ក្រសួងមហាផ្ទៃចេញបម្រាមលើការភ្នាល់លទ្ធផលនៃការបោះឆ្នោតជាតិនៅថ្ងៃទី២៨ខែកក្កដា
ក្រសួងមហាផ្ទៃបានចាត់ទុកការភ្នាល់លទ្ធផលនៃការបោះឆ្នោតជាតិ នៅថ្ងៃទី២៨ ខែកក្កដាខាងមុខនេះ ជាការខុសច្បាប់ ដោយលើកឡើងថា វិធានការនេះ គឺជាការចាំបាច់ក្នុងការទប់ស្កាត់អសន្តិសុខសង្គម។ បំរាមដែលត្រូវបានផ្សព្វផ្សាយនៅលើគេហទំព័ររបស់ក្រសួង មហាផ្ទៃនេះឲ្យដឹងថា វិធានការនេះ គឺជាការចាំបាច់ដើម្បីធានាសុវត្ថិភាពសាធារណៈ និងសន្តិសុខ ព្រមទាំងការពារជីវភាពរស់នៅរបស់ប្រជាពលរដ្ឋ ដែលអាចរងការគំរាមកំហែងដោយសារមនុស្សមួយចំនួនបានភ្នាល់គ្នា ផ្អែកលើព័ត៌មានមិនត្រឹមត្រូវ។… យោងតាមក្រសួងមហាផ្ទៃឲ្យដឹងថា ប្រជាពលរដ្ឋនៅក្នុងរាជធានីភ្នំពេញ និងនៅខេត្តព្រៃវែង បាននិងកំពុងភ្នាល់គ្នាថា តើ គណបក្សនីមួយអាចទទួលបានជោគជ័យយ៉ាងណានៅថ្ងៃទី២៨ខែកក្កដា នេះ។ លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិបានសួរថា ហេតុអ្វីបានជាក្រសួងមហាផ្ទៃចេញបំរាមបែបនេះ ខណៈដែលការលេងល្បែង គឺជាការខុសច្បាប់ទៅហើយនៅខាងក្រៅកាស៊ីណូ។ លោកបានថ្លែងបន្តទៀតថា “ ក្រសួងមហាផ្ទៃគួរតែយកចិត្តទុកដាក់អំពីបញ្ហាសន្តិសុខជាតិបាន ហើយ”។…
Saing Soenthrith
http://www.cambodiadailykhmer.com/latest/2852/
