វិទ្យុបារាំងអន្តរជាតិ
ការពិនិត្យបញ្ជីឈ្មោះ និងចុះឈ្មោះរបស់បោះឆ្នោតនឹងត្រូវបន្ត ៣ថ្ងៃទៀត
ដំណើរការធ្វើបច្ចុប្បន្នភាពបញ្ជី ឈ្មោះបោះឆ្នោតសម្រាប់ឆ្នាំ២០១៣ បានចាប់ផ្តើម កាលពីថ្ងៃទី១ ខែតុលា។ គិតមកទល់នឹងថ្ងៃទី១៧ តុលា, តួលេខបណ្តោះអាសន្នបានបង្ហាញថា ដំណើរការនេះបានទទួលមនុស្សចុះឈ្មោះថ្មី ប្រមាណ ជាង១៦ម៉ឺននាក់។ ប៉ុន្តែ ដំណើរការធ្វើបច្ចុប្បន្នភាព និងពិនិត្យ និងចុះឈ្មោះបោះឆ្នោត ដែលនឹងត្រូវបញ្ចប់ត្រឹមថ្ងៃទី២០តុលានេះ ត្រូវបាន គ ជ ប ប្រកាសពន្យារពេល បន្ថែមបីថ្ងៃទៀត ដោយសារតែខេត្ត-ក្រុងមួយចំនួនបានជួបគ្រោះទឹកជំនន់។ លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោតបានថ្លែងថា យ៉ាងហោចណាស់មានឃុំ-សង្កាត់ចំនួន២១១ នៅក្នុងខេត្ត-ក្រុងចំនួន១០ នឹងត្រូវបានពន្យារពេលបន្ថែម៣ថ្ងៃទៀត ដើម្បីឲ្យប្រជាពលរដ្ឋមានលទ្ធភាពទៅពិនិត្យឈ្មោះ និងចុះឈ្មោះក្នុងបញ្ជីបោះឆ្នោត ដែលត្រូវធ្វើជារៀងរាល់ឆ្នាំ។ ដោយឡែកតួលេខជាក់លាក់ក្នុងរយៈពេលដំណើរការពិនិត្យឈ្មោះ និងចុះឈ្មោះបោះឆ្នោតដែលបានចាប់ផ្តើមតាំងពីថ្ងៃទី១តុលា ដល់ថ្ងៃទី២០តុលា នឹងត្រូវបានគ.ជ.បធ្វើការបូកសរុបនៅថ្ងៃចន្ទទី២១ ស្របពេលដែលរយៈពេលបន្ថែមបីថ្ងៃសម្រាប់ខេត្ត-ក្រុងលិចទឹកជំនន់ចំនួន ១០ចាប់ផ្តើមដំណើរការបន្ថែមរបស់ខ្លួននោះ។ នេះបើតាមការឲ្យដឹងរបស់លោក ទេព នីថា ដោយលោកបានកត់សម្គាល់ថា បើទោះបីជាមានគ្រោះទឹកជំនន់នៅតាមបណ្តាខេត្តមួយចំនួន ក៏ដំណើរការចុះឈ្មោះ និងពិនិត្យបញ្ជីឈ្មោះនៅតាមបណ្តាខេត្តផ្សេងទៀត បានដំណើរការទៅបានយ៉ាងល្អដែរ តាំងពីថ្ងៃចាប់ផ្តើមមក។ ...
