ក្រុមហ៊ុន អាឡិច ខបភើរេសិន​
ព័ត៌មានក្រុមហ៊ុន ក្រុម​ហ៊ុន​ អាឡិច ខបភើរេសិន​ ជា​សហគ្រាសឯកបុគ្គលទទួលខុសមានកម្រិត ត្រូវលើការវិនិយោគនៃការអភិវឌ្ឍដែលមានដើមទុនវិនិយោគជាង ១១៩.១៤៦.០០០ ដុល្លារអាមេរិក។ ក្រុមហ៊ុននេះធ្លាប់មានបទពិសោធន៍កន្លងមកទៅលើការសាងសង់ខ្សែបញ្ជូនអគ្គិសនី និងវារីអគ្គិសនីដើរដោយធ្យូងថ្ម។​ គម្រោងខ្សែបញ្ជូនអគ្គីសនី ២៣០ គីឡូវ៉ុលត្រូវបានស្នើឡើងដើម្បីសាងសង់បង្គោលអគ្គីសនីចំនួន ៤២៦ បង្គោល ដែលមានប្រវែងសរុប ១៩៨ គីឡូម៉ែត្រ និងត្រូវការកម្លំាងពលកម្មទំាងក្នុង និងក្រៅស្រុកដែលតម្រូវការមានរហូតដល់ ៣០០ នាក់ ទៅ ៤០០ នាក់ ក្នុងនោះមាន ១០​ ភាគរយ ជាកម្លាំងពលកម្មជាជនបរទេស។
ដើមទុនចុះបញ្ជីក្រុមហ៊ុន ១១៩.១៤៦.០០០ ដុល្លារអាមេរិក
កាលបរិច្ឆេទចុះបញ្ជីក្រុមហ៊ុន ថ្ងៃទី១៥ ខែមករា ឆ្នាំ២០០៧
លេខកូដចុះបញ្ជីក្រុមហ៊ុន Co. ៩៤៥២/០៧P
ឈ្មោះប្រធានក្រុមហ៊ុន លោក ឡាវ អៀវចុង
លំនៅឋានអចិន្ត្រៃយ៍របស់ប្រធានក្រុមហ៊ុន ព័ត៌មានពុំអាចរកបាន
អាសយដ្ឋានក្រុមហ៊ុន ទីស្នាក់ការនៅជាន់ទី ១៧ Phnom Penh Tower មហាវិថីព្រះមុនីវង្ស សង្កាត់បឹងប្រលឹត ខណ្ឌ៧មករា រាជធានីភ្នំពេញ ទីស្នាក់ការក្រុមហ៊ុនបានចុះបញ្ជីពាណិជ្ជកម្ម៖ ផ្ទះលេខ CE4 ផ្លូវលេខ ២៦៥ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ
ប្រភេទរបាយការណ៍ EIA ការវាយតម្លៃហេតុប៉ះពាល់បរិស្ថាន និងសង្គមដំបូង
ក្រសួង/ស្ថាប័ន ក្រសួងបរិស្ថាន
ទីតាំង តំបន់ដែលក្រុមហ៊ុននឹងធ្វើការអភិវឌ្ឍន៍គម្រោងខ្សែបញ្ជូលអគ្គិសនី តង់ស្យុងខ្ពស់ ២៣០ គីឡូវ៉ុលពីអនុស្ថានីយ៍អគ្គិសនីស្ទឹងហាវ ទៅអនុស្ថានីយ៍ខាងលិចរាជធានីភ្នំពេញ (ស្ទឹងហាវ ខេត្តព្រះសីហនុ-ខាងលិចរាជធានីភ្នំពេញ ) ត្រូវឆ្លងកាត់ខេត្តចំនួនបី​រួមមាន ខេត្តព្រះសីហនុ ខេត្តកោះកុង​ និងខេត្តកំពង់ស្ពឺ។​
ភូមិ ព័ត៌មានពុំអាចរកបាន
ឃុំ ព័ត៌មានពុំអាចរកបាន
ស្រុក ស្រុកកំពង់សិលា ស្រុកស្ទឹងហាវ ស្រុកព្រៃនប់ ស្រុកស្រែអំបិល ស្រុកគងពិសី ស្រុកសំរោងទង និងស្រុកភ្នំស្រួច
ខេត្ត ខេត្តព្រះសីហនុ ខេត្តកោះកុង និងខេត្តកំពង់ស្ពឺ
រយៈពេលកិច្ចសន្យា ៩៩ឆ្នាំ
ទំហំផ្ទៃដីរបស់គម្រោង ព័ត៌មានពុំអាចរកបាន
វិស័យ ហេដ្ឋារចនាសម្ព័ន្ធ
ក្រុមហ៊ុនសិក្សា EIA គ្រីអេធីវ ហ្រ្គីន ឌីស្សាញ
ព័ត៌មានក្រុមហ៊ុនសិក្សា EIA ព័ត៌មានពុំអាចរកបាន
