VOD Hot News
ពលរដ្ឋរងការគំរាមពីអាជ្ញាធរខេត្តសៀមរាប បន្ទាប់ពីផ្ដិតមេដៃគាំទ្របក្សសង្គ្រោះជាតិ
ពលរដ្ឋជាច្រើននាក់ នៅឃុំស្រែណូយ ស្រុកវ៉ារិន ខេត្តសៀមរាប រងការគំរាមកំហែង ពីអាជ្ញាធរភូមិ បន្ទាប់ពីពួកគេបានផ្ដិតមេដៃ គាំទ្រឲ្យគណបក្សសង្គ្រោះជាតិ ឲ្យសុំអន្តរាគមន៍ពីអង្គការសហប្រជាជាតិ រឿងភាពមិនប្រក្រតីនៃការបោះឆ្នោតនោះ។ ប្រាប់អ្នកយកព័ត៌មានVOD នៅពេលចុះទៅដល់ភូមិល្វា ឃុំស្រែណូយ កាលពីថ្ងៃទី១៧ខែតុលា អ្នកស្រី ឈា លាម ឲ្យដឹងថា កាលពីថ្ងៃទី១៥ខែតុលានេះ មេភូមិល្វា លោក លាវ យន់ បានហៅពួកគាត់ឲ្យដកស្នាមមេដៃ ដែលបានផ្តិតហើយនោះចេញវិញ បើពុំដូចនោះទេ អាជ្ញាធរនឹងប្តឹងពលរដ្ឋរឿងធ្វើបាតុកម្ម ៖ “គេគំរាមខ្ញុំ បានខ្ញុំខ្លាច បើខ្ញុំមិនដកទៅគេថា គេប្ដឹងប្ដល់ ប្រជុំទាំងអស់គ្នា ហៅប្រជុំអារឿងកត់នេះឯង។ កត់ឈ្មោះផង ផ្ដិតមេដៃផង គេសុំយកទៅវិញ ចា ឈ្មោះទាំងប៉ុន្មានឲ្យយកទៅវិញ” ។ ...
បូ សាវី និង អ៊ឹង ប៊ុនថន
http://vodhotnews.com/?p=article&id=16791&lang=kh
លោក សម រង្ស៊ី៖ ព្រឹទ្ធសភាអាមេរិកនឹងអនុម័តញត្តិមួយ ករណីវិបត្តិនយោបាយនៅកម្ពុជា
ប្រធានគណបក្សសង្គ្រោះជាតិ បានអះអាងថា នៅពេលឆាប់ៗនេះ ព្រឹទ្ធសភាអាមេរិក នឹងចេញជាដំណោះស្រាយថ្មីមួយទៀត ឫហៅថា ញតិ្តគាំទ្រជំហររបស់គណបក្សសង្គ្រោះជាតិ និងគណបក្សប្រជាជនកម្ពុជា ដែលកំពុងទាមទារយុត្តិធម៌ ក្នុងនាមជាម្ចាស់ឆ្នោត។ ការថ្លែងអះអាងរបស់ លោក សម រង្ស៊ី ប្រធានគណបក្សសង្គ្រោះជាតិ បានធ្វើតាមរយៈបទសម្ភាសន៍ជាមួយបណ្ដាញផ្សាយព័ត៌មានអន្តរជាតិជាខេមរ ភាសាចំនួនពីរ ដែលមានមូលដ្ឋាននៅសហរដ្ឋអាមេរិក។ នៅក្នុងបទសម្ភាសន៍នេះ លោក សម រង្ស៊ី បានថ្លែងអះអាងថា ព្រឹទ្ធសភាអាមេរិក នៅឆាប់ៗនេះ នឹងសម្រេចជាញត្តិ ឫដំណោះស្រាយមួយជុំវិញស្ថានភាពមិនប្រក្រតី ដែលផ្ទុះឡើងតាមរយៈការបោះឆ្នោតសភា ថ្ងៃទី២៨ ខែកក្កដា កន្លងទៅនេះ។ ...
នួន បូរិន
http://vodhotnews.com/16792
លោក សម រង្ស៊ី៖ សហគមន៍អន្តរជាតិស្វាគមន៍ការស្វែងរកយុតិ្ដធម៌ជូនពលរដ្ឋម្ចាស់ឆ្នោត
មេដឹកនាំបក្សប្រឆាំងដែលកំពុងស្វែងរកអន្តរាគមន៍ពីសហគមន៍អន្តរជាតិ ដោយបានឆ្លងកាត់ការធ្វើដំណើរនៅអឺរ៉ុប និងអាមេរិក បាននិយាយកាលពីថ្ងៃម្សិលមិញថា សហគមន៍អន្តរជាតិ បានគាំទ្រជំហររបស់លោក ក្នុងការស្វែងរកយុត្តិធម៌ជូនម្ចាស់ឆ្នោត ដែលលោកហៅថា ការលួចបន្លំសន្លឹកឆ្នោត កើតមានជាប្រព័ន្ធនៅក្នុងការបោះឆ្នោតសភា កាលពីថ្ងៃទី២៨ ខែកក្កដា។ ថ្លែងនៅក្នុងទីក្រុងវ៉ាស៊ីនតោន បន្ទាប់ពីបេសកម្មរបស់លោកបញ្ចប់នៅអឺរ៉ុប និងអាមេរិកនៅថ្ងៃនេះ លោក សម រង្ស៊ី ប្រធានគណបក្សសង្គ្រោះជាតិមានប្រសាសន៍ថា រដ្ឋាភិបាល និងសភានៅក្នុងប្រទេសអ៊ឺរ៉ុប និងសហរដ្ឋអាមេរិក រួមទាំងប្រទេសជាច្រើនទៀត បានគាំទ្រគោលជំហររបស់គណបក្សសង្គ្រោះជាតិ ក្នុងការទាមទារឲ្យមានការស៊ើបអង្កេតឯករាជ្យមួយ ពីភាពមិនប្រក្រតីនៃការលួចបន្លំសន្លឹកឆ្នោត។ លោកបានបញ្ជាក់ទៀតថា សហភាពអឺរ៉ុប និងប្រទេសដទៃទៀត បានសម្តែងនូវមន្ទិលសង្ស័យនៃលទ្ធផលបោះឆ្នោតនេះ។ ...
