ការ​អភិវឌ្ឍ​សង្គម

អ្នកស្រី ទេព វន្នី និងសកម្មជនបឹងកក់ ៣ នាក់ទៀតនឹងត្រូវហៅមកជម្រះនៅខែក្រោយនេះដោយជាប់ចោទពីបទ «ជេរប្រមាថ និងការប្រឆាំងនឹងអ្នករាជការសាធារណៈពាក់ព័ន្ធនឹងការតវ៉ាមួយកាលពីខែវិច្ឆិកាឆ្នាំ ២០១១ នៅមុខសាលាក្រុងភ្នំពេញ។ អ្នកវិភាគថាសំណុំរឿងចាស់លេចឡើងសាជាថ្មីគឺដើម្បីកាត់បន្ថយការតវ៉ារឿង «ថ្ងៃចន្ទពណ៌ខ្មៅ» ការទាមទាររកយុត្តិធម៌ជូនលោកបណ្ឌិត កែម ឡី។ ...

ក្រុមហ៊ុនវិនិយោគ Shukaku បានចុះហត្ថលេខាលើកិច្ចព្រមព្រៀងយោគយល់គ្នា (MoU) ជាមួយនឹងអង្កការដែលផ្តោតសំខាន់ទៅលើការអប់រំ និងការហ្វឹកហាត់ Don Bosco Foundation ដែលកិច្ចព្រមព្រៀងនេះមានតម្លៃ៦៩០០០ដុល្លារ។ ភាគីទាំងសងខាងបានចាត់ទុកការចុះហត្ថលេខានេះថា ជាការចាប់ផ្តើមនៃទំនាក់ទំនងរុងរឿងរយៈពេលយូរអង្វែង។ ក្រោមកិច្ចព្រមព្រៀងនេះ Shukaku នឹងឧបត្ថម្ភអាហារូបករណ៍រយៈពេល២ឆ្នាំ ចំនួន២០អាហារូបករណ៍ សម្រាប់សិស្សរបស់ Don Bosco ក៏ដូចជាសាងសង់បន្ទប់កុំព្យូទ័រថ្មីមួយ។ ...

រដ្ឋាភិបាលនឹងកោះប្រជុំនៅខែនេះដើម្បីចាប់ផ្ដើមដោះស្រាយក្ដីកង្វល់នានាដែលលើកឡើងថា កង្វះការគ្រប់គ្រងលើអាជីវកម្មពពោះជំនួសអាចនាំឱ្យមានការកើនឡើងយ៉ាងគំហុកនូវចំនួនភ្នាក់ងារយកកម្រៃជើងសារលើសេវាពពោះជំនួសដែលធ្វើប្រតិបត្តិការនៅកម្ពុជា និងប្ដីប្រពន្ធបរទេសដែលធ្វើដំណើរមកទីនេះដើម្បីប្រើសេវារបស់ពួកគេ។ លោក ផុន ពុធបុរី អ្នកនាំពាក្យក្រសួងកិច្ចការនារីបានមានប្រសាសន៍ថា ក្រសួងនេះគ្រោងរៀបចំកិច្ចប្រជុំមួយនៅសប្ដាហ៍ក្រោយដើម្បីពិភាក្សាអំពីការពពោះជំនួស និងផលប៉ះពាល់របស់វាមកលើកម្ពុជា និងដើម្បីចាប់ផ្ដើមរៀបចំសេចក្តីលម្អិតស្តីពីការឆ្លើយតបរបស់រដ្ឋាភិបាល។ ...

អាណាព្យាបាលសិស្សសាលាហ្សាម៉ាន់ដែលជាសាលាឯកជនល្បីឈ្មោះមួយបានអំពាវនាវឲ្យរដ្ឋាភិបាលកុំបិទសាលាមួយនេះតាមការស្នើសុំពីរដ្ឋាភិបាលតួកគីព្រោះអាចប៉ះពាល់ដល់អារម្មណ៍ និងការសិក្សារបស់កូនៗពួកគាត់។ កាលពីម្សិលមិញសាលាហ្សាម៉ាន់បានធ្វើសន្និសីទសារព័ត៌មានមួយស្តីពីដំណើរការរបស់សាលាហើយក្នុងឱកាសនោះក្រុមអាណាព្យាបាលដែលមានកូនរៀននៅសាលានេះបានអំពាវនាវឲ្យរដ្ឋាភិបាលកម្ពុជាកុំបិទសាលាតាមការស្នើសុំរបស់ឯកអគ្គរដ្ឋទូតតួកគីប្រចាំកម្ពុជាលោក Lhan Kemal Tug ដែលបានជួបលោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេសកម្ពុជាកាលពីថ្ងៃទី ២២ សីហា ដើម្បីស្នើរាជរដ្ឋាភិបាលបិទសាលាអន្ដរជាតិហ្សាម៉ាន់ដោយចោទប្រកាន់ថាមានជាប់ពាក់ព័ន្ធនឹងករណីរដ្ឋប្រហារនៅតួកគី។ ...

