VOD Hot News
គណបក្សសង្គ្រោះជាតិ៖ ការបោះឆ្នោតកញ្ចប់សម្រាប់រដ្ឋសភា គឺខុសរដ្ឋធម្មនុញ្ញ
ថ្នាក់ដឹកនាំគណបក្សសង្គ្រោះជាតិ ប្រកាសនៅថ្ងៃពុធនេះថា ការបោះឆ្នោតជាកញ្ចប់របស់រដ្ឋសភា ដែលបានប្រព្រឹត្តទៅកាលពីថ្ងៃអង្គារ គឺផ្ទុយពីរដ្ឋធម្មនុញ្ញ។ អនុប្រធានគណបក្សសង្គ្រោះជាតិ លោក កឹម សុខា មានប្រសាសន៍ថា ការបោះឆ្នោតជាកញ្ចប់ ដែលចែងក្នុងរដ្ឋធម្មនុញ្ញបន្ថែម កើតឡើង នៅពេលមានឧបសគ្គដោះស្រាយមិនចេញ តែគណបក្សប្រជាជនកម្ពុជា ដែលបានអះអាងទទួលបាន ៦៨អាសនៈនោះ គឺលើសពីសំឡេង៥០បូក១ ដូច្នេះមិនមានឧបសគ្គដើម្បីធ្វើការបោះឆ្នោតធម្មតានោះទេ។ លោកថា នេះសឲ្យឃើញការអនុវត្តផ្ទុយទៅនឹងរដ្ឋធម្មនុញ្ញកម្ពុជា ៖ លោក កឹម សុខា ពន្យល់តាមមាត្រា៣ នៃរដ្ឋធម្មនុញ្ញបន្ថែមថា ការបោះឆ្នោតជាកញ្ចប់ អាចប្រព្រឹត្តទៅបាន លុះត្រាតែក្នុងករណីនីតិវិធីបង្កើតរដ្ឋសភា និងរាជរដ្ឋាភិបាល តាមមាត្រា៨២ និងមាត្រា១១៩ថ្មី នៃរដ្ឋធម្មនុញ្ញ មិនអាចសម្រេចបាន។ ប៉ុន្តែពេលនេះ គណបក្សប្រជាជនកម្ពុជា អះអាងថា ខ្លួនឈ្នះបាន ៦៨អាសនៈ ដូចនេះគ្មានអ្វីរាំងស្ទះនោះទេ ក្នុងការអនុវត្តតាមនីតិវិធីធម្មតា គឺបង្កើតរដ្ឋសភាតាមមាត្រា៨២ និងបង្កើតរាជរដ្ឋាភិបាលតាមមាត្រា១១៩ថ្មី មានន័យថា បោះឆ្នោតដាច់ដោយឡែកៗពីគ្នា។ ...
តាំង វីដា និង ស៊ុន ណារិន
http://vodhotnews.com/16373
ព្រះមហាក្សត្រ សាទរលោកហ៊ុន សែន ដែលរដ្ឋសភាបោះឆ្នោតផ្តល់សេចក្តីទុកចិត្តឲ្យធ្វើជានាយករដ្ឋមន្ត្រីជាថ្មីទៀត
ព្រះមហាក្សត្រ សម្តេចព្រះបរមនាថ នរោត្តម សីហមុនី កាលពីថ្ងៃអង្គារម្សិលមិញ បានអបអរសាទរលោកនាយករដ្ឋមន្ត្រី ហ៊ុន សែន ដែលសម័យប្រជុំរដ្ឋសភាលើកទី១ នីតិកាលទី៥ បោះឆ្នោតផ្តល់សេចក្តីទុកចិត្តចំពោះរាជរដ្ឋាភិបាលរបស់លោក។ ក្នុងព្រះរាជសាររបស់ព្រះអង្គ កាលពីថ្ងៃទី២៤ ខែកញ្ញា ផ្ញើជូនលោកនាយករដ្ឋមន្ត្រី ហ៊ុន សែន ព្រះអង្គសង្ឃឹមជឿជាក់ថា រាជរដ្ឋាភិបាលថ្មី អាណត្តិទី៥ ដែលមានលោក ហ៊ុន សែន ជាប្រមុខដឹកនាំ នឹងបន្តអនុវត្តគោលនយោបាយដ៏ត្រឹមត្រូវ រក្សាបាននូវសេចក្តីសុខ សន្តិភាពក្នុងសង្គម និងមានការអភិវឌ្ឍលើគ្រប់វិស័យបន្ថែមទៀត ព្រមទាំងទទួលការគាំទ្រពីមជ្ឈដ្ឋានជាតិ និងអន្តរជាតិ។ ...
សេង ម៉ូលីនី
http://vodhotnews.com/?p=article&id=16368&lang=kh
លោក សម រង្ស៊ី គំរាមធ្វើមហាបាតុកម្មទូទាំងប្រទេស
ប្រធានគណបក្សប្រឆាំងនៅថ្ងៃពុធនេះ បានគំរាមធ្វើមហាបាតុកម្មទូទាំងប្រទេស ប្រឆាំងនូវអ្វីដែលលោកហៅថា គណបក្សប្រជាជនកម្ពុជា បន្ដកាន់អំណាច តាមរយៈការបោះឆ្នោត ថ្ងៃ២៨កក្កដា ដោយមិនមានលក្ខណៈសេរី និងត្រឹមត្រូវ។ លោក សម រង្ស៊ី ប្រធានគណបក្សសង្គ្រោះជាតិបានថ្លែងដូចនេះ ក្នុងសន្និសីទកាសែត នៅព្រឹកថ្ងៃពុធ ទី២៥ ខែកញ្ញា នៅស្នាក់ការកណ្ដាលគណបក្សរបស់លោក នៅរាជធានីភ្នំពេញ។ លោកបានថ្លែងថា តាមរយៈការប្រជុំសភាឯកបក្ស កាលពីទី២៣ កញ្ញា មានន័យថា កម្ពុជាកំពុងធ្វើដំណើរលើមាគ៌ាមួយ គឺការគ្រប់គ្រងដែលមានបក្សតែមួយ ហើយសម័យប្រជុំសភានៅពេលនោះ គឺជាការធ្វើរដ្ឋប្រហាររដ្ឋធម្មនុញ្ញ។ ...
