ក្រុមហ៊ុន ក្រុមហ៊ុនភាគហ៊ុនអន្តរជាតិ អ៊ី វី អឹន (EVNI)
ព័ត៌មានក្រុមហ៊ុន ព័ត៌មានពុំអាចរកបាន
ដើមទុនចុះបញ្ជីក្រុមហ៊ុន ៨១៦.០០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ព័ត៌មានពុំអាចរកបាន
លេខកូដចុះបញ្ជីក្រុមហ៊ុន ព័ត៌មានពុំអាចរកបាន
ឈ្មោះប្រធានក្រុមហ៊ុន លោក Nguyen Thanh Huan
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសវៀតណាម
អាសយដ្ឋានក្រុមហ៊ុន 78A Duy Tan, Hai Chau, Danang ប្រទេសវៀតណាម ទំនាក់ទំនងទូរស័ព្ទ +៨៤ ៥១១ ២២២៦៨០០ និងទូរសារ +៨៤ ៥១១ ៣៦៣៣៩៩១
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមពេញលេញ
ក្រសួង/ស្ថាប័ន ក្រសួងរ៉ែ និងថាមពល
ទីតាំង គម្រោងនេះនឹងមានការសាងសង់ទំនប់ប្រវែង ៨ គីឡូម៉ែត្រ នៅលើទន្លេសេសានក្នុងខេត្តស្ទឹងត្រែង ប្រទេសកម្ពុជា ស្ថិតនៅចម្ងាយប្រហែល ១៥ គីឡូម៉ែត្រ ខាងក្រោមនៃចំនុចប្រសព្វទន្លេសេសាន និងទន្លេស្រែពក។
ភូមិ ព័ត៌មានពុំអាចរកបាន
ឃុំ ឃុំភ្លុក ឃុំស្រែគរ ឃុំតាឡាត់ និងឃុំក្បាលរមាស
ស្រុក ស្រុកសេសាន
ខេត្ត ខេត្តស្ទឹងត្រែង
រយៈពេលកិច្ចសន្យា ព័ត៌មានពុំអាចរកបាន
ទំហំផ្ទៃដីរបស់គម្រោង ព័ត៌មានពុំអាចរកបាន
វិស័យ វារីអគ្គិសនី
ក្រុមហ៊ុនសិក្សា EIA ឃី ខនសាល់ធេន (ខេមបូឌា)
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ភ្នំពេញសេនធ័រ អគារ F ជាន់ទី​ ៦ បន្ទប់លេខ ៦៨៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ទំនាក់ទំនងទូរស័ព្ទ+៨៥៥ ២៣ ២២៤ ៣៦២ អ៊ីម៉ែល key_consultants@online.com.kh
បទដ្ឋានគតិយុទ្ធពាក់ព័ន្ធ រដ្ឋធម្មនុញ្ញនៃព្រះរាជាណាចក្រកម្ពុជា​ (១៩៩៣) ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ (១៩៩៦) ព្រះរាជក្រឹត្យស្ដីពីការបង្កើតតំបន់ការពារធម្មជាតិ (១៩៩៣) អនុក្រឹត្យស្តីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម​ (១៩៩៩) អនុក្រឹត្យស្តីពីការត្រួតពិនិត្យការបំពុលទឹក (១៩៩៩) អនុក្រឹត្យស្តីពីការគ្រប់គ្រងសំណល់រឹង (១៩៩៩) ច្បាប់ភូមិបាល (២០០១) ច្បាប់ស្តីពីព្រៃឈើ (២០០២) ច្បាប់ស្តីពីការគ្រប់គ្រងធនធានទឹក (២០០៧)និងគោលនយោបាយជាតិលើវិស័យធនធានទឹក (២០០៤)
