ក្រុមហ៊ុន ស៊ី អ ស៊ី ខេ ២ អភិវឌ្ឍន៍កៅស៊ូ
ព័ត៌មានក្រុមហ៊ុន ក្រុមហ៊ុន ស៊ី អ ស៊ី ខេ ២ អភិវឌ្ឍន៍កៅស៊ូ ជាក្រុមហ៊ុនទទួលខុសត្រូវមានកម្រិតដែលបានចុះបញ្ជីការនៅក្រសួងពាណិជ្ជកម្ម ជាមួយនឹងទុនចុះបញ្ជីការដំបូងចំនួន ២០ លានរៀល ហើយក្រុមហ៊ុនគ្រោងនឹងវិនិយោគនូវទឹកប្រាក់ ៥៩.៦៣៦.៦១៧ ដុល្លារអាមេរិក ដើម្បីចំណាយលើការដាំដុះដំបូង ការសាងសង់សំណង់ស៊ីវិល ចំណាយលើការទិញមធ្យោបាយ ផលិតកម្ម និងចំណាយប្រតិបត្តិការអាជីវកម្មក្នុងដំណាក់កាល ១០ ឆ្នាំដំបូងនៃការអភិវឌ្ឍន៍កសិដ្ឋានដាំដុះ។
ដើមទុនចុះបញ្ជីក្រុមហ៊ុន ២០.០០០.០០០ រៀល (៥៩.៦៣៦.៦១៧ ដុល្លារអាមេរិក)
កាលបរិច្ឆេទចុះបញ្ជីក្រុមហ៊ុន ព័ត៌មានពុំអាចរកបាន
លេខកូដចុះបញ្ជីក្រុមហ៊ុន ព័ត៌មានពុំអាចរកបាន
ឈ្មោះប្រធានក្រុមហ៊ុន លោក Nguyen Duy Linh
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសវៀតណាម
អាសយដ្ឋានក្រុមហ៊ុន ផ្ទះលេខ ៩២ មហាវិថី ព្រះនរោត្ដម សង្កាត់ចតុមុខ ខណ្ឌដូនពេញ​ រាជធានីភ្នំពេញ
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមដំបូង
ក្រសួង/ស្ថាប័ន ក្រសួងបរិស្ថាន
ទីតាំង ក្រុមហ៊ុន ស៊ី​ អេ ស៊ី ខេ ២ អភិវឌ្ឍន៍កៅស៊ូ បានទទួលការប្រទានសិទ្ធិពីរាជរដ្ឋាភិបាលកម្ពុជាក្នុងការអភិវឌ្ឃចំការកៅស៊ូ ដែលគ្របដណ្ដប់លើផ្ទៃដីចំនួន ៧.២៨៩ ហិកតា មានភូមិសាស្រ្តស្ថិតនៅក្នុងឃុំពពក ស្រុកស្ទោង ខេត្តកំពង់ធំ
ភូមិ ព័ត៌មានពុំអាចរកបាន
ឃុំ ឃុំពពក
ស្រុក ស្រុកស្ទោង
ខេត្ត ខេត្តកំពង់ធំ
រយៈពេលកិច្ចសន្យា ៨០ឆ្នាំ
ទំហំផ្ទៃដីរបស់គម្រោង ៧.២៨៩ ហិកតា
វិស័យ កសិឧស្សាហកម្ម
ក្រុមហ៊ុនសិក្សា EIA Green Consultancy Firm (GCF)
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ព័ត៌មានពុំអាចរកបាន
បទដ្ឋានគតិយុទ្ធពាក់ព័ន្ធ ច្បាប់ស្ដីពីកិច្ចការពារបរិស្ថាន និងការគ្រប់គ្រងធនធានធម្មជាតិ ច្បាប់ស្ដីពីព្រៃឈើ អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម អនុក្រឹត្យស្ដីពីការត្រួតពិនិត្យការបំពុលទឹក​ អនុក្រឹត្យស្ដីពីការគ្រប់គ្រងសំណល់រឹង អនុក្រឹត្យស្ដីពីការត្រួតពិនិត្យការបំពុលខ្យល់ និងការរំខានដោយសំលង អនុក្រឹត្យស្ដីពីដីសម្បទានសេដ្ឋកិច្ច ច្បាប់ភូមិបាល និងច្បាប់ការងារ។
