អ្នកស្ម័គ្រចិត្ត និងអ្នកហាត់ការ

សឹម​ លីន,​ 

​សាកលវិទ្យាល័យភូមិន្ទភ្នំពេញ & សាកលវិទ្យាល័យជាតិគ្រប់គ្រង

​​អ្នក​ហាត់​ការ​ស្រាវជ្រាវផ្នែកសហគមន៍នេសាទ​,​ មីនា​-សីហា​ ២០២៤

​លី​ន​ គឺជា​អ្នក​ហាត់​ការ​ផ្នែក​ស្រាវជ្រាវ​សហគមន៍​នេសាទ​នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​។​ បច្ចុប្បន្ន​ លី​ន​កំពុង​សិក្សា​ផ្នែក​វិទ្យាសាស្ដ្រ​បរិស្ថាន​ នៅសាកលវិទ្យាល័យ​ភូមិន្ទ​ភ្នំពេញ និង​ផ្នែក​ភាសា​អង់គ្លេស​ នៅ​សាកលវិទ្យាល័យ​ជាតិ​គ្រប់គ្រង​។​ លី​ន​បាន​ចូលហាត់​ការ​នៅ​អង្គការ​អូ​ឌី​ស៊ីនៅខែមីនា​ ដែលជាការងារ​ដំបូង​ និង​ជា​ចំណង់​ចំណូលចិត្ត​។​ លី​ន​រំពឹង​ថា​នឹង​ទទួល​បាន​នូវ​បទ​ពិសោធន៍​ដ៏​មាន​តម្លៃ​ និង​ពង្រីក​ចំណេះដឹង​ និង​ជំនាញ​របស់​ខ្លួន​ជាមួយ​ក្រុមការងា​អូ​ឌី​ស៊ី​តាម​រយៈ​ការ​ហាត់​ការ​នេះ​។​

 

ហ៊ូ​ច​ រ៉េ​ត​ឈី​ (Hugh​ Ritchie),​ 

​សាកលវិទ្យាល័យ​ជាតិ​អូស្ត្រាលី​ (ANU)

​​អ្នក​ហាត់​ការ​ស្រាវជ្រាវ​ផ្នែកច្បាប់​,​ មក​រា​-​កុម្ភៈ​ ២០២៤

​ហ៊ូ​ច​ រ៉េ​ត​ឈី​ គឺជា​និស្សិត​ឆ្នាំ​ទី​៤​ ផ្នែក​នីតិសាស្ត្រ​សេដ្ឋកិច្ច​នៅ​សាកលវិទ្យាល័យ​ជាតិ​អូស្ត្រាលី​។​ លោក​ចាប់អារម្មណ៍​ជា​ខ្លាំង​លើ​ការ​អភិវឌ្ឍ​សេដ្ឋកិច្ច​ និង​គោលនយោបាយ​សាធារណៈ​។​ ហ៊ូ​ច​បាន​ចាប់ផ្តើម​ធ្វើការ​នៅ​ ODC​ ក្នុង​ខែមករា​ ឆ្នាំ​២០២៤​ ហើយ​គាត់​កំពុង​ស្រាវជ្រាវ​អំពី​ភាព​ប្រទាក់ក្រឡា​គ្នា​នៃ​វិស័យ​ពន្ធដារ​ដែល​សហគ្រាស​ធុន​តូច​ និង​មធ្យម​នៅ​កម្ពុជា​កំពុង​ប្រឈម​ និង​ស្វែងរក​ដំណោះស្រាយ​ដែល​ប្រកបដោយ​ន​វា​នុ​វត្ត​ភាព​។​ លោក​ជឿជាក់​ថា​ការ​ធ្វើការ​នៅ​ ODC​ នឹង​ក្លាយជា​ឱកាស​ដ៏​ល្អ​មួយ​ក្នុង​ការ​អភិវឌ្ឍ​យុទ្ធសាស្ត្រ​ដើម្បី​ដោះស្រាយ​បញ្ហា​ស្មុគស្មាញ​នៅ​ក្នុង​បរិយាកាស​ថ្មី​ និង​គួរ​ឱ្យ​ចាប់អារម្មណ៍​នេះ​។​

 

ម៉ៃ​ស៊ី​ ឡា​ម​-​ផូ​-​តាំង​ (Maisy​ Lam-Po-Tang),​ 

​សាកលវិទ្យាល័យ​ជាតិ​អូស្ត្រាលី​ (ANU)

​​អ្នក​ហាត់​ការ​ស្រាវជ្រាវ​ផ្នែកច្បាប់​,​ មក​រា​-​កុម្ភៈ​ ២០២៤

ម៉ៃ​ស៊ី​ គឺជា​អ្នក​ហាត់​ការ​ស្រាវជ្រាវ​ផ្នែក​ច្បាប់​នៅ​ អង្គការ​ទិន្នន័យ​អំពី​ការ​អភិវឌ្ឍ​ (ODC)​។​ នាង​ជា​និស្សិត​ឆ្នាំ​ទី​៥​ នៅ​សាកលវិទ្យាល័យ​ជាតិ​អូស្ត្រាលី​ ជា​កន្លែង​ដែល​នាង​កំពុង​បញ្ចប់​បរិញ្ញាបត្រ​ផ្នែក​នីតិសាស្ត្រ​ និង​បរិញ្ញាបត្រ​សិល្បៈ​ឯកទេស​សង្គមវិទ្យា​ យេ​ន​ឌ័​រ​ និង​ផ្លូវភេទ​។​ នាង​ចាប់អារម្មណ៍​ខ្លាំង​ទៅ​លើ​ផ្នែក​នីតិសាស្ត្រ​ជា​ពិសេស​ច្បាប់​កម្មសិទ្ធិបញ្ញា​ ច្បាប់កិច្ចសន្យា​ ច្បាប់​ប្រកួតប្រជែង​ និង​ច្បាប់ព្រហ្មទណ្ឌ​។​

​ម៉ៃ​ស៊ី​ បាន​ចូលរួម​ជាមួយ​ ODC​ ក្នុង​ខែមករា​ ឆ្នាំ​២០២៤​ ហើយ​បាន​និង​កំពុង​ស្រាវជ្រាវ​ក្របខ័ណ្ឌ​ ទំនួល​ខុស​ត្រូវ​សង្គម​សាជីវកម្ម​ (CSR)​ និង​ បរិស្ថាន​ សង្គម​ និង​អភិបាលកិច្ច​ (ESG)​ និង​របៀប​ដែល​ក្របខ័ណ្ឌ​ទាំងនេះ​អាច​ត្រូវ​បាន​ប្រើប្រាស់​ដើម្បី​វាស់វែង​ការ​អនុវត្ត​ធុរកិច្ច​ប្រកបដោយ​ការ​ទទួលខុសត្រូវ​នៃ​ការ​វិនិយោគ​បរទេស​នៅ​កម្ពុជា​។​ ការ​ស្រាវជ្រាវ​នេះ​ក៏​ស្វែង​យល់​ពី​បញ្ហា​ប្រឈម​នានា​ទាក់ទង​នឹង​ការ​ចូល​ប្រើ​ទិន្នន័យ​ ESG​ និង​គុណភាព​ទិន្នន័យ​ និន្នាការ​ប្រឆាំង​នឹង​ ESG​ និង​កង្វះ​ច្បាប់​រឹង​នៅ​ក្នុង​ផ្នែក​នេះ​។​​

 

ហេ​ឡេ​ណា​ ប្រាន់​ខឺ​ (Helena​ Brunker),​ 

​សាកលវិទ្យាល័យ​ជាតិ​អូស្ត្រាលី​ (ANU)

​​អ្នក​ហាត់​ការ​ស្រាវជ្រាវ​ផ្នែកច្បាប់​,​ មក​រា​-​កុម្ភៈ​ ២០២៤

ហេ​ឡេ​ណា​ កំពុង​សិក្សា​ក្នុង​ឆមាស​ចុង​ក្រោយ​របស់​នាង​នៃ​សញ្ញាបត្រ​ទ្វេរ​ផ្នែក​នីតិសាស្ត្រ​ និង​សិល្បៈ​ នៅ​សាកលវិទ្យាល័យ​ជាតិ​អូស្ត្រាលី​។​ បច្ចុប្បន្ន​នាង​កំពុងធ្វើការ​ជា​ជំនួយការ​មេធាវី​ក្នុង​វិវាទ​ដែល​មាន​ឯកទេស​លើ​ផល​ប៉ះពាល់​នៃ​ការ​បំពាន​ទិន្នន័យ​ និង​សន្តិសុខ​តាម​អ៊ីនធឺណិត​សម្រាប់​ក្រុមហ៊ុន​ពហុ​ជាតិ​។​ នាង​ធ្លាប់​បម្រើ​ការ​ជា​ជំនួយការ​ស្រាវជ្រាវ​នៅ​ព្រឹទ្ធសភា​អូស្ត្រាលី​ ដោយ​សិក្សា​ពី​ឥទ្ធិពល​ផ្នែក​នីតិ​ប្បញ្ញា​ត្តិ​នៃ​ច្បាប់​នានា​ស្តី​ពី​នីតិភាព​នៃ​ការ​រួម​ភេទ​ប្រកបដោយ​វត្តមាន​នៃ​ការ​ព្រមព្រៀង​នៅ​ប្រទេស​អូស្ត្រាលី​។​ នាង​ក៏​បាន​ធ្វើការ​ស្ម័គ្រចិត្ត​នៅ​ការិយាល័យ​ផ្នែក​គាំពារ​រង​គ្រោះ​នៃ​រដ្ឋាភិបាល​អូស្ត្រាលី​ (Victim​ Support​ ACT)​ ដោយ​ជួយ​ជន​រង​គ្រោះ​នៃ​ឧក្រិដ្ឋកម្ម​ផ្សេងៗ​ តាម​រយៈ​ការ​សម្របសម្រួល​ដល់​ជន​រង​គ្រោះ​ក្នុង​សាល​សវនាការ​ និង​ធ្វើការ​ជាមួយ​គណៈកម្មការ​សិទ្ធិ​មនុស្ស​ប្រចាំ​ការិយាល័យ​ផ្នែក​គាំពារ​រង​គ្រោះ​នោះ​ផង​ដែរ​ ហេ​ឡេ​ណា​ កំពុង​ ហាត់​ការ​ផ្នែក​ច្បាប់​នៅ​ ODC​ ដោយ​ធ្វើការ​ត្រួតពិនិត្យ​យ៉ាង​ទូលំទូលាយ​លើ​លក្ខខណ្ឌ​ប្រើប្រាស់​ និង​កំណត់សម្គាល់​របស់​ ODC​ ដើម្បី​ស្រប​តាម​ការ​ផ្លាស់​ប្តូរ​ថ្មីៗ​នៃ​ច្បាប់​ជាតិ​ និង​អន្តរជាតិ​ទាក់ទង​នឹង​ទិន្នន័យ​បើក​ទូលាយ​ និង​បច្ចេកវិទ្យា​ឌី​ជី​ថ​ល​។​ នាង​សង្ឃឹមថានឹង​ផ្តល់​នូវ​អនុសាសន៍​ និង​ទិស​ដៅ​នា​ពេល​អនាគត​សម្រាប់​ប្រតិបត្តិការ​ប្រកបដោយ​ប្រសិទ្ធភាព​ជូន​ដល់​បណ្តា​អង្គការ​នានា​ ដែល​ធ្វើការ​ពាក់ព័ន្ធ​នឹង​ទិន្នន័យ​បើក​ទូលាយ​នៅ​កម្ពុជា​ ដូច​ជា​ ODC​ ដែរ​។​

 

ក្លូ​អ៊ី​ ហេ​ន​នី​ហ្គឺ​ (Chloe​ Heiniger),​ 

​សាកលវិទ្យាល័យ​ជាតិ​អូស្ត្រាលី​ (ANU)

​​អ្នក​ហាត់​ការ​ស្រាវជ្រាវ​ផ្នែកច្បាប់​,​ មក​រា​-​កុម្ភៈ​ ២០២៤

​ក្លូ​អ៊ី​ ទើបតែ​បាន​បញ្ចប់​ឆ្នាំ​ទី​៣​ ផ្នែក​នីតិសាស្ត្រ​និង​សេដ្ឋកិច្ច​នៅ​សាកលវិទ្យាល័យ​ជាតិ​អូស្ត្រាលី​នៅ​ទីក្រុង​កង់​បេ​រ៉ា​។​ នាង​បាន​ធ្វើការ​ស្ម័គ្រចិត្ត​ជាមួយ​អង្គការ​មួយ​ចំនួន​ ដែល​ធ្វើការ​គាំទ្រ​ដល់​ជន​ងាយ​រង​គ្រោះ​ក្នុង​សង្គម​ តួយ៉ាង​ដូច​ជា​កាលដែល​នាង​បម្រើ​ការ​ឱ្យ​ANU​ Tax​ Clinic​ នាង​បាន​ជួយ​ដល់​អាជីវកម្ម​ខ្នាត​តូច​របស់​ជនជាតិ​ដើម​ភាគតិច​ទាក់ទង​នឹង​រចនាសម្ព័ន្ធ​ពន្ធ​សាជីវកម្ម​របស់​ពួក​គេ​ ហើយ​បន្ទាប់​មក​នាង​ក៏​បាន​ធ្វើការ​ជាមួយ​ St​ Vincent’s​ ជា​កន្លែង​ដែល​នាង​ជួយ​កូនៗ​របស់​ជនភៀសខ្លួន​ និង​ឪពុក​ម្តាយ​ដែល​ជា​ជន​ទេ​សន្តរ​ប្រ​វ​សន៍​ឱ្យ​ចេះ​អាន​។​ នៅ​អង្គការ​ទិន្នន័យ​អំពី​ការ​អភិវឌ្ឍ​ (ODC)​ នាង​បាន​ធ្វើការ​ផ្តោត​លើ​ច្បាប់​ និង​គោលនយោបាយ​ពាក់ព័ន្ធ​នឹង​លទ្ធភាព​ប្រើប្រាស់​អ៊ីនធឺណិត​នៅ​កម្ពុជា​ និង​ឥទ្ធិពល​ដែល​រេ​ខូ​ប​នី​យ​កម្ម​មាន​លើ​ប្រជាជន​កម្ពុជា​ដែល​ងាយ​រង​គ្រោះ​នៅ​តាម​តំបន់​ជនបទ​។​ នាង​បាន​ចុះ​កម្មសិក្សា​នៅ​ ODC​ ចាប់ពី​ថ្ងៃ​ទី​៩​ ខែមករា​ ដល់​ថ្ងៃ​ទី​១៦​ ខែកុម្ភៈ​ ឆ្នាំ​២០២៤​។​

 

ជឿន​ តា​រ៉ា,​ 

​វិទ្យាស្ថាន​បច្ចេក​វិទ្យា​កម្ពុជា​​

​​អ្នក​ហាត់​ការ​ស្រាវជ្រាវ​ផ្នែក​ស្រាវជ្រាវ​ទិន្នន័យ​ និង​ប្រព័ន្ធ​ព័ត៌មាន​ភូមិសាស្ត្រ (GIS),​ សីហា​ -​ តុលា​ ២០២៣

​ជឿន​ តា​រ៉ា​ ជា​និស្សិត​ឆ្នាំ​ទី​៤​ នៅ​មហាវិទ្យាល័យ​ធនធាន​រ៉ែ​ និង​ភូ​គ​ភ្ព​សាស្ត្រ​ នៃ​វិទ្យាស្ថាន​បច្ចេកវិទ្យា​កម្ពុជា​ ហើយ​ជា​អ្នក​ហាត់​ការ​ស្រាវជ្រាវ​ផ្នែក​ស្រាវជ្រាវ​ទិន្នន័យ​ និង​ ប្រព័ន្ធ​ព័ត៌មាន​ភូមិសាស្ត្រ​ (GIS) នៅ​អង្គការ​ទិន្នន័យ​អំពី​ការ​អភិវឌ្ឍ​។​ តា​រ៉ា​បាន​ចូលរួម​ហាត់​ការ​ក្នុង​ការ​ប្រមូល​ទិន្នន័យ​ បញ្ចូល​ទិន្នន័យ​ ការ​ធ្វើ​ផែនទី​ទិន្នន័យ​ភូមិសាស្ត្រ​ ព្រមទាំង​បាន​ចូលរួម​សកម្មភាព​នានា​ ជាមួយ​ក្រុមការងារ​ អូ​ឌី​ស៊ី​ ដើម្បី​បើក​ទូលាយ​ទិន្នន័យ​នៅ​ក្នុង​ប្រទេស​កម្ពុជា​បន្ថែម​ទៀត​។​ តា​រ៉ា​ចូលរួម​ហាត់​ការ​ជាមួយ​អូ​ឌី​ស៊ី​កាលពី​ថ្ងៃ​ទី​២១​ ខែសីហា​ ឆ្នាំ​២០២៣​ ដល់​ ថ្ងៃ​ទី​២០ ខែតុលា ឆ្នាំ​២០២៣​។​

“​អូ​ឌី​ស៊ី​ ពិតជា​បាន​ផ្តល់​នូវ​ឱកាស​ដ៏​ល្អ​សម្រាប់​ខ្ញុំ​ ដើម្បី​អាច​ស្វែង​យល់​ពី​ការ​បើក​ទូលាយ​ទិន្នន័យ​ និង​ទិដ្ឋភាព​នៃ​ការ​អភិវឌ្ឍ​នៅ​ក្នុង​ប្រទេស​កម្ពុជា​។​ ការ​ហ្វឹកហាត់​ការងារ​នេះ​ ក៏​បាន​ផ្តល់​ឱ្យ​ខ្ញុំ​នូវ​បទ​ពិសោធន៍​នៃ​ការ​ធ្វើ​ការងារ​ជា​ក្រុម​ ដើម្បី​សហការ​គ្នា​ដោះស្រាយ​បញ្ហា​ និង​កិច្ច​ខិតខំ​ប្រឹងប្រែង​ដើម្បី​បំពេញ​កិច្ច​ការងារ​មួយ​ប្រកបដោយ​ប្រសិទ្ធភាព​។​ ខ្ញុំ​បាន​រៀនសូត្រ​យ៉ាងច្រើន​នៅ​អូ​ឌី​ស៊ី​ ហើយ​ខ្ញុំ​ពិតជា​ត្រេកអរ​ខ្លាំង​ណាស់​សម្រាប់​ឱកាស​នេះ​”​។​​

 

ជុងអ៊ុន ជូលៀ អាន (Jeongeun​ Julia​ An)​,​ 

សាកលវិទ្យាល័យ​ជ័​ច​មេ​សិន​

​​អ្នក​ហាត់​ការ​ស្រាវជ្រាវ​ផ្នែក​ច្បាប់​,​ មិថុនា​ -​ កក្កដា​ ២០២៣

ជុង​អ៊ុ​ន​ ជូ​លៀ​ អាន​ គឺជា​អ្នក​ហាត់​ការ​ផ្នែក​ស្រាវជ្រាវ​ផ្នែក​ច្បាប់​នៅ​អង្គការ​ទិន្នន័យ​អំពី​ការ​អភិវឌ្ឍ​។​ បច្ចុប្បន្ន​នាង​សិក្សា​ច្បាប់​នៅ​សាលា​ច្បាប់​អាន​តូ​នី​ន​ស្កា​លៀ​ នៃ​សាកលវិទ្យាល័យ​ជ័​ច​មេ​សិន​។​ នាង​រំពឹង​ថា​នឹង​បញ្ចប់បរិញ្ញាបត្រជាន់ខ្ពស់នីតិសាស្ត្រ (Juris Doctor) នៅ​ឆ្នាំ​២០២៥​​។​ នាង​ចាប់អារម្មណ៍​លើ​ច្បាប់​ផលប្រយោជន៍​សាធារណៈ​ ច្បាប់​អន្តរជាតិ​ និង​ច្បាប់​សិទ្ធិ​មនុស្ស​។​ ជូ​លៀ​ បាន​ចូលរួម​ជាមួយ​អូ​ឌី​ស៊ី​នៅ​ដើមខែ​មិថុនា​ ហើយ​បាន​ធ្វើការ​លើ​គម្រោង​ស្រាវជ្រាវ​អំពី​ផល​ប៉ះពាល់​នៃ​ការ​វិនិយោគ​បរទេស​លើ​សមភាព​យេ​ន​ឌ័​រ​របស់​កម្មករ​កម្ពុជា​ក្នុង​វិស័យ​ផលិតកម្ម​ ជាមួយនឹង​ករណី​សិក្សា​នៅ​តំបន់​សេដ្ឋកិច្ច​ពិសេស​ស្វាយ​រៀង​។​

 

សៀម​ សាន់​,​ 

សាកលវិទ្យាល័យ​ភូមិន្ទ​កសិកម្ម​​​

​​អ្នក​ហាត់​ការ​ស្រាវជ្រាវ​ផ្នែក​ស្រាវជ្រាវ​ទិន្នន័យ​ និង​ប្រព័ន្ធ​ព័ត៌មាន​ភូមិសាស្ត្រ​ (GIS),​ ឧសភា​ -​ វិច្ឆិកា​ ២០២៣