ថុល ស្រីលក្ខណ៍
http://vodhotnews.com/16793
CNRP ប្រមូលបានស្នាមមេដៃពីពលរដ្ឋប្រមាណ១លាននាក់ហើយមកដល់ថ្ងៃនេះ
អ្នកនាំពាក្យគណបក្សសង្គ្រោះជាតិ (CNRP) លោក យឹម សុវណ្ណ ឲ្យដឹងថា គិតមកដល់ថ្ងៃអង្គារ ទី១៥ ខែតុលានេះ គណបក្សប្រមូលស្នាមមេដៃពីប្រជាពលរដ្ឋប្រមាណ១លាននាក់ហើយ ដើម្បីដាក់ញត្តិទៅអង្គការសហប្រជាជាតិ និងប្រទេសជាហត្ថលេខីនៃកិច្ចព្រមព្រៀងទីក្រុងប៉ារីស ឲ្យជួយដោះស្រាយវិបត្តិនយោបាយនៅកម្ពុជា។ លោក យឹម សុវណ្ណ បន្តថា ការប្រមូលស្នាមមេដៃពលរដ្ឋចាប់ធ្វើពីថ្ងៃទី០៦ ខែតុលា និងបញ្ចប់ នៅថ្ងៃទី២៣ ខែតុលា ដែលនៅថ្ងៃនោះ គណបក្សគ្រោងដឹកនាំធ្វើមហាបាតុកម្មអហិង្សាលើកទី៣ នៅទីលានប្រជាធិបតេយ្យ រាជធានីភ្នំពេញ។ ...
ថុល ស្រីលក្ខណ៍
http://vodhotnews.com/?p=article&id=16736&lang=kh
CPPប្រកាសជាផ្លូវការធ្វើកំណែទម្រង់ការបោះឆ្នោត ខណៈCNRPប្រមូលស្នាមមេដៃពីពលរដ្ឋ
គណបក្សប្រជាជនកម្ពុជា ប្រកាសជាផ្លូវការពីកំណែទម្រង់ការបោះឆ្នោត នាពេលខាងមុខ ដោយស្នើឲ្យធ្វើវិសោធនកម្មច្បាប់ និងនីតិវិធីទាំងឡាយ ដែលពាក់ព័ន្ធនឹងការបោះឆ្នោត ឲ្យស្របតាមគោលការណ៍នៃលទិ្ធប្រជាធិបតេយ្យ និងនីតិរដ្ឋ។ ការប្រកាសនេះ ធ្វើឡើងខណៈដែលគណបក្សសង្រ្គោះជាតិ កំពុងប្រមូលស្នាមមេដៃពីពលរដ្ឋដើម្បីដាក់ជូនអង្គការសហប្រជាជាតិ ឲ្យជួយពិនិត្យពីភាពមិនប្រក្រតីនៃការបោះឆ្នោតនៅកម្ពុជា។ នៅក្នុងសេចក្តីថ្លែងការណ៍ របស់គណបក្សប្រជាជនកម្ពុជា ចុះថ្ងៃទី១៤ខែតុលាឆ្នាំ២០១៣ បានឲ្យដឹងថា ការប្រកាសនូវជំហរ និងប្តេជ្ញាកែទម្រង់ការបោះឆ្នោតនេះ គឺផ្អែកលើរដ្ឋធម្មនុញ្ញ និងច្បាប់ជាធរមាននានា និងស្ថានការជាក់ស្តែងក្រោយការបោះឆ្នោតជ្រើសតាំងតំណាងរាស្ត្រកន្លងមក ព្រមទាំងយោងតាមជំនួបរវាងថ្នាក់ដឹកនាំគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៦ខែកញ្ញា ។ ...
ថុល ស្រីលក្ខណ៍ និង អ៊ឹង ប៊ុនថន
http://vodhotnews.com/16725
លោក កឹម សុខា៖ ដំណើរការទូតរបស់លោក សម រង្ស៊ី នឹងទទួលបានជោគជ័យ
ប្រធានស្តីទីគណបក្សសង្គ្រោះជាតិ លោក កឹម សុខា អះអាងនៅព្រឹកថ្ងៃចន្ទនេះថា បេសកកម្មការទូតក្រៅប្រទេសរបស់លោក សម រង្ស៊ី ទទួលជោគជ័យ ក្នុងការជំរុញសហគមន៍អន្តរជាតិ ចាប់អារម្មណ៍ចំពោះការបង្កើតសភាឯកបក្សនៅកម្ពុជា ផ្ទុយពីលទ្ធិប្រជាធិបតេយ្យ។ ក្នុងសន្និសីទសារព័ត៌មាន នៅទីស្នាក់ការគណបក្សសង្គ្រោះជាតិ ខណ្ឌទួលគោក ក្រោយបញ្ចប់ពិធីបង្សុកូល គោរពវិញ្ញាណក្ខន្ធព្រះមហាវីរក្សត្រ ព្រះបាទនរោត្តម សីហនុ លោក កឹម សុខា ឲ្យដឹងថា លោក សម រង្ស៊ី បានជួបជជែកផ្ទាល់ជាមួយសភា និងរដ្ឋាភិបាលអឺរ៉ុប ដោយបានបង្ហាញពីការពិត និងភាពមិនប្រក្រតីនៃការបោះឆ្នោតនៅកម្ពុជា។ លោកបន្តថា យ៉ាងតិចណាស់ តំណាងរាស្ត្រ អឺរ៉ុប ចំនួន ៨៥នាក់ បានសរសេរលិខិតមួយ ទៅកាន់ប្រធានអឺរ៉ុប ជំរុញស៊ើបអង្កេតការបោះឆ្នោតនៅកម្ពុជា ៖ “ជោគជ័យរបស់បេសកកម្មរបស់លោកសម រង្ស៊ី ដែលគាត់បានឲ្យខ្ញុំដឹងអម្បិញមិញនេះ គឺសហគមន៍អន្តរជាតិ គេចាប់ផ្តើមចាប់អារម្មណ៍ពីស្រុកខ្មែរ ជុំវិញការបង្កើតសភាមួយ ...
