ខ្មែរថាមស៍

ប្រជាពលរដ្ឋដែលជាអតីតយុទ្ធជននិងយោធិនពិការកាត់រំសាយចំនួន១២០គ្រួសាររស់នៅភូមិអូរអំពិល ឃុំទួលពង្រ ស្រុកម៉ាឡៃ បានស្នើដល់ប្រមុខរាជរដ្ឋាភិបាលនិងអាជ្ញាធរខេត្តបន្ទាយមានជ័យ ពន្លឿននីតិវិធីផ្តល់ប័ណ្ណកម្មសិទ្ធិដល់ពួកគាត់ ខណៈដែលពួកគាត់បានរស់នៅលើដីដែលរដ្ឋាភិបាលបានផ្តល់ឲ្យ ៣ឆ្នាំមកហើយ តែពុំទទួលបានភាពស្របច្បាប់។ ...

វាមានរយៈពេល៧ខែហើយបន្ទាប់ពីឥណទានសង្គ្រោះប្រមាណ៣០លានដុល្លារមិនទាន់ទម្លាក់ដល់ដៃរោងម៉ាស៊ីនកិនស្រូវនៅឡើយបន្ទាប់ពីខាងផ្នែកស្រូវអង្ករស្នើទៅរដ្ឋាភិបាលដើម្បីជួយទប់ស្កាត់ការដួលរលំនៅក្នុងវិស័យស្រូវអង្ករនៅក្នុងរដូវប្រមូលផលស្រូវឆ្នាំនេះ ប៉ុន្តែទាំងមន្ត្រី និងអ្នកពាក់ព័ន្ធក្នុងវិស័យនេះ ជឿជាក់ថា ឥណទាននឹងសម្រេចបាននៅមុនរដូវប្រមូលផលស្រូវខាងមុខ។ សហព័ន្ធស្រូវអង្ករកម្ពុជា កាលពីខែមីនា កន្លងទៅ បានស្នើរដ្ឋាភិបាល ផ្តល់មូលនិធិ ប្រមាណ៣០លានដុល្លារ ទៅធនាគារអភិវឌ្ឍន៍ជនបទ ដើម្បីផ្តល់កម្ចីដល់បណ្តារោងម៉ាស៊ីនកិនស្រូវ ជាទុនបង្វិលក្នុងការប្រមូលទិញស្រូវពីកសិករ នៅក្នុងរដូវប្រមូលផលស្រូវខាងមុខ ដោយសារតែភាគច្រើននៃបណ្តារោងម៉ាស៊ីនកិនស្រូវទាំងនោះ មិនអាចស្នើឥណទានគ្រប់គ្រាន់ពីធនាគារពាណិជ្ជ។ ...

ក្រសួងការងារនិងបណ្តុះបណ្តាលវិជ្ជាជីវៈកំពុងតែពិភាក្សាក្នុងការរៀបចំឲ្យមាននូវបទប្បញ្ញត្តិទាក់ទិននឹងការធានារ៉ាប់រងទៅលើអត្ថប្រយោជន៍និងប្រាក់បៀវត្សរបស់កម្មករនិយោជិតនៅពេលដែលថៅកែរបស់ពួកគេបានបិទទ្វាររោងចក្រ រត់ចោលដោយមិនគ្មានការទទួលខុសត្រូវ។ លោក អុិត សំហេង រដ្ឋមន្ត្រីក្រសួងការងារ បានប្រាប់កាសែតខ្មែរថាមស៍ថាការបិទទ្វាររោងចក្រ មិនមែនថៅកែរោងចក្រទាំងអស់រត់ចោលកម្មករដោយគ្មានទទួលខុសត្រូវនោះទេគឺមានតិចតួចប៉ុណ្ណោះដែលមិនដោះស្រាយជូនកម្មករនិយោជិករបស់ខ្លួន។ ...

ក្រសួងសុខាភិបាលបានណែនាំឱ្យមន្ទីរពេទ្យបង្អែកទាំងអស់បោះពុម្ភផ្សាយខិតបណ្ណរូបភាពស្តីពីជម្ងឺ Zika ដើម្បីចែកចាយដល់ប្រជាជនទូទាំងប្រទេស។ បើយោងតាមទំព័រហ្វេសបុករបស់នាយកដ្ឋានប្រយុទ្ធនឹងជម្ងឺឆ្លងនៃក្រសួងសុខាភិបាលដែលបានសរសេរកាលពីថ្ងៃច័ន្ទថា លោក លី សុវណ្ណ អ្នកនាំពាក្យក្រសួងសុខាភិបាលបានមានប្រសាសន៍ថា “ប្រជាជនគ្រប់រូបចាំបាច់ត្រូវស្វែងយល់ពីវីរុស Zika”។   ...