គឹម យុទ្ធណា
http://www.khmer.rfi.fr/nec-delay-for-registration
តំណាងគណបក្សសង្គ្រោះជាតិ ត្រៀមជួបអាជ្ញាធររាជធានីភ្នំពេញ នៅរសៀលនេះ
នៅរសៀល ម៉ោង ៣ និង ៣០ នាទី ថ្ងៃសុក្រ ទី១៨តុលានេះ អាជ្ញាធររាជធានីភ្នំពេញ នឹងជួបប្រជុំជាមួយតំណាងគណបក្សសង្គ្រោះជាតិ អំពីគម្រោងធ្វើបាតុកម្មជាថ្មី របស់បក្សប្រឆាំងរយៈពេល ៣ថ្ងៃ ៤យប់ ចាប់ពីថ្ងៃទី២៣តុលា។ គណបក្សសង្រ្គោះជាតិ កាលពីថ្ងៃទី១៦តុលា បានផ្ញើរលិខិតមួយ ជូនអភិបាលរាជធានីភ្នំពេញ ស្តីពីការធ្វើមហាបាតុកម្មអហិង្សា នៅទីលានប្រជាធិបតេយ្យ និងការដង្ហែក្បួនបាតុកម្មដោយសន្តិវិធី នៅថ្ងៃទី២៣-២៤-២៥ខែតុលាខាងមុខ។ ជាមហាបាតុកម្មអហិង្សា ដែលនឹងប្រព្រឹត្តទៅចាប់ពីវេលាម៉ោង ៧ព្រឹក នៅថ្ងៃទី២៣តុលា ដល់វេលាម៉ោង ៦ល្ងាច ថ្ងៃទី២៥ ខែតុលា ឆ្នាំ២០១៣ នៅទីលានប្រជាធិបតេយ្យ ដោយមានការសម្តែងមតិរបស់បាតុករ ការសម្តែងសិល្បៈ ចម្រៀង និងការបញ្ចាំងខ្សែភាពយន្តឯកសារ ការអង្គុយដោយស្ងៀមស្ងាត់ និងការដង្ហែក្បួនយកញត្តិទៅប្រគល់ជូនអង្គការសហប្រជាជាតិ តាមរយៈឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំនៅកម្ពុជា និងស្ថានទូតនានា ដូចជា៖ ស្ថានទូតបារាំង ជប៉ុន សហរដ្ឋអាមេរិក ...
លី ម៉េងហួរ
http://www.khmer.rfi.fr/cnrp-meet-pp-municiple
សង្គមស៊ីវិល គណបក្សប្រឆាំង គាំទ្រជំហរកែទម្រង់ការបោះឆ្នោតរបស់CPP តែទាមទារឲ្យមានតុល្យភាពអំណាចក្នុងរដ្ឋសភា
គណបក្សប្រជជនកម្ពុជាបានប្រកាសពីជំហរកែទម្រង់ប្រព័ន្ធបោះឆ្នោតនៅ កម្ពុជា កាលពីថ្ងៃទី ១៤តុលាកន្លងមកថ្មីៗនេះ ក្នុងពេលដែលវិបត្តិនយោបាយក្រោយការបោះឆ្នោត មួយផ្នែកធំត្រូវបានគេស្តីបន្ទោសថា បណ្តាលមកពីប្រព័ន្ធបោះឆ្នោត ពេលបច្ចុប្បន្នមិនយុត្តិធម៌។ សង្គមស៊ីវិល និងគណបក្សប្រឆាំងបានគាំទ្រជំហរ របស់គណបក្សកាន់អំណាច ក្នុងរឿងនេះ តែបានទាមទារថា មានតុល្យភាពអំណាចក្នុងរដ្ឋសភា រវាងគណបក្សឈ្នះឆ្នោតទាំងពីរ ទើបការកែទម្រង់នេះមានប្រសិទ្ធភាព។ ...
ដំណើរការចុះឈ្មោះនៅបន្តធ្វើ ខណៈដែលបញ្ជីឈ្មោះនៅមានភាពចម្រូងចម្រាស
ដំណើរការចុះឈ្មោះបោះឆ្នោតសម្រាប់ឆ្នាំ២០១៣ ដែលបានចាប់ផ្តើមកាលពីថ្ងៃទី១តុលា បាននិងកំពុងតែដំណើរការទៅ បើទោះបីជាស្ថានភាពទឹកជំនន់បានកំពុងកើតឡើងក៏ដោយ។ ស្ថិតក្នុងកាលៈទេសៈនេះ មន្ត្រី គ.ជ.ប. បានសម្រេចពន្យារពេលចំនួនបីថ្ងៃបន្ថែមទៀតសម្រាប់ទុកលទ្ធភាពឲ្យ ប្រជាពលរដ្ឋទៅពិនិត្យ និងចុះឈ្មោះបោះឆ្នោត។ ប៉ុន្តែ គណបក្សប្រឆាំងបានរិះគន់ចំពោះដំណើរការចុះឈ្មោះនិងពិនិត្យបញ្ជីនេះ ដោយសារតែបញ្ហាបញ្ជីឈ្មោះបោះឆ្នោតនៅមានបញ្ហានៅឡើយ ដែលត្រូវការឲ្យមានការកែលម្អនោះ។ ...
