ODC English Site

រដ្ឋមន្រ្តីក្រសួងបរិស្ថាន លោកអ៊ាង សុផល្លែតបានជំរុញឱ្យមន្ទីរបរិស្ថាន រាជធានី-ខេត្តទាំងអស់ ធ្វើការទប់ស្កាត់ និងបង្ក្រាបបទល្មើសធនធានធម្មជាតិ និងព្រៃឈើ ជាពិសេសមិនអនុញ្ញាតឱ្យមានការប្រើប្រាស់ផលអនុផលព្រៃឈើ កាប់ចេញពីតំបន់ការពារធម្មជាតិ ចូលរោងសិប្បកម្មកែច្នៃឈើ រោងស្តុក និងឡដុតធ្យូងខុសច្បាប់នោះឡើយ។ ...

នៅថ្ងៃទី៧ ខែមករា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី ស្ថានភាពក្រោយបទឈប់បាញ់ គិតពីម៉ោង៦ព្រឹក ថ្ងៃទី៦ ដល់ម៉ោង៦ព្រឹក ថ្ងៃទី៧ ខែមករា ឆ្នាំ២០២៦។មានជនភៀសសឹក​​១៦.៧៥៦នាក់បន្ថែមទៀត បាន​​បន្ត​វិលត្រឡប់​ទៅលំនៅឋានវិញ។ ដូច្នេះ ​​មកដល់ពេលនេះ មានជនភៀសសឹកសរុបប្រមា​ណ​៤សែន​៦ម៉ឺននាក់ បានវិលត្រឡប់ទៅលំនៅឋានវិញ ក្នុងចំណោមជនភៀសសឹក​​សរុបជាង៦សែន៤ម៉ឺន​នាក់ ខណៈជនភៀសសឹកចំនួន​​១៨៦.៧៦០នាក់​ បន្តស្នាក់នៅជំរំ។ ...

នៅថ្ងៃទី៦ ខែមករា ឆ្នាំ២០២៦ ក្រសួងការបរទេស និងសហប្រតិបត្តិការអន្តរជាតិ បានចេញសេចក្ដីប្រកាសព័ត៌មាន​ ស្ដីពី ខ្លឹមសារបទបង្ហាញជូនអង្គទូត ស្ដីពី​ ការវិវត្តចុងក្រោយនៃស្ថានការណ៍ព្រំដែនកម្ពុជា-ថៃ។ឯកឧត្តម ប្រាក់ សុខុន បានគូសបញ្ជាក់អំពីលទ្ធផលវិជ្ជមាននៃសេចក្ដីប្រកាសរួមនៃកិច្ចប្រជុំពិសេសលើកទី៣នៃគណៈកម្មាធិការព្រំដែនទូទៅ (GBC) រវាងកម្ពុជា-ថៃ ដែលឆ្លើយតបនឹងអាទិភាពសំខាន់ៗសំដៅកាត់បន្ថយភាពតានតឹង ការកសាងទំនុកចិត្ត ក៏ដូចជាការស្ដារសន្តិភាព និងភាពប្រក្រតីឡើងវិញ។ ...

នៅថ្ងៃទី៦ ខែមករា ឆ្នាំ២០២៦ ក្រសួងប្រៃសណីយ៍ និងទូរគមនាគមន៍ បានចេញសេចក្ដីជូនដំណឹង ស្ដីពី លទ្ធផលនៃការធ្វើកំណែទម្រង់លើទូរគមនាគមន៍កម្ពុជា។ចាប់ពីឆ្នាំ២០២១ មក ក្រសួងប្រៃសណីយ៍ និងទូរគមនាគមន៍ បានដាក់ចេញនូវវិធានការកែទម្រង់ស៊ីជម្រៅទៅលើ ទូរគមនាគមន៍កម្ពុជា។ វិធានការកែទម្រង់ក្នុងរយៈពេលប្រមាណ ៤ ឆ្នាំនេះ បានធ្វើឱ្យ ទូរគមនាគមន៍កម្ពុជា ទទួលបានប្រាក់ចំណេញឡើងវិញចាប់ពីឆ្នាំ២០២៣ មកដល់បច្ចុប្បន្ន។ ...