សមត្ថកិច្ចខេត្តមណ្ឌលគិរីបានសហការជាមួយមន្ទីរបរិស្ថានខេត្តបង្ក្រាបរថយន្តស៊េរីទំនើបម៉ាកឡិចស៊ីសដឹកឈើប្រណិតជាច្រើនដុំនៅក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីយប់ថ្ងៃអាទិត្យ។ លោក ប៉ែន ផល្លី នាយការិយាល័យប្រឆាំងបទល្មើសសេដ្ឋកិច្ចខេត្តមណ្ឌលគិរី បាននិយាយថា ប្រតិបត្តិការចាប់រថយន្តស៊េរីទំនើបនេះគឺធ្វើឡើងនៅម៉ោង ១១យប់ថ្ងៃអាទិត្យ។ លោកបានថ្លែងថា៖ «យើងបង្ក្រាបរថយន្តនេះនៅម៉ោង២២ និង២២នាទីកាលពីថ្ងៃទី៤។ តាមពិតការបង្ក្រាបនេះមានការសហការជាមួយអង្គភាពពាក់ព័ន្ធ ហើយយើងបានរកឃើញប្រភេទឈើប្រណិតជាច្រើន»។ ...

ក្រសួងទេសចរណ៍បានចុះហត្ថលេខាលើសេចក្តីថ្លែងការណ៍រួមកាលពីថ្ងៃចន្ទក្នុងការគាំទ្រទីផ្សារទេសចរណ៍សម្រាប់សហគមន៍ទេសចរណ៍និងអេកូទេសចរណ៍នៃកិច្ចសហការរវាងសមាគមទីភ្នាក់ងារទេសចរណ៍ សមាគមទេសចរណ៍អាស៊ីប៉ាស៊ីហ្វិក សហព័ន្ធទេសចរណ៍កម្ពុជា និងក្រសួងបរិស្ថាន។ លោក ថោង ខុន រដ្ឋមន្ត្រីនៃក្រសួងទេសចរណ៍ បានថ្លែងក្នុងពិធីបូកសរុបការងារ អេកូទេសចរណ៍ និងសហគមន៍ទេសចរណ៍ ឆ្នាំ២០១៥ និងឆមាសទី១ ឆ្នាំ២០១៦ ថា អេកូទេសចរណ៍ និងសហគមន៍ទេសចរណ៍ គឺជាផ្អែកមួយនៃវិស័យទេសចរណ៍ ដែលកំពុងរីកលូតលាស់ឡើងទាំងក្នុងតំបន់ និងពិភពលោក។ លោករដ្ឋមន្ត្រីថា វិស័យអេកូទេសចរណ៍ គឺជាទីផ្សារកំពុងតែងើបឡើង។ ក្នុងនោះវិស័យអេកូទេសចរណ៍ និងសហគមន៍ទេសចរណ៍បានកើនឡើងប្រមាណ ២០ភាគរយរៀងរាល់ឆ្នាំ។ ...

ក្រសួងសេដ្ឋកិច្ចនិងហិរញ្ញវត្ថុ បានស្នើទៅក្រសួងមហាផ្ទៃ ណែនាំដល់ម្ចាស់ ឬអ្នកកាន់កាប់រថយន្តពាក់ស្លាកលេខនគរបាល ឬ ន.ប. ដែលគ្មានពន្ធ ទៅបំពេញកាតព្វកិច្ចបង់ពន្ធ និងអាករតាមបទប្បញ្ញត្តិជាធរមាន ឲ្យបានមុនថ្ងៃទី៣០ ខែកញ្ញា ឆ្នាំ២០១៦ នេះ។ យោងតាមលិខិតមួយច្បាប់របស់រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោកបណ្ឌិត អូន ព័ន្ធមុនីរ័ត្ន ផ្ញើជូនលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ ចុះថ្ងៃទី០១ ខែកញ្ញា បានលើកឡើងថា កន្លងមក ក្រសួងសេដ្ឋកិច្ច បានណែនាំដល់អគ្គនាយកដ្ឋាន និងរដ្ឋាករកម្ពុជា ឲ្យផ្អាកចាប់រថយន្តពាក់ស្លាកលេខ ន.ប. នៅតាមទីសាធារណៈជាបណ្ដោះអាសន្ន ដោយគ្រាន់តែអនុវត្តនីតិវិធីសួរនាំម្ចាស់រថយន្ត ន.ប. ដែលសង្ស័យមួយចំនួន ដើម្បីផ្ទៀងផ្ទាត់ជាមួយនឹងបញ្ជីសារពើភណ្ឌទ្រព្យរដ្ឋរបស់អគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធរបស់ក្រសួង។ ...