គឹម យុទ្ធណា
http://www.khmer.rfi.fr/election-register-delay
គណបក្សសង្គ្រោះជាតិនៅតែទាមទារឲ្យមានតុល្យភាពអំណាចនៅក្នុងសភា
ឆ្លើយតបទៅនឹងសេចក្តីប្រកាសរបស់ មន្ត្រីខុទ្ទកាល័យក្រសួងមហាផ្ទៃ កាលពីថ្ងៃម្សិលមិញ ដែលបានប្រកាសពីភាពមិនចុះសម្រុងគ្នានៅក្នុងការទាមទារការបែងចែក អំណាចរបស់គណបក្សប្រឆាំងនៅក្នុងរដ្ឋសភា រួចមក នៅថ្ងៃអាទិត្យនេះ គណបក្សប្រឆាំងនៅតែអះអាងចង់អោយអំណាចឲ្យមានតុល្យភាពគ្នាដដែលនៅក្នុង សភា ដើម្បីកំណែទម្រង់ស្ថាប័នជាតិសំខាន់។ មន្ត្រីជាន់ខ្ពស់គណបក្សសង្គ្រោះជាតិនៅតែអះអាងថា អ្វីដែលគណបក្សសង្គ្រោះជាតិចង់បានគឺចង់ឲ្យមានតុល្យភាពអំណាច នៅក្នុងរដ្ឋសភា ដើម្បីដំណើរការកំណែទម្រង់ស្ថាប័នជាតិសំខាន់ៗឲ្យមានប្រសិទ្ធិភាព។ លោក យ៉ែម បុញ្ញាឫទ្ធិ តំណាងរាស្ត្រគណបក្សសង្គ្រោះជាតិបានបញ្ជាក់ថា គណបក្សសង្គ្រោះជាតិមិនចង់និយាយពីរឿងចង់បានតំណែងនោះទេ ប៉ុន្តែអ្វីដែលគណបក្សចង់និយាយគឺការកែទម្រង់ស្ថាប័ន ជាតិសំខាន់ពិតប្រាកដមួយ និងការស្វែងរកយុត្តិធម៌ជូនប្រជាពលរដ្ឋ។ ការបញ្ជាក់ជំហររបស់គណបក្សសង្គ្រោះជាតិនៅពេលនេះបានធ្វើឡើង ក្រោយពីខុទ្ទកាល័យលោក ស ខេង សមាជិកអចិន្ត្រៃយ៍ នៃ គណៈកម្មាធិការកណ្ដាលគណបក្សប្រជាជនកម្ពុជា បានទម្លាយព័ត៌មានជាសាធារណៈ ពីភាពមិនចុះសម្រុងគ្នារវាង ថ្នាក់ដឹកនាំនៅក្នុងជួរគណបក្សប្រឆាំង អំពីការចង់បានអំណាចនៅក្នុងរដ្ឋសភា។ ...