សៀម​ សាន់​ ជា​និស្សិត​ឆ្នាំ​ទី​៣​ នៅ​មហាវិទ្យាល័យ​រៀបចំ​ដែនដី​និង​រដ្ឋបាល​ដីធ្លី​នៃ​សាកលវិទ្យាល័យ​ភូមិន្ទ​កសិកម្ម​ ហើយ​ជា​អ្នក​ហាត់​ការ​ស្រាវជ្រាវ​ផ្នែក​ស្រាវជ្រាវ​ទិន្នន័យ​ និង​ប្រព័ន្ធ​ព័ត៌មាន​ភូមិសាស្ត្រ (GIS)​។​ សាន់​មាន​តួនាទី​ក្នុង​ការ​ប្រមូល​ទិន្នន័យ​ បញ្ចូល​ទិន្នន័យ​ និង​ធ្វើការ​ជាមួយនឹង​ទិន្នន័យ​ភូមិសាស្ត្រ​សម្រាប់​បង្កើត​ជា​សំណុំ​ទិន្នន័យ​នៅ​តាម​វិស័យ​នានា​ក្នុង​ប្រទេស​កម្ពុជា​ សម្រាប់​គេហទំព័រ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​ និង​ចូលរួម​សកម្មភាព​ផ្សេងៗ​ជាមួយ​ក្រុមការងារ​ អូ​ឌី​ស៊ី​។​ សាន់ ​បាន​ចូលរួម​ហាត់​ការ​ជាមួយ​អូ​ឌី​ស៊ី​កាលពី​ថ្ងៃ​ទី​១៩​ ខែឧសភា​ ឆ្នាំ​២០២៣​ ដល់​ ថ្ងៃ​ទី​១៨​ ខែវិច្ឆិកា​ ឆ្នាំ​២០២៣​។​​​

 

​ម៉េ​ត​ធ្យូ​ វេ​ល​ (Matthew Wells),​ 

សាកលវិទ្យាល័យ​សេន​ហ្វ្រេ​ន​ស៊ី​ស្កូ​​

​អ្ន​​កហាត់​ការ​ស្រាវជ្រាវ​ផ្នែក​ច្បាប់​,​ មិថុនា​ -​ សីហា​ ២០២៣

ម៉េ​ត​ធ្យូ​ វេ​ល​ គឺជា​អ្ន​ក​ហាត់​ការ​ស្រាវជ្រាវ​ផ្នែក​ច្បាប់​នៅ​ អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​។​ លោក​សិក្សា​ផ្នែក​ច្បាប់​នៅ​ សាលា​ច្បាប់​នៃ​សាកលវិទ្យាល័យ​សេន​ហ្វ្រេ​ន​ស៊ី​ស្កូ​ ដែល​លោក​កំពុង​ផ្តោត​លើ​ការ​សិក្សា​អំពី​វិវាទ​ និង​ច្បាប់​អន្តរជាតិ​។​ លោក​នឹង​បញ្ចប់​ការ​សិក្សា​នៅ​និទាឃ​រដូវ​ក្នុង​ឆ្នាំ​២០២៥​ ជាមួយនឹង​ការ​ស្រាវជ្រាវ​ និង​ការងារ​ រួម​មាន​ ច្បាប់​វិនិយោគ​អន្តរជាតិ​ និង​ការ​កាត់ទោស​ព្រហ្មទណ្ឌ​។​​

ម៉េ​ត​ធ្យូ​ បាន​ចូលរួម​ជាមួយ​អូ​ឌី​ស៊ី​កាលពី​ខែមិថុនា​ ហើយ​លោក​កំពុង​ស្រាវជ្រាវ​អំពី​គោលនយោបាយ​រដ្ឋាភិបាល​ឌី​ជី​ថ​ល​ថ្មី​របស់​កម្ពុជា​ឆ្នាំ​២០២២​ -​ ២០៣៥​ ការ​ការពារ​ទិន្នន័យ​ និង​ទិន្នន័យ​ផ្ទាល់ខ្លួន​ និង​សិទ្ធិ​ឌី​ជី​ថ​ល​ដែល​ផ្តោត​លើ​ទិន្នន័យ​។​ លើស​ពី​នេះ​ លោក​កំពុង​ស្រាវជ្រាវ​ច្បាប់​ថ្មី​ស្តី​ពី​ការ​វិនិយោគ​បរទេស​នៅ​កម្ពុជា​ និង​ផល​ប៉ះពាល់​ដែល​អាច​មាន​នៃ​ច្បាប់​ថ្មី​លើ​អ្នក​វិនិយោគ​បរទេស​ ក៏​ដូច​ជា​ផល​ប៉ះពាល់​នៃ​ច្បាប់​ថ្មី​លើ​រដ្ឋាភិបាល​កម្ពុជា​។​

 

​ថោង វ៉ាន់ឌីណាតា,​ 

មហាវិទ្យាល័យអន្តរជាតិកម្ពុជារ៉ាហ្វល​

​អ្នកហាត់ការផ្នែកទំនាក់ទំនង​,​ ឧសភា ​- សីហា​ ២០២៣

ថោង វ៉ាន់ឌីណាតា គឺជានិស្សិតដែលបច្ចុប្បន្នកំពុងបន្តការសិក្សាថ្នាក់សញ្ញាបត្រកម្រិតខ្ពស់ផ្នែកហិរញ្ញវត្ថុនៅ Raffles International College Cambodia និងសញ្ញាបត្រក្រោយឧត្តមសិក្សាផ្នែកគ្រប់គ្រងធុរកិច្ចនៅសាលា Kingston International School Singapore ។ បច្ចុប្បន វ៉ាន់ឌីណាតាកំពុងស្វែងយល់ការងារក្រៅពីវិស័យរបស់នាង ដែលជាហេតុធ្វើឱ្យនាងកំពុងធ្វើការជាអ្នកហាត់ការផ្នែកទំនាក់ទំនងនៅអង្គការទិន្នន័យអំពីការអភិវឌ្ឍ (អូឌីស៊ី)។​

វ៉ាន់ឌីណាតា បានចូលរួមជាមួយអូឌីស៊ីកាលពីដើមខែឧសភា ហើយនាងបានជួយលើការបកប្រែឯកសារ សរសេរប្លក់ និងធ្វើកំណត់ហេតុសម្រាប់ព្រឹត្តិការណ៍មួយចំនួន ដូចជា វេទិកាអាយស៊ីធីនិងឌីជីថលកម្ពុជាលើកទី៤ វេទិកាអ៊ីនធឺណិតភ្នំពេញ និងវេទិកាបណ្តាញអង្គការប្រើប្រាស់ប្រព័ន្ធបច្ចេកវិទ្យាដើម្បីការអភិវវឌ្ឍកម្ពុជា។​

 

ឡូរ​រេ​ន​ ដា​ហ្វេ​ន​បឺ​ក​ (Lauren​ Daffenberg),​ 

មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​

​អ្ន​​កហាត់​ការ​ស្រាវជ្រាវ​ផ្នែក​ច្បាប់​,​ ឧសភា ​- ​កក្កដា​ ២០២៣

ឡូរ​រេ​ន​ ដា​ហ្វេ​ន​បឺ​ក​ គឺជា​អ្ន​ក​ហាត់​ការ​ស្រាវជ្រាវ​ផ្នែក​ច្បាប់​នៅ​ អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)។​ នាង​ទើបតែ​បាន​បញ្ចប់​ការ​សិក្សា​ផ្នែក​ច្បាប់​ឆ្នាំ​ទី​ ១​ នៅ​ មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ដែល​នាង​នឹង​បញ្ចប់​ការ​សិក្សា​នៅ​ឆ្នាំ​២០២៥​។​ នាង​ចាប់អារម្មណ៍​លើ​ការ​អនុវត្ត​ឯកជន​ដោយ​ផ្តោត​លើ​បច្ចេកវិទ្យា​ និង​ច្បាប់​អាជីវកម្ម​។​

ឡូរ​រេ​ន​ បាន​ចូលរួម​ជាមួយ​អូ​ឌី​ស៊ី​នៅ​ពាក់កណ្តាល​ខែឧសភា​ ហើយ​នាង​កំពុងធ្វើការ​លើ​គម្រោង​ស្រាវជ្រាវ​មួយ​ស្តី​ពី​ឥទ្ធិពល​នៃ​ច្បាប់​ឌី​ជី​ថ​ល​ និង​បច្ចេកវិទ្យា​ថ្មីៗ​ ដូច​ជា​ ការ​ការពារ​ទិន្នន័យ​ និង​សុវត្ថិភាព​តាម​អ៊ីនធឺណិត​ មក​លើ​សហគ្រាស​ធុន​តូច​ និង​មធ្យម​។​ នាង​បាន​រំលឹក​ទ្រឹស្តី​ សម្ភាសន៍​ និង​សន្ទនា​នៅ​ក្នុង​ព្រឹត្តិការណ៍​ដូច​ជា​ ICT4D​ ដើម្បី​គាំទ្រ​ដល់​ការ​ស្រាវជ្រាវ​របស់​នាង​។​

 

​​ឡុ​ង​ លី​ណា​

,

​ ​​​​សាកលវិទ្យាល័យ​ភូមិន្ទ​កសិកម្ម​

​​

​​អ្នក​ហាត់​ការ​​ស្រាវ​ជ្រាវ​​ផ្នែកស្រាវជ្រាវ​ទិន្នន័យ​ និង​ប្រព័ន្ធ​ព័ត៌មាន​ភូមិសាស្ត្រ,​ សីហា​ ២០២២ -​ កុ​ម្ភះ​ ២០២៣

ឡុ​ង​ លី​ណា​ ជា​និស្សិត​ឆ្នាំ​ទី​៣​ នៅ​ដេ​ប៉ា​តឺ​ម៉​ង​រៀបចំ​ដែនដី​ និង​រដ្ឋបាល​ដីធ្លី​ នៃ​សាកលវិទ្យាល័យ​ភូមិន្ទ​កសិកម្ម​។​ លោកបានចូលរួមជាមួយ​អូ​ឌី​ស៊ី​ នៅ​ខែ​សីហា​ ឆ្នាំ​២០២២​ ដល់​ ខែកុ​ម្ភះ​ ឆ្នាំ​២០២៣​ ជា​អ្នក​ហាត់ការផ្នែក​ស្រាវជ្រាវ​ទិន្នន័យ​ និង​ប្រព័ន្ធ​ព័ត៌មាន​ភូមិសាស្ត្រ​។​ អំឡុង​ពេល​ដែល​ធ្វើការ​ជាមួយ​អូ​ឌី​ស៊ី​ លោក​បាន​ទទួល​ការ​បណ្តុះបណ្តាលលើការស្រាវជ្រាវ​​ ប្រមូល​ទិន្នន័យ​ និង​រៀបចំ​សំណុំ​ទិន្នន័យ​សម្រាប់​ការ​ផលិត​ផែនទី​។​

នៅក្នុងរយៈពេល ០៦ខែនេះ លោកមាន​លទ្ធភាព​ក្នុង​ការ​ជួយ​ទៅ​ដល់​ក្រុម​អ្នក​ផលិត​ផែនទី​របស់​អូ​ឌី​ស៊ី​ ក្នុង​ការ​ធ្វើ​បច្ចុប្បន្នភាព​ទិន្នន័យ​អនុ​ប្ប​យោគ​ដី​ និង​ដី​សម្បទាន​ចេញពីព្រះ​រាជក្រឹត្យ​ អនុក្រឹត្យ​ របស់​ព្រះរាជាណាចក្រ​កម្ពុជា​ និង​ប្រមូល​​ទិន្នន័យ​ទាក់ទង​នឹង​ថវិកា​ និង​សេវា​សាធារណៈ​ចេញពី​ប្រព័ន្ធ​ត្រួតពិនិត្យ​តាមដាន​ការ​អនុវត្ត​សកម្មភាព​គណ​នេ​ណ្យ​ភាព​សង្គម​។​ ​

​​កា​មេ​រ៉ូ​ន​ ជៀម​ ស៉ា​ភី​រ៉ូ​ (

Cameron​ Cheam​ Shapiro)

,

​ ​​​​មហាវិទ្យាល័យ​បា​ដ

​​

​​អ្នក​ហាត់​ការ​​ស្រាវ​ជ្រាវ​​,​ កញ្ញា​​-​​វិច្ឆិកា​ ២០២២​

​​លោក​ កា​មេ​រ៉ូ​ន​ ជៀម​ ស៉ា​ភី​រ៉ូ​​ គឺជា​និស្សិត​ថ្នាក់​បរិញ្ញាបត្រ​ខ្មែរ​-​អា​មេ​រិ​ក​នៅ​មហាវិទ្យាល័យ​បា​ដ​ ដែល​បាន​បញ្ចប់​បរិញ្ញាបត្រ​ផ្នែក​សិល្បៈ​ជំនាញ​សិក្សា​សកល​ និង​អន្តរជាតិ​។​ លោក​បាន​ធំ​ឡើង​នៅ​ក្នុង​ប្រទេស​កម្ពុជា​ និង​បាន​ចូល​រៀន​នៅ​សាលា​អន្តរជាតិ​ភ្នំពេញ​ ហើយ​អាច​ឃើញ​ការ​អភិវឌ្ឍ​សេដ្ឋកិច្ច​ និង​សង្គម​ដោយ​ផ្ទាល់​។​

​សម្រាប់​រដូវ​ស្លឹកឈើ​ជ្រុះ​ឆ្នាំ​២០២២​ លោក​បាន​បម្រើ​ការ​ជា​អ្នក​ហាត់​ការ​ផ្នែក​ស្រាវជ្រាវ​នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​។​ លោក​ចូលរួម​សរសេរ​អំពី​សូចនាករ​សំខាន់ៗ​នៃ​សេដ្ឋកិច្ច​ឌី​ជី​ថ​ល​ដែល​កំពុង​រីក​ចម្រើន​ដោយ​ប្រើប្រាស់​កម្មវិធី​ R​ និង​ទិន្នន័យ​ពី​ប្រភព​បើក​ទូលាយ​សម្រាប់​វាស់វែង​ និង​ធ្វើ​ទស្សនី​យ​កម្ម​។​ ការងារ​របស់​គាត់​បាន​គាំទ្រ​ដល់​ការ​បើក​ដំណើរការ​គេហទំព័រ​ស្តី​ពី​សេដ្ឋកិច្ច​ឌី​ជី​ថ​ល​នៅ​កម្ពុជា​ ដោយ​សហការ​ជាមួយ​ក្រុមហ៊ុន​ Meta​ ដែល​ជា​ផ្នែក​មួយ​នៃ​សិក្ខាសាលា​ស្តី​ពី​ “​វេ​ប​ផត​ថ​ល​សម្រាប់​ធុរកិច្ច​ និង​សេដ្ឋកិច្ច​ឌី​ជី​ថ​ល​កម្ពុជា​”​ សម្រាប់​សមាជិក​នៃ​សង្គម​ស៊ី​វិល​ វិស័យ​ឯកជន​ និង​រដ្ឋាភិបាល​។​ លោក​មាន​មោទនភាព​ដែល​បាន​ចូលរួម​នៅ​ក្នុង​ការងារ​ដ៏​គួរ​ឱ្យ​ចាប់អារម្មណ៍​ និង​ពាក់ព័ន្ធ​នឹង​ការ​ផ្លាស់​ប្តូរ​ឌី​ជី​ថ​ល​យ៉ាង​ខ្លាំង​នៅ​ក្នុង​ប្រទេស​កម្ពុជា​។​

 

​​សុខ​ ស្រី​លុ​ច​

,

​ សាកលវិទ្យាល័យ​ភូមិន្ទ​ភ្នំពេញ​​​​

​​

​​អ្នក​ហាត់​ការ​ផ្នែក​ទំនាក់ទំនង​,​ ឧសភា​-​​វិច្ឆិកា​ ២០២២​

​​ស្រី​លុ​ច​ជា​និស្សិត​ឆ្នាំ​ទី​៤​ នៅ​ដេ​ប៉ា​តឺ​ម៉​ង់​ប្រព័ន្ធ​ផ្សព្វផ្សាយ​ និង​សារ​គមនាគមន៍​ នៃ​សាកល​វិទ្យា​លល័យ​ភូមិន្ទ​ភ្នំពេញ​។​ នាង​បាន​ចូលរួម​ជាមួយ​អូ​ឌី​ស៊ី​នៅ​ក្នុង​ខែឧសភា​ ឆ្នាំ​២០២២​ ជា​អ្នក​ហាត់​ការ​ផ្នែក​ទំនាក់ទំនង​ដែល​ស្ថិត​នៅ​ផ្នែក​ក្រុមការងារ​ភាព​ជា​ដៃគូ​ និង​ទំនាក់ទំនង​នៃ​អូ​ឌី​ស៊ី​។​ ជាមួយនឹង​ចំណេះដឹង​ទាក់ទង​នឹង​ប្រព័ន្ធ​ផ្សព្វផ្សាយ​របស់​នាង​ ស្រី​លុ​ច​បាន​ជួយ​ក្នុង​ការងារ​ផលិត​សម្ភារៈ​ទំនាក់ទំនង​ រួម​មាន​ ការ​​រចនា​កូន​សៀវភៅ​​និង​មាតិកា​ និង​​ថតយក​​​​រូប​ភាព​សកម្មភាព​​​នៅ​ក្នុង​ព្រឹត្តិការណ៍​កម្មវិធី​កម្ពុជា​អាយ​ស៊ី​ធី​ខែ​ម​ ២០២២​ រួម​ទាំង​កម្មវិធី​ផ្សេង​ទៀត​ដែល​រៀបចំ​ឡើង​ដោយ​អូ​ឌី​ស៊ី​។​

 

​​អាន់​ឌ្រូ​ កូ​កូ​លី​ (Andrew​ Coccoli)

,

​ មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​​​

​​

​អ្នក​ហាត់​ការ​ស្រាវជ្រាវ​​​ផ្នែក​ច្បាប់​,​ ឧសភា​-​​សីហា​ ២០២២​

​អាន់​ឌ្រូ​ គឺជា​អ្នក​ហាត់​ការ​ផ្នែក​ស្រាវជ្រាវ​ផ្នែក​ច្បាប់​នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​។​ លោក​សិក្សា​ច្បាប់​នៅ​ មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ដែល​លោក​កំពុង​បន្ត​ការ​ប្រមូលផ្តុំ​នៅ​ក្នុង​ច្បាប់បរិស្ថាន​ និង​ច្បាប់​អន្តរជាតិ​ ហើយ​រំពឹង​ថា​នឹង​បញ្ចប់​ការ​សិក្សា​នៅ​និទាឃ​រដូវ​ឆ្នាំ​ ២០២៣​ ជាមួយនឹង​ការ​ស្រាវជ្រាវ​ថ្មីៗ​រួម​មាន​របៀបវារៈ​នៃ​ការ​អភិវឌ្ឍន៍​ប្រកបដោយ​និរន្តរភាព​ និង​ពាណិជ្ជកម្ម​អន្តរជាតិ​លើ​ប្រភេទ​សត្វ​ជិត​ផុត​ពូជ​។​

​ក្នុង​រយៈពេល​ជិត​បី​ខែ​កន្លង​មកនេះ​ លោក​អាន់​ឌ្រូ​ បាន​ធ្វើការ​សង្កត់ធ្ងន់​ទៅ​លើ​ការ​រំលឹក​ទ្រឹស្តី​ អំពី​ការ​ធ្វើ​អោយ​ដំណើរការ​នូវ​បទដ្ឋាន​សាយ​ប័​រ​នៅ​កម្ពុជា​/​អាស៊ាន​ ការ​ការពារ​ទិន្នន័យ​ និង​ទិន្នន័យ​ផ្ទាល់ខ្លួន​ និង​សិទ្ធិ​ឌី​ជី​ថ​ល​ដែល​ផ្តោត​លើ​ទិន្នន័យ​ ហើយ​លោក​ក៏​បាន​ចូលរួម​ធ្វើ​បទ​បង្ហាញ​នៅ​ក្នុង​កម្មវិធី​កម្ពុជា​ អាយ​ស៊ី​ធី​ ខែ​ម​ ២០២២​ ផង​ដែរ​។​

 

​​ឌិន​ លី​សី​ណែ​ត

,

​ ​សាកលវិទ្យាល័យ​ភូមិន្ទ​ភ្នំពេញ

​​

​អ្នក​ហាត់​ការ​ស្រាវជ្រាវ, វិច្ឆិកា​ ២០២១​-​ឧសភា​ ២០២២

សី​ណែ​ត​បច្ចុប្បន្ន​ជា​និស្សិត​ឆ្នាំ​ទី​ ៤​ ផ្នែក​ទំនាក់ទំនង​អន្តរជាតិ​នៃ​វិទ្យាស្ថាន​ភាសាបរទេស​ នៃ​សាកលវិទ្យាល័យ​ភូមិន្ទ​ភ្នំពេញ​។​ ដោយ​មានការ​ចាប់អារម្មណ៍​លើ​ការ​ស្រាវជ្រាវ​ សី​ណែ​ត​សង្ឃឹមថានឹង​អាច​ចូលរួម​ចំណែក​ជា​ផ្នែក​មួយ​នៃ​អង្គការ​ទិន្នន័យ​អំពី​ការ​អភិវឌ្ឍ​ និង​ប្រើប្រាស់​ជំនាញ​ និង​ការ​ខិតខំ​ទាំងអស់​របស់​សី​ណែ​តទៅ​ដល់​ក្រុម​។​ សី​ណែ​ត​ក៏​រំពឹង​ថា​អង្គការ​ទិន្នន័យ​អំពី​ការ​អភិវឌ្ឍ​ នឹង​ផ្តល់​ឱ្យ​នាង​នូវ​ជំនាញ​ បទ​ពិសោធន៍​ដ៏​មាន​តម្លៃ​ និង​ការ​ពង្រឹង​ជំនាញ​ស្រាវជ្រាវ​ក្នុងអំឡុងពេល​កម្មសិក្សា​របស់​នាង​។​​​​

