ខ្មែរថាមស៍

ពលករខ្មែរចំនួន៥នាក់ក្នុងចំណោម១៨នាក់ត្រូវបានស្ថានទូតខ្មែរ ប្រចាំប្រទេសម៉ាឡេស៊ី ជួយអន្តរាគមន៍ឲ្យមានការដោះលែងពីមន្ទីរឃុំឃាំង និងបញ្ជូនមកប្រទេសកំណើតវិញនៅរសៀលថ្ងៃពុធ ម្សិលមិញនេះ ខណៈដែលអ្នកផ្សេងទៀតនឹងត្រលប់មកពេលក្រោយ។ លោក ជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ឲ្យដឹងតាមរយៈសេចក្តីជូនដំណឹងនៅថ្ងៃពុធ ម្សិលមិញថា ក្រសួងការបរទេស និងសហប្រតិបត្តិការអន្តរជាតិ បានណែនាំស្ថានឯកអគ្គរាជទូតកម្ពុជា ប្រជាប្រទេសម៉ាឡេស៊ី ជំរុញទំនាក់ទំនងអន្តរាគមន៍ជាមួយអាជ្ញាធរម៉ាឡេស៊ី សុំឲ្យមានការដោះលែងពលរដ្ឋខ្មែរ ដែលកំពុងជាប់ឃុំនៅពន្ធនាគារ Bukit Jalil និងរៀបចំមាតុភូមិនិវត្តន៍របស់ពួកគេមកកាន់ប្រទេសខ្លួនវិញ។ ...

រដ្ឋាភិបាលកម្ពុជាបានស្នើទៅកាន់ទីភ្នាក់ងារសហប្រតិបត្តិការអន្តរជាតិជប៉ុន (JICA) សម្រាប់សិក្សាពីលទ្ធភាពលើការកសាងផ្លូវចេញចូលឆ្លងកាត់ដោយស្វ័យប្រវត្តិ Automatics Gateway Transit (AGT) ដែលនឹងត្រូវចាប់ផ្តើមនាចុងឆ្នាំនេះក្នុងកិច្ចខិតខំប្រឹងប្រែងដើម្បីឆ្លើយតបទៅនឹងកំណើនរថយន្តនាពេលបច្ចុប្បន្នស្របពេលនៃការកើនឡើងនៃប្រាក់ចំណូលរបស់ប្រជាជនម្នាក់ៗផងដែរ។ លោក Hideaki IWASE ទីប្រឹក្សាក្នុងការបង្កើតគម្រោង ការងារដឹកជញ្ជូន នៃទីភ្នាក់ងារ JICA ប្រចាំនៅរាជធានីភ្នំពេញ បានប្រាប់កាសែតខ្មែរថាមស៍ កាលពីថ្ងៃពុធ ឲ្យដឹងថា អង្គការ JICA បានបញ្ចប់របាយការណ៍អំពីផែនការការដឹកជញ្ជូនទីក្រុង នៅក្នុងរាជធានីភ្នំពេញ រួចរាល់ទៅហើយ។ លោកបាននិយាយថា គំនិតនៃរបាយការណ៍ ផ្លូវដែកឆ្លងកាត់នេះត្រូវបានស្នើឡើងថា ជាការដឹកជញ្ជូនសាធារណៈនាពេលអនាគតនៅក្នុងរាជធានីភ្នំពេញ និងគម្រោងអាទិភាពខ្ពស់បំផុតនៅក្នុងគម្រោងផែនការមេ។ ...

ក្រសួងសុខាភិបាលគ្រោងនឹងមានការពិភាក្សារជាមួយនឹងលោកវេជ្ជបណ្ឌិត Beat Richner ពីការដែលអាចទៅរួចនៃការរៀបចំការប្រលងអំពីចំនេះដឹងវិជ្ជាជីវៈមួយសម្រាប់ក្រុមវេជ្ជបណ្ឌិតនៅតាមគ្លីនិកឯកជននានានៅទូទាំងប្រទេសកម្ពុជា នេះបើតាមការអះអាងរបស់អ្នកនាំពាក្យ។ ...

ខណៈដែលតម្លៃកៅស៊ូធម្មជាតិមានការធ្លាក់ចុះដោយសារតែភាពយឺតយ៉ាវនៃសេដ្ឋកិច្ចសកលលោក និងការធ្លាក់ចុះនៃតម្រូវការសម្រាប់ផលិតបរិក្ខារ ប្រទេសកម្ពុជាគឺមានការលំបាកណាស់ដើម្បីប្រកួតប្រជែងនៅក្នុងទីផ្សារអន្តរជាតិ ហើយក្រុមអ្នកផលិតកំពុងអំពាវនាវដល់រដ្ឋាភិបាលពិនិត្យឡើងវិញពីពន្ធនាំចេញកៅស៊ូ។ ...