គឹម យុទ្ធណា
http://www.khmer.rfi.fr/cnrp-still-needs-equal-power-national-assembly
គណៈអចិន្ត្រៃយ៍លើករបៀបវារៈបោះឆ្នោតសមាជិកគណៈកម្មការជំនាញសភាថ្ងៃទី៨តុលា
ក្រោយពីពិធីបុណ្យភ្ជុំបិណ្ឌនេះ គណៈកម្មាធិការអចិន្ត្រៃយ៍រដ្ឋសភានឹងបើកកិច្ចប្រជុំដើម្បី លើករបៀបវារៈស្តីពីការបោះឆ្នោតជ្រើសតាំងសមាជិកក្នុងគណៈកម្មការ ជំនាញទាំង៩របស់រដ្ឋសភា។ លោកជាម យៀបតំណាងរាស្ត្ររបស់គណបក្សប្រជាជនកម្ពុជាបានអះអាងថា រដ្ឋសភានឹងផ្តើមដំណើរការ ភារកិច្ចរបស់ខ្លួនបានពេញលេញ បន្ទាប់ពីការជ្រើសតាំងសមាជិកគណៈកម្មការជំនាញហើយនោះ។ នៅរសៀលថ្ងៃអង្គារទី៨តុលាសប្តាហ៍ក្រោយនេះ គណៈកម្មាធិការអចិន្ត្រៃយ៍នៃរដ្ឋសភានឹងបើកកិច្ចប្រជុំ ដើម្បីលើករបៀបវារៈដាក់ក្នុងកិច្ចប្រជុំពេញអង្គស្តីពីការ បោះឆ្នោតជ្រើសតាំងសមាជិកគណៈកម្មការជំនាញទាំង៩។ នេះបើតាមការបញ្ជាក់របស់លោកជាម យៀប ដែលជាសមាជិកគណៈកម្មាធិការអចិន្ត្រៃយ៍រដ្ឋសភា។ តំណាងរាស្ត្រគណបក្សប្រជាជនកម្ពុជារូបនេះបានបន្តថា ស្ថានប័នីតិបញ្ញត្តិមួយនេះនឹងអាចដំណើរការការងាររបស់ខ្លួនបាន ពេញលេញ បន្ទាប់ពីមានសមាជិកនៅតាមគណៈកម្មការជំនាញហើយនោះ។ ...
លាង ដឺលុច
http://www.khmer.rfi.fr/cambodia-national-assembly
គណបក្សសង្គ្រោះជាតិ មិនរវីរវល់នឹងដំណើរការចុះឈ្មោះបោះឆ្នោតទេ
លោកសម រង្ស៊ី ប្រធានគណបក្សសង្គ្រោះជាតិ នៅមិនទាន់ទៅចុះឈ្មោះ ដើម្បីទទួលបានសិទ្ធិ ក្លាយជាអ្នកតំណាងរាស្ត្រនៅឡើយទេ។ ក្នុងនោះ គណបក្សសង្គ្រោះជាតិ តាមរយៈលោក យឹម សុវណ្ណ អ្នកនាំពាក្យ បានប្រកាសថា គណបក្សប្រឆាំងមិនរវីរវល់នឹងដំណើរការពិនិត្យ និងចុះឈ្មោះបោះឆ្នោត ដែលគ.ជ.ប ចាប់ផ្តើមធ្វើក្នុងពេលបច្ចុប្បន្ន ពីថ្ងៃទី១ ដល់ថ្ងៃទី២០តុលា។ ដំណើរការពិនិត្យ និងចុះឈ្មោះបោះឆ្នោត ប្រចាំឆ្នាំ២០១៣ ចាប់ផ្តើម នៅថ្ងៃទី១តុលានេះ បន្តរហូតដល់ ថ្ងៃទី២០តុលា។ ដំណើរធ្វើបច្ចុប្បន្នភាពបញ្ជីឈ្មោះបោះឆ្នោត ធ្វើឡើង នៅតាមសាលាឃុំ-សង្កាត់ ទូទាំងប្រទេស បើទោះបីជាតំបន់មួយចំនួន ត្រូវទឹកជន់លិចក៏ដោយ។ ប៉ុន្តែ នៅថ្ងៃផ្តើមពិនិត្យនិងចុះឈ្មោះ នៅថ្ងៃដំបូង ថ្ងៃទី១តុលានេះ លោកសម រង្ស៊ី ប្រធានគណបក្សសង្គ្រោះជាតិ មិនទាន់ទៅចុះឈ្មោះបោះឆ្នោត នៅឡើយទេ។ ការចុះឈ្មោះក្នុងបញ្ជីបោះឆ្នោតថ្មី ពេលនេះ ទើបជាការបើកផ្លូវឲ្យលោកសម រង្ស៊ី បានក្លាយជាសមាជិករដ្ឋសភា នៅឆ្នាំ២០១៣។ លោកសម រង្ស៊ី ត្រូវបានគ.ជ.ប លុបឈ្មោះចេញ កាលពីឆ្នាំ២០១២ ...