តាំង វីដា និង ដួង សុខា
http://vodhotnews.com/16709
លោក ស ខេង៖ គណបក្សសង្គ្រោះជាតិបន្លំស្នាមមេដៃ ភូតភរព្រះមហាក្សត្រ
រដ្ឋមន្ត្រីក្រសួងមហាផ្ទៃ អះអាងថា ស្នាមមេដៃដែលមន្ត្រីគណបក្សសង្គ្រោះជាតិ ដាក់ថ្វាយព្រះមហាក្សត្រ កាលពីថ្ងៃទី២១ខែកញ្ញា ដើម្បីសុំពន្យារពេលប្រជុំសភានោះថា មានការបន្លំ គឺម្នាក់ផ្តិត៤ទៅ៥ដង។ រដ្ឋមន្ត្រីក្រសួងមហាផ្ទៃ លោក ស ខេង បានប្រកាសប្រាប់អ្នកសារព័ត៌មានបន្ទាប់ពីពិធីចែកប័ណ្ណសរសើរ ដល់មន្ត្រីប៉ូលិស នៅថ្ងៃទី០៩ខែតុលាថា ក្រុមការងាររបស់លោក បានយកស្នាមមេដៃដែលគណបក្សសង្គ្រោះជាតិដាក់ថ្វាយព្រះមហាក្សត្រ នៅពេលកន្លងទៅ ពិនិត្យ ហើយឃើញថាមានអ្នកខ្លះបន្លំផ្តិត៤ទៅ៥ដងក្នុងម្នាក់។ ករណីនេះលោកចោទគណបក្សសង្គ្រោះជាតិថា ភូតភរព្រះមហាក្សត្រ ៖ “គេថាផ្តិតឲ្យបានបីលានបីសែននាក់ វាងាយទេ ចង់បាន១០លានក៏បានដែររឿងផ្តិត ប៉ុន្តែសំខាន់មេដៃអ្នកណាទទួលខុសត្រូវ អញ្ចឹងរឿងមិនសាមញ្ញទេ ផ្តិតទៅថ្វាយព្រះមហាក្សត្រ របៀបគេហៅថារបៀបអញ្ចឹង របៀបវាគ្មានបញ្ជាក់អត្តសញ្ញាណច្បាស់លាស់ យើងអាចប្រើពាក្យថា បើចឹងដូចជាភូតភរព្រះមហាក្សត្រក៏ថាបាន ពាក្យហ្នឹងវារៀងធ្ងន់តិច ប៉ុន្តែវាអាចក្នុងន័យអញ្ចឹង”។ ...
ពៅ មេត្តា
http://vodhotnews.com/16628
លោក ហេង សំរិន៖ ការចរចាផ្នែកនយោបាយផ្លាស់ប្តូរតួនាទីសមាជិករដ្ឋសភា អាចកើតមានឡើង
ប្រធានរដ្ឋសភា លោក ហេង សំរិន បញ្ជាក់នៅថ្ងៃព្រហស្បតិ៍នេះថា ការចរចាផ្នែកនយោបាយ ដើម្បីផ្លាស់ប្តូរតួនាទីសមាជិកក្នុងរដ្ឋសភា អាចនឹងកើតមានឡើង ប្រសិនបើគណបក្សសង្គ្រោះជាតិ ចូលរួមប្រជុំសភា។ ឆ្លើយតបនឹងសំណួរអ្នកសារព័ត៌មាន ប្រធានរដ្ឋសភា លោក ហេង សំរិន មានប្រសាសន៍ថា ការធ្វើពហិការចូលរួមប្រជុំរបស់តំណាងរាស្ត្រគណបក្សសង្គ្រោះជាតិ គឺជាសិទ្ធិរបស់គណបក្សមួយនេះ។ តែលោកបញ្ជាក់ថា ការសម្របសម្រួលផ្នែកនយោបាយ ពាក់ព័ន្ធនឹងការផ្លាស់ប្តូរតួនាទីសមាជិកក្នុងសភា អាចនឹងកើតមានឡើង ប្រសិនបើតំណាងរាស្ត្រគណបក្សសង្គ្រោះជាតិ ត្រឡប់មកចរចា និងចូលរួមប្រជុំសភាវិញ ៖ “ប៉ុន្ដែចាំទៅខាងមុខទៀត យើងនឹងដោះស្រាយយ៉ាងម៉េច អាហ្នឹងទាល់តែធ្វើម៉េចឲ្យគេមកចូលរួម បើគេមិនចូលរួម ចាំគិតទៀត។ អារឿងសម្របសម្រួលនយោបាយ អាហ្នឹងវាមានហើយ ឲ្យតែគេមកចូលរួម ហ៊ានចូលរួមចរចាជាមួយនឹងគណបក្សនយោបាយទាំងពីរ អាហ្នឹងឯកភាពគ្នា យើងសម្របឲ្យ” ។ ...
តាំង វីដា និងស៊ុន ណារិន
http://vodhotnews.com/16633
អគ្គលេខាធិការដ្ឋានរដ្ឋសភា ប្រកាសជាផ្លូវការបើកសម័យប្រជុំបោះឆ្នោតជ្រើសរើសគណៈកម្មការជំនាញ
អគ្គលេខាធិការដ្ឋានរដ្ឋសភា ប្រកាសជាផ្លូវការ នៅថ្ងៃពុធនេះ ក្នុងការបើកសម័យប្រជុំសភាលើកទី១នីតិកាលទី៥ នៅថ្ងៃទី១០ខែតុលា ស្អែកនេះ បើទោះជាមានការបដិសេធចូលរួមពីគណបក្សសង្គ្រោះជាតិ។ សេចក្តីជូនដំណឹងរបស់អគ្គលេខាធិការដ្ឋា នរដ្ឋសភា ចេញផ្សាយនៅថ្ងៃទី០៩ ខែតុលា ឲ្យដឹងថា សម័យប្រជុំរដ្ឋសភាលើកទី១នេះ នឹងត្រូវប្រព្រឹត្តទៅនៅវេលាម៉ោង៨ព្រឹក ក្រោមមអធិបតីភាពរបស់ លោក ហេង សំរិន ប្រធានរដ្ឋសភា។ ...
ស៊ុន ណារិន
http://vodhotnews.com/?p=article&id=16615&lang=kh
សាលារាជធានីភ្នំពេញ ស្នើឲ្យគណបក្សសង្គ្រោះជាតិបញ្ឈប់ការដើរប្រមូលស្នាមមេដៃនៅទីសាធារណៈ
សាលារាជធានីភ្នំពេញ ស្នើសុំប្រធានគណៈកម្មាធិការប្រតិបត្តិរាជធានីភ្នំពេញនៃគណបក្ស សង្គ្រោះជាតិ បង្វែរការដើរប្រមូលស្នាមមេដៃអ្នកគាំទ្រតាមទីផ្សារ ទីសាធារណៈ និងគេហដ្ឋានប្រជាពលរដ្ឋ ទៅប្រមូលនៅតាមទីស្នាក់ការគណបក្សថ្នាក់សង្កាត់ ខណ្ឌ រាជធានី ឬទីស្នាក់ការកណ្តាលគណបក្សវិញ ដើម្បីជៀសវាងការបាត់បង់សណ្តាប់ធ្នាប់សាធារណៈ និងរំខានពលរដ្ឋ។ ...