ចំណូលនិងចំណាយក្រុមហ៊ុន យោងទៅតាមរបាយការណ៍ចំណូល និងចំណេញ-ខាត ក្រុមហ៊ុននឹងមានរបាយការណ៍ខាតកើតមានឡើងចាប់ពីឆ្នាំទី១ រហូតដល់ឆ្នាំទី៨។ ទឹកប្រាក់ចំនួន ៤.៤៨២.៥៣៤ ដុល្លារអាមេរិក គឺជាការខាតបង់នៅឆ្នាំទី១ ទឹកប្រាក់ចំនួន ៦.៧៦៥.៨៩២ ដុល្លារអាមេរិក ទឹកប្រាក់ខាតនៅឆ្នាំទី២ និងនៅឆ្នាំទី៦ របាយការណ៍ខាតមានការកើនឡើងប្រមាណ ៥.០៨៩.០៥០ ដុល្លារអាមេរិក។ របាយការណ៍ខាតមានការថយចុះជាបន្តបន្ទាប់ នៅឆ្នាំទី ៧-៨ ប្រមាណ ពី ៣.៨៨៧.៦០០ ដុល្លារអាមេរិក នៅឆ្នាំទី៧ មកត្រឹម ១.៨៣២.៤៦៥ ដុល្លារអាមេរិក នៅឆ្នាំទី៨។​ ប្រាក់ចំណេញសុទ្ធ ត្រូវបានប៉ាន់ស្មានថានឹងទទួលបានចាប់ពីឆ្នាំទី៩ ចំនួន ៧១៧.៥៥៩ ដុល្លារអាមេរិក។ នៅឆ្នាំទី១០ ប្រាក់ចំណេញសុទ្ធទទួលបានប្រហែល ៣.៤០៨.៧៧៧ ដុល្លារអាមេរិក ដល់៩.៣០១.៦៣៣ ដុល្លារអាមេរិក នៅឆ្នាំទី២០។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម ព័ត៌មានពុំអាចរកបាន
ចំនួនការងារដែលបានបង្កើត នៅក្នុងគម្រោងនេះ ក្រុមហ៊ុននឹងត្រូវការប្រើប្រាស់បុគ្គលិក កម្មករ អ្នកបចេ្ចកទេស និងអ្នកគ្រប់គ្រងប្រមាណ ៨៦៦ នាក់ នៅឆ្នាំទី១ និងកើនរហូតដល់ ២.៤១៣ នាក់ នៅឆ្នាំទី៣ នៃការអនុវត្តគម្រោងនេះ។ ពីឆ្នាំទី៦ ដល់ឆ្នាំទី១០ ក្រុមហ៊ុនគ្រោងនឹងប្រើប្រាស់កម្លាំងពលកម្មចំនួនពី ១.៩៦៨ ទៅ ២.០២៩ នាក់ សម្រាប់ការធ្វើផលិតកម្ម និងអាជីវកម្មនេះ និង​នៅឆ្នាំទី១៥ កម្លាំងពលកម្មអាចត្រូវការប្រហែល ១.៩៦៨ នាក់។
ការចូលរួមជាសាធារណៈ នៅក្នុងការគម្រោងសិក្សានេះ មានការពិគ្រោះយោបល់សាធារណៈជាមួយថ្នាក់ដឹកនាំខេត្ត ស្រុក ឃុំ ភូមិ និងប្រជាជន សហគមន៍ដែលពាក់ព័ន្ធ និងត្រូវបានរៀបចំធ្វើឡើងនៅក្នុងដំណើរការរៀបចំរបាយការណ៍ដើម្បីធ្វើការព្យាករណ៍អំពីហេតុប៉ះពាល់ និងផ្តល់នូវអនុសាសន៍ជាមូលដ្ឋាន ។ សមាសភាពដែលបានចូលរួមពិគ្រោះយោបល់មាន៖ អភិបាលខេត្តកំពង់ធំ អភិបាលរងខេត្តកំពង់ធំ អនុប្រធានមន្ទីររៀបចំដែនដីនគរូបនីយកម្ម និងសំណង់ខេត្តកំពង់ធំ អនុប្រធានការិយាល័យEIA មន្ទីរបរិស្ថានខេត្តកំពង់ធំ អនុប្រធានមន្ទីរកសិកម្មខេត្តកំពង់ធំ នាយរងខណ្ឌរដ្ឋបាល ព្រៃឈើ ខេត្តកំពង់ធំ អគ្គលេខាធិការរងខេត្តសាលាខេត្ត ជំនួយការអភិបាលខេត្តកំពង់ធំ និងអភិបាលស្រុកស្ទោង។
