ក្រុមហ៊ុន ភូ យ៉ាង (ខេមបូឌា)
ព័ត៌មានក្រុមហ៊ុន ក្រុមហ៊ុនបានស្នើសុំគម្រោងវិនិយោគធនធានរ៉ែលោហៈពីរដ្ឋាភិបាលតាមរយៈឯកឧត្តមទេសរដ្ឋមន្ត្រីក្រសួងបរិស្ថាន លើទំហំផ្ទៃដីចំនួន ៤ គីឡូម៉ែត្រក្រឡា ដែលការវិនិយោគមែនសម្រាប់ធ្វើអាជីវកម្មរ៉ែលោហៈ ដែលបានស្នើសុំស្ថិតនៅក្នុងភូមិសាស្ត្រតំបន់ភ្នំព្រឹក ស្រុកភ្នំព្រឹក ខេត្តបាត់ដំបង។ ក្រុមហ៊ុនធ្លាប់មានបទពិសោធន៍ក្នុងរុករករ៉ែតាំងពីឆ្នាំ ១៩៨១មក ដែលពេលនោះក្រុមហ៊ុនមានឈ្មោះថា យ៉ានថៃប្លូហ្វ័រែសមាញនីងម៉ាស៊ីន័ររី ដែលមានទីតាំងស្ថិតនៅសួនឧស្សាហកម្មរបស់ឃុំលីងលុង ក្រុងស្សាវយោន ខេត្តសានតុង តំបន់មាននៃប្រទេសចិន។
ដើមទុនចុះបញ្ជីក្រុមហ៊ុន ៨១២.៤៥០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ១៧ វិច្ឆិកា ២០០៨
លេខកូដចុះបញ្ជីក្រុមហ៊ុន ៥៩២៩ ពណ.ចបព
ឈ្មោះប្រធានក្រុមហ៊ុន លោក លីន លុន
លំនៅឋានអចិន្ត្រៃយ៍របស់ប្រធានក្រុមហ៊ុន ខ្មែរ
អាសយដ្ឋានក្រុមហ៊ុន ក្រុមហ៊ុនមានទីស្នាក់ការនៅផ្ទះលេខ ២៦ ផ្លូវ ២៤៧ សង្កាត់បឹងព្រលឹត ខណ្ឌ ៧មករា រាជធានីភ្នំពេញ
ប្រភេទរបាយការណ៍ EIA របាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ
ក្រសួង/ស្ថាប័ន ក្រសួងឧស្សាហកម្ម រ៉ែ និងថាមពល
ទីតាំង ស្ថិតនៅក្នុងភូមិសាស្ត្រតំបន់ភ្នំព្រឹក ស្រុកភ្នំព្រឹក ខេត្តបាត់ដំបង។
ភូមិ ភូមិភ្នំព្រឹក និងភូមិបេងស្អាត
ឃុំ តំបន់ភ្នំព្រឹក
ស្រុក ភ្នំព្រឹក
ខេត្ត បាត់ដំបង
រយៈពេលកិច្ចសន្យា ៩​ឆ្នាំ
ទំហំជាហិកតា ៤ គីឡូម៉ែត្រក្រឡា
ប្រភេទសម្បទាន គម្រោងធ្វើអាជីវកម្មរ៉ែលោហៈ
ក្រុមហ៊ុនសិក្សា EIA ហ្រ្គីន អ៊ិនវ៉ាយរិនមិន គ្រុប
ព័ត៌មានក្រុមហ៊ុនសិក្សា EIA មិនមានពត៌មាន
អាសយដ្ឋានក្រុមហ៊ុនសិក្សា EIA ផ្ទះលេខ E05 ផ្លូវលេខ ៤៦៦ សង្កាត់បឹងត្របែក ខណ្ឌចំការមន ភ្នំពេញ