លី ម៉េងហួរ
http://www.khmer.rfi.fr/cnrp-uncare-voting-registration
មនុស្សប្រមាណ៣០ម៉ឺននាក់ត្រូវចុះឈ្មោះបោះឆ្នោតថ្មីឆ្នាំ២០១៣នេះ
ចាប់ពីថ្ងៃទី១ដល់ថ្ងៃ២០តុលា គណៈកម្មាធិការជាតិរៀបចំការបោះឆ្នោតនឹងផ្តើមធ្វើបច្ចុប្បន្ន ភាពបញ្ជីឈ្មោះបោះឆ្នោតសម្រាប់ឆ្នាំ២០១៣។ អគ្គលេខាធិការនៃគណៈកម្មាធិការជាតិរៀបចំការបោះឆ្នោត លោកទេព នីថា បានអះអាងអោយដឹងថា មានពលរដ្ឋប្រមាណ៣០ម៉ឺននាក់ដែលត្រូវមានឈ្មោះ សម្រាប់ការចុះឈ្មោះបោះឆ្នោតថ្មី។ គួរបញ្ជាក់ថា ទឹកជំនន់ក៏កំពុង យាយីរំខានការិយាល័យឃុំសង្កាត់ជាច្រើន ដែលត្រូវផ្តើមការចុះឈ្មោះបោះឆ្នោតថ្មីនៅពេលនេះផងដែរ។ មានពលរដ្ឋប្រមាណ៣០ម៉ឺននាក់ ដោយរាប់បញ្ចូលទាំងអ្នកគ្រប់អាយុបោះឆ្នោតថ្មី និងអ្នកផ្លាស់ប្តូរលំនៅដ្ឋានផង ដែលត្រូវមានឈ្មោះ ចុះឈ្មោះបោះឆ្នោតថ្មីនៅក្នុងឆ្នាំ២០១៣នេះ។ ដូចរៀងរាល់ឆ្នាំដែរ គណៈកម្មាធិការជាតិរៀបចំការបោះឆ្នោត គជប តែងធ្វើបច្ចុប្បន្នភាពបញ្ជីឈ្មោះអ្នកបោះឆ្នោត ដោយបើកអោយមានការចុះឈ្មោះថ្មី និងការពិនិត្យបញ្ជីឈ្មោះឡើងវិញ ពីថ្ងៃទី១ដល់ថ្ងៃទី២០ខែតុលា។ អគ្គលេខាធិការនៃ គជប លោកទេព នីថា បានអំពាវនាវអោយពលរដ្ឋគ្រប់អាយុបោះឆ្នោត ទៅចុះឈ្មោះបោះឆ្នោតអោយបានគ្រប់គ្នា។ បើតាមការបញ្ជាក់របស់អគ្គលេខាធិការ គជប ដដែល ជារៀងរាល់ឆ្នាំដែលមិនមានការបោះឆ្នោតនោះ ពលរដ្ឋទូទៅមិនសូវចាប់អារម្មណ៍ទៅចុះឈ្មោះបោះឆ្នោតឡើយ។ លោកពន្យល់ថា រាល់ឆ្នាំដែលមិនមានការបោះឆ្នោតនេះ ការអប់រំអោយពលរដ្ឋទៅចុះឈ្មោះបោះឆ្នោត សកម្មភាពរបស់គណបក្សនយោបាយ និងអង្គការក្រៅរដ្ឋាភិបាលដែលធ្វើការងារលើការបោះឆ្នោតនេះ សុទ្ធតែមានកម្រិត និងមិនផុសផុល។ ការនេះ វាបានធ្វើអោយពលរដ្ឋមិនចាប់អារម្មណ៍ចុះឈ្មោះបោះឆ្នោត។ ...