ប្រភពដីបម្លែងពី នៅក្នុងគម្រោងនេះ ក្រុមហ៊ុនទទួលបានការប្រទានសិទ្ធិក្នុងការវិនិយោគអភិវឌ្ឍន៍លើវិស័យកសិ-ឧស្សាហកម្មដាំ កៅស៊ូ លើផ្ទៃដី ៧.២៨៩ ហិកតា ដែលស្ថិតនៅក្នុងដែនជម្រកសត្វព្រៃបឹងពែរនៃភូមិសាស្ត្រ ស្រុកស្ទោង ខេត្តកំពង់ធំ ដែលក្នុងនោះមាន៖ ៣២០ ហិកតា ជាព្រៃដែលត្រូវរក្សាទុក (តំបន់ទ្រនាប់ដងអូរ) និងដីសម្រាប់អភិវឌ្ឍន៍ចម្ការកៅស៊ូមានចំនួន ៦.៩៦៩ ហិកតា ក្នុងនោះ ៦.៧១០ ហិកតា ជាដីសម្រាប់ដាំដំណាំកៅស៊ូ និង ២៥៩ ហិកតា សម្រាប់រៀបចំប្រព័ន្ធហេដ្ឋារចនាសម្ព័ន្ធទ្រទ្រង់ដល់ដំណើរការផលិតកម្ម ។
ផែនការគ្រប់គ្រងបរិស្ថាន ដោយហេតុតែផលប៉ះពាល់អវិជ្ជមានមានតិចតួចកើតឡើងដោយសកម្មភាពអភិវឌ្ឍ គម្រោងនេះមិនតម្រូវឱ្យមានការចូលរួមពីស្ថាប័ន និងការត្រួតពិនិត្យបរិស្ថានច្រើនប៉ុន្មាននោះទេ។ ក្រៅពីអ្នកសម្របសម្រួលបរិស្ថានរបស់ក្រុមហ៊ុន និងស្ថាប័នជំនាញ (មានក្រសួងបរិស្ថាន និងក្រសួងកសិកម្ម រក្ខាប្រមាញ់ និងនេសាទ) គម្រោងនេះមិនចាំបាច់តម្រូវឱ្យមានស្ថាប័នត្រួតពិនិត្យឯករាជ្យ ដើម្បីត្រួតពិនិត្យការអនុវត្តន៍ទេ។​ ប៉ុន្តែក្រុមហ៊ុនត្រូវមានទំនួលខុសត្រូវស្នូលក្នុងការគ្រប់គ្រងបរិស្ថាន របស់គម្រោង ដោយផ្អែកលើវិធានការណ៍គ្រប់គ្រងបរិស្ថានដូចបានកំណត់នៅក្នុងផែនការគ្រប់គ្រងបរិស្ថាន របស់របាយការណ៍វាយតម្លៃហេតុប៉ះពាល់បរិស្ថាន។
ផែនការអភិវឌ្ឍ ក្រុមហ៊ុនមានផែនការរៀបចំប្រព័ន្ធផ្លូវក្នុងតំបន់វិនិយោគ ដោយសាងសង់ផ្លូវ និងជួលជុលផ្លូវចាស់ៗក្នុងករណីចាំបាច់។ នៅក្នុងដំណើរការនេះ ក្រុមហ៊ុនមានផែនការសាងសង់ប្រព័ន្ធផ្លូវ ៥ ប្រភេទ មានជាអាទិ៍៖ (១) ផ្លូវមេព័ទ្ធតំបន់ដីគម្រោងវិនិយោគចំនួន ១ ខ្សែ ប្រវែង ៣៦ គីឡូម៉ែត្រ និងទទឹង ៨ ម៉ែត្រ (២) ផ្លូវមេក្នុងអនុតំបន់ដីគម្រោងវិនិយោគ ចំនួន ២ ខ្សែ ប្រវែង ១៧ គីឡូម៉ែត្រ និងទទឹង ៨ ម៉ែត្រ (៣) ផ្លូវមេបែងចែកអនុតំបន់ ចំនួន ១ ខ្សែ ប្រវែង ១១ គីឡូម៉ែត្រ និង ទទឹង ៦ ម៉ែត្រ (៤) ផ្លូវមេក្នុងអនុតំបន់ដីគម្រោងវិនិយោគ សរុបចំនួន ១៨ ខ្សែ សាងសង់ពីទិសខាងលិចទៅទិសខាង កើត ចំនួន ៨ ខ្សែ ស្មើនឹង ៧៦ គីឡូម៉ែត្រ និងពីទិសខាងជើងទៅទិសខាងត្បូងចំនួន ១០ ខ្សែស្មើ នឹង ៧១ គីឡូម៉ែត្រ និងមានប្រវែងទទឹងផ្លូវ ៤ ម៉ែត្រ (៥) ផ្លូវឡូត៍មានសរុបចំនួន ១៧ ខ្សែ សាងសង់ពីទិសខាងលិច ទៅទិសខាងកើតចំនួន ៧ខ្សែ ស្មើនឹង ៦៩គីឡូម៉ែត្រ និងពីទិសខាងជើងទៅទិសខាងត្បូងចំនួន ១០ ខ្សែ ស្មើនឹង ៧៣ គីឡូម៉ែត្រ ប្រវែងទទឹង ៤ ម៉ែត្រ ។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនបានរៀបចំវិធានការណ៍នៃការកាត់បន្ថយហេតុប៉ះពាល់បរិស្ថាន ដែលកំណត់នៅក្នុងតារាងវិធានការណ៍សង្ខេបកាត់បន្ថយហេតុប៉ះពាល់នៃរបាយការណ៍នេះ ហើយក្រសួងបរិស្ថាន (នាយកដ្ឋានវាយតម្លៃហេតុប៉ះពាល់បរិស្ថាន) និង​ក្រុមការងារចំរុះរបស់លេខាធិការដ្ឋានបចេ្ចកទេសត្រូវចុះ និងវាយតម្លៃដំណើរប្រតិបត្តិរបស់ក្រុមហ៊ុន។
មូលនិធិសេដ្ឋកិច្ចនិងសង្គម ​ថវិកាសរុបដែលគ្រោងសម្រាប់ប្រើប្រាស់ក្នុងការអនុវត្តផែនការគ្រប់គ្រងបរិស្ថាន នៅក្នុងរយៈពេល ៩ ឆ្នាំនៃការអភិវឌ្ឍមានចំនួនសរុប ៣.០៨១.៥០០ ដុល្លារអាមរិក។ ថវិកានោះត្រូវប្រើសម្រាប់ (១) រៀបចំប្រព័ន្ធហេដ្ឋារចនាសម្ព័ន្ធ (២) គ្រប់គ្រងតំបន់ទ្រនាប់ (៣) ប្រាក់បរិច្ចាគដើម្បីអភិវឌ្ឍន៍សហគមន៍ និងស្តារបរិស្ថាន និង (៤) អនុវត្តន៍កម្មវិធីត្រួតពិនិត្យ និងវាយតម្លៃ ។
ឆ្នាំបោះពុម្ភ EIA ២០១០
បច្ចុប្បន្នភាព មករា ២០២៤

ឯកសារយោង

[ពង្រាង] របាយការណ៍ស្តីពី ការវាយតម្លៃហេតុប៉ះពាល់បរិស្ថានលើគម្រោងវិនិយោគសម្រាប់ការអភិវឌ្ឍន៍ដំណាំកៅស៊ូ និងការកែច្នៃផលិតផល ស្ថិតនៅស្រុកស្ទោង និងស្រុកប្រាសាទបាល្ល័ង ខេត្តកំពង់ធំ
ក្រុមហ៊ុន ស៊ី អ ស៊ី ខេ ២ អភិវឌ្ឍន៍កៅស៊ូ ជាក្រុមហ៊ុនទទួលខុសត្រូវមានកម្រិត ដែលបានចុះបញ្ជីការនៅក្រសួងពាណិជ្ជកម្ម ជាមួយនឹងទុនចុះបញ្ជីការដំបូងចំនួន២០លានរៀល ហើយក្រុមហ៊ុន គ្រោងនឹងវិនិយោគនូវទឹកប្រាក់ ៥៩.៦៣៦.៦១៧.០០​ ដុល្លាអាមេរិក ដើម្បីចំណាយលើការដាំដុះដំបូង-ការសាងសង់សំណង់ស៊ីវិល-ចំណាយលើការទិញមធ្យោបាយ ផលិតកម្ម និងចំណាយប្រតិបត្តិការអាជីវកម្ម ក្នុងដំណាក់កាល១០ឆ្នាំដំបូងនៃការអភិវឌ្ឍន៍កសិដ្ឋានដាំដុះ។