ការសិក្សាថ្មីមួយបានរកឃើញថាស្ត្រីក្រីក្រដែលរស់នៅក្នុងប្រទេសកម្ពុជាទំនងជាប្រើវិធីពន្យារកំណើតដែលមានរយៈពេលវែងច្រើនហើយវិធីទាំងនោះមានដូចជាការដាក់កងក្នុងស្បូន ឬការដាក់កងក្រោមស្បែកជាដើមប្រសិនបើពួកគេទទួលបានជំនួយពីខាងក្រៅ។ ...

ក្រុមមន្ត្រីបានឲ្យដឹងកាលពីម្សិលមិញថា ចំនួនស្ត្រីខ្មែរដែលឥឡូវត្រូវបានគេគិតថា កំពុងជាប់ផុងនៅក្នុងឧស្សាហកម្មផ្លូវភេទនៅក្នុងប្រទេសអារ៉ាប៊ី សាអូឌីត បន្ទាប់ពីត្រូវបានជួញដូរក្នុងឆ្នាំកន្លងមកនេះ បានកើនឡើងដល់ជាង២០នាក់។ ទោះជាយ៉ាងណា រដ្ឋាភិបាលនៅតែមិន និយាយអំពីការខិតខំប្រឹងប្រែងរបស់ខ្លួនដើម្បីសង្គ្រោះស្ត្រីទាំងនេះឡើយកាលពីម្សិលមិញ ខណៈបុរសជនជាតិប៉ាគីស្ថានពីរនាក់ និងស្ត្រីខ្មែរម្នាក់ត្រូវបានសាលាដំបូងរាជធានីភ្នំពេញចោទប្រកាន់ពីបទប៉ុនប៉ងជួញដូរស្ត្រីចំនួន៣នាក់ទៅកាន់ប្រទេសតំបន់មជ្ឈិមបូពា៌មួយនេះ។ ...

នៅពេលឆ្នាំទី៣ នៃការប្រឡងមធ្យមសិក្សាទុតិយភូមិទូទាំងប្រទេសដែលត្រូវបានរឹតបន្តឹងខ្លាំងបានឈានដល់ទីបញ្ចប់កាលពីម្សិលមិញ ក្រសួងអប់រំបានច្រានចោលភ័ស្តុតាងដែលបង្ហាញថា មានការព្យាយាមលួចចម្លងយ៉ាងរាលដាល ហើយបានប្រកាសការប្រឡងនេះថាជាជោគជ័យមួយ។ ...

រដ្ឋមន្រ្តីក្រសួងអប់រំ យុវជន និងកីឡាបានថ្លែងថាការប្រឡងថ្នាក់ទី ១២ មានភាពប្រសើរឡើងជារៀងរាល់ឆ្នាំចាប់តាំងពីកំណែទម្រង់ឆ្នាំ ២០១៤ ខណៈកាលពីម្សិលមិញប៊្រុយយ៉ុង និងឧបករណ៍អេឡិចត្រូនិកដែលសិស្សយកចូលក្នុងមណ្ឌលប្រឡងនៅតែត្រូវចាប់បាន។ ...

សាខាស្រាវជ្រាវរបស់អង្គការខាណាបានអះអាងនៅក្នុងការសិក្សាថ្មីមួយស្តីពីការត្រួតពិនិត្យកម្មវិធីរបរចិញ្ចឹមជីវិតនៃអ្នកផ្ទុកមេរោគអេដស៍ដោយបានរកឃើញថាពួកគាត់ដែលចូលរួមកម្មវិធីបានផ្ដោតការយកចិត្ដទុកដាក់លើផ្នែកសេដ្ឋកិច្ចច្រើនជាងតម្រូវការផ្នែកវេជ្ជសាស្រ្តហើយវាអាចជាគន្លឹះដ៏សំខាន់ក្នុងការធ្វើឱ្យប្រសើរឡើងនូវគុណភាពជីវិតសម្រាប់ប្រជាជនកម្ពុជាដែលបានប៉ាន់ប្រមាណថាមានចំនួន ៧៤ ០០០ នាក់កំពុងរស់នៅជាមួយនឹងមេរោគអេដស៍ប៉ុន្តែអង្គការនេះបារម្ភពីការចុះថយជំនួយខណៈដែលកម្ពុជាក្លាយជាប្រទេសមានចំណូលទាបមធ្យម។ ...