ពេជ្រ សុធារី
http://vodhotnews.com/16599
អ្នកវិភាគថាបក្សជំទាស់រកអន្តរាគមន៍ពីអន្តរជាតិជារឿងត្រឹមត្រូវ
មេដឹកនាំគណបក្សសង្គ្រោះជាតិ លោក សម រង្ស៊ី កំពុងស្វែងរកការគាំទ្រពីសហគមន៍អន្តរជាតិ ដើម្បីអន្តរាគមន៍ក្នុងរឿងជម្លោះនយោបាយនៅកម្ពុជា។ បក្សប្រឆាំងបានហៅរដ្ឋាភិបាលរបស់លោក ហ៊ុន សែន ដែលទើបបង្កើតថា ជារដ្ឋាភិបាលខុសច្បាប់ តាមរយៈរដ្ឋប្រហារច្បាប់រដ្ឋធម្មនុញ្ញ ហើយទទូចឲ្យអង្គការសហប្រជាជាតិ និងស្ថាប័នហិរញ្ញវត្ថុធំៗ កុំទទួលស្គាល់។ អ្នកវិភាគអំពីស្ថានការណ៍នយោបាយនៅកម្ពុជា បានអះអាងថា ការស្វែងរកកិច្ចអន្តរាគមន៍អន្តរជាតិរបស់ក្រុមមេដឹកនាំបក្សប្រឆាំង គឺជាសកម្មភាពស្របច្បាប់ និងជាទង្វើធម្មតារបស់ប្រទេសនីមួយៗក្នុងពិភពលោក រាប់ទាំងប្រទេសកម្ពុជាផង។ អ្នកស្រាវជ្រាវអំពីការអភិវឌ្ឍសង្គម លោក កែម ឡី បញ្ជាក់ថា ទាំងគណបក្សប្រជាជនកម្ពុជា និងគណបក្សប្រឆាំង បានព្យាយាមប្រើគ្រប់មធ្យោបាយដើម្បីយកឈ្នះរៀងៗខ្លួន និងចង់បានឲ្យមានការទទួលស្គាល់ថា ទង្វើរបស់ខ្លួនមានភាពស្របច្បាប់៖ «ខ្ញុំគិតថា នេះជាតួនាទីរបស់គណបក្សប្រឆាំងហើយ ប្រទេសណាក៏ដូចជាប្រទេសណាអ៊ីចឹង។ ក្រៅពីការធ្វើបាតុកម្ម គឺគេស្វែងរកការគាំទ្រពីប្រជាពលរដ្ឋ និងសហគមន៍អន្តរជាតិ។ កាយវិការនិងសេចក្ដីថ្លែងការណ៍ពុំមែនខុសច្បាប់ទេ គឺដើម្បីស្វែងរកការកែទម្រង់ស៊ីជម្រៅ ដើម្បីជំរុញឲ្យមានការចរចាផ្នែកនយោបាយប្រកបដោយតម្លាភាព។ គណបក្សប្រជាជន ប្រើកងកម្លាំងប្រដាប់អាវុធ និងយុទ្ធសាស្ត្រធំៗ ដើម្បីដាក់សម្ពាធលើគណបក្សប្រឆាំង ហើយគណបក្សប្រឆាំងក៏ប្រើអំណាចពលរដ្ឋនិងអំណាចសហគមន៍អន្តរជាតិ ដើម្បីដាក់សម្ពាធ»។ ...
ម៉ៅ សុធានី
http://www.rfa.org/khmer/news/politics/opposition-strategies-for-foreign-supports-10092013011842.html
គ.ជ.ប ពិចារណាពន្យារពេលចុះឈ្មោះបោះឆ្នោតដោយសារទឹកជំនន់
មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) កំពុងពិនិត្យពន្យារពេលវេលាចុះឈ្មោះបោះឆ្នោត នៅសាលាឃុំ-សង្កាត់មួយចំនួនតាមខេត្តជាប់ព្រំដែនកម្ពុជា-ថៃ ដែលជួបគ្រោះទឹកជំនន់មិនអាចបើកទ្វារឲ្យពលរដ្ឋពិនិត្យ ឬចុះឈ្មោះបោះឆ្នោតឆ្នាំ២០១៣ បាន។ មន្ត្រី គ.ជ.ប អះអាងថា ការចុះឈ្មោះប៉ុន្មានថ្ងៃមកនេះ មានអ្នកចុះឈ្មោះថ្មីនៅទូទាំងប្រទេសជាង ១ម៉ឺននាក់។ ក្នុងនោះមានឃុំ-សង្កាត់ជាង ១.៣០០ឃុំ-សង្កាត់ ក្នុងចំណោមឃុំ-សង្កាត់ ១.៦៣៣ បានបើកឲ្យដំណើរការធម្មតា។ កាលបរិច្ឆេទនៃការពិនិត្យបញ្ជីឈ្មោះ និងការចុះឈ្មោះបោះឆ្នោតថ្មី ឬធ្វើបច្ចុប្បន្នភាពបញ្ជីឈ្មោះបោះឆ្នោតឆ្នាំ២០១៣ មានរយៈពេល ២០ថ្ងៃ គឺចាប់ផ្ដើមពីថ្ងៃទី១ ដល់ថ្ងៃទី២០ ខែតុលា។ លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត បានឲ្យដឹងនៅថ្ងៃអង្គារ ទី៨ ខែតុលា ថា គិតមកទល់ពេលនេះ មានអ្នកចុះឈ្មោះបោះឆ្នោតថ្មីជាង ១ម៉ឺននាក់។ លោកបន្តថា តាមគម្រោងអាចមានអ្នកចុះឈ្មោះថ្មីជាង ៣០ម៉ឺននាក់ និងមានគម្រោងលុបឈ្មោះស្ទួន ឬឈ្មោះខ្មោចចេញពីបញ្ជីបោះឆ្នោតជិត ២០ម៉ឺននាក់ក្នុងឆ្នាំ២០១៣នេះ៖ «ឃើញថា ឃុំសង្កាត់ជាង ១០០ ជាពិសេសនៅតាមព្រំដែនកម្ពុជា-ថៃ និងនៅតាមដងទន្លេមេគង្គនៅជួបបញ្ហាច្រើនដែលរំខានដល់ការពិនិត្យ និងការចុះឈ្មោះបោះឆ្នោត ...