ក្នុងអំឡុងពេល​កម្មសិក្សា​នៅ​អង្គការ​ទិន្នន័យ​អំពី​ការ​អភិវឌ្ឍ​ សី​ណែ​ត​​បាន​ជួយ​សម្របសម្រួល​ក្រុមការងារ​ដើម្បី​ធ្វើការ​ស្រាវជ្រាវ​តាម​រយៈ​ការ​ប្រមូល​ទិន្នន័យ​ ការ​អភិវឌ្ឍន៍​ធនធាន​តាម​អ៊ីនធឺណិត​ និង​ការ​បកប្រែ​។​ ​​កញ្ញា​​បាន​​ជួយការងារ​ក្រុម​​បណ្ណា​ធិការ​ ​​និង​​សរសេរ​អត្ថបទ​ស្រាវជ្រាវ​មួយ​ចំនួន​រួមមាន​៖ ការអប់រំកម្រិតឧត្តមសិក្សា ការអភិវឌ្ឍ និងជំនួយសម្រាប់កាត់បន្ថយភាពក្រីក្រ និងសន្តិសុខស្បៀង និង​ ធនាគារអភិវឌ្ឍន៏អាស៊ី (ADB)។ ​​អាន​​បន្ថែម​អំពី​រឿង​រ៉ាវ​នៃ​ការហាត់​ការ​របស់​សីណែត​ ​​សូម​ចុច​នៅ​ ទី​នេះ។​

 

​​ហាណា​ អេម រ៉ូបឺតសុន (

Hannah M.​ Robertson)

,

​ មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​​​

​​

​អ្នក​ហាត់​ការ​ស្រាវជ្រាវ​​​,​ ឧសភា​-​កក្កដា ២០២១

​​​ហា​ណា​ គឺជា​និស្សិត​ឆ្នាំ​ទី​ ២​ នៃ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ក្នុង​ទីក្រុង​វី​លៀម​ស្បើ​គ​ រដ្ឋ​វើ​ជី​នៀរ​។​ ហា​ណា​បាន​ធ្វើការ​ស្រាវជ្រាវ​លើ​ក្រុមហ៊ុន​នៅ​ក្នុង​វិស័យ​ឧស្សាហកម្ម​ប្រេង​ និង​ឧស្ម័ន​ ដែល​កំពុង​អភិវឌ្ឍន៍​នៅ​កម្ពុជា​។​ តាម​រយៈ​ការ​អាន​កិច្ចសន្យា​រដ្ឋាភិបាល​ សេចក្តីថ្លែងការណ៍​ហិរញ្ញវត្ថុ​ និង​ការ​វាយតម្លៃ​ហេតុ​ប៉ះពាល់​បរិស្ថាន​ នាង​បាន​រៀបរៀង​ព័ត៌មាន​លំអិត​អំពី​ក្រុមហ៊ុន​នីមួយៗ​ ដែល​បាន​វិនិយោគ​នៅ​ក្នុង​ឧស្សាហកម្ម​នេះ​។​ ហា​ណា​ ក៏​បាន​ស្រាវជ្រាវ​ផង​ដែរអំ​​ពី​ផល​ប៉ះពាល់​នៃ​កិច្ចព្រមព្រៀង​ចែករំលែក​ផលិតកម្ម​ដែល​មាន​ចំពោះ​ឧស្សាហកម្ម​ប្រេង​ និង​ឧស្ម័ន​នៅ​កម្ពុជា​។​​​

 

​​អា​ទ័​រ​ ខេ​ម​ភឺ​រូ​ (

Arthur Champeroux)

,

​ សាកលវិទ្យាល័យ​ប៉ា​រី​ស​ ២​ និង​សាកលវិទ្យាល័យ​ដឺ​ហ្គ្រេ​ន​អាល់​ប៉ាស​​​

​​

​អ្នក​ហាត់​ការ​ស្រាវជ្រាវ​ផ្នែក​ច្បាប់​​,​ កុម្ភៈ​-​ឧសភា ២០២១

​​​លោក​អា​ទ័​រ​ បាន​បញ្ចប់​ថ្នាក់អនុបណ្ឌិត​កម្រិត​ ២​ ផ្នែក​ច្បាប់​ធុរកិច្ច​អន្តរជាតិ​ និង​ច្បាប់​សន្តិសុខ​និង​ការពារ​ជាតិ​អន្តរជាតិ​ទាំង​នៅ​សាកលវិទ្យាល័យ​ប៉ា​រី​ស​ ២​ និង​សាកលវិទ្យាល័យ​ដឺ​ហ្គ្រេ​ន​អាល់​ប៉ាស​នៅ​ប្រទេស​បារាំង​ ពី​រាជធានី​ភ្នំពេញ​។​ លោក​បាន​ធ្វើការ​ស្រាវជ្រាវ​លើ​ផ្សារភាគហ៊ុន​នៅ​កម្ពុជា​ ការ​ការពារ​ទិន្នន័យ​ក្នុង​បរិបទ​ជនជាតិ​ដើម​នៅ​កម្ពុជា​ និង​ការ​ធ្វើ​បច្ចុប្បន្នភាព​ចុង​ក្រោយ​អំពី​ការ​ចុះ​ឈ្មោះ​ក្រុមហ៊ុន​នៅ​កម្ពុជា​។​ លោក​ជឿជាក់​ថា​ ការ​ធ្វើការ​ជាមួយ​អូ​ឌី​ស៊ី​គឺជា​ឱកាស​ដ៏​ល្អ​មួយ​ក្នុង​ការ​ស្វែងរក​នូវ​ចំណាប់អារម្មណ៍​ជាក់លាក់​ និង​ពង្រឹង​ចំណេះដឹង​របស់​ក្រុម​ដែល​ជា​កម្មសិទ្ធិ​របស់​សមាជិក​អូ​ឌី​ស៊ី​ និង​វប្បធម៌​ការងារ​។​​

 

​​ថា​ន​ ដា​វីត,

​ សាកលវិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​​​

​​

​អ្នក​ហាត់​ការ​ផ្នែក​ស្រាវជ្រាវ​,​ កុម្ភៈ​-​ឧសភា ២០២១

​​ដា​វីត​ជា​និស្សិត​ដែល​ទើបតែ​បញ្ចប់​ការ​សិក្សា​ពី​សាកលវិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​ ក្នុង​ជំនាញ​ផ្នែក​សេដ្ឋកិច្ច​។​ ការ​ក្លាយជា​ផ្នែក​មួយ​នៃ​អូ​ឌី​ស៊ី​ គឺជា​អាជីព​ដំបូង​បង្អស់​ក្នុង​វិស័យ​ដែល​លោក​ចូល​ចិត្ត​។​ ប្រធានបទ​ស្រាវជ្រាវ​ដែល​ខ្ញុំ​មាន​ចំណាប់អារម្មណ៍​រួម​មាន​សេដ្ឋកិច្ច​ ការ​អភិវឌ្ឍន៍​ គោលនយោបាយ​ ពាណិជ្ជកម្ម​ កសិកម្ម​ និង​សេដ្ឋកិច្ច​កម្ពុជា​។​ ក្នុង​អំឡុង​ពេល​ធ្វើ​ជា​អ្នក​ហាត់​ការ​នៅ​អូ​ឌី​ស៊ី​ លោក​បាន​​ជួយការងារ​ក្រុម​​បណ្ណា​ធិការ​ ​​និង​​សរសេរ​អត្ថបទ​ស្រាវជ្រាវ​មួយ​ចំនួន​រួមមាន​៖ វិស័យ​កសិកម្ម​នៅ​ប្រទេស​កម្ពុជា​ ក្នុងអំឡុងពេល​នៃ​ជំងឺ​កូ​វី​ដ​-១៩​​គោលនយោបាយ​ និង​បទ​ប្បញ្ញត្តិ​ស្តីពីការវិនិយោគ​ និង​ប្លក់​នៃវគ្គ​បណ្តុះបណ្តាល​ស្តី​អំពី​អក្ខរកម្ម​ទិន្នន័យ​ទៅ​លើ​ប្រធានបទ​សុខភាព​សាធារណៈលើកទី​២ និងលើកទី​៣​។ ​​លោក​​មាន​ជំនឿ​យ៉ាង​មុតមាំ​ថា​ លោក​នឹង​ទទួល​បាន​ជំនាញ​ស្រាវជ្រាវ​បន្ថែម​ និង​ចំណេះដឹង​ដ៏​មាន​តម្លៃ​ផ្សេង​ទៀត​។​ អាន​​បន្ថែម​អំពី​រឿង​រ៉ាវ​នៃ​ការហាត់​ការ​របស់​ដាវីត​​ ​​សូម​ចុច​នៅ​ ទី​នេះ​។​

 

​​តី​ សុវណ្ណ​រតនៈ​,

​ សាកលវិទ្យាល័យ​ហា​បួរ​ស្ពេស​​

​​

​អ្នក​ហាត់​ការ​ផ្នែក​ទំនាក់ទំនង,​ កុម្ភៈ​-​សីហា​ ២០២១

​បច្ចុប្បន្ន​រតនៈ​ជា​និស្សិត​អនុ​បណ្ឌិត​ជំនាញ​ផ្នែក​ទីផ្សារ​ឌី​ជី​ថ​ល​នៅ​ឯ​សាកលវិទ្យាល័យ​ Harbour.Space​ ប្រទេស​អេ​ស្ប៉ា​ញ​ និង​ប្រទេស​ថៃ​។​ លោក​បាន​បញ្ចប់​ការ​សិក្សា​ជំនាញ​សេដ្ឋកិច្ច​អន្តរជាតិ​ពី​ដេ​ប៉ា​ឌឺ​ម៉​ង់​សិក្សា​អន្តរជាតិ​នៅ​វិទ្យាស្ថាន​ភាសាបរទេស​។​ រតនៈ​ចាប់អារម្មណ៍​យ៉ាង​ខ្លាំង​ទៅ​លើ​ការ​ធ្វើ​ផែនការ​យុទ្ធសាស្ត្រ​ប្រព័ន្ធ​ផ្សព្វផ្សាយ​ និង​ផលិតកម្ម​ទីផ្សារ​ឌី​ជី​ថ​ល​ ការ​គ្រប់គ្រង​យុទ្ធនាការ​ និង​ការ​គ្រប់គ្រង​ព្រឹត្តិការណ៍​ផង​ដែរ​។​ លោក​រតនៈ​រំពឹង​ថា​តាម​រយៈ​ការ​ហាត់​ការ​នៅ​អូ​ឌី​ស៊ី​ គាត់​នឹង​អាច​ជួយ​គាំទ្រ​និង​ជំរុញ​ការងារ​ក្រុម​ផ្នែក​ទំនាក់ទំនង​កាន់តែ​ប្រសើរ​ ដើម្បី​សម្រេច​ឱ្យ​បាន​នូវ​រាល់​គោលដៅ​ការងារ​នានា​។​

 

ឆាយ​ តេជគុណ​​,

​ សាកលវិទ្យាល័យ​អា​មេ​រិ​កាំ​ង​ភ្នំពេញ​ និង​សាកលវិទ្យាល័យ​​ហ្វ​ដ​ហា​យ​​​​ស្តេត​

​​

​អ្នក​ហាត់​ការ​ផ្នែក​ស្រាវជ្រាវ​ និង​ទំនាក់ទំនង​,​ ធ្នូ​ ២០២០​-​មីនា​ ២០២១

​ឆាយ ​តេជគុណ​ទទួល​បាន​បរិញ្ញាបត្រ​ផ្នែក​គ្រប់គ្រង​ព័ត៌មានវិទ្យា​ពី​សាកលវិទ្យាល័យ​អា​មេ​រិ​កាំ​ង​ភ្នំពេញ​ និង​វិទ្យាសាស្ត្រ​កុំព្យូទ័រ​ពី​សាកលវិទ្យាល័យ​​ហ្វ​ដ​ហា​យ​ស្តេត​​។​ គាត់​ធ្លាប់​ជា​អ្នក​ស្ម័គ្រចិត្ត​ក្នុង​កម្មវិធី​កម្ពុជា​អាយ​ស៉ី​ធី​ខែ​ម​លើក​ដំបូង​នៅ​ខេត្តសៀមរាប​ឆ្នាំ​ ២០១៨​ ដែល​ដឹកនាំ​ដោយ​អូ​ឌី​ស៊ី​។​ ចំណាប់អារម្មណ៍​ស្រាវជ្រាវ​របស់​គាត់​រួម​មាន​សន្តិសុខ​ប្រព័ន្ធ​អ៊ីនធឺណិត​ សន្តិសុខ​ទិន្នន័យ​ និង​អភិបាលកិច្ច​អេ​ឡិច​ត្រូ​និ​ច​ក្នុង​បណ្តា​ប្រទេស​អាស៊ី​អាគ្នេយ៍​។​ តេជគុណ​ជឿជាក់​យ៉ាង​មុតមាំ​ថា​កម្មសិក្សា​នៅ​អូ​ឌី​ស៊ី​នឹង​ផ្តល់​ឱ្យ​គាត់​នូវ​ទិន្នន័យ​និង​ឯកសារ​ដែល​មាន​តម្លៃ​សម្រាប់​ជួយ​ទ្រទ្រង់​ការ​សិក្សា​ស្រាវជ្រាវ​ក្នុង​វិស័យ​ដែល​គាត់​ចាប់អារម្មណ៍​។​

 

​​អេ​ន​ចេ​ឡា​ ម៉ា​រៀ​ ម៉ា​លូ​ហ្វ​​​​​ (Angela Maria Maalouf), 

​វិទ្យាស្ថាន​​អប់​រំ​​​ជំនាញជាន់​ខ្ពស់​​​ផ្នែក​មេធាវី​នីតិ​ធុរកិច្ច​​នៃ​សាកលវិទ្យាល័យប៉ារីស២ ប៉ង់​តេ​យ៉ុង​-អាសាស​

​​

​អ្នក​ហាត់​ការ​ស្រាវជ្រាវ​,​ កក្កដា​-​កញ្ញា​ ២០២០

​អេ​ន​ចេ​ឡា​ បច្ចុប្បន្ន​នេះ​ ជា​និស្សិត​ច្បាប់​បារាំង​ឆ្នាំ​ទី​៣​ និង​ជា​និស្សិត​ឆ្នាំ​ទី​១​ ផ្នែក​​នីតិ​ធុរកិច្ច​នៃ​វិទ្យាស្ថាន​​អប់​រំ​​​ជំនាញជាន់​ខ្ពស់​​​ផ្នែក​មេធាវី​នីតិ​ធុរកិច្ច​នៃ​សាកលវិទ្យាល័យប៉ារីស២ ប៉ង់​តេ​យ៉ុង​-អាសាស​​​​ ក្នុង​ទី​ក្រុងប៉ារីស​ ប្រទេស​បារាំង​។​ ជា​អ្នក​ហាត់​ការ​នៅ​អូ​ឌី​ស៊ី​ នាង​បាន​ដឹកនាំ​កិច្ចការ​ស្រាវជ្រាវ​ សរសេរ​ប្រធានបទ​ អត្ថបទ​បោះពុម្ព​ និង​របាយការណ៍​មួយ​ចំនួន​ ដោយ​យោង​តាម​ប្រធានបទ​តាម​ចំណាត់ថ្នាក់​ (​វ​ត្តិករ​សាស្ត្រ​)​ សកល​របស់​គេហទំព័រ​អង្គការ​ទិន្នន័យ​អំពី​ការ​អភិវឌ្ឍ​ ហើយ​ជា​ពិសេស​ មាន​ដូច​ជា​៖​ រចនាសម្ព័ន្ធ​ពាណិជ្ជកម្ម​ និង​ការ​ចុះបញ្ជី​ស្របច្បាប់​,​ គោលនយោបាយ​ និង​បទ​ប្បញ្ញត្តិ​ស្តី​ពី​សេវាកម្ម​ធនាគារ​ និង​ហិរញ្ញវត្ថុ​,​ គោលនយោបាយ​ និង​បទ​ប្បញ្ញត្តិ​ស្តី​ពី​ផ្សា​រមូល​ប​ត្រ​,​ គោលនយោបាយ​ និង​ការ​គ្រប់គ្រង​វិស័យ​សុខាភិបាល​,​ សិទ្ធិ​អ្នកជំងឺ​ រួម​ទាំង​អត្ថបទ​ប្លក់​ “វិបត្តិ​ជំងឺ​កូ​វី​ដ​-១៩៖​ ការ​ឆ្លើយ​តប​ផ្នែក​នីតិបញ្ញត្តិ​នៅ​ក្នុង​ប្រទេស​កម្ពុជា“​ និង “ការ​​ឆ្លើយ​​តប​​ទៅ​​នឹង​​​កូវីដ​​-​​១៩​​៖​​ ​​គោល​​នយោបាយ​​ ​និង​​ការ​​គ្រប់​គ្រង​​សេដ្ឋកិច្ច​​របស់​​ប្រទេស​​កម្ពុជា​​”​។​​ អេ​ន​ចេ​ឡា​ ជឿជាក់​ថា​ នាង​នឹង​ទទួល​បាន​បទ​ពិសោធន៍​ដ៏​មាន​អត្ថន័យ​ក្នុង​ការ​ពង្រីក​ចំណេះដឹង​ និង​ជំនាញ​របស់​នាង​ជាមួយនឹង​ក្រុមការងារ​អូ​ឌី​ស៊ី​ និង​ផ្នែក​កិច្ចការ​ស្រាវជ្រាវ​​​​​។

 

​ឃឿ​ន​ រំដួល​​​​​, 

វិទ្យាស្ថាន​បច្ចេកវិទ្យា​កម្ពុជា​

​​

​អ្នក​ហាត់​ការ​ស្រាវជ្រាវ​ទិន្នន័យ​ និង​ ជី​អាយ​អេស​,​ កក្កដា​-​តុលា​ ២០២០

រំដួល​ ជា​និស្សិត​ឆ្នាំ​ទី​បួន​ នៅ​ដេ​ប៉ា​តឺ​ម៉​ង់​ វិស្វកម្ម​ ទឹក​ និង​ បរិស្ថាន​ នៃ​វិទ្យាស្ថាន​បច្ចេកវិទ្យា​កម្ពុជា​។​ រំដួល​ ចូល​ហាត់​ការ​ស័​គ្ម្រ​ចិត្ត​នៅ​ថ្ងៃ​ទី​២៧​ ខែកក្កដា​ឆ្នាំ​ ២០២០​។​ នាង​មានការ​ចាប់អារម្មណ៍​ខ្លាំង​លើ​ការ​ផលិត​ផែនទី​ និង​ការ​ស្រាវជ្រាវ​ទិន្នន័យ​ទាក់ទង​នឹង​ ដីធ្លី​ វា​រី​អគ្គិសនី​ បរិស្ថាន​ និង​ ធនធានធម្មជាតិ​ ។​ អំឡុង​ពេល​ដែល​ នាង​ហាត់​ការ​ជាមួយ​ អង្គការ​ទិន្នន័យ​អំពី​ការ​អភិវឌ្ឍ​ រំដួល​បាន​ទទួល​ការ​បណ្តុះបណ្តាល​ការ​ផលិត​ផែនទី​ ការ​ប្រើប្រាស់​កម្មវិធី​ផលិត​ផែនទី​ផ្សេងៗ​ និង​ ការ​ប្រមូល​ទិន្នន័យ​ និង​រៀបចំ​សំណុំ​ទិន្នន័យ​សម្រាប់​ការ​ផលិត​ផែនទី​។​ រំដួល​ក៏​ជួយ​ទៅ​ដល់​ក្រុមការងារ​ផ្នែក​ទិន្នន័យ​អូ​ឌី​ស៊ី​ ធ្វើ​បច្ចុប្បន្នភាព​សំណុំ​ទិន្នន័យ​ ស្រប​តាម​ទិន្នន័យ​ដែល​មាននៅ​ក្នុង​សៀវភៅ​រាជកិច្ច​ដែល​ចេញផ្សាយ​ជា​រៀង​រាល់​ខែ​។​​​​

 

​ជោ​ត្ត​ ច័ន្ទ​សម្បត្តិ​​​​​, 

សាកលវិទ្យាល័យ​ភូមិន្ទ​នីតិសាស្ត្រ​ និង​ វិទ្យាសាស្ត្រ​សេដ្ឋកិច្ច​

​​

​​អ្នក​ហាត់​ផ្នែក​មាតិកា​ និង​ស្រាវជ្រាវ​,​ សីហា​-​វិច្ឆិកា​ ២០២០

សម្បត្តិ​ ជា​និស្សិត​ឆ្នាំ​ទី​៤​ ផ្នែក​នីតិសាស្ត្រ​ នៅ​សាកលវិទ្យាល័យ​ភូមិន្ទ​នីតិសាស្ត្រ​ និង​ វិទ្យាសាស្ត្រ​សេដ្ឋកិច្ច​។​ ក្នុង​ពេល​ដំណាលគ្នា​នេះ​ដែរ​ សម្បត្តិ​ក៏​ជា​និស្សិត​ឆ្នាំ​ទី​៣​ ផ្នែក​សិក្សា​អន្តរជាតិ​ នៅ​សាកលវិទ្យាល័យ​ភូមិន្ទ​ភ្នំពេញ​។​ ការ​ក្លាយជា​ផ្នែក​មួយ​នៃ​អូ​ឌី​ស៊ី​ គឺជា​ការងារ​ដំបូង​ដែល​ជា​ការងារ​ចំណង់​ចំណូលចិត្ត​។​ សម្បត្តិ​រំពឹង​ថា​ អូ​ឌី​ស៊ី​នឹង​ផ្តល់​ឱ្យ​គាត់​នូវ​បទ​ពិសោធន៍​ដ៏​មាន​តម្លៃ​ និង​ ការ​សន្មត់​ថ្មី​លើ​ការ​វិភាគ​ វាយតម្លៃ​នៅ​ក្នុង​ការ​ស្រាវជ្រាវ​។​​​