នួន បូរិន
http://vodhotnews.com/?p=article&id=16370&lang=kh
លោកហ៊ុន សែនរិះគន់ខុមហ្វ្រែល ធ្វើឲ្យឆោឡោរឿងទឹកខ្មៅលាងជ្រះ
ភ្នំពេញៈ លោកនាយករដ្ឋមន្រ្តី កាលពីថ្ងៃម្សិលមិញ បានរិះគន់អង្គការឃ្លាំមើលការបោះឆ្នោត ខុម ហ្វ្រែល ថាបាន «បង្កចលាចល» ជាមួយនឹងការប្រកាសរបស់ខ្លួន មុនការបោះឆ្នោតថា ទឹកខ្មៅដែលសម្រាប់ជ្រលក់ម្រាមដៃអ្នកបោះឆ្នោត គេអាចលាងជ្រះបានយ៉ាងងាយស្រួល។ មួយថ្ងៃមុនការបោះឆ្នោតថ្ងៃ ទី២៨ ខែ កក្កដា ខុម ហ្វ្រែល បានចេញផ្សាយខ្សែវីដេអូមួយដែលបង្ហាញពីទឹកខ្មៅជ្រលក់ម្រាមដែល គេអាចលាងជម្រះបានដោយប្រើវត្ថុរាវម្យ៉ាង ដែលគេមិនបានប្រាប់ឈ្មោះ ហើយបានជំរុញឲ្យអ្នកបោះឆ្នោត និងអ្នកឃ្លាំមើលឲ្យពិនិត្យរកមើលអ្នកដែលបោះឆ្នោតស្ទួន។ ថ្លែងទៅកាន់អ្នកយកព័ត៌មាននៅឯមន្ទីររដ្ឋសភា លោកនាយករដ្ឋមន្ត្រី ហ៊ុន សែន បានថ្លែងថា អង្គការក្រៅរដ្ឋាភិបាលមួយនេះ ហោចណាស់គួរទទួលខុសត្រូវខាងផ្នែកសីលធម៌ដែរ ជុំវិញបញ្ហាខ្លះៗ ដែលបានកើតឡើងនៅក្នុងថ្ងៃបោះឆ្នោតកន្លងទៅ។ លោក ហ៊ុន សែន បានថ្លែងថា៖ «ខុម ហ្វ្រែល បានបង្កឲ្យមានការឆោឡោតែប៉ុន្មានម៉ោងនៅមុនការបោះឆ្នោត ធ្វើឲ្យមានការឆោឡោ ថាទឹកខ្មៅជូតជ្រះ។ ដូច្នេះ តើអ្នកនិយាយធ្វើឲ្យឆោឡោមុនការបោះឆ្នោតប៉ុន្មានម៉ោង ត្រូវទទួលខុសត្រូវយ៉ាងណា អំពីសាធារណៈមតិ អំពីខ្លួនជាអង្គការក្រៅរដ្ឋាភិបាល ហើយទទួលបន្ទុកអំពីអ្វីដែលខ្លួនហៅថា ការបោះឆ្នោត។ ...
ជាង សុខា និង Abby Seiff
http://www.postkhmer.com/index.php/national/1-national-news/104391-2013-09-25-03-08-18
លោក សម រង្ស៊ី អំពាវនាវឲ្យសហគមន៍អន្តរជាតិ ថ្កោលទោសរដ្ឋាភិបាលកម្ពុជា
ប្រធានគណបក្សសង្គ្រោះជាតិ លោក សម រង្ស៊ី នៅថ្ងៃពុធនេះ ប្រកាសថា គណបក្សសង្គ្រោះជាតិ មិនទទទួលស្គាល់ការរៀបចំក្បាលម៉ាស៊ីនរដ្ឋសភា និងរដ្ឋាភិបាល និងអំពាវនាវឲ្យសង្គមអន្តរជាតិ ថ្កោលទោសចំពោះទង្វើទាំងនេះ។ លោកសម រង្ស៊ី ប្រកាសបែបនេះ បន្ទាប់ពីសម័យប្រជុំនៃរដ្ឋសភាលើកដំបូងបានបញ្ចប់ ហើយតំណាងរាស្ត្រគណបក្សសង្គ្រោះជាតិ បានពហិការចូលរួមប្រជុំសភាកាលពីថ្ងៃចន្ទ។ កាលពីថ្ងៃអង្គារ តំណែងប្រធានរដ្ឋសភា និងអនុប្រធានទី១ និងទី២ ត្រូវបានបោះឆ្នោតជាកញ្ចប់ជ្រើសរើស ដែលបានទៅលើតំណាងរាស្ត្រទាំងអស់របស់គណបក្សប្រជាជនកម្ពុជា។ ...