សឿន វឌ្ឍនា
http://www.khmer.rfi.fr/cambodia-300000people-register-vote-new-year-2014
គណបក្សប្រជាជនកម្ពុជារង់ចាំចម្លើយរបស់សង្គ្រោះជាតិមុនចេញដំណើរក្នុងសភា
គណបក្សប្រជាជនកម្ពុជានៅក្នុងរដ្ឋសភា កំពុងរង់ចាំចម្លើយរបស់គណបក្សសង្គ្រោះជាតិ ថានឹងចូលបំពេញការងារនៅក្នុងរដ្ឋសភា ឬយ៉ាងណា មុននឹងគណបក្សនេះសម្រេចចេញដំណើរអណត្តិការងាររដ្ឋសភានីតិកាលទី៥។ មន្ត្រីជាន់ខ្ពស់គណបក្សប្រជាជនកម្ពុជានៅក្នុងរដ្ឋសភាលោកឈាង វុនបានបញ្ជាក់ថា ប្រសិនបើគណបក្សសង្គ្រោះជាតិនៅមិនព្រមចូលមកក្នុងរដ្ឋសភាទេ គណបក្សលោកនឹងបញ្ចូលសមាជិកខ្លួនចូលទៅក្នុងគណៈកម្មការសភាពទាំងអស់។ តើរដ្ឋសភាសព្វថ្ងៃកំពុងធ្វើអ្វី? បន្ទាប់ពីបានបោះឆ្នោតរើសក្បាលម៉ាស៊ីនដឹកនាំស្ថានប័នកំពូលនេះ ដែលរួមមានប្រធាន និងអនុប្រធានរដ្ឋសភា ប្រធាននិងអនុប្រធានគណៈកម្មការជំនាញ រដ្ឋសភានៅមិនទាន់ដំណើរការការងាររបស់ខ្លួននៅឡើយទេ ដោយនៅរង់ចាំសេចក្តីសម្រេចរបស់គណបក្សសង្គ្រោះជាតិ ថានឹងត្រូវចូលមកបំពេញការងារ ឬក៏អត់នោះ។ វត្តមានរបស់គណបក្សសង្គ្រោះជាតិនៅក្នុងរដ្ឋសភា ដែលនឹងអនុញ្ញាតអោយគណបក្សជាប់ឆ្នោតទាំងពីរបែងចែកភារកិច្ច និងតួនាទីដឹកនាំនៅក្នុងរដ្ឋសភា ពិសេសសមាជិកនៅតាមគណៈកម្មការជំនាញ មុននឹងផ្តើមដំណើរការការងាររបស់ស្ថាប័នកំពូលនេះ។ ប៉ុន្តែ នៅពេលនេះគណបក្សទាំងពីរកំពុងតែចរចារតួនាទី និងដំណែងក្នុងស្ថាប័ននីតិបញ្ញត្តិនេះ។ ខណៈគណបក្សសង្គ្រោះជាតិទាមទារដំណែងប្រធានរដ្ឋសភា លោកឈាង វុនដែលជាតំណាងរាស្ត្ររបស់គណបក្សប្រជាជនកម្ពុជា បានបញ្ជាក់ថា គណបក្សរបស់លោកបានសម្រេចបែងចែកអោយគណបក្សសង្គ្រោះជាតិនូវដំណែង អនុប្រធានរដ្ឋសភាមួយ ប្រធានគណកម្មការ៤ អនុប្រធានគណបក្សកម្មការ៥ ព្រមទាំងលេខា៥ដែរ។ ប៉ុន្តែគេស្តាប់លឺសេចក្តីថ្លែងការណ៍របស់លោកសម រង្ស៊ីប្រធានគណបក្សសង្គ្រោះជាតិនៅតាមសារព័ត៌មានកន្លងមក លោកសម រង្ស៊ីបានពន្យល់ថា គណបក្សសង្គ្រោះជាតិរបស់លោកត្រូវដឹកនាំរដ្ឋសភាដើម្បីតុល្យភាពអំណាច ទល់នឹងគណបក្សប្រជាជនកម្ពុជា នៅក្នុងដំណាក់កាលអន្តរកាលមួយដែលគណបក្សសង្គ្រោះជាតិរបស់លោកត្រូវ ស្វែងរកយុត្តិធម៌ជូនម្ចាស់ឆ្នោតនោះ។ ...
