ក្រុមហ៊ុន ក្រុមហ៊ុន​ សំណាងរ៉ែ ត្បូងថ្ម​ អាហ័រណ នីហ័ណ និង ការអភិវឌ្ឍន៍
ព័ត៌មានក្រុមហ៊ុន ក្រុមហ៊ុន​ សំណាងរ៉ែ ត្បូងថ្ម​ អាហ័រណ នីហ័ណ និង ការអភិវឌ្ឍន៍​ (Samnang Rea Thborng Thmor Import-Export and Development Co., Ltd.) ជាក្រុមហ៊ុនក្នុងស្រុកមួយដែលបានចុះបញ្ជីរការនៅក្រសួងពាណិជ្ជកម្មជាមួយនិងទុនវិនិយោគដំបូងចំនួន​ ១លានដុល្លាអាមេរិក។ ក្រុមហ៊ុននេះមានផែនការបន្ថែមវិនិយោគទុនចំនួន ១៤,៥លានដុល្លាអាមេរិកដើម្បីសាងសង់រោងចក្រសម្អាតរ៉ែមួយដែលមានលទ្ធភាពផលិតកម្ម ៣ពាន់តោនក្នុងមួយខែ ហេដ្ឋារចនាសម្ព័នមូលដ្ឋាន និងការសាងសង់ផ្លូវទៅកាន់តំបន់សម្បទាន។
ដើមទុនចុះបញ្ជីក្រុមហ៊ុន ១.០០០.០០០ ដុល្លារអាមេរិក ១៤.៥០០.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ១៧​ ខែធ្នូ ឆ្នាំ ២០០៧
លេខកូដចុះបញ្ជីក្រុមហ៊ុន ១២៦២ ឧរថ.ធរ.អប
ឈ្មោះប្រធានក្រុមហ៊ុន ព័ត៌មានពុំអាចរកបាន
លំនៅឋានអចិន្ត្រៃយ៍របស់ប្រធានក្រុមហ៊ុន កម្ពុជា
អាសយដ្ឋានក្រុមហ៊ុន ព័ត៌មានពុំអាចរកបាន
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមដំបូង
ក្រសួង/ស្ថាប័ន ក្រសួងរ៉ែ និង ថាមពល
ទីតាំង ក្រុមហ៊ុនបានស្នើសុំដីសម្បទានទំហំ ៣៦០០ ហិកតា ស្ថិតក្នុងភូមិសាស្ត្រអូរតាតុត ឃុំថ្មដូនពៅ ឃុំជំនាប់​ ស្រុកថ្មបាំង និង ឃុំជីខលើ​ ស្រុកស្រែអំបិល ខេត្តកោះកុង មានចំងាយប្រមាណជា៨៦គ.ម ពីទីរួមខេត្តកោះកុង
ភូមិ ព័ត៌មានពុំអាចរកបាន
ឃុំ ថ្មដូនពៅ, ជំនាប់ និង​ ជីខលើ
ស្រុក ថ្មបាំង និង ស្រែអំបិល
ខេត្ត កោះកុង
រយៈពេលកិច្ចសន្យា ព័ត៌មានពុំអាចរកបាន
ទំហំជាហិកតា ៣.៦០០ ហិកតា
ប្រភេទសម្បទាន សិក្សាស្រាវជ្រាវ និង​ ធ្វើអាជីវកម្មរ៉ែ
ក្រុមហ៊ុនសិក្សា EIA Green Consultancy Group Co., Ltd.
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ព័ត៌មានពុំអាចរកបាន
បទដ្ឋានគតិយុទ្ធពាក់ព័ន្ធ ច្បាប់ស្ដីពីកិច្ចការពារបរិស្ថាន និងការគ្រប់គ្រងគ្រោះធម្មជាតិ ច្បាប់ស្ដីពីព្រៃឈើ អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាល់បរិស្ថាន អនុក្រឹត្យស្ដីពីការត្រួតពិនិត្យការបំពុលទឹក អនុក្រឹត្យស្ដីពីការគ្រប់គ្រងសំណល់រឹង អនុក្រឹត្យស្ដីពីការត្រួតពិនិត្យការបំពុលខ្យល់ និងការរំខានដោយសំលេង អនុក្រឹត្យស្ដីពីដីសម្បទានសេដ្ឋកិច្ច
