សេសានក្រោម២

ស្ថានីយ៍ សេសានក្រោម២
គោលបំណងនៃគម្រោង ទំនប់វារីអគ្គិសនី
ក្រុមហ៊ុនវិនិយោគ Royal Group, China’s Hydrolancang International Energy, EVN International Joint Stock Company
ប្រទេសវិនិយោគ ចិន,កម្ពុជា
អានុភាពជាមេហ្គាវ៉ាត់ ៤០០
ថាមពលជាជីហ្គាវ៉ាត់ម៉ោង ១,៩៩៨
ឆ្នាំគ្រោងដំណើរការ 2016
ឃុំ ស្រែគរ
ស្រុក សេសាន
ខេត្ត ស្ទឹងត្រែង
មាត្រដ្ឋានស្ថានីយ៍ មាត្រដ្ឋានធំ
កាលបរិច្ឆេទនៃការវាយតម្លៃហេតុប៉ះពាល់បរិស្ថាន ខែធ្នូ ឆ្នាំ២០០៩
ខែតុលា ឆ្នាំ២០០៨
ស្ថានភាពនៃការវាយតម្លៃហេតុប៉ះពាល់បរិស្ថាន [២០០៨] ការសិក្សាពីលទ្ធភាពដែលអាចធ្វើបាន
ស្ថានភាពគម្រោង កំពុងដំណើរការ
ស្ថានភាពលម្អិតនៃគម្រោង មិនស្គាល់

ឯកសារយោង

របាយការណ៍សង្ខេបស្តីអំពីតំបន់ទំនប់វារីអគ្គិសនី សេសានក្រោមទី២ (LS2)
របាយការណ៍របស់អង្គការ Earthrights international បានផ្តល់ព័ត៌មានទូទៅស្តីអំពីគម្រោងទំនប់វារីអគ្គិសនី សេសានក្រោមទី២ (LS2) រួមមានទីតាំង តម្លៃក្នុងការសាងសង់ កំពស់និងទទឹងនៃទំនប់ ឆ្នាំរំពឹងទុកនៃការសម្រេចគម្រោងសាងសង់ អនុភាពនៃការផលិតនិងអនុភាពផលិតអគ្គិសនីប្រចាំឆ្នាំ។ របាយការណ៍នេះបានលើកឡើងអំពីបញ្ហាមួយចំនួនទៀតដូចជាក្រុមហ៊ុនចិនដែលជាប់ពាក់ព័ន្ធ ផលប៉ះពាល់ផ្នែកបរិស្ថាន សង្គម វប្បធម៌និងសេដ្ឋកិច្ច និងបញ្ហាគួរឱ្យព្រួយបារម្ភស្តីអំពីកង្វះខាងតម្លាភាពនិងគណនីយភាពនៃគម្រោង។
គម្រោងទំនប់វារីអគ្គិសនីសេសានក្រោម (សេសាន២)
គម្រោងទំនប់វារីអគ្គិសនីសេសានក្រោមទី២ មានអនុភាពផលិតវារីអគ្គិសនីចំនួន ៤០០ មេហ្គាវ៉ាត់ មានកម្ពស់ ៧៥ម៉ែត្រ និងប្រវែង ៦គីឡូម៉ែត្រ។ គម្រោងនេះនឹងត្រូវបានដំណើរការនៅស្រុកសេសាន ខេត្តស្ទឹងត្រែង។ ទោះបីជារង្វាយតម្លៃផលប៉ះពាល់បរិស្ថានរបស់គម្រោងនេះមិនបានគោរពទៅតាមស្តង់ដារអនុវត្តរបស់អន្តរជាតិក៏ដោយ គណៈរដ្ឋមន្ត្រីនៃប្រទេសកម្ពុជាបានអនុម័តគម្រោងនេះនៅចុងឆ្នាំ២០១២ ក្នុងទឹកប្រាក់ប៉ាន់ស្មានសរុបចំនួន៧៨១លានដុល្លារ ដែលភាគច្រើនត្រូវបានរាយការណ៍ថាជាកម្ចីមកពីធនាគារចិន។ គម្រោងនេះនឹងធ្វើឡើងក្នុងរយៈពេល៤០ឆ្នាំក្រោមកិច្ចសន្យា សាងសង់-អាជីវកម្ម-ផ្ទេរ។
របាយការណ៍ថ្នាក់ជាតិស្តីអំពីកិច្ចការពារនិងអភិវឌ្ឍនៅកម្ពុជា
