរិកាំងជាច្រើននាក់ក្នុងរដ្ឋ វីជីនៀ កាលពីយប់ថ្ងៃអង្គារ មេដឹកនាំគណបក្សជំទាស់គឺលោកសម រង្ស៉ីបានអះអាងថា ស.រ.អា.និងសហភាពអឺរ៉ុបបានផ្តល់កម្លាំងចិត្តយ៉ាងខ្លាំងដល់ការ តស៊ូដើម្បីលទ្ធិប្រជាធិបតេយ្យ និងលទ្ធផលបោះឆ្នោតយុត្តិធម៌ ដោយមិនគាំទ្ររដ្ឋាភិបាលរបស់លោកនាយករដ្ឋមន្ត្រីហ៊ុន សែន ដែលលោកអះអាងថា កើតចេញពីការបន្លំសន្លឹកឆ្នោតពលរដ្ឋ។ ...
មន្ត្រីគណបក្សកាន់អំណាច៖ការមិនទទួលស្គាល់ពីប្រទេសខ្លះមិនមែនជាកង្វល់
វ៉ាស៊ីនតោន៖ នៅពេលមេដឹកនាំគណបក្សជំទាស់គឺលោកសម រង្ស៉ីបើកយុទ្ធនាការរបស់លោក លើឆាកអន្តរជាតិដើម្បីសុំឲ្យបណ្តាប្រទេសនានាកុំទទួលស្គាល់ រដ្ឋាភិបាលថ្មីរបស់លោកនាយករដ្ឋមន្ត្រីហ៊ុន សែននោះ មន្ត្រីជាន់ខ្ពស់គណបក្សគ្រប់គ្រងប្រទេស គឺលោកជាម យៀបបានអះអាងថា កម្ពុជាមិនខ្វល់ខ្វាយនឹងការទទួលស្គាល់ ឬមិនទទួលស្គាល់រដ្ឋាភិបាលកម្ពុជាថ្មីទេ។ «ការទទួលស្គាល់ឬមិនទទួលស្គាល់ជាសិទ្ធិរបស់បណ្តាប្រទេសជាមិត្ត។ យើងអត់មានបង្ខំគេទេ។ យើងមានការគាំទ្រប៉ុន្មាន យើងមានប៉ុណ្ណឹង។ ហើយឥឡូវ នេះ យើងគិតថា អត់មានពេលរង់ចាំការឯកភាពពី(គណបក្សជំទាស់ទេ) ព្រោះច្បាប់បានប្រគល់សិទ្ធិគ្រប់គ្រាន់មកគណបក្សប្រជាជនកម្ពុជា ដើម្បីរៀបចំដឹកនាំ រដ្ឋសភានិងរាជរដ្ឋាភិបាលកម្ពុជា»។ ...
មេបក្សប្រឆាំងស្នើសហគមន៍អន្តរជាតិដកអាសនៈលោកហ៊ុន សែន ចេញពីអ.ស.ប.