ក្រុមអ្នកហ្វឹកហាត់ការកម្ពុជាដែលកំពុងធ្វើការនៅប្រទេសជប៉ុនក្នុងលក្ខខណ្ឌ កម្មវិធីបណ្តុះបណ្តាលអ្នកហ្វឹកហាត់បច្ចេកទេស (TITP) មិនត្រូវរត់ចេញពីនិយោជកដែលពួកគេបានចុះកុងត្រាជាមួយ ឬស្វែងរកការងារជាមួយក្រុមហ៊ុនដទៃទៀតនោះទេ ក្រសួងការងារ និងបណ្តុះបណ្តាលវិជ្ជាជីវៈ បាននិយាយនៅក្នុងសេចក្តីថ្លែងការណ៍មួយកាលពីសប្តាហ៍មុន។ ក្រសួងក៏បានបន្តទៀតថា មាននិយោកជិកក្នុងស្រុកដែលមិនមានសីលធម៌បានប៉ុនប៉ងដើម្បីអូសទាញពលករកម្ពុជាជាមួយនឹងការសន្យារថានឹងផ្តល់ប្រាក់ឈ្នួលខ្ពស់ និងធ្វើការដោយស្របច្បាប់នៅជប៉ុន។ ...

រដ្ឋាភិបាលកម្ពុជាត្រូវការថវិកាប្រមាណ៨០០លានដុល្លារដើម្បីប្រើប្រាស់លើគម្រោងរថភ្លើងបើកបរស្វ័យប្រវត្តិតភ្ជាប់ពីទីក្រុងទៅអាកាសយានដ្ឋានអន្តរជាតិភ្នំពេញស្របពេលដែលការសិក្សាលើគម្រោងនេះ រយៈពេលមួយឆ្នាំបញ្ចប់។ ការអភិវឌ្ឍប្រព័ន្ធរថភ្លើងស្វ័យប្រវត្តធុនស្រាល ដំបូងគេនៅក្រុងភ្នំពេញ ស្ថិតនៅក្រោមការសិក្សា របស់ទីភ្នាក់ងារសហប្រតិបត្តិការអន្តរជាតិជប៉ុន (JICA) ហើយគម្រោងនេះនឹងជួយសម្រួលសេវាដឹកជញ្ជូននៅក្នុងទីក្រុង ដែលកំណើនប្រជាជនកំពុងកើនឡើង និងកាត់បន្ថយស្ទះចរាចរណ៍។ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងសិក្ខាសាលាស្ដីពីកិច្ចសហប្រតិបត្តិការបច្ចេកទេសដឹកជញ្ជូន រវាងកម្ពុជា និងជប៉ុន កាលពីម្សិលមិញ ថ្លែងថា រដ្ឋាភិបាលកម្ពុជា ត្រូវការថវិកាប្រមាណ ៨០០លានដុល្លារ ដើម្បីអភិវឌ្ឍគម្រោងរថភ្លើងស្វ័យប្រវត្ត ប្រសិនគម្រោងនេះ នឹងត្រូវអនុម័តឲ្យអភិវឌ្ឍន៍។ ...