អ្នក​ជំនាញ​ក្នុង​វិស័យ​ដឹក​ជញ្ជូន​ បាន​​អះអាង​ថា ការកែ​សម្រួល​នីតិវិធី​របស់​អាជ្ញាធរដែល​អនុ​ញ្ញាត​ឱ្យ​ម្ចាស់​ទំនិញ​ធ្វើ​ការ​រាយការណ៍ជាមុន​​តាមប្រព័ន្ធ​អេឡិចត្រូនិក​នូវ​មុខទំនិញ​​​​​ដឹកជញ្ជូន​​មក​​​ប្រទេស​​កម្ពុជា​នឹង​ជួយ​បង្កើត​បរិយាកាស​កាន់​តែ ...

អ្នក​ជំនាញ​វិស័យ​អចលនទ្រព្យ​​អះអាង​ថា ការសម្រេច​របស់​រដ្ឋាភិបាល​ក្នុង​ការ​​ពន្យារពេល​យក​ពន្ធ​លើ​ចំណេញ​មូលធនផ្នែកអចលនទ្រព្យ គឺ​មិនអាច​ជួយ​​ជំរុញ​សម្ទុះ​ទីផ្សារអចលនទ្រព្យ​កម្ពុជា​ឱ្យ​ហក់​ឡើងលឿន​ទេ ប៉ុន្តែ​គឺ​ជា​ការ​មិន​ដាក់​​សម្ពាធ​បន្ថែម​​ទៅ​លើ​សកម្ម​ភាព​ទិញ​លក់។ ...

អាជ្ញាធរ​មីន​ និង​មន្ត្រី​ស្ថានទូត​ចិនប្រចាំ​កម្ពុជា​ ចុះ​ផ្សព្វផ្សាយអប់រំអំពីគ្រោះថ្នាក់ដោយសារយុទ្ធភណ្ឌគ្រឿងផ្ទុះ​ និង​ប្រាប់​ទៅ​ជនភៀសសឹក​ថា កម្ពុជា​មិន​ចង់​មាន​សង្គ្រាម​ដែល​បណ្ដាល​ឲ្យ​បាត់​បង់​ជីវិត​មនុស្ស​ឡើយ។ ...

នៅក្នុងឆ្នាំ២០២៥  មន្ត្រីឧទ្យានុរក្សបានចុះល្បាតជាប្រចាំក្នុងដែនសមត្ថកិច្ចរបស់ខ្លួនបានចំនួន ១៦ ២៦១លើក ដោយបានបង្ក្រាបបទល្មើសធនធានធម្មជាតិបានចំនួន ២ ១៥២ករណី ដែលថយចុះ១៥ភាគរយ បើធៀបទៅនឹងឆ្នំា២០២៤។ ...

នៅក្នុង​ភូមិ​ព្រៃ​ចាន់​ និង​ជោគ​ជ័យ តាម​បណ្តោយ​ព្រំដែន​ភាគ​ពាយ័ព្យ​នៃ​ប្រទេស​កម្ពុជា ស្លាកស្នាម​នៃ​ការប្រយុទ្ធ​គ្នា​ចាប់ពី​ថ្ងៃទី ៧ ដល់​ថ្ងៃទី ២៧ ខែធ្នូ អាច​មើលឃើញ​នៅក្នុង​ផ្ទះសម្បែង​ពលរដ្ឋ​ស៊ីវិល​​ដែល​ខូចខាត ​​វាលស្រែ និង​សត្វចិញ្ចឹម​​ត្រូវបាន​បោះបង់ចោល​។ ...

រដ្ឋលេខាធិការដ្ឋានកិច្ចការព្រំដែន បានជូនដំណឹងថា ភាគីកម្ពុជាបានស្នើជាថ្មីទៅភាគីថៃ ដើម្បីរៀបចំកិច្ចប្រជុំពិសេសរបស់គណៈកម្មការចម្រុះខណ្ឌសីមាព្រំដែនគោក (JBC) កម្ពុជា–ថៃ នៅសប្តាហ៍ទី២ ឬទី៣ ខែមករា ឆ្នាំ២០២៦ នៅខេត្តសៀមរាប បន្ទាប់ពីកិច្ចប្រជុំដែលគ្រោងធ្វើនៅសប្តាហ៍ទី១ ខែមករា ត្រូវបានភាគីថៃស្នើលើកពេល កាលពីថ្ងៃទី២៨ ខែធ្នូ ឆ្នាំ២០២៥ ដោយលើកហេតុផលរង់ចាំនីតិវិធីផ្ទៃក្នុង។ ...