មានអង្គការក្រៅរដ្ឋាភិបាលចំនួន ១២ បានចេញលិខិតចំហមួយទៅកាន់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិដោយបានជំរុញឲ្យស្វែងរកដំណោះស្រាយដ៏ខ្លាំងក្លាមួយទៅលើអ្វីដែលទាក់ទងនឹងការធ្លាក់ចុះដ៏ធ្ងន់ធ្ងរនៃស្ថានភាពសិទ្ធិមនុស្សនៅក្នុងប្រទេសកម្ពុជា។ ...

ក្តីសង្ឃឹមទទួលបានមេដាយមាសអូឡាំពិក ជាលើកដំបូងពុំធ្លាប់មានរបស់កម្ពុជា  បានរលាយបាត់កាលពីយប់ថ្ងៃសៅរ៍ នៅពេលកីឡាការិនីតេក្វាន់ដូ ស៊ន សៀវមីុ បរាជ័យក្រោមថ្វីដៃកីឡាការិនីហូឡង់ រ៉េស្មី អូហ្គីង (Reshmie Oogink)។ ...

ប្រទេសកម្ពុជាត្រូវបានព្យាករថានឹងលែងមានជំងឺគ្រុនចាញ់ត្រឹមឆ្នាំ ២០២៥ ប៉ុន្តែបើសូម្បីបន្ទាប់ពីរយៈពេលនោះក៏ដោយ ក៏ប្រទេសនេះត្រូវបានព្យាករថានឹងមាន «ហានិភ័យខ្ពស់» នៃការបន្តរងការវាយប្រហារពីការឆ្លងជំងឺគ្រុនចាញ់ពីប៉ារ៉ាស៊ីតដែលត្រូវបានរកឃើញនៅក្នុងសត្វស្វាព្រៃដែលអាចចម្លងមកមនុស្សបាន។ នេះបើតាមការសិក្សាស្រាវជ្រាវមួយដែលចេញផ្សាយនាខែនេះ។ ...

នៅក្នុងឆ្នាំដំបូងដែលលោកធ្វើជារដ្ឋមន្ត្រី ក្រសួងអប់រំ យុវជន និងកីឡា លោក  ហង់  ជូន ណារ៉ុន បានប្រញាប់ប្រញាល់ធ្វើកំណែទម្រង់ការប្រឡងទុតិយភូមិថ្នាក់ជាតិ ដោយបានអនុវត្តបទប្បញ្ញត្តិដ៏តឹងរឹុងដើម្បី លុបបំបាត់ការសូកប៉ាន់ និងការលួចចម្លងយ៉ាងរាលដាល និងបានធ្វើឲ្យអត្រាប្រឡងជាប់ធ្លាក់ចុះពាក់កណ្តាលមកនៅត្រឹម៤១ភាគរយ។ ...

បងប្អូនភ្លោះពីរនាក់ដែលទទួលបានសិទ្ធិជ្រកកោនបណ្តោះអាសន្ននៅក្នុងប្រទេសថៃពីអង្គការសហប្រជាជាតិកាលពីខែមុន បាននិយាយកាលពីម្សិលមិញថា ពួកគេមានគម្រោងត្រឡប់មកប្រទេសកម្ពុជាវិញ ដោយលើកឡើងពីបរិយាកាសនយោបាយស្ងប់ស្ងាត់ ហើយចង់បន្តសកម្មភាពបរិស្ថានរបស់ខ្លួនវិញ។ ...

