| ក្រុមហ៊ុន |
កោះពស់ (ខេមបូឌា) អ៊ិនវេសមេនគ្រុប |
| ព័ត៌មានក្រុមហ៊ុន |
គម្រោងមរកតគឺត្រូវបានវិនិយោគដោយក្រុមហ៊ុនកោះពស់ (ខេមបូឌា) អ៊ិនវេសមេនគ្រុប អិលធីឌី ដែលជាក្រុមហ៊ុន រុស្សី និងទទួលបានកិច្ចសន្យាជួលដីកោះពស់ និងឆ្នេរហាវ៉ៃរយៈពេល៩៩ឆ្នាំ ចុះថ្ងៃទី២៥ កញ្ញា ឆ្នាំ២០០៦។ គម្រោងនេះជាការវិនិយោគប្រភេទ សាងសង់ ប្រតិបត្តិការ និងផ្ទេរ (BOT) និងមានទុនវិនិយោគសរុប ៤៤០លានដុល្លារអាមេរិក។ |
| ដើមទុនចុះបញ្ជីក្រុមហ៊ុន |
៤៤០ លានដុល្លារអាមេរិក |
| ការលបរិច្ឆេទចុះបញ្ជីក្រុមហ៊ុន |
២៥ កញ្ញា ២០០៦ |
| លេខកូដចុះបញ្ជីក្រុមហ៊ុន |
ព័ត៌មានពុំអាចរកបាន |
| ឈ្មោះប្រធានក្រុមហ៊ុន |
ព័ត៌មានពុំអាចរកបាន |
| លំនៅឋានអចិន្ត្រៃយ៍របស់ប្រធានក្រុមហ៊ុន |
ប្រទេសរុស្ស៊ី |
| អាសយដ្ឋានក្រុមហ៊ុន |
ផ្ទះលេខ ០៦៣ ផ្លូវឯករាជ្យ ក្រុងព្រះសីហនុ ខេត្តព្រះសីហនុ |
| ប្រភេទរបាយការណ៍ EIA |
ការសិក្សាដំបូង |
| ក្រសួង/ស្ថាប័ន |
ព័ត៌មានពុំអាចរកបាន |
| ទីតាំង |
តំបន់គម្រោងមានចម្ងាយប្រមាណ ២៣០គ.ម ពីរាជធានីភ្នំពេញ ហើយធ្វើដំណើរតាមផ្លូវជាតិលេខ៤ |
| ភូមិ |
ភូមិ១ |
| ឃុំ |
សង្កាត់លេខ ៣ |
| ស្រុក |
ក្រុងព្រះសីហនុ |
| ខេត្ត |
ព្រះសីហនុ |
| រយៈពេលកិច្ចសន្យា |
៩៩ឆ្នាំ |
| ទំហំជាហិកតា |
គម្រោងនេះចែកជា ៣ ផ្នែក៖ ការសាងសង់ស្ពាន ៩០០ម៉ែត្រ, ឆ្នេរហាវ៉ៃ មានផ្ទៃដី ២២ ៧៨៨ ម៉ែត្រការ៉េ និងកោះពស់ មានផ្ទៃដី ១ ០៧៨ ០០០ ម៉ែត្រការ៉េ។ |
| ប្រភេទសម្បទាន |
សម្បទានកោះ |
| ក្រុមហ៊ុនសិក្សា EIA |
ឃី ខនសាល់ធេន (ខេមបូឌា) |
| ព័ត៌មានក្រុមហ៊ុនសិក្សា EIA |
ព័ត៌មានពុំអាចរកបាន |
| អាសយដ្ឋានក្រុមហ៊ុនសិក្សា EIA |
មជ្ឍមណ្ឌលភ្នំពេញ អគារ F ជាន់ទី៦ បន្ទប់ ៦៨៤ មហាវិថីព្រះសីហនុ ខ័ណ្ឌចំការមន រាជធានីភ្នំពេញ |
| បទដ្ឋានគតិយុទ្ធពាក់ព័ន្ធ |