ចំណូលនិងចំណាយក្រុមហ៊ុន ព័ត៌មានពុំអាចរកបាន
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ផលប៉ះពាលវិជ្ជមានទៅលើបរិស្ថានមានដូចជា -ថាមពលអគ្គីសនី៖ ទួប៊ីនអគ្គិសនី ៤០០ MW និងសរុបថាមពល ១.៩៥៣,៩ GWh -ហេដ្ឋារចនាសម្ព័ន្ធជនបទ៖ គម្រោងនឹងសាងសង់ផ្លូវថ្នល់ថ្មីទៅកាន់តំបន់គម្រោងផ្លូវវាង និងស្ពាននៅផ្នែកខាងកើតរបស់ទន្លេសេសានដើម្ពីភ្ជាប់តំបន់តាំងទីលំនៅថ្មីរបស់ភូមិស្រែគរ និងភូមិខ្សាច់ថ្មី។ គម្រោងក៏សាងសង់ផងដែរនូវរាល់ទីកន្លែងទាំងអស់របស់សហគមន៍នៅតំបន់តាំងទីលំនៅថ្មីដោយរាប់បញ្ចូលទាំងសាលារៀន​វត្ត ផ្លូវភូមិ អណ្តូវរបស់សហគមន៍ឱ្យមានចំនួន និងបទដ្ឋានសមមូល ឬប្រសើរជាងអ្វីដែលនិងត្រូវបានបំផ្លាញនៅក្នុងភូមិដែលនិងត្រូវជន់លិច។ -ការងារ៖​ ការងារដល់កម្មករ/ប្រជាជនមូលដ្ឋានសហគមន៍ ចាប់ពីឆ្នាំ​២០១០ ដល់ ២០១៤ ដែលមានចំនួនសរុបប្រមាណ ៩.៥០០ នាក់ -ទេសចរណ៍៖ ធនធានធម្មជាតិក្នុងបឹង និងជុំវិញគម្រោង ហេដ្ឋារចនាសម្ព័ន្ធនានា និងទស្សនកិច្ចរោងចក្រវារីអគ្គិសនី នេសាទកំសាន្ត -ចំណូល៖ លក់ផលិតផលនៅមូលដ្ឋាន សកម្មភាពទេសចរណ៍ ម៉ៅការការងារក្នុងដំណាក់កាសាងសង់ -សេដ្ឋកិច្ច៖ អភិវឌ្ឍន៍ហេដ្ឋារចនាសម្ព័ន្ធកម្ពុជា ដោយរាប់បញ្ចូលឧស្សាហកម្ម​/សិប្បកម្ម កសិកម្ម និងទេសចរណ៍នៅក្នុងតំបន់ ការបង់ពន្ធដល់រាជរដ្ឋាភិបាលកម្ពជាតាមរយៈកិច្ចសន្យាច្បាប់វិនិយោគ។
ចំនួនការងារដែលបានបង្កើត គម្រោងនឹងផ្ដល់ជាការងារដល់ពលករកម្ពុជាជាពិសេសដល់ប្រជាជនមូលដ្ឋាននៅក្នុងសហគមន៍អាចចូលធ្វើជាកម្មករសំណង់កំឡុងពេលសាងសង់គម្រោងប្រជាជនកម្ពុជារាប់រយទៅរាប់ពាន់នាក់និងមានឱកាសដើម្បីធ្វើការងារសម្រាប់គម្រោងនៅក្នុងរយៈពេលសាងសង់ ៤ ទៅ ៥ ឆ្នាំដោយផ្អែកតាមការវិភាគនៃការសាងសង់គម្រោងនឹងត្រូវការជ្រើសរើសចំនួនកម្មករ និងបុគ្គលិកសរុបតាមពេលវេលាដូចជា៖ ឆ្នាំ២០១០ = ៥០០ នាក់ ឆ្នាំ២០១១ = ២.០០០ នាក់ ឆ្នាំ២០១២ = ៣.០០០ នាក់ ឆ្នាំ២០១៣ = ៣.០០០ នាក់ និងឆ្នាំ២០១៤ = ១.០០០ នាក់។