ចំណូលនិងចំណាយក្រុមហ៊ុន គម្រោងអាជីវកម្មនេះចំណាយដើមទុនសរុប ប្រមាណ ៧.៥១០.០០០ដុល្លាអាមេរិក ដែលក្រុមហ៊ុនអាចទទួលបានផលចំណេញប្រមាណ៣.៧៥៦.៤៤៧ដុល្លាអាមេរិក ពីចំណូលពីការលក់រ៉ែក្នុងមួយឆ្នាំ ៧.២០០.០០០ដុល្លាអាមេរិក ដោយទូទាត់ការចំំណាយទៅលើផលិតកម្មក្នុងមួយឆ្នាំប្រមាណ ១.៧៧៦.៥០៥ដុល្លាអាមេរិក ពន្ធលើប្រាក់ចំណេញ៣០%ប្រមាណ១.៦២៧.០៤៨ដុល្លាអាមេរិក​​ និងថវិការអភិវឌ្ឍន៍សហគមន៍ក្នុងមួយឆ្នាំ ៤០.០០០ដុល្លាអាមេរិក។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ព័ត៌មានពុំអាចរកបាន
ចំនួនការងារដែលបានបង្កើត សម្រាប់ការបម្រើអោយការងារអាជីវកម្មរ៉ែនេះ ក្រុមហ៊ុនត្រូវការកម្លាំងពលកម្ម-ជំនាញមួយចំនួន សរុប១៩៤នាក់ រួមមាន៖ ក្រុមជំនាញអាជីវកម្មរ៉ែបច្ចេកទេសបរទេស
​ ក្រុមជំនាញរ៉ែរបស់ក្រសួងឧស្សាហកម្មរ៉ែនិងថាមពល
ក្រុមអ្នកជំនាញភូមិសាស្ដ្រមូលដ្ឋាន
បុគ្គលិកបំរើការងារនៅក្នុងទីតាំងការរដ្ឋាន
កម្មករ អ្នកដាំស្ល​​ និងអ្នកបើករថយន្ដ និង កងសន្តិសុខប្រចាំការក្នុងក្រុមហ៊ុននិងការរដ្ឋាន។
ការចូលរួមជាសាធារណៈ មានការពិគ្រោះយោបល់សាធារណៈលើកដំបូងជាមួយថ្នាក់ដឹកនាំខេត្ត ស្រុក មន្ទីរ/ស្ថាប័ន ឃុំ ភូមិ និង ប្រជាជនសហគមដែលពាក់ព័ន្ធ បានរៀបចំធ្វើឡើងនៅក្នុងដំណើរការរៀបចំរបាយការណ៍ ដើម្បីធ្វើការព្យាករណ៍អំពីផលប៉ះពាល់ និងផ្ដល់នូវអនុសាសន៍ដើម្បីផ្ដល់នូវអនុសាសន៍ដើម្បីផ្ដល់ប្រយោជន៍ជាមូលដ្ឋានក្នុងការសម្រេចចិត្តថាតើគួរគ្រប់គ្រងតាមដានត្រួតពិនិត្យវាយតម្លៃការអនុវត្តន៍គម្រោងរបស់ក្រុមហ៊ុនរ៉ែIlmeniteយ៉ាងដូចម្ដេច។ សមាសភាពដែលបានចូលរួមយោបល់មានៈ អភិបាលរងខេត្តកោះកុង អគ្គលេខាធិការសាលាខេត្ត នាយខុទ្ទកាល័យស្ដីទីសាលាខេត្ត ប្រធានមន្ទីឧស្សាហកម្មរ៉ែ និងថាមពលខេត្តកោះកុង ប្រធានមន្ទីរកសិកម្ម ខេត្តកោះកុង ប្រធានមន្ទីរបរិស្ថានខេត្តកោះកុង នាយខ័ណ្ឌ រដ្ឋបាលព្រៃឈើខេត្តកោះកុង អភិបាលស្រុកស្រែអំបិល អភិបាលស្រុកថ្មបាំង និងអង្គការសង្គមសីុវិល។
ប្រភពដីបម្លែងពី ព្រៃឈើចំនួន៣.២០០ហិកតានឹងត្រូវាបានកាប់បោសសំអាត សម្រាប់ការធ្វើអាជីរកម្មទៅលើរ៉ែ Ilmeniteដែលមានអាយុកាលប្រហែល៦៨ឆ្នាំ ហើយការកាប់សម្អាតដីព្រៃដើម្បីបើករណ្ដៅរ៉ែនេះ នឹងធ្វើជាជំហានៗ ទៅតាមដំណាក់កាលនៃការធ្វើអាជីវកម្ម ពោលគឺប្រមាណតែ៤៧ហិកតាក្នុងមួយឆ្នាំប៉ុណ្ណោះ៕ ក្រោយពេលដែលយករ៉ែនៅតាមឆ្នាំផលិតនីមួយៗអស់ហើយ រណ្ដៅរ៉ែទាំងនោះនឹងត្រូវលប់វិញ រួចហើយធ្វើការដាំដើមឈើឡើងវិញ។
ផែនការគ្រប់គ្រងបរិស្ថាន ការ​កាត់បន្ថយផលប៉ះពាល់ទៅលើបរិស្ថានរបស់គម្រោងអាជីរកម្មរ៉ែនេះ ធ្វើឡើងទៅតាមបញ្ហារដែលត្រូវបានធ្វើការវាយតម្លៃនៃផលប៉ះពាល់។
