ក្រុមហ៊ុន ក្រុមហ៊ុន អ.ភី.បី អ៊ិនវេសមេន
ព័ត៌មានក្រុមហ៊ុន ក្រុមហ៊ុន អ.ភី.បី អ៊ិនវេសមេន ខូអិលធីឌី គឺជាក្រុមហ៊ុនក្រៅស្រុកដោយធ្លាប់មានបទពិសោធន៍ និងមានឈ្មោះល្អ។ គម្រោងទាំងអស់នេះរៀបចំគូសវាសឡើងស្របតាមស្ដង់ដារជាតិ និងអន្តរជាតិ ក្រោមការត្រួតពិនិត្យបច្ចេកទេសយ៉ាងត្រឹមត្រូវ និងប្រកបដោយគុណភាព។ ក្រុមហ៊ុននេះជាក្រុមហ៊ុនឯកជនទទួលខុស ត្រូវលើការវិនិយោគនៃការអភិវឌ្ឍន៍ដែលមានដើមទុនវិនិយោគជាង ១០.០០៩.០០០ ដុល្លារអាមេរិក ដែលមាន លោក ហ្វីតដូរ៉ូ តាលី ជាប្រធានក្រុមហ៊ុន។
ដើមទុនចុះបញ្ជីក្រុមហ៊ុន ព័ត៌មានពុំអាចរកបាន
កាលបរិច្ឆេទចុះបញ្ជីក្រុមហ៊ុន ព័ត៌មានពុំអាចរកបាន
លេខកូដចុះបញ្ជីក្រុមហ៊ុន ព័ត៌មានពុំអាចរកបាន
ឈ្មោះប្រធានក្រុមហ៊ុន លោក ហ្វីតដូរ៉ូ វីតាលី
លំនៅឋានអចិន្ត្រៃយ៍របស់ប្រធានក្រុមហ៊ុន ប្រទេសរុស្សី
អាសយដ្ឋានក្រុមហ៊ុន ដីឡូត៍លេខ៧ ផ្លូវមិត្តភាពកម្ពុជា-សូវៀត ភូមិលេខ៣ សង្កាត់លេខ៣ ខណ្ឌមិត្តភាព ក្រុងព្រះសីហនុ ប្រទេសកម្ពុជា
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមពេញលេញ
ក្រសួង/ស្ថាប័ន ក្រសួងបរិស្ថាន និង​បណ្តាក្រសួងដែលពាក់ព័ន្ធមួយចំនួន
ទីតាំង តំបន់កោះក្របី
ភូមិ ភូមិអុង
ឃុំ ឃុំរាម
ស្រុក ស្រុកព្រៃនប់
ខេត្ត ខេត្តព្រះសីហនុ
រយៈពេលកិច្ចសន្យា ៩៩ឆ្នាំ
ទំហំផ្ទៃដីរបស់គម្រោង ១០ ហិកតា
វិស័យ ហេដ្ឋារចនាសម្ព័ន្ធ
ក្រុមហ៊ុនសិក្សា EIA គ្រីអេធីវ ហ្រ្គីន ឌីស្សាញ
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ៣២២ ផ្លូវលេខ២៧១Z សង្កាត់ទឺកថ្លា ខណ្ឌឬស្សីកែវ រាជធានីភ្នំពេញ
បទដ្ឋានគតិយុទ្ធពាក់ព័ន្ធ ច្បាប់ស្ដីពីកិច្ចការពារបរិស្ថាន និងការគ្រប់គ្រងធនធានធម្មជាតិ ច្បាប់ស្តីពីព្រៃឈើ ច្បាប់ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា ច្បាប់ស្តីពីជលផល ច្បាប់ភូមិបាល ច្បាប់ការងារ ច្បាប់ស្តីពីការរៀបចំដែនដី នគរូបនីយកម្ម និងសំណង់ ច្បាប់ស្ដីពីទេសចរណ៍ ព្រះរាជក្រឹត្យស្ដីការបង្កើតគណៈកម្មការដោះស្រាយដីធ្លី អនុក្រឹត្យស្ដីពីការរៀបចំ និងការប្រព្រឹត្តទៅរបស់ក្រសួងវប្បធម៌ និងវិចិត្រសិល្បៈ អនុក្រឹត្យស្ដីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម អនុក្រឹត្យស្ដីពីការត្រួតពិនិត្យការបំពុលទឹក អនុក្រឹត្យស្ដីពីការគ្រប់គ្រងសំណល់រឹង អនុក្រឹត្យស្ដីពីការត្រួតពិនិត្យការបំពុលខ្យល់ និងការរំខានដោយសម្លេង អនុក្រឹត្យចំណាត់ថ្នាក់សណ្ឋាគារ និងសេវាកម្មស្នាក់នៅទេសចរណ៍ គោលនយោបាយចតុកោណដំណាក់កាលទី២ របស់រាជរដ្ឋាភិបាល និងសារាចរណ៍ណែនាំស្តីពីការអភិវឌ្ឍន៍តំបន់ឆ្នេរសមុទ្រនៃព្រះរាជាណាចក្រកម្ពុជា
ចំណូលនិងចំណាយក្រុមហ៊ុន ក្រុមហ៊ុនបានចំណាយទុនសរុបប្រមាណជាង ១០.០៤៨.៨៥០ដុល្លារអេមេរិក។ ការចំណាយលើដំណើរការសាងសង់ និងកែប្រែតំបន់កោះក្របីនេះរួមបញ្ចូលទាំង (១) ការចំណាយលើកម្មករសាងសង់ (២) សម្ភារៈសាងសង់ និងគ្រឿងសង្ហារឹមតុបតែងវីឡា និងរមណីយដ្ឋាន (៣) ទិញគ្រឿងចក្រ (៤) ចំណាយលើការសិក្សានិងរៀបចំប្លង់ និង (៥) ចំណាយលើផ្នែករដ្ឋបាល។ តាមការអង្កេតនិងការប៉ាន់ប្រមាណចំណូលដែលទទួលបានពីគម្រោងបញ្ជាក់ថា ប្រភពចំណូលចំនួនពីរសំខាន់ៗដែលគម្រោងវិនិយោគនេះអាចទទួលបានគឺការជួលបន្ទប់សណ្ឋាគារលំដាប់ផ្កាយ៥និងម៉ូតែលប្រណិត និងការផ្តល់សេវាកម្មនានារបស់រមណីយដ្ឋាន លំហែរកាយដូចជា សេវាបោកកគ សេវាម៉ាស្សានិងស្ប៉ា សេវាចំណីអាហារនិងភេសជ្ជៈ សេវាជូនភ្ញៀវទេសចរណ៍ដើរកម្សាន្ត និងសេវាផ្សេងៗទៀត។ល។ បន្ទាប់ពីបញ្ចប់គម្រោងសាងសង់ក្រុមហ៊ុនប្រឹក្សាយោបល់បានធ្វើការព្យាករណ៍ថា រមណីយដ្ឋានលំហែកាយកោះក្របីអាចទាក់ទាញភ្ញៀវទេសចរណ៍ចូលមកស្នាក់នៅជាមធ្យមចាប់ពី ៥០០ បន្ទប់ក្នុងមួយខែ ស្មើនឹង ២២០.០០០ ដុល្លារអាមេរិកក្នុងមួយខែ។
ផលប៉ះពាល់វិជ្ជមានទៅលើសេដ្ឋកិច្ចនិងសង្គម គម្រោងនិងផ្តល់ផលប្រយោជន៍ដល់សង្គមនិងបរិស្ថានដូចជា ចំពោះប្រជាជនទទួលបានការងារធ្វើការលក់ដូរដាច់ជាងមុន កសាងហេដ្ឋារចនាសម្ព័ន្ធ និងចំពោះសង្គមជាតិ រដ្ឋទទួលបានប្រាក់ពីការបង់ពន្ធ ទទួលបានប្រាក់សម្រាប់កិច្ចគាំពាបរិស្ថាន និងសង្គម មានការរីចម្រើនលើវិស័យទេសចរក្នុងស្រុក។
ចំនួនការងារដែលបានបង្កើត នៅក្នុងដំណាក់កាលសាងសង់គម្រោង ក្រុមហ៊ុនត្រូវការកម្មករក្នុងស្រុក (ជនជាតិខ្មែរ) ធ្វើការសរុបចំនួន ៦០០-៧០០ នាក់ និងបុគ្គលិកធ្វើការក្នុងការិយាល័យចំនួន ៣០ នាក់។ ដែលក្នុងនោះមានជនបរទេស ១៥ នាក់ (ជនជាតិរុស្សី) និងនៅក្នុងដំណាក់កាលប្រតិបត្តិគម្រោង ក្រុមហ៊ុនត្រូវការកម្មករក្នុងស្រុក (ជនជាតិខ្មែរ) ធ្វើការសរុបចំនួន ១៣០ នាក់ និងជនបរទេសយ៉ាងតិច ១០នាក់ (ជនជាតិរុស្សី)។