ការចូលរួមជាសាធារណៈ ការពិគ្រោះយោបល់សាធារណៈពីលើកគឺលើកទី១ សហគមន៍ដែលរងផលប៉ះពាល់ក្នុងឃុំភ្លុក ឃុំស្រែគរ ឃុំក្បាលរមាស ឃុំតាឡាត់​ និងលើកទី២ តំណាងសហគមន៍ដែលរងផលប៉ះពាល់ គ្រប់មន្ទីរទាំងអស់ក្នុងខេត្ត អង្គការមិនមែនរដ្ឋាភិបាល (CEPA, PSDD, MEDICAM, Oxfam Australia) ផ្នែកឯកជន (ក្រុមហ៊ុនដី និងព្រៃសម្បទាន) ព្រមទាំងតំណាងនាយកដ្ឋានវាយតម្លៃហេតុប៉ះពាល់របរិស្ថានរបស់ក្រសួងបរិស្ថាន និងនាយកដ្ឋានថាមពលរបស់ក្រសួង ឧស្សាហកម្ម រ៉ែ និងថាមពល។
ប្រភពដីបម្លែងពី ព័ត៌មានពុំអាចរកបាន
ផែនការគ្រប់គ្រងបរិស្ថាន ផែនការគ្រប់គ្រងបរិស្ថានផ្តល់ជាមគ្គុទេសសម្រាប់ត្រួតពិនិត្យតាមដាន និងមានវិធានការបន្ធូរបន្ថយសម្រាប់ការអនុវត្តន៍មុនពេលសាងសង់ ពេលសាងសង់ និងពេលប្រតិបត្តិការគម្រោង។ផែនការគ្រប់គ្រងបរិស្ថានរួមមាន ការរៀបចំស្ថាប័ន សង្ខេបវិធានការបន្ធូរបន្ថយ និងកម្មវិធីពិនិត្យតាមដាន។ វិធានការបន្ធូរបន្ថយ និងកម្មវិធីតាមដាន នឹងរាប់បញ្ចូលនូវការវិភាគ ស្ថាប័នទទួលខុសត្រូវ និងថវិកា។
ផែនការអភិវឌ្ឍ គម្រោងរោងចក្រវារីអគ្គិសនីសេសានក្រោមទី២ រួមមានសមាសភាពសំខាន់ៗដូចតទៅ៖ - ទំនប់មេទំនប់ចាក់ដីមិនជ្រាបទឹកបង្ហាត់ស្មើសាច់ដែលមានប្រវែងសហរដ្ឋ ៨ គីឡូម៉ែត្រ ខ្ទង់ទំនប់ ៨៣ ម៉ែត្រ (ធៀបនឹងនីវ៉ូទឹកសមុទ្រ) និងទទឹងលើ ៨ ម៉ែត្រ នៅចំពោះទន្លេទំនប់ធ្វើពីបេតុងអាមេ។ - អាគារផលិតថាមពលនៅលើច្រាំងខាងឆ្វេងបំពាក់ដោយទួប៊ីន ៥ គ្រឿងដែលមួយគ្រឿងៗមានកាប៉ាស៊ីតេ ៨០ មេហ្កាវ៉ាត់ - សំណង់បង្ហៀររាងចតុកោណដែលមានវិមាត្រ ១៥ ម៉ែត្រ x ១៦ម៉ែត្រ និង ១២ ប្រឡោះទ្វារអនុលោមទៅតាមការវិភាគរបបជលសាស្ត្ររបស់រំហូរទន្លេ។ - អាងស្តុកទឹកដែលមានកាប៉ាស៊ីតេស្តុកចំណុះ ១,៧៩ ពាន់លានម៉ែត្រគូប និងផ្ទៃលិចទឹក ៣៣៥ គីឡូម៉ែត្រក្រឡានៅពេលដែលនីវ៉ូទឹកក្នុងអាងស្តុកឡើងដល់កម្ពស់ ៧៥ ម៉ែត្រ។ - គ្រឿងជំនួយផ្សេងៗជាច្រើនទៀតរួមមានច្រកបញ្ចូលទឹក សន្ទះបិទបើក កន្លែងបំឡែងអគ្គិសនី ២២០Kv ប្រឡាយបញ្ចេញទឹក tailrace អាគាររដ្ឋបាល និងអាគារប្រតិបត្តិការ។ - សំណងសំណង់ផ្សេងៗដែលបម្រើឱ្យការសាងសង់គម្រោងដូចជាការដ្ឋានយកដីនិងថ្មគឺយកនៅក្នុងផ្ទៃអាំងស្តុកទឹករបស់គម្រោង ការដ្ឋានយកខ្សាច់ពីកន្លែងការដ្ឋានទីមួយនៅចម្ងាយ ៥០០ ម៉ែត្រខាងក្រោយទំនប់និងថាដ្ឋានទីពីរ ស្ថិតនៅលើទន្លេស្រែពកខាងមុខទំនប់ចម្ងាយជាង ៣ គីឡូម៉ែត្រ សាងសងកន្លែងបោះចោលសំរាមនៅក្នុងទីតាំងគម្រោងនីមួយៗដោយផ្អែកទៅលើស្តង់ដារគ្រប់គ្រងកាកសំណល់នៃក្រសួងបរិស្ថាន បន្ទាប់ពីការចាក់បំពេញហើយត្រូវលុបដីបង្ហាប់ឱ្យបានល្អ សាងសង់បង្គន់ឱ្យបានសមរម្យសម្រាប់កម្មករ និងបុគ្គលិកគម្រោងទាំងមូល រៀបចំនៅនិងការដ្ឋាន និងកន្លែងស្នាក់នៅ កសាងអាងចម្រុះកករដើម្បីប្រមូលទឹកសំអុយពីសកម្មភាពផ្សេងៗរបស់គម្រោងរួមមានកាកសំណល់ទឹកចេញពីលំនៅដ្ឋាន ដោយមានដាក់សារធាតុគីមីសម្លាប់មេរោគប្រសិនបើចាំបាច់។ ការផ្គត់ផ្គង់ទឹក (ទឹកសម្រាប់ផឹក)៖ គ្រឿងបន្សុទ្ធទឹក ការច្រោះ និងការសម្លាប់មេរោគនិងត្រូវបានផ្ដល់ដើម្បីបន្សុតទឹកទន្លេសេសាន្តសម្រាប់តម្រូវការប្រើប្រាស់ដាំស្ល និងបរិភោគ។ ការផ្គត់ផ្គង់អគ្គិសនី៖ ប្រើម៉ាស៊ីនភ្លើងរបស់គម្រោងផ្ទាល់។
យុទ្ធសាស្ត្រដើម្បីកាត់បន្ថយផលប៉ះពាល់ ម្ចាស់គម្រោងនឹងត្រូវអនុវត្តនូវវិធានការបន្ធូរបន្ថយចំពោះហេតុប៉ះពាល់អវិជ្ជមានលើបរិស្ថាននិងសង្គមដូចតទៅ៖ - បន្ថយផ្ទៃដីដែលរងផលប៉ះពាល់ដោយសារអាងស្តុកទឹក និងតំបន់តាំងទីលំនៅសារជាថ្មីតាមរយៈការកាត់បន្ថយកម្ពស់ទំនប់ឱ្យបានច្រើនតាមដែលអាចធ្វើទៅបាន - តំបន់តាំងទីលំនៅសារជាថ្មីនិងផ្លូវវាងផ្លូវជាតិលេខជិត ៨ ត្រូវមានទីតាំងនៅក្នុងតំបន់ដែលមានហេតុប៉ះពាល់បរិស្ថានតិចតួចបំផុតហើយថវិកាសាងសង់ជាបន្ទុករបស់ក្រុមហ៊ុនសាងសង់ទំនប់ - រៀបចំស្ថានីយស្រាវជ្រាវនិងភ្ញាស់កូនត្រីនៅជាប់តំបន់គម្រោងនិងមានកម្មវិធីត្រួតពិនិត្យផលត្រី និងធនធានជលផល។ - ការតាំងទីលំនៅសែនជាថ្មីធ្វើឡើងដោយអនុលោមទៅតាមផែនការគ្រប់គ្រងការតាំងទីលំនៅឡើងវិញហើយដី និងហេដ្ឋារចនាសម្ព័ន្ធដែលបានផ្ដល់ឱ្យត្រូវតែដូចទៅនឹងដី