បទដ្ឋានគតិយុទ្ធពាក់ព័ន្ធ ច្បាប់ស្ដីពីកិច្ចការពារបរិស្ថាននិងការគ្រប់គ្រងធនធានធម្មជាតិ ច្បាប់ស្ដីពីការងារ ច្បាប់ស្ដីពីការគ្រប់គ្រង និងការធ្វើអាជីវកម្មធនធានរ៉ែ ច្បាប់ភូមិបាល ច្បាប់ស្តីពីព្រៃឈើ ច្បាប់ស្ដីពីជលផល ច្បាប់គ្រប់គ្រងធនធានទឹក អនុក្រឹត្យស្ដីពីការត្រួតពិនិត្យការបំពុលទឹក អនុក្រឹត្យស្ដីពីការគ្រប់គ្រងសំណល់រឹង អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាល់បរិស្ថាន អនុក្រឹតស្ដីពីការត្រួតពិនិត្យការបំពុលខ្យល់ និងការរំខានដោយសំឡេង ប្រកាសស្តីពីគោលការណ៍ណែនាំទូទៅក្នុងការធ្វើរបាយការណ៍វាយតម្លៃហេតុប៉ះពាល់បរិស្ថានដំបូង និងពេញលេញ កិច្ចព្រមព្រៀងស្ដីពីការសិក្សាស្រាវជ្រាវ និងការធ្វើអាជីវកម្មរ៉ែលោហៈនៅតំបន់ភ្នំព្រឹកស្រុកភ្នំព្រឹកខេត្តបាត់ដំបង
ចំណូលនិងចំណាយក្រុមហ៊ុន ក្រុមហ៊ុនអាចរកចំណូលបាន ៣៤.២០០.០០០ដុល្លារហើយចំណាយសរុបចំនួន ៥.៧៨០.៩៦៦ដុល្លារ ប៉ុន្តែត្រូវបង់ពន្ធនិងប៉ាតង់ចំនួន ២ ម៉ឺនដុល្លារ ដូច្នេះប្រាក់ចំណេញសុទ្ធគឺ ១៩.៨៧៣.៣២៤ដុល្លារក្នុង ១ ឆ្នាំ។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ផលប៉ះពាល់វិជ្ជមានរបស់គម្រោងមានដូចជា៖ ជួយកាត់បន្ថយពីការហូរចូលនូវសកម្មភាពធ្វើអាជីវកម្មរ៉ែបែបអនាធិបតេយ្យក្នុងតំបន់ ជួយស្ដារឡើងវិញនូវធនធានដីព្រៃតាមរយៈផែនការដាំដើមឈើឡើងវិញ ជួយធ្វើការដោះមានក្នុងតំបន់ ជួយកសាងនូវផ្លូវគមនាគមន៍ និងហេដ្ឋារចនាសម្ព័ន្ធ ផ្តល់ការងារជាច្រើន កាត់បន្ថយការចំណាកស្រុក ជួយអភិវឌ្ឍសេដ្ឋកិច្ចជាតិតាមរយៈការបង់ពន្ធអាករ បង្ហាញពីទិដ្ឋភាពល្អប្រសើរក្នុងដំណើរការវិនិយោគនានា។
ចំនួនការងារដែលបានបង្កើត ៤០​នាក់
ការចូលរួមជាសាធារណៈ តំណាងសាលាខេត្តបាត់ដំបង មន្ទីរឧស្សាហកម្ម រ៉ែ និងថាមពល មន្ទីរបរិស្ថាន មន្ទីរកសិកម្ម រុក្ខាប្រមាញ់ និងនេសាទ មន្ទីររៀបចំដែនដី នគរូបនីយកម្ មសំណង់ និងសុរិយោដី មន្ទីរធនធានទឹក និងឧតុនិយម រដ្ឋបាលព្រៃឈើ រដ្ឋបាលជលផល អាជ្ញាធរស្រុកភ្នំព្រឹក អាជ្ញាធរឃុំភ្នំព្រឹក អាជ្ញាធរភូមិភ្នំព្រឹក និងភូមិបេងស្អាត