ការចូលរួមជាសាធារណៈ តាមការពិគ្រោះយោបល់ និងការសំភាសន៍ដែលមានការចូលពីសាលាខេត្តព្រះសីហនុ មន្ទីរបរិស្ថានខេត្តព្រះសីហនុ មន្ទីរដែលពាក់ព័ន្ធ អាជ្ញាធរមូលដ្ឋាន និងប្រជាជនបានឱ្យដឹងថា មានការគាំទ្រទាំងស្រុងទៅលើគម្រោង អភិវឌ្ឍន៍រមណីយដ្ឋានកោះក្របីនៅក្នុងតំបន់កោះក្របីនេះ។
ប្រភពដីបម្លែងពី ធ្វើអនុបយោគប្តូរចំណាត់ថ្នាក់ពីទ្រព្យសម្បត្តិសាធារណះរបស់រដ្ឋ ទៅជាទ្រព្យសម្បត្តិឯកជនរបស់រដ្ឋក្នុងតំបន់កោះក្របី។
ផែនការគ្រប់គ្រងបរិស្ថាន ក្រុមហ៊ុននឹងធ្វើរបាយការណ៍ផ្ញើជូនក្រសួងបរិស្ថានរៀងរាល់ ៦ ខែម្តង ដើម្បីចុះពិនិត្យ និងអង្កេតតាមដានសម្រាប់កែលំអក្នុងកិច្ចដំណើរការរបស់គម្រោងស្របតាមពិសោធន៍ និងបច្ចេកទេស និងបញ្ចៀសបាននូវហេតុប៉ះពាល់បរិស្ថានអវិជ្ជមានធ្ងន់ធ្ងរឱ្យដល់កម្រិតអប្បបរមា។ ចំណែកហេតុប៉ះពាល់វិជ្ជមាន ក្រុមហ៊ុននឹងខិតខំធ្វើឱ្យប្រសើរឡើងដល់កម្រិតអតិបរមា។
ផែនការអភិវឌ្ឍ គម្រោងអភិវឌ្ឍន៍ រមណីយដ្ឋានកោះក្របី ត្រូវបែងចែកជា៥គម្រោងសំខាន់ៗរួមមាន - គម្រោងអភិវឌ្ឍន៍តំបន់ទី១សម្រាប់សាងសង់ផ្ទះលំហែកាយធម្មជាតិ ដែលមានផ្ទៃដីសរុប ៧,៥ ហិកតា។ - គម្រោងអភិវឌ្ឍន៍តំបន់ទី២ រួមមាន ភោជនីយដ្ឋានដែលមានបានីយដ្ឋាន អាងហែលទឹករួម ស្ប៉ា/កន្លែងហាត់ប្រាណ បណ្ណាល័យ/កន្លែងសិល្បៈ/កន្លែងសម្ដែងសកម្មភាពផ្សេងៗ សួនផ្កា និង កន្លែងទទួលភ្ញៀវ (ការមកដល់របស់ភ្ញៀវ) ដែលមានផ្ទៃដីសរុប ១ ហិកតា។ - គម្រោងអភិវឌ្ឍន៍តំបន់ទី៣ ត្រូវបានរៀបចំជាផែភ្ញៀវទេសចរ/ផែសម្រាប់ផ្នែកបច្ចេកទេស កន្លែងដាក់សម្ភារៈ/កន្លែងបច្ចេកទេស កន្លែងស្នាក់នៅរបស់បុគ្គលិក និងទីស្នាក់ការប៉ុស្តិ៍ប៉ូលីស ឬសន្ដិសុខដែលមានផ្ទៃដីសរុប ១,៥ ហិកតា។ - គម្រោងអភិវឌ្ឍន៍តំបន់ទី៤ ត្រូវបានរៀបចំជាកន្លែងសម្រាប់ផ្តល់ ព័ត៌មានកំពង់ផែ និងចំណតរថយន្តដែលមានផ្ទៃដីសរុប ១.០០០ម៉ែត្រក្រឡា។ - គម្រោងអភិវឌ្ឍន៍តំបន់ទី៥ នឹងត្រូវរៀបចំជាកន្លែងទទួលសម្ភារៈផ្គត់ផ្គង់ ឃ្លាំងសម្ភារៈ រោងជាងវិស្វកម្ម រោងជាងជួសជុលកាណូត ការិយាល័យផ្នែកធនធានមនុស្ស បន្ទប់បណ្តុះបណ្តាលបុគ្គលិក ការិយាល័យគណនេយ្យ កន្លែងចតឡាន/ម៉ូតូរបស់បុគ្គលិក បន្ទប់ស្តុកឥន្ទនះសម្រាប់កាណូតដែលមានផ្ទៃដីសរុប ៥០០ ម៉ែត្រក្រឡា។