 

​​ហេង​ ម៉េ​ង​តាន់​​​​​, 

សាកលវិទ្យាល័យ​ភូមិន្ទ​ភ្នំពេញ​

​​

​​អ្នក​ហាត់​ផ្នែក​មាតិកា​ និង​ស្រាវជ្រាវ​,​ សីហា​-​វិច្ឆិកា​ ២០២០

ម៉េ​ង​តាន់​ បច្ចុប្បន្ន​ជា​និស្សិត​ឆ្នាំ​ទី​ ៤​ ដែល​កំពុង​បន្ត​ការ​សិក្សា​ផ្នែក​សេ​ដ្ន​កិច្ច​ អន្តរជាតិ​នៅ​ដេ​បាត់​ម៉​ង់​សិក្សា​អន្តរជាតិ​ នៃ​វិទ្យាស្ថាន​ភាសាបរទេស​។​ ម៉េ​ង​តាន់​ចាប់អារម្មណ៍​ និង​ផ្តោត​សំខាន់​ទៅ​លើ​ ការ​អភិវឌ្ឍ​សេដ្ឋកិច្ច​ គោល​ នយោបាយ​និង​ការ​ប្រមូល​ទិន្នន័យ​។​ ម៉េ​ង​តាន់​ចំណាយពេល​ក្នុង​ការ​តាមដាន​ព័​ត៏​មាន​ពី​ការ​អភិវឌ្ឍ​សេដ្ឋកិច្ច​កម្ពុជា​ និង​ព័ត៌មាន​ផ្សេង​ទៀត​ដែល​ទាក់ទង​នឹង​វិស័យ​កសិកម្ម​។​ ម៉េ​ង​តាន់​ជឿជាក់​ថា​ នៅ​អូ​ឌី​ស៊ី​គាត់​នឹង​អាច​ចូលរួម​ចំណែក​ដល់​សង្គម​ និង​ពង្រីក​ចំណេះដឹង​ និង​ជំនាញ​របស់​ខ្លួន​ជាមួយ​ក្រុមការងារ​អូ​ឌី​ស៊ី​ តាម​រយៈ​កម្មវិធី​កម្មសិក្សា​នេះ​។​​​

 

​ច​ន​ មី​ក​ឆៀល​ ហ្វ័រីស​​​​​​ (John​ Michael Forrest), 

មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​​​

​​

​​អ្នក​ហាត់​ការ​ស្រាវជ្រាវ​,​ មិថុនា​-​សីហា​ ២០២០

ច​ន​ មីកឆៀល​ គឺជា​និស្សិត​ឆ្នាំ​ទី​ពីរ​ ផ្នែក​ច្បាប់​ នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ទីក្រុង​វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ លោក​បាន​បញ្ជ​ប់​ការ​សិក្សា​នៅ​ ឌឹ​ ស៊ី​ថា​ដេ​ល​ មហាវិទ្យាល័យ​យោធា​នៃ​រដ្ឋ​ South​ Carolina​ ក្នុង​ឆ្នាំ​ ២០១៧​ ដោយ​ទទួល​បាន​សញ្ញាប័ត្រ​ផ្នែក​រដ្ឋបាល​ធុរកិច្ច​។​ សម្រាប់​អូ​ឌី​ស៊ី​ ច​ន​នឹង​ធ្វើការ​ស្រាវជ្រាវ​អំពី​ផល​ប៉ះពាល់​ដែល​ការ​កើនឡើង​នៃ​កម្ពស់​ទឹកសមុទ្រ​ ដែល​អាច​នឹង​ជះ​ឥទ្ធិពល​ដល់​ប្រទេស​កម្ពុជា​ រួម​ទាំង​វិស័យសេដ្ឋកិច្ច​ ការ​ត្រៀម​បង្ការ​ជាតិ​ក្នុង​គ្រា​មាន​អាសន្ន​ និង​ការ​ស្វែង​យល់​ពី​បញ្ហា​ប្រឈម​មួយ​ចំនួន​ដែល​រដ្ឋាភិបាល​ប្រឈម​មុខ​ក្នុង​ការ​អនុវត្ត​គោលនយោបាយ​បរិស្ថាន​។​​

 

អា​រី​អាណា​ បា​រឺ​នៀក (Ariana​ Barrenechea)​​​​​, 

សាកលវិទ្យាល័យ​អ៊ែ​រ​ហ្វូ​ត​​

​​

​​អ្នក​ហាត់​ការ​ស្រាវជ្រាវ​,​ កក្កដា​-​សីហា​ ២០១៩

​អា​រី​អាណា​ ជា​និស្សិត​អនុ​បណ្ឌិត​ឆ្នាំ​ទី​ពីរ​ ផ្នែក​គោលនយោបាយ​សាធារណៈ​នៅ​សាកលវិទ្យាល័យ​អ៊ែ​រ​ហ្វូ​ត​ ប្រទេស​អា​លឺ្ល​ម៉​ង់​។​ នាង​មាន​ជំនាញ​នៅ​ក្នុង​ផ្នែក​ការ​អភិវឌ្ឍ​សេដ្ឋកិច្ច​សង្គម​ និង​ការ​ប្រើប្រាស់​បច្ចេកវិទ្យា​ព័ត៌មានវិទ្យា​ និង​ទូរគមនាគមន៍​ (ICT)​នៅ​ក្នុង​គោលនយោបាយ​។​ អំឡុង​ពេល​ហាត់​ការ​របស់​នាង​នៅ​អូ​ឌី​ស៊ី​ អា​រី​អាណា​នឹង​ធ្វើការ​ប្រមែ​ល​ប្រមូល​ទិន្នន័យ​ និង​ធ្វើការ​ស្រាវជ្រាវ​ពី​មធ្យោបាយ​ដែល​ ICT​ នឹង​ត្រូវ​បាន​ប្រើប្រាស់​ជាមួយនឹង​គោលដៅ​អភិវឌ្ឍ​ប្រកបដោយ​ចីរភាព​ ដែល​បាន​កំណត់​ដោយ​អង្គការសហប្រជាជាតិ​នៅ​ក្នុង​បរិបទ​ប្រទេស​កម្ពុជា​។​

 

​ហ្គា​ប្រៀ​ល​ មី​ល​ហ្គ្រា​ម (Gabriel Milgram), 

សាលា​ឧត្តម​សិក្សា​វិទ្យាសាស្ត្រ​សេដ្ឋកិច្ច​ និង​ពាណិជ្ជកម្ម​

​​

​អ្នក​ហាត់​ការ​ស្រាវជ្រាវ​ផ្នែក​ច្បាប់​,​ កក្កដា​-​ធ្នូ​ ២០១៩

ហ្គា​ប្រៀ​ល​ បាន​ទទួល​សញ្ញាបត្រ​បរិញ្ញាបត្រ​ជាន់ខ្ពស់​ផ្នែក​ច្បាប់ពាណិជ្ជកម្ម​សាធារណៈ​ និង​មាន​ជំនាញ​ផ្នែក​អភិវឌ្ឍន៍​សេវា​សាធារណៈ​។​ ក្រោយ​ពី​បាន​បម្រើ​ការងារ​ជាមួយ​ ក្រុមហ៊ុន​ចែកចាយ​អគ្គិសនី​របស់​ប្រទេស​បារាំង​ និង​អង្គការ​មិនមែន​រដ្ឋាភិបាល​មួយ​ ដែល​ទាក់ទង​នឹង​ការ​ធ្វើ​ឱ្យ​ប្រសើរ​ឡើង​នូវ​ការ​គ្រប់គ្រង​សេវា​សាធារណៈ​ ហ្គា​ប្រៀ​ល​បាន​ជ្រើសរើស​បន្ត​ការ​សិក្សា​ថ្នាក់អនុបណ្ឌិត​ផ្នែក​ការ​គ្រប់គ្រង​ ដើម្បី​ស្វែង​យល់​បន្ថែម​អំពី​ដំណើរការ​គ្រប់គ្រង​ដែល​គាត់​ចាប់អារម្មណ៍​។​ កំឡុង​ពេលធ្វើការ​ជាមួយ​អូ​ឌី​ស៊ី​ ហ្គា​ប្រៀ​ល​នឹង​ធ្វើការ​សិក្សា​ស្រាវជ្រាវ​ និង​សរសេរ​ប្រធានបទ​ផ្នែក​ច្បាប់​ និង​ប្រព័ន្ធ​តុលាការ​ ដែល​រួម​មានច្បាប់​រដ្ឋធម្មនុញ្ញ​ និង​សេរីភាព​មូលដ្ឋាន​ ច្បាប់ពាណិជ្ជកម្ម​ ព្រមទាំង​បញ្ហា​ជុំវិញ​នគរូបនីយកម្ម​។​ ហ្គា​ប្រៀ​ល​ ជឿជាក់​ថា​ គាត់​នឹង​រៀនសូត្រ​បាន​ច្រើន​ពី​ក្រុមការងារ​ អូ​ឌី​ស៊ី​ រួម​ទាំង​ពី​បទ​ពិសោធន៍​របស់​គាត់​នៅ​ទីក្រុង​ភ្នំពេញ​។​

 

​ណា​តា​លៀ​ ផូ​លាកូ​វ៉ា (Natalia Polakova)​​​​​, 

សាកលវិទ្យាល័យ​ម៉ា​ន់​ហែម​នៃ​ប្រទេស​អា​ល្លឺ​ម៉​ង់​

​​

​​អ្នក​ហាត់​ការ​ស្រាវជ្រាវ​,​ កក្កដា​-​សីហា​ ២០១៩

ណា​តា​លៀ​ គឺជា​និស្សិត​អនុ​បណ្ឌិត​ឆ្នាំ​ទី​ពីរ​ ផ្នែក​សេដ្ឋកិច្ច​ នៅ​សាកលវិទ្យាល័យ​ម៉ា​ន់​ហែម​នៃ​ប្រទេស​អា​ល្លឺ​ម៉​ង់​។​ គាត់​បាន​បញ្ចប់​ការ​សិក្សា​ថ្នាក់​បរិញ្ញាបត្រ​ជាន់ខ្ពស់​ ផ្នែក​គោលនយោបាយ​សេដ្ឋកិច្ច​ និង​រដ្ឋបាល​ ពី​សាកលវិទ្យាល័យ​ម៉ាសា​រីក​នៃ​សាធារណរដ្ឋ​ឆេ​ក​។​ នៅ​ក្នុង​ការ​សិក្សា​ស្រាវជ្រាវ​របស់​គាត់​ ណា​តា​លៀ​មាន​ឯកទេស​ខាង​សេដ្ឋកិច្ច​អភិវឌ្ឍន៍​ ជា​ពិសេស​ការ​អប់រំ​ និង​ការ​បង្កើត​មូលធន​មនុស្ស​។​ នៅ​ក្នុង​កំឡុង​ពេល​ហាត់​ការ​ជាមួយ​អូ​ឌី​ស៊ី​ ណា​តា​លៀ​នឹង​ជួយ​គាំទ្រ​ក្រុមការងារ​អូ​ឌី​ស៊ី​នៅ​ក្នុង​សកម្មភាព​អនុវត្ត​គម្រោង​ ដែល​សហការ​ជាមួយ​ក្រសួង​អប់រំ​ យុវជន​ និង​កីឡា​។​ បន្ថែម​ពីលើ​នេះ​ ការងារ​របស់​គាត់​ក៏​រួម​បញ្ចូល​នូវ​ការ​ស្រាវជ្រាវ​អំពី​គុណភាព​ការ​អប់រំ​ និង​លទ្ធផល​នៃ​ការ​រៀនសូត្រ​នៅ​កម្ពុជា​ផង​ដែរ​។

 

​អេ​ន​ណា​ នី​កូ​ល​សុ​ន (Anna​ Nicholson)​​​​​, 

មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​

​​

​​អ្នក​ហាត់​ការ​ស្រាវជ្រាវ​ផ្នែក​ច្បាប់​,​ ឧសភា​-​សីហា​ ២០១៩

​​អេ​ន​ណា​ គឺជា​និស្សិត​ឆ្នាំ​ទី​ពីរ​ ផ្នែក​ច្បាប់​ នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ទីក្រុង​វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ នាង​បាន​បញ្ចប់​ថ្នាក់​បរិញ្ញាបត្រ​អក្សរសិល្ប៍​អង់គ្លេស​ ពី​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ នៅ​ឆ្នាំ​២០១៦​។​ នៅ​ក្នុងអំឡុងពេល​ហ្វឹកហាត់​ការងារ​ជាមួយ​អូ​ឌី​ស៊ី​ អេ​ន​ណា​នឹង​ធ្វើការ​ស្រាវជ្រាវ​អំ​ពី​វិធី​ដើម្បី​អភិវឌ្ឍ​ខេត្ដ​នៅ​តាម​ឆ្នេរសមុទ្រ​កម្ពុជា​ប្រកបដោយ​ចីរភាព​ ក្នុង​បរិបទ​នៃ​គោលដៅ​អភិវឌ្ឍ​ប្រកបដោយ​ចីរភាព​ ដែល​បង្កើត​ឡើង​ដោយ​អង្គការសហប្រជាជាតិ​។​ ការងារ​របស់​នាង​រួម​មាន​ ការ​ស្រាវជ្រាវ​ច្បាប់​គ្រប់គ្រង​សិទ្ធិ​ដីធ្លី​ និង​ការ​ប្រើប្រាស់​ធនធាន​ និង​របៀប​នៃ​ការ​ប្រើ​ច្បាប់​ទាំងនោះ​ ដើម្បី​លើកកម្ពស់​កំណើន​ប្រកបដោយ​ចីរភាព​ដែល​ផ្តល់​ប្រយោជន៍​ដល់​ប្រជាជន​កម្ពុជា​ទាំងអស់​។​​ 

 

អា​រុន​ សាន​ដូ​វាល (Aaron Sandoval)​​​​, 

សា​កល​វិទ្យាល័យ​អ៊ែរហ្វួត​​

​អ្នក​ស្រាវជ្រាវ, មី​នា​​​-​​ឧ​ស​ភា​​​ ២០១៩

​​លោក​ អា​រុន​ សាន​ដូ​វាល​ គឺជា​អ្នកជំនាញ​កិច្ច​សហប្រតិបត្តិការ​​ក្ន​ង​វិស័យ​វិទ្យាសាស្ត្រ​ បច្ចេកទេស​ និង​ ការ​បង្កើត​ថ្មី​ រវាង​អា​មេ​រិ​កឡា​ទី​ន និង​សហភាព​អឺរ៉ុប​។​ ​គាត់​បាន​ចូលរួម​សហការ​ក្នុង​គម្រោង​ FP៧​ និង​ Horizon​ ២០២០​ ជា​ច្រើន​ ពី​គណៈកម្មការ​អឺរ៉ុប​ដែល​ចូលរួម​ជាមួយ​បណ្តាញ​អ្នកជំនាញ​អន្តរជាតិ​ ក្នុង​ការ​សន្ទនា​គោលនយោបាយ​ស្តី​ពី​ អាយ​ស៊ី​ធី​ ទីក្រុង​ឆ្លាត​ អនាគត​អ៊ីនធឺណិត​ និង​អនាគត​ឌី​ជី​ថ​ល​។​ 

នៅ​ក្នុង​បរិបទ​នៃ​និក្ខេបបទ​ថ្នាក់បរិញ្ញា​ប័ត្រ​ជាន់​ខ្ពស់​​របស់​គាត់​ អា​រុន​បាន​មក​ចូលរួម​ជាមួយ​អង្គការ​ទិន្នន័យ​អំពី​ការ​អភិវឌ្ឍ​​ ក្នុង​នាម​ជា​អ្នកឯកទេស​ខាងក្រៅ​ ដើម្បី​ប្រមូល​ទិន្នន័យ​ទាក់​ទង​ពី​សហគ្រិនភាព​ឌី​ជី​ថ​ល​ និង​ គោលដៅ​អភិវឌ្ឍ​ប្រកបដោយ​ចីរភាព​ដូច​ជា​​​ ការអប់រំប្រកបដោយគុណភាព គ​.​អ​.​ច​ទី​៤​ ការងារ​សមរម្យ​ និង​កំណើនសេដ្ឋកិច្ច​ គ​.​អ​.​ច​ទី​៨​ និង​ ទី​ក្រុង​ និង​សហ​គម​ន៍ប្រ​កប​ដោយ​ចីរ​ភាព​ គ​.​អ​.​ច​ទី​១១​ ដែល​ស្ថិត​ក្រោម​បរិបទ​នៃ​និក្ខេបបទ​ថ្នាក់បរិញ្ញា​ប័ត្រ​ជាន់​ខ្ពស់​របស់​គាត់​នៅសាលា​ Willy​ Brandt​ School​ of​ Public​ Policy​ នៃ​សកល​វិទ្យាល័យអ៊ែរ​ហ្វួត​​​ ប្រទេស​អា​ល្លឺ​ម៉​ង់​។​ គាត់​បាន​លើក​ឡើង​ថា​ “​អង្គការ​ទិន្នន័យ​អំពី​ការ​អភិវឌ្ឍ​​ជា​កន្លែង​សកម្មភាព​មួយ​ ដែល​ពួក​គេ​ត្រូវ​បាន​ប្រមូលផ្តុំ​ដោយ​ទិន្នន័យ​ដ៏​ច្រើន​ និង​រៀបចំ​ព្រឹត្តិការណ៍​នានា​ដើម្បី​ផ្សព្វផ្សាយ​ព័ត៌មាន​និង​ការ​អនុវត្ត​ល្អ​។​ ​វា​គឺជា​បទ​ពិសោធ​ដ៏​អស្ចារ្យ​មួយ​ដែល​ត្រូវ​បាន​ទទួល​ស្វាគមន៍​ដោយ​ក្រុម​ដ៏​ល្អ​មួយ​នេះ​”​។​

 

ឃីម​ សេង​ហួរ​​​​, 

ហេ​ន​រេច​បូល​ស្ទី​ហ្វ​ទង់​កម្ពុជា 

(HBS)

អ្នក​ហាត់​ការ​ស្រាវជ្រាវ​ផ្នែក​សេដ្ឋកិច្ច​, មករា​​-​​មេសា​​ ២០១៩

​សេង​ហួរ​ ជា​និស្សិត​បញ្ចប់​ថ្នាក់បរិញ្ញាប័ត្រ​ផ្នែក​គ្រប់គ្រង​ពាណិជ្ជកម្ម​ ពី​សាកលវិទ្យាល័យ​ បញ្ញា​សាស្ត្រ​កម្ពុជា​ (PUC)​។​ សព្វ​ថ្ងៃ​ គាត់​ជា​បុគ្គលិក​នៅ​មូល​និ​ធិ​បៃតង​របស់​អា​ឡឺ​ម៉​ង់​ ដែល​មានឈ្មោះ​ថា​ ហេ​ន​រេច​បូល​ស្ទី​ហ្វ​ទង់​កម្ពុជា​ (HBS)​។​ ក្នុង​នាម​ជា​ផ្នែក​មួយ​នៃ​ដៃគូ​សហការ រវាង​អង្គការ​ HBS និងអង្គ​ការ​ អូ​ឌី​ស៊ី​ សេង​ហួរ​ ចូលរួម​ជាមួយ​ អូ​ឌី​ស៊ី​ ក្នុង​នាម​ជា​អ្នក​ហាត់​ការ​ស្រាវជ្រាវ​។​ កំឡុង​ពេល​ហាត់​ការ​ជាមួយ​អូ​ឌី​ស៊ី​ សេង​ហួរ​ នឹង​ធ្វើ​សេចក្តី​ព្រាង​ខ្លឹមសារ​មួយ​ចំនួន​ ដែល​ស្ថិត​នៅ​ក្រោម​ប្រធានបទ​ “​សេដ្ឋកិច្ច​ និង​ពាណិជ្ជកម្ម​”​ សម្រាប់​គេហទំព័រ​អូ​ឌី​ស៊ី​ ដែល​មាន​ដូច​ជា​ ការ​វិនិយោគ​ និង​សហគ្រាស​ខ្នាត​​តូច ​និង​មធ្យម​ (SME)​។​ គាត់​ក៏​រំពឹង​ផង​ដែរ​ថា​ នឹង​រៀន​ពី​វិធីសាស្ត្រ​ស្រាវជ្រាវ​ផ្សេងៗ​ពី​អង្គការ​ទិន្នន័យ​អំពី​ការ​អភិវឌ្ឍ​។

 

