វង្ស ព្រហ្មនា
មន្ត្រីគម្រោងផ្នែកគម្រោងដឹកនាំដោយយុវជន
ព្រហ្មនា ជាមន្ត្រីគម្រោងរបស់អង្គការទិន្នន័យអំពីការអភិវឌ្ឍ (អូឌីស៊ី) ដែលកំពុងធ្វើការនៅក្រោមគម្រោងដឹកនាំដោយយុវជន។ នៅក្នុងគម្រោងនេះ លោកផ្ដល់ការគាំទ្រទៅកាន់អូឌីស៊ីក្នុងការធានាថាយុវជនកម្ពុជាអាចអនុវត្តសកម្មភាពគម្រោងដែលអាចជះឥទ្ធិពលជាវិជ្ជមានដល់សហគមន៍របស់ពួកគេ។ លោកមានបេសសកម្មជាចម្បងមួយ ពោលគឺធ្វើការសហការជាមួយក្រុមការងារពាក់ព័ន្ធរបស់អូឌីស៊ី ដើម្បីពង្រឹងសមត្ថភាពរបស់យុវជនដែលត្រូវបានជ្រើសរើសពីក្រុមងាយរងគ្រោះ បន្ទាប់មកសម្របសម្រួលពួកគេឱ្យអនុវត្តសកម្មភាពគម្រោងរបស់ពួកគេក្រោយពេលដែលយុវជនទាំងអស់នោះទទួលបានជំនាញគ្រប់គ្រាន់ពីកម្មវិធីរបស់អូឌីស៊ី។
ព្រហ្មនា ធ្លាប់ធ្វើការជាជំនួញការគម្រោងនៅមជ្ឈមណ្ឌលសិទ្ធិមនុស្សកម្ពុជាមុនពេលចូលបំពេញការងារជាមួយអូឌីស៊ី។ លោកទទួលបានបរិញ្ញាបត្រផ្នែកទំនាក់ទំនងអន្តរជាតិ និងរដ្ឋបាលសាធារណៈ ដែលជាបរិញ្ញាបត្រពីរផ្សេងគ្នា។ លោកត្រូវបានជ្រើសរើសឱ្យចូលរួមកម្មវិធីអ្នកស្រាវជ្រាវវ័យក្មេងរបស់វេទិកាអនាគត ដែលនៅក្នុងនោះលោកកំពុងធ្វើការស្រាវជ្រាវផ្នែកគោលនយោបាយទៅលើពលរដ្ឋរស់នៅភ្នំពេញដែលបានធ្វើការចំណាកស្រុកមកពីទីជនបទ ឬបណ្ដាខេត្តនានារបស់ប្រទេសកម្ពុជា។ ក្រៅពីប្រធានបទទាក់ទងនឹងចំណាកស្រុក លោកក៏ចាប់អារម្មណ៍ទៅលើសមភាពយេនឌ័រ ការប្រែប្រួលអាកាសធាតុ ការងារសមរម្យ និងកំណើនប្រកបដោយនិរន្តរភាព។