អាសយដ្ឋានក្រុមហ៊ុនសិក្សា EIA ផ្ទះលេខ 322P ផ្លូវ271Z សង្កាត់ទឹកថ្លា ខណ្ឌឬស្សីកែវ រាជធានីភ្នំពេញ លេខទូរស័ព្ទ៖ (855-11) 845 695/ 097 204 6789 អ៊ីម៉ែល៖ saphoeuntous09@yahoo.com/www.CREATIVE09.com
បទដ្ឋានគតិយុទ្ធពាក់ព័ន្ធ ច្បាប់ស្តីពីកិច្ចការពារបរិស្ថាន និងការគ្រប់គ្រងធនធានធម្មជាតិ ច្បាប់ស្តីពីព្រៃឈើ ច្បាប់ស្តីពីអគ្គិសនីនៃព្រះរាជាណាចក្រកម្ពុជា ច្បាប់ភូមិបាល ច្បាប់ការងារ ច្បាប់ស្តីពីការវិនិយោគនៃព្រះរាជាណាចក្រកម្ពុជា ច្បាប់ស្តីពីការគ្រប់គ្រងធនធានទឹកនៅព្រះរាជាណាចក្រកម្ពុជា អនុក្រឹត្យស្តីពីកិច្ចដំណើរការវាយតម្លៃហេតុប៉ះពាល់បរិស្ថាន និងសង្គម អនុក្រឹត្យស្តីពីការត្រួតពិ និត្យការបំពុលទឹក អនុក្រឹត្យស្តីពីការគ្រប់គ្រងសំណល់រឹង និងគោលនយោបាយចតុកោណដំណាក់កាលទី៣ របស់រាជរដ្ឋាភិបាល។
ចំណូលនិងចំណាយក្រុមហ៊ុន ព័ត៌មានពុំអាចរកបាន
ផលប៉ះពាល់វិជ្ជមានទៅលើសេដ្ឋកិច្ចនិងសង្គម វត្តមាននៃការអភិវឌ្ឍគម្រោងនេះអាចផ្តល់មកវិញនូវផលប្រយោជន៍ជាច្រើនដល់ប្រជាជនមូលដ្ឋាន និងប្រទេសជាតទំាងមូលតាមរយៈ៖ - ការបង្កើតឱកាសការងារ និងកាត់បន្ថយភាពខ្វះការងារធ្វើនៅក្នុងតំបន់ និងក្បែរតំបន់គម្រោងអភិវឌ្ឍន៍ និងជួយកាត់បន្ថយការធ្វើចំណាកស្រករបស់ប្រជាជនដែលអាចឈានដល់ការចូលរួមក្នុងការកាត់បន្ថយភាពក្រីក្រ។ - ចូលរួមអភិវឌ្ឍន៍ប្រព័ន្ធហេដ្ឋារចនាសម្ព័ន្ធក្នុងតំបន់មានដូចជា ការពង្រីកបណ្តាញខ្សែបញ្ជូនអគ្គិសនី និងផ្លូវថ្នល់។ - បង្កើនការផ្គត់ផ្គង់អគ្គិសនីដល់ការប្រើប្រាស់ក្នុងគ្រួសារ ក៏ដូចជាការប្រើប្រាស់ក្នុងដំណើរការផលិតកម្មរបស់រោងចក្រសហគ្រាសនានា។ - រួមចំណែកក្នុងការកាត់បន្ថយការកាប់ធនធានព្រៃឈើសម្រាប់ប្រើប្រាស់ក្នុងវិស័យថាមពល។ - រួមចំណែកលើកស្ទួយជីវភាពរបស់ប្រជាជននៅកម្ពុជាមួយកម្រិតទៀតតាមរយ:ការកាត់បន្ថយការចំណាយនៃការប្រើប្រាស់អគ្គិសនីរបស់ពួកគាត់។ - រួមចំណែក បង្កើនចំណូលចូលរដ្ឋតាមរយៈការបង់ពន្ធនានា។ - រួមចំណែកជួយសេដ្ឋកិច្ចរបស់ប្រទេសជាតិតាមរូបភាពផ្សេងៗ។ល។
ចំនួនការងារដែលបានបង្កើត គម្រោងខ្សែបញ្ជូនអគ្គិសនីនេះបានផ្តល់ឱកាសការងារ និងប្រាក់ចំណូល ដោយនៅក្នុងដំណាក់កាលសាងសង់អាចមានប្រជាជនមួយចំនួនត្រូវបានជ្រើសរើសឱ្យធ្វើជាកម្មករសំណង់ទៅតាមកម្រិតមុខជំនាញ និងប្រជាពលរដ្ឋមានភាពងាយស្រួលក្នុងប្រកបមុខរបររកស៊ីព្រោះនៅពេលមានអគ្គិសនីប្រើប្រាស់គ្រប់គ្រាន់ ប្រជា ជនអាចលក់ដូរដល់ពេលយប់អាចធ្វើដំណើរនៅពេលយប់បាន ការលក់ដូររីកចម្រើនជាងមុន។
