ក្រុមហ៊ុន កំពត ស៊ីមេន ខូ អិលធីឌី
ព័ត៌មានក្រុមហ៊ុន ក្រុមហ៊ុន កំពត ស៊ីមេន ខូអិលធីឌី ជាក្រុមហ៊ុនឯកជនទទួលខុសត្រូវមានកម្រិតដែលត្រូវបានចុះឈ្មោះក្នុងបញ្ជីពាណិជ្ជកម្មនិងទទួលស្គាល់ជានីតិបុគ្គលពេញលក្ខណៈច្បាប់ដោយក្រសួងពាណិជ្ជកម្ម តាមលិខិតលេខ MOC-63567983 ពណៈចបព របស់ក្រសួងពាណិជ្ជកម្ម​ចុះថ្ងៃទី១០​ ខែវិចិ្ឆកា ឆ្នាំ២០០៥ តំណាងដោយលោក AREE CHAVLITCHEE WINGUL ជនជាតិថៃ មានឋានៈជាប្រធានក្រុមប្រឹក្សាភិបាល។
ដើមទុនចុះបញ្ជីក្រុមហ៊ុន ១២.៨៧១.៥០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ថ្ងៃទី១០ ខែវិចិ្ឆកា ឆ្នាំ២០០៥
លេខកូដចុះបញ្ជីក្រុមហ៊ុន ៦៣៥៦៧៩៨៣
ឈ្មោះប្រធានក្រុមហ៊ុន លោក AREE CHAVALITCHEE WINGUL
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសថៃ
អាសយដ្ឋានក្រុមហ៊ុន ផ្ទះលេខ១០០ ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមពេញលេញ
ក្រសួង/ស្ថាប័ន ក្រសួងរ៉ែ និងថាមពល
ទីតាំង ទីតាំងធ្វើអាជីវកម្មនៅលើភ្នំទទុង និងភ្នំតូច
ភូមិ ព័ត៌មានពុំអាចរកបាន
ឃុំ ឃុំទូកមាសខាងលិច និងឃុំវត្តអង្គខាងត្បូង
ស្រុក ស្រុកដងទង់ និងស្រុកបន្ទាយមាស
ខេត្ត ខេត្តកំពត
រយៈពេលកិច្ចសន្យា ៥ឆ្នាំ
ទំហំផ្ទៃដីរបស់គម្រោង ៣៤៣,៧៥ ហិកតា
វិស័យ ឧស្សាហកម្មនិស្សារណកម្ម
ក្រុមហ៊ុនសិក្សា EIA ក្រុមហ៊ុន អេស ប៊ី ខេ ស្រាវជ្រាវ និងអភិវឌ្ឍន៍
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ#៤៣ ផ្លូវ៣១៧ កែងផ្លូវ៥៧២ សង្កាត់បឹងកក់២ ខណ្ឌទួលគោក រាជធានីភ្នំពេញ
បទដ្ឋានគតិយុទ្ធពាក់ព័ន្ធ ក្រុមហ៊ុនត្រូវអនុវត្តតាមទិដ្ឋភាពច្បាប់ អនុក្រឹត្យ និងប្រកាសមួយចំនួនរួមមាន ច្បាប់ចំនួន ១៧ អនុក្រឹត្យចំនួន ៦ និងសេចក្តីប្រកាសចំនួន ៣ ។