ផែនការអភិវឌ្ឍ ដោយសារតែមានបញ្ហារផ្លូវមានការលំបាកសម្រាប់ការធ្វើដំណើរចូលទៅក្នុងការរដ្ឋានរ៉ែ ក្រុមហ៊ុននឹងសាងសង់ផ្លូវក្រាលគ្រួសក្រហមមួយខ្សែដែលតភ្ជាប់ពីផ្លូវជាតិ ៤៨ ចូលទៅដល់ក្នុងទីតាំងការរដ្ឋាន ដែលមានចំងាយប្រហែលជា ៦០គីឡូម៉ែត្រ និងឈូសឆាយបើកផ្លូវលំថ្មីមួយខ្សែព័ទ្ធជុំវិញតំបន់សម្បទានរ៉ែ ដើម្បីងាយស្រួលក្នុងការគ្រប់គ្រង និងសម្គាល់ព្រំប្រទល់នៃតបន់សម្បទានរ៉ែរបស់ក្រុមហ៊ុន។
យុទ្ធសាស្ត្រដើម្បីកាត់បន្ថយផលប៉ះពាល់ ការវាយតម្លៃពីហេតុផលប៉ះពាល់បរិស្ថាន និងសង្គមបានសង្កត់ធ្ងន់ទៅលើបញ្ហារមួយចំនួនរួមមាន៖ - ការរំខានលើការប្រើប្រាស់ដី (ដំណាក់កាលស្រាវជ្រាវ​ ការឈូសឆាយផ្លូវទៅរកតំបន់រ៉ែ ការសាងសង់ទីស្នាក់ការ និងការសាងសង់រោងចក្រលាងរ៉ែ ប្រតិបត្តិការជីកយករ៉ែ និងដឹកជញ្ជូនរ៉ែទៅកាន់កន្លែងលាងរ៉ែនិងការចោលកាកសំណល់រ៉ែ-អាចម៍រ៉ែ) - ការបិទរណ្ដៅរ៉ែនិងការដាំដើមឈើឡើងវិញ - សម្លេង - ការបំភាយនូវឧស្ម័នកាបូនិក និងសារធាតុពុលបរិយាកាសផ្សេងៗទៀត - ការបាត់បង់ទីជម្រក និងហេតុប៉ះពាល់លើសត្វព្រៃ - ហេតុប៉ះពាល់លើតំបន់ការពារធម្មជាតិ និងការបាត់បង់ទេសភាពធម្មជាតិ - ហេតុប៉ះពាល់របស់អាកាសធាតុលើប្រតិបត្តិការអាជីវកម្មរ៉ែ - ផលប៉ះពាល់លើសុខភាពការងារ និងផែនការសុវត្ថិភាព - ហេតុប៉ះពាល់លើសេដ្ឋកិច្ចជាតិ - ហេតុប៉ះពាល់ក្នុងតំបន់ - ហេតុប៉ះពាល់បន្សំ - ភាពចាំបាច់នៃការវាយតម្លៃបន្ថែម
មូលនិធិសេដ្ឋកិច្ចនិងសង្គម ថវិការគ្រោងសម្រាប់ការតាមដានពិនិត្យវាយតម្លៃ ពង្រឹងសមត្ថភាពប៉ាន់ស្មានអស់ប្រមាណ ៥៧០.០៨០ដុល្លាក្នុងមួយឆ្នាំដែលក្នុងនោះមាន៖ (១)​ ការអនុវត្តន៍នូវផែនការគ្រប់គ្រងបរិស្ថាន (២)​ តម្រូវាការអំពីការតាមដានពិនិត្យវាយតម្លៃ និង​ (៣) ការពង្រឹងសមត្ថភាព។ រីឯគម្រោងថវិការសម្រាប់ការជួលជុលនិងកែប្រែបរិស្ថាន នៅក្នុងមួយឆ្នាំៗ​ ប្រមាណ៣៥០.០០០ដុល្លា។
ឆ្នាំបោះពុម្ភ EIA ២០១០

ឯកសារយោង

[ពង្រាង] ការវាយតម្លៃហេតុប៉ះពាល់បរិស្ថាន និងសង្គមដំបូង៖ គម្រោងស្រាវជ្រាវ និងការធ្វើអាជីវកម្មរ៉ែ Ilmenite
ក្រុមហ៊ុនសំណាងរ៉ែ ត្បូងថ្ម អាហរ័ណ នីហរ័ណ និងអភិវឌ្ឍ បានធ្វើការសិក្សាហេតុប៉ះពាល់បរិស្ថាន និងសង្គមដំបូង ក្រោមគម្រោងស្រាវជ្រាវ និងការធ្វើអាជីវកម្មរ៉ែ ilmenite ដែលមានគោលបំណង វាយតម្លៃពីស្ថានភាពអេកូឡូស៊ីរបស់រុក្ខជាតិនិងសត្វ គណនាសន្និធិកាបូនធម្មជាតិ និងសិក្សាអំពីសក្ដានុពលនៃតំបន់ទ្រនាប់ និងស្ថានភាពសង្គម របស់ប្រជាជនមូលដ្ឋាន ដើម្បីកំណត់ពីកត្តាដែលជំរុញឱ្យបង្កហេតុប៉ះពាល់អវិជ្ជមាន និងដើម្បីកំណត់ពីវិធានការសមស្របដើម្បីកាត់បន្ថយហានិភ័យទាំងនេះ។