ក្រុមហ៊ុន Hoang Anh Ratanakiri Co., LTD
ព័ត៌មានក្រុមហ៊ុន ក្រុមហ៊ុន Hoang Anh Gia Lai គឺជាក្រុមហ៊ុននៃសហគ្រាសពហុវិនិយោគ ដែលមានឈ្មោះនៅក្នុងប្រទេសឡាវ ប្រទេសវៀតណាម ប្រទេសកម្ពុជា និងប្រទេសថៃ ហើយបានដំណើរការជាច្រើនឆ្នាំទៅលើវិស័យជំនួញពាណិជ្ជកម្ម ការធ្វើវិនិយោគ និងសកម្មភាពផ្សេងៗទៀតពាក់ព័ន្ធ នឹងសង្គមនៅក្នុងប្រទេសទាំងនេះ។ ក្រុមហ៊ុននេះបានបង្រីការងាររបស់ខ្លួនទៅលើគម្រោងចំនួន ២៦ ដូចជា ការសាងសង់ ការធ្វើវិនិយោគទៅលើអលចនទ្រព្យ Stock Exchange ការដំណាំកសិ-ឧស្សាហកម្មកៅស៊ូ និងការធ្វើអាវកម្មរ៉ែ និងថាមពលវារីអគ្គិសនី។ ក្រុមហ៊ុន Hoang Anh Ratanakiri Co., LTD ទទួលបានដីសម្បទានទំហំ២៦០ហិកតា ដែលមានទីតាំងនៅស្រុកបកែវ និងអូរយ៉ាដាវ ខេត្តរតនគិរីដើម្បីធ្វើការអភិវឌ្ឍន៍លើវិស័យធនធានរ៉ែដែក សំរាប់បំពេញតម្រូវការប្រើប្រាស់ដែកក្នុងស្រុកនិងនាំចេញទីផ្សារអន្តរជាតិ។
ដើមទុនចុះបញ្ជីក្រុមហ៊ុន ៦៤០០០លាន រៀល
កាលបរិច្ឆេទចុះបញ្ជីក្រុមហ៊ុន ១២ កក្កដា ២០០៩
លេខកូដចុះបញ្ជីក្រុមហ៊ុន Co. 6186/09E
ឈ្មោះប្រធានក្រុមហ៊ុន Nguyen Van Minh
លំនៅឋានអចិន្ត្រៃយ៍របស់ប្រធានក្រុមហ៊ុន ព័ត៌មានពុំអាចរកបាន
អាសយដ្ឋានក្រុមហ៊ុន ផ្លូវជាតិលេខ៧៨ ភូមិ០៣ សង្កាត់ឡាបានសៀក ក្រុងបានឡុង ខេត្តរតនគិរី
ប្រភេទរបាយការណ៍ EIA ការសិក្សាដំបូង
ក្រសួង/ស្ថាប័ន ក្រសួងរ៉ែ និងថាមពល
ទីតាំង ចម្ងាយ ៣០ គ.ម ពីក្រុងបានលុង និងនៅចម្ងាយ ៨ គ.ម ពីផ្លូវជាតិលេខ៧៨
ភូមិ ព័ត៌មានពុំអាចរកបាន
ឃុំ ព័ត៌មានពុំអាចរកបាន
ស្រុក បរកែវ
អូរយ៉ាដាវ
ខេត្ត រតនគីរី
រយៈពេលកិច្ចសន្យា ៩.៥០ឆ្នាំ
ទំហំជាហិកតា ២៦០
ប្រភេទសម្បទាន ការធ្វើអាជីវកម្មរ៉ែ
ក្រុមហ៊ុនសិក្សា EIA ក្រុមហ៊ុន ស៊ី អ៊ី អេស
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ព័ត៌មានពុំអាចរកបាន
បទដ្ឋានគតិយុទ្ធពាក់ព័ន្ធ នៅក្នុងការសិក្សា EIA នេះគឺស្របទៅតាមក្របខ័ណ្ឌច្បាប់ចំនួន ១៥ ក្នុងនោះមានអនុក្រឹត្យ ៦ និងព្រះរាជក្រឹត្យ ១។ ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ, ច្បាប់ស្តីពីព្រៃឈើ, ច្បាប់ស្តីពីជលផល, ច្បាប់ស្តីពីប្រព័ន្ធហិរញ្ញវត្ថុសាធារណៈ, ច្បាប់ភូមិបាល, ច្បាប់ស្តីពីការគ្រប់គ្រងធនធានទឹក, ច្បាប់ស្តីពីវិនិយោគនៃព្រះរាជាណាចក្រកម្ពុជា, ច្បាប់ស្តីពីការគ្រប់គ្រង និងធើ្វអាជីវកម្មធនធានរ៉ែ, អនុក្រឹត្យស្តីពីកិច្ចដំណើរវាយតម្លៃហេតុប៉ះពាល់បរិស្ថាន, អនុក្រឹត្យស្តីពីការត្រួតពិនិត្យការបំពុលទឹក, អនុក្រឹត្យស្តីពីការគ្រប់គ្រងសំណល់រឹង, អនុក្រឹត្យស្តីពីការត្រួតពិនិត្យការបំពុលខ្យល់ និងការរំខានដោយសំលេង, អនុក្រឹត្យស្តីពីវិនិយោគនៃព្រះរាជាណាក្រកម្ពុជា, អនុក្រឹត្យស្តីពីសម្បទានដីសេដ្ឋកិច្ច, ព្រះរាជក្រឹត្យស្តីពីការបង្កើត និងការកំណត់តំបន់ការពារធម្មជាតិ។
ចំណូលនិងចំណាយក្រុមហ៊ុន គម្រោងនេះ នឹងត្រូវប្រើប្រាស់ថវិកាវិនិយោគសរុបអស់ចំនួន ២៦.៦៧២.៤៥១ ដុល្លារអាមេរិក ហើយក្នុងនោះថវិកាចំណាយសម្រាប់ទុនវិនិយោគដើមមានចំនួន ១៤.៥៣៦.៦០៧ ដុល្លារអាមេរិក និងទុនបង្វិលសម្រាប់ដំណើរការអាជីវកម្មមានចំនួន ១២.១៣៥.៨៤៤ ដុល្លារអាមេរិក។ ចំណែកឯប្រាក់ចំណូល ដែលទទួលបានពីការលក់ផលិតផលរ៉ែទាំងអស់នេះមានចំនួន ៤៧.៣៨៤.៤៥០ ដុល្លារអាមេរិក នៅឆ្នាំ២០១១ ចំណែកឯការលក់ផលិតផលចាប់ពីឆ្នាំ ២០១២-២០១៨ នឹងកើនដល់ចំនួន ៥០.០០០.០០០ ដុល្លារអាមេរិក។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម គម្រោងនេះបានផ្តល់ផលវិជ្ជមានដែលជាគោលដៅធំៗដូចជា៖ ជួយការពារថែរក្សា និងអភិរក្សព្រៃឈើល្អៗ (ព្រៃទ្រនាប់តាមដងអូរ) យ៉ាងហោចណាស់ ៤០០ហិចតា, ផ្តល់ចំនូលដល់រាជរដ្ឋាភិបាលពីការប្រមូលសួយសារលើធនធានរ៉ែ និងផលឈើពីការធ្វើអាជីវកម្មឈើក្នុងផ្ទៃដីព្រៃពាក់កណ្តាលស្រោងរិចរិលយ៉ាងហោចណាស់ ៣០៤.៤០ហិចតា, តម្លៃដីនៅក្នុងតំបន់នោះនឹងឡើងខ្ពស់ជាងតម្លៃនាពេលបច្ចុប្បន្ន, ការជួយស្តារ និងជួសជុលឱ្យល្អឡើងវិញនូវផ្លូវលំ-ស្ពាន, និងបង្កើនការងារដល់ប្រជាជនមូលដ្ឋាន។