ជូ​លៀត​ អា​តេ​ឡា (Juliet Atellah)​,

 សោធ​ សោធ​ មេ​ឌៀ​ ឡេប​​

​អ្នក​ស្រាវជ្រាវ​, វិច្ឆិកា​-​ធ្នូ​ ២០១៨

​ជូ​លៀត​ អា​តេ​ឡា​ គឺ​អ្នក​ជំនួយការ​ស្រាវជ្រាវ​ អ្នកវិភាគ​ទិន្នន័យ​ និង​ជា​សកម្មជន​សិទ្ធិ​មនុស្ស​។​ បាន​ចូលរួម​ជាមួយ​អូ​ឌី​ស៊ី​ តាម​រយៈ​គម្រោង​គាំទ្រ​អ្នក​ស្រាវជ្រាវ​ South​ South​ Media​ Lab​ (SSMlab)​ ដែល​ផ្តល់​ឱកាស​ឱ្យ​អ្នកជំនាញ​ និង​អ្នក​ច្នៃប្រឌិត​វ័យក្មេង​ នៅ​ក្នុង​វិស័យ​ព័ត៌មានវិទ្យា​ មានឱកាស​ទំនាក់ទំនង​ និង​បង្កើត​បណ្តាញ​ ដោយ​ទៅ​ធ្វើកា​រយៈពេល​ខ្លី​ នៅ​តាម​នៅ​តំបន់​អា​ព្រិច​ខាងកើត​ និង​តំបន់​អាស៊ី​អាគ្នេយ៍​។​ បច្ចុប្បន្ន​ ជូ​លៀត​ កំពុង​បម្រើ​ការ​នៅ​ theelephant.info​ ដែល​ជា​វេទិកា​មួយ​ បង្កើត​ឱ្យ​មានការ​ចូលរួម​ពី​ប្រជាជន​ ធ្វើការ​ឆ្លុះ​បញ្ចាំង​ ចូល​ជា​សមាជិក​ និង​គិតពិចារណា​ឡើង​វិញ​ស្ថានភាព​សង្គម​របស់​ពួក​គេ​ ដោយ​ការ​ចោទ​សំណួរ​លើ​អតីតកាល​ និង​បច្ចុប្បន្ន​ ដើម្បី​ឆ្លុះ​បញ្ចាំង​អនាគត​។​ គាត់​គឺជា​អនាគត​អ្នក​សារព័ត៌មាន​បែប​ទិន្នន័យ​ ដែល​ផ្តោត​លើ​សុខភាព​ អភិបាលកិច្ច​ និង​សិទ្ធិ​មនុស្ស​។​ ជូ​លៀត​ មាន​បរិញ្ញាបត្រ​វិទ្យាសាស្ត្រ​ស្ថិតិ​ ពី​សាកលវិទ្យាល័យ​ណៃ​រ៉ូ​ប៊ី​ (Nairobi)​។​ គោលបំណង​ចម្បង​ របស់​ជូ​លៀត​ ធ្វើការ​នៅ​អង្គការ​ អូ​ឌី​ស៊ី​ គឺ​ដើម្បី​អនុវត្ត​យុទ្ធសាស្ត្រ​ទិន្នន័យ​បើក​ទូលាយ​ និង​យុទ្ធសាស្ត្រ​អប់រំ​ពលរដ្ឋ​ ដើម្បី​ពង្រឹង​សិទ្ធិ​ទទួល​បាន​ព័ត៌មាន​របស់​សហគមន៍​ងាយ​រង​គ្រោះ​ ដោយសារ​​សេដ្ឋកិច្ច​របស់​សារ​ជីវ​កម្ម​អន្តរជាតិ​ និង​រដ្ឋាភិបាល​ជាតិ​នៅ​ក្នុង​វិស័យ​និស្សា​រណកម្ម​។​ តាម​រយ​​ការ​សិក្សា​ ប្រៀបធៀប​រវាង​ប្រទេស​កេ​ន​យ៉ា​ និង​កម្ពុជា​ ជូ​លៀត​ស្វែង​យល់​ពី​ផល​ប៉ះពាល់​អវិជ្ជមាន​ និង​វិជ្ជមាន​ដែល​ឧស្សាហកម្ម​និស្សា​រណកម្ម​ ដូច​ជា​ រ៉ែ​ធនធាន​ ប្រេង​ និង​ឧស្ម័ន​ មាននៅ​លើ​កម្រិត​បរិស្ថាន​ និង​សង្គម​។​ ប្រព័ន្ធ​ទិន្នន័យ​សហការ​នា​ពេល​អនាគត​មួយ​ អំពី​ការ​រុករក​រ៉ែ​នៅ​កេ​ន​យ៉ា​ និង​កម្ពុជា​អាច​នឹង​បាន​បង្កើត​ជា​ឧបករណ៍​ ដើម្បី​ផ្សព្វផ្សាយ​ព័ត៌មាន​ដល់​សហគមន៍​ដែល​រង​ផល​ប៉ះពាល់​។​

 

ជូ​​លៀ​ ហ្គា​សៀ ពុជ​ (Júlia Garcia Puig),

 វិទ្យាស្ថាន​បា​សេ​ឡូ​ណា​សម្រាប់​ការ​សិក្សា​អន្តរជាតិ​

​អ្នក​ស្រាវជ្រាវ​, តុលា​-​ធ្នូ​ ២០១៨

ជូ​លៀ​ មាន​សញ្ញាបត្រ​បរិញ្ញាបត្រ​ជាន់ខ្ពស់​ផ្នែក​អភិវឌ្ឍន៍​អន្តរជាតិ​ ពី​វិទ្យាស្ថាន​បា​សេ​ឡូ​ណា​សម្រាប់​ការ​សិក្សា​អន្តរជាតិ​ (IBEI)​ ។​ ជូ​លៀ​មាន​ជំនាញ​ផ្នែក​ការ​អភិវឌ្ឍ​សេដ្ឋកិច្ច​សង្គម​ វិសមភាព​ និង​ភាព​ក្រីក្រ​ អភិបាលកិច្ច​ និង​គោលនយោបាយ​សាធារណៈ​ នៅ​ក្នុង​បរិបទ​អាស៊ី​កណ្តាល​ អាស៊ី​ខាងត្បូង​ និង​អាស៊ី​អាគ្នេយ៍​។​ នៅ​អង្គការ​អូ​ឌី​ស៊ី​ ជូ​លៀ​កំពុងធ្វើការ​លើ​គោលដៅ​អភិវឌ្ឍន៍​ប្រកបដោយ​ចីរភាព​ (SDGs)​ ការ​ផ្តល់​សេវា​សាធារណៈ​ ការ​អភិវឌ្ឍ​ និង​ជំនួយ​។​ ជូ​លៀ​ជឿជាក់​ថា​ ទិន្នន័យ​បើក​ទូលាយ​គឺជា​គន្លឹះ​ក្នុង​ការ​ជំរុញ​ការ​អភិវឌ្ឍ​ ព្រោះ​វា​បង្កើន​ការ​ចូលរួម​ និង​ការ​យល់​ដឹង​ជា​សាធារណៈ​។​ ឥលូវ​ជូ​លៀ​មាន​គោលបំណង​ពិនិត្យ​មើល​បន្ថែម​ទៀត​ ទៅ​លើ​ការ​ប្រើប្រាស់​ និង​សក្តានុពល​នៃ​បច្ចេកវិទ្យា​ គម​នា​គម​ន៏​ និង​ព​ត៌​មាន​វិទ្យា​ សម្រាប់​ការ​បង្កើត​គោលនយោបាយ​ដោយ​គិត​ពី​អ្នក​ក្រីក្រ​ និង​ការ​អភិវឌ្ឍ​។​ នៅ​ពេលទំនេរ​ គាត់​រីករាយ​នឹង​ការ​ផ្តិត​យក​រូបភាព​ដ៏​ស្រស់​ស្អាត​នៃ​ប្រទេស​កម្ពុជា​ និង​សាក​ម្ហូបអាហារ​ផ្សេងៗ​។​

 

ជួន​ សំ​អេ​ង​,

សាកលវិទ្យាល័យ​ភូមិន្ទ​ភ្នំពេញ​

​​អ្នក​ហាត់​ការ​ផ្នែក​ស្រាវជ្រាវ​ និង​ជី​អាយ​អេស​, សីហា​ ២០១៨​-មករា​ ២០១៩

សំ​អេ​ង​ ជា​និស្សិត​ឆ្នាំ​ទី​បួន​ នៅ​ដេ​ប៉ា​តឺ​ម៉​ង​គ្រប់គ្រង​ និង​អភិវឌ្ឍន៍​ធនធានធម្មជាតិ​ នៃ​សាកលវិទ្យាល័យ​ភូមិន្ទ​ភ្នំពេញ​។​ គាត់​បាន​ហាត់​ការ​នៅ​ក្នុង​អង្គការ​ទិន្នន័យ​អំពី​ការ​អភិវឌ្ឍ​ ជា​អ្នក​ហាត់​ការ​ផ្នែក​ស្រាវជ្រាវ​ និង​ជី​អាយ​អេស​ និង​ធ្វើការ​ជាមួយ​ក្រុមការងារ​ផែនទី​ ដើម្បី​ប្រមូល​ចងក្រង​ទិន្នន័យ​ឲ្យ​ទៅ​ជា​ទិន្នន័យ​បែប​ឌី​ជី​ថ​ល​ និង​ធ្វើ​ផែនទី​ពាក់ព័ន្ធ​នឹង​វិស័យ​ធនធានធម្មជាតិ​។​ គាត់​ក៏​បាន​ជួយ​សម្របសម្រួល​ដល់​ក្រុមការងារ​អូ​ឌី​ស៊ី​ នៅ​ក្នុង​វគ្គ​បណ្តុះបណ្តាល​ផ្នែក​ជី​អាយ​អេស​ ទៅ​កាន់​ស្ថាប័ន​អប់រំ​នៅ​កម្ពុជា​។​ ​ការ​ហាត់​ការ​នៅ​អូ​ឌី​ស៊ី​ផ្តល់​ឳ​កាស​អោយ​គាត់​ក្នុង​ការ​ប្រើប្រាស់​ និង​អនុវត្ត​មេរៀន​ដែល​ទទួល​បាន​ពី​សាកលវិទ្យាល័យ​ និង​រៀបចំ​ខ្លួន​គាត់​សម្រាប់​ទិដ្ឋភាព​ទីផ្សារ​ការងារ​។​

 

ម៉​ន​ឌី​ លូ​ (Mondee Lu),

 សាកលវិទ្យាល័យ​ច្បាប់​ស្ទេ​ន​ហ្វ​ត​

​អ្នក​ស្រាវជ្រាវ​ផ្នែក​ច្បាប់​ និង​ភាព​ជា​ដៃគូរ​,​ ​មិថុនា-​សីហា​ ២០១៨

ម៉​ន​ឌី​ ជា​និស្សិត JD-MS ផ្នែកច្បាប់ និងបរិស្ថាន និងធនធានធម្មជាតិ ​នៅ​សាកលវិទ្យាល័យ​ច្បាប់​ស្ទេ​ន​ហ្វ​ត សហរដ្ឋអាមេរិក។ ម៉​ន​ឌី​ មាន​ចំណាប់អារម្មណ៍​លើ​បញ្ហា​បរិស្ថាន​ អាកាសធាតុ​ និង​ការ​អភិវឌ្ឍ​។​ នៅ​អង្គការ​ទិន្នន័យ​អំពី​ការ​អភិវឌ្ឍ​ (អូ​ឌី​ស៊ី​) ម៉​ន​ឌី ​បាន​ធ្វើការ​សិក្សា​ស្រាវជ្រាវ​លើ​ផ្នែក​អភិបាលកិច្ច​វិស័យ​បរិស្ថាន​ និង​ធនធានធម្មជាតិ​ ក៏​ដូច​ជា​ឥទ្ធិពល​នៃ​ទិន្នន័យ​បើក​ទូលាយ​លើ​តម្លាភាព​។​ ក្រៅពី​ការងារ​នៅ​អូ​ឌី​ស៊ី​ ម៉​ន​ឌី​ចូល​ចិត្ត​ទៅ​សាកល្បង​អាហារ​បួស​ជា​ច្រើន​ នៅ​ទីក្រុង​ភ្នំពេញ​ និង​ដើរ​កំសាន្ត​នៅ​តាម​បណ្ដា​ខេត្ត​នានា​។​

ជា​ មុនី​សុជាតា,

 សាកលវិទ្យាល័យ​មហា​សា​រ៉ា​ខាម​

អ្នក​ហាត់​ការ​ស្រាវជ្រាវ​ផ្នែកជីអាយអេស,​ ឧសភា​-​កក្កដា​ ២០១៨

ជាតា ​គឺជា​និស្សិត​ឆ្នាំ​ទី​៣​ ផ្នែក​ព័ត៌មានវិទ្យា​ភូមិសាស្ត្រ​ នៃ​សាកលវិទ្យាល័យ​មហា​សា​រ៉ា​ខាម​ នៅ​ប្រទេស​ថៃ​ គោលបំណង​របស់​នាង​ក្នុង​ការ​ចុះ​កម្មសិក្សា​នេះ​គឺ​ដើម្បី​អនុវត្តន៍​ទ្រឹស្តី​ដែល​នាង​បាន​រៀន​នៅ​ក្នុង​ថ្នាក់​មក​ក្នុង​ការ​​ធ្វើការ​ជាក់ស្តែង​ និង​នៅ​ពេល​ជាមួយ​គ្នា​នេះ​ជាតា​ក៏​កំពុង​ធ្វើ​គម្រោង​សិក្សារ​អំពី​តំបន់​រង​គ្រោះ​ដោយ​ទឹកជំនន់​​នៅ​តាម​បណ្តោយ​ទន្លេមេគង្គ​ក្នុង​ប្រទេស​កម្ពុជា​ផង​ដែរ​ ក្នុងអំឡុងពេល​ហ្វឹកហាត់​ការងារ​ជាមួយ​ អូ​ឌី​ស៊ី​ ជាតា​​នឹង​ធ្វើការ​ជាមួយ​ក្រុមការងារ​ផែនទី​ដើម្បី​ប្រមូល​ចងក្រង​ទិន្នន័យ​ឲ្យ​ទៅ​ជា​ទិន្នន័យ​បែប​ឌី​ជី​ថ​ល​និង​ធ្វើ​ផែនទី​​បង្ហាញ​ផ្សេងៗ​ ជាតា​ជឿជាក់​ថា​ទិន្នន័យ​បើក​ទូលាយ​នៅ​កម្ពុជា​មាន​សារៈសំខាន់​ណាស់​សម្រាប់​អ្នក​សិក្សារ​​ស្រាវជ្រាវ​ វិស័យ​ឯកជន​និង​អ្នក​ប្រើប្រាស់​ជា​សាធារណៈ​ផ្សេង​ទៀត​។

ជី​ន​ ឡេ​ម​ប៊ឺ​ត (Jean​​​ Lambert),

 មហាវិទ្យាល័យ​នីតិសាស្ត្រ​ កូ​ឡុំ​បៀ​

អ្នក​ហាត់​ការ​ស្រាវជ្រាវផ្នែក​ច្បាប់​,​ ឧសភា​-​កក្កដា​ ២០១៨

ជី​ន​ គឺជា​និស្សិត​ឆ្នាំ​ទី​ពីរ​ ផ្នែក​ច្បាប់​នៅ​មហាវិទ្យាល័យ​នីតិសាស្ត្រ​ កូ​ឡុំ​បៀ​ នៅ​ទីក្រុង​ញ៉ូ​យក​ សហរដ្ឋ​អាម​រិ​ក​។​ នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​ ជី​ន​ នឹង​ធ្វើការ​ស្រាវជ្រាវ​ពី​អភិបាលកិច្ច​សិទ្ធិ​ដីធ្លី​ និង​ការ​វិនិយោគ​បរទេស​នៅ​ក្នុង​ប្រទេស​កម្ពុជា​ ដែល​ពាក់ព័ន្ធ​នឹង​បរិស្ថាន​ និង​សិទ្ធិ​ជនជាតិ​ដើម​ភាគតិច​។​​

ជីន​ ជឿ​ជាក់​ថា​​ តាម​រយះ​ការ​អនុវត្ត​ការងារ​ជាមួយ​នឹង​អូឌីស៊ី​​នឹង​ផ្តល់​ឱ្យ​នាង​នូវ​បទ​ពិសោធន៍​ដ៏​មាន​តម្លៃ​ក្នុង​ការ​ប្រមែ​ប្រមូល​​ និង​វិភាគ​ទៅ​លើ​ឯកសារ​ច្បាប់​​​​នានា​នៅ​ក្នុង​​ប្រទេស​កម្ពុជា​​ និង​ទិន្នន័យ​​ ដើម្បី​ធ្វើ​ឱ្យ​ប្រសើរ​ឡើង​នូវ​ការ​យល់​ដឹង​ជា​សាធារណ​ៈ​អំពី​សកម្ម​ភាព​របស់​រដ្ឋា​ភិបាល​។

ម៉ា​ឌី​ ប​ល​ (Maddie Ball),

 មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​

អ្នក​ហាត់​ការ​ស្រាវជ្រាវផ្នែក​ច្បាប់​,​ ឧសភា​-​កក្កដា​ ២០១៨

ម៉ា​ឌី​ គឺជា​និស្សិត​ឆ្នាំ​ទី​ពីរ​ ផ្នែក​ច្បាប់​ នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ទីក្រុង​វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ នាង​បាន​បញ្ចប់​ថ្នាក់​បរិញ្ញាបត្រ​ជីវ​រសាយនវិទ្យា​មហាវិទ្យាល័យ​ខន​ណែ​ល​ នៅ​ឆ្នាំ​ ២០១៦​។​ នៅ​ក្នុងអំឡុងពេល​ហ្វឹកហាត់​ការងារ​ជាមួយ​អូ​ឌី​ស៊ី​ ម៉ា​ឌី​នឹង​ធ្វើការ​ស្រាវជ្រាវ​ និង​សរសេរ​អំពី​ការ​ផ្តល់​ជំនួយ​ផ្នែក​ច្បាប់​នៅ​កម្ពុជា​ និង​ការងារ​ផ្នែក​ច្បាប់​។​ នៅ​ពេលទំនេរ​ នាង​ចូល​ចិត្ត​ឡើង​ថ្មភ្នំ​ អាន​រឿងនិទាន​​បែប​ប្រឌិត​ និង​ចូល​ចិត្ត​ភ្លក់​ម្ហូប​ខ្មែរ​។

ម៉ា​លី​សា​ គ្ត្រី​ស​​ (Malica​ Christ

),

 សាកលវិទ្យាល័យ​ ផត​ស្ដេ​ម

អ្នក​ហាត់​ការ​ស្រាវជ្រាវ​,​ ឧសភា​-​កក្កដា​ ២០១៨

ម៉ា​លី​សា​ ជិត​នឹង​បញ្ចប់​ថ្នាក់​បរិញ្ញាបត្រ​ផ្នែក​ទស្សនវិជ្ជា​ និង​នយោបាយ​ នៅ​សាកលវិទ្យាល័យ​ ផត​ស្ដេ​ម​ ប្រទេស​អា​ល្លឺ​ម៉​ង់​។​ ក្នុងអំឡុងពេល​ហ្វឹកហាត់​ការងារ​នៅ​អូ​ឌី​ស៊ី​ ម៉ា​លី​សា​នឹង​ចូលរួម​វាយតម្លៃ​លើ​ការ​ចូលរួម​របស់​សាធារណៈជន​ នៅ​ក្នុង​ដំណើរការ​ ការ​វាយតម្លៃ​ហេតុ​ប៉ះពាល់​បរិស្ថាន​ នៅ​ក្នុង​ប្រទេស​កម្ពុជា​។​ ម៉ា​លី​សា​ ចង់​រៀន​បន្ថែម​អំពី​ដំណើរការ​ដែល​អាច​ប្រើប្រាស់​ទិន្នន័យ​ ដើម្បី​លើកកម្ពស់​ការ​អភិវឌ្ឍ​ដោយ​ចីរភាព​។​ ដោយសារ​តែ​ម៉ា​លី​សា​ចូល​ចិត្តការ​សរសេរ​ គាត់​នឹង​បន្ត​ផលិត​ខ្លឹមសារ​ និង​ប្លក់​សម្រាប់​គេហទំព័រ​អូ​ឌី​ស៊ី​។​ នៅ​ពេលទំនេរ​ ម៉ា​លី​សា​ចូល​ចិត្ត​ទៅ​ប្រាសាទ​ស្អាតៗ​ដើម្បី​សមាធិ​។​

ដូ​រ៉ូ​ន​ដា​ បត​លី​ (Dorronda​ Bordley),

 មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​

អ្នក​ហាត់​ការ​ស្រាវជ្រាវផ្នែក​ច្បាប់​,​ មករា​-​មេ​សា​ ២០១៨

ដូ​រ៉ូ​ន​ដា​ គឺជា​និស្សិត​ឆ្នាំ​ទី​ពីរ​ ​ផ្នែក​ច្បាប់​​ នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​។​ ក្នុងអំឡុងពេល​បំពេញការងារ​ជាមួយ​អូ​ឌី​ស៊ី​ ដូ​រ៉ូ​ន​ដា​ បាន​ធ្វើការ​ស្រាវជ្រាវ​ និង​​​ព្រាង​​អត្ថបទ​សង្ខេបនៃ​អនុស្សរណៈ​នៃ​ការ​វិនិយោគ​របស់​ចិន​លើ​វិស័យ​ឧស្សាហកម្ម​និស្សា​រណកម្ម​នៅ​កម្ពុជា​ និង​បាន​ធ្វើការ​ប្រៀបធៀប​ពី​ក្រម​ខណ្ឌ​​ និង​ការ​អនុវត្ត​ដ៏​ប្រសើរ​នានា​ ​ដែល​ប្រទេស​ចិន​គួរតែ​អនុវត្ត​តាម​នៅ​ក្នុង​ការ​ធ្វើការ​វិនិយោគ​លើ​វិស័យ​ទាំងនេះ​។