មន្ត្រីជាន់ខ្ពស់នៃក្រសួងរ៉ែនិងថាមពលបានប្រាប់កាសែតខ្មែរថាមស៍ឲ្យដឹងថារាជរដ្ឋាភិបាលកម្ពុជាកំពុងពិភាក្សាជាមួយនឹងភាគីចិនដើម្បីកសាងវិទ្យាស្ថានបណ្តុះបណ្តាលនិងស្រាវជ្រាវលើការរុករករ៉ែ ប្រេងកាត និងឧស្ម័ន នៅតំបន់ផ្នែកខាងលិចនៃប្រទេសកម្ពុជា ដែលជាកិច្ចខិតខំប្រឹងប្រែងដើម្បីកសាងកម្លាំងពលកម្មជំនាញ និងធនធានមនុស្សក្នុងឧស្សាហកម្មនេះ។ លោក ម៉េង ស័ក្តិធារ៉ា រដ្ឋលេខាធិការនៃក្រសួងរ៉ែ និងថាមពល បានឲ្យដឹងថា ក្រសួងបានរៀបចំការអភិវឌ្ឍរយៈពេលវែងនៃវិស័យរ៉ែ ប្រេងកាត និងឧស្ម័ន ដែលជាមូលហេតុក្រសួងបានគ្រោងនឹងសាងសង់សំណង់នៃវិទ្យាស្ថាននេះ សម្រាប់ការធ្វើការស្រាវជ្រាវ និងផ្តល់ជូនការបណ្តុះបណ្តាលដើម្បីឲ្យប្រជាជនមានជំនាញគ្រប់គ្រាន់លើវិស័យនេះកាន់តែច្រើន។ ...

ជនជាតិចាមម៉ូស្លីមមិនត្រូវបានគេរាប់បញ្ជូលទៅក្នុងសង្គមកម្ពុជាយ៉ាងពេញលេញនោះទេ ហើយប្រជាជនកម្ពុជាជាច្រើននៅតែបន្តគិតថា ជនជាតិចាម គឺជាក្រុមអ្នកប្រព្រឹត្តអំពើធ្មប នេះបើយោងតាមរបាយការណ៍មួយស្តីពីសេរីភាពសាសនាដែលចេញផ្សាយកាលពីសប្តាហ៍មុនដោយក្រសួងការបរទេសអាមេរិក។ ...

កាលពីថ្ងៃអង្គារ រដ្ឋាភិបាលអាមេិកបានប្រកាសគម្រោងថ្មីមួយដល់អង្គការចិត្តសាស្ត្រសង្គមអន្តរវប្បធម៌ (TPO) នៅកម្ពុជា ដែលជាអង្គការនាំមុខគេក្នុងការផ្តល់ការថែទាំសុខភាពផ្លូវចិត្ត និងគាំទ្រចិត្តសាស្ត្រសង្កម ជាមួយនឹងថវិកាជំនួយឥតសំណង ៨៩៤,០៥៧ ដុល្លារ ដែលថវិកានេះនឹងជួយដល់ការព្យាបាលសុខភាពផ្លូវចិត្ត និងរបៀបនៃការព្យាបាលសម្រាប់ជួយប្រជាជនកម្ពុជាជាច្រើនអ្នកដែលកំពុងរប៉ះទង្គិចផ្លូវចិត្ត ដោយសារការឆ្លងកាត់របបខ្មែរក្រហម។ ...

កងវិស្វកម្មនៃអង្គភាពកងទ័ពអាមេរិក កំពុងផ្តល់ឧបករណ៍ថ្មីមួយដល់ប្រទេសកម្ពុជាដើម្បីស្វែងយល់ពីការកើនឡើងនៃកង្វះខាតទឹកក្រោមដី។ កាលពីសប្តាហ៍មុន ក្រសួងបរិស្ថាន កងវិស្វកម្មនៃអង្គភាពកងទ័ពអាមេរិក និងក្រុមប្រឹក្សាជាតិអភិវឌ្ឍន៍ដោយចីរភាពបានប្រារព្ធសិក្ខាសាលាបណ្ដុះបណ្ដាលបច្ចេកទេសរយៈពេលបីថ្ងៃស្តីពី «វិធីសាស្ត្រនៃការធ្វើម៉ូដែលទឹកក្រោមដី»។ ...

ប្រព័ន្ធយុត្តិធម៌នៅកម្ពុជាជាញឹកញាប់តែងបរាជ័យក្នុងការជួយគាំទ្រកុមារដែលជាជនរងគ្រោះ និងជាសាក្សីនៃអំពើឧក្រិដ្ឋកម្ម ដែលភាគច្រើននៃពួកគេមានភាពភ័យខ្លាចនឹងការឡើងតុលាការ ដែលធ្វើឱ្យពួកគេមិនអាចនឹងផ្តល់សក្ខីភាព នេះបើតាមប្រសាសន៍អ្នកជំនាញខាងសិទ្ធិកុមារកាលពីម្សិលមិញ។ ...