ច្បាប់និងអនុក្រឹត្យដែលពាក់ព័ន្ធមានចំនួន១១ មានដូចជា៖ ច្បាប់រដ្ឋធម្មនុញ្ញនៃព្រះរាជាណាចក្រកម្ពុជា, ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ ១៩៩៦, ច្បាប់ស្តីពីការងារ ១៩៩៧, ច្បាប់ភូមិបាល ២០០១, ច្បាប់ស្តីពីព្រៃឈើ ២០០២, ច្បាប់ស្តីពីជលផល ២០០៦, ច្បាប់ស្តីពីការគ្រប់គ្រងធនធានទឹក ២០០៧, អនុក្រឹត្យស្តីពីកិច្ចដំណើរការវាយតម្លៃហេតុប៉ះពាល់បរិស្ថាន ១៩៩៩, អនុក្រឹត្យស្តីពីការត្រួតពិនិត្យការបំពុលទឹក ១៩៩៩, អនុក្រឹត្យស្តីពីការគ្រប់គ្រងសំណល់រឹង ១៩៩៩ និងអនុក្រឹត្យស្តីពីការត្រួតពិនិត្យការបំពុលខ្យល់ និងការរំខានដោយសំលេង ២០០០។ |
| ចំនូលនិងចំណាយក្រុមហ៊ុន |
យោងទៅតាមវិភាគហិរញ្ញវត្ថុលើគម្រោងស្នើសុំអភិវឌ្ឍន៍ បានប៉ាន់ប្រមាណប្រហែល ៥៩១លានដុល្លារអាមេរិក នៅខណៈថ្លៃដើមប្រមាណ ៤៤០លានដុល្លារអាមេរិក។ ហើយក្រុមហ៊ុនបានចំណាយលើ តម្លៃថ្លៃឈ្នួលដីអប្បបរមានៅកោះពស់ ៨០.០០០ដុល្លារក្នុង១ឆ្នាំ និងថ្លៃអប្បបរមានេះនឹងកើនឡើង ១០.០០០ដុល្លារ រៀងរាល់៥ឆ្នាំម្តង រហូតដល់ចប់។ ក្រុមហ៊ុនចំណាយលើ ឆ្នេរកោះពស់ លើប្រាក់ថ្លៃឈ្នួលចំនួន ១.៤០០ដុល្លារ សម្រាប់ឆ្នាំទី២ និងទី៣ ហើយចាប់ពីឆ្នាំទី៤ នៃដំណាក់ការធ្វើអាជីវកម្មនឹងត្រូវបង់ ៥.៥០០ដុល្លារ ក្នុង១ឆ្នាំ ហើយនឹងត្រូវបង្កើនចំនួន ១០% រៀងរាល់ ១០ឆ្នាំម្តង។ រីឯស្ពានកោះពស់វិញ មានតម្លៃជួលសរុបសម្រាប់រយៈពេល៩៩ ឆ្នាំ គឺ ៨៥០.០០០ដុល្លារ។ |
| ផល់ប៉ះពាល់វិជ្ជមានទៅលើសេដ្ឋកិច្ចនិងសង្គម |
គម្រោងនេះនឹងបង្កើតឱ្យមានកន្លែងទេសចរ ដែលអាចផ្តល់ការងារ ហេដ្ឋារចនាសម្ព័ន្ធ ការការពារទៅលើជីវរស់ក្នុងទឹក ដោយការទប់ស្កាត់នូវការនេសាទខុសច្បាប់ និងការផ្តល់ជម្រកដ៏ល្អសម្រាប់ការបង្កាត់ពូជ និងការលូតលាស់របស់សត្វ និងរុក្ខជាតិ។ |
| ចំនួនការងារដែលបានបង្កើត |
គម្រោងនេះត្រូវបានបែងចែកជា ពីរ ដំណាក់កាល គឺការជ្រើសរើសប្រភេទបុគ្គលិកអំឡុងពេលសាងសង់ សរុបចំនួន ៩៩៥ នាក់ និងអំឡុងពេលដំណើរការចំនួន ១៤៧៦ នាក់។ ហើយក្រុមហ៊ុនបានបង្កើតការងារដល់ប្រជាជន រស់នៅក្នុងខេត្តព្រះសីហនុ រហូតទៅដល់ ៩៩០ នាក់ ក្នុងដំណើរការសាងសង់ និងចំនួន ១៤៧០នាក់ អំឡុងពេលប្រតិបត្តិការគម្រោង។ |
| ការចូលរួមជាសាធារណៈ |