ដែន អយុធ្យា
http://www.rfa.org/khmer/news/politics/voter-registration-considered-to-delay-10082013062646.html
លោកសម រង្ស៊ី ស្នើសុំប្រធានស្ថាប័នហិរញ្ញវត្ថុអន្តរជាតិចំនួនបី ផ្អាកការផ្តល់ប្រាក់កម្ចីឬប្រាក់ជំនួយមកឲ្យរដ្ឋាភិបាលកម្ពុជា
ប្រធានគណបក្សសង្គ្រោះជាតិ បានស្នើសុំប្រធានស្ថាប័នហិរញ្ញវត្ថុអន្តរជាតិចំនួនបី ដែលមានទំនាក់ទំនង និងកំពុងត្រៀមរៀបចំចុះកិច្ចសន្យាហិរញ្ញវត្ថុជាមួយ រដ្ឋាភិបាលកម្ពុជា ផ្អាកផ្តល់ប្រាក់កម្ចី ឬប្រាក់ជំនួយមួយរយៈ ដោយរង់ចាំរដ្ឋាភិបាលមួយស្របច្បាប់កើតពេញរូបរាងជាមុន សិន។ លិខិតរបស់ លោកសម រង្ស៊ី ប្រធានគណបក្សសង្គ្រោះជាតិ ដែលទទួលបាននៅរសៀលថ្ងៃទី៨ ខែតុលា ឆ្នាំ២០១៣នេះ ហើយបានបញ្ជូនទៅកាន់ប្រធានធនាគារអភិវឌ្ឍន៍អាស៊ី (ADB) ប្រធានធនាគារពិភពលោក និងប្រធានមូលនិធិរូបិយវត្ថុអន្តរជាតិ IMF ដែលមានខ្លឹមសារដូចៗគ្នា គឺស្នើសុំឲ្យស្ថាប័នហិរញ្ញវត្ថុទាំងបីនេះ ផ្អាករាល់កិច្ចការផ្តល់ប្រាក់កម្ចី ឬការបោះវិនិយោគទុនថ្មីណាបន្ថែមទៀត ជាមួយរដ្ឋាភិបាលរបស់លោកនាយករដ្ឋមន្ត្រី ហ៊ុន សែន ។ ...
នួន បូរិន
http://vodhotnews.com/16598
គណបក្សសង្គ្រោះជាតិ ចាប់ផ្តើមប្រមូលស្នាមមេដៃម្ចាស់ឆ្នោតដាក់ជូនអង្គការសហប្រជាជាតិ
គណបក្សសង្គ្រោះជាតិ នៅទី០៦ខែតុលានេះ បានចាប់ផ្តើមប្រមូលស្នាមដៃរបស់ប្រជាពលរដ្ឋ ធ្វើជាញត្តិដាក់ជូនអង្គការសហប្រជាជាតិ និងប្រទេសហត្ថលេខី នៃកិច្ចព្រមព្រៀងទីក្រុងបារីស ២៣តុលា១៩៩១ ឲ្យជួយរកយុត្តិធម៌ជូនម្ចាស់ឆ្នោត ឲ្យស្របតាមកិច្ចព្រមព្រៀងនេះ តាមរយៈតំណាងរបស់ឧត្តមស្នងការអង្គការសហប្រជាជាតិប្រចាំនៅកម្ពុជា។ តាមរយៈសមាជមហាជនរបស់គណបក្សសង្គ្រោះ ជាតិ ដែលបានធ្វើឡើងនៅទីលានប្រជាធិបតេយ្យ ដែលចាប់ផ្តើមនៅម៉ោង ២រសៀលថ្ងៃទី០៦ខែតុលានេះ ប្រជាពលរដ្ឋដែលចូលរួមបាននាំប្រមូលផ្តុំគ្នាជាក្រុម ហើយបានផ្តិតមេដៃលើញត្តិ សម្រាប់ដាក់ជូនលោក បាន គីមូន អគ្គលេខាធិការអង្គការសហប្រជាជាតិ និងប្រទេសហត្ថលេខី នៃកិច្ចព្រមព្រៀងទីក្រុងបារីស ២៣តុលា១៩៩១ ជួយដោះស្រាយបញ្ហាវិបត្តិនយោបាយនៅប្រទេសកម្ពុជា ដោយឲ្យអ្នកដឹកនាំប្រទេសកម្ពុជាបច្ចុប្បន្នគោរព និងប្រតិបត្តិឲ្យបានពេញលេញនូវកិច្ចព្រមព្រៀងទីក្រុងបារីស។ ...
តាំង វីដា និង ពេជ្រ សុធារី
http://vodhotnews.com/16528
គណបក្សសង្គ្រោះជាតិទាមទារឲ្យរាជរដ្ឋាភិបាលផ្តល់អាជ្ញាប័ណ្ណវិទ្យុ និងទូរទស្សន៍
សមាជមហាជនដែលរៀបចំដោយគណបក្សសង្គ្រោះ ជាតិ កាលពីថ្ងៃអាទិត្យម្សិលមិញ ទាមទារឲ្យរាជរដ្ឋាភិបាលផ្តល់អាជ្ញាប័ណ្ណវិទ្យុ ទូរទស្សន៍ ដើម្បីផ្តល់ព័ត៌មានគ្រប់ជ្រុងជោយ និង តម្លាភាពព្រមទាំងមានគុណប្រយោជន៍ដល់សាធារណជន។ ការទាមទារនេះ ធ្វើឡើងនៅក្នុងសមាជមហាជនរបស់គណបក្ស នៅទីលានប្រជាធិបតេយ្យ រាជធានីភ្នំពេញ ដោយមានអ្នកចូលរួមជិតមួយម៉ឺននាក់ មានទាំងព្រះសង្ឃ កម្មកររោងចក្រ កសិករ អាជីវករ និងមន្ត្រីរាជការជាដើម។ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ប្រាប់VOD នៅព្រឹកថ្ងៃចន្ទ ទី០៧ ខែតុលា នេះថា បច្ចុប្បន្នប្រព័ន្ធផ្សព្វផ្សាយក្នុងស្រុកដូចជា ទូរទស្សន៍ និងវិទ្យុមួយចំនួនមាននិន្នាការទៅរកគណបក្សកាន់អំណាច ដែលមិនឈរលើគោលការណ៍ឯករាជ្យ។ លោក បន្តថា ដូច្នេះ គណបក្សសង្គ្រោះជាតិ ទាមទារឲ្យរដ្ឋាភិបាលផ្តល់អាជ្ញាប័ណ្ណទូរទស្សន៍ និងវិទ្យុ ក្នុងការផ្តល់ព័ត៌មានពិតដល់សាធារណជន។ លោក យល់ថា ការផ្សាយព័ត៌មានពិតមានសារៈសំខាន់ណាស់ ជាពិសេសអាចនាំឲ្យប្រជាពលរដ្ឋ យល់ដឹង ហើយអាចជ្រើសរើសអ្នកដឹកនាំបានត្រឹមត្រូវដែលខ្លួនពេញចិត្ត ៖ ...