ការចូលរួមជាសាធារណៈ ការពិគ្រោះយោលបល់ជាសាធារណៈមានការចូលរួមពីដូចតទៅ៖ ខេត្តព្រះសីហនុ៖ ឯកឧត្តម ហេង សំអាន អភិបាលរងខេត្តព្រះសីហនុ ប្រធានការិយាល័យបូកសរុប អនុប្រធានអគ្គិសនី អភិបាលរងស្រុកស្ទឹងហាវ តំណាងក្រុមហ៊ុនអាឡិច ខបភើរេសិន​ ប្រធានការិយាល័យវាយតម្លៃហេតុប៉ះពាល់បរិស្ថាននៃមន្ទីរបរិស្ថាន អភិបាលស្រុកកំពង់សិលា បុគ្គលិកក្រុមហ៊ុន Creative Green Design នាយករងក្រុមហ៊ុន Creative Green Design និងអនុប្រធានការិយាល័យច្បាប់សាលាខេត្ត។ ខេត្តកំពង់ស្ពឺ៖ ឯកឧត្តម វ៉ី សំណាង អភិបាលរងខេត្ត ប្រធានគម្រោងអាឡិច ខបភើរេសិន​ អភិបាលរងស្រុកគងពិសី អនុប្រធានមន្ទីរបរិស្ថាន មន្ត្រីពន្ធដារខេត្តកំពង់ស្ពឺ ប្រធានអគ្គិសនីខេត្ត អភិបាលរងស្រុកភ្នំស្រួច នាយករដ្ឋបាលស្រុកសំរោងទង ប្រធានមន្ទីរបរិស្ថាន នាយកឧទ្យានជាតិគីរីរម្យ អនុប្រធានការិយាល័យរដ្ឋបាលមន្ទីររៀបចំដែនដី នគរូបនីយកម្ម នាយករង Creative Green Design និងបុគ្គលិកក្រុមហ៊ុន Creative Green Design។ ប្រជាជនដែលរងការប៉ះពាល់ក្នុងឆ្នាំ២០១៥ មានប្រមាណ ៨១,៨១ ភាគរយគាំទ្រ។
ប្រភពដីបម្លែងពី ព័ត៌មានពុំអាចរកបាន
ផែនការគ្រប់គ្រងបរិស្ថាន ម្ចាស់គម្រោងនឹងបញ្ជូនរបាយការណ៍ត្រួតពិនិត្យទៅឱ្យក្រសួងបរិស្ថានរៀងរាល់ ៣ ខែម្តង និងអនុវត្តចំនុចសំខាន់ៗដូចខាងក្រោម៖ - ការរៀបចំក្រុមការងាររបស់ក្រុមហ៊ុនទទួលខុសត្រូវសម្រាប់ការអនុវត្តផែនការគ្រប់គ្រងបរិស្ថាន - កំណត់ពេលវេលាធ្វើភារងារឱ្យច្បាស់លាស់ក្នុងកិច្ចការការពារបរិស្ថាន - បំពាក់ឧបករណ៍ការពារសុខភាពគ្រោះថ្នាក់ និងគ្រឿងចក្រទំនើបៗតាមបែបផែនបច្ចេកទេសនៅក្នុងដំណាក់កាលសាងសង់ និងប្រតិបត្តិគម្រោង ដូចជាឧបករណ៍ត្រួតពិនិត្យអគ្គីភ័យ សម្ភារៈការពារគ្រោះថ្នាក់ផ្សេងទៀត។ - ធ្វើការផ្សព្វផ្សាយ ការពារ និងបង្ការជម្ងឺរាតត្បាតផ្សេងៗដែលអាចនឹងកើតមាន និងរៀបចំឱ្យមានផ្ទះសម្រាប់កម្មករស្នាក់នៅឱ្យបានសមរម្យចំពោះកម្មករធ្វើការក្នុងតំបន់គម្រោង។ លើសពីនេះទៀត ក្រុមហ៊ុនត្រូវអប់រំណែនាំវិធីសាស្ត្រការពារសុខភាពអនាម័យ និងសុវត្ថិភាពនៅពេលបំពេញការងារ ណែនាំដល់កម្មករពីសារៈសំខាន់នៃបរិស្ថាន និងវិធីសាស្ត្រក្នុងការថែទាំបរិស្ថានរូបសាស្ត្រ និងបរិស្ថានរស់នៅរបស់កម្មករផ្ទាល់។ - ការគ្រប់គ្រងសំណល់រឹង-រាវ។ - ជម្រុញឱ្យមានការដាំដើមឈើនៅជុំវិញតំបន់គម្រោង។ - សហការជាមួយស្ថាប័នជំនាញក្នុងការត្រួតពិនិត្យការងារសាងសង់-បច្ចេកទេស និងទទួលយកនូវការកែលម្អបច្ចេកទេសណាមួយពីមន្ត្រីជំនាញ។
