លោកហ៊ុន សែនរិះគន់ខុមហ្វ្រែល ធ្វើឲ្យឆោឡោរឿងទឹកខ្មៅលាងជ្រះ
ភ្នំពេញៈ លោកនាយករដ្ឋមន្រ្តី កាលពីថ្ងៃម្សិលមិញ បានរិះគន់អង្គការឃ្លាំមើលការបោះឆ្នោត ខុម ហ្វ្រែល ថាបាន «បង្កចលាចល» ជាមួយនឹងការប្រកាសរបស់ខ្លួន មុនការបោះឆ្នោតថា ទឹកខ្មៅដែលសម្រាប់ជ្រលក់ម្រាមដៃអ្នកបោះឆ្នោត គេអាចលាងជ្រះបានយ៉ាងងាយស្រួល។
មួយថ្ងៃមុនការបោះឆ្នោតថ្ងៃ ទី២៨ ខែ កក្កដា ខុម ហ្វ្រែល បានចេញផ្សាយខ្សែវីដេអូមួយដែលបង្ហាញពីទឹកខ្មៅជ្រលក់ម្រាមដែល គេអាចលាងជម្រះបានដោយប្រើវត្ថុរាវម្យ៉ាង ដែលគេមិនបានប្រាប់ឈ្មោះ ហើយបានជំរុញឲ្យអ្នកបោះឆ្នោត និងអ្នកឃ្លាំមើលឲ្យពិនិត្យរកមើលអ្នកដែលបោះឆ្នោតស្ទួន។
ថ្លែងទៅកាន់អ្នកយកព័ត៌មាននៅឯមន្ទីររដ្ឋសភា លោកនាយករដ្ឋមន្ត្រី ហ៊ុន សែន បានថ្លែងថា អង្គការក្រៅរដ្ឋាភិបាលមួយនេះ ហោចណាស់គួរទទួលខុសត្រូវខាងផ្នែកសីលធម៌ដែរ ជុំវិញបញ្ហាខ្លះៗ ដែលបានកើតឡើងនៅក្នុងថ្ងៃបោះឆ្នោតកន្លងទៅ។
លោក ហ៊ុន សែន បានថ្លែងថា៖ «ខុម ហ្វ្រែល បានបង្កឲ្យមានការឆោឡោតែប៉ុន្មានម៉ោងនៅមុនការបោះឆ្នោត ធ្វើឲ្យមានការឆោឡោ ថាទឹកខ្មៅជូតជ្រះ។ ដូច្នេះ តើអ្នកនិយាយធ្វើឲ្យឆោឡោមុនការបោះឆ្នោតប៉ុន្មានម៉ោង ត្រូវទទួលខុសត្រូវយ៉ាងណា អំពីសាធារណៈមតិ អំពីខ្លួនជាអង្គការក្រៅរដ្ឋាភិបាល ហើយទទួលបន្ទុកអំពីអ្វីដែលខ្លួនហៅថា ការបោះឆ្នោត។ …តើត្រូវសុំទោសចំពោះប្រជាជាតិទាំងមូលយ៉ាងណា? ខ្ញុំគិតថា យ៉ាងហោចណាស់ ខ្លួនត្រូវទទួលខុសត្រូវខាងផ្នែកសីលធម៌ដែរ ព្រោះវាទាក់ទងនឹងរឿងធំណាស់ ដែលថាទឹកខ្មៅជូតជ្រះភ្លាមៗ ហើយដែលអាចបោះចោលដប»។…
ជាង សុខា និង Abby Seiff
http://www.postkhmer.com/index.php/national/1-national-news/104391-2013-09-25-03-08-18