បទបង្ហាញស្តីអំពីទិដ្ឋភាពទូទៅនៃវិស័យអគ្គីសនីនិងគម្រោងការអភិវឌ្ឍរបស់ប្រទេសកម្ពុជា ដោយរួមមានទិដ្ឋភាពទូទៅ ការវិវត្តនៃការផលិតថាមពលអគ្គីសនី តារាងសង្ខេបនៃអ្នកផ្គត់ផ្គង់ថាមពលអគ្គីសនីក្នុងរយៈពេលវែងនិងទិសដៅនៃគម្រោងអភិវឌ្ឍសម្រាប់បណ្តាញអគ្គីសនីថា្នកជាតិ។ ប្រភពនៃអគ្គីសនីរួមមាន៖ វារីអគ្គីនី ធ្យូងថ្ម ឧស្ម័នធម្មជាតិ ប្រេងឆៅនិងអគ្គីសនីនាំចូល។ ត្រឹមឆ្នាំ២០៣០ ប្រមាណ៧០ភាគរយនៃប្រជាជននៅទូទៅប្រទេសនឹងអាចទទួលបានអគ្គីសនីប្រើប្រាស់។
ដំណើរការនៃគម្រោងអភិវឌ្ឍវិស័យអគ្គិសនីនិងការតភ្ជាប់បណ្តាញបញ្ជូន
បទបង្ហាញនេះត្រូវបានធ្វើឡើងនៅក្នុងកិច្ចប្រជុំលើកទី០៨នៃក្រុមជំនួបពិសេស (FG-8) សម្រាប់អនុតំបន់ទន្លេមេគង្គ(GMS) កាលពីថ្ងៃទី២៦ ខែ វិច្ឆិកា ឆ្នាំ២០០៩ នៅលួងព្រះបាងនៃសាធារណៈរដ្ឋប្រជាមានិតឡាវ។ មាតិការនៃបទបង្ហាញនេះរួមមានការអភិវឌ្ឍវិស័យអគ្គិសនីនាពេលបច្ចុប្បន្ននៅក្នុងប្រទេសកម្ពុជា និងទស្សនវិស័យទៅលើគម្រោងអភិវឌ្ឍវិស័យអគ្គិសនី។
ដំណើរការនៃការអភិវឌ្ឍគម្រោងថាមពលនានានៅកម្ពុជា និងគម្រោងតភ្ជាប់បណ្តាញអគ្គិសនី
បទបង្ហាញនេះត្រូវបានរៀបចំឡើងដោយអគ្គិសនីកម្ពុជា។ វាផ្តោតសំខាន់ទៅលើបច្ចុប្បន្នភាពនៃការអភិវឌ្ឍវិស័យថាមពល និងចក្ខុវិស័យនៃគម្រោងអភិវឌ្ឍថាមពល។
បទបង្ហាញស្តីអំពីវារីអគ្គិសនីខ្នាតតូចសម្រាប់ប្រទេសកំពុងអភិវឌ្ឍ៖ ប្រទេសកម្ពុជា
បទបង្ហាញសង្ខេបមួយនេះចាប់ផ្តើមឡើងដោយការណែនាំអំពីគោលដៅនៃគោលនយោបាយអគ្គិសនី ដែលត្រូវបានតាក់តែងឡើងតាំងពីខែតុលា ឆ្នាំ១៩៩៤ និងបានបង្ហាញជាបន្តបន្ទាប់អំពីគម្រោងវារីអគ្គិសនីខ្នាតតូចនិងខ្នាតធំដែលមានសក្កានុពលនៅក្នុងប្រទេសកម្ពុជា។ នៅចុងបញ្ចប់នៃបទបង្ហាញ បានលើកឡើងផងដែរអំពីកង្វះខាតសមត្ថភាពបច្ចេកទេសរបស់មន្ត្រីពាក់ព័ន្ធនៅក្នុងនាយកដ្ឋានអគ្គិសនី ដូច្នេះនាយកដ្ឋានស្នើរសុំជំនួយក្នុងការអភិវឌ្ឍចំនុចខ្វះខាតនេះ។
កំរងបញ្ជីដីសម្បទាន