ផែនការអភិវឌ្ឍ វត្តមានគម្រោងអភិវឌ្ឍន៍សេដ្ឋកិច្ចកម្ពុជាទាំងមូលតាមរយៈការអភិវឌ្ឍលើវិស័យថាមពលអគ្គិសនី និងការពង្រីកការផ្គត់ផ្គង់ថាមពលអគ្គីសនីបន្ថែមទៀតនៅតាមតំបន់ខ្វះខាតថាមពលអគ្គិសនីប្រើប្រាស់។
យុទ្ធសាស្ត្រដើម្បីកាត់បន្ថយផលប៉ះពាល់ ក្នុងដំណាក់កាលសាងសង់គម្រោង សកម្មភាពមួយចំនួននៃការសាងសង់ដូចជាសកម្មភាព ឈូសឆាយដី ការពង្រាបដីស្រទាប់លើ សាងសង់មូលដ្ឋានស្នាក់នៅរបស់កម្មករ ការដឹកជញ្ជូនសម្ភារះជាដើមអាចបង្កហេតុប៉ះពាល់ទៅលើធនធានរូបសាស្ត្រ ធនធានជីវសាស្ត្រ និងធនធានសេដ្ឋកិច សង្គម ដោយបានផលប៉ះពាល់លើផ្នែកទាំងនេះភ្ជាប់មកជាមួយវិធានការកាត់បន្ថយ។
មូលនិធិសេដ្ឋកិច្ចនិងសង្គម គម្រោងខ្សែបញ្ជូនអគ្គិសនីដែលមានតង់ស្យុងខ្ពស់ ២៣០ គីឡូវ៉ុលមានការប៉ះពាល់ប្រជាជនចំនួន ៣ ខេត្ត ៧ ស្រុក ១៩ ឃុំ មានគ្រួសារប្រមាណ ១.៣១៨ គ្រួសារ។ ការសិក្សាចំពោះតម្លៃទូទាត់សំណងគឺមានតម្លៃខុសៗពីតំបន់មួយទៅតំបន់មួយនិងពីភូមិមួយទៅភូមិមួយ។ ក្រុមហ៊ុននឹងមានផែនការដោះស្រាយចំពោះដី និងលំនៅដ្ឋានដែលរងការប៉ះពាល់ទាំងនេះដោយធ្វើការទូទាត់សងទៅតាមតម្លៃជាក់ស្តែង។ យោងតាមលទ្ធផលនៃការទូទាត់សំណង ក្រុមហ៊ុនបានដោះស្រាយជូនដល់ប្រជាជនក្នុងខេត្តកំពង់ស្ពឺប្រមាណ ២២ ភាគរយ ខេត្តព្រះសីហនុចំនួន ១០០ ភាគរយ និងខេត្តកោះកុងចំនួន ១០០ ភាគរយ។
ឆ្នាំបោះពុម្ភ EIA ២០១៦
បច្ចុប្បន្នភាព កញ្ញា ២០២១

ឯកសារយោង

[​ពង្រាង​]​ ការវាយតម្លៃហេតុប៉ះពាល់បរិស្ថាន និងសង្គមដំបូងលើគម្រោងខ្សែបញ្ជូនអគ្គិសនី តង់ស្យុងខ្ពស់ ២៣០គីឡូវ៉ុល ពីអនុស្ថានីយ៍អគ្គិសនីស្ទឹងហាវ ទៅអនុស្ថានីយ៍អគ្គិសនីខាងលិចរាជធានីភ្នំពេញ
ក្រុម​ហ៊ុន​ អាឡិច ខបភើរេសិន​ ជា​សហគ្រាស ឯកបុគ្គល ទទួលខុសមានកម្រិត បានធ្វើការវិនិយោគដែលមានដើមទុន ១១៩.១៤៦.០០០ ដុល្លារ។ ក្រុមហ៊ុននេះធ្លាប់មានបទពិសោធន៍លើការសាងសង់ខ្សែបញ្ជូនអគ្គិសនី និងវារីអគ្គិសនីដើរដោយធ្យូងថ្ម។​ គម្រោងខ្សែបញ្ជូនអគ្គីសនី ២៣០គីឡូវ៉ុលត្រូវបានស្នើឡើង ដើម្បីសាងសង់បង្គោលអគ្គីសនីចំនួន ៤២៦បង្គោល ដែលមានប្រវែងសរុប ១៩៨គីឡូម៉ែត្រ។