គម្រោងអភិវឌ្ឍន៍តំបន់ទេសចរណ៍កោះក្របី ដែលត្រូវបានវិនិយោគនូវទឹកប្រាក់ប្រមាណ ២០លានដុល្លារនៅខេត្តព្រះសីហនុ គ្រោងនឹងបើកជាសាធារណៈនៅពាក់កណ្តាលឆ្នាំ២០១៧ បន្ទាប់ពីសម្រេចបានប្រមាណ ៧០ភាគរយ។ នេះបើយោងតាមមន្ត្រីជាន់ខ្ពស់របស់ក្រសួងទេសចរណ៍។ រដ្ឋមន្ត្រីក្រសួងទេសចរណ៍ លោក ថោង ខុន បានប្រាប់ខ្មែរថាមស៍ កាលពីម្សិលមិញថា គម្រោងអភិវឌ្ឍន៍កោះក្របី នាពេលនេះជិតបញ្ចប់ការសាងសង់ហើយ ដែលសំណង់ដែលកំពុងសាងសង់សម្រេចបាន ៧០ភាគរយ។ លោកថា ចក្ខុវិស័យនៃការអភិវឌ្ឍកោះគឺជាគោលដៅទេសចរណ៍ដែលភាគច្រើនអ្នកទេសចរចូលចិត្តទៅកម្សាន្ត និងលំហែនៅតាមកោះ។ លោករដ្ឋមន្ត្រីថា រាល់ការអភិវឌ្ឍកោះទាំងអស់ត្រូវតែផ្តល់អាទិភាព និងសិក្សាលើផលប៉ះពាល់បរិស្ថានមុននឹងចាប់ផ្តើមអភិវឌ្ឍន៍គម្រោង។ ...

ប្រទេសកាណាដាមានគោលបំណងដើម្បីចុះហត្ថលេខាលើកិច្ចព្រមព្រៀងការពារការវិនិយោកជាមួយកម្ពុជា ដើម្បីជម្រុញការធ្វើពាណិជ្ជកម្មរវាងប្រទេសទាំងពីរ បន្ទាប់ពីការធ្វើទស្សនៈកិច្ចនៃរដ្ឋមន្ត្រីការបរទេសកាណាដា លោក Stephane Dion នៅព្រះរាជានាចក្រកម្ពុជាកាលពីថ្ងៃសុក្រសប្តាហ៍មុន។ ...

អស់រយៈពេលស្ទើរតែពីរសប្តាហ៍មកហើយ បន្ទាប់ពីផ្សារមូលបត្រកម្ពុជា (CSX) បានប្រកាសថាខ្លួនបាននឹងកំពុងទទួលពាក្យស្នើសុំសម្រាប់ជម្រើសនៃការអនុម័តអ្នកផ្តល់សន្ទនីយភាពថ្មី កាលពីម្សិលមិញ ផ្សារមូលបត្រកម្ពុជាបានទទួលស្គាល់ថា មិនទាន់មាននរណាម្នាក់បានដាក់ពាក្យស្នើសុំនៅឡើយទេ ខណៈដែលសមាជិករបស់ពួកគេបាននិយាយថា ពួកគេនីតែមិនទាន់ច្បាស់ពីកម្មវិធីនេះនៅឡើយ។ ...

ក្រសួងការបរទេសកាលពីថ្ងៃព្រហស្បត្តិ៍បានធានាពលរដ្ឋកម្ពុជា ២៣ នាក់ ដែលត្រូវបានចាប់ខ្លួន និងឃុំខ្លួនកាលពីខែមុនក្នុងករណីដែលទិដ្ឋការស្នាក់នៅរបស់ពួកគេហួសកំណត់ និងធ្វើការដោយខុសច្បាប់នៅក្នុងប្រទេសម៉ាឡេស៊ី។ ពលរដ្ឋកម្ពុជា ១៦ នាក់ទៀត ត្រូវបានឃុំខ្លួនដោយអាជ្ញាធរថៃពីបទមិនមានលិខិតឆ្លងដែន ក៏ត្រូវបានដោះលែងផងដែរ។ ...

ពិធីសម្ភោធដាក់ឱ្យប្រើប្រាស់ជាផ្លូវការនៃសហគមន៍ផ្តត់ផ្គង់កសិផលស្វាយរៀង (SAC) នៅក្នុងខេត្តស្វាយរៀង កាលពីសប្តាហ៍មុន បានប្រព្រឹត្តឡើងដោយមានវត្តមានចូលរួមដោយឥស្សរៈជនមួយចំនួន ក្នុងនោះរួមមាន លោក Fujimoto Toshiki លេខាទី២ នៃស្ថានទូតជប៉ុន, ឯកឧត្តម ម៉ម អំណត់ រដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ, និងលោកជំទាវ ពៅ សុភាព អភិបាលរងនៃគណៈអភិបាលខេត្តស្វាយរៀង។ ...