តាំង វីដា និង ស៊ុន ណារិន
http://vodhotnews.com/16355
លោក សុរិយា ស៊ូប៊ែឌី សោកស្តាយចំពោះការបើកសម័យប្រជុំនៃរដ្ឋសភានៅកម្ពុជា
អ្នករាយការណ៍ពិសេសរបស់ អង្គការសហប្រជាជាតិ លោក សុរិយា ស៊ូប៊ែឌី កាលពីថ្ងៃអង្គារ សម្តែងការសោកស្តាយ ដែលសម័យប្រជុំនៃរដ្ឋសភានៅកម្ពុជា ត្រូវបានប្រព្រឹត្តទៅដោយមិនមានការចូលរួមពីគណបក្សសង្គ្រោះជាតិ។ លោកសុរិយា ស៊ូប៊ែឌី ថែ្លងបែបនេះទៅកាន់ក្រុមប្រឹក្សាសិទ្ធិមនុស្សនៃអង្គការសហប្រជា ជាតិ ខណៈលោករាយការណ៍ពីស្ថានភាពសិទ្ធិមនុស្សនៅកម្ពុជា។ លោកមានប្រសាសន៍ថា រដ្ឋសភា ដែលតំណាងឲ្យពលរដ្ឋកម្ពុជាពិតប្រាកដ គឺមានសារៈសំខាន់ ដោយមានការចូលរួមពីគណបក្សទាំងពីរ ដែលទទួលបានសំឡេងគាំទ្រជាអាសនៈ។ លោកបញ្ជាក់ថា លោកសោកស្តាយ ដែលគណបក្សទាំងពីរ មិនបានឯកភាពគ្នា មុនការប្រជុំសភាកាលពីថ្ងៃទី២៣ខែកញ្ញា និងដំណើរការប្រជុំសភា ដោយពុំមានការចូលរួមពីគណបក្សប្រឆាំង។ លោកជំរុញឲ្យភាគីទាំងពីរ បន្តជជែកគ្នា ដោយកុំឲ្យស្ថានភាពតានតឹងបន្តទៀត។ ...
ស៊ុន ណារិន
http://vodhotnews.com/16371
គណបក្សសង្គ្រោះជាតិ បើកសន្និសីទសារព័ត៌មាននៅថ្ងៃពុធស្អែកនេះ ដើម្បីបង្ហាញពីជំហររបស់គណបក្ស
គណបក្សសង្គ្រោះជាតិ នឹងបើកសន្និសីទសារព័ត៌មាន នៅព្រឹកថ្ងៃពុធ ទី២៥ខែកញ្ញា វេលាម៉ោង៩ នៅទីស្នាក់ការគណបក្ស សង្កាត់ចាក់អង្រែលើដើម្បីបង្ហាញពីគោលជំហររបស់គណបក្សជុំវិញ ស្ថានការណ៍នយោបាយបច្ចុប្បន្ន។ សេចក្តីប្រកាសព័ត៌មានរបស់គណបក្ស សង្គ្រោះជាតិ ឲ្យដឹងថា សន្និសីទសារព័ត៌មាននោះ នឹងត្រូវធ្វើឡើងក្រោមអធិបតីភាព លោក សម រង្ស៊ី និងលោក កឹម សុខា។ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ឲ្យដឹងថា ថ្នាក់ដឹកបេក្ខជនជាប់ឆ្នោត និងមន្ត្រីគណបក្សប្រមាណជាង១០០នាក់ កំពុងវិលត្រឡប់ពីខេត្តសៀមរាបមករាជធានីភ្នំពេញវិញ នៅព្រឹកថ្ងៃអង្គារនេះ។ លោកបញ្ជាក់ថា គណបក្សសង្គ្រោះជាតិ នឹងប្រជុំរៀបចំការធ្វើមហាបាតុកម្មទ្រង់ទ្រាយធំលើកទី៣ និងប្រមូលញត្តិដាក់ថ្វាយព្រះមហាក្សត្របន្តទៀត ដើម្បីប្រឆាំងលទ្ធផលបោះឆ្នោត។ ...
ស៊ុន ណារិន
http://vodhotnews.com/?p=article&id=16328&lang=kh
លោក ហ៊ុន សែន៖ ការបើកសម័យប្រជុំសភា មិនមែនជាចំណាប់ខ្មាំងរបស់អ្នកណាមួយទេ
លោកនាយករដ្ឋមន្ត្រី ហ៊ុន សែន នៅថ្ងៃទី២៤ខែកញ្ញា ថ្លែងថា ការបើកសម័យប្រជុំនៃរដ្ឋសភាលើកដំបូង មិនមែនធ្វើឡើងក្នុងរូបភាពជាចំណាប់ខ្មាំងរបស់អ្នកណាមួយទេ តែធ្វើឡើងស្របតាមរដ្ឋធម្មនុញ្ញនៃព្រះរាជាណាចក្រកម្ពុជា ។ លោក ហ៊ុន សែន បានថ្លែងបែបនេះ ទៅកាន់តំណាងរាស្ត្រជាប់ឆ្នោតរបស់គណបក្សប្រជាជនកម្ពុជា ដែលបន្តបើកសម័យប្រជុំសភា ដោយឯកបក្ស។ លោកបានឆ្លើយតបនឹងការលើក ដែលថាសភាឯកប្សនេះថា ការប្រជុំសភាលើកដំបូងតែងតែធ្វើឡើងក្នុងខែកញ្ញា ដែលជាទម្លាប់ ពោលមិនអាចពន្យារដល់ខែវិច្ឆិកាទេ ៖ “យើងទាំងអស់គ្នានៅទីនេះ គឺមិនមែនជាចំណាប់ខ្មាំងរបស់ក្រុមណាមួយនោះទេ យើងបានចូលបំពេញភារកិច្ចតាមតួនាទីរបស់យើង ស្របតាមរដ្ឋធម្មនុញ្ញរបស់ព្រះរាជាណាចក្រកម្ពុជា។ រដ្ឋធម្មនុញ្ញនៃព្រះរាជាណាចក្រកម្ពុជា បានកំណត់ឲ្យការកោះប្រជុំរដ្ឋសភា ក្រោយការបោះឆ្នោតយូរបំផុត ៦០ថ្ងៃ រឿងនេះវាបានក្លាយទៅជាច្បាប់ផង និងវាក្លាយទៅជាទម្លាប់ផង សភារបស់យើងមិនដែលបើកការប្រជុំរហូតទៅដល់ខែវិច្ឆិកា ដូចអ្នកខ្លះបានលើកឡើងនោះទេ”។ ...
