ការទម្លាក់គ្រាប់បែករបស់សហរដ្ឋអាមេរិកនៅប្រទេសកម្ពុជា (១៩៦៥-១៩៧៥)
ការទម្លាក់គ្រាប់បែករបស់សហរដ្ឋអាមេរិកនៅប្រទេសកម្ពុជា (១៩៦៥-១៩៧៥)
ទិន្នន័យភូមិសាស្ត្របង្ហាញពីទីតាំងចំនួន ១១៥,២៧៣ កន្លែង ដែលត្រូវបានកំណត់ជាគោលដៅនៅក្នុងការចេញទៅប្រហារ ទម្លាក់គ្រាប់បែករបស់សហរដ្ឋអាមេរិក ចំនួន ២៣១,៤៦៧ លើក មកលើប្រទេសកម្ពុជា នៅចន្លោះ ខែតុលា ឆ្នាំ ១៩៦៥ និង ខែឧសភា ឆ្នាំ ១៩៧៥ ដោយទម្លាក់គ្រាប់បែកជារំសេវមានទម្ងន់ ២,៧៥៧,១០៧ តោន។ ទិន្នន័យនេះមានផ្ទុកព័ត៌មានដូចជា កាលបរិច្ឆេទនៃការទម្លាក់, ទីតាំងជាក់លាក់, ចំនួន និងប្រភេទយន្តហោះចម្បាំងនៅក្នុងការវាយប្រហារនេះ ទម្ងន់ផ្ទុកគ្រាប់បែក និងប្រភេទយុទ្ធភ័ណ្ឌ, ប្រភេទគោលដៅ និងការវាយតម្លៃពីការខូចខាតដោយគ្រាប់បែក (BDA)។ គ្រាប់បែកវាយប្រហារនីមួយៗអាចមានទម្ងន់ចាប់ពី 10 Ibs រហូតដល់រាប់ពាន់តោន។ សំណុំទិន្នន័យនេះក៏ផ្តល់ព័ត៌មានលម្អិតពីយន្តហោះចម្បាំង ៤២ ប្រភេទដែលបានប្រតិបត្តិការ ដែលរួមបញ្ជូលទាំង B-52 និងយុទ្ធភ័ណ្ឌចំនួន ១៨៨ ប្រភេទដែលពួកគេបានទម្លាក់ រួមទាំងគ្រាប់បែកកំរាលព្រំ (Carpet bombs)ទម្ងន់ ៥០០ Ibs, គ្រាប់បែកចង្កោម គ្រាប់បែកភ្លើង និង គ្រាប់បែកទម្ងន់ ១០០០ Ib. ជាដើម។
License: CC-BY-3.0-IGO
Open Development Cambodia (ODC) | https://opendevelopmentcambodia.net/km/layers/us-bombing-in-cambodia-1965-1975/
Created date: ថ្ងៃទី ២២ ខែធ្នូ ឆ្នាំ២០២៤