លាង ដឺលុច
http://www.khmer.rfi.fr/cambodia-cpp-waits-cnrp-before-process-parliament
គណបក្សសង្គ្រោះជាតិទាមទារតំណែងប្រធានរដ្ឋសភា
លោកសម រង្ស៊ី ប្រធានគណបក្សសង្គ្រោះជាតិបានប្រាប់វិទ្យុបារាំងអន្តរជាតិ នៅថ្ងៃនេះថា ដើម្បីឲ្យមានតុល្យភាពអំណាច ទាល់តែគណបក្សសង្គ្រោះជាតិទទួលបាន តំណែងប្រធានរដ្ឋសភាដើម្បីដឹកនាំស្ថាប័ននេះ។ លោកសម រង្ស៊ី បញ្ជាក់ថា បើការទាមទារនេះមិនបានផលទេ គណបក្សសង្គ្រោះជាតិនឹងធ្វើកូដកម្មទូទាំងប្រទេស នៅថ្ងៃទី៦តុលា នេះ។ ប៉ុន្តែ លោកនាយករដ្ឋមន្ត្រី ហ៊ុន សែន បានប្រកាសរួចហើយថា គេមិនអាចប្រគល់តំណែងប្រធានសភាទៅឲ្យគណបក្សដែលមានសំឡេងភាគតិច ឡើយ។ ការទាមទារតំណែងប្រធានរដ្ឋសភាពីសំណាក់គណបក្សសង្គ្រោះជាតិ គ្មានអ្វីជាអាថ៌កំបាំងទៀតឡើយ។ លោក សម រង្ស៊ី ប្រធានគណបក្សសង្គ្រោះជាតិ បានប្រាប់វិទ្យុបារាំងអន្តរជាតិនៅថ្ងៃ សៅរ៍នេះថា ការប្រគល់តំណែងអនុប្រធានសភាមួយ ប្រធានគណៈកម្មការ៤ និងអនុប្រធានគណៈកម្មការ៥ ដូចដែលគណបក្សប្រជាជនកម្ពុជាអះអាងនោះ មិនគ្រប់គ្រាន់ទេ តែទាល់តែគណបក្សសង្គ្រោះជាតិទទួលបានតំណែងប្រធានរដ្ឋសភា និងតួនាទីភាគច្រើនក្នុងគណៈអចិន្ត្រៃយ៍ទើបមានតុល្យភាព។ លោកសម រង្ស៊ី បានសង្កត់ធ្ងន់ទៀតថា ប្រសិនបើគណបក្សប្រជាជនជាអ្នកគ្រប់គ្រងរដ្ឋាភិបាលផង គ្រប់គ្រងសភាផង និងប្រព័ន្ធតុលាការផងដូចមុនដដែលនោះ គណបក្សសង្គ្រោះជាតិនឹងមិនចូលប្រថាប់ត្រាឲ្យគណបក្សនេះទៀតឡើយ។ ប៉ុន្តែ គណបក្សប្រជាជនកម្ពុជាបានបញ្ជាក់ជំហររួចហើយថា ខ្លួនមិនអាចប្រគល់តំណែងប្រធានសភាឲ្យគណបក្សសង្គ្រោះជាតិបានទេ។ ...