ជន ស្រីណុច និង អ៊ឹង ប៊ុនថន
http://vodhotnews.com/16331
ព័ត៌មានថ្មីបំផុត សភា អនុម័តរបៀបវារៈបោះឆ្នោតជាកញ្ចប់ជ្រើសរើសប្រធាន អនុប្រធានរដ្ឋសភា និងគណៈកម្មការរដ្ឋសភា និងការផ្តល់សេចក្តីទុកចិត្តដល់រដ្ឋាភិបាល
រដ្ឋសភា នៅព្រឹកថ្ងៃអង្គារនេះ បានសម្រេចអនុម័តរបៀបវារៈបោះឆ្នោតជាកញ្ចប់ជ្រើសរើសប្រធាន អនុប្រធានរដ្ឋសភា និងប្រធាន អនុប្រធានគណៈកម្មការជំនាញនៃរដ្ឋសភា និងផ្តល់សេចក្តីទុកចិត្តដល់រដ្ឋាភិបាល ដោយសំឡេង៦៨លើ៦៨។ សំឡេង៦៨ លើ៦៨នេះ ជាសំឡេងរបស់តំណាងរាស្ត្ររបស់គណបក្សប្រជាជនកម្ពុជា ទាំង៦៨ ដោយសារមិនមានវត្តមានតំណាងរាស្ត្ររបស់គណបក្សសង្គ្រោះជាតិទាំង៥៥ រូបទេ។ លោក ហេង សំរិន មានប្រសាសន៍ថា រដ្ឋសភា អនុម័តលើរបៀបវារៈនេះ ដោយសំឡេង៦៨លើ៦៨។ នៅព្រឹកថ្ងៃអង្គារ ទី២៤ ខែកញ្ញា តំណាងរាស្ត្រដែលជាប់ឆ្នោត បោះឆ្នោតជ្រើសរើសប្រធាន និងអនុប្រធានរដ្ឋសភា ប្រធាន និងអនុប្រធានគណៈកម្មការទាំង៩នៃរដ្ឋសភា។ បន្ទាប់ពីបោះឆ្នោតជ្រើសរើសប្រធាន និងអនុប្រធានរដ្ឋសភា និងគណៈកម្មការទាំង៩ តំណាងរាស្ត្រ នឹងបោះឆ្នោតជាកញ្ចប់ ដើម្បីជ្រើសរើសគណៈរដ្ឋមន្ត្រី។ តំណាងរាស្ត្រគណបក្សប្រជាជនកម្ពុជា ប្រចាំមណ្ឌលព្រៃវែង លោក ជាម យៀប ឲ្យដឹងថា គណបក្សឈ្នះការបោះឆ្នោត គឺគណបក្សប្រជាជនកម្ពុជា នឹងរៀបចំតួនាទី និងរចនាសម្ព័ន្ធរដ្ឋសភា ជាពិសេសតំណែងប្រធានរដ្ឋសភា។ លោកបញ្ជាក់ថា រចនាសម្ព័ន្ធរដ្ឋសភា ...
ស៊ុន ណារិន
http://vodhotnews.com/?p=article&id=16323&lang=kh
គណបក្សសង្គ្រោះជាតិ ចាត់ទុកសភាកើតចេញនៅថ្ងៃនេះ ជាសភាឯកបក្ស
គណបក្សសង្គ្រោះជាតិ នៅថ្ងៃចន្ទនេះ ប្រកាសជាផ្លូវការថា សភា ដែលកើតឡើងនៅថ្ងៃនេះ គឺជាសភាឯកបក្ស មិនមែនតំណាងឲ្យប្រជាជាតិខ្មែរទាំងមូលទេ។ សេចក្តីថ្លែងការណ៍ របស់គណបក្ស ចេញផ្សាយនៅថ្ងៃទី២៣ខែកញ្ញានេះ ខណៈសម័យប្រជុំសភាលើកដំបូងកំពុងដំណើរការ ចាត់ទុកការប្រជុំសភានេះ ផ្ទុយទាំងស្រុងទៅនឹងគោលការណ៍ប្រជាធិបតេយ្យ សេរី ពហុបក្ស ហើយកំពុងនាំប្រទេសទៅកាន់របបផ្តាច់ការសាជាថ្មី។ ...
