ក្រុមហ៊ុន ក្រុមហ៊ុន ដែលខុម (កម្ពុជា) ភីធីអ៊ី អិលធីឌី
ព័ត៌មានក្រុមហ៊ុន ក្រុមហ៊ុន DELCOM (KAMPUCHEA) PTE. LTD. ជាក្រុមហ៊ុនសាជីវកម្មខ្មែរបរទេស (កម្ពុជា-ចិន) បានចុះបញ្ជីការនៅក្នុងក្រសួងពាណិជ្ជកម្ម នៅថ្ងៃទី០៨ ខែមករា ឆ្នាំ២០១០។ ក្រុមហ៊ុននេះបានទទួលអាជ្ញាប័ណ្ណសែ្វងរុករករ៉ែពីក្រសួងឧស្សាហកម្ម រ៉ែ និងថាមពល ដើម្បីធ្វើការស្រាវជ្រាវលើរ៉ែមាស ក្រោមលិខិតលេខ ៩៦៩ ឧរថ.ធរ.អប ចុះថ្ងៃទី០១ ខែតុលា ឆ្នាំ២០០៩។ ក្រុមហ៊ុនគ្រោងវិនិយោគទឹកប្រាក់បន្ថែមចំនួន ២,៤៥ លានដុល្លារ ដើម្បីរៀបចំប្រព័ន្ធផលិតកម្មមាស និងហេដ្ឋារចនាសម្ព័ន្ធមូលដ្ឋាន និងការសាងសង់ផ្លូវផ្សេងៗ។
ដើមទុនចុះបញ្ជីក្រុមហ៊ុន ៥០០.០០០.០០០ រៀល
កាលបរិច្ឆេទចុះបញ្ជីក្រុមហ៊ុន ០៨ មករា ២០១០
លេខកូដចុះបញ្ជីក្រុមហ៊ុន Co.០០៤៥KH/២០១០
ឈ្មោះប្រធានក្រុមហ៊ុន លោក ញ៉ែម ថាវី
លំនៅឋានអចិន្ត្រៃយ៍របស់ប្រធានក្រុមហ៊ុន ខ្មែរ-ចិន
អាសយដ្ឋានក្រុមហ៊ុន ផ្ទះលេខ ២៦ ផ្លូវលេខ ៦០៤ សង្កាត់បឹងកក់ ២ ខណ្ឌទួលគោក រាជធានីភ្នំពេញ
ប្រភេទរបាយការណ៍ EIA ការសិក្សាដំបូង
ក្រសួង/ស្ថាប័ន ក្រសួងឧស្សាហកម្ម រ៉ែ និងថាមពល
ទីតាំង តំបន់ភ្នំដែក ឃុំរម្យទម ស្រុករវៀង ខេត្តព្រះវិហារ ដីសម្បទាននេះអាចចូលតាមផ្លូវពីភូមិត្រពាំងទទឹមជាចំណុចបំបែកចេញពីផ្លូវជាតិលេខ ៦២ មានចម្ងាយ១០គីឡូម៉ែត្រឆ្ពោះទៅកាន់ក្រុមហ៊ុន Delcom (Kampuchea) PTE. LTD. តាមផ្លូវលំទៅកាន់ភូមិរំដេង។
ភូមិ ព័ត៌មានពុំអាចរកបាន
ឃុំ រម្យទម
ស្រុក រវៀង
ខេត្ត ព្រះវិហារ
រយៈពេលកិច្ចសន្យា ៩៩ឆ្នាំ
ទំហំជាហិកតា ១០០
ប្រភេទសម្បទាន រុករករ៉ែមាស
ក្រុមហ៊ុនសិក្សា EIA Green Consultancy Group Co., Ltd.