ចំនួនការងារដែលបានបង្កើត គម្រោងនឹងជួយបង្កើតមុខរបរដល់ប្រជាពលរដ្ឋកម្ពុជា ជាពិសេសប្រជាពលរដ្ឋមូលដ្ឋាន (ក្នុងចំណោមកំលាំងពលកម្មចំនួន ១៨១នាក់) និងជួយបង្កើនកម្មវិធីបណ្តុះបណ្តាលដល់ប្រជាពលរដ្ឋទាំងនោះឱ្យមានសមត្ថភាព បំពេញការងារ (អាចទទួលបានការបណ្តុះបណ្តាលក្រៅប្រទេសទៀតផង)។
ការចូលរួមជាសាធារណៈ ការចូលរួមជាសាធារណៈ គឺក្រុមការងាររបស់ CES បានចុះធ្វើការផ្សព្វផ្សាយ សា្ទបស្ទង់មតិ និងជួបពិភាក្សាជាមួយសហគមន៍មូលដ្ឋាន អាជ្ញាធរមូលដ្ឋាន អង្គការមិនមែនរដ្ឋាភិបាល និងស្ថាប័នជំនាញពាក់ព័ន្ធផ្សេងៗ ក្នុងគោលបំណង ដើម្បីពន្យល់បកសា្រយអំពីសកម្មភាពគម្រោង សា្តប់មតិសាធារណៈអំពីបញ្ហាបរិស្ថាន និងសង្គម ដែលបង្កឡើងដោយសារសកម្មភាពអាជីវកម្មរបស់គម្រោង និងប្រមូលនូវកង្វល់ផ្សេងៗដែលទាក់ទងនឹងបញ្ហាបរិស្ថាន-សង្គម ដើម្បីស្វែងរកដំណោះស្រាយមួយដែលនឹងអាចទទួលយកបានសម្រាប់ភាគីពាក់ព័ន្ធទាំងអស់។
ប្រភពដីបម្លែងពី នៅក្នុងទីតាំងគម្រោងនេះមានព្រៃស្រោងទំហំ ១២៥២ហិចតា ព្រៃពាក់កណ្តាលស្រោងទំហំ១៨២៦ហិចតា ព្រៃល្បោះ៦១៩ហិចតា ព្រៃផ្សេងៗទំហំ៧ហិចតា ។
ផែនការគ្រប់គ្រងបរិស្ថាន ផែនការអភិវឌ្ឍបរិស្ថាន ម្ចាស់គម្រោងនឹងត្រូវរៀបចំ និងកំណត់នូវវិធានការសំខាន់ៗមួយចំនួនសម្រាប់ធ្វើការទប់ស្កាត់ និងកាត់បន្ថយនូវរាល់បណ្តាលហេតុប៉ះពាល់បរិស្ថានអវិជ្ជមានដែលបានកើតឡើងដោយ សកម្មភាពនៅគ្រប់ដំណាក់កាលមុនប្រតិបត្តិគម្រោង ប្រតិបត្តិគម្រោង និងបញ្ចប់គម្រោង ដើម្បីធានាបានការគ្រប់គ្រង់ធនធានបរិស្ថានតំបន់នោះប្រកបដោយប្រសិទ្ធភាពស្របតាមបច្ចេកទេស និងបទដ្ឋានបរិស្ថាន។ ក្រសួងបរិស្ថាន ដោយសហការជាមួយស្ថាប័នពាក់ព័ន្ធនានានឹងចុះធ្វើការអង្កេតតាមដាន ត្រួតពិនិត្យ និងការអនុវត្តតាមផែនការគ្រប់គ្រងបរិស្ថានព្រមទាំងផ្ទៀងផ្ទាត់លើរបាយការណ៍អំពីលទ្ធផលនៃការអនុវត្តផែនការគ្រប់គ្រងបរិស្ថានរបស់ក្រុមហ៊ុន។