ស៊ុន ណារិន
http://vodhotnews.com/?p=article&id=16289&lang=kh
សភា សម្រេចអនុម័តសុពលភាពតំណាងរាស្ត្រ និងបញ្ជាផ្ទៃក្នុងដោយសំឡេងគាំទ្រ៦៨
សម័យប្រជុំរដ្ឋសភាលើកដំបូង នីតិកាលទី៥ នៅព្រឹកថ្ងៃចន្ទ ទី២៣ ខែកញ្ញា ឆ្នាំ២០១៣នេះ ប្រព្រឹត្តទៅ តាមរបៀបវារៈ ដោយសម្រេចបាននូវសុពលភាពនៃអាណត្តិរបស់សមាជិកនីមួយៗ និងការអនុម័តបទបញ្ជាផ្ទៃក្នុងនៃរដ្ឋសភា ក្រោមការគាំទ្រចំនួន ៦៨សំឡេង។ កិច្ចប្រជុំនេះ ចាប់ផ្តើមនៅវេលាម៉ោង៨ព្រឹក នៅវិមានរដ្ឋសភា ដោយមានតំណាងរាស្ត្រទាំង ៦៨រូប មកពីគណបក្សប្រជាជនកម្ពុជា ចូលរួម។ ការបើកសម័យប្រជុំសភានោះ ក៏មានវត្តមានឥស្សរជនជាន់ខ្ពស់ នៃអង្គទូតប្រចាំកម្ពុជា និងតំណាងអង្គការក្រៅរដ្ឋាភិបាលមួយចំនួនផងដែរ។ ដោយឡែក តំណាងរាស្ត្រជាប់ឆ្នោត គណបក្សសង្គ្រោះជាតិ ៥៥រូប ពហិការចូលរួមប្រជុំ ទៅកាន់បិណ្ឌនៅវត្តគង់ម៉ុច នៅក្រុងសៀមរាប ខេត្តសៀមរាប។ ...
តាំង វីដា និង ស៊ុន ណារិន
http://vodhotnews.com/?p=article&id=16296&lang=kh
គណបក្សសង្គ្រោះជាតិ នឹងមិនចូលរួមសច្ចាប្រណិធាន នៅរសៀលថ្ងៃចន្ទនេះទេ
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ប្រាប់ VOD នៅថ្ងៃចន្ទនេះថា តំណាងរាស្ត្រគណបក្ស នឹងមិនចូលសច្ចាប្រណិធាននៅព្រះបរមរាជវាំង នៅរសៀលម៉ោង៤នេះទេ ។ លោក យឹម សុវណ្ណ បញ្ជាក់ថា៖«បាទមិនចូលរួមទៅព្រះបរមរាជវាំងទេ ព្រោះយើងខ្ញុំទាំង ៦៣នាក់ កំពុងតែនៅខេត្តសៀមរាប»។ តាមសេចក្តីព្រាងកម្មវិធីរបស់រដ្ឋសភា នៅពេលល្ងាចថ្ងៃចន្ទ វេលាម៉ោងប្រមាណ៤រសៀល សមាជិកសភាដែលជាប់ឆ្នោត នឹងទៅសច្ចាប្រណិធាននៅព្រះបរមរាជវាំង ក្រោមអធិបតីភាពរបស់សម្តេចសង្ឃទាំងពីរគណៈ។ តំណាងរាស្ត្រ គណបក្សសង្គ្រោះជាតិទាំង ៥៥រូប នៅព្រឹកថ្ងៃចន្ទនេះ មិនមានវត្តមានក្នុងការបើកសម័យប្រជុំនៃរដ្ឋសភាលើកដំបូងនេះទេ។ ...
ឡាយ សាមាន
http://vodhotnews.com/?p=article&id=16298&lang=kh
អាមេរិកបញ្ជាក់ថា ការចូលរួមប្រជុំសភា មិនមែនមានន័យថាទទួលស្គាល់លទ្ធផលបោះឆ្នោតទេ
សហរដ្ឋអាមេរិក បញ្ជាក់នៅថ្ងៃចន្ទនេះថា ការចូលរួមសម័យប្រជុំសភា មិនមែនមានន័យថា សហរដ្ឋអាមេរិក ទទួលស្គាល់លទ្ធផលនៃការបោះឆ្នោតនោះទេ ដោយសហរដ្ឋអាមេរិកបន្តស្នើឲ្យមានការត្រួតពិនិត្យឡើងវិញដោយតម្លាភាព នូវភាពមិនប្រក្រតីនានា ទាក់ទងនឹងការបោះឆ្នោតជាតិកាលពីថ្ងៃទី២៨កក្កដា។ នៅព្រឹក ថ្ងៃចន្ទនេះ លោក William E. Todd ឯកអគ្គរដ្ឋទូតសហរដ្ឋអាមេរិកប្រចាំព្រះរាជាណាចក្រកម្ពុជា បាន ចូលរួមក្នុងពិធីបើកសម័យប្រជុំដំបូងរបស់រដ្ឋសភាជាតិនីតិកាលទី៥ ក្រោមព្រះរាជាធិបតី របស់ព្រះករុណាព្រះមហាក្សត្រ នរោត្តម សីហមុនី។ សេចក្តីថ្លែងការណ៍ របស់ស្ថានទូតអាមេរិក ចេញផ្សាយនៅថ្ងៃតី២៣ខែកញ្ញានេះ ឲ្យដឹងថា ការចូលរួមរបស់លោកឯកអគ្គរដ្ឋទូតអាមេរិក មិនមែនជាការយល់ព្រមទទួលស្គាល់លទ្ធផលនៃការបោះឆ្នោត ឬគណបក្សនយោបាយណាមួយនោះទេ។ សេចក្តីថ្លែងការណ៍បន្តថា ស្ថានទូតអាមេរិក នៅតែបន្ត ស្នើឲ្យត្រួតពិនិត្យភាពមិនប្រក្រតីនៃការបោះឆ្នោត ដែលនឹងជួយដល់កិច្ចប្រឹងប្រែងក្នុងការវាយតម្លៃ និងដោះស្រាយនូវរាល់កំហុសឆ្គងផ្សេងៗនៅក្នុងដំណើរការនៃការបោះឆ្នោត។ ការត្រួតពិនិត្យនេះ នឹងផ្តល់ ឲ្យប្រជាពលរដ្ឋកម្ពុជានូវទំនុកចិត្តកាន់តែច្រើនថែមទៀតទៅលើ ប្រព័ន្ធបោះឆ្នោត។ ...