អាជ្ញាធរក្រសួងពាណិជ្ជកម្មថៃនឹងជួយសម្រួលការនាំចូលកសិផលពោតរបស់កសិករកម្ពុជានៅតាមព្រំដែនទៅប្រទេសថៃបន្ទាប់ពីដំណើរការរាំងស្ទះនាំផលិតផលកសិកម្មពីកម្ពុជា ចូលទៅប្រទេសថៃ បានកាលពីពេលថ្មីនេះ។ យោងតាមគេហទំព័រក្រសួងពាណិជ្ជកម្មកម្ពុជា កាលពីថ្ងៃសុក្រ អគ្គរាជទូតព្រះរាជាណាចក្រថៃ ប្រចាំនៅកម្ពុជា លោក NuttavudhPhotisaro នៅក្នុងជំនួបជាមួយរដ្ឋលេខាធិការក្រសួងពាណិជ្ជកម្ម លោក សុខ សុភ័ក្រ បានថ្លែងថា លោកនឹងធ្វើរបាយការណ៍ដាក់ជូនក្រសួងការបរទេសនិងក្រសួងពាណិជ្ជកម្មថៃដើម្បីឲ្យជួយអន្តរាគមន៍ដើម្បីដោះស្រាយជាបន្ទាន់ជួយកសិករកម្ពុជា អាចនាំចូលទៅប្រទេសថៃ។ ...

សម្ព័ន្ធសហគមន៍សហគ្រាសធុនតូច និងមធ្យមកម្ពុជា (FASMAC) បានស្វែងរកការគាំទ្រពីអង្គការប្រឆាំងអំពើពុករលួយតម្លាភាពអន្តរជាតិ ដើម្បីរៀបចំខ្លួនក្លាយជាអង្គភាពអាជីវកម្មដែលគ្មានអំពើពុករលួយ និងដើម្បីជួយដល់សមាជិករបស់ខ្លួនអាចនេងត្រូវបានចុះបញ្ជីនៅផ្សារមូលបត្រកម្ពុជា (CSX)។ ...

ក្រុមវេជ្ជបណ្ឌិត និងគិលានុប្ឋយិកាមានសមាជិក ៣០ នាក់ មកពីខេត្ត ហៃណាន ប្រទេសចិន បានចំនាយពេល ៤ ថ្ងៃចុងក្រោយនៅក្នុងមន្ទីរពេទ្យបង្អែកខេត្តកំពង់ចាមវះកាត់បាយភ្នែកដល់អ្នកជម្ងឺមានជីវភាពក្រីក្រ។ លោកស្រី Kang Baiying ដែលជាម្នាក់ក្នុងចំនោមសមាជិកទាំងអស់ និងជាមន្ត្រីខេត្តហៃណាន បាននិយាយថា ក្រុមការងារលោកស្រីបានចូលរួមបេសកកម្មមនុស្សធម៌មួយ ជាមួយនឹងគោលបំណងដើម្បីលើកកម្ពស់ដល់សុខភាពភ្នែក សម្រាប់ប្រជាជនដែលមានបញ្ហាផ្នែកទាំងឡាយនៅក្នុងខេត្តកំពង់ចាម ដែលជាខេត្តមួយប្រៀបដូចជាខេត្តបងប្អូនស្រីរបស់ខេត្តហៃណានដែរ ព្រមទាំងមានការផ្តល់ជូននូវបរិក្ខារបច្ចេកទេសសម្រាប់ពេលអនាគតផងដែរ។ .  ...

ប្រជាពលរដ្ឋវៀតណាម ដែលបានរស់នៅក្នុងប្រទេសកម្ពុជា នៅលើបឹងទន្លេសាប មួយចំនួន បានសម្រេចចាកចេញពីកម្ពុជា ត្រលប់ទៅកាន់ប្រទេសកំណើតរបស់ខ្លួនវិញ ដោយសារតែមានការលំបាកក្នុងការស់នៅ បន្ទាប់ពីអាជ្ញាធរកម្ពុជា បានចាប់ផ្តើមអនុវត្តន៍ច្បាប់តឹងរ៉ឹង។ លោក សឺន ជុំសុធន់ មន្ត្រីគម្រោងសិទ្ធិមនុស្សនៃអង្គការការពារសិទ្ធិជនជាតិភាគតិច (Miro) បានថ្លែងឲ្យដឹងថា បើតាមការចុះធ្វើការអង្កេតទៅដល់ទីកន្លែងរបស់ជនជាតិវៀតណាម ដែលរស់នៅលើបឹងទន្លេសាប ខេត្តកំពង់ឆ្នាំង មានពលរដ្ឋវៀតណាម ជាង ១០០គ្រួសារបានលូចរត់ត្រឡប់នៅប្រទេសរបស់គេវិញ។ ...