នៅថ្ងៃទី៥ ខែមករា ឆ្នាំ២០២៦ រដ្ឋលេខាធិការដ្ឋានកិច្ចការព្រំដែន បានចេញសេចក្ដីប្រកាសព័ត៌មាន ស្ដីពី កិច្ចប្រជុំពិសេសរបស់គណៈកម្មការចម្រុះខណ្ឌសីមាព្រំដែនគោក (JBC) ក្នុងខែមករា ឆ្នាំ២០២៦។ភាគីកម្ពុជាបានស្នើជាថ្មីទៅភាគីថៃ តាមរយៈកំណត់ទូតចុះថ្ងៃទី៥ ខែមករា ឆ្នាំ២០២៦ ដើម្បីរៀបចំកិច្ចប្រជុំពិសេសរបស់គណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ថៃ-កម្ពុជា នៅសប្ដាហ៍ទី២ ឬសប្ដាហ៍ទី៣ ខែមករា ឆ្នាំ២០២៦ នៅខេត្តសៀមរាប ក្នុងគោលបំណងពិភាក្សាដោះស្រាយបញ្ហាមួយចំនួនដូចដែលមានក្នុងឯកសារភ្ជាប់។ ...

នៅថ្ងៃទី៥ ខែមករា ឆ្នាំ២០២៦ ក្រសួងការបរទេស និងសហប្រតិបត្តិការអន្តរជាតិ បានចេញសេចក្តីប្រកាសព័ត៌មាន ស្ដីពី ការផ្តល់ជំនួយមនុស្សធម៌ផ្នែកហិរញ្ញវត្ថុពីរដ្ឋាភិបាលនៃសាធារណរដ្ឋស៊ែបី។ក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជាសូមថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលនៃសាធារណរដ្ឋស៊ែប៊ីសម្រាប់ជំនួយមនុស្សធម៌សរុបជាទឹកប្រាក់ចំនួនប្រាំរយពាន់ដុល្លារអាម៉េរិក (៥០០,០០០ ដុល្លារអាម៉េរិក) ដល់ព្រះរាជាណាចក្រកម្ពុជា។ ...

នៅថ្ងៃទី៥ ខែមករា ឆ្នាំ២០២៦ គណៈកម្មាធិការសិទ្ធិមនុស្សកម្ពុជា បានចេញសេចក្តីប្រកាសព័ត៌មាន ស្តីពី ការដាក់ពាក្យបណ្តឹង និងស្នើទៅយន្តការសិទ្ធិមនុស្សនៃអង្គការសហប្រជាជាតិ។ទោះបីជាមានកិច្ចព្រមព្រៀងបទឈប់បាញ់ដែលត្រូវបានចុះហត្ថលេខានៅក្នុងកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ នាថ្ងៃទី២៧ ខែធ្នូ ឆ្នាំ២០២៥ យ៉ាងណាក៏ដោយ ក៏ប្រទេសថៃបានបន្តប្រើប្រាស់កម្លាំងយោធាដោយខុសច្បាប់ បង្កើនសកម្មភាពបំផ្លិចបំផ្លាញផ្ទះសម្បែង ទ្រព្យសម្បត្តិ និងហេដ្ឋារចនាសម្ព័ន្ធស៊ីវិលនិងវប្បធម៌។ ...

នៅថ្ងៃទី៥ ខែមករា ឆ្នាំ២០២៦ ក្រសួងការបរទេស និងសហប្រតិបត្តិការអន្តរជាតិ បានចេញខ្លឹមសារផ្តល់ជូនអ្នកសារព័ត៌មាន ស្ដីពី ឯកឧត្តមឧបនាយករដ្ឋមន្ត្រី ប្រាក់ សុខុន ទទួលជំនួបសម្តែងការគួរសម និងជម្រាបលាពី ឯកឧត្តម ចូ សូយ័រ (Jo Scheuer) អ្នកសម្របសម្រួលប្រព័ន្ធអង្គការសហប្រជាជាតិប្រចាំកម្ពុជា។នៅក្នុងជំនួបនោះ ឯកឧត្តមឧបនាយករដ្ឋមន្ត្រី បានសម្តែងនូវការកោតសរសើរចំពោះការរួមចំណែកដ៏មានតម្លៃ និងកិច្ចខិតខំប្រឹងប្រែងរបស់ឯកឧត្ដម ចូ សូយ័រ ក្នុងការលើកកម្ពស់កិច្ចសហប្រតិបត្តិការប្រកបដោយប្រសិទ្ធភាពជាមួយភ្នាក់ងារ អ.ស.ប. ប្រចាំកម្ពុជា និងក្នុងការគាំទ្រដល់កិច្ចខិតខំប្រឹងប្រែងរបស់កម្ពុជា ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព។ ...