ស៊ុន ណារិន
http://vodhotnews.com/16300
អ្នកសារព័ត៌មានខកចិត្តចំពោះការរឹតត្បិតសេរីភាពសារព័ត៌មានរយៈពេលចុងក្រោយនេះ
ក្រុមអ្នកសារព័ត៌មាន ខកចិត្តចំពោះការរឹតត្បិតសេរីភាពរបស់ពួកគេមិនឲ្យយកព័ត៌ មាន ពីការបណ្តេញរបស់កងកម្លាំងសមត្ថកិច្ចទៅលើប្រជាពលរដ្ឋ និងព្រះសង្ឃដែលកំពុងធ្វើកូដកម្មអត់អាហារ នៅរមណីយដ្ឋានវត្តភ្នំ រាជធានីភ្នំពេញ កាលពីយប់ថ្ងៃអាទិត្យម្សិលមិញ។ កាលពីថ្ងៃទី ២២ ខែកញ្ញា ឆ្នាំ២០១៣ វេលាម៉ោងប្រហែលជា១១យប់ កម្លាំងសមត្ថកិច្ចចម្រុះរាប់រយនាក់ ប្រដាប់ដោយដំបងឆក់ ខែល និងក្រុមក្មេងទំនើង ដែលមានដំបង និងចំពាមកៅស៊ូគ្រាប់ឃ្លី បានចុះទៅបណ្តេញអ្នកភូមិបឹងកក់ និងបុរីកីឡា មិនឲ្យបន្តធ្វើកូដកម្មអត់អាហារ នៅរមណីយដ្ឋានវត្តភ្នំ។ ក្នុងការចុះទៅបណ្តេញនេះ ពលរដ្ឋ ក្រុមសង្គមស៊ីវិល និងអ្នកសារព័ត៌មាន ជាង១០នាក់ បានរងរបួស។ អ្នកសង្កេតការណ៍សិទ្ធិមនុស្ស និងអ្នកសារព័ត៌មានខ្លះ ត្រូវបានក្មេងទំនើងវាយ បាញ់នឹងគ្រាប់ចំពាម ដណ្តើមយកម៉ាស៊ីនថត និងបណ្តេញចេញពីទីនោះ។ ...
ថុល ស្រីលក្ខណ៍ និង ដួង សុខា
http://vodhotnews.com/16302
វិទ្យុអាចារ្យអេប្រកាសតវ៉ាប្រឆាំងអ្នកគាំទ្រគណបក្សសង្គ្រោះជាតិ
វិទ្យុក្នុងស្រុកមួយ ដែលស្និទ្ធនិងគណបក្សកាន់អំណាច អំពាវនាវឲ្យមហាជន ចូលរួមធ្វើបាតុកម្ម នៅសប្តាហ៍ក្រោយនេះ ក្នុងរាជធានីភ្នំពេញ ដើម្បីសម្តែងការមិនសប្បាយចិត្ត ចំពោះអ្នកគាំទ្រគណបក្សសង្គ្រោះជាតិ ដែលសុំព្រះមហាក្សត្រពន្យាពេលប្រជុំសភា ។ វិទ្យុABC ដែលគេស្គាល់ថា ជាកម្មសិទ្ធិ លោក សេង ប៊ុនវ៉េង ហៅអាចារ្យអេ បានអំពាវនាវឲ្យអ្នកគាំទ្រ ប្រមូលផ្តុំគ្នានៅពហុកីឡាដ្ឋានជាតិអូឡាំពិក នៅថ្ងៃអង្គារទី២៤ ខែកញ្ញា ជាថ្ងៃទិវាប្រកាសឲ្យប្រើរដ្ឋធម្មនុញ្ញ។ គោលបំណងរបស់គេ ដើម្បីសម្តែងមតិ ប្រឆាំងនឹងអ្នករិះគន់ ព្រះមហាក្សត្រ ជុំវិញការកោះប្រជុំសភាលើកដំបួង បើទោះបីបក្សប្រឆាំងធ្វើពហិការ ។ ពិធីការីប្រចាំវិទ្យុABC ប្រតិកម្មថា វិទ្យុមួយនេះមិនបានប្រកាសធ្វើបាតុកម្មទេ ដោយបង្វែគម្រោងនេះ ទៅធ្វើកម្មវិធីប្រមូលថវិកាស្ម័គ្រចិត្ត ជួយឧបត្ថម្ភ ដល់មន្ទីរពេទ្យគន្ធបុប្ផាប៉ុណ្ណោះ។ ប៉ុន្តែគេបង្ហើបឲ្យដឹងថា ក្នុងឱកាសនោះក៏មានថ្លែងសារ ប្រឆាំងទៅនឹងអ្នករិះគន់ ព្រះរាជតម្រិះព្រះមហាក្សត្រផងដែរ ៖ ...
ញឹម សុខន និង អ៊ឹង ប៊ុនថន
http://vodhotnews.com/16233
ពហិការចូលប្រជុំរដ្ឋសភារបស់គណបក្សប្រឆាំងមានផលវិជ្ជមាន និងអវិជ្ជមានអ្វីខ្លះ?
