ឱកាសទទួលបានអាហារូបករណ៍សម្រាប់ថ្នាក់ឧត្ដមសិក្សានៅខេត្ដព្រះវិហារ
កម្មវិធីបណ្ណាល័យអ្នកប្រយុទ្ធ សូមជម្រាបជូនសិស្សថ្នាក់ទី១២ នៅក្នុងខេត្តព្រះវិហារ ឱ្យបានជ្រាបថា កម្មវិធីបណ្ណាល័យអ្នកប្រយុទ្ធ បានប្រកាសបើកទទួលពាក្យស្នើសុំអាហារូបករណ៍ ដើម្បីបន្ដការសិក្សាថ្នាក់ឧត្ដមសិក្សា កម្រិតបរិញ្ញាបត្រ ឬបរិញ្ញាបត្ររង នៅគ្រឹះស្ថានឧត្ដមសិក្សាក្នុងខេត្តព្រះវិហារ។ អាហារូបករណ៍ផ្ដល់សម្រាប់អ្នករស់នៅក្នុងសង្កាត់ប៉ាលហាល ក្រុងព្រះវិហារ ខេត្តព្រះវិហារ។
បេក្ខជនដែលមានចំណាប់អារម្មណ៍ អាចទៅទទួលយកពាក្យស្នើសុំ នៅបណ្ណាល័យអ្នកប្រយុទ្ធ ឬទាញយកនៅខាងក្រោមនេះ។
បេក្ខជនតម្រូវឱ្យដាក់ពាក្យស្នើសុំនិងឯកសារពាក់ព័ន្ធ ដោយផ្ទាល់នៅបណ្ណាល័យអ្នកប្រយុទ្ធ ឬតាមរយៈ Google Form។
សម្គាល់៖ ការដាក់ពាក្យស្នើសុំចាប់ផ្ដើមបើកពីពេលនេះតទៅរហូតដល់ថ្ងៃទី១៦ ខែវិច្ឆិកា ឆ្នាំ២០២៤។
សម្រាប់ព័ត៌មានបន្ថែម សូមទាក់ទងផ្ទាល់មកក្រុមការងារបណ្ណាល័យអ្នកប្រយុទ្ធរៀងរាល់ម៉ោងធ្វើការ ដែលមានទីតាំង https://maps.app.goo.gl/JL4JzuSYoqvGVCvA8 ។
អង្គការទិន្នន័យអំពីការអភិវឌ្ឍ
