ទម្រង់សង្ខេបស្តីពីការរៀបចំថវិកា
សិក្ខាសាលាពីចម្ងាយស្តីពី ទម្រង់គំរូផែនការសកម្មភាព និងផែនការថវិកាថ្នាក់ឃុំ និងស្រុកដល់មន្ត្រីរដ្ឋបាលស្រុកអូរជ្រៅ និងស្រុកម៉ាឡៃ
ដោយមានកិច្ចសហការជាមួយអង្គការស្តារកម្ពុជា អង្គការទិន្នន័យអំពីការអភិវឌ្ឍ (អូឌីស៊ី) បានរៀបចំ និងសម្របសម្រួលសិក្ខាសាលាបណ្តុះបណ្តាលមួយស្តីពី ទម្រង់គំរូផែនការសកម្មភាព និងផែនការថវិកាថ្នាក់ឃុំ និងស្រុកដល់មន្ត្រីនៅរដ្ឋបាលស្រុកអូរជ្រៅ និងស្រុកម៉ាឡៃនៅព្រឹកថ្ងៃទី ១២ និង ១៤ ខែកក្កដា ឆ្នាំ២០២១។ សិក្ខាសាលានេះធ្វើឡើងក្រោមគម្រោងមួយរបស់អង្គការ អូឌីស៊ី ដែលមានឈ្មោះថា «ការប្រើប្រាស់ទិន្នន័យបើកទូលាយ ដើម្បីគាំទ្រតម្លាភាពថវិកានៅថ្នាក់ស្រុក» ដែលផ្តល់មូលនិធិដោយ កម្មវិធីរបស់ប្រទេសស៊ុយអែតសម្រាប់វិស័យ ICT នៅក្នុងតំបន់កំពុងអភិវឌ្ឍន៍ (SPIDER) ហើយធ្វើឡើងតាមរយៈវេទិកាអនឡាញ ហ្សូម (Zoom)។ អ្នកជំនាញមកពីនាយកដ្ឋានរដ្ឋបាលស្រុក ឃុំ សង្កាត់នៃក្រសួងមហាផ្ទៃបានធ្វើបទបង្ហាញ និងជាអ្នកបណ្តុះបណ្តាលអំពីគំរូថវិកាថ្មីនេះ។ អ្នកពាក់ព័ន្ធទាំងឡាយមកពីកម្រិតស្រុក ...