កំរងបញ្ជីនេះបានផ្តល់បញ្ជីឯកសារអំពីការសិក្សាអំពីដីសម្បទានសង្គមកិច្ច ដែលបានលើករឿងជាកត្តានៃការអភិវឌ្ឍនៅកម្ពុជា បញ្ហាជីវភាពតាមជន បទ និងការអភិវឌ្ឍសង្គម ។ បន្ថែមពីនេះ ក្របខណ្ឌច្បាប់មាន អនុក្រិត្យ ច្បាប់ សារាចរ និងគោលនយោបាយទាក់ទងដីសម្បទាន និងការអភិវឌ្ឍ សង្គម ។ ឯកសារបានប្រមូលមកពីក្រសួងនានា (ក្រសួងសេដ្ឋកិច្ច ហេរិញ្ញវត្ថុ ក្រសួងដែនដី នគរូបនីយកម្ម និងសំណង់ អង្គការវេទិការនៃ អង្គការមិនមែនរដ្ឋាភិបាលស្តីពីកម្ពុជា) ។ ជាបន្ថែម មានឯកសារករណី សិក្សាជាច្រើន និងព័ត៌មានទូទៅនៅទាំងថ្នាក់តំបន់ និងអន្តរជាតិ ស្តីពី សម្បទានរ៉ែនៅកម្ពុជា ។ ព័ត៌មានខាងលើអាចរកបាននៅក្នុងគេហទំព័ររបស់ អង្គការវេទិកានៃអង្គការមិនរដ្ឋាភិបាលស្តីពីកម្ពុជា ដែលបានចងក្រងដោយ កម្មវិធីដីធ្លី និងជីវភាព ។
គន្ថនិទ្ទេសនៃសម្បទាន
នេះជាគន្ថនិទ្ទេសនៃសម្បទានដែលរៀបចំឡើងក្រោមគម្រោងដីនិងជីវរស់នៅរបស់អង្គការវេទិការនៃអង្គការមិនមែនរដ្ឋាភិបាលស្តីអំពីកម្ពុជា(NGO Forum)។ តារាងនេះបង្ហាញពីអត្ថបទបោះពុម្ពផ្សាយនិងច្បាប់ពាក់ព័ន្ធត្រូវបានបង្ហាញដោយប្រធានបទ ឈ្មោះអ្នកនិពន្ធ/អ្នកបោះពុម្ពផ្សាយ ឆ្នាំបោះពុម្ពនិងកំណត់ចំណាំផ្សេងៗទៅលើប្រធានបទយ៉ាងទូលំទូលាយ ស្តីអំពីដីសម្បទានសេដ្ឋកិច្ចនិងដីសម្បទានស្វែងរុករក និងផលប៉ះពាល់ទៅកាន់ជីវភាពប្រជាពលរដ្ឋ ទំនាស់ដីធ្លី ការទន្ទ្រានយកដី និងនិន្នាការក្នុងតំបន់អាស៊ីអាគ្នេយ៍ ។
Concession Bibliography
A webpage showing list showing report of case studies on various concessions or land related investment issues.
អង្គការវេទិកានៃអង្គការមិនមែនរដ្ឋាភិបាលស្តីពីកម្ពុជា៖ បញ្ជីវាយតំលៃផលប៉ះពាល់បរិស្ថាន
ព័ត៌មានគំរោងមួយចំនួនដែលមានលេខកូដ(EIA-001 - EIA-071) ម្ចាស់គំរោង កាលបរិច្ឆេទសិក្សាEIA នៅចន្លោះឆ្នាំ2007-2013 ឈ្មោះEIA ទីតាំងគំរោង បញ្ជីឈ្មោះក្រុមហ៊ុនសិក្សាEIA និងឈ្មោះគំរោងអភិវឌ្ឍ ដោយ មានបញ្ជាក់ទីតាំងច្បាស់លាស់ ប្រតិបតិ្តនៅទូទាំងប្រទេស ។ ការសិក្សា ជំហានដំបូងនៃគំរោងអភិវឌ្ឍនានានៅតាមបណ្តាខេត្តផ្សេងៗ ។ គំរោងទាំង នោះមានដូចជាគំរោង ថាមពលវារីអគ្គីសនី ការអភិវឌ្ឍតំបន់ដីកោះ លំហែ កាយ និង កសិឧស្សាហកម្ម ។ ក្រុមហ៊ុន៧២បានចុះឈ្មោះ និងទទួលបាន គំរោង ដែលមានទីតាំងបណ្តោយតាមតំបន់ឆ្នេរ តំបន់ភាគខាងត្បូងឈៀង ខាងលិចមកទល់តំបន់ខ្ពង់រាបខាងឥសាន ។ ជាការគួរឲ្យចាប់អារម្មណ៏គ្រប់គំរោងទាំងអស់ មានការសិក្សាEIA ដោយ ក្រុមហ៊ុនទីប្រឹក្សាដូចជា ក្រុមហ៊ុនKCC, Power Engineering Consulting, CES, Green Consultancy, SAWAC Consultants for Development, Team Consulting Engineering and Management, Phanitra Development, CAS, Creative Green Design, CIS, Green Environment Group, and Cambodian Environment ។