នំពេញ៖ លោក សម រង្ស៊ី មេដឹកនាំគណបក្សសង្គ្រោះជាតិបានស្វះស្វែងរកអន្តរាគមន៍ពីសហគមន៍ អន្តរជាតិនិងសហរដ្ឋអាមេរិកឲ្យបណ្តេញលោកនាយករដ្ឋមន្ត្រីហ៊ុន សែនចេញពីមុខតំណែងរបស់អង្គការសហប្រជាជាតិ ក៏ប៉ុន្តែមន្ត្រីគណបក្សប្រជាជនកម្ពុជាបានអះអាងថា នេះជាទង្វើខុសច្បាប់ហើយប្រជាពលរដ្ឋនិងផ្តន្ទាទោស។ ការស្វះស្វែងរកសម្ពាធពីអន្តរជាតិរបស់លោក សម រង្ស៊ី ប្រឆាំងនឹងលោកនាយករដ្ឋមន្ត្រីហ៊ុន សែនបានកើតមានឡើងបន្ទាប់ពីលោកបានចូលកាន់មុខតំណែងដែលគណបក្ស សង្គ្រោះជាតិចាត់ទុកថាជារដ្ឋប្រហាររដ្ឋធម្មនុញ្ញប្រមាណតែជាងពីរ សប្តាហ៍ប៉ុណ្ណោះ។ ថ្លែងប្រាប់ក្រុមអ្នកយកព័ត៌មានពេលលោកទៅចុះឈ្មោះបោះឆ្នោតនៅ សង្កាត់បឹងទំពុននៅថ្ងៃចន្ទនេះ លោក សម រង្ស៊ីបានបញ្ជាក់ថា នៅយប់ថ្ងៃចន្ទនេះលោកនឹងចេញទៅបណ្តាប្រទេសសហគមន៍អឺរ៉ុបមួយចំនួន និងសហរដ្ឋអាមេរិកដើម្បីស្វែងរកអន្តរាគមន៍ពីបណ្តាប្រទេសទាំងនោះ ឲ្យដាក់សម្ពាធលើរដ្ឋាភិបាលកម្ពុជាដែលបានកើតឡើងដោយរដ្ឋប្រហារ រដ្ឋធម្មរបស់លោកហ៊ុន សែន។ លោកសម រង្ស៊ីបានបញ្ជាក់ថា ដំណើរទស្សនៈកិច្ចរបស់លោកលើកនេះនឹងជំរុញឲ្យមានការបណ្តេញលោក នាយករដ្ឋមន្ត្រីហ៊ុន សែនចេញពីអាសនៈអង្កការសហប្រជាជាតិនិងទទួចដល់ធនាគារពិភពលោក មូលនិធិរូបីយវត្ថុអន្តរជាតិផ្អាកជំនួយមកកម្ពុជា។ ...
ខណៈបក្សប្រឆាំងសុំការគាបសង្កត់ពីអន្តរជាតិ អ្នកវិភាគថាយន្តការក្នុងស្រុកល្អជាង
វ៉ាស៊ីនតោន៖ ក្រុមអ្នកវិភាគនៅកម្ពុជាបានអះអាងថា ពួកគេចង់ឃើញក្រុមអ្នកនយោបាយកម្ពុជា ប្រើប្រាស់យន្តការក្នុងស្រុកដោះស្រាយការខ្វែងគំនិតនយោបាយដែលនាំ ដល់ការមិនទទួលស្គាល់រដ្ឋាភិបាលថ្មីឲ្យបានទូលំទូលាយ។ ពួកគេទទូចយ៉ាងដូច្នេះក្រោយពេលដែលមេដឹកនាំគណបក្សប្រឆាំងអះអាង ជាប់ៗគ្នាថា នឹងធ្វើដំណើរទៅសហរដ្ឋអាមេរិក អង្គការសហប្រជាតិ និងសហភាពអឺរ៉ុប ដើម្បីកៀងគរអន្តរជាតិមិនឲ្យទទួលស្គាល់រដ្ឋាភិបាលលោកនាយក រដ្ឋមន្ត្រីហ៊ុនសែន។ ការប្រើប្រាស់យន្តការអន្តជាតិអាចជាដំណោះស្រាយដែលគ្មានលំនឹង ហើយមិនត្រូវតាមការវិវត្តន៍នៃស្ថានការណ៍កម្ពុជា។ នៅពេលមេដឹកនាំគណបក្សជំទាស់គឺលោកសម រង្ស៉ីប្រកាសថា លោកនឹងសុំឲ្យ សហគមន៍អន្តរជាតិកុំទទួលស្គាល់រដ្ឋាភិបាលថ្មីរបស់កម្ពុជា ក្រុមអ្នកវិភាគនយោបាយនិងអ្នកតាមដានខ្លះក្នុងប្រទេសកម្ពុជាបាន អះអាងថា ភាគីនយោបាយទាំងពីរគួរជួបពិភាក្សាគ្នាដើម្បីដោះស្រាយបញ្ហានយោបាយ តាម យន្តការក្នុងស្រុក។ ...