ចំណូលនិងចំណាយក្រុមហ៊ុន ដើម្បីដំណើរការការងារគម្រោងអាជីវកម្ម និងប្រើប្រាស់ថ្មកំបោរនេះក្នុងរយៈពេល ២០ឆ្នាំ ដំបូងក្រុមហ៊ុនត្រូវការដើមទុនច្រើនជាង ១ លានដុល្លារអាមេរិក លើការសាងសង់សំណង់ស៊ីវិល និងការទិញលើមធ្យោបាយសម្ភារៈ។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម គម្រោងនឹងបង្កើតកញ្ចប់ថវិកាគាំទ្រដល់គម្រោងសកម្មភាព និងរាល់គំនិតផ្តួចផ្តើមដើម្បីធ្វើឱ្យប្រសើរឡើងនូវស្តង់ដារបរិស្ថានក្នុងតំបន់ និងការរស់នៅរបស់ប្រជាពលរដ្ឋប្រកបដោយភាពសុខដម្យរមនាចំនួន ៣.០០០ ដុល្លារអាមេរិក/ឆ្នាំ សម្រាប់រយៈពេល៥ឆ្នាំដំបូង។ កញ្ចប់ថវិកាត្រូវបានបែងចែកជាពីរគឺទី១ សម្រាប់ជួយធ្វើឱ្យប្រសើរឡើងនូវស្តង់ដារបរិស្ថានក្នុងតំបន់តាមរយៈយុទ្ធនាការអប់រំ និងផ្សព្វផ្សាយពីការទុកដាក់សំណល់រឹង-រាវ និងដាំដើមឈើ។ ទី២ សម្រាប់ជួយស្តារនិងអភិវឌ្ឍប្រព័ន្ធហេដ្ឋារចនាសម្ព័ន្ធក្នុងតំបន់ដូចជា ជួយឧបត្ថម្ភស្នាក់ការភូមិមាត់សាយ ផ្លូវថ្នល់ វត្តអារាម និងល្អាង។
ចំនួនការងារដែលបានបង្កើត ក្រុមហ៊ុននឹងត្រូវការកម្លាំងពលកម្មដោយផ្ទាល់ចំនួន ២១២ នាក់ សម្រាប់ការងារសំខាន់ៗ។ បុគ្គលិក-កម្មករទាំងនោះនឹងទទួលបានប្រាក់បៀវត្សចន្លោះពី ១៥០ ដល់ ៤០០ ​ដុល្លារអាមេរិក/ខែ។
ការចូលរួមជាសាធារណៈ ដំណាក់កាលក្នុងការពិគ្រោះយោបល់ជាមួយសាធារណជន មានបីដំណាក់កាលផ្សេងៗគ្នា ១. ការពិភាក្សាជាក្រុមជាមួយប្រជាជនដែលមាន ៩ ភូមិចូលរួម ហើយមានប្រជាជនចំនួន ១៥ នាក់ក្នុងមួយភូមិត្រូវសុំឱ្យចូលរួម។ ២. ការពិគ្រោះយោបល់ដោយផ្ទាល់ជាមួយអាជ្ងាធរមូលដ្ឋាន (ភូមិ ឃុំ)​ មេភូមិពាក់ព័ន្ធចំនួន ១៨ ភូមិក្នុងដែនសិក្សា ៥ គីឡូម៉ែត្រ ត្រូវបានទំនាក់ទំនងដើម្បីធ្វើការសុំជួបពិភាក្សា។ ៣. សិក្ខាសាលាពិគ្រោះយោបល់ដោយបង្ហាញលទ្ធផលនៃរបាយការណ៍វាយតម្លៃហេតុប៉ះពាល់បរិស្ថានជាមួយស្ថាប័នពាក់ព័ន្ធ។
ប្រភពដីបម្លែងពី ព័ត៌មានពុំអាចរកបាន
ផែនការគ្រប់គ្រងបរិស្ថាន ផែនការគ្រប់គ្រងបរិស្ថាននឹងត្រូវបានគេធ្វើឡើងក្នុងរយៈពេល ៦ខែម្តងដែលគូសបញ្ជាក់ពីទិន្នន័យបរិមាណសំណល់រឹង-រាវ ភាគល្អិត សម្លេង-រំញ័រ និងវិធានការគ្រប់គ្រងនឹងកន្លែងដាក់ជូនក្រសួងបរិស្ថានត្រួតពិនិត្យ។ ក្នុងករណីចាំបាច់ផែនការគ្រប់គ្រងបរិស្ថាននឹងត្រូវបានគេធ្វើបច្ចុប្បន្នភាពឬត្រួតពិនិត្យឡើងវិញ​ ដើម្បីដាក់បញ្ចូលបញ្ហា ទៅក្នុងភាពបន្ទាន់ភាពចៃដន្យការធ្វើអធិការកិច្ចតាមដាន និងការធ្វើសាវនកម្ម។