ប្រភពដីបម្លែងពី តំបន់គម្រោងជាតំបន់ដីចំការ មិនមានព្រៃឈើទេ។ ព្រៃមានតែនៅលើភ្នំជាព្រៃរេចរឹលតែប៉ុណ្ណោះ។
ផែនការគ្រប់គ្រងបរិស្ថាន ផែនការគ្រប់គ្រងបរិស្ថានជាភារកិច្ចរបស់ក្រុមហ៊ុនដែលត្រូវអនុវត្តផ្ទាល់ ដែលមាន ផ្នែក ក្រុម ឬការិយាល័យបរិស្ថានរបស់ក្រុមហ៊ុន ដើម្បីធ្វើការត្រួតពិនិត្យបញ្ហាបរិស្ថានដែលកើតមានឡើងនៅក្នុង និងជុំវិញទីតាំងគម្រោងវិនិយោគអាជីវកម្មរ៉ែលោហៈ។ ក្រុមហ៊ុននឹងត្រួតពិនិត្យមើលផែនការគ្រប់គ្រងបរិស្ថាន និងត្រូវសរសេររបាយការណ៍ពីការពិនិត្យនេះទៅក្រសួងបរិស្ថានរៀងរាល់ ៦ ខែម្ដង។
ផែនការអភិវឌ្ឍ ក្រុមហ៊ុនមានផែនការផលិតកម្មចំនួនពីដំណាក់កាល៖ ទីមួយ៖ ការបកស្រទាប់ដីនៅផ្លែខាងលើចេញ ហើយបន្ទាប់ដីនេះត្រូវបានដឹកជញ្ជូនដោយរថយន្តទៅគរទុកនៅខាងក្រៅតំបន់អភិវឌ្ឍន៍ ទីពីរ៖ ការធ្វើអាជីវកម្មរ៉ែមាសនៅតំបន់ភ្នំព្រឹក។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនក៏មានផែនការកាត់បន្ថយហេតុប៉ះពាល់បរិស្ថាន និងសង្គមអវិជ្ជមាននៅក្នុងតំបន់ធ្វើអាជីវកម្មរ៉ែលោហៈផងដែរ។ ផែនការទាំងនោះត្រូវបានចែកចេញជាបីដំណាក់កាលដូចជា៖ ដំណាក់កាលមុនអនុវត្តគម្រោង ដំណាក់កាលអនុវត្តគម្រោង និងដំណាក់កាលបញ្ចប់គម្រោង។
មូលនិធិសេដ្ឋកិច្ចនិងសង្គម ក្រុមហ៊ុនមានផែនការផ្ដល់មូលនិធិសម្រាប់អភិវឌ្ឍន៍សហគមន៍ចំនួន ១៥.០០០ ដុល្លារក្នុងមួយឆ្នាំ និងមូលនិធិសម្រាប់ស្ដារបរិស្ថានចំនួន ១៥.០០០ ដុល្លារក្នុងមួយឆ្នាំ រយៈពេល ៩ ឆ្នាំ។
ឆ្នាំបោះពុម្ភ EIA ២០១៣

ឯកសារយោង

[ពង្រាង] ការវាយតម្លៃហេតុប៉ះពាល់បរិស្ថាន និងសង្គមពេញលេញសម្រាប់គម្រោងអាជីវកម្មរ៉ែលោហៈនៅក្នុងតំបន់ភ្នំព្រឹក ស្រុកភ្នំព្រឹក ខេត្តបាត់ដំបង
ក្រុមហ៊ុន ភូ យ៉ាង (ខេមបូឌា) មានគម្រោងធ្វើការវិនិយោគលើអាជីវកម្មធនធានរ៉ែលោហៈនៅក្នុងតំបន់ភ្នំព្រឹក ស្រុកភ្នំព្រឹក ខេត្តបាត់ដំបង លើផ្ទៃដីចំនួន ៤ គីឡូម៉ែត្រក្រឡា។ របាយការណ៍​នេះផ្តោតលើការវាយតម្លៃហេតុ​ផល​ប៉ះពាល់​បរិស្ថាន​ និង​សង្គមពេញលេញ​នៃ​គម្រោង​បង្កើតអាជីវកម្មរ៉ែលោហៈ។