ជន ស្រីណុច និងដួង សុខា
http://vodhotnews.com/16549
លោក សម រង្ស៊ី ចេញទៅក្រៅប្រទេសនៅថ្ងៃចន្ទនេះ សម្រាប់នយោបាយការទូត
ប្រធានគណបក្សសង្គ្រោះជាតិ លោក សម រង្ស៊ី ប្រកាសថា លោកនឹងចេញទៅក្រៅប្រទេស នៅថ្ងៃចន្ទនេះ ប្រមាណជា២សប្តាហ៍ ដើម្បីជំរុញឲ្យសហគមន៍អន្តរជាតិ កុំទទួលស្គាល់រាជរដ្ឋាភិបាលកម្ពុជា និងរឹតបន្តឹងជំនួយមកកម្ពុជា។ លោកសម រង្ស៊ី ប្រកាសបែបនេះ កាលពីថ្ងៃអាទិត្យ នៅក្នុងសមាជមហាជន នៅទីលានប្រជាធិបតេយ្យ ជាការបង្ហាញជំហររបស់គណបក្ស និងកិច្ចការការទូតផ្សេងៗ ដែលលោក កំពុងតែធ្វើ។ ...
ស៊ុន ណារិន
http://vodhotnews.com/16542
លោក សម រង្ស៊ី នឹងចុះឈ្មោះក្នុងបញ្ជីឈ្មោះអ្នកបោះឆ្នោត នៅរសៀលម៉ោង២នេះ
ប្រធានគណបក្សសង្គ្រោះជាតិ លោក សម រង្ស៊ី នៅថ្ងៃចន្ទ វេលាម៉ោង២រសៀលនេះ នឹងទៅចុះឈ្មោះក្នុងបញ្ជីឈ្មោះបោះឆ្នោត។ សេចក្តីប្រកាសព័ត៌មានរបស់គណបក្ស សង្គ្រោះជាតិ ចេញនៅថ្ងៃទី០៧ ខែតុលា ឲ្យដឹងថា លោក សម រង្ស៊ី នឹងទៅចុះឈ្មោះក្នុងបញ្ជីឈ្មោះអ្នកបោះឆ្នោត នៅភូមិព្រែកតាគង់ទី១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ កន្លងទៅ លោក សម រង្ស៊ី មិនមានឈ្មោះជាបេក្ខជនជាប់ជាតំណាងរាស្ត្រ សម្រាប់នីតិកាលទី៥នេះទេ បើយោងតាមបញ្ជីឈ្មោះតំណាងរាស្ត្រជាប់ឆ្នោត ចេញផ្សាយដោយ គជប។លោក សម រង្ស៊ី មិនបានឈរឈ្មោះជាតំណាងរាស្ត្រ ដោយសារ គជប សម្រេចមិនចុះឈ្មោះលោក ពេលលោកមានជាប់ពិរុទ្ធរឿងដកតម្រុយបង្គោលព្រំដែន។ នៅពេលលោកត្រឡប់មកពីប្រទេសបារាំងវិញ មុនការបោះឆ្នោត ថ្ងៃទី២៨ខែកក្កដា គជប លើកឡើងថា វាយឺតពេលទៅហើយ ដោយសារការបោះឆ្នោត ខិតជិតមកដល់។ ...
ញ៉ែត ស្រីពៅ
http://vodhotnews.com/?p=article&id=16544&lang=kh
ជាម យៀប៖ ការជួបជុំរបស់គណបក្សសង្គ្រោះជាតិ ជាការចង់ឈ្នះដោយមិនគោរពច្បាប់
សមាជិកអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា ហៅការប្រមូលផ្តុំអ្នកគាំទ្ររបស់គណបក្សសង្គ្រោះជាតិនៅថ្ងៃអាទិត្យ ម្សិលមិញថា ជាការចង់ឈ្នះដោយ មិនគិតពីច្បាប់ និងផលប្រយោជន៍ជាតិ។ ថ្លែងក្នុងបទសម្ភាសន៍ជាមួយកម្មវិធីតុមូលរបស់VOD នៅថ្ងៃអាទិត្យម្សិលមិញ លោក ជាម យៀប សមាជិកអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា លើកឡើងថា ការធ្វើសមាជមហារបស់គណបក្សសង្គ្រោះជាតិ ធ្វើសង្គមបាត់បង់សន្តិសុខ សណ្តាប់ធ្នាប់ ឈានទៅរកសង្គមដែលមិនគោរពច្បាប់។ លោកបន្តថា ការស្វែងរកដំណោះស្រាយ បញ្ហានយោបាយមានវិធីសាស្ត្រច្រើនហើយមិនចាំបាច់ជ្រើសរើសយក ការប្រមូលផ្តុំនោះទេ។ ...