ផែនការអភិវឌ្ឍ នៅពេលបិទបញ្ចប់ការដ្ឋានក្រុមហ៊ុនបានរៀបចំផែនការដាំដើមឈើឡើងវិញលើទីតាំងដែលបានជីកយករ៉ែថ្មកំបោរ ដើម្បីស្តារឡើងវិញស្ថានភាពបរិស្ថាន និងជីវៈចម្រុះនៅតំបន់នេះឱ្យមានភាពល្អប្រសើរដែលមានទំហំសរុប ៣៨៦.៧៨៤ ម៉ែត្រក្រឡា និងត្រូវប្រើកូនឈើសម្រាប់ការដាំដុះចំនួន ២៤.១៧៤ ដើម។ បន្ថែមពីនេះ ក្រុមហ៊ុននឹងធ្ចើការរក្សាភ្នំតូចដែលស្ថិតនៅក្នុងអាជ្ងាប័ណ្ណដោយមិនធ្វើការបំផ្ទុះយកថ្មនោះទេ។ រាល់ការអនុវត្តវិធានការការពារ​ក្រុមហ៊ុនត្រូវសហការជាមួយអាជ្ញាប័ណ្ណធរមូលដ្ឋាន និងស្ថាប័នពាក់ព័ន្ធ។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនបានរៀបចំយុទ្ធសាស្ត្រកាត់បន្ថយផលប៉ះពាល់ដើម្បីរក្សា សណ្ធានដី ការហូរច្រោះនិងកំណកដី​ គុណភាពខ្យល់ សំឡេងនិងរំញ័រ ប្រព័ន្ធផ្លូវទឹក និងគុណភាពទឹកលើដី​ គុណភាពទឹកក្រោមដី គុណភាពដី សោភ័ណភាព និងទេសភាព ។​
មូលនិធិសេដ្ឋកិច្ចនិងសង្គម ក្រុមហ៊ុនបានត្រៀមរៀបចំកញ្ចប់ថវិកាមូលនិធិចំនួន ៣.០០០ ដុល្លារអាមេរិក/ឆ្នាំ សម្រាប់រយៈពេល៥ឆ្នាំដំបូង។
ឆ្នាំបោះពុម្ភ EIA ២០១៧
បច្ចុប្បន្នភាព មករា ២០២៥

ឯកសារយោង

[ពង្រាង] របាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញលើគម្រោងធ្វើអាជីវកម្ម និងប្រើប្រាស់ថ្មកំបោរនៃក្រុមហ៊ុន កំពត ស៊ីមេន ខូ អិលធីឌី
គោលបំណងចម្បងនៃគម្រោងធ្ចើអាជីវកម្ម និងប្រើប្រាស់ថ្មកំបោរសម្រាប់កែច្នៃជាស៊ីម៉ង់ត៌ របស់កុ្រមហ៊ុន​ កំពតស៊ីមេន ខូ អិលធីឌី គឺសំដៅចូលរួមចំណែកអភិវឌ្ឍន៍វិស័យសំណង់ប្រកបដោយនិរន្តភាព និងកាត់បន្ថយភាពក្រីក្រប្រជាជនតាមរយៈកាត់បន្ថយតម្លៃស៊ីម៉ង់ត៏ការបង្កើនប្រាក់ចំណូលដល់ប្រជាជនរដ្ឋ ពិសេសអ្នកដែលរស់នៅក្បែង និងជុំវិញតំបន់គម្រោងតាមរយៈការផ្តល់ការងារ និងការកាត់បន្ថយការធ្ចើចំណាកស្រុក និងបង្កើនប្រសិទ្ធិភាពពេលវេលា និងបរិមាណនៃការអភិវឌ្ឍន៏ក្នុងខេត្តដូចជា ផ្លូវ ស្ពាន និងសំណង់ផ្សេងៗ។