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ព័ត៌មានពុំអាចរកបាន
បទដ្ឋានគតិយុទ្ធពាក់ព័ន្ធ ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ
ច្បាប់ភូមិបាល
ច្បាប់ការងារ
ច្បាប់ស្តីពីការគ្រប់គង និងការធ្វើអាជីវកម្មធនធានរ៉ែ
ច្បាប់ស្តីពីជលផល
ច្បាប់ស្តីពីជីវសុវត្ថិភាព
ច្បាប់ស្តីពីព្រៃឈើ
ច្បាប់ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា
អនុក្រឹត្យស្តីពីកិច្ចដំណើរការវាយតម្លៃហេតុប៉ះពាល់បរិស្ថាន
អនុក្រឹត្យស្តីពីការត្រួតពិនិត្យការបំពុលទឹក
អនុក្រឹត្យស្តីពីការគ្រប់គ្រងសំណល់រឹង
អនុក្រឹត្យស្តីពីការត្រួតពិនិត្យការបំពុលខ្យល់ និងការរំខានដោយសំលេង
ចំណូលនិងចំណាយក្រុមហ៊ុន ព័ត៌មានពុំអាចរកបាន
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ទីតាំងដែលក្រុមហ៊ុន Delcom (Kampuchea) pte.Ltd. រៀបចំធ្វើការសាងសង់រោងចក្រ និងកន្លែងស្នាក់នៅរបស់កម្មកររ៉ែ មានទំហំចំនួនប្រមាណជា២ហិកតា។ ក្រៅពីនេះ ការរុករករ៉ែមានសម្លេង និងរំញ័រដែលបញ្ចេញដោយគ្រឿងចក្រ តែមិនរំខានដល់ការរស់នៅរបស់ប្រជាជនក្នុងតំបន់នោះទេ។ នៅពេលដែលគម្រោងទាំងមូលនេះដំណើរការបានពេញលេញ នោះនឹងនាំមកនូវផលប្រយោជន៍ជាច្រើនពាក់ព័ន្ធ និងការអភិវឌ្ឍសង្គម-សេដ្ឋកិច្ច ទាំងសំរាប់សហគមន៍មូលដ្ឋាន និងជាតិ។
ចំនួនការងារដែលបានបង្កើត ព័ត៌មានពុំអាចរកបាន
ការចូលរួមជាសាធារណៈ ថ្ងៃទី១២ ខែសីហា ឆ្នាំ២០១០ នៅសាលាខេត្តព្រះវិហារ មានបើកកិច្ចប្រជុំពិភាក្សាលើបទបង្ហាញរបាយការណ៍ស្តីពីការវាយតម្លៃហេតុប៉ះពាល់បរិស្ថាន និងសង្គមដំបូង មានសមាសភាពចូលរួមចំនួន១២នាក់មកពីស្ថាប័នរដ្ឋ ឯកជន និងអ្នកតំណាងក្រុមហ៊ុន​​ Delcom (Kampuchea) PTE.LTD.
ប្រភពដីបម្លែងពី តាមរយៈការវិភាគអំពីការប្រែប្រួលអំពីស្ថានភាពរបស់គម្របព្រៃឈើក្នុងតំបន់ដែនសម្បទានទាំងមូលនៅក្នុងរយៈពេល១៤ឆ្នាំ ចុងក្រោយដោយប្រើប្រាស់ប្រព័ន្ធទិន្នន័យ របស់ UNDP Dataset ឆ្នាំ១៩៩២-៩៣, ១៩៩៦-៩៧ និង FA GIS Dataset ឆ្នាំ២០០២ និង ២០០៦ បានបង្ហាញអោយដឹងថា ស្ថានភាពគម្របព្រៃឈើនៅទូទាំងតំបន់សម្បទានរ៉ែនេះត្រូវបានបាត់បង់អស់ចំនួន ៩០ហិកតា ឬស្មើនឹង ៩០ភាគរយ បើប្រៀបធៀបជាមួយនឹងផ្ទៃដីដែលមានគម្របព្រៃឈើសរុប (ឬជាព្រៃបៃតងជានិច្ច)។
ផែនការគ្រប់គ្រងបរិស្ថាន តំបន់សម្បទានរ៉ែនេះមានទំហំតូច (១០០ ហិកតា) ធនធានអេកូឡូស៊ី មានលក្ខណៈជាព្រៃល្បោះស្ងួត មានស្ថានភាពរេចរឹលមធ្យម។ គម្រោងស្រាវជ្រាវរុករក និងធ្វើអាជីវកម្មរ៉ែមាសនេះ ត្រូវបានចាត់ទុកថាជាប្រភេទគម្រោងដែលមានផលប៉ះពាល់មធ្យម ឬចំណាត់ថា្នក់B។ បន្ទាប់ពីការយករ៉ែមាសអស់ ក្រុមហ៊ុននឹងរៀបចំការស្តារដី ហើយដាំដើមឈើឡើងវិញ (ត្រូវការរយៈពេលមួយឆ្នាំ)​ ដូចេ្នះ មួយរយៈពេលក្រោយមក តំបន់នេះនឹងមានគម្របព្រៃឈើឡើងវិញ។