មន្ត្រីរដ្ឋាភិបាលកម្ពុជាបានស្នើទៅដល់រដ្ឋាភិបាលប្រទេសអូស្ត្រាលីឲ្យទទួលយកពលករពីប្រទេសនេះទៅធ្វើការស្របច្បាប់តាមរយៈគម្រោងកម្មករតាមរដូវកាលប៉ុន្តែមិនទាន់មានការឆ្លើយតបណាមួយពីភាគីម្ខាងទៀតនៅឡើយទេ ស្របពេលដែលមន្ត្រីសង្គមស៊ីវិលថា ជាការអាម៉ាស់សម្រាប់ការស្នើសុំនេះ។ ...

ក្នុងយុទ្ធនាការចែកស្ទីគ័រចំណាំងប្លាតពន្លឺចំនួន៣លាន៤សែនបន្ទះ ដោយឥតគិតថ្លៃ ជូនប្រជាពលរដ្ឋដើម្បីចូលរួមកាត់បន្ថយគ្រោះថ្នាក់ចរាចរណ៍តាមដងផ្លូវនៅពេលយប់ កាលពីថ្ងៃម្សិលមិញ លោកនាយករដ្ឋមន្ត្រី ហ៊ុន សែន បានបញ្ជាឲ្យអាជ្ញាធរគ្រប់លំដាប់ថ្នាក់ និងសមាជិកគណបក្សប្រជាជនកម្ពុជា ចុះចែកស្ទីគ័រនេះ ឲ្យដល់ផ្ទះប្រជាពលរដ្ឋផ្ទាល់តែម្តង និងបានព្រមានចាប់ខ្លួនមន្ត្រីណា ដែលយកលុយពីប្រជាពលរដ្ឋ។ ...

គ្រឹះស្ថានមីក្រូហិរញ្ញវត្ថុប្រាសាកដែលជាគ្រឹះស្ថានមីក្រូហិរញ្ញវត្ថុធំជាងគេមួយនៅក្នុងប្រទេសកម្ពុជាបានដាក់បញ្ចូលនូវទឹកប្រាក់ប្រមាណ២៩លានដុល្លារសហរដ្ឋអាមេរិកក្នុងការបង្កើនទុនចុះបញ្ជីរបស់ខ្លួនបន្ថែមទៀតដើម្បីកសាងទំនុកចិត្តកាន់តែច្រើនពីអតិថិជនដែលមានស្រាប់ និងសាធារណជន។ ...

លោកស្រីឯកអគ្គរដ្ឋទូតចិនប្រចាំនៅកម្ពុជាបានថ្លែងកាលពីម្សិលមិញថាថ្នាក់ដឹកនាំរបស់ប្រទេសចិននិងប្រជាជនចិនជាច្រើនលាននាក់កោតសរសើរចំពោះលោកនាយករដ្ឋមន្ត្រីហ៊ុនសែនពាក់ព័ន្ធនឹងជំហររបស់កម្ពុជា ក្នុងជម្លោះសមុទ្រចិនខាងត្បូង។ ...

កងទ័ពនៃសាធារណរដ្ឋកូរ៉េ(កូរ៉េខាងត្បូង)បានសន្យាថានឹងពង្រឹងកិច្ចសហប្រតិបត្តិការទ្វេភាគីជាមួយកម្ពុជា ទៀត ហើយមិនតែប៉ុណ្ណោះកូរ៉េ ក៏បានសន្យាថា នឹងផ្តល់សម្ភារៈយោធាមួយចំនួនដល់កម្ពុជា បន្ថែមទៀតផងដែរ ខណៈកាលពីកន្លងទៅប្រទេសនេះបានផ្តល់ជានាវាប្រដេញចំនួនបីគ្រឿងដល់កងទ័ពជើងទឹកកម្ពុជា នោះ។ ...

កំពង់ផែស្វយ័តក្រុងព្រះសីហនុ ដែលជាកំពង់ផែដែលជាកន្លែងផ្ទុកកុងតានឺរតំបន់សមុទ្រធំជាងគេបង្អស់របស់កម្ពុជា បានរាយការណ៍ថា ការដឹកជញ្ជូនទំនិញតាមកាប៉ាល់មានការកើនឡើង ៦ភាគរយនៅក្នុងរយៈពេលឆមាសដំបូងឆ្នាំនេះ ខណៈដែលដែលចំណុះកើនដល់ ១០ភាគរយនៅក្នុងរយៈដូចគ្នានេះ។ ...

រដ្ឋមន្ត្រីក្រសួងពាណិជ្ជកម្ម របស់ប្រទេសចិន លោក Gao Huchengនឹងធ្វើការពិភាក្សាអំពីការសាងសង់ផ្លូវរថភ្លើងការសាងសង់អាកាសយានដ្ឋានផ្លូវថ្នល់ និងវិស័យកសិកម្ម ជាមួយប្រទេសកម្ពុជា។ ...