ប៉ែន បូណា
http://www.khmer.rfi.fr/Opposition-reclame-poste-de-president-de-l-Assemblee
ប្រតិកម្មរិះគន់និងសាទរចំពោះសម័យប្រជុំសភាដំបូងរបស់កម្ពុជា
ក្រោយពីបញ្ចប់សម័យប្រជុំសភាដំបូង ដែលដឹកនាំដោយព្រះមហាក្សត្រ ព្រះបាទព្រះបរមនាថ នរោត្តម សីហមុនី សហគមន៍អន្តរជាតិមួយចំនួនបានអត្ថារិះគន់ និងព្រួយបារម្ភចំពោះដំណើររដ្ឋសភាដោយបក្សតែមួយ។ ទន្ទឹមគ្នានេះក៏មានការសាទរ លោក ហ៊ុន សែនដែលត្រូវបានចាត់តាំងជានាយករដ្ឋមន្ត្រីកម្ពុជាផងដែរ។ សេចក្តីថ្លែងការណ៍របស់សហភាពអឺរ៉ុប និងឯកអគ្គរដ្ឋទូតសហរដ្ឋអាមេរិក គឺជាសេចក្តីថ្លែងការណ៍ដែលមិនបានសាទរការប្រជុំសភាដំបូងនីតិកាល ទី៥របស់កម្ពុជាឡើយ។ ថ្វីដ្បិតតែបានចូលរួមក្នុងកិច្ចប្រជុំសភាដំបូងនៅព្រឹកមិញនេះ លោកវីល្លាម អ៊ី ថត់ ឯកអគ្គរដ្ឋទូតអាមេរិកបាននិយាយចំៗថា វត្តមានរបស់លោកនៅក្នុងរដ្ឋសភាកម្ពុជានោះ មិនបានន័យថា សហរដ្ឋអាមេរិកយល់ព្រមទទួលស្គាល់លទ្ធផលនៃការបោះឆ្នោត ឬគណបក្សណាមួយនោះទេ។ រីឯសហភាពអឺរ៉ុបឯណោះវិញ សេចក្តីថ្លែងការណ៍របស់ខ្លួនបានសរសេរថា រដ្ឋសភាកម្ពុជានឹងមិនអាចបំពេញភារកិច្ចរបស់ខ្លួន ដោយគ្មានការចូលរួមពីគ្រប់គណបក្សនយោបាយដែលជាប់ឆ្នោតនោះឡើយ។ សហភាពអឺរ៉ុបបានអំពាវនាវអោយគ្រប់គណបក្សនយោបាយទាំងអស់ សហការគ្នាដើម្បីធ្វើយ៉ាងណាអាចបំពេញអណត្តិរដ្ឋសភាអោយបានពេញលេញ។ សហភាពអឺរ៉ុបក៏នៅទទូចអោយគណបក្សទាំងពីរដោះស្រាយបញ្ហាបោះឆ្នោត អោយបាន ដើម្បីធានាដល់តំណើរការបោះឆ្នោតនៅលើកក្រោយទៀតនោះ។ ការអំពាវនាវបែបនេះក៏ត្រូវបានធ្វើឡើងដោយលោកឯកអគ្គរដ្ឋអាមេរិក ដូចគ្នាដែរ។ បេសកជនការទូតរបស់អាមេរិកបានអត្ថាធិប្បាយនៅក្នុងសេចក្តីថ្លែងការណ៍ របស់ខ្លួនថា គណបក្សនយោបាយទាំងពីរគួរចាប់យកឱកាសនេះ ដើម្បីលើកកំពស់ដំណើរការលទ្ធិប្រជាធិបតេយ្យ និងអនុវត្តកំណែទម្រង់ដ៏មានន័យ ដែលពង្រឹងនីតិរដ្ឋ និងការគោរពសិទ្ធិមនុស្សនៅកម្ពុជា។ ...
លាង ដឺលុច
http://www.khmer.rfi.fr/cambodia-24-09-2013-reaction-on-eu-us-ngo-on-new-paliament