គណបក្សប្រឆាំង កាលពីថ្ងៃទី១៩ ខែកញ្ញា បានប្រកាសពីជំហររបស់ខ្លួនថា នឹងមិនចូលរួមសម័យប្រជុំលើកដំបូងនៃរដ្ឋសភា នីតិកាលទី៥ ដែលប្រព្រឹត្តទៅនៅថ្ងៃទី២៣ ខែកញ្ញា តាមព្រះរាជសារអញ្ជើញរបស់ព្រះមហាក្សត្រទ្បើយ ដរាបណាភាពមិនប្រក្រតីនៃការបោះឆ្នោត មិនត្រូវបានដោះស្រាយ ដើម្បីផ្តល់យុត្តិធម៌ជូនម្ចាស់ឆ្នោត។ គណបក្សសង្គ្រោះជាតិ បង្ហាញជំហរបែបនេះ បន្ទាប់ពីកិច្ចចរចាទ្វេភាគី កាលពីថ្ងៃទី១៦ និងទី១៧ ខែកញ្ញា រវាងថ្នាក់ដឹកនាំកំពូលគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន និងគណបក្សសង្គ្រោះជាតិ នៅវិមានរដ្ឋសភា មិនអាចដោះស្រាយបញ្ហាបោះឆ្នោត ឲ្យបានជាក់លាក់ ។ គណបក្សទាំងពីរ ដែលឈ្នះអាសនៈរដ្ឋសភា បានព្រមព្រៀងគ្នា ធ្វើកំណែទម្រង់ស្ថាប័នជាតិ មានដូចជាគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប ប៉ុន្តែមិនបានបង្ហាញអ្វីជាក់លាក់ជាលាយលក្ខណ៍អក្សរចំពោះកំណែទម្រង់ គ.ជ.ប។ ម្យ៉ាងទៀត ការទាមទាររបស់គណបក្សសង្គ្រោះជាតិឲ្យបង្កើតគណៈកម្មការឯករាជ្យមួយ ស៊ើបអង្កេតពីភាពមិនប្រក្រតីនៃការបោះឆ្នោត ថ្ងៃទី២៨ ខែកក្កដា ឆ្នាំ២០១៣ ត្រូវបានគណបក្សកាន់អំណាចច្រានចោល ដោយខ្លួន គិតថាការទាមទារនេះហួសពីក្របខណ្ឌច្បាប់ហើយ។ ការបង្ហាញជំហរបែបនេះ ក៏ធ្វើទ្បើង បន្ទាប់ពីព្រះមហាក្សត្រ ...
ដួង សុខា
http://vodhotnews.com/16235
តំណាងរាស្ត្រគណបក្សសង្គ្រោះជាតិ ប្រកាសជំហរចុងក្រោយ ដោយពហិការសម័យប្រជុំសភាលើកដំបូង
តំណាងរាស្ត្រគណបក្សសង្គ្រោះជាតិ នៅថ្ងៃសុក្រនេះ ប្រកាសជំហរចុងក្រោយ និងសារជាថ្មីថា គណបក្ស នឹងមិនចូលរួមសម័យប្រជុំសភាលើកដំបូង នៅថ្ងៃទី២៣ខែកញ្ញា បើទោះជាមានព្រះរាជវត្តមានរបស់ព្រះមហាក្សត្រព្រះបាទនរោត្តមសីហមុនី ក៏ដោយ។ ក្នុងសន្និសីទសារព័ត៌មាននៅថ្ងៃទី២០ ខែកញ្ញា ប្រធានគណបក្សសង្គ្រោះជាតិ លោក សម រង្ស៊ី ថ្លែងថា លោក និងតំណាងរាស្ត្រទាំង៥៥រូបផ្សេងទៀត នឹងមិនចូលសម័យប្រជុំសភាដែល។ លោកបញ្ជាក់ថា ការប្រជុំសភា មិនចាំបាច់តក់ក្រហល់ទេ ដោយសាររដ្ឋធម្មនុញ្ញ បញ្ជាក់ថា សម័យប្រជុំសភា គឺធ្វើឡើងក្រោយពេលបោះឆ្នោត មិនមែនក្រោយថ្ងៃបោះឆ្នោតទេ។ លោកបន្ថែមថា គជប ទើបតែប្រកាសលទ្ធផលនៅថ្ងៃទី០៧ខែកញ្ញានេះទេ គឺមិនមែនថ្ងៃទី២៨ខែកក្កដាទេ។ លោកសម រង្ស៊ី បន្តថា គណបក្សសង្គ្រោះជាតិ ស្នើបន្តការចរចាជាមួយគណបក្សប្រជាជនកម្ពុជា ដើម្បីស្វែងរកការពិត ដោយការជាមួយសង្គមស៊ីវិល។ លោកបញ្ជាក់ថា វាត្រូវការពេលវេលាក្នុងការកែទម្រង់ដែលជាអនាគតប្រទេសជាតិ ដូច្នេះប្រសិនបើតក់ក្រហល់ នាំឲ្យមិនមានពេលជជែក ដែលនាំឲ្យខូចប្រយោជន៍ជាតិ។ លោកសម រង្ស៊ី ជំរុញឲ្យមានតុល្យភាពក្នុងក្បាលម៉ាស៊ីនរដ្ឋសភា ដើម្បីត្រួតពិនិត្យការងារគ្នាទៅវិញទៅមក។ ...
តាំង វីដា និងស៊ុន ណារិន
http://vodhotnews.com/?p=article&id=16232&lang=kh
លោក សម រង្ស៊ី ស្នើសុំការចរចាបន្តជាមួយគណបក្សប្រជាជនកម្ពុជា រឿងតុល្យភាពអំណាចសភា
ប្រធានគណបក្សសង្គ្រោះជាតិ លោក សម រង្ស៊ី នៅថ្ងៃសុក្រនេះ ប្រកាសសុំការជួបចរចាបន្តជាមួយគណបក្សប្រជាជនកម្ពុជា ដើម្បីពិភាក្សារឿងតុល្យភាពអំណាចក្នុងរដ្ឋសភា។ ក្នុងសន្និសីទសារព័ត៌មាននៅថ្ងៃទី២០ ខែកញ្ញា លោក សម រង្ស៊ី ថ្លែងថា គណបក្សសង្គ្រោះជាតិ មិនមែនមិនចង់ចរចាជាមួយគណបក្សប្រជាជនកម្ពុជាទេ គឺគោលជំហរចរចា ដើម្បីផលប្រយោជាតិ ដោយទាមទារតុល្យភាពនៃអំណាចក្នុងរដ្ឋសភា ដើម្បីត្រួតពិនិត្យការងារ និងកុំឲ្យមានការជិះសេះលែងដៃ ដូចអាណត្តិមុនៗ។ លោកបន្តថា គណបក្សសង្គ្រោះជាតិ ស្នើបន្តការចរចាជាមួយគណបក្សប្រជាជនកម្ពុជា ដើម្បីស្វែងរកការពិត ហើយវាត្រូវការពេលវេលាក្នុងការកែទម្រង់ដែលជាអនាគតប្រទេសជាតិ ដូច្នេះប្រសិនបើតក់ក្រហល់ប្រជុំសភា នាំឲ្យមិនមានពេលជជែក ដែលនាំឲ្យខូចប្រយោជន៍ជាតិ។ ...