សា​សេន​កា​ ជេ​.​ប្រោ​អើ​ (Sashenka​ J.​ Brauer),

 មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​​​

អ្នក​​ហាត់​ការ​ស្រាវជ្រាវផ្នែក​ច្បាប់​,​ កុម្ភៈ​-​មេ​សា​ ២០១៨

សា​សេន​កា​ (Sashenka)​ គឺជា​និស្សិតឆ្នាំ​ទី​ពីរ ​ផ្នែក​ច្បាប់​​ នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ទីក្រុង​វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ ក្នុងអំឡុងពេល​ដែល​នាង​ហាត់​ការ​ជាមួយ​អង្គការ​ទិន្នន័យ​អំពី​ការ​អភិវឌ្ឍ ​(​អូ​ឌី​ស៊ី​)​ សា​សេន​កា​ បាន​ធ្វើការ​ស្រាវជ្រាវ​មួយ​អំពី​ការ​ប្រើ​ប្រាស់​​ទិន្នន័យ​បើក​ទូលាយ​សម្រាប់​អភិបាលកិច្ច​ផ្នែក​កសិកម្ម​ និង​បាន​ចូលរួម​ចំណែក​ក្នុង​ការ​ផ្តល់​ជា​របាយ​ការ​ស្រាវជ្រាវ​សង្ខេប​ដល់​អូ​ឌី​ស៊ី​ផង​ដែរ​​។​​

“ការ​ហ្វឹកហាត់​ការងារ​នៅ​អូ​ឌី​ស៊ី​បាន​អនុញ្ញាត​ឱ្យ​ខ្ញុំ​ បាន​រៀនសូត្រ​ពី​អត្ថប្រយោជន៍​ដែល​មិន​គួរ​ឱ្យ​នឹក​ស្មាន​ដល់​នៃ​ទិន្នន័យ​បើក​ទូលាយ​សម្រាប់​អភិបាលកិច្ច​កសិកម្ម​ ហើយ​វា​បាន​ជម្រុញ​ឱ្យ​ខ្ញុំ​បន្ត​ការ​សិក្សា​រៀនសូត្រ​បន្ថែម​ទៀត​ពី​របៀប​ដើម្បី​ដោះស្រាយ​បញ្ហា​​ទាក់​ទង​នឹង​បរិស្ថាន​​។​ ខ្ញុំ​បាន​ទទួល​ការ​កោតសរសើរ​យ៉ាង​ជ្រាលជ្រៅ​ចំពោះ​តម្លាភាព​នៅ​គ្រប់​កម្រិត​ទាំង​អស់ហើយ​សង្ឃឹមថា​ខ្ញុំ​នឹង​ប្រើ​ការ​យល់​ដឹង​ទាំងនេះ​ក្នុង​អាជីព​របស់ខ្ញុំ​នា​ពេល​អនាគត​។​”​

អា​ឡិច​ ផា​តូ​នៀ (Aliaksei​ (Alex)​ Patonia​),

 សាកលវិទ្យាល័យ​ សេន​ អេ​ន​ដ្រូ​/​មូលនិធិ​សង្គម​បើក​ទូលាយ​​

អ្នក​ស្រាវជ្រាវ​,​ មីនា​ –​ សីហា​ ២០១៨

អា​ឡិច​បាន​មក​ធ្វើការ​ជាមួយ​ក្រុមការងារ​អូ​ឌី​ស៊ី​ ក្នុង​នាម​ជា​អ្នក​ស្រាវជ្រាវ​តាម​រយៈ​មូលនិធិ​សង្គម​បើក​ទូលាយ​ ក្រោយ​ពី​គាត់​បាន​បញ្ចប់​ការ​សិក្សា​នៅ​សាកលវិទ្យាល័យ​ សេន​ អេ​ន​ដ្រូ​ (​ប្រទេស​ស្កុ​ត​ឡេ​ន​)​។​ ខណៈ​ពេល​ដែល​អា​ឡិច​ ទទួល​បាន​សញ្ញាប័ត្រ​ថ្នាក់អនុបណ្ឌិត​ ផ្នែក​ការ​អភិវឌ្ឍ​ប្រកបដោយ​ចីរភាព​ នៅ​ចក្រភព​អង់គ្លេស​ អា​ឡិច​បាន​ផ្តោត​លើ​ថាមពល​កកើត​ឡើង​វិញ​ និង​ការ​វាយតម្លៃ​ផល​ប៉ះពាល់​បរិស្ថាន​។​ អា​ឡិច​ បាន​បញ្ចប់​ថ្នាក់​បរិញ្ញាបត្រ​ នៅ​ឯ​សាកលវិទ្យាល័យ​រដ្ឋ​បេឡា​រុស្ស​ និង​ទទួល​បាន​សញ្ញាប័ត្រ​អនុ​បណ្ឌិត​ ផ្នែក​គ្រប់គ្រង​ប្រេង​ និង​ឧស្ម័ន​អន្តរជាតិ​ ពី​សាកលវិទ្យាល័យ​ លី​វើ​ផូ​ល​ (​ចក្រភព​អង់គ្លេស​)​។​ នៅ​អូ​ឌី​ស៊ី​ អា​ឡិច​ កំពុង​តែ​ធ្វើការ​លើ​ផ្នែក​ការ​វាយតម្លៃ​បរិស្ថាន​ជា​យុទ្ធសាស្ត្រ​ និង​ការ​ទាញ​យក​ធនធានធម្មជាតិ​។​

លេ​ណាត​ ក្រុ​ត​ហ្ស៊ែ​ឃ (Lennart J. Krotzek),

សាកលវិទ្យាល័យ​ អាំ​ស្ទែរ​ដាំ​រី​​

អ្នក​ហាត់​ការ​ផ្នែក​ប្រព័ន្ធ​ផ្សព្វផ្សាយ​ និង​ទំនាក់ទំនង​,​ កុ​ម្ភៈ​-ឧ​សភា​ ២០១៨

លេ​ណាត​ បាន​បញ្ចប់​ការ​សិក្សា​អនុ​បណ្ឌិត​ ផ្នែក​ទំនាក់ទំនង​នយោបាយ​ពី​សាកលវិទ្យាល័យ​ អាំ​ស្ទែរ​ដាំ​ថ្មីៗ​នេះ​ មុន​ពេលធ្វើការ​​ជាមួយ​ ក្រុមការងារ​ អូ​ឌីស៊ី​។​ ក្នុង​នាម​ជា​អ្នក​ហាត់​ការ​ផ្នែក​ប្រព័ន្ធ​ផ្សព្វផ្សាយ​ និង​ទំនាក់ទំនង​ គាត់​ទទួលខុសត្រូវ​លើ​ការ​រៀបចំ​ និង​ចងក្រងកម្មវិធី​សិក្សា​សម្រាប់​ការ​បណ្តុះបណ្តាល​អ្នក​សារ​​ព័ត៌មាន​​ ចងក្រង​របៀប​​ប្រើប្រាស់​​គេហទំព័រ​អូឌីស៊ី ការ​សរសេរ​ប្លុក​ ការ​ផ្តិត​យក​រូបភាព​ និង​ការ​ចងក្រង​​យុទ្ធសាស្ត្រ​ក្នុង​បណ្តាញ​សង្គម​របស់​អង្គការ​។​ គោលដៅ​ ​ចំបង​​​របស់​គាត់ ​​ក្នុង​រយៈ​ពេល​បំពេញការងារ​ជា​បុគ្គលិក​ហាត់​ការ​ គឺ​ចូលរួម​ចំណែក​ក្នុង​បេស​កម្ម​របស់​អូ​ឌី​ស៊ី​ ដើម្បី​ធ្វើឱ្យ​អ្នក​សារ​ព័ត៌មាន​ប្រើប្រាស់​ទិន្នន័យ​ជា​សា​ធារ​ណៈសម្រាប់ការងារ​របស់​ពួក​គេ​ និង​លើកកម្ពស់​គោល​ការ​ណ៍របស់​អូ​ឌី​ស៊ី ដែល​ធ្វើ​ឱ្យ​សាធារណជន​ទទួល​បាន​ទិន្ន័យ​ងាយស្រួល​។​ គាត់​មាន​អារ​ម្ម​ណ៍​រីករាយ​ក្នុង​ការ​សិក្សា​អំពី​ប្រព័ន្ធ​ផ្សព្វផ្សាយ​របស់​កម្ពុជា​ និង​វប្ប​ធ​ម៌នយោបាយ​ពី​ទស្សនៈវិស័យ​នៃ​អង្គការ​ក្នុងស្រុក​។​

យ៉ុ​ង​ ហ៊ួ​យ​ ឈី​ ឆែ​រី​ន​ (Yong​ Huey​ Chyi​ Charine), 

សាកលវិទ្យាល័យ​ជាតិ​សិង្ហ​បុរី​

អ្នក​ហាត់​ការ​ស្រាវជ្រាវ​,​ ឧសភា​-​មិថុនា​ ២០១៧

ឆែ​រី​ន​ គឺជា​និស្សិត​បរិញ្ញាបត្រ​ឆ្នាំ​ទី​បួន​ ផ្នែក​វិទ្យាសាស្ត្រ​នយោបាយ​ នៅ​សាកល​វិទ្យា​ជាតិ​សិង្ហ​បុរី​។​ ការ​ស្រលាញ់​ចូល​ចិត្ត​លើ​ “​ទិន្នន័យ​បើក​ទូលាយ​”​ បាន​ជម្រុញ​ឱ្យ​នាង​សម្រេចចិត្ត​ធ្វើ​ជា​អ្នក​ហាត់​ការ​បរទេស​នៅ​អូ​ឌី​ស៊ី​។ ក្នុងអំឡុងពេល​ហ្វឹកហាត់​ការងារ​នៅ​អូ​ឌី​ស៊ី​ ឆែ​រី​ន​ បាន​រួមចំណែក​ការងារ​ក្នុង​គម្រោង​ព័ត៌មាន​ទិន្នន័យ​អំពី​ការ​បោះ​ឆ្នោត​នៅ​ប្រទេស​កម្ពុជា​ និង​បាន​ផ្តល់​យោបល់​លើ​ការ​រចនា​នានា​នៃ​ទំព័រ​ដែល​កំពុង​ចេញផ្សាយ​នៅ​លើ​គេហទំព័រ​អូ​ឌី​ស៊ី​។​​​ នាង​ជឿជាក់​ថា​ ព័ត៌មាន​ គឺជា​ឧបករណ៍​ដែល​អាច​ប្រើប្រាស់​សម្រាប់​សេដ្ឋកិច្ច​ដែល​ពឹងផ្អែក​លើ​ចំនេះដឹង​នា​​ពេល​បច្ចុប្បន្ន​នេះ​ ហើយ​សាធារណៈ​ជន​​គួរតែ​អាច​​ទទួល​បាន​វា​ដោយ​សេរី​។​ ​ក្រៅពី​ការងារ​នៅ​អូ​ឌី​ស៊ី​ នាង​ចូល​ចិត្ត​ ការ​ធ្វើ​ដំណើរ​,​ ការ​ថតរូប​ និង​ម្ហូបអាហារ​ខ្មែរ​ជា​ខ្លាំង​។​ មាន​ពាក្យ​ខ្មែរ​មួយ​ចំនួន​ ដែល​នាង​បាន​រៀន​ដំបូង​នៅ​ក្នុង​ទីក្រុង​ភ្នំពេញ​ មាន​ដូច​ជា​៖​ ពងមាន់​ (egg),​ បាយ​ (rice),​ សាច់​ (beef)​ ជាដើម​។​ អាន​បន្ថែម​អំពី​រឿង​រ៉ាវ​នៃ​ការ​ហាត់​ការ​របស់​ឆែរីន​ សូម​ចុចនៅ​ ទីនេះ​។ 

 

​ណា​តា​សា​ មិ​ឈិ​កុ​ យុ​កុ​យ៉ា​ម៉ា​ (Natasha Michiko Yokoyama), 

សាកលវិទ្យាល័យ​ជាតិ​សិង្ហ​បុរី​

អ្នក​ហាត់​ការ​ផ្នែក​ភាព​ជា​ដៃគូ​ និង​ជំនួយ​,​ មិថុនា​-​ធ្នូ​ ២០១៦​

ណា​តា​សា​ គឺជា​សិស្ស​រៀប​​នឹង​បញ្ចប់​ថ្នាក់​សិក្សា​ផ្នែក​​វិទ្យាសាស្ត្រ​នយោបាយ​ នៅ​សាកលវិទ្យាល័យ​សិង្ហ​បុរី​។​ នៅ​ក្នុងអំឡុងពេល​ហ្វឹកហាត់​ការងារ​រយៈពេល​ ៦​ ខែ​នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)​ ណា​តា​សា​ទទួលខុសត្រូវ​លើ​ការ​សរសេរ​សំណើសុំ​ជំនួយ​ថវិកា​ ពី​គម្រោង​នានា​ រាប់​ចាប់តាំងពី​ធនធានធម្មជាតិ​ រហូត​ដល់​សមភាព​យែ​ន​ឌ័​រ​។​ នាង​ មានការ​ចាប់អារម្មណ៍​ខ្លាំង​អំពី​ការ​អភិវឌ្ឍ​ប្រកបដោយ​ចីរភាព​ និង​ជឿជាក់​ថា​ ទិន្នន័យ​បើក​ទូលាយ​ គឺ​ពិត​ជា​​មាន​​លក្ខណៈ​សំខាន់​ពិសេស​ ​ដោយសារ​តែ​បច្ចេកវិទ្យា​កំពុង​រីក​លូតលាស់​កាន់តែ​ប្រសើរ​ឡើង​នៅ​ក្នុង​ការ​រស់នៅ​ប្រចាំ​ថ្ងៃ​។​​​

“​អូ​ឌី​ស៊ី​ ពិតជា​បាន​ផ្តល់​នូវ​ឱកាស​ដ៏​ល្អ​សម្រាប់​ខ្ញុំ​ ដើម្បី​អាច​ស្វែង​យល់​ពី​ទិដ្ឋភាព​នៃ​ការ​អភិវឌ្ឍ​នៅ​ក្នុង​ប្រទេស​កម្ពុជា​ ដែល​ជា​ប្រទេស​មួយ​កំពុង​តែ​មានការ​រីក​ចម្រើន​ផ្នែក​សេដ្ឋកិច្ច​នៅ​លើ​ពិភពលោក​។​ ការ​ហ្វឹកហាត់​ការងារ​នេះ​ ក៏​បាន​ផ្តល់​ឱ្យ​ខ្ញុំ​នូវ​សញ្ញាណ​ភាគី​ពាក់ព័ន្ធ​នានា​ ដែល​តម្រូវ​ឱ្យ​មានការ​សហការ​គ្នា​ដើម្បី​ដោះស្រាយ​បញ្ហា​សកលលោក​​​។​ ខ្ញុំ​បាន​រៀនសូត្រ​យ៉ាងច្រើន​នៅ​អូ​ឌី​ស៊ី​ ហើយ​ខ្ញុំ​ពិតជា​ត្រេកអរ​ខ្លាំង​ណាស់​សម្រាប់​ឱកាស​នេះ​”​។​

 
Untitled

សំអាន ម៉ារឌី,

 វិទ្យាស្ថានបច្ចេកវិទ្យាកម្ពុជា និងវិទ្យាស្ថានភាសាបរទេស

អ្នកហាត់ការផ្នែកគេហទំព័រ, មេសា-តុលា ២០១៦

ម៉ារ​ឌី​ ទើបតែ​បាន​បញ្ចប់​ថ្នាក់​បរិញ្ញាបត្រ​ផ្នែក​អក្សរសាស្ត្រ​អង់គ្លេស​ នៅ​វិទ្យាស្ថាន​ភាសាបរទេស​ និង​ជា​និស្សិត​ឆ្នាំ​ទី​៤​ នៃ​ដេ​ប៉ា​តឺ​ម៉​ង់​ផ្នែក​វិស្វកម្ម​ព័ត៌មានវិទ្យា​ និង​ទំនាក់ទំនង​ នៅ​វិទ្យាស្ថាន​បច្ចេកវិទ្យា​កម្ពុជា​​។​ ក្នុង​រយៈពេល​ ៦​ខែ​ ម៉ារ​ឌី​បាន​ធ្វើការ​ភាគច្រើន​លើ​ការ​រចនា​រូបរាង​ និង​ទម្រង់​ Theme​ នៃ​គេហទំព័រ​អូ​ឌី​ស៊ី​ ជំនាន់​ ២​ ជាមួយ​ ក្រុមការងារ​ អូ​ឌី​ស៊ី​។​ ក្រៅពី​នេះ​ គាត់​ក៏​បាន​ចូលរួម​ជាមួយ​ក្រុមការងារ​ផែនទី​ផង​ដែរ​ ក្នុង​ការ​បញ្ចូល​ទិន្នន័យ​មួយ​ចំនួន​។​

“​ការ​ចុះ​កម្មសិក្សា​នៅ​ អូ​ឌី​ស៊ី​ គឺជា​បទ​ពិសោធន៍​ជំនាញ​ការងារ​ដំបូង​របស់ខ្ញុំ​ ដែល​បាន​ផ្តល់​ឱ្យ​ខ្ញុំ​លើស​ពី​អ្វី​ដែល​ខ្ញុំ​បាន​រំពឹង​ទុក​។​ ខ្ញុំ​មានឱកាស​ មិន​ត្រឹមតែ​រៀន​អំពី​បច្ចេកវិទ្យា​ថ្មី​ និង​អនុវត្ត​ផ្ទាល់​លើ​ជំនាញ​ថ្មីៗ​ប៉ុណ្ណោះ​ទេ​ ប៉ុន្តែ​ខ្ញុំ​ក៍បាន​យល់​ពី​អំពី​លំដាប់លំដោយ​នៃ​ការងារ​ ហើយ​បាន​ជួប​មនុស្ស​ល្អៗ​ជា​ច្រើន​។​ ខ្ញុំ​មាន​អារម្មណ៍​ថា​ខ្ញុំ​ជា​ផ្នែក​មួយ​នៃ​ អូ​ឌី​ស៊ី​ ហើយ​ខ្ញុំ​ពេញចិត្ត​ចំពោះ​មជ្ឈដ្ឋាន​ការងារ​ និង​បេស​កម្ម​របស់​ អូ​ឌី​ស៊ី​។​”​ -​ សំ​អាន​ ម៉ារ​ឌី​

 

Lyhoung

រ៉ូមីអូ ហ្គៀរ៉ូ (Romeo Garreau),

 សាកលវិទ្យាល័យ Rennes 1

អ្នកហាត់ការស្រាវជ្រាវផ្នែកច្បាប់, មីនា-កញ្ញា ២០១៦

រ៉ូ​មី​អូ​ (Romeo)​ ទើបតែ​បាន​បញ្ចប់​ថ្នាក់អនុបណ្ឌិត​ផ្នែក​បរិស្ថាន​ និង​នីតិសាស្ត្រ​ នៅ​សាកលវិទ្យាល័យ​ Renne​ 1​ ប្រទេស​បារាំង​។​ រ៉ូ​មី​អូ​ គឺជា​អ្នក​ហាត់​ការ​ស្រាវជ្រាវ​ផ្នែក​ច្បាប់​នៅ​អូ​ឌី​ស៊ី​សម្រាប់​រយៈពេល​ ៦​ ខែ​។​ អំឡុង​ពេល​ហ្វឹកហាត់​ការងារ​នៅ​អូ​ឌី​ស៊ី​ រ៉ូ​មី​អូ​ បាន​រួមចំណែក​ការងារ​សំ​ណេ​រ​អត្ថបទ​ដែល​គួរ​ឱ្យ​ចាប់អារម្មណ៍​មួយ​ចំនួន​ដែល​ទាក់ទង​នឹង​ប្រធានបទ​បរិស្ថាន​ និង​ធនធានធម្មជាតិ​នៅ​ប្រទេស​កម្ពុជា​។​ ក្រៅពី​ការងារ​ទាំងនេះ​ រ៉ូ​មី​អូ​ ក៏​បាន​ជួយ​ការងារ​មួយ​ចំនួន​ដល់​ក្រុមការងារ​ទិន្នន័យ​ និង​ផែនទី​ និង​បាន​ចូលរួម​តំណាង​ក្រុមការងារ​អូ​ឌី​ស៊ី​នៅ​ក្នុង​ ព្រឹ​តិ្ត​ការណ៍​ផ្សព្វផ្សាយ​នានា​ ដូច​ជា​ កម្មវិធី​បា​ខែ​ម​,​ Inno-Tech,​ និង​ Science​ and​ Engineering​ Festival​។​

“​ការ​ហ្វឹកហាត់​ការងារ​របស់ខ្ញុំ​ បាន​នាំ​ឱ្យ​ខ្ញុំ​យល់​ដឹង​កាន់តែ​ទូលំទូលាយ​អំពី​និន្នាការ​ប្រទេស​កម្ពុជា​ ហើយ​វា​កំពុង​តែ​ពង្រឹង​ឆ​ន្ទះ​របស់ខ្ញុំ​ក្នុង​សកម្មភាព​ដើម្បី​ការពារ​បរិស្ថាន​។​ វា​ក៏​បាន​ធ្វើ​ឱ្យ​ខ្ញុំ​យល់​ដឹង​កាន់តែ​ប្រសើរ​អំពី​តម្លៃ​នៃ​ព័ត៌មាន​ និង​សារៈសំខាន់​នៃ​តម្លាភាព​ផង​ដែរ​”​ រ៉ូ​មី​អូ​ ហ្គៀ​រ៉ូ​ (Romeo​ Garreau)​