ដំណើរការចូលរួមជាសារធារណៈជនត្រួវបានធ្វើឡើងចំនួន ២ លើក៖ ការប្រជុំលើកទី១ គឺដើម្បីផ្តល់ព័ត៌មានគម្រោងដល់សហគមន៍មូលដ្ឋាន និងពិនិត្យមើលបញ្ហាបរិស្ថានដែលនឹងអាចកើតមានឡើងនៅជុំវិញគម្រោង និងលើកទី២ គឺបន្ទាប់ពីបញ្ចប់ការងារចុះសិក្សាទីវាលក្នុងតំបន់គម្រោង ដើម្បីបង្ហាញទៅដល់អ្នកពាក់ព័ន្ធ ដូចជា៖ តំណាងសហគមន៍ដែលរងផលប៉ះពាល់ គ្រប់មន្ទីរពាក់ព័ន្ទក្នុងខេត្ត ផ្នែកឯកជន អង្គការក្រៅរដ្ឋាភិបាល និងស្ថាប័នផ្សេងទៀតដែលមកពីភ្នំពេញ។ ការចូលរួមនេះ គឺបើកទូលាយក្នុងការបញ្ចេញមតិយោបល់, សំណួរ និងសំណើរស្នើសុំ។ |
| ប្រភពដីបម្លែងពី |
ការអភិវឌ្ឍនេះបានបម្លែងដីចេញពីព្រៃឈើ នៅលើកោះពស់ ប្រហែល ៤៦ ហិកតា ដែលស្មើនឹងប្រមាណ ៤៧% នៃព្រៃឈើសរុប ដើម្បីធ្វើការសាងសង់។ |
| ផែនការគ្រប់គ្រងបរិស្ថាន |
ក្រុមហ៊ុនមានផែនការគ្រប់គ្រងបរិស្ថាន ដែលជាវិធានក្នុងការកាត់បន្ថយ ការត្រួតពិនិត្យតាមដាន និងការធ្វើអធិការកិច្ចទៅលើការរៀបចំប្លង់មុនពេលសាងសង់ ពេលសាងសង់ និងដំណើរការគម្រោង។ |
| ផែនការអភិវឌ្ឍ |
ក្រុមហ៊ុនមានផែនការអភិវឌ្ឍន៍ដូចជា៖ ការងារសាងសង់ស្ពាន រយៈពេល ៣ឆ្នាំ, ការអភិវឌ្ឍឆ្នេរហាវ៉ៃ ៤ឆ្នាំ និងការអភិវឌ្ឍលើកោះពស់ ៦ឆ្នាំ។ |
| យុទ្ធសាស្ត្រដើម្បីកាត់បន្ថយផលប៉ះពាល់ |
ក្រុមហ៊ុនបានសហប្រតិបត្តិការជាមួយក្រសួងសាធារណការ និងដឹកជញ្ជូន, ក្រសួងដែនដី នគរូបនីយកម្ម និងសំណង់, គណៈកម្មការត្រួតពិនិត្យបទដ្ឋានបច្ចេកទេស, មន្ទីរបរិស្ថានខេត្ត , មន្ទីរសាធារណការ និងដឺកជញ្ជូនខេត្ត, នាយកដ្ឋានវាយតម្លៃហេតុប៉ះពាល់បរិស្ថានរបស់ក្រសួងបរិស្ថាន នាយកដ្ឋានត្រួតពិនិត្យការបំពុលរបស់ក្រសួងបរិស្ថាន រដ្ឋបាលជលផល រដ្ឋបាលព្រៃឈើ អ្នកម៉ៅការសាងសង់ និងអាជ្ញាធរមូលដ្ឋាន ដើម្បីត្រួតពិនិត្យលើការអនុវត្តក្នុងដំណាក់កាល មុនពេលសាងសង់ ដំណាក់កាលសាងសង់ និងដំណើរការគ្រប់គ្រងគម្រោង។ |
| មូលនិធីសេដ្ឋកិច្ចនិងសង្គម |
ព័ត៌មានពុំអាចរកបាន |
| ឆ្នាំបោះពុម្ភ EIA |
២,០១១ |
អង្គការទិន្នន័យអំពីការអភិវឌ្ឍ (អូឌីស៊ី) កំពុងធ្វើការស្ទង់មតិមួយដើម្បីវាយតម្លៃផលប៉ះពាល់នៃសកម្មភាពរបស់ខ្លួនលើការអភិវឌ្ឍរបស់កម្ពុជា។ លទ្ធផលនៃការស្ទង់មតិនេះនឹងផ្តល់ការយល់ដឹងដល់អូឌីស៊ីអំពីរបៀបដែលខ្លួនអាចចូលរួមចំណែកអភិវឌ្ឍកម្ពុជាឲ្យកាន់តែប្រសើរឡើង។