ពៅ មេត្ដា
http://vodhotnews.com/16543
សមាជមហាជនគណបក្សសង្គ្រោះជាតិ សម្រេចទាមទារ១០ចំណុច
សមាជមហាជនគណបក្សសង្គ្រោះជាតិ នៅថ្ងៃទី០៦ខែតុលានេះ បានសម្រេចនូវការទាមទារចំនួន ១០ចំណុច ដោយរកយុត្តិធម៌ជូនម្ចាស់ឆ្នោត និងទាមទារឲ្យមានការផ្លាស់ប្តូរតាមរយៈកែទម្រង់នូវគោលនយោបាយ និងស្ថាប័នជាតិសំខាន់ៗ ដើម្បីធានាការពារផលប្រយោជន៍ជាតិ និងផលប្រយោជន៍ប្រជាពលរដ្ឋ។ នៅក្នុងសេចក្តីសម្រេចរបស់សមាជមហាជន ដែលធ្វើឡើងតាំងពីម៉ោង២រសៀលរហូតដល់ម៉ោងជាង៥ល្ងាចថ្ងៃទី០៦ខែ តុលានេះ នៅទីលានប្រជាធិបតេយ្យ រាជធានីភ្នំពេញ បានឲ្យដឹងថា បន្ទាប់ពីបានស្តាប់នូវសេចក្តីថ្លែងគោលជំហររបស់គណបក្សសង្គ្រោះ ជាតិ និងយោបល់របស់ប្រជាពលរដ្ឋ ជុំវិញស្ថានភាពនយោបាយបច្ចុប្បន្ន អង្គសមាជមហាជនបានសម្រេច ទាមទារឲ្យគណបក្សសង្គ្រោះជាតិបន្តស្វែងរកយុត្តិធម៌ជូនមហាជនជា ម្ចាស់ឆ្នោត តាមរយៈការធ្វើមហាបាតុកម្មជាទ្រង់ទ្រាយធំទូទាំងប្រទេស ធ្វើនយោបាយការទូតឲ្យទូលំទូលាយ ធ្វើញត្តិរាប់លានស្នាមមេដៃ ដាក់ជូនអង្គការសហប្រជាជាតិ និងប្រទេសជាម្ចាស់ហត្ថលេខីនៃកិច្ចព្រមព្រៀងទីក្រុងប៉ារីស២៣តុលា ១៩៩១។ ...
ពេជ្រ សុធារី
http://vodhotnews.com/16536
វិភាគ៖ ការមិនមានឯកភាពនយោបាយនាំឲ្យកម្ពុជាប្រឈមទាំងបញ្ហាក្នុង និងក្រៅប្រទេស
ការបោះឆ្នោតថ្នាក់ជាតិអាណត្តិទី៥ កាលពីថ្ងៃទី២៨ ខែកក្កដា មករហូតដល់ដើមខែតុលានេះ គឺជាង២ខែហើយតែមិនទាន់មានពន្លឺណា ដែលបង្ហាញពីច្រកចេញនៃការខ្វែងគំនិតរវាងថ្នាក់ដឹកនាំគណបក្ស ទាំងពីរ ដែលទទួលបានអាសនៈក្នុងរដ្ឋសភា គឺគណបក្សប្រជាជនកម្ពុជា និងគណបក្សសង្គ្រោះជាតិ នៅឡើយ។ សម្រាប់ លោក កែម ឡី អ្នកស្រាវជ្រាវការអភិវឌ្ឍន៍សង្គមធ្លាប់លើកឡើងថា ការពន្យារពេលជាការប្រសើរព្រោះអាចឲ្យគណបក្សទាំងពីរ មានពេលគ្រប់គ្រាន់ដោះស្រាយបញ្ហានៅសេសសល់ឲ្យអស់ ដើម្បីកុំឲ្យបញ្ហារបៀបនេះ កើតមាននៅពេលបោះឆ្នោតក្រោយៗទៀត។ តែចំណុចចោទត្រង់ថា បច្ចុប្បន្នការចរចារបស់គណបក្សទាំងពីរហាក់ដូចជា ដល់ផ្លូវមួយទាល់ច្រក គឺមួយបង្កើតសភា និងរដ្ឋាភិបាលម្នាក់ឯង ចំណែកមួយទៀតទន្ទេញតែពាក្យបាតុកម្មៗ។ ...
ពៅ មេត្ដា
http://vodhotnews.com/16502
គណបក្សសង្គ្រោះជាតិ ទាមទារឲ្យ គជប លើកពេលឬពន្យារពេលការពិនិត្យនិងចុះឈ្មោះបោះឆ្នោត
គណបក្សសង្គ្រោះជាតិ ទាមទារឲ្យគណៈកម្មាធិការជាតិរៀបចំការបោះឆ្នោត លើកពេលការពិនិត្យបញ្ជីឈ្មោះ និងចុះឈ្មោះបោះឆ្នោត ដែលបានកំណត់ធ្វើចាប់ពីថ្ងៃទី០១ដល់ថ្ងៃទី២០ខែតុលានេះ ខណៈពេលកម្ពុជាកំពុងរងគ្រោះដោយសារទឹកជំនន់ និងស្របពេលដែលគណបក្សទាំងពីរនឹងពិភាក្សាទាក់ទងនឹងបញ្ហាការ បោះឆ្នោតនៅថ្ងៃខាងមុខ។ នៅក្នុងសេចក្តីថ្លែងការណ៍របស់គណបក្ស សង្គ្រោះជាតិ ចេញផ្សាយនៅថ្ងៃទី០១ខែតុលានេះ បានសរសេរថា គណបក្សសង្គ្រោះជាតិ ទាមទារឲ្យមានការកែទម្រង់ស៊ីជម្រៅទាក់ទងនឹងការបោះឆ្នោត ដែលគណបក្សទាំងពីរ គឺគណបក្សសង្គ្រោះជាតិ និងគណបក្សប្រជាជនកម្ពុជា ដែលមានអសនៈក្នុងសភា ត្រូវពិភាក្សាគ្នានៅពេលខាងមុខ។ សេចក្តីថ្លែងការណ៍ បន្តថា នៅចំពោះមុខ គណបក្សសង្គ្រោះជាតិ ទាមទារឲ្យលើកពេល ឬពន្យារពេល ការពិនិត្យបញ្ជីឈ្មោះ និងចុះឈ្មោះបោះឆ្នោត ដែលគណៈកម្មាធិការជាតិរៀបចំការបោះឆ្នោត បានកំណត់ធ្វើចាប់ពីថ្ងៃទី០១ដល់ថ្ងៃទី២០ ខែតុលា ឆ្នាំ២០១៣ ព្រោះជារដូវវស្សា ហើយពលរដ្ឋកំពុងរងគ្រោះដោយសារទឹកជំនន់។ ...