យុទ្ធសាស្ត្រដើម្បីកាត់បន្ថយផលប៉ះពាល់ ក្រុមហ៊ុនមានវិធានការកាត់បន្ថយលើហេតុប៉ះពាល់បរិស្ថានមួយចំនួនដូចជា៖ ធនធានព្រៃឈើ សត្វព្រៃ ការបំពុលខ្យល់ ការរំខានដោយសម្លេង គុណភាពទឹកលើដី និងក្រោមដី សុខភាព និងសុខមាលភាពសាធារណៈ។ ក្រុមហ៊ុនបានចែកចេញជាបីដំណាក់កាលគឺ មុនប្រតិបត្តិគម្រោង កំឡុងពេលប្រតិបត្តិ និងក្រោយបញ្ចប់គម្រោង។
មូលនិធិសេដ្ឋកិច្ចនិងសង្គម មូលនិធិបរិស្ថានពីឆ្នាំទី១ ដល់ទី២០ ទៅលើ៖ ចូលរួមដាំដើមឈើសរុបចំនួន ៥០.០០០ដុល្លារអាមេរិក និងអភិរក្សជីវចម្រុះសរុបចំនួន ៥០.០០០ ដុល្លារអាមេរិក។ មូលនិធីសង្គមពីឆ្នាំទី១ ដល់ទី២០ ទៅលើ៖ បណ្តុះបណ្តាលជំនាញផ្សេងៗចំនួន ៥០.០០០ដុល្លារអាមេរិក និងកសាងហេដ្ឋារចនាសម្ព័ន្ធ ៥០.០០០ ដុល្លារអាមេរិក។
ឆ្នាំបោះពុម្ភ EIA ២០១៥
បច្ចុប្បន្នភាព មេសា ២០២៥

ឯកសារយោង

[ពង្រាង] របាយការណ៍វាយតម្លៃហេតុប៉ះពាល់បរិស្ថាន និង​សង្គមដំបូង លើគំរោងអភិវឌ្ឍន៍ រមណីយដ្ឋានកោះក្របី របស់ក្រុមហ៊ុន អ.ភី.បី អុិនវេសមេន
គោលបំណងជាក់លាក់នៃការសិក្សាការវាយតំលៃហេតុប៉ះពាល់បរិស្ថាន និងសង្គមពេញលេញទៅលើគម្រោងអភិវឌ្ឍន៍រមណីយដ្ឋានកោះក្របី គឺ៖ 1. សិក្សាលើធនធានបរិស្ថានជីវៈសាស្ត្រដែលមានស្រាប់ក្នុងតំបន់ (ធនធានព្រៃឈើ សត្វព្រៃ ធនធានជលផល ផ្កាថ្ម និងជីវៈចំរុះ)។ 2. សិក្សាលើធនធានបរិស្ថានរូបសាស្ត្រក្នុងតំបន់គម្រោង (ទឹក ដី និងលក្ខណៈអាកាសធាតុ)។ 3. សិក្សាលើធនធានបរិស្ថានសង្គម-សេដ្ឋកិច្ចនៅក្បែរតំបន់គម្រោង។ 4. សិក្សាលើគម្រោងប្លង់មេផ្ទះលំហែរកាយ ផែ និងហេដ្ឋារចនាសម្ព័ន្ធផ្សេងៗ។ 5. វិភាគសេដ្ឋកិច្ច និងតំលៃបរិស្ថានរបស់គម្រោងអភិវឌ្ឍន៍។ 6. វិភាគ និងវាយតំលៃចំពោះហេតុប៉ះពាល់ទៅលើធនធានធម្មជាតិ និងសង្គម ដែលបណ្ដាល មកពីសកម្មភាពគម្រោង។ 7. កំណត់វិធានការកាត់បន្ថយហេតុប៉ះពាល់បរិស្ថានអវិជ្ជមាន ឲ្យនៅកម្រិតអប្បបរមា និងស្រប ទៅតាមផែនការគ្រប់គ្រងបរិស្ថានរបស់គម្រោង។