ក្រុមហ៊ុន ម៉េង ស៊ីន ហុង​ ហ្វា (ខេមបូឌា) រីសសស៍ អ៊ិនវេសមេន
ព័ត៌មានក្រុមហ៊ុន ក្រុមហ៊ុននេះមានជំនាញជាច្រើនឆ្នាំទៅលើដំណើរការឧស្សាហកម្មរ៉ែទាំងក្នុងស្រុក និងក្រៅស្រុក។ បច្ចុប្បន្ននេះ ក្រុមហ៊ុនកំពុងតែដំណើរការជំនួញរុករករ៉ែនៅ ៣ ប្រទេស ក្នុងនោះមានចិន វៀតណាម និងកម្ពុជា និងមានបំណងពង្រីកដំណើរការរបស់ខ្លួនទៅកាន់ប្រទេសក្នុងតំបន់អាស៊ានថែមទៀត។ ក្រុមហ៊ុននេះ គឺជាផ្នែកមួយនៃក្រុមហ៊ុនខ្មែរ ហ្វឺស អ៊ិនវេសមេន​ ហូលឌីង គ្រុប ដែលបានបង្កើតឡើងក្នុងឆ្នាំ២០១០។
ដើមទុនចុះបញ្ជីក្រុមហ៊ុន ២០.០០០.០០០.០០០ រៀល
កាលបរិច្ឆេទចុះបញ្ជីក្រុមហ៊ុន ថ្ងៃទី៣ ខែមករា ឆ្នាំ២០១២
លេខកូដចុះបញ្ជីក្រុមហ៊ុន ៦២៥៨
ឈ្មោះប្រធានក្រុមហ៊ុន លោក Cao Yunde
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសចិន
អាសយដ្ឋានក្រុមហ៊ុន ផ្ទះលេខ#៤៧ ផ្លូវស្តេនហ្វត សង្កាត់ទន្លេបាសាក់ ខណ្ឌចំការមន រាជធានីភ្នំពេញ
ប្រភេទរបាយការណ៍ EIA មិនស្គាល់
ក្រសួង/ស្ថាប័ន ក្រសួងរ៉ែ និងថាមពល
ទីតាំង ទីតាំងគម្រោងមានចម្ងាយ ៣០០ គីឡូម៉ែត្រ ពីភ្នំពេញ និង ១០២ គីឡូម៉ែត្រ ពីក្រុងសៀមរាប
ភូមិ ភូមិចុងស្ពាន និងភូមិរវាង
ឃុំ ឃុំខ្វាវ
ស្រុក ស្រុកជីក្រែង
ខេត្ត ខេត្តសៀមរាប
រយៈពេលកិច្ចសន្យា ៣០ ​ឆ្នាំ កិច្ចសន្យាត្រូវបានបន្តរៀងរាល់ ១០ ឆ្នាំម្តង ប្រសិនបើដំណើរការរុករករ៉ែអាចបង្ហាញពីទីតាំងរ៉ែនៅតែមានទីផ្សារ។
ទំហំផ្ទៃដីរបស់គម្រោង ៣.៦០០ ហិកតា
វិស័យ ឧស្សាហកម្មនិស្សារណកម្ម
ក្រុមហ៊ុនសិក្សា EIA គ្រីអេធីវ ហ្រ្គីន ឌីស្សាញ
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ ៣២២ ផ្លូវលេខ ២៧១ សង្កាត់ទឹកថ្លា ខណ្ឌឬស្សីកែវ រាជធានីភ្នំពេញ។ ទូរស័ព្ទ៖ (៨៥៥-១១) ៨៤៥ ៦៩៥ / ០៩៧ ២០៤ ៦៧៨៩។ អ៊ីម៉ែល៖ saphoeuntous09@yahoo.com, គេហទំព័រ៖ www.CREATIVE09.com
បទដ្ឋានគតិយុទ្ធពាក់ព័ន្ធ ការវាយតម្លៃ និងការធ្វើរបាយការណ៍នេះអនុវត្តតាមក្របខ័ណ្ឌច្បាប់ជាតិចំនួន ១៥ ដែលរួមមានច្បាប់ចំនួន ៩ អនុក្រឹត្យចំនួន ៤ យុទ្ធសាស្ត្រចតុកោណ និងប្រកាសចំនួន ១ ។
ចំណូលនិងចំណាយក្រុមហ៊ុន ការព្យាករនៃតម្លៃអនាគតសរុបក្នុងរយៈពេល ១០ ឆ្នាំ គឺ ២២៥ លានដុល្លារអាមេរិក និងតម្លៃបច្ចុប្បន្នសរុប មានតម្លៃ ១៨៤,៩៣៨ លានដុល្លារអាមេរិក។ ខណៈអត្ថប្រយោជន៍តម្លៃបច្ចុប្បន្ន សរុបដែលបានប៉ាន់ប្រមាណគឺ ២០៤,១៤៧ លានដុល្លារដោយមិនរាប់បញ្ចូលការចំណាយផ្សេងទៀត។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម គម្រោងនេះរួមចំណែកដល់ការបង្កើនឱកាសការងារ ការលើកកម្ពស់សេដ្ឋកិច្ចក្នុងស្រុក និងហេដ្ឋារចនាសម្ព័ន្ធ ចំណូលពន្ធ និងការបែងចែកប្រាក់ចំណេញរបស់ខ្លួនសម្រាប់មូលនិធិសង្គម និងបរិស្ថាន។