នៅថ្ងៃទី៥ ខែមករា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី ស្ថានភាពក្រោយបទឈប់បាញ់ គិតពីម៉ោង៦ល្ងាច​ ថ្ងៃទី៤ ដល់ម៉ោង៦ល្ងាច ថ្ងៃទី៥ ខែមករា ឆ្នាំ២០២៦។គិតពីម៉ោង៦ល្ងាចថ្ងៃទី៤ ដល់ម៉ោង៦ល្ងាច ថ្ងៃទី៥ ខែមករា ឆ្នាំ២០២៦ មានជនភៀសសឹក ៣៧.៤២៣នាក់ បន្ថែមទៀត បានបន្តវិលទៅលំនៅឋានវិញ។ ដូច្នេះ ក្នុងចំណោមជនភៀសសឹកសរុបជាង ៦សែន ៤ម៉ឺននាក់ មាន២០៤.៨៤៤នាក់ទៀតបន្តស្នាក់នៅជំរំ។ ...

នៅថ្ងៃទី៥ ខែមករា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជា បានចេញសេចក្ដីប្រកាសព័ត៌មាន ស្ដីពី គម្រោងវិនិយោគចំនួន៦៣០ ក្នុងទំហំទុនវិនិយោគសរុបប្រមាណ ១០ប៊ីលានដុល្លារអាមេរិក ត្រូវបានចុះបញ្ជីដោយ ក្រុមប្រឹក្សាអភិវឌ្ឍន៍កម្ពុជា ក្នុងឆ្នាំ២០២៥។ក្នុងឆ្នាំ២០២៥ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (គ.វ.ក. នៃ ក.អ.ក.) បានចុះបញ្ជីគម្រោងវិនិយោគសរុបចំនួន ៦៣០ ក្នុងទំហំទុនវិនិយោគសរុបប្រមាណ ១០ប៊ីលានដុល្លារអាម៉េរិក និងអាចបង្កើតការងារបានប្រមាណ ៤៣៨ ពាន់កន្លែង។ ...

នៅថ្ងៃទី៥ ខែមករា ឆ្នាំ២០២៦ ព្រឹទ្ធសភា បានចេញ​សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា នាព្រឹកថ្ងៃទី៥ ខែមករា ឆ្នាំ២០២៦។បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភាបានកំណត់យកថ្ងៃចន្ទ ទី៥ ខែមករា ឆ្នាំ២០២៦ វេលាម៉ោង៩:០០នាទី បន្តសម័យប្រជុំលើកទី៤ ព្រឹទ្ធសភា នីតិកាលទី៥ ដោយមានរបៀបវារៈដូចបានភ្ជាប់។ ...

កម្ពុជាបាន​នាំ​ចេញ​គ្រាប់​ស្វាយចន្ទីឆៅទៅ​ទីផ្សារ​អន្តរជាតិ​ក្នុង​បរិមាណ​ជាង ១ លាន​តោន​​កាល​ពី​​​ឆ្នាំ ២០២៥ ដោយ​ប្រមូល​ប្រាក់​បាន​ ១,៥​ ពាន់​លាន​ដុល្លារ កើន​ឡើង​ជាង ១/៤ដង ​បើ​ធៀប​នឹង​ឆ្នាំ​២០២៤។ វៀតណាម គឺ​ជា​ទីផ្សារ​ទទួល​ទិញ​គ្រាប់​ស្វាយចន្ទីឆៅ​​ធំ​ជាង​គេ​របស់​កម្ពុជា។​​ ...

កម្ពុជាបានបង្ហាញ​ពី​ការ​រំលោភ​បំពាន​លើ​ទឹកដី​ខ្មែរ​ដោយ​ភាគី​​ថៃ ដោយបានរឹបអូស និងរក្សាការគ្រប់គ្រងលើផ្នែកខ្លះនៃទឹកដីរបស់កម្ពុជា ដែល​ជាការរំលោភលើកិច្ចព្រមព្រៀងឈប់បាញ់ ច្បាប់អន្តរជាតិ និងការវាស់វែងព្រំដែនទ្វេភាគីដែលមានស្រាប់។ នេះបើ​​យោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិនៅថ្ងៃទី ២ ខែធ្នូនេះ។ ...

