មានភ័ស្តុតាងតិចតួចសម្រាប់ការបញ្ជាក់ថា ទឹកថ្នាំជ្រលក់ម្រាមដៃពេលបោះឆ្នោត អាចលាងជ្រះ
រយៈពេលបីថ្ងៃក្រោយការបោះឆ្នោតកាលពីថ្ងៃ អាទិត្យ ប្រជាជនដែលបានបោះឆ្នោតរួចហើយ នៅមានទឹកថ្នាំពណ៌ស្វាយជាប់ម្រាមដៃនៅឡើយ ទេ។ ទឹកថ្នាំលាងមិនជ្រះនេះ ត្រូវបានប្រើដើម្បីធានាថា ពលរដ្ឋមិនអាចបោះឆ្នោតបានលើសពីមួយដង ។ លោក គល់ បញ្ញា នាយកប្រតិបត្តិគណៈកម្មាធិការដើម្បីការបោះ ឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល បានឲ្យដឹងថា បើទោះបីជាខុមហ្វ្រែលបានព្រមានកាលពីថ្ងៃ សុក្រថា ទឹកថ្នាំនេះ គឺអាចលាងជ្រះបានយ៉ាងងាយស្រួលក៏ដោយ ក៏នៅតែពុំឃើញមានពាក្យបណ្ដឹងអំពីករណី មានអ្នកព្យាយាមបោះឆ្នោតលើកទី២ទេ។ លោកបានមានប្រសាសន៍ថា “ រឿងមានឈ្មោះបោះឆ្នោតពីរដង យើងមិនទាន់បានទទួលពាក្យបណ្ដឹងទេ ប៉ុន្តែ យើងនៅតែមានការព្រួយបារម្ភ ដោយលោកបានបន្ថែមថា ដោយសារគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប. បានបដិសេធមិនអនុញ្ញាតឲ្យក្រុមសង្កេតការណ៍ ឯករាជ្យពិនិត្យបញ្ជីឈ្មោះអ្នកបោះឆ្នោតក្រោយការ បោះឆ្នោតនៅតាមការិយាល័យបោះឆ្នោតនានានោះ ការរកឃើញ “ អ្នកបោះឆ្នោតពីរដង” គឺស្ទើរតែមិនអាចទៅរួចទេ។…