អ.ស.ប.និងប្រទេសហត្ថលេខីទាំង១៨ក្នុងអ៊ុនតាក់អាចមានឥទ្ធិពលបញ្ចប់ជម្លោះនយោបាយកម្ពុជា
វ៉ាស៊ីនតោន – អ្នកវិភាគនយោបាយក្នុងប្រទេសកម្ពុជាគឺបណ្ឌិតឡៅ ម៉ុងហៃមានជំនឿថា អ.ស.ប.និងប្រទេសហត្ថលេខីទាំង១៨មានឥទ្ធិពលអាចបញ្ចប់បញ្ហាជម្លោះ នយោបាយកម្ពុជា ព្រោះថា កិច្ចព្រមព្រៀងជាអចិន្ត្រៃយ៍មួយកាលពី២២ឆ្នាំមុនបានសន្យាថា នឹងជួយស្វែងរកសន្តិភាព កសាងសន្តិភាព និងរក្សាសន្តិភាពដល់ប្រទេសកម្ពុជា។ ថ្លែងក្នុងពេលអញ្ជើញជាវាគ្មិនក្នុងកម្មវិធីហេឡូវីអូអេកាលពីយប់ ថ្ងៃព្រហស្បតិ៍ លោកឡៅ ម៉ុងហៃបានចាត់ទុកថា ជាសំណាងរបស់កម្ពុជាដែលអ.ស.ប.និង ប្រទេសទាំងអស់បានធានាដល់កម្ពុជាដូច្នេះដើម្បីឲ្យកម្ពុជាបោះឆ្នោត ដណ្តើម អំណាចគ្នាផ្ទៃក្នុងដោយមិនចាំបាច់ទៅពឹងបរទេសឬប្រទេសជិតខាងមក ជួយទៀត។ ...
លោកសម រង្ស៊ីគ្រោងសុំឲ្យអ.ស.ប.ព្យួរអាសនៈកម្ពុជា
វ៉ាស៊ីនតោន — មេដឹកនាំគណបក្សជំទាស់គឺលោកសម រង្ស៉ីគ្រោងនឹងស្នើសុំឲ្យអ.ស.ប.ព្យួរអាសនៈកម្ពុជាឲ្យនៅទំនេរ ហើយនឹងស្នើសុំសហគមន៍អន្តរជាតិមិនឲ្យទទួលស្គាល់រដ្ឋាភិបាលថ្មីរបស់ ប្រទេសកម្ពុជា។ លោកសុខ ខេមរា នៃវីអូអេបានរាយការណ៍ថា ការ ស្នើសុំនេះគឺដោយសារគណបក្សជំទាស់អះអាងថា រដ្ឋាភិបាលកម្ពុជាថ្មីមិនស្របច្បាប់។ មេដឹកនាំគណបក្សសង្គ្រោះជាតិគឺលោកសម រង្ស៉ីបានព្រមានថា លោកនឹងធ្វើ ចលនាជាអន្តរជាតិក្នុងពេលឆាប់ៗខាងមុខដើម្បីកុំឲ្យសហគមន៍អន្តរជាតិ ទទួលស្គាល់រដ្ឋាភិបាលថ្មីរបស់លោកនាយករដ្ឋមន្ត្រីហ៊ុន សែន ជាពិសេសគឺស្នើសុំ ដល់អ.ស.ប.ឲ្យព្យួរអាសនៈកម្ពុជានៅឯអ.ស.ប.នៅទំនេរជាបណ្តោះ អាសន្ន។ គណបក្សជំទាស់ធ្វើរបៀបនេះដោយចោទប្រកាន់ថា រដ្ឋាភិបាលថ្មីនិងរដ្ឋសភាថ្មី របស់កម្ពុជាជារដ្ឋាភិបាលនិងរដ្ឋសភាមិនស្របច្បាប់ និងមិនតំណាងឲ្យប្រជាពលរដ្ឋកម្ពុជាទាំងមូលទេ។ នេះបើតាមការអះអាងរបស់លោកសម រង្ស៉ី ដែលបានថ្លែងប្រាប់វីអូអេប៉ុន្មាននាទីមុននេះ។ ...