តារាងនៃការវាយតម្លៃផលប៉ះពាល់បរិស្ថាន(EIA) (ទិន្នន័យត្រឹមខែកញ្ញា ឆ្នាំ២០១៣)
តារាងនេះបង្ហាញអំពីកំណត់ត្រានៃការវាយតម្លៃផលប៉ះពាល់បរិស្ថាន(EIA) ដែលជាទិន្នន័យទទួលបានរបស់អង្គការវេទិការនៃអង្គការមិនមែនរដ្ឋាភិបាលស្តីអំពីកម្ពុជា(NGO Forum)ត្រឹមខែកញ្ញា ឆ្នាំ២០១៣។ តារាងនេះរួមមានទិន្នន័យការវាយតម្លៃផលប៉ះពាល់បរិស្ថាន(EIA)ចំនួន៧១ទិន្នន័យ ដោយបង្ហាញអំពីក្រុមហ៊ុនម្ចាស់គម្រោង(មានការបកប្រែជាខេមរភាសាទៅលើឈ្មោះក្រុមហ៊ុនមួយចំនួន) កាលបរិច្ឆេទនៃការវាយតម្លៃផលប៉ះពាល់បរិស្ថាន(EIA) ឈ្មោះ/ស្ថានភាពនៃការវាយតម្លៃផលប៉ះពាល់បរិស្ថាន(EIA) ទីតាំងនៃគម្រោង ឈ្មោះក្រុមហ៊ុនដែលធ្វើការវាយតម្លៃផលប៉ះពាល់បរិស្ថាន(EIA) និងឈ្មោះគម្រោង (មានការបកប្រែជាខេមរភាសាទៅលើឈ្មោះគម្រោងមួយចំនួន) ។
បណ្ណសារគេហទំព័រស្តីអំពី ទន្លេសេសាន ​២
បណ្ណសារគេហទំព័រស្តីអំពីគម្រោងសេសានក្រោម២ បង្ហាញពីព័ត៌មានលម្អិតនៃគម្រោង សេសានក្រោម២ ដែលមានកម្លាំង ៤០០ មេហ្កាវ៉ាត់ ស្ថិតនៅភាគឦសាននៃប្រទេសលើដៃទន្លេមេគង្គដ៏សំខាន់។ វាត្រូវបានសាងសង់ក្នុងតំលៃ ៧៨០ លានដុល្លារអាមេរិក និងជាការបណ្តាក់ទុនរួមគ្នារវាងក្រុមហ៊ុន Hydrolancang International Energy របស់ប្រទេសចិន (កាន់កាប់ភាគហ៊ុន ៥១ ភាគរយ) ក្រុមហ៊ុន Royal Group របស់កម្ពុជា (៣៩ ភាគរយ) និងក្រុមហ៊ុនភាគហ៊ុនរួមអន្តរជាតិ EVN របស់វៀតណាម (១០ ភាគរយ) ។
ការអភិវឌ្ឍន៍ហេដ្ឋារចនាសម្ព័ន្ធធនធានទឹក និងអត្ថប្រយោជន៍ចិញ្ចឹមជីវិត៖ ករណីគម្រោងសេសានក្រោម ២ ប្រទេសកម្ពុជា
ឯកសារនេះបង្ហាញពីដំណើរការនៃការចូលរួមរបស់ប្រជាពលរដ្ឋទាក់ទងនឹងរបៀបវារៈនៃការចិញ្ចឹមជីវិតនៅក្នុងផែនការអភិវឌ្ឍន៍វារីអគ្គិសនី អង្គការអន្តរការី សេដ្ឋកិច្ចមូលដ្ឋាន និងទម្រង់សេដ្ឋកិច្ចសង្គម និងស្ថានភាពជីវភាពរស់នៅក្នុងអាង 3S និងតំបន់ទំនប់វារីអគ្គិសនីសេសានក្រោម 2 និងការពិពណ៌នា ការវិភាគលើការខកខានក្នុងឯកសារផែនការទាក់ទងនឹង HPD ។