ផ្ទះប្រជាពលរដ្ឋនៅក្បែររង្វង់មូលបឹងត្រកួន ស្ថិតក្នុងតំបន់បឹងត្រកួន ត្រូវបានបំផ្លិចបំផ្លាញដោយអាវុធយុទ្ធភណ្ឌរបស់យោធាថៃ អំឡុងការវាយប្រហារចន្លោះថ្ងៃទី៧ ដល់ទី២៧ ខែធ្នូ ឆ្នាំ២០២៥។ ...

នៅ​មណ្ឌល​សុវត្ថិភាព​​ដ៏​មមាញឹក​មួយ​នៅ​​វត្ត​ព្រះពុទ្ធសាសនា​មួយ​ក្នុង​ខេត្តបន្ទាយមានជ័យ អ្នក​ស្រី គឹម សុផាត អាយុ ៧៣ ឆ្នាំ កំពុង​រង់ចាំ​អ្វីដែល​អ្នកស្រី​​និយាយថា ​សំខាន់​ជាង​ជំនួយ ឬ​ការបរិច្ចាគ​ គឺ​សន្តិភាព​ដែល​អនុញ្ញាតឱ្យ​ក្រុមគ្រួសារ​របស់អ្នកស្រី​​ត្រឡប់ទៅផ្ទះ​វិញ​។​ ...

នៅថ្ងៃទី៤ ខែមករា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី ស្ថានភាពក្រោយបទឈប់បាញ់ គិតពីម៉ោង៦ល្ងាច ថ្ងៃទី៣ ដល់ម៉ោង១រសៀល ថ្ងៃទី៤ ខែមករា ឆ្នាំ២០២៦។គិតពីម៉ោង៦ល្ងាច ថ្ងៃទី៣ ដល់ម៉ោង១រសៀល ថ្ងៃទី៤ ខែមករា ឆ្នាំ២០២៦នេះ មានជនភៀសសឹក​១២.៤១៧នាក់បន្ថែមទៀត បាន​​បន្ត​វិលទៅលំនៅឋានវិញ។ ដូច្នេះ ក្នុងចំណោមជនភៀសសឹកសរុបជាង៦សែន៤មុឺននាក់ មាន២៦៧.៦៧៤នាក់​ ក្នុងនោះស្រី្ត១៤១.០៦៩នាក់ និងកុមារ៩០.៦៧០នាក់ បន្តស្នាក់នៅជំរំ។ ...

នៅថ្ងៃទី៣ ខែមករា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី ស្ថានភាពក្រោយបទឈប់បាញ់ គិតចាប់ពីម៉ោង១រសៀល​ ដល់ម៉ោង៦ល្ងាច​ ថ្ងៃទី៣ ខែមករា ឆ្នាំ២០២៦។គិតចាប់ពីម៉ោង១រសៀល​ ដល់ម៉ោង៦ល្ងាច​ ថ្ងៃទី៣ ខែមករា ឆ្នាំ២០២៦នេះ មានជនភៀសសឹក​​៤៦.៤១៥នាក់ បាន​​បន្ត​វិលត្រឡប់ទៅលំនៅឋានវិញ ដែលធ្វើ​ឱ្យ​ជនភៀសសឹកនៅសល់​​សរុបមាន​​ចំនួន ​២៨០.០៩១នាក់​ ក្នុងនោះស្រី្ត ១៤៧.៤៣០នាក់ និងកុមារ ៩០.៦៧០នាក់។ ...

នៅថ្ងៃទី៣ ខែមករា ឆ្នាំ២០២៦ ក្រសួងមហាផ្ទៃ បានចេញសេចក្តីប្រកាសព័ត៌មាន ស្តីពី ស្ថានភាពក្រោយបទឈប់បាញ់ គិតពីម៉ោង៦ល្ងាច ថ្ងៃទី២ ខែមករា ដល់ម៉ោង១រសៀល ថ្ងៃទី៣ ខែមករា ឆ្នាំ២០២៦។គិតចាប់ពីម៉ោង៦ល្ងាច​ ថ្ងៃទី២ ខែមករា​ ដល់ម៉ោង១រសៀល ថ្ងៃទី៣ ខែមករា ឆ្នាំ២០២៦នេះ មានជនភៀសសឹក​​១៣.៥២៧នាក់ បាន​​បន្ត​វិលត្រឡប់ទៅលំនៅឋានវិញ ដែលធ្វើ​ឱ្យ​ជនភៀសសឹកនៅសល់​​សរុបមាន​​ចំនួន ​៣១២.៩៧៩នាក់​ ក្នុងនោះស្រី្ត ១៦៤.៧១៤នាក់ និងកុមារ ១០៥.៣៣៣នាក់។ ...