សហរដ្ឋអាមេរិកនៅតែចង់ឲ្យកម្ពុជាដោះស្រាយទំនាស់រឿងបោះឆ្នោត
វ៉ាស៊ីនតោន៖ ក្រសួងការបរទេសសរអា នៅតែទទូចដល់ភាគីនយោបាយកម្ពុជាឲ្យបន្តពិភាក្សាគ្នា ដើម្បីដោះស្រាយបញ្ហាទំនាស់រឿងបោះឆ្នោតទោះបីជាសភានិងរដ្ឋាភិបាល ថ្មីមួយបានកើតឡើងហើយក្តី ដើម្បីផលប្រយោជន៍កម្ពុជា។ ក្រសួងការបរទេសសរអាជំរុញដល់គណបក្សប្រជាជនកម្ពុជានិងគណបក្ស សង្គ្រោះជាតិឲ្យបន្តធ្វើការរួមគ្នាដើម្បីដោះស្រាយការខ្វែងគំនិត នានាដើម្បីបំរើ ផលប្រយោជន៍ដ៏ឧត្តុងឧត្តមរបស់ពលរដ្ឋកម្ពុជានិងធ្វើឲ្យរដ្ឋសភា មានការ ជឿជាក់បាន។ នេះជាសេចក្តីប្រកាសព័ត៌មានរបស់លោកស្រី ជែន សាគី អ្នកនាំពាក្យក្រសួងការបរទេសសរអា។ «យើងជឿថារដ្ឋសភាប្រជាធិបតេយ្យនិងជឿជាក់បានមួយ ត្រូវតែឆ្លុះបញ្ចាំង ពីឆន្ទៈរបស់ប្រជាពលរដ្ឋ ដោយមានការចូលរួមប្រកបដោយអត្តន័យពីគណ បក្សនយោបាយទាំងពីរ»។ ...
ក្រុមអ្នកភូមិបឹងកក់និងបុរីកីឡាទាមទាររកយុត្តិធម៌ចំពោះអំពើហិង្សាមកលើក្រុមរបស់ខ្លួន
នំពេញ៖ ក្រុមអ្នកភូមិបឹងកក់ ដែលខឹងសម្បារនឹងអាជ្ញាធរខណ្ឌដូនពេញក្នុងរាជធានីភ្នំពេញ នៅថ្ងៃអង្គារទី២៤ ខែកញ្ញានេះ បានទាមទាររកយុត្តិធម៌ចំពោះអំពើហិង្សាមួយដែលត្រូវបានប្រព្រឹត្ត មកលើក្រុមរបស់ខ្លួននៅឯរមនីយដ្ឋានវត្តភ្នំកាលពីយប់ថ្ងៃអាទិត្យ ទី២២ ខែកញ្ញាកន្លងទៅ។ ក្រុមអ្នកភូមិអះអាងថា អាជ្ញាធរខណ្ឌនេះបានបញ្ជាឲ្យមានការបង្រ្កាបដោយហិង្សាដោយប្រើ ដំបងឆក់ និងចំពាមបាញ់គ្រាប់ឃ្លីជាដើម ដើម្បីបំបែកកូដកម្មបង្អត់អាហាររបស់ពួកគេនៅយប់នោះ។ ការបង្រ្កាបនោះបានបណ្តាលឲ្យរងរបួសទាំងស្រាល ទាំងធ្ងន់ មនុស្សប្រមាណ១០នាក់ ដោយរួមទាំងសកម្មជនការពារសិទ្ធិមនុស្ស និងអ្នកកាសែតមួយចំនួនផង។ ...