លោកនាយករដ្ឋមន្ត្រី ហ៊ុន សែន កាលពីម្សិលមិញ បានព្រមានទូទាត់បញ្ជីចាស់ ចំពោះការចោទថា បាត់ឈ្មោះអ្នកបោះឆ្នោតជាង ១លាន ២សែននាក់ក្នុងឆ្នាំ២០១៣ និងការចោទថា ទឹកខ្មៅជ្រលក់ម្រាមដៃ អាចលុបជ្រះក្នុងរយៈពេលតិចជាង ១២ម៉ោង ប្រសិនបើរកឃើញថា ការលើកឡើងទាំងនោះ ជាចេតនាដើម្បីបង្កមហន្តរាយដល់ប្រទេសជាតិ។ ថ្លែងប្រាប់អ្នកសារព័ត៌មាន លោកនាយករដ្ឋមន្ត្រី ហ៊ុន សែន បានរំឭកនូវជំនួបចរចាដោះស្រាយទំនាស់នយោបាយក្រោយការបោះឆ្នោតឆ្នាំ២០១៣ ដោយថា គ្រានោះ លោកបានស្នើឲ្យមានការកែទម្រង់ការបោះឆ្នោត និងបញ្ជីបោះឆ្នោត តែភាគីគណបក្សសង្គ្រោះជាតិ ស្នើសុំត្រឹមការប្តូរសមាសភាពគណៈកម្មាធិការជាតិរៀបចំការបោះឆ្នោត (គ.ជ.ប.) តែប៉ុណ្ណោះ។ លោកបានផ្តាំទៅគណបក្សសង្គ្រោះជាតិ ថា តាមរយៈច្បាប់បោះឆ្នោតថ្មី ក្នុងករណីមិនចូលស្បថ ឬពហិការប្រជុំសភា គណបក្សនេះ នឹងត្រូវបាត់បង់អាសនៈ។  ...

ជើងហោះហើរដោយផ្ទាល់ជាលើកដំបូងដែលមិនធ្លាប់មានពីអាកាសយានដ្ឋានណារីតា ទីក្រុងតូក្យូប្រទេសជប៉ុន បានមកដល់ប្រទេសកម្ពុជា ជាមួយអ្នកដំណើរចំនួន២៨០ នាក់នៅរសៀលម៉ោង ៣:១០ នាទី កាលពីម្សិលមិញដោយសង្ឃឹមថា នឹងលើកកម្ពស់សេវាហោះហើរថ្មីជារៀងរាល់ថ្ងៃដោយផ្ទាល់រវាងកម្ពុជា និងជប៉ុន រួមទាំងទំហំពាណិជ្ជកម្ម និងវិស័យទេសចរណ៍។ មន្ត្រីជាន់ខ្ពស់របស់ក្រុមហ៊ុន ANA បានឲ្យដឹងថាជើងហោះហើរដោយផ្ទាល់នាពេលបច្ចុប្បន្ននេះនឹងសម្រួលរវាងប្រទេសទាំងពីរនៅក្នុងលក្ខខ័ណ្ឌអាជីវកម្ម វិស័យទេសចរណ៍ ព្រមទាំងការលើកកម្ពស់ទំនាក់ទំនងសម្រាប់ប្រទេសទាំងពីរ។ ...

របាយការណ៍មួយដែលបានចេញផ្សាយកាលពីសប្តាហ៍មុនដោយ UN-ACT បាននិយាយថា មូលហេតុចម្បងដែលបណ្តាលឱ្យមានការជួញដូរមនុស្សពីប្រទេសកម្ពុជាទៅប្រទេសចិន គឺដោយសារខ្វះការងារធ្វើ និងប្រាក់ឈ្នួលតិចតួច ដែលបង្ខំឱ្យស្ត្រីវ័យក្មេងជាច្រើនស្វែងរកឱកាសចេញទៅរកក្រៅប្រទេស។   ...