យោងតាមរបាយការណ៍ថ្មីមួយបានឱ្យដឹងថា កិច្ចខិតខំប្រឹងប្រែងរបស់ធនាអភិវឌ្ឍន៍អាស៊ី (ADB) ដើម្បីស្ដារជីវភាពរស់នៅរបស់គ្រួសារដែលត្រូវបានបណ្ដេញចេញដោយសារគម្រោងជួសជុលផ្លូវដែករបស់ខ្លួនឡើងវិញ នៅតែមិនទាន់សម្រេចតាមការរំពឹងទុក ហើយវិធានបន្ទាន់ត្រូវការជាចាំបាច់ ប្រសិនបើធនាគារនេះអនុវត្តតាមគោលការណ៍សុវត្ថិភាពរបស់ខ្លួន។ ...

នៅក្នុងការព្យាយាមដើម្បីបង្កើនការងារក្នុងចំណោមជនពិការនៅក្នុងប្រទេសកម្ពុជា ដោយក្រសួងសង្គមកិច្ចបានរៀបចំសិក្ខាសាលាមួយកាលពីថ្ងៃពុធ ដើម្បីលើកកម្ពស់ អនុក្រឹត្យដែលមានអាយុកាល ៦ឆ្នាំ ហើយបរាជ័យក្នុងការអនុវត្ត។ ...

នៅក្នុងឱកាសប្រារព្ធទិវាអន្តរជាតិជនជាតិដើមភាគតិចពិភពលើកទី ២២ ជនជាតិដើមភាគតិចនៅក្នុងប្រទេសកម្ពុជាបានស្នើដល់រដ្ឋាភិបាលឲ្យគាំទ្រពួកគាត់លើវិស័យអប់រំដោយធ្វើយ៉ាងណាត្រូវជួយជ្រោមជ្រែងកូនចៅរបស់គាត់ឲ្យអាចរៀនដល់ថ្នាក់ឧត្តមសិក្សាឲ្យបានកាន់តែច្រើន។ ...

គណៈកម្មាធិការសិទ្ធិមនុស្សកម្ពុជាបានស្នើឲ្យគណៈកម្មការសិទ្ធិមនុស្សជាតិថៃលើកទឹកចិត្តឲ្យរដ្ឋាភិបាលថៃឲ្យធ្វើការចុះបញ្ជីកម្មករនេសាទនិងបង្កើតយន្តការមួយដើម្បីត្រួតពិនិត្យបញ្ហាសិទ្ធិមនុស្សក្នុងឧស្សាហកម្មនេសាទ ក្រោយពីទទួល ព័ត៌មានច្បាស់ការស្ដីពីការរំលោភសិទ្ធិមនុស្ស មកលើប្រជាជនកម្ពុជា ដែលជាកម្មករនេសាទ ដូចជាបង្ខំឲ្យធ្វើការ បង្ខំឲ្យប្រើប្រាស់គ្រឿងញៀន ដើម្បីបន្តធ្វើការដោយគ្មានពេលសម្រាក។ ...

រដ្ឋាភិបាលបានកំណត់យកថវិកាបន្ថែម ២ដុល្លារដែលបានមកពីការលក់សំបុត្រឲ្យភ្ញៀវទេសចរអន្តរជាតិចូលទស្សនាប្រាសាទអង្គរវត្តដើម្បីផ្តល់ជូនមន្ទីរពេទ្យគន្ធបុប្ផា ចាប់ខែកុម្ភៈ ឆ្នាំ២០១៧ ខាងមុខនេះ។ យោងតាមលិខិតរបស់ក្រសួងសេដ្ឋកិច្ច និងហិរញ្ញវត្ថុ ដែលបានជម្រាបជូនប្រធានស្ថាបនិកមន្ទីរពេទ្យលោក វេជ្ជបណ្ឌិត បេអាត រិចឆ្នឺរ (Beat Richner) កាលពីម្សិលមិញ បានឲ្យដឹងថា រាជរដ្ឋាភិបាលការសម្រេចផ្តល់ថវិកាបន្ថែមសម្រាប់មូលនិធិគន្ធបុប្ផាដោយយោងតាមចំណាររបស់លោកនាយករដ្ឋមន្ត្រី ហ៊ុន សែន។ ...