ផែនការអភិវឌ្ឍ ផែនការអភិវឌ្ឍទៅលើផ្ទៃដីនៅក្នុង ទីតាំងគម្រោងត្រូវបានបែងចែកជា ផ្ទៃដីសម្រាប់ជីកយករ៉ែ (១២តំបន់) មានចំនួន ២៦០ហិចតា, ផ្ទៃដីសាងសង់ទីស្នាក់ការ រោងចក្រ និងសំណង់ផ្សេងៗមានចំនួន ៣០ហិចតា, ផ្ទៃដីប្រព័ន្ធហេដ្ឋារចនាសម្ព័ន្ធផ្លូវថ្នល់ (បណ្តោយ ១៨ម×ទទឹង៨ម) ចំនួន ១៤,៤០ហិចតា, និងផ្ទៃដីព្រៃទ្រនាប់ដងអូរ (១០០ម តាមសងខាងអូរ) មាន ៤០០ហិចតា។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនបានអនុវត្តន៍ទៅតាមដំណាក់កាលនៃដំណើរកាលនីមួយៗក្នុងការធ្វើអាជីវកម្មរ៉ែ មានដូចជា ដំណាក់កាលមុនសាងសង់ ដំណាក់កាលសាងសង់គម្រោង ដំណាក់កាលប្រតិបត្តិ និងថែទាំគម្រោង និងដំណាក់កាលបិទគម្រោង។ ហើយរាល់ដំណាក់កាលនីមួយៗ ក្រុមហ៊ុនមានវិធានការកាត់បន្ថយញ្ហាដែលកើតមានឡើងបានត្រឹមត្រូវ។
មូលនិធិសេដ្ឋកិច្ចនិងសង្គម ក្រុមហ៊ុនបានរៀបចំឡើងនូវផែនការអភិវឌ្ឍន៍សហគមន៍មូលដ្ឋាន (ការស្តារព្រៃឈើឡើងវិញ ការជំរុញការចិញ្ចឹមសត្វស្រុក និងសត្វត្រី ការជួសជុលផ្លូវលំ ផ្តល់សេវាកម្មបច្ចេកទេសផ្នែកដាំដំណាំកៅស៊ូ ដំឡូងមី និងផ្តល់សេវាកម្មផ្នែកទីព្រឹក្យាសម្រាប់ការដាំដុះដំណាំផ្សេងៗ) ដែលជំនួយមូលនិធិសង្គមទាំងនេះនឹងចំណាយថិវិការសរុបចំនួន ៨៩២ ០០០ ដុល្លារអាមេរិក ក្នុងរយៈពេល ១០ឆ្នាំ និងថវិការសម្រាប់ស្តារបរិស្ថានឡើងវិញមានចំនួន ១៨៩ ៧៩៤ ដុល្លារអាមេរិក/ឆ្នាំ។
ឆ្នាំបោះពុម្ភ EIA ២០១១

ឯកសារយោង

[ពង្រាង] របាយការណ៍វាយតម្លៃហេតុប៉ះពាល់បរិស្ថានដំបូង៖ គំរោងអាជីវកម្មរ៉ែដែករបស់ក្រុមហ៊ុន Hoang Anh Ratanakiri Co., LTD
ក្រុមហ៊ុន Hoang Anh Ratanakiri Co., LTD ទទួលបានដីសម្បទានទំហំ២៦០ហិកតា ដែលមានទីតាំងនៅស្រុកបកែវ និងអូរយ៉ាដាវ ខេត្តរតនគិរីដើម្បីធ្វើការអភិវឌ្ឍន៍លើវិស័យធនធានរ៉ែដែក សំរាប់បំពេញតម្រូវការប្រើប្រាស់ដែកក្នុងស្រុកនិងនាំចេញទីផ្សារអន្តរជាតិ។