ចំនួនការងារដែលបានបង្កើត បានជួលកម្មករក្នុងស្រុកចំនួន ៣០ នាក់ ហើយរំពឹងថា នឹងផ្តល់ការងារបន្ថែមទៀតឱ្យកម្មករពី ១៥០-២០០ នាក់នៅត្រីមាសទី១ ឆ្នាំ២០១៥។
ការចូលរួមជាសាធារណៈ ការវាយតម្លៃហេតុប៉ះពាល់បរិស្ថាន និងសង្គមលើគម្រោងនេះត្រូវបានពិភាក្សាពីរដង ជាមួយអ្នកពាក់ព័ន្ធមកពី មន្ទីរខេត្ត អភិបាលស្រុក មេឃុំ មេភូមិ និងភូមិចំនួនបីដែលនៅជុំវិញតំបន់គម្រោង។
ប្រភពដីបម្លែងពី តំបន់សម្បទានរ៉ែ គឺមានទីតាំងស្ថិតនៅតំបន់ព្រៃឈើដែលមាន ៤ ប្រភេទរួមមាន ព្រៃស្រោង​ ៦៣២​ ហិកតា ព្រៃពាក់កណ្តាលស្រោង ៣១ ហិកតា ព្រៃល្បោះ ២.២៤៣ ហិកតា និងដីគ្មានព្រៃ ៦៩៤ ហិកតា។ គម្រោងនេះ ធ្វើឱ្យប៉ះពាល់ដល់ព្រៃស្រោងចំនួន ៩១ ហិកតា និងព្រៃល្បោះចំនួន ៤២៨ ហិកតា។
ផែនការគ្រប់គ្រងបរិស្ថាន ក្រុមហ៊ុនមានផែនការគ្រប់គ្រងបរិស្ថាន ការត្រួតពិនិត្យបរិស្ថាន និងផែនការសវនកម្ម
ផែនការអភិវឌ្ឍ ផែនការអភិវឌ្ឍន៍ក្នុងតំបន់ដីសម្បទានមានដូចជា ហេដ្ឋារចនាសម្ព័ន្ធ មណ្ឌលសុខភាព សាលារៀន និងផ្សេងៗទៀត។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនបានរៀបចំយុទ្ធសាស្ត្រដើម្បីកាត់បន្ថយផលប៉ះពាល់ដោយប្រកាន់ភ្ជាប់នូវស្តង់ដារសម្រាប់ដំណើរការជីកយករ៉ែ និងការផ្តល់ទឹកស្អាតនិងអនាម័យទៅកាន់បុគ្គលិក ក៏ដូចជាធ្វើការពិភាក្សាជាមួយសហគមន៍និងអាជ្ញាធរមូលដ្ឋានជាមុន មុនពេលរៀបចំដីធ្លី។
មូលនិធិសេដ្ឋកិច្ចនិងសង្គម ទឹកប្រាក់ ៦០.០០០ ក្នុងមួយឆ្នាំ ឬ ៦០០.០០០ ដុល្លារ សម្រាប់រយៈពេល ១០ឆ្នាំ
ឆ្នាំបោះពុម្ភ EIA ២០១៥

ឯកសារយោង

[ពង្រាង] ​របាយការណ៍​វាយតម្លៃ​ហេតុ​ប៉ះពាល់​បរិស្ថាន​ និង​សង្គម​ពេញលេញ​ សម្រាប់​ គម្រោង​ធ្វើ​អាជីវកម្ម​ រ៉ែ​ ទង់ដែង​ ឃុំ​ខ្វាវ​ ស្រុក​ជីក្រែង​ ខេត្តសៀមរាប
​ម៉េ​ង​ ស៊ី​ន​ ហុង​ ហ្វា​ (​ខេ​ម​បូ​ឌា​)​ រិ​សសស៍​ អ៊ិ​ន​វេស​មេន​ ស្ថិត​នៅ​ក្រោម​ឆ័​ត្រ​របស់​ក្រុមហ៊ុន​វិនិយោគ​អេ​ហ្វ​អាយ​ហ្វ្រ​ន់​អ៊ី​ន​ធឺរ​មេន​គ្រុប​ដែល​បាន​បង្កើត​ឡើង​នៅ​ឆ្នាំ​ ២០១០​។​ របាយការណ៍​នេះ​គឺ​ដើម្បី​សិក្សា​អំពី​ផល​ប៉ះពាល់​បរិស្ថាន​ និង​សង្គម​នៃ​គម្រោង​រោងចក្រ​ផលិតកម្ម​ទង់ដែង​ និង​ជីក​រ៉ែ​នៅ​ខេត្តសៀមរាប​។​