ក្រុមហ៊ុន China Yunnan Corporation for International Techno-Economic Cooperation (CYC)
ព័ត៌មានក្រុមហ៊ុន ព័ត៌មានពុំអាចរកបាន
ដើមទុនចុះបញ្ជីក្រុមហ៊ុន ២៥៥.០០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ថ្ងៃទី១៦ ខែកុម្ភៈ ឆ្នាំ២០០៧
លេខកូដចុះបញ្ជីក្រុមហ៊ុន ព័ត៌មានពុំអាចរកបាន
ឈ្មោះប្រធានក្រុមហ៊ុន ព័ត៌មានពុំអាចរកបាន
លំនៅឋានអចិន្ត្រៃយ៍របស់ប្រធានក្រុមហ៊ុន ព័ត៌មានពុំអាចរកបាន
អាសយដ្ឋានក្រុមហ៊ុន ព័ត៌មានពុំអាចរកបាន
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមដំបូង
ក្រសួង/ស្ថាប័ន ក្រសួងរ៉ែ និងថាមពល
ទីតាំង តំបន់ដែលក្រុមហ៊ុននឹងធ្វើការអភិវឌ្ឍវារីអគ្គីសនី មានទីតាំងស្ថិតនៅចម្ងាយប្រមាណ ៦០​ គីឡូម៉ែត្រ ភាគទក្សិណ ពីទីរួមខេត្តកោះកុង (ផ្លូវទឹក ២២គីឡូម៉ែត្រ តាមកោះប៉ោ និងផ្លូវគោក ៣៨គីឡូម៉ែត្រ) ហើយមានចម្ងាយប្រមាណ ១៦០ គីឡូម៉ែត្រ ភាគនិរតី ពីទីរួមខេត្តពោធិសាត់ ដែលស្ថិតក្នុងឃុំអូរសោម ស្រុកវាលវែង ត្រង់ចន្លោះខ្សែស្របទី ១១°៥៧' និង១២°០១' នៃរយៈទទឹងខាងជើង និងខ្សែបណ្ដោយទី ១០៣°០៧' និង១០៣° ១២' នៃរយៈបណ្ដោយខាងកើត។
ភូមិ ព័ត៌មានពុំអាចរកបាន
ឃុំ ឃុំអូរសោម
ស្រុក ស្រុកវាលវែង
ខេត្ត ខេត្តពោធិ៍សាត់
រយៈពេលកិច្ចសន្យា ៣០ឆ្នាំ
ទំហំផ្ទៃដីរបស់គម្រោង ព័ត៌មានពុំអាចរកបាន
វិស័យ វារីអគ្គិសនី
ក្រុមហ៊ុនសិក្សា EIA SAWAC Consultants for Development
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ០១ ផ្លូវលេខ២៥៩ សង្កាត់ទឹកល្អក់១ ខ័ណ្ឌទួលគោក រាជធានីភ្នំពេញ
បទដ្ឋានគតិយុទ្ធពាក់ព័ន្ធ ច្បាប់ស្ដីពីកិច្ចការពារបរិស្ថាន និងការគ្រប់គ្រងធនធានធម្មជាតិ ច្បាប់ស្ដីពីការងារ ច្បាប់ភូមិបាល ច្បាប់ស្ដីពីព្រៃឈើ ច្បាប់ស្ដីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា អនុក្រឹត្យស្ដីពីការត្រួតពិនិត្យការបំពុលទឹក​ អនុក្រឹត្យស្ដីពីការគ្រប់គ្រងសំណល់រឹង អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាលបរិស្ថាន និងអនុក្រឹត្យស្ដីពីសម្បទានដីសង្គមកិច្ច