និងហេដ្ឋារចនាសម្ព័ន្ធដែលអ្នកភូមិមានពីមុនឬប្រសើរជាងមុន។ ការទូទាត់សងនិងត្រូវផ្ដល់ដោយមានការចរចាជាមួយអ្នកភូមិដែលរងផលប៉ះពាល់និងយោងតាមទម្រង់ផែនការតាំងលំនៅសារជាថ្មីដែលបានអនុម័តដោយ IRC/MEF និងអន្តរក្រសួង។ - មូលនិធិបរិស្ថាននិងត្រូវបង់ជូនរាជរដ្ឋាភិបាលកម្ពុជាសម្រាប់ស្ដារឡើងវិញហេតុប៉ះពាល់មិនអាចប៉ាន់ស្មានបាន និងផែនការគ្រប់គ្រងបរិស្ថានរាប់បញ្ចូលទាំងការដាំដើមឈើឡើងវិញ ឬកម្មវិធីការពារព្រៃឈើនិងអភិរក្សសត្វព្រៃនៅក្នុងតំបន់។ - កិច្ចព្រមព្រៀងរវាងម្ចាស់គម្រោងនិងម្ចាស់ដី និងព្រៃសម្បទានត្រូវតែសម្រេចបានការយល់ព្រមលើផ្ទៃដីឬផ្ទៃព្រៃសម្បទានដែលនឹងត្រូវជនលិចដោយអាងស្តុបទឹកមុនទំនប់ត្រូវបានសាងសង់។ - ទំនប់ត្រូវតែរៀបចំប្លង់ និងសាងសង់ឱ្យធន់បានទៅនឹងព្រឹត្តិការណ៍រញ្ជួយដីក្នុងតំបន់។ - បោសសំអាតសំណល់គ្រាប់បែក និងយុទ្ធភណ្ឌមិនទាន់ផ្ទុះនៅទីតាំងសាងសង់តំបន់តាំងលំនៅសារជាថ្មី និងការដ្ឋានយកដីឬថ្ម និងត្រូវធ្វើដើម្បីជៀសវាងហានិភ័យដល់សុខភាព។ - ធ្វើការជាមួយអន្តរក្រសួង និងអាជ្ញាធរមូលដ្ឋានដើម្បីបង្កើតផែនការមួយសម្រាប់ប្រមូលយកឈើមានតម្លៃពីព្រៃដែលត្រូវលិចក្នុងអាងស្តុកសម្រាប់ប្រើក្នុងគោលបំណងផ្សេងៗមុននឹងពន្លិចទឹក។ - ត្រួតពិនិត្យពីសំណឹកនិងការរងកករត្រឹមត្រូវ និងការអនុវត្តការគ្រប់គ្រងកាកសំណល់នឹងត្រូវអនុវត្តជាពិសេសក្នុងដំណាក់ការសាងសង់។ - ត្រួតពិនិត្យគុណភាព និងបរិមាណទឹកដែលនឹងត្រូវធ្វើយ៉ាងទៀងទាត់នៅខាងលើ និងខាងក្រោមទីតាំងទំនប់ហើយការខូចខាតគុណភាពទឹកត្រូវតែធ្វើការកែលម្អជាបន្ទាន់។ - ការខូចខាតផ្លូវដែលបង្កដោយចរាចរណ៍របស់គម្រោងត្រូវតែធ្វើការជួសជុលជាបន្ទាន់ហើយតម្លៃជួសជុលជាបន្ទុករបស់ម្ចាស់គម្រោង។ ម្ចាស់គម្រោងនិងរៀបចំបទបញ្ជាមួយសម្រាប់កម្មករគម្រោងឱ្យគោរពវប្បធម៌ និងប្រពៃណីរបស់សហគមន៍ក្នុងមូលដ្ឋាន។ - ម្ចាស់គម្រោងនឹងត្រូវរៀបចំសញ្ញាសម្គាល់សម្រាប់ដាក់គ្រប់ផ្លូវសញ្ញាសម្គាល់ត្រូវមានបញ្ជាក់ផងដែរពីបញ្ហាប្រើប្រាស់ផ្លូវថ្នល់ទៅតាមច្បាប់ផ្លូវទាំងអស់ដែលត្រូវគោរពតាមយ៉ាងខ្ជាប់ខ្ជួនបទបញ្ជាចរាចរណ៍ជាពិសេសការដាក់កំណត់ល្បឿន។ - មណ្ឌលសុខភាពនិងត្រូវផ្ដល់ឱ្យនៅតំបន់គម្រោងសម្រាប់ពិនិត្យនិងព្យាបាលកម្មករគម្រោងនិងប្រជាជនមូលដ្ឋានដើម្បីការពារនិងព្យាបាលមិនឱ្យមានការរាតត្បាតជំងឺជាពិសេសចូលទៅដល់សហគមន៍មូលដ្ឋាន។ - គ្រប់គ្រងឱ្យបានត្រឹមត្រូវរាល់សំណល់ពីការដ្ឋានសាងសង់និងសំណល់មនុស្សពីជំរុំកម្មករ។ - ផ្ដល់កម្មវិធីទ្រទ្រង់កសិកម្មដល់អ្នកភូមិដែលរស់នៅតាមដងទន្លេសេសាន្តនិងស្រែពកក្នុងខេត្តរតនគិរី និងមណ្ឌលគិរីដូចជា (១) ការចិញ្ចឹមសត្វ៖ គោក្របីមាន់ទាជ្រូក និងសត្វពាហនៈផ្សេងទៀត (២) ការធ្វើប្រពន្ធវប្បកម្មលើដំណាំស្រូវបន្លែនិងដំណាំដទៃទៀត។
មូលនិធិសេដ្ឋកិច្ចនិងសង្គម ថវិកាសម្រាប់ទូទាត់សងលើហេតុប៉ះពាល់បរិស្ថាន និងសង្គមសរុបមាន ៧៧.៨៦០.០៨៤ ដុល្លារអាមេរិក ហើយថវិកាប៉ាន់ស្មានសរុបសម្រាប់កម្មវិធីត្រួតពិនិត្យតាមដានបរិស្ថានរបស់គម្រោងទាំងមូលមាន ១៣៥,២៤០ ដុល្លារអាមេរិក
ឆ្នាំបោះពុម្ភ EIA ២០០៩
បច្ចុប្បន្នភាព តុលា ២០២២

ឯកសារយោង

របាយការណ៍វាយតម្លៃហេតុប៉ះពាល់បរិស្ថានពេញលេញគម្រោងវារីអគ្គិសនីសេសានក្រោមទី២ ក្នុងខេត្តស្ទឹងត្រែង ប្រទេសកម្ពុជា (របាយការណ៍បញ្ចប់)
គោលបំណងគន្លឹះរបស់គម្រោងរោងចក្រវារីអគ្គិសនីសេសានក្រោមទី២ គឺដើម្បីបំពេញបង្គ្រប់តម្រូវការថាមពលរយៈពេលមធ្យម និងវែងរបស់ព្រះរាជាណាចក្រកម្ពុជា ក៏ដូចជាការនាំចេញថាមពលមួយចំនួនដែលលើសពីតម្រូវការ។ គម្រោងនេះឆ្លើយតបផងដែរ ទៅនឹងយុទ្ធសាស្រ្តចតុកោណរបស់រដ្ឋាភិបាលអណត្តិទី៣ ដែលទាក់ទងទៅនឹងការអភិវឌ្ឍន៍វិស័យថាមពលឱ្យគ្រប់គ្រាន់ទៅតាមតម្រូវការសម្រាប់់ថាមពលអគ្គិសនីដែលមានតំលៃទាប។ គោលបំណងសំខាន់ផ្សេងទៀតគឺដើម្បីធានាបានថា ការបង្កើតថាមពល និងផលប៉ះពាល់ជាវិជ្ជមានរបស់វាដល់ប្រទេសជាតិ គឺត្រូវបានថ្លឹងថ្លែងឡើងយ៉ាងប្រុងប្រយ័ត្នទៅនឹងហេតុប៉ះពាល់អវិជ្ជមានដល់បរិស្ថាននិងសង្គម ដែលវានឹងបង្កឡើង ជាពិសេសនៅលើតំបន់ខ្សែទឹកខាងក្រោម និងខ្សែទឹកខាងលើរបស់តំបន់គម្រោង។