តាំង វីដា និងស៊ុន ណារិន
http://vodhotnews.com/16234
គជប ស្នើឲ្យរដ្ឋមន្ត្រីក្រសួងពាក់ព័ន្ធដាក់វិន័យរដ្ឋបាលលើអ្នកប្រព្រឹត្តល្មើសច្បាប់បោះឆ្នោតចំនួន ៤រូប
គណៈកម្មាធិការជាតិរៀបចំការបោះឆ្នោត (គជប) ស្នើរដ្ឋមន្ត្រីក្រសួងមហាផ្ទៃ និងរដ្ឋមន្ត្រីក្រសួងអប់រំ យុវជន និងកីឡា ដាក់វិន័យរដ្ឋបាលលើមន្ត្រីក្រោមឱវាទចំនួន៤រូប ពីបទល្មើសនឹងច្បាប់បោះឆ្នោត នៅអំឡុងពេលឃោសនាបោះឆ្នោត បោះឆ្នោត និងរាប់សន្លឹកឆ្នោត។ នៅក្នុងសេចក្តីប្រកាសព័ត៌មានរបស់ គជប ចេញផ្សាយនៅថ្ងៃទី១៧ ខែកញ្ញា ឆ្នាំ២០១៣ បានឲ្យដឹងថា គជប បានផ្ញើលិខិតពីរដាច់ដោយឡែកពីគ្នា ទៅកាន់រដ្ឋមន្ត្រីក្រសួងមហាផ្ទៃ ដើម្បីដាក់ពិន័យរដ្ឋបាលលើចៅសង្កាត់១រូបនិងអនុប្រធាន ភូមិ១រូប និងស្នើរដ្ឋមន្ត្រីក្រសួងអប់រំ យុវជន និងកីឡា ដាក់វិន័យលើនាយកសាលា១រូប និងនាយករងសាលា១រូប ពីបទល្មើសនឹងច្បាប់បោះឆ្នោត។ ...
ពេជ្រ សុធារី
http://vodhotnews.com/?p=article&id=16174&lang=kh
ព្រះមហាក្សត្រ បដិសេធលិខិតគណបក្សសង្គ្រោះជាតិ សុំពន្យារពេលប្រជុំសភា
ព្រះមហាក្សត្រព្រះបាទនរោត្តមសីហមុនី បដិសេធលិខិតស្នើសុំរបស់គណបក្សសង្គ្រោះជាតិ ដែលសុំពន្យារពេលការប្រជុំសភា ដោយស្នើឲ្យតំណាងរាស្ត្រគណបក្សទាំង៥៥ររូប ចូលរួមប្រជុំនៅថ្ងៃទី២៣ខែកញ្ញា ខាងមុខ។ ព្រះរាជសាររបស់ព្រះមហាក្សត្រ ឡាយព្រះហត្ថលេខានៅថ្ងៃទី១៨ខែកញ្ញា ឆ្នាំ២០១៣ ឲ្យដឹងថា យោងតាមមាត្រា ៨២ថ្មីនៃរដ្ឋធម្មនុញ្ញ ព្រះអង្គ នឹងយាងជាព្រះរាជាធិបតីភាពដ៏ខ្ពង់ខ្ពស់ ក្នុងសម័យប្រជុំសភាដំបូងនៃរដ្ឋសភា នីតិកាលទី៥ ដូចមានចែងក្នុងព្រះរាជសារអញ្ជើញប្រជុំ ចុះថ្ងៃទី១៤ខែកញ្ញា។ ព្រះរាជសារបន្តថា សូមតំណាងរាស្ត្រទាំងអស់ អញ្ជើញចូលរួមក្នុងសម័យប្រជុំដំបូងនៃរដ្ឋសភា ដើម្បីបង្ហាញនូវការរួបរួម និងឯកភាពជាតិ។ ព្រះរាជសាររបស់ព្រះមហាក្សត្រ ជាការឆ្លើយតបនឹងតំណាងរាស្ត្រគណបក្សសង្គ្រោះជាតិ ដែលបានសុំពន្យារពេលថ្ងៃប្រជុំសភា ដើម្បីដោះស្រាយបញ្ហានៅសេសសល់ជាមុនសិន។ អនុប្រធានគណបក្សសង្គ្រោះជាតិ លោក កឹម សុខា កាលពីថ្ងៃអង្គារ ព្រមានថា គណបក្សប្រឆាំងនឹងធ្វើមហាបាតុកម្មលើកទីបី ប្រសិនបើមានការបើកប្រជុំសភានៅថ្ងៃទី២៣កញ្ញា ដោយមិនមានដំណោះស្រាយសមរម្យជាមុនសិន។ ...
ស៊ុន ណារិន
http://vodhotnews.com/16177