ទិន្នផលអំបិលខេត្តកំពតនិងកែបអាចផ្គត់ផ្គង់ទីផ្សារក្នុងស្រុកទាំងមូលបាននិងក៏កំពុងសម្លឹងមើលពីលទ្ធភាពធ្វើការនាំចេញទៅផ្គត់ផ្គង់ទីផ្សារក្រៅប្រទេសតែអ្នកជំនាញក្នុងវិស័យនេះបារម្ភពីការហូរចូលអំបិលតម្លៃទាបពីប្រទេសជិតខាងប៉ះពាល់ដល់ផលិតកម្មអំបិលក្នុងស្រុក។ ...

ធនាគារជាតិនៃកម្ពុជា(NBC)បានសហការជាមួយក្រសួងអប់រំយុវជននិងកីឡាក្នុងការដាក់បញ្ចូលចំណេះដឹងផ្នែកហិរញ្ញវត្ថុទៅក្នុងកម្មវិធីអប់រំដើម្បីផ្សព្វផ្សាយនិងបំពាក់ចំណេះដឹងផ្នែកហិរញ្ញវត្ថុដល់សិស្សសាលាចាប់ពីកម្រិតថ្នាក់បឋមសិក្សា ទៅមធ្យមសិក្សា។ នេះបើយោងតាមមន្ត្រីជាន់ខ្ពស់នៃធនាគារជាតិនៃកម្ពុជា។ ...

ក្រុមហ៊ុនធំមួយរបស់អាមេរិក គ្រោងនឹងវិនិយោគប្រាក់ចំនួន ១២០ដុល្លារលើការអភិវឌ្ឍសណ្ឋាគារ និងរមណីយដ្ឋានទេសចរណ៍នៅខេត្តព្រះសីហនុ។ ...

បុរសម្នាក់វ័យ ៤៦ឆ្នាំលោកផុនចិត្ត ដែលពិការជើងឆ្វេងកាលពី១៤ឆ្នាំមុន កំពុងអង្គុយជាមួយនឹងជនរងគ្រោះដទៃទៀតនៅមជ្ឈមណ្ឌលមួយនាខេត្តកំពង់ចាម អំឡុងពេលទស្សនកិច្ចរបស់អ្នកសារព័ត៌មានកាលពីថ្ងៃព្រហស្បតិ៍។ គាត់រំឭកប្រាប់ថា ការបាត់បង់ជើងនេះគឺដោយសារតែកាកសំណល់យុទ្ធភណ្ឌមិនទាន់ផ្ទុះតាំងពីជំនាន់សង្គ្រាមស៊ីវិលនាអំឡុងឆ្នាំ១៩៧០។ គ្រោះថ្នាក់នេះមិនត្រឹមតែបណ្តាលឲ្យគាត់មិនអាចទទួលការសិក្សាតែម្នាក់ឯងនោះទេ សូម្បីតែកូនៗទាំង៦នាក់ និងភរិយារបស់លោកក៏មិនអាចមានឱកាសដូចជាគាត់ដែរ។ បន្ថែមពីនេះ ភរិយាលោកក៏ពិការភ្នែកដោយសារតែអំបែងគ្រាប់ ហើយមិនអាចមើលអ្វីឃើញរហូតដល់សព្វថ្ងៃ។ ថ្វីបើបាត់បង់ជើងក៏ដោយ តែលោកមិនត្រូវបានចាត់ទុកថា ជាជនពិការនោះឡើយ លោកត្រឹមតែជនកម្សោយ ត្បិតអីលោកមានសមត្ថភាពរកស៊ីចិញ្ចឹមគ្រួសារបាននៅឡើយ។ ...

លោករដ្ឋមន្ត្រីនៃក្រសួងសាធារណៈការ និងដឹកជញ្ជូន ស៊ុន ចាន់ថុល បានមានប្រសាសន៍កាលពីសប្តាហ៍មុនថា ក្រុមហ៊ុនHanshin Engineering and Construction Company, ដែលជាក្រុមហ៊ុនកូរ៉េបានទទួលកិច្ចសន្យារកែលម្អផ្លូវជាតិលេខ ២១ បានបំពានកិច្ចសន្យារជាមួយរដ្ឋាភិបាលដោយជួលអ្នកចុះកិច្ចសន្យារបន្តដើម្បីធ្វើការងារនេះ។ ...

មន្ត្រីប៉ូលីសសហការជាមួយមន្ត្រីរដ្ឋាភិបាលនៅក្នុងខេត្តក្រចេះបានចាប់បានរថយន្តដែលដឹកសុទ្ធតែឈើប្រណីតនៅក្នុងស្រុកចិត្របុរី ភូមិចង្ក្រង់ កាលពីរសៀលថ្ងៃសៅរ៍។ ...