ពេជ្រ សុធារី
http://vodhotnews.com/?p=article&id=16495&lang=kh
សង្គមស៊ីវិល និងអ្នកវិភាគ៖ ញត្តិរបស់ពលរដ្ឋស្នើឲ្យ UN ដោះស្រាយភាពមិនប្រក្រតីនៃការបោះឆ្នោត អាចមានប្រសិទ្ធិភាព
សង្គមស៊ីវិល និងអ្នកវិភាគ យល់ថា គម្រោងដាក់ញត្តិពលរដ្ឋរបស់គណបក្សសង្គ្រោះជាតិ ទៅអង្គការសហប្រជាជាតិ (UN) ដើម្បីឲ្យជួយអន្តរាគមន៍ និងធ្វើជាអាជ្ញាកណ្តាល ដោះស្រាយភាពមិនប្រក្រតី នៃការបោះឆ្នោតកាលពីថ្ងៃទី២៨ ខែកក្កដា ឆ្នាំ២០១៣ អាចនឹងមានប្រសិទ្ធិភាព បើគណបក្សនេះមានភស្តុតាងគ្រប់គ្រាន់។ សេចក្តីប្រកាសព័ត៌មានរបស់គណបក្ស សង្គ្រោះជាតិ ចុះថ្ងៃទី២៨ ខែកញ្ញា ឆ្នាំ២០១៣ ឲ្យដឹងថា គណបក្សគ្រោងធ្វើសមាជមហាជន នៅទីលានប្រជាធិបតេយ្យ រាជធានីភ្នំពេញ នៅថ្ងៃទី០៦ ខែតុលាខាងមុខ។ បន្ទាប់ពីសមាជ គណបក្សក៏គ្រោងនឹងប្រមូលស្នាមមេដៃប្រជាពលរដ្ឋ ប្រមាណជាង៣លាននាក់ ធ្វើជាញត្តិដាក់ជូនអង្គការសហប្រជាជាតិ និងប្រទេសហត្ថលេខី នៃកិច្ចព្រមព្រៀងទីក្រុងបារីស ២៣ តុលា ១៩៩១ ឲ្យជួយរកយុត្តិធម៌ជូនម្ចាស់ឆ្នោត ឲ្យស្របតាមកិច្ចព្រមព្រៀងនេះ តាមរយៈតំណាងរបស់ឧត្តមស្នងការអង្គការសហប្រជាជាតិប្រចាំនៅកម្ពុជា។ ...
ណាត សុភាព និង ដួង សុខា
http://vodhotnews.com/?p=article&id=16454&lang=kh
លោកហ៊ុន សែនសម្រាលការរិះគន់
ភ្នំពេញៈ លោក ហ៊ុន សែន ដែលចាប់ផ្តើមធ្វើជានាយករដ្ឋមន្ត្រីជាថ្មីទៀតសម្រាប់អាណត្តិ ទី ៥ កាលពីម្សិលមិញ បានការពារដំណើរការប្រជុំសភា ដែលមានតំណាងរាស្ត្រមកពីគណបក្សប្រជាជនតែមួយ និងហាក់ដូចជាបានសម្រាល ចំពោះការរិះគន់ពីគណបក្សសង្គ្រោះជាតិ ដែលបានធ្វើពហិការការបើកសម័យប្រជុំសភាលើកដំបូងកាលពីថ្ងៃចន្ទ។ លោក ហ៊ុន សែន បានថ្លែងថា៖ «ពួកគេនិយាយថា ដោយសារមានគណបក្សតែមួយ កិច្ចប្រជុំរបស់យើងខុសច្បាប់។ ប៉ុន្តែនៅក្នុងការបើកកិច្ចប្រជុំសភាថ្ងៃនេះ និងម្សិលមិញ មិនមានការបិទទ្វារចាក់សោរារាំងតំណាងរាស្រ្តពីគណបក្សដទៃ មិនឲ្យចូលរួមនោះទេ»។ «យើងមិនអាចក្លាយជាចំណាប់ខ្មាំង របស់នរណាម្នាក់ទេ យើងអនុវត្តក្របខ័ណ្ឌរដ្ឋធម្មនុញ្ញ នៃព្រះរាជាណាចក្រកម្ពុជា»។ ក្នុងអំឡុងសម័យប្រជុំ ៤០ នាទី កាលពីម្សិលមិញ តំណាងរាស្រ្តរបស់គណបក្សប្រជាជនកម្ពុជាទាំង ៦៨ រូប បានបោះឆ្នោតតែងតាំងថ្នាក់ដឹកនាំសភា និងអនុម័តតែងតាំងសមាជិកគណៈរដ្ឋមន្រ្តីថ្មី។ លោក ហេង សំរិន បានជាប់ឆ្នោតជាថ្មីជាប្រធាន សភា ហើយលោក ងួន ញ៉ិល បានជាប់ឆ្នោតជាថ្មីជាអនុប្រធានទីមួយចំណែកឯលោកស្រី ឃួន សុដារី ...
មាស សុខជា
http://www.postkhmer.com/index.php/national/1-national-news/104390-2013-09-25-03-00-59
លោក សម រង្ស៊ី បកស្រាយពីការចរចាបែងចែកអំណាចជាមួយគណបក្សប្រជាជនកម្ពុជា
ប្រធានគណបក្សសង្គ្រោះជាតិ លោក សម រង្ស៊ី នៅព្រឹកថ្ងៃពុធនេះ បកស្រាយលម្អិតពាក់ព័ន្ធនឹងកិច្ចជួបប្រជុំបែងចែកអំណាចជាមួយ ថ្នាក់ដឹកនាំគណបក្សប្រជាជនកម្ពុជា ថាជាការរៀបចំបណ្តោះអាសន្ន ដើម្បីដោះស្រាយបញ្ហា និងស្វែងរកការពិតជូនម្ចាស់ឆ្នោតតែប៉ុណ្ណោះ។ ក្នុងសន្និសីទសារព័ត៌មាន នៅព្រឹកថ្ងៃទី២៥ ខែកញ្ញានេះ លោក សម រង្ស៊ី ថ្លែងថា ការចរចាតំណែងក្នុងរដ្ឋសភា ក្នុងកិច្ចប្រជុំជាមួយថ្នាក់ដឹកនាំកំពូលគណបក្សប្រជាជនកម្ពុជា កាលពីថ្ងៃទី១៧ ខែកញ្ញា គឺគ្រាន់តែជាការសុំឲ្យមានតុល្យភាពអំណាច និងបញ្ជាក់ពីជោគជ័យរបស់គណបក្សឈ្នះឆ្នោតទាំងពីរតែប៉ុណ្ណោះ។ លោកបន្ថែមថា ការចរចាសុំតុល្យភាពអំណាចនេះ គឺធ្វើឡើងជាបណ្តោះអាសន្ន ដើម្បីរក្សាស្ថិរភាពនយោបាយ ឈានទៅរកការដោះស្រាយភាពជាប់គាំងផ្នែកនយោបាយ ភាពមិនប្រក្រតីនៃការបោះឆ្នោត និងស្វែងរកការពិតជូនម្ចាស់ឆ្នោត។ ...
តាំង វីដា និង ស៊ុន ណារិន
http://vodhotnews.com/16364