ក្រសួងព័ត៌មាន បានដាក់បម្រាមទៅដល់អ្នកសារព័ត៌មាន មិនឲ្យអត្ថាធិប្បាយ ឬផ្សាយណាមួយទាក់ទងនឹងដំណើរការបោះឆ្នោតនោះទេ ប្រសិនបើការបោះឆ្នោតមិនទាន់បានបញ្ចប់ ដើម្បីចៀសវាងកុំឲ្យមានការភាន់ច្រឡំពីសាធារណជន។ លោករដ្ឋមន្ត្រីក្រសួងព័ត៌មាន ខៀវ កាញារីទ្ធ បានថ្លែងនៅ ក្នុងសិក្ខាសាលាស្ដីពីនីតិវិធី និងច្បាប់បោះឆ្នោត ដែលធ្វើនៅក្រសួងព័ត៌មាន នៅថ្ងៃទី៣០ ខែសីហា ថា ធម្មតានៅក្នុងពេលថ្ងៃបោះឆ្នោតគេសុំឲ្យអ្នកកាសែតនៅស្ងាត់ស្ងៀម ដោយសារលោកយល់ឃើញថា បួន ទៅប្រាំលើកមកហើយនេះ ដឹងថា របៀបការផ្សព្វផ្សាយមានពីរបែប ទី១ការផ្សព្វផ្សាយ គ្រាន់តែយកមនុស្សពីរ បីនាក់ ហាក់ដូចជាបំពងសំឡេងធំ ដែលធ្វើឲ្យមានការប៉ះពាល់លើការប្រព្រឹត្តទៅនៃការបោះឆ្នោត។ ...

តាមការចុះផ្សាយរបស់ទីភ្នាក់ងារសារព័ត៌មាន Reuters ដោយគិតត្រឹមថ្ងៃទី៣០ ខែសីហា វីរុស Zika ត្រូវបានរកឃើញកើនឡើងរហូតដល់ ៨២ករណី បន្ទាប់ពីការរាលដាលថ្មីចំនួន ២៦ករណី នៅក្នុងប្រទេសសិង្ហបុរី ដែលនាំឲ្យសហរដ្ឋអាមេរិក ប្រកាសអាសន្នដល់ប្រជាពលរដ្ឋរបស់ខ្លួន ពិសេសស្ត្រីមានផ្ទៃពោះ ចៀសវាងធ្វើដំណើរទៅកាន់ប្រទេសនោះ។ ចំណែកប្រទេសអូស្ត្រាលី តៃវ៉ាន់ និងកូរ៉េខាងត្បូង ក៏បានប្រកាសនូវការណែនាំដល់ពលរដ្ឋខ្លួនជាបន្តបន្ទាប់ផងដែរ។ យ៉ាងនេះក្តី រដ្ឋាភិបាលសិង្ហបុរី ក៏បានចេញសេចក្តីណែនាំឲ្យស្ត្រីមានផ្ទៃពោះ ទទួលសេវាពិនិត្យរកវីរុស Zika ដោយឥតគិតថ្លៃ បើសិនជាពួកគេមានរោគសញ្ញា ឬសង្ស័យឆ្លងមេរោគនេះ។ ...

ខេត្តសក្ដានុពលសេដ្ឋកិច្ចចំនួនបី នឹងមានលទ្ធភាពតភ្ជាប់បណ្ដាញអគ្គិសនីប្រើប្រាស់ បន្ទាប់ពីរដ្ឋាភិបាលជប៉ុន សម្រេចផ្តល់ជំនួយប្រមាណ ៨លានដុល្លារដល់កម្ពុជា លើគម្រោងពង្រីកបណ្ដាញចែកចាយអគ្គិសនីតាមច្រករបៀងខាងត្បូង។ មន្ត្រីរដ្ឋាភិបាលថា គម្រោងនេះនឹងជួយបង្កើនឱកាសវិនិយោគបន្ថែមទៀតក្នុងតំបន់។ គម្រោងផ្តល់ជំនួយពង្រីកបណ្ដាញចែកចាយអគ្គិសនីនេះ នឹងត្រូវសាងសង់នៅខេត្តចំនួន៣ ដូចជា នៅក្រុងបាវិត ខេត្តស្វាយរៀង ក្រុងប៉ោយប៉ែត ខេត្តបន្ទាយមានជ័យ និងក្រុងខេមរភូមិន្ទ ខេត្តកោះកុង។ ខេត្តទាំងបីនេះសុទ្ធសឹងជាទីតាំងសក្ដានុពលក្បែរច្រកព្រំដែន ជាពិសេសវត្តមានតំបន់សេដ្ឋកិច្ចពិសេសកំពុងកើនឡើង។  ...