 
Lyhoung

ឆាយ វ៉ាន់លីហួង, 

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

អ្នកហាត់ការស្រាវជ្រាវផ្នែកច្បាប់ និងពណ្ណាធីការ, មិនា-សីហា ២០១៤

លី​ហួង​ គឺជា​និស្សិត​ឆ្នាំ​ទី​បី​ម្នាក់​នៃ​សាកលវិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​។​ លី​ហួង​ ពិតជា​បាន​ដើរតួ​យ៉ាង​សំខាន់​ក្នុង​ការ​កសាង​នៅ​ក្រម​ទំព័រ​ច្បាប់​របស់​គេហទំព័រ​អង្គការ​ទិន្នន័យ​អំពី​ការ​អភិវឌ្ឍ​។​ នាង​បាន​ធ្វើការ​ស្រាវជ្រាវ​អត្ថបទ​ច្បាប់​ផ្សេងៗ​ និង​រៀបចំ​ទុកដាក់​ឯកសារ​ទាំងនោះ​ សម្រាប់​ធ្វើការ​ដាក់​ប​ញ្ជូ​ល​ទៅ​តាម​ចំណាត់ថ្នាក់​ឯកសារ​របស់​គេហទំព័រ​អង្គការ​ទិន្នន័យ​អំពី​ការ​អភិវឌ្ឍ​។​ លី​ហួង​ ក៏​បាន​ជួយ​ផង​ដែរ​ដល់​អ្នក​កែសំរួល​អត្ថបទ​របស់​ អង្គការ​ទិន្នន័យ​អំពី​ការ​អភិវឌ្ឍ​ នៅ​ក្នុង​ការ​ប្រមូល​ព័ត៌មាន​ផ្សេងៗ​សម្រាប់​ការ​ផ្សាយ​ព័​ត៌​ប្រចាំ​ថ្ងៃ​។​

“​ខ្ញុំ​គិត​ថា​ខ្ញុំ​និង​មិន​អាច​បំភ្លេច​ពេលវេលា​ដ៏​ល្អ​របស់ខ្ញុំ​នៅ​អង្គការ​ទិន្នន័យ​អំពី​ការ​អភិវឌ្ឍ​ បាន​ឡើយ​ដោយសារ​តែ​បុគ្គលិក​នៅ​ទីនោះ​មានចិត្ត​ល្អ​ មានការ​រួបរួម​ការងារ​គ្នា​បាន​ល្អ​ និង​មាន​ភាព​រួសរាយ​រាក់ទាក់​។​ ពួក​គេ​ក៏​មាន​ភាព​កំប្លុកកំប្លែង​ផង​ដែរ​។​ បើ​ទោះបី​នោះ​គឺជា​បទ​ពិសោធ​ន៏​លើក​ដំបូង​របស់ខ្ញុំ​ក្នុង​នាម​ជា​អ្នក​ហាត់​ការងារ​ ខ្ញុំ​មាន​អារម្មណ៍​ថា​មាន​ភាព​ងាយស្រួល​ក្នុង​ការ​សម្រប​ខ្លួន​ ហើយ​ខ្ញុំ​ពិតជា​ទទួល​បាន​បទ​ពិសោធ​ន៏​និង​ចំណេះដឹង​ជា​ច្រើន​ពី​ពួក​គេ​ទាំងអស់​គ្នា​ក៏​ដូច​ជា​ពី​ការងារ​របស់ខ្ញុំ​ផង​ដែរ​។​”​ -​ ឆាយ​ វាន់​លី​ហួង​

 
Lisa

លីហ្សា ចាវ (Lisa Zhao),

មហាវិទ្យាល័យនីតិសាស្ត្រ កូឡុំបៀ

អ្នកហាត់ការស្រាវជ្រាវផ្នែកច្បាប់, មិថុនា-សីហា ២០១៤

ពេល​ឥឡូវនេះ​ លី​ហ្សា​ កំពុង​តែ​ចាប់ផ្តើម​ដំណើរការ​ក្រុមហ៊ុន​បច្ចេកវិទ្យា​មួយ​ជាមួយ​ដៃគូរ​របស់​នាង​ក្នុង​ប្រទេស​ចិន​។​ នាង​បាន​មក​កាន់​អង្គការ​ទិន្នន័យ​អំពី​ការ​អភិវឌ្ឍ​ បន្ទាប់​ពី​បាន​បញ្ចប់​ថ្នាក់​ឆ្នាំ​ទី​១​ របស់​នាង​ផ្នែក​នីតិសាស្ត្រ​ពី​មហា​វិទ្យា​ល័​៧​ច្បាប់​កូ​ឡុំ​បៀ​ ក្នុង​សហរដ្ឋអាមេរិក​។​ ក្នុងអំឡុងពេល​ហាត់​ការ​ នាង​បាន​រៀបចំសេចក្តី​ព្រាង​របាយការណ៍​សង្ខេប​មួយ​ស្តី​ពី​ ការ​វិនិយោគ​របស់​ប្រទេស​ចិន​នៅ​ក្នុង​តំបន់​ទន្លេមេគង្គ​ និង​ផល​ប៉ះពាល់​នៃ​ការ​វិនិយោគ​នោះ​។​ ក្រៅពី​ធ្វើការ​ស្រាវជ្រាវ​ លី​ហ្សា​ ក៏​បាន​រួមចំណែក​ក្នុង​ការងារ​មួយ​ចំនួន​ផ្សេង​ទៀត​ដូច​ជា​ការ​ត្រួតពិនិត្យ​ សំណុំ​ទិន្នន័យ​ និង​ការ​អភិវឌ្ឍ​ទិន្នន័យ​ មេតា​ដា​តា​ ជាដើម​។​

“​ខ្ញុំ​ពិតជា​មាន​អារម្មណ៍​រីករាយ​ចំពោះ​ពេលវេលា​របស់ខ្ញុំ​នៅ​ អង្គការ​ទិន្នន័យ​អំពី​ការ​អភិវឌ្ឍ​ដោយ​បាន​ធ្វើការ​ជាមួយ​មិត្ត​រួម​ការងារ​ទាំងអស់​ដែល​សុទ្ធតែ​ជា​មនុស្ស​ មានការ​ព្យាយាម​ និង​ពេញចិត្ត​ចំពោះ​ការងារ​របស់​ពួក​គេ​។​ ខ្ញុំ​បាន​ស្វែង​យល់​ដឹង​យ៉ាងច្រើន​អំពី​ការ​អភិវឌ្ឍ​សេដ្ឋកិច្ច​របស់​ប្រទេស​កម្ពុជា​។​ វា​ពិតជា​គួរ​ឱ្យ​ចាប់អារម្មណ៍​ជា​ខ្លាំង​នៅ​ពេល​ដែល​យើង​ធ្វើការ​វាយតម្លៃ​ពី​ ការ​អភិវឌ្ឍ​ដោយ​ផ្អែក​លើ​ទស្សនៈ​ និង​ប្រភព​ព័ត៌មាន​ផ្សេងៗ​គ្នា​។​ អង្គការ​ទិន្នន័យ​អំពី​ការ​អភិវឌ្ឍ​កំពុង​ធ្វើ​កិច្ចការ​ដ៏​អស្ចារ្យ​មួយ​ នៅ​ក្នុង​ប្រទេស​កម្ពុជា​ ហើយ​ខ្ញុំ​សង្ឃឹមថា​គេហទំព័រ​ថ្នាក់​តំបន់​ នឹង​អាច​បើក​ដំណើរការ​ក្នុង​ពេល​ឆាប់ៗ​ ហើយ​អាច​ផ្តល់​ព័ត៌មាន​ជា​សាធារណៈ​ដល់​ប្រជាជន​ក្នុង​តំបន់​នេះ​!​”-​ លី​ហ្សា​ ចាវ​

 
Liz

អេលីហ្សាប៊ែត បាន់នឺ (Elizabeth Buner),

មហាវិទ្យាល័យនីតិសាស្ត្រ វីលៀម និងម៉ារី

អ្នកហាត់ការស្រាវជ្រាវផ្នែកច្បាប់, ឧសភា-កក្កដា ២០១៤

លី​ស​ (Liz)​ គឺជា​និស្សិត​ម្នាក់​ដែល​សិក្សា​នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ ទីក្រុង​ វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ ក្នុងអំឡុងពេល​ដែល​គាត់​ស្នាក់​នៅ​ក្នុង​ប្រទេស​កម្ពុជា​ លី​ស​ បាន​ធ្វើការ​ស្រាវជ្រាវ​ និង​ធ្វើ​សេចក្តី​ព្រាង​អំពី​របាយការណ៍​សង្ខេប​មួយ​ដែល​ទាក់ទង​ទៅ​លើ​ចំការ​កៅស៊ូ​នៅ​ក្នុង​តំបន់​ទន្លេមេគង្គ​។​ លើស​ពី​នេះ​ នាង​ក៏​បាន​ធ្វើការ​បន្ទាន់​សម័យ​នៃ​ ព័ត៌មាន​របស់​អត្ថបទ​សង្ខេប​មួយ​ដែល​និយាយ​អំពី​គោលនយោបាយ​កសិកម្ម​របស់​ប្រទេស​កម្ពុជា​ផង​ដែរ​។​ ក្រៅពី​ធ្វើការ​ស្រាវជ្រាវ​ លី​ស​ ក៏​បាន​រួមចំណែក​ក្នុង​ការងារ​មួយ​ចំនួន​ផ្សេង​ទៀត​ដូច​ជា​ការ​ត្រួតពិនិត្យ​សំណុំ​ទិន្នន័យ​ និង​ការ​អភិវឌ្ឍ​ទិន្នន័យ​ មេតា​ដា​តា​ ជាដើម​។​

 
Ross

រ៉ូស ណាទីវីដេត (Ross Nativdad),

មហាវិទ្យាល័យនីតិសាស្ត្រ វីលៀម និងម៉ារី

អ្នកហាត់ការស្រាវជ្រាវផ្នែកច្បាប់, ឧសភា-កក្កដា ២០១៤

លោក​ រ៉ូ​ស​ (Ross)​ គឺជា​និស្សិត​ម្នាក់​សិក្សា​នៅ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​ ទីក្រុង​ វី​លៀម​ស្បើ​គ​ រដ្ឋ​វើ​ជី​នៀរ​ នៃ​សហរដ្ឋអាមេរិក​។​ លោក​បាន​ហ្វឹកហាត់​ការងារ​នៅ​អង្គការ​ទិន្នន័យ​អំពី​ការ​អភិវឌ្ឍ​ ចាប់ពី​ខែឧសភា​ ដល់​ខែកក្កដា​ ក្នុង​ឆ្នាំ​២០១៤​។​ លោក​បាន​ធ្វើការ​ស្រាវជ្រាវ​ និង​ធ្វើ​សេចក្តី​ព្រាង​របាយការណ៍​សង្ខេប​មួយ​ស្តី​ពី​ឧស្សាហកម្ម​កៅស៊ូ​នៃ​ប្រទេស​កម្ពុជា​។​ ក្រៅពី​ធ្វើការ​ស្រាវជ្រាវ​ រ៉ូ​ស​ ក៏​បាន​ រួមចំណែក​លើ​ការងារ​មួយ​ចំនួន​ផ្សេង​ទៀត​ដូច​ជា​ ការ​ត្រួតពិនិត្យ​សំណុំ​ទិន្នន័យ​ និង​ការ​អភិវឌ្ឍ​ទិន្នន័យ​ មេតា​ដា​តា​ ជាដើម​។​

“​លទ្ធផល​នៃ​កម្មសិក្សា​របស់ខ្ញុំ​គឺ​លើស​ពី​ការ​រំពឹង​ទុក​របស់ខ្ញុំ​ ហើយ​ខ្ញុំ​ពិតជា​មានការ​ដឹងគុណ​ និង​គិត​ថា​ខ្ញុំ​មានសំណាង​ខ្លាំង​ណាស់​ដែល​បាន​ទៅ​ធ្វើការ​នៅ​អង្គការ​ទិន្នន័យ​អំពី​ការ​អភិវឌ្ឍ​។​ ខ្ញុំ​បាន​ប្រែ​ក្លាយជា​អ្នក​ដែល​មានចំណេះ​ទូលំទូលាយ​អំពី​បញ្ហា​ជា​ច្រើន​ដែល​កំពុង​កើត​មាន​ឡើង​ក្នុង​ប្រទេស​កម្ពុជា​ដូច​ជា​បញ្ហា​ ផ្នែក​ច្បាប់​ បរិស្ថាន​ និង​សិទ្ធិ​មនុស្ស​ជាដើម​ ។​ លើស​ពី​នេះ​ ខ្ញុំ​ថែម​ទាំង​បាន​ស្វែង​យល់​អំពី​វប្បធម៌​ខ្មែរ​តាម​រយៈ​ការ​ធ្វើ​ដំណើរ​ទៅ​ទូ​ទាំង​ប្រទេស​ រៀន​ភាសា​ខ្មែរ​បន្តិចបន្តួច​ និង​ការ​ភ្លក់​រសជាតិ​អាហារ​ដែល​ប្លែកៗ​ និង​មានរ​រសជាតិ​ឆ្ងាញ់​។​ ដោយ​គ្មាន​មន្ទិល​សង្ស័យ​ អ្វី​ដែល​ល្អ​បំផុត​ចំពោះ​បទ​ពិសោធ​របស់ខ្ញុំ​ គឺ​ការ​បាន​ស្គាល់​និង​ធ្វើការ​ជាមួយ​មនុស្ស​ដែល​គួរ​អោយ​គោរព​ជា​ច្រើន​នៅ​ អង្គការ​ទិន្នន័យ​អំពី​ការ​អភិវឌ្ឍ​។​ ខ្ញុំ​នឹង​ចង​ចាំ​ជា​និច្ច​នូវ​វិជ្ជាជីវៈ​ដែល​ខ្ញុំ​ទទួលយក​បាន​ សេចក្ដី​សប្បុរស​ និង​មិត្តភាព​ដែល​ពួក​គេ​បាន​បង្ហាញ​ដល់​ខ្ញុំ​ ក្នុងអំឡុងពេល​បី​ខែ​នៅ​ក្នុង​ប្រទេស​កម្ពុជា​នោះ​។​ អរគុណ​ច្រើន​ ODC”-!​ រ៉ូ​ស​ ណា​ទី​វី​ដេ​ត​ (Ross​ Nativdad)

 
chheko

គង់ ឆេកូ,

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

អ្នកហាត់ការស្រាវជ្រាវផ្នែកច្បាប់, មិនា-កក្កដា ២០១៤

​ឆេ​កូ​ បាន​បញ្ចប់​ថ្នាក់បរិញ្ញាប័ត្រ​ផ្នែក​ច្បាប់​ជា​ភាសា​ខ្មែរ​ នៅ​សាកលវិទ្យាល័យ​ភូមិន្ទ​នីតិសាស្ត្រ​ និង​វិទ្យាសាស្ត្រ​សេដ្ឋកិច្ច​ ហើយ​គាត់​ក៏​បាន​បញ្ចប់​ថ្នាក់បរិញ្ញាប័ត្រ​ច្បាប់​ជា​ភាសា​អង់គ្លេស​ (ELBBL)​ ពី​សាកលវិទ្យាល័យ​ដូច​គ្នា​នោះ​ផង​ដែរ​ នៅ​ក្នុង​ខែសីហា​ឆ្នាំ​២០១៤​។​ ក្នុង​កំឡុង​ពេល​របស់​គាត់​នៅ​អង្គការ​ទិន្នន័យ​អំពី​ការ​អភិវឌ្ឍ​ ឆេ​កូ​បាន​ រួមចំណែក​ក្នុង​ការ​កសាង​នៅ​ក្រម​ទំព័រ​ច្បាប់​របស់​ អង្គការ​ទិន្នន័យ​អំពី​ការ​អភិវឌ្ឍ​។​ គាត់​បាន​ធ្វើការ​ស្រាវជ្រាវ​អត្ថបទ​ច្បាប់​ផ្សេងៗ​ដែល​ទាក់ទង​ និង​រៀបចំ​ទុកដាក់​ឯកសារ​ទាំងនោះ​ សម្រាប់​ធ្វើការ​ដាក់​ប​ញ្ជូ​ល​ទៅ​ក្នុង​ចំណាត់ថ្នាក់​ឯកសារ​របស់​ អង្គការ​ទិន្នន័យ​អំពី​ការ​អភិវឌ្ឍ​។​ លោក​ក៏​បាន​ជួយ​ក្រុម​អ្នក​កែសំរួល​អត្ថបទ​របស់​ អង្គការ​ទិន្នន័យ​អំពី​ការ​អភិវឌ្ឍ​ ផង​ដែរ​នៅ​ក្នុង​ការ​កំណត់​ព័ត៌មាន​ និង​ធ្វើការ​បកប្រែ​ព័ត៌មាន​សំរាប់​ដាក់​បញ្ចូល​ទៅ​ក្នុង​គេហទំព័រ​របស់​អង្គការ​ទិន្នន័យ​អំពី​ការ​អភិវឌ្ឍ​។​

“​ក្នុង​នាម​ជា​អ្នក​ហាត់​ការងារ​ ផ្នែក​ស្រាវជ្រាវ​ផ្នែក​ច្បាប់​ម្នាក់​ ខ្ញុំ​ទទួល​បាន​បទ​ពិសោធ​ន៏​យ៉ាងច្រើន​ពី​ការ​ធ្វើការ​ជាមួយ​បុគ្គលិក​របស់​ អង្គការ​ទិន្នន័យ​អំពី​ការ​អភិវឌ្ឍ​។​ បុគ្គលិក​របស់​ អង្គការ​ទិន្នន័យ​អំពី​ការ​អភិវឌ្ឍ​ មាន​ភាព​រួសរាយ​រាក់ទាក់​ ហើយ​ ខ្ញុំ​ពិតជា​អរគុណ​ជា​ខ្លាំង​ចំពោះ​ការ​ដែល​បាន​អនុញ្ញាត្ត​អោយ​ខ្ញុំ​បាន​ក្លាយជា​សមាជិក​នៃ​ក្រុមការងារ​មួយ​នេះ​ “​ ។​ -​ គង់​ ឆេ​កូ​

 
Poy Kimsan

ពយ គឹមសាន,

អង្គការ Passerelles Numériques Cambodia

អ្នកហាត់ការផ្នែកព័ត៌មានវិទ្យា, មិថុនា-ឧសភា ២០១៤

​គឹ​ម​សាន​ គឺ​អ្នក​ហាត់​ការ​ ផ្នែក​ព័ត៌មានវិទ្យា​ដំបូង​គេ​នៅ​អង្គការ​ទិន្នន័យ​អំពី​ការ​អភិវឌ្ឍ​។​ គឹ​ម​សាន​ ជា​និស្សិត​ឆ្នាំ​ទី​១​ ពី​អង្គការ​ Passerelles​ Numeriques​ Cambodia​ ដែល​ជា​អង្គការ​មិនមែន​រដ្ឋាភិបាល​បារាំង​ ផ្តោត​សំខាន់​លើ​ការ​ផ្តល់​ការ​បណ្តុះបណ្តាល​ផ្នែក​ព័ត៌មានវិទ្យា​ ដល់​យុវជន​កម្ពុជា​ ដែល​មាន​លក្ខណៈសម្បត្តិ​គ្រប់គ្រាន់​។​ គឹ​ម​សាន​ បាន​ធ្វើការ​ជាមួយនឹង​ក្រុមការងារ​ព័ត៌មានវិទ្យា​របស់​អង្គការ​ទិន្នន័យ​អំពី​ការ​អភិវឌ្ឍ​ លើ​ការ​អភិវឌ្ឍ​បន្ថែម​ និង​ការ​រក្សា​ទំព័រ​ឯកសារ​ច្បាប់​។​

 
Luke Flanagan

លូក ផ្លាណាហ្កាន (Luke Flanagan),

សាកលវិទ្យាល័យ ស៊ីដនី

អ្នកហាត់ការផ្នែកព័ត៌មានវិទ្យា, មករា ២០១៤

លោក​ លូក​ (Luke)​ ជា​និ​សិ​ត្ស​សិក្សា​ពី​ប្រព័ន្ធ​ព័ត៌មាន​ និង​ជីវសាស្ត្រ​ នៅ​សាកលវិទ្យាល័យ​ស៊ី​ដ​នី​។​ ខណៈ​ពេល​ដែល​ លោក​មាន​វិ​សម្ស​កាល​១​ខែ​ រវាង​កិច្ចការ​ស្ម័គ្រចិត្ត​របស់​លោក​នៅ​ប្រទេស​វៀតណាម​និង​មុន​ពេល​ឆមាស​ថ្មី​នេះ​បាន​ចាប់ផ្តើម​ លោក​ លូក​បាន​ជួយ​ក្រុមការងារ​ព័ត៌មានវិទ្យា​របស់​អង្គការ​អូ​ឌី​ស៊ី​ នៅ​ក្នុង​ការ​កែ​លម្អ​ទិន្នន័យ​ទំហំ​បច្ចុប្បន្ន​ នៅ​ក្នុង​កម្មវិធី​ MySQL​ និង​បាន​ធ្វើតេស្ត​ទៅ​លើ​ការ​រៀបចំ​សម្រាប់​ការ​បង្កើត​រចនាសម្ព័ន្ធ​ទិន្នន័យ​ស្ដង់ដារ​។​