ផែនការអភិវឌ្ឍ គ្រោងធ្វើការនាំចូលនូវម៉ាស៊ីនកិនរ៉ែ ដែលមានលទ្ធភាពកិនកំទេចថ្មរ៉ែរហូតដល់១២៥ មីក្រុង និងសមត្ថភាពអាចកិនបំបែករ៉ែមាសបាន៣០០០តោនក្នុង១ខែ។ សាងសង់ទីស្នាក់ការ (កន្លែងស្នាក់នៅរបស់នាយកការដ្ឋាន បុគ្គលិកសំខាន់ៗ ផ្ទះបាយ រណ្តៅ​ អណ្តូងរ៉ែ រោងជាង កន្លែងរក្សាម៉ាស៊ីនភ្លើង កន្លែងរក្សាជាតិគីមី កន្លែងរក្សាគ្រឿងផ្ទុះ កន្លែងធ្វើប្រព្រឹត្តកម្មទឹកបូមពីអណ្តូងរ៉ែ និងប្រព័ន្ធផ្លូវសំរាប់ដឹករ៉ែចេញ។ ក្រុមហ៊ុនគ្រោងវិនិយោគទឹកប្រាក់ បន្ថែមចំនួន ២.៤៥ លានដុល្លារ​ដើម្បីរៀបចំប្រព័ន្ធផលិតកម្មមាស និងហេដ្ឋារចនាសម្ព័ន្ធមូលដ្ឋាន និងការសាងសង់ផ្លូវផ្សេងៗ។
យុទ្ធសាស្ត្រដើម្បីកាត់បន្ថយផលប៉ះពាល់ យោងតាមវិធានការគ្រប់គ្រងក្នុងរបាយការណ៍ ម្ចាស់គម្រោងជាអ្នកទទួលខុសត្រូវសំខាន់ក្នុងការគ្រប់គ្រងបរិស្ថានរបស់គម្រោងនេះ ចំណែកឯក្រសួងបរិស្ថាន និងក្រសួងឧស្សាហកម្ម រ៉ែ និងថាមពល​ និងអាជ្ញាធរខេត្ត ជាអ្នកពិនិត្យការអនុវត្តរបស់មា្ចស់គម្រោង។ វិធានការកាត់បន្ថយ៖ តាមរយៈការដាំព្រៃឡើងវិញ ក្រោយពេលបិទការដ្ឋាន និងរណ្តៅរ៉ែ។ ការបន្ថយការរំខានដោយសម្លេង និងរំញ័រដែលបញ្ចេញដោយគ្រឿងចក្រ និងការបរបាញ់តាមរយៈការអនុវត្តនូវវិធានការមួយចំនួន ខណ្ឌរបងនៅជុំវិញបរិវេណរណ្តៅរ៉ែ ហាមឃាត់ ឬណែនាំយ៉ាងម៉ត់ចត់ចំពោះកម្មករ ​និងកំលាំងប្រដាប់អាវុធ ដែលបំរើការនៅទីនោះ មិនអោយធ្វើការបរបាញ់សត្វដើម្បីធ្វើជាអាហារ។ កាត់បន្ថយការបំភាយឧស្ម័នពុល ត្រូវបំពាក់ឧបករណ៍ត្រងផែ្សងនៅគ្រប់គ្រឿងចក្រទាំងអស់។ កាត់បន្ថយការច្រោះដី ផលប៉ះពាល់ក្នុងដំណាក់កាលនៃការទាញយករ៉ែចេញពីថ្ម និងការចោលសំណល់រ៉ែ ជាដើម។
មូលនិធិសេដ្ឋកិច្ចនិងសង្គម ព័ត៌មានពុំអាចរកបាន
ឆ្នាំបោះពុម្ភ EIA ២០១១

ឯកសារយោង

[​ពង្រាង]​ របាយការណ៍​វាយតម្លៃ​ហេតុ​ប៉ះពាល់​បរិស្ថាន​ និង​សង្គម​ដំបូង​ លើ​គម្រោងការ​ធ្វើ​អាជីវកម្ម​រ៉ែ​មាស​ របស់​ក្រុមហ៊ុន​ ដែល​ខុ​ម​ (​កម្ពុជា​)​ ភី​ធី​អ៊ី​ អិ​ល​ធី​ឌី​
​ក្រុមហ៊ុន​ ដែល​ខុ​ម​ (​កម្ពុជា​)​ ភី​ធី​អ៊ី​ អិ​ល​ធី​ឌី​ ជា​ក្រុម​ហ៊ុម​សាជីវកម្ម​ខ្មែរ​បរទេស​ (​កម្ពុជា​-​ចិន​)​ បាន​សិក្សា​ទៅ​លើ​គម្រោងការ​ធ្វើ​អាជីវកម្ម​រ៉ែ​មាស​ នៅ​តំបន់​ភ្នំ​ដែក​ ឃុំ​រម្យទម​ ស្រុក​រវៀង​ ខេត្តព្រះវិហារ​ ជាមួយ​ទឹកប្រាក់​វិនិយោគ​ដំបូង​ចំនួន​ ៥០០​ ០០០​ ០០០​រៀល​ នៅ​លើ​ផ្ទៃដី​ទំហំ​ ១០០​ហិ​កតា​។​ ក្រុម​ហ៊ុម​គ្រោង​វិនិយោគ​ទឹកប្រាក់​បន្ថែមចំនួន​ ២,៤៥​ លាន​ដុ​លា្ល​ ដើម្បី​រៀបចំ​ប្រព័ន្ធ​ផលិតកម្ម​មាស​ និង​ហេដ្ឋារចនាសម្ព័ន្ធ​មូលដ្ឋាន​ និង​ការ​សាងសង់​ផ្លូវ​ផ្សេងៗ​។​