ក្រុមហ៊ុនផលិតប្រេងដូងតែមួយនៅកម្ពុជាម៉ុងរិទ្ធីបាននាំចេញប្រេងដូងឆៅចំនួន ១៣ពាន់មេទ្រីក តោន នៅក្នុងរយៈពេល៦ខែ ដើមឆ្នាំ២០១៦ កើនឡើងទ្វេដងរហូតដល់ ១១៦ភាគរយ ធៀបនឹងរយៈពេលដូចគ្នាឆ្នាំមុន។ ...

យ៉ាងហោចណាស់មានមនុស្សចំនួន៦នាក់ដែលក្នុងនោះក្មេងប្រុសអាយុ១ខួបម្នាក់បានរងរបួសនិងលំនៅឋានជាង៤០ខ្នងផ្សេងទៀតត្រូវបានបំផ្លាញដោយសារភ្លៀងលាយឡំនឹងខ្យល់កន្ត្រាក់កើតឡើងនៅក្នុងក្រុងច្បារមន ខេត្តកំពង់ស្ពឺ កាលពីចុងសបា្តហ៍នេះ។ ...

រដ្ឋមន្ត្រីក្រសួងការបរទេស ប្រាក់ សុខុន បានការពារតួនាទីរបស់កម្ពុជាលើបញ្ហាជម្លោះសមុទ្រចិនខាងត្បូងក្នុងអំឡុងពេលធ្វើសេចក្តីថ្លែងការណ៍ព័ត៌មាននៅទីស្តីការក្រសួងការបរទេសកាលពីម្សិលមិញ ដែលបដិសេធការចោទប្រកាន់ថាព្រះរាជាណាចក្រកម្ពុជាប្រឆាំងនិងសេចក្តីថ្លែងការណ៍រួមរបស់អាស៊ានក្នុងការគាំទ្រប្រទេសហ្វីលីពីនដោយមូលហេតុទទួលបានប្រាក់កម្ចី និងជំនួយឥតសំណងដ៏ច្រើនពីចិន។ ...

ក្នុងអំឡុងរយៈពេល៦ខែដើមឆ្នាំ២០១៦ពលករកម្ពុជាចំណាក់ស្រុកដែលទៅធ្វើការនៅប្រទេសថៃ ខុសច្បាប់ជិត៣ម៉ឺននាក់ត្រូវបានអាជ្ញាធរថៃ ចាប់បញ្ជូនត្រលប់មកកម្ពុជា វិញតាមច្រកព្រំដែននានានៅក្នុងខេត្តបន្ទាយមានជ័យ។ នេះបើតាមការបញ្ជាក់ពីលោក សួន បវរ អភិបាលខេត្តបន្ទាយមានជ័យ ថ្លែងប្រាប់ការសែតខ្មែរថាមស៍ កាលពីម្សិលមិញ។ ...

ក្នុងជំនួបជាមួយក្រុមការងារបច្ចេកទេសរបស់សហភាពអឺរ៉ុបកាលពីម្សិលមិញបន្ទាប់ពីធ្វើសេចក្តីរាយការណ៍ពាក់ព័ន្ធទៅនឹងថវិកាជាតិនិងរបាយការណ៍សវនកម្មរួចមកគណៈកម្មការទី២នៃរដ្ឋសភាបានស្នើឲ្យសហភាពអឺរ៉ុប ពិនិត្យលទ្ធភាពពង្រីក និងបង្កើនទីផ្សារនាំចូលអង្ករ និងសំលៀកបំពាក់ពីកម្ពុជា។ ...

មីនជាង ២០០ គ្រាប់ គ្រាប់រ៉ូកែត និងគ្រាប់រំសែវជាច្រើនត្រូវបានរកឃើញនៅក្នុងស្រុកសង្គមថ្មី ខេត្តព្រះវិហារ កាលពីថ្ងៃពុធ នៅចម្ងាយប្រមាណ ១៥០ ម៉ែត្រពីប្រាសាទដំរី នេះបើឱ្យពីក្រុមមន្ត្រី។ ...

កាលពីថ្ងៃអង្គារនេះ សារព័ត៌មានក្នុងស្រុកមួយបានរាយការណ៍ឲ្យដឹងថា ចាប់ពីឆ្នាំ២០១៥ ដល់ឆ្នាំ២០១៦ អដ្ឋិធាតុចំនួន ៧៤៨ កញ្ចប់ ដែលជារបស់យុទ្ធជនវៀតណាម ដែលបានស្លាប់នៅក្នុងប្រទេសកម្ពុជា រវាងឆ្នាំ១៩៧៩ និងឆ្នាំ១៩៨៩ ត្រូវបានដឹកបញ្ជូនទៅប្រទេសកំណើតវិញ។ ...