 
Greg

ហ្គ្រែគ ប៊េម (Greg Bem),

សាកលវិទ្យាល័យ វ៉ាស៊ីនតោន

អ្នកហាត់ការលើការគ្រប់គ្រងព័ត៌មាន និងប្រព័ន្ធបណ្ណាល័យ, កញ្ញា-ធ្នូ ២០១៣

លោក​ ហ្គ្រែ​គ​ (Greg)​ គឺជា​និស្សិត​បញ្ចប់​ការ​សិក្សា​ពី​មហាវិទ្យាល័យ​ព័ត៌មាន​ នៃ​សាកលវិទ្យាល័យ​វ៉ា​ស៊ី​ន​តោន​ នៅ​ទីក្រុង​ស៊ា​ថ​ល​ សហរដ្ឋអាមេរិក​។​ លោក​ ហាត់​ការ​នៅ​អង្គការ​ទិន្នន័យ​អំពី​ការ​អភិវឌ្ឍ​ ដោយ​ផ្តោត​លើ​បណ្ណាល័យ​។

នៅ​ពេល​ដែល​មិន​មានការ​គិត​ ការ​អាន​ ការ​ជជែក​ និង​ការ​សរសេរ​ អំពី​បណ្ណាល័យ​ និង​ការ​បំ​លាស់​ប្តូរ​ព័ត៌មាន​នៅ​ក្នុង​សតវត្សរ៍​ទី​២១​នេះ​ លោក​ ហ្គ្រែ​គ​ (Greg)​ រីករាយ​ក្នុង​ការ​តែង​កំណាព្យ​ និង​សិល្បៈ​ហើយ​អាច​សរសេរ​យ៉ាង​ដិត​ដល់​អំពី​ហ្គេ​ម​កុំព្យូទ័រ​។​ ចាប់តាំងពី​លោក​ មក​កាន់​ប្រទេស​កម្ពុជា​ លោក​ចូល​ចិត្ត​ញ៉ាំ​ខ្ចៅ​។​

ភ្ជាប់​ជាមួយ​ប្លក់​ដំណើរ​កំសាន្ត​របស់​លោក​ (cambodianbem.wordpress.com)​ និង​ប្លក់​អំពី​ការ​ហាត់​កា​ (khmerbembrarian.wordpress.com)​ និង​ភ្ជាប់​ទំនាក់ទំនង​តាម​ Twitter​ @CambodianBem

 
Vidarith

ចាន់ វីដារិទ្ធិ,

មហាវិទ្យាល័យ ម៉ាកាឡែសស្ទើរ

អ្នកហាត់ការផ្នែកស្រាវជ្រាវ, មិថុនា-សីហា ២០១៣

លោក​ វី​ដា​រិ​ទ្ធិ​ មក​ពី​មហាវិទ្យាល័យ​ ម៉ា​កា​ឡែ​ស​ស្ទើរ​ នៅ​សហរដ្ឋអាមេរិក​។​ ខណៈ​ពេល​ដែល​លោក​ ធ្វើការ​លើ​គម្រោង​ស្រាវជ្រាវ​មួយ​ជាមួយ​អង្គការ​ ILO​ លើ​គម្រោង​រោងចក្រ​កាន់តែ​ប្រសើរ​នៅ​កម្ពុជា​ នៅ​ឆ្នាំ​២០១៣​ លោក​ វី​ដា​រិ​ទ្ធិ​ បាន​ធ្វើ​ជា​អ្នក​ហាត់​ការ​ផ្នែក​ស្រាវជ្រាវ​ក្រៅ​ម៉ោង​ ជាមួយ​អង្គការ​ទិន្នន័យ​អំពី​ការ​អភិវឌ្ឍ​។​ លោក​ បាន​រៀបចំ​អត្ថបទ​សង្ខេប​ ស្តី​អំពី​ឧស្សាហកម្ម​កាត់ដេរ​ និង​វាយ​ន​ភណ្ឌ​ និង​ការ​សិក្សា​សាកល្បង​មួយ​ ស្តី​ពី​លក្ខខណ្ឌ​ការងារ​ នៅ​ក្នុង​វិស័យ​ឧស្សាហកម្ម​កាត់ដេរ​ និង​វាយ​ន​ភណ្ឌ​នៅ​កម្ពុជា​ ទាំង​នាំ​ចេញ​ និង​មិន​នាំ​ចេញ​។​

 
Reach

រឹម រាជ,

សាកលវិទ្យាល័យភូមិន្ទកសិកម្ម

អ្នកធ្វើផែនទីស្ម័គ្រចិត្ត, មេសា-សីហា ២០១៣

លោក​ រាជ​ គឺជា​និស្សិត​ នៃ​សាកលវិទ្យាល័យ​ភូមិន្ទ​កសិកម្ម​។​ រាជ​ បាន​ធ្វើ​ការងារ​ស្ម័គ្រចិត្ត​លើ​ការងារ​ផលិត​ផែនទី​ ជាមួយនឹង​អង្គការ​ទិន្នន័យ​អំពី​ការ​អភិវឌ្ឍ​ កាលពីដើម​ឆ្នាំ​២០១៣​។​ ក្នុងអំឡុងពេល​ដែល​ លោក​ធ្វើការ​ជាមួយ​ អង្គការ​ទិន្នន័យ​អំពី​ការ​អភិវឌ្ឍ​ រាជ​បាន​ទទួល​ការ​បណ្តុះបណ្តាល​ ដោយ​ក្រុមការងារ​ផលិត​ផែនទី​របស់​អង្គការ​ទិន្នន័យ​អំពី​ការ​អភិវឌ្ឍ​ ក្នុង​ការ​ប្រើប្រាស់​កម្មវិធី​ផលិត​ផែនទី​ផ្សេងៗ​។​ នៅ​ចុងបញ្ចប់​ នៃ​ពេលវេលា​របស់​លោក​ជាមួយនឹង​អង្គការ​ទិន្នន័យ​អំពី​ការ​អភិវឌ្ឍ​ រាជ​មាន​លទ្ធភាព​ក្នុង​ការ​ជួយ​ទៅ​ដល់​ក្រុមការងារ​ផលិត​ផែនទី​របស់​អង្គការ​ទិន្នន័យ​អំពី​ការ​អភិវឌ្ឍ​ ក្នុង​ការ​ធ្វើ​ចំណាត់ថ្នាក់​រូបភាព​សម្រាប់​គម្រោង​បម្រែបម្រួល​គម្រប​ព្រៃឈើ​។​

 
Somneat

ពាត ពេជ្រសំនាថ,

សាកលវិទ្យាល័យភូមិន្ទកសិកម្ម

អ្នកធ្វើផែនទីស្ម័គ្រចិត្ត, មេសា-សីហា ២០១៣

លោក​ សំ​នាថ​ គឺជា​និស្សិត​ នៃ​សាកលវិទ្យាល័យ​ភូមិន្ទ​កសិកម្ម​។​ នាថ​ បាន​ធ្វើ​ការងារ​ស្ម័គ្រចិត្ត​ក្នុង​ការងារ​ផលិត​ផែនទី​ ជាមួយនឹង​អង្គការ​ទិន្នន័យ​អំពី​ការ​អភិវឌ្ឍ​ នៅ​ដើមឆ្នាំ​២០១៣​។​ ក្នុងអំឡុងពេល​ដែល​គាត់​ធ្វើការ​ជាមួយ​ អង្គការ​ទិន្នន័យ​អំពី​ការ​អភិវឌ្ឍ​ នាថ​ ត្រូវ​បាន​ទទួល​ការ​បណ្តុះបណ្តាល​ដើម្បី​ធ្វើការ​ស្រាវជ្រាវ​នៅ​ក្នុង​ការ​រិ​យា​ល័យ​ ប្រមូល​ទិន្នន័យ​ និង​រៀបចំ​សំណុំ​ទិន្នន័យ​សម្រាប់​ការ​ផលិត​ផែនទី​។​ នៅ​ចុងបញ្ចប់​នៃ​ពេលវេលា​របស់​គាត់​ជាមួយនឹង​អង្គការ​ទិន្នន័យ​អំពី​ការ​អភិវឌ្ឍ​ នាថ​ មាន​លទ្ធភាព​ក្នុង​ការ​ជួយ​ទៅ​ដល់​ក្រុម​អ្នក​ផលិត​ផែនទី​របស់​អង្គការ​ទិន្នន័យ​អំពី​ការ​អភិវឌ្ឍ​ ក្នុង​ការ​ធ្វើ​បច្ចុប្បន្នភាព​ ទិន្នន័យ​សម្បទាន​ដែល​ព្រឹត្តិបត្រ​ជា​ប្រចាំខែ​ចេញពី​រាជក្រឹត្យ​ អនុក្រឹត្យ​ ប្រទេស​កម្ពុជា​។​

 
Jessica

ជែសស៊ីកា ឌូវ៉ាល់ (Jessica Duval),

សាកលវិទ្យាល័យ Universite Libre de Bruxelles

អ្នកហាត់ការស្រាវជ្រាវផ្នែកច្បាប់, កក្កដា ២០១៣

​ជែស​ស៊ី​កា​ (Jessica)​ កំពុង​បន្ត​ការ​សិក្សា​អនុ​បណ្ឌិត​ផ្នែក​ច្បាប់សាធារណៈ​ នៅ​ឯ​សាកលវិទ្យាល័យ​ Libre​ de​ Bruxelles​។​ ជែស​ស៊ី​កា​ បាន​ចំណាយពេល​វិស្សមកាល​របស់​នាង​ ដោយ​ធ្វើ​ជា​អ្នក​ហាត់​ការ​ស្រាវជ្រាវ​ផ្នែក​ច្បាប់​។​ ស្ថិត​ក្នុងអំឡុងពេល​ហាត់​ការ​ នាង​បាន​បញ្ចប់​អត្ថបទ​សង្ខេប​ស្តី​អំពី​ច្បាប់​ និង​ប្រព័ន្ធ​យុត្តិធម៌​នៅ​ក្នុង​ប្រទេស​កម្ពុជា​ ហើយ​នាង​បាន​ប្រមូល​ឯកសារ​ច្បាប់​ប្រមាណ​ជាង​២០០០​ ដើម្បី​ធ្វើការ​រៀបចំ​កម្រង​ច្បាប់​ នៅ​លើ​ទំព័រ​ឯកសារ​ច្បាប់​របស់​គេហទំព័រ​អូ​ឌី​ស៊ី​។

 
Matthew Warren

ម៉េតធ្យូ វ៉ារ៉េន (Matthew Warren), 

សាកលវិទ្យាល័យ សាន់តា ក្លារ៉ា

អ្នកហាត់ការស្រាវជ្រាវផ្នែកច្បាប់, មិថុនា-កក្កដា ២០១៣

លោក​ ម៉ាត់​ (Matt)​ គឺជា​និស្សិត​មក​ពី​ សាកលវិទ្យាល័យ​នីតិសាស្ត្រ​ សាន់​តា​ ក្លា​រ៉ា​ នៅ​សហរដ្ឋអាមេរិក​។​ លោក​ បាន​មក​អង្គការ​ទិន្នន័យ​អំពី​ការ​អភិវឌ្ឍ​ បន្ទាប់​ពី​លោក​បាន​រៀន​ចប់​ឆ្នាំ​ទី​១​ ហើយ​លោក​ បាន​រៀបចំសេចក្តី​ព្រាង​របាយការណ៍​សង្ខេប​មួយ​ ស្តី​ពី​ក្រប​ខណ្ឌ​ច្បាប់​របស់​ប្រទេស​កម្ពុជា​ សម្រាប់​ការ​វិនិយោគ​ ក៏​ដូច​ជា​ការ​សិក្សា​សាកល្បង​មួយ​ អំពី​ច្បាប់​ការងារ​ នៅ​ប្រទេស​កម្ពុជា​ផង​ដែរ​។​

“​ខ្ញុំ​ពិតជា​ពេញចិត្ត​ពេលវេលា​របស់ខ្ញុំ​នៅ​អង្គការ​ទិន្នន័យ​អំពី​ការ​អភិវឌ្ឍ​ខ្លាំង​ណាស់​ ហើយ​ខ្ញុំ​បាន​រៀនសូត្រ​យ៉ាងច្រើន​ អំពី​រចនាសម្ព័ន្ធ​នៃ​រដ្ឋាភិបាល​ ក្នុង​ប្រទេស​កម្ពុជា​។​ បុគ្គលិក​អង្គការ​ទិន្នន័យ​អំពី​ការ​អភិវឌ្ឍ​ ពូកែ​ និង​មាន​ទេព​កោសល្យ​ ហើយ​រឿង​ដែល​អស្ចារ្យ​ជាង​នេះ​ ពួក​គេ​កំពុង​បន្ត​ធ្វើការ​ដើម្បី​ផ្តល់​នូវ​ព័ត៌មាន​ជា​ច្រើន​ ដែល​ជា​សេចក្តី​ត្រូវការ​ ជូន​សាធារណៈជន​!​ “-​ ម៉ាត់​ វ៉ា​រ៉េ​ន​ (Matt​ Warren)

 
Atif

អាទីហ្វ ចោតដឺរី (Atif Choudhury),

មហាវិទ្យាល័យនីតិសាស្ត្រ វីលៀម និងម៉ារី

អ្នកហាត់ការស្រាវជ្រាវផ្នែកច្បាប់, ឧសភា-កក្កដា ២០១៣

លោក​ អា​ទី​ហ្វ​ (Atif)​ គឺជា​និ​សិ​ត្ស​ឆ្នាំ​ទី​១​ ផ្នែក​នីតិសាស្ត្រ​នៃ​មហាវិទ្យាល័យ​នីតិសាស្ត្រ​ វី​លៀម​ និង​ម៉ា​រី​ ក្នុង​សហរដ្ឋអាមេរិក​។​ គាត់​បាន​មក​កាន់​ អង្គការ​ទិន្នន័យ​អំពី​ការ​អភិវឌ្ឍ​ បន្ទាប់​ពី​បាន​បញ្ចប់​ថ្នាក់​សិក្សា​ឆ្នាំ​ទី​១​របស់​គាត់​ ដោយ​គាត់​ទទួលខុសត្រូវ​លើ​ការ​ រៀបចំ​សរសេរ​អត្ត​បទ​សង្ខេប​លើ​ការ​បោះ​ឆ្នោត​ក្នុង​ប្រទេស​កម្ពុជា​ និង​ប្រមូល​ទិន្ន័យ​ សំរាប់​ការ​បង្កើត​គេហទំព័រ​ថ្នាក់​តំបន់​របស់​ អង្គការ​ទិន្នន័យ​អំពី​ការ​អភិវឌ្ឍ​។

“​ក្នុង​នាម​ជា​និស្សិត​ច្បាប់​ម្នាក់​ដែល​មិន​ទាន់​បាន​សូ​ម្បី​តែ​មានឱកាស​ក្នុង​ការ​ចូល​រៀន​ថ្នាក់​ច្បាប់​ស្តី​ពី​ការ​បោះ​ឆ្នោត​របស់​សហរ​ដ្ធ​អា​មេ​រិច​ (​ហើយ​កាន់តែ​មានការ​យល់​ដឹង​តិចតួច​អំពី​ច្បាប់បោះឆ្នោត​របស់​ប្រទេស​កម្ពុជា​ទៀត​ផង​នោះ​)​ ខ្ញុំ​សូម​សារភាព​ថា​ការ​ទទួលខុសត្រូវ​លើ​ភារកិច្ច​ដ៏​សំខាន់​យ៉ាង​ខ្លាំង​នេះ​ ពិតជា​ធ្វើ​អោយ​ខ្ញុំ​មាន​ ការ​ព្រួយបារម្ភ​យ៉ាង​ខ្លាំង​មែន​។​ ប៉ុន្តែ​បន្ទាប់​ពី​ខ្ញុំ​បាន​ចាប់ផ្តើម​ធ្វើការ​ស្រាវជ្រាវ​ពី​ប្រវត្តិ​នៃ​ការ​ការ​បោះ​ឆ្នោត​របស់​ប្រទេស​កម្ពុជា​ និង​ក្រប​ខណ្ឌ​នៃ​អភិបាលកិច្ច​ ព្រមទាំង​សិក្សា​បន្ថែម​លើ​ព​ត៌​មាន​លំអិត​ស្តី​ពី​ច្បាប់​លើ​ការ​បោះ​ឆ្នោត​ជ្រើសរើស​សមាជិក​រដ្ឋសភា​មក​ (​ដែល​ត្រូវ​បាន​គេ​ស្គាល់​ជា​ទូទៅ​ថា​ LEMNA)​ ខ្ញុំ​ចាប់ផ្តើម​អាច​សម្រប​ខ្លួន​បាន​ និង​បាន​ចាត់​ទុក​គម្រោង​នេះ​ថា​ជា​របស់​ខ្លួន​ខ្ញុំ​ផ្ទាល់​ “-​ ។​ អា​ទី​ហ្វ​ ចោត​ដឺ​រី​ (Atif​ Choudhury)

 
Katherine

ខាធើរីន ហាត (Katherine L. Hart),

មហាវិទ្យាល័យនីតិសាស្ត្រ Texas Wesleyan

អ្នកហាត់ការស្រាវជ្រាវផ្នែកច្បាប់, មិថុនា-កក្កដា ២០១៣

​ខា​ធើ​រី​ន​ (Katherine)​ គឺជា​និស្សិត​ម្នាក់​ដែល​បាន​បញ្ចប់​ការ​សិក្សា​មក​ពី​មហាវិទ្យាល័យ​នីតិសាស្ត្រ​ Texas​ Wesleyan​ ។​ ខា​ធើ​រី​ន​ បាន​ចំណាយ​ រយៈពេល​រដូវក្តៅ​របស់​នាង​ក្នុង​ឆ្នាំ​២០១៣​ ជាមួយ​អង្គការ​ទិន្នន័យ​អំពី​ការ​អភិវឌ្ឍ​។​ ក្នុង​កំឡុង​ពេល​នោះ​ នាង​បាន​បញ្ចប់​របាយការណ៍​សង្ខេប​មួយ​ ដែល​សិក្សា​អំពី​វិស័យ​សុខាភិបាល​នៅ​កម្ពុជា​។​ បច្ចុប្បន្ន​ ខា​ធើ​រី​ន​ កំពុង​បំពេញការងារ​ជូន​ស្ថាប័ន​ AlliedBarton​ Security​ Services​ ហើយ​នាង​ក៏​កំពុង​តែ​បន្ត​ការ​សិក្សា​របស់​នាង​លើ​ផ្នែក​ សន្តិសុខ​អន្តរជាតិ​ ឱសថ​ និង​គោលនយោបាយ​ច្បាប់​។​

ទំនាក់ទំនងយើងខ្ញុំ

ទំនាក់ទំនងយើងខ្ញុំ

បើលោកអ្នកមានសំនួរទាក់ទងនឹងខ្លឹមសារផ្សាយនៅលើគេហទំព័រ Open Development Cambodia (ODC)? យើងខ្ញុំ​នឹង​ឆ្លើយ​តប​​ដោយ​ក្តី​រីក​រាយ។

តើអ្នកបានឃើញបញ្ហាបច្ចេកទេសណាមួយនៅលើគេហទំព័រOpen Development Cambodia (ODC) ដែរឬទេ?

តើលោកអ្នកយល់យ៉ាងដូចម្តេចដែរចំពោះការងាររបស់អូឌីស៊ី?

តើលោកអ្នកមានឯកសារដែលអាចជួយពង្រីក​គេហទំព័រOpen Development Cambodia (ODC) ដែរ​ឬទេ​?​ យើងខ្ញុំ​នឹង​ធ្វើការ​ត្រួតពិនិត្យ​រាល់​ទិន្នន័យ​អំពី​ផែនទី​ ច្បាប់​ អត្ថបទ​ និង​ ឯកសារ​ដែល​ពុំ​មាននៅ​លើ​គេហទំព័រ​នេះ​ ហើយ​ពិចារណា​បោះផ្សាយ​ទិន្នន័យ​ទាំងនោះ​។​ សូម​មេត្តា​ផ្ញើ​តែ​ឯកសារ​ណា​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative Commons

ឯកសារត្រូវបានលុប
មានបញ្ហា!

កំណត់សម្គាល់៖ Open Development Cambodia (ODC) នឹង​ធ្វើការ​ត្រួតពិនិត្យ​រាល់​ឯកសារ​ដែល​បាន​បញ្ជូន​មក​យ៉ាង​ហ្មត់ចត់​ ដើម្បី​កំណត់​ភាព​ត្រឹមត្រូវ​ និង​ពាក់ព័ន្ធ​ មុន​ពេលធ្វើការ​បង្ហោះ​ផ្សាយ​។​ រាល់​ឯកសារ​ដែល​បាន​បង្ហោះ​ផ្សាយ​នឹង​ជា​ឯកសារ​ដែល​មាន​ជា​សាធារណៈ​ ឬ​ស្ថិត​នៅ​ក្រោម​អាជ្ញាប័ណ្ណ​ Creative​ Commons​។​ យើងខ្ញុំ​សូម​អគុណ​សំរាប់​ការ​គាំទ្រ​របស់​លោក​អ្នក​។​

4mMsj
* ប្រអប់មតិមិនអាចទទេ! មិនអាចបញ្ចូនបាន សូមធ្វើការបញ្ចូនម្តងទៀត! Please add the code correctly​ first.

សូម​អរគុណ​សំរាប់​ការ​ចំនាយ​ពេល​ក្នុង​ការ​ចែក​រំលែក​មក​កាន់​យើងខ្ញុំ!