ចំណូលនិងចំណាយក្រុមហ៊ុន ព័ត៌មានពុំអាចរកបាន
ផលប៉ះពាល់វិជ្ជមានទៅលើសេដ្ឋកិច្ចនិងសង្គម - កាត់បន្ថយជំនន់ធំៗ ដោយសារព្យុះភ្លៀងទីហ្វុងក្នុងតំបន់ភ្នំក្រវាញ - ធ្វើឱ្យកំណាត់ស្ទឹងអាតៃ មានទឹកគ្រប់គ្រាន់សម្រាប់រក្សាជីវៈចម្រុះនៅរដូវប្រាំង នៅត្រង់ទីតាំងនៃទំនប់ទឹក - បរិមាណទឹកដ៏ធំធេងនៃអាងទឹកនេះអាចបង្កលក្ខខ័ណ្ឌសមស្របសម្រាប់ការអភិរក្ស និងការកើនឡើងនៃប្រភេទត្រីនិងវារីសត្វមួយចំនួនធំក្នុងតំបន់ស្ទឹងអាតៃនេះ - គម្រោងវារីអគ្គិសនីអាតៃនេះ នឹងអាចផលិតថាមពលបានប្រមាណ ១២០ មេហ្គាវ៉ាត់ ដែលវាអាចឆ្លើយតបដ៏មានប្រសិទ្ធភាពចំពោះដំណោះស្រាយ ប្រភពអគ្គិសនីសម្រាប់តំបន់ឧត្តរ និងតំបន់ពាយ័ព្យ នៃប្រទេសកម្ពុជាក្នុងរយៈពេលមធ្យម - ផ្ដល់ស្ថេរភាពក្នុងការផ្គត់ផ្គង់ចរន្តអគ្គិសនីដល់អ្នកប្រើប្រាស់តាមរោងចក្រ ឧស្សាហកម្មនានា លំនៅដ្ឋាន ទីសាធារណៈ ​និងការអភិវឌ្ឍន៍សេដ្ឋកិច្ចប្រទេសកម្ពុជា - គម្រោងនេះនឹងសាងសង់ហេដ្ឋារចនាសម្ព័ន្ធផ្លូវថ្នល់នៅក្នុងតំបន់នោះ រួមមានកែលំអរផ្លូវចេញចូលពីទីរួមស្រុកវាលវែងទៅឃុំអូរសោម សាងសងផ្លូវ និងស្ពានចេញចូលទៅផ្លូវទៅអគារថាមពល និងទំនប់ទាំងពីរ - អាចធ្វើឱ្យដីក្នុងតំបន់កើនតម្លៃ ជាពិសេសការប្រើប្រាស់ដីសម្រាប់វិស័យឧស្សាហកម្ម កសិកម្មទំនើប និងទេសចរណ៍ ដោយសារឥទ្ធិពលនៃការអភិវឌ្ឍន៍គម្រោង និងហេដ្ឋារចនាសម្ព័ន្ធរបស់វា។ ម្យ៉ាងទៀត ហេដ្ឋារចនាសម្ព័ន្ធគម្រោង អាចទាក់ទាញអ្នកទេសចរណ៍ជាតិ និងអន្តរជាតិមកទស្សនានៅក្នុងតំបន់គម្រោង តំបន់អាតៃ និងតំបន់ក្បែរខាងទៅថ្ងែអនាគត - គម្រោងនេះនឹងបង្កើតការងារជូនប្រជាពលរដ្ឋ ជាពិសេសប្រជាពលរដ្ឋក្នុងមូលដ្ឋានក្នុងពេលសាងសង់គម្រោងនេះ ដោយគ្រោងជ្រើសរើស បុគ្គលិកកម្មករចំនួន ១១០០នាក់ ដោយគិតទាំងកម្មករឯកទេសចិនផងដែរ -​ គម្រោងនឹងផ្ដល់ស្ថេរភាពក្នុងការផ្គត់ផ្គង់ចរន្តអគ្គិសនីដល់ការអភិវឌ្ឍន៍លើគ្រប់វិស័យរាប់តាំងពីការប្រើប្រាស់សម្រាប់បំភ្លឺតាមលំនៅដ្ឋានទីក្រុង ការបំរើឱ្យវិស័យកសិកម្ម វិស័យទេសចរណ៍ ពិសេសវិស័យសិប្បកម្ម និងឧស្សាហកម្ម - ក្រុមហ៊ុនគ្រោងនឹងផ្ដល់មូលនិធិសម្រាប់ការពារបរិស្ថានសម្រាប់កាត់បន្ថយការប៉ះពាល់ទាំងនេះ និងសម្រាប់បំលាស់ប្ដូរលំនៅដ្ឋានផងដែរ។
ចំនួនការងារដែលបានបង្កើត គម្រោងមានផែនការជ្រើសរើសបុគ្គលិក-កម្មករ ដែលផ្ដល់អាទីភាពចំពោះប្រជាជនដែលរស់នៅក្បែរតំបន់គម្រោង ដែលក្នុងពេលសាងសង់រយៈពេល ៤ឆ្នាំ មាន ១.១០០ នាក់ និងក្នុងកំឡុងពេលប្រតិបត្តិ និងថែទាំ ៨៨ នាក់ ក្នុងនោះរួមមាន ប្រធានអ្នកចាត់ចែងការ និង បុគ្គលិកផ្នែករដ្ឋបាល ៣៣នាក់ បុគ្គលិកផ្នែកវិស្វកម្មទឹក ១២​ នាក់ បុគ្គលិកផ្នែកបញ្ជារ និងដំណើរការ ១៥ នាក់ បុគ្គលិកផ្នែកថែទាំ និងជួសជុល ២៥ នាក់ និងបុគ្គលិកផ្នែកព័ត៌មាន ៣ នាក់។
ការចូលរួមជាសាធារណៈ នៅក្នុងការគម្រោងសិក្សានេះ មានការពិគ្រោះយោបល់ពីសំណាក់សាធារណជន ដែលពាក់ព័ន្ធដូចជា អភិបាលខេត្តពោធិ៍សាត់ អង្គការ​ CI និង FFI អភិបាលស្រុកវាលវែង អនុប្រធានមន្ទីរបរិស្ថានខេត្តពោធិសាត់ មេឃុំពាក់ព័ន្ធជាមួយគម្រោង មេភូមិពាក់ព័ន្ធជាមួយគម្រោង ប្រធានមន្ទីឧស្សាហកម្ម រ៉ែ និងថាមពលខេត្តពោធិ៍សាត។
ប្រភពដីបម្លែងពី គម្រោងនេះនឹងប៉ះពាល់ផ្ទៃដីព្រៃឈើសរុបចំនួន ៥.៩០១ ហិកតា ដែលក្នុងនោះ មានព្រៃស្រោង ៤.៧៤១ ហិកតា ព្រៃពាក់កណ្ដាលស្រោង ១៥៧ ហិកតា ព្រៃល្បោះ ៨៨ ហិកតា ព្រៃល្បាយឫស្សី ១៦១ ហិកតា ព្រៃល្បាយស្រល់ ៥ ហិកតា និងព្រៃគុម្ពោធ ១២៣ ហិកតា។
ផែនការគ្រប់គ្រងបរិស្ថាន នៅក្នុងផែនការនៃការគ្រប់គ្រងបរិស្ថាន ក្រុមហ៊ុនត្រូវមានដូចជា វិធានការសំខាន់ៗ មួយចំនួនសម្រាប់ធ្វើការទប់ស្កាត់ និងកាត់បន្ថយនូវរាល់ហេតុប៉ះពាល់បរិស្ថានអវិជ្ជមាន កម្មវិធីអង្កេតតាមដាននិងត្រួតពិនិត្យការអនុវត្តន៍វិធានការការពារបរិស្ថាន និងកម្មវិធីបណ្ដុះបណ្ដាលធនធានមនុស្សឱ្យមានសមត្ថភាពគ្រប់គ្រាន់សម្រាប់បំពេញការងារឱ្យបានរីកចម្រើន និងសុក្រឹត្យត្រឹមត្រូវទាំងការងារបច្ចេកទេស និងការងារបរិស្ថាន។
ផែនការអភិវឌ្ឍ គម្រោងនេះនឹងសាងសង់ហេដ្ឋារចនាសម្ព័ន្ធផ្លូវថ្នល់នៅក្នុងតំបន់នេះ ដូចជាកែលំអរផ្លូវចេញចូលពីទីរួមស្រុកវាលវែងទៅឃុំអូរសោមឱ្យមានលក្ខណៈល្អប្រសើរ សាងសង់ផ្លូវ និងស្ពានចេញចូលទៅផ្លូវទៅអគារថាមពល និងទំនប់ទាំងពីរ ដែលងាយស្រួលឱ្យទេសចរណ៍ជាតិ និងអន្តរជាតិចេញចូលតំបន់នោះ។
យុទ្ធសាស្ត្រដើម្បីកាត់បន្ថយផលប៉ះពាល់ ហេតុផលប៉ះពាល់អវិជ្ជមានសំខាន់ៗ ត្រូវបានវាយតម្លៃ នៅគ្រប់ដំណាក់កាលនៃគម្រោង មានជាអាទិ៍ ដំណាក់កាលរចនាគម្រោង ដំណាក់កាលសាងសង់គម្រោង ដំណាក់កាលប្រតិបត្តិនិងថែទាំគម្រោង និងដំណាក់កាលបិទគម្រោង ដែលនៅក្នុងដំណាក់កាលនីមួយ ហេតុផលប៉ះពាល់អវិជ្ជមានលំអិតទៅតាមផ្នែកនីមួយៗនៃធនធានធម្មជាតិ ត្រូវបានកំណត់ ជាមួយនឹងវិធានការណ៍ឆ្លើយតបចំពោះបញ្ហារទាំងនោះ។
មូលនិធិសេដ្ឋកិច្ចនិងសង្គម ក្រុមហ៊ុនបាននឹងត្រៀមថវិការចំនួន ៦.១២៦.២១៦ ដុល្លារអាមេរិក ក្នុងការប្រតិបត្តិផែនការណ៍ការពារបរិស្ថាន រួមទាំងកិច្ចដំណើរការគ្របើគ្រងសំណល់រឹងរាវ សម្រាប់រយៈពេលសាងសង់ និងប្រតិបត្តិគម្រោង។
ឆ្នាំបោះពុម្ភ EIA ២០០៨
បច្ចុប្បន្នភាព កញ្ញា ២០២១

ឯកសារយោង

[ពង្រាង] ការវាយតម្លៃហេតុប៉ះពាល់បរិស្ថាន និង​សង្គម លើគម្រោងវារីអគ្គិសនីស្ទឹងអាតៃ ស្ថិតនៅស្រុកវាលវែង ខេត្តពោធិ៍សាត់
គម្រោងអភិវឌ្ឍន៍វារីអគ្គិសនីស្ទឹងអាតៃត្រូវបានចុះកិច្ចសន្យាអនុវត្ត រវាងរាជរដ្ឋាភិបាល និងក្រុមហ៊ុន China Yunan Corporation for International Techchno-Economic Cooperation (CYC) នាថ្ងៃទី ១៦​ ខែ​ កុម្ភៈ​ ឆ្នាំ ២០០៧ មានរយៈពេល​ ៣០ឆ្នាំហើយម្រោងនេះ អាចមានលទ្ធភាពផលិតថាមពលអគ្គិសនីបានប្រមាណ ១២០MW ត្រូវការរយៈពេលប្រមាណ​ ៤ឆ្នាំ(ចាប់ផ្ដើមសាងសង់ ខែ ឧសភា​ ឆ្នាំ២០០៨ និងបញ្ចប់នៅខែឧសភា ឆ្នាំ២០១២)។ គម្រោងនេះមានតម្លៃវិនិយោគសរុប គឺប្រមាណ​ ២៥៥លានដុល្